Giriraj Chalisa

|| dohā ||
bandahu~ vīṇā vādinī, dhari gaṇapati ko dhyāna|
mahāśakti rādhā, sahita kṛṣṇa karau kalyāṇa|
sumirana kari saba devagaṇa, guru pitu bārambāra|
baranau śrīgirirāja yaśa, nija mati ke anusāra|
|| caupāī ||
jaya ho jaya baṃdita girirājā, braja maṇḍala ke śrī mahārājā|
viṣṇu rūpa tuma ho avatārī, sundaratā pai jaga balihārī|
svarṇa śikhara ati śobhā pāveṃ, sura muni gaṇa daraśana kūṃ āveṃ|
śāṃta kaṃdarā svarga samānā, jahā~ tapasvī dharate dhyānā|
droṇagiri ke tuma yuvarājā, bhaktana ke sādhau hau kājā|
muni pulastya jī ke mana bhāye, jora vinaya kara tuma kūṃ lāye|
munivara saṃgha jaba braja meṃ āye, lakhi brajabhūmi yahā~ ṭhaharāye|
viṣṇu dhāma gauloka suhāvana, yamunā govardhana vṛndāvana|
dekha deva mana meṃ lalacāye, bāsa karana bahuta rūpa banāye|
kou bānara kou mṛga ke rūpā, kou vṛkṣa kou latā svarūpā|
ānanda leṃ goloka dhāma ke, parama upāsaka rūpa nāma ke|
dvāpara aṃta bhaye avatārī, kṛṣṇacandra ānanda murārī|
mahimā tumharī kṛṣṇa bakhānī, pūjā karibe kī mana ṭhānī|
brajavāsī saba ke liye bulāī, govardhana pūjā karavāī|
pūjana kūṃ vyaṃjana banavāye, brajavāsī ghara ghara te lāye|
gvāla bāla mili pūjā kīnī, sahasa bhujā tumane kara līnī|
svayaṃ prakaṭa ho kṛṣṇa pūjā meṃ, māṃga māṃga ke bhojana pāveṃ|
lakhi nara nāri mana haraṣāveṃ, jai jai jai girivara guṇa gāveṃ|
devarāja mana meṃ risiyāe, naṣṭa karana braja megha bulāe|
chāyā kara braja liyau bacāī, ekau būṃda na nīce āī|
sāta divasa bhaī barasā bhārī, thake megha bhārī jala dhārī|
kṛṣṇacandra ne nakha pai dhāre, namo namo braja ke rakhavāre|
kari abhimāna thake surasāī, kṣamā māṃga puni astuti gāī|
trāhi māma maiṃ śaraṇa tihārī, kṣamā karo prabhu cūka hamārī|
bāra bāra binatī ati kīnī, sāta kosa parikammā dīnī|
saṃga surabhi airāvata lāye, hātha jor̤a kara bheṃṭa gahāe|
abhaya dāna pā indra sihāye, kari praṇāma nija loka sidhāye|
jo yaha kathā sunaiṃ cita lāveṃ, anta samaya surapati pada pāvaiṃ|
govardhana hai nāma tihārau, karate bhaktana kau nistārau|
jo nara tumhare darśana pāveṃ, tinake dukha dūra hvai jāve|
kuṇḍana meṃ jo kareṃ ācamana, dhanya dhanya vaha mānava jīvana|
mānasī gaṃgā meṃ jo nahāve, sīdhe svarga loka kūṃ jāveṃ|
dūdha car̤hā jo bhoga lagāveṃ, ādhi vyādhi tehi pāsa na āveṃ|
jala phala tulasī patra car̤hāveṃ, mana vāṃchita phala niścaya pāveṃ|
jo nara deta dūdha kī dhārā, bharau rahe tākau bhaṇḍārā|
kareṃ jāgaraṇa jo nara koī, dukha daridra bhaya tāhi na hoī|
śyāma śilāmaya nija jana trātā, bhakti mukti sarabasa ke dātā|
putrahīna jo tuma kūṃ dhyāveṃ, tākūṃ putra prāpti hvai jāveṃ|
daṇḍautī parikammā karahīṃ, te sahajahiṃ bhavasāgara tarahīṃ|
kali meṃ tuma saka deva na dūjā, sura nara muni saba karate pūjā|
dohā
jo yaha cālīsā par̤hai, sunai śuddha citta lāya|
satya satya yaha satya hai, girivara karai sahāya|
kṣamā karahu~ aparādha mama, trāhi mām girirāja|
śyāma bihārī śaraṇa meṃ, govardhana mahārāja|