Bhagavad Gita — Chapter 1: Arjuna Vishada Yoga

mūla ślokaḥdhṛtarāṣṭra uvācadharmakṣetre kurukṣetre samavetā yuyutsavaḥ|māmakāḥ pāṇḍavāścaiva kimakurvata sañjaya||1.1||
mūla ślokaḥsañjaya uvācadṛṣṭvā tu pāṇḍavānīkaṃ vyūḍhaṃ duryodhanastadā|ācāryamupasaṅgamya rājā vacanamabravīt||1.2||
mūla ślokaḥpaśyaitāṃ pāṇḍuputrāṇāmācārya mahatīṃ camūm|vyūḍhāṃ drupadaputreṇa tava śiṣyeṇa dhīmatā||1.3||
mūla ślokaḥatra śūrā maheṣvāsā bhīmārjunasamā yudhi|yuyudhāno virāṭaśca drupadaśca mahārathaḥ||1.4||
mūla ślokaḥdhṛṣṭaketuścekitānaḥ kāśirājaśca vīryavān|purujitkuntibhojaśca śaibyaśca narapuṅgavaḥ||1.5||
mūla ślokaḥyudhāmanyuśca vikrānta uttamaujāśca vīryavān|saubhadro draupadeyāśca sarva eva mahārathāḥ||1.6||
mūla ślokaḥasmākaṃ tu viśiṣṭā ye tānnibodha dvijottama|nāyakā mama sainyasya saṃjñārthaṃ tānbravīmi te||1.7||
mūla ślokaḥbhavānbhīṣmaśca karṇaśca kṛpaśca samitiñjayaḥ|aśvatthāmā vikarṇaśca saumadattistathaiva ca||1.8||
mūla ślokaḥanye ca bahavaḥ śūrā madarthe tyaktajīvitāḥ|nānāśastrapraharaṇāḥ sarve yuddhaviśāradāḥ||1.9||
mūla ślokaḥaparyāptaṃ tadasmākaṃ balaṃ bhīṣmābhirakṣitam|paryāptaṃ tvidameteṣāṃ balaṃ bhīmābhirakṣitam||1.10||
mūla ślokaḥayaneṣu ca sarveṣu yathābhāgamavasthitāḥ|bhīṣmamevābhirakṣantu bhavantaḥ sarva eva hi||1.11||
mūla ślokaḥtasya saṃjanayanharṣaṃ kuruvṛddhaḥ pitāmahaḥ|siṃhanādaṃ vinadyoccaiḥ śaṅkhaṃ dadhmau pratāpavān||1.12||
mūla ślokaḥtataḥ śaṅkhāśca bheryaśca paṇavānakagomukhāḥ|sahasaivābhyahanyanta sa śabdastumulo'bhavat||1.13||
mūla ślokaḥtataḥ śvetairhayairyukte mahati syandane sthitau|mādhavaḥ pāṇḍavaścaiva divyau śaṅkhau pradadhmatuḥ||1.14||
mūla ślokaḥpāñcajanyaṃ hṛṣīkeśo devadattaṃ dhanaṃjayaḥ|pauṇḍraṃ dadhmau mahāśaṅkhaṃ bhīmakarmā vṛkodaraḥ||1.15||
mūla ślokaḥanantavijayaṃ rājā kuntīputro yudhiṣṭhiraḥ|nakulaḥ sahadevaśca sughoṣamaṇipuṣpakau||1.16||
mūla ślokaḥkāśyaśca parameṣvāsaḥ śikhaṇḍī ca mahārathaḥ|dhṛṣṭadyumno virāṭaśca sātyakiścāparājitaḥ||1.17||
mūla ślokaḥdrupado draupadeyāśca sarvaśaḥ pṛthivīpate|saubhadraśca mahābāhuḥ śaṅkhāndadhmuḥ pṛthakpṛthak||1.18||
mūla ślokaḥsa ghoṣo dhārtarāṣṭrāṇāṃ hṛdayāni vyadārayat|nabhaśca pṛthivīṃ caiva tumulo vyanunādayan||1.19||
mūla ślokaḥatha vyavasthitān dṛṣṭvā dhārtarāṣṭrānkapidhvajaḥ|pravṛtte śastrasaṃpāte dhanurudyamya pāṇḍavaḥ||1.20||
mūla ślokaḥarjuna uvācahṛṣīkeśaṃ tadā vākyamidamāha mahīpate|senayorubhayormadhye rathaṃ sthāpaya me'cyuta||1.21||
mūla ślokaḥyāvadetānnirīkṣe'haṃ yoddhukāmānavasthitān|kairmayā saha yoddhavyamasminraṇasamudyame||1.22||
mūla ślokaḥyotsyamānānavekṣe'haṃ ya ete'tra samāgatāḥ|dhārtarāṣṭrasya durbuddheryuddhe priyacikīrṣavaḥ||1.23||
mūla ślokaḥsaṃjaya uvācaevamukto hṛṣīkeśo guḍākeśena bhārata|senayorubhayormadhye sthāpayitvā rathottamam||1.24||
mūla ślokaḥbhīṣmadroṇapramukhataḥ sarveṣāṃ ca mahīkṣitām|uvāca pārtha paśyaitānsamavetānkurūniti||1.25||
mūla ślokaḥtatrāpaśyatsthitānpārthaḥ pitṛ़natha pitāmahān|ācāryānmātulānbhrātṛ़nputrānpautrānsakhīṃstathā||1.26||
mūla ślokaḥśvaśurānsuhṛdaścaiva senayorubhayorapi|tānsamīkṣya sa kaunteyaḥ sarvānbandhūnavasthitān||1.27||
mūla ślokaḥarjuna uvācakṛpayā parayā''viṣṭo viṣīdannidamabravīt|dṛṣṭvemaṃ svajanaṃ kṛṣṇa yuyutsuṃ samupasthitam||1.28||
mūla ślokaḥsīdanti mama gātrāṇi mukhaṃ ca pariśuṣyati|vepathuśca śarīre me romaharṣaśca jāyate||1.29||
mūla ślokaḥgāṇḍīvaṃ sraṃsate hastāttvakcaiva paridahyate|na ca śaknomyavasthātuṃ bhramatīva ca me manaḥ||1.30||
mūla ślokaḥnimittāni ca paśyāmi viparītāni keśava|na ca śreyo'nupaśyāmi hatvā svajanamāhave||1.31||
mūla ślokaḥna kāṅkṣe vijayaṃ kṛṣṇa na ca rājyaṃ sukhāni ca|kiṃ no rājyena govinda kiṃ bhogairjīvitena vā||1.32||
mūla ślokaḥyeṣāmarthe kāṅkṣitaṃ no rājyaṃ bhogāḥ sukhāni ca|ta ime'vasthitā yuddhe prāṇāṃstyaktvā dhanāni ca||1.33||
mūla ślokaḥācāryāḥ pitaraḥ putrāstathaiva ca pitāmahāḥ|mātulāḥ śvaśurāḥ pautrāḥ śyālāḥ sambandhinastathā||1.34||
mūla ślokaḥetānna hantumicchāmi ghnato'pi madhusūdana|api trailokyarājyasya hetoḥ kiṃ nu mahīkṛte||1.35||
mūla ślokaḥnihatya dhārtarāṣṭrānnaḥ kā prītiḥ syājjanārdana|pāpamevāśrayedasmānhatvaitānātatāyinaḥ||1.36||
mūla ślokaḥtasmānnārhā vayaṃ hantuṃ dhārtarāṣṭrānsvabāndhavān|svajanaṃ hi kathaṃ hatvā sukhinaḥ syāma mādhava||1.37||
mūla ślokaḥyadyapyete na paśyanti lobhopahatacetasaḥ|kulakṣayakṛtaṃ doṣaṃ mitradrohe ca pātakam||1.38||
mūla ślokaḥkathaṃ na jñeyamasmābhiḥ pāpādasmānnivartitum|kulakṣayakṛtaṃ doṣaṃ prapaśyadbhirjanārdana||1.39||
mūla ślokaḥkulakṣaye praṇaśyanti kuladharmāḥ sanātanāḥ|dharme naṣṭe kulaṃ kṛtsnamadharmo'bhibhavatyuta||1.40||
mūla ślokaḥadharmābhibhavātkṛṣṇa praduṣyanti kulastriyaḥ|strīṣu duṣṭāsu vārṣṇeya jāyate varṇasaṅkaraḥ||1.41||
mūla ślokaḥsaṅkaro narakāyaiva kulaghnānāṃ kulasya ca|patanti pitaro hyeṣāṃ luptapiṇḍodakakriyāḥ||1.42||
mūla ślokaḥdoṣairetaiḥ kulaghnānāṃ varṇasaṅkarakārakaiḥ|utsādyante jātidharmāḥ kuladharmāśca śāśvatāḥ||1.43||
mūla ślokaḥutsannakuladharmāṇāṃ manuṣyāṇāṃ janārdana|narake'niyataṃ vāso bhavatītyanuśuśruma||1.44||
mūla ślokaḥaho bata mahatpāpaṃ kartuṃ vyavasitā vayam|yadrājyasukhalobhena hantuṃ svajanamudyatāḥ||1.45||
mūla ślokaḥyadi māmapratīkāramaśastraṃ śastrapāṇayaḥ|dhārtarāṣṭrā raṇe hanyustanme kṣemataraṃ bhavet||1.46||
mūla ślokaḥsañjaya uvācaevamuktvā'rjunaḥ saṃkhye rathopastha upāviśat|visṛjya saśaraṃ cāpaṃ śokasaṃvignamānasaḥ||1.47||