Bhagavad Gita — Chapter 11: Vishvarupa Darshana Yoga

mūla ślokaḥarjuna uvācamadanugrahāya paramaṃ guhyamadhyātmasaṃjñitam|yattvayoktaṃ vacastena moho'yaṃ vigato mama||11.1||
mūla ślokaḥbhavāpyayau hi bhūtānāṃ śrutau vistaraśo mayā|tvattaḥ kamalapatrākṣa māhātmyamapi cāvyayam||11.2||
mūla ślokaḥevametadyathāttha tvamātmānaṃ parameśvara|draṣṭumicchāmi te rūpamaiśvaraṃ puruṣottama||11.3||
mūla ślokaḥmanyase yadi tacchakyaṃ mayā draṣṭumiti prabho|yogeśvara tato me tvaṃ darśayā'tmānamavyayam||11.4||
mūla ślokaḥśrī bhagavānuvācapaśya me pārtha rūpāṇi śataśo'tha sahasraśaḥ|nānāvidhāni divyāni nānāvarṇākṛtīni ca||11.5||
mūla ślokaḥpaśyādityānvasūnrudrānaśivanau marutastathā|bahūnyadṛṣṭapūrvāṇi paśyā'ścaryāṇi bhārata||11.6||
mūla ślokaḥihaikasthaṃ jagatkṛtsnaṃ paśyādya sacarācaram|mama dehe guḍākeśa yaccānyaddraṣṭumicchasi||11.7||
mūla ślokaḥna tu māṃ śakyase draṣṭumanenaiva svacakṣuṣā|divyaṃ dadāmi te cakṣuḥ paśya me yogamaiśvaram||11.8||
mūla ślokaḥsañjaya uvācaevamuktvā tato rājanmahāyogeśvaro hariḥ|darśayāmāsa pārthāya paramaṃ rūpamaiśvaram||11.9||
mūla ślokaḥanekavaktranayanamanekādbhutadarśanam|anekadivyābharaṇaṃ divyānekodyatāyudham||11.10||
mūla ślokaḥdivyamālyāmbaradharaṃ divyagandhānulepanam|sarvāścaryamayaṃ devamanantaṃ viśvatomukham||11.11||
mūla ślokaḥdivi sūryasahasrasya bhavedyugapadutthitā|yadi bhāḥ sadṛśī sā syādbhāsastasya mahātmanaḥ||11.12||
mūla ślokaḥtatraikasthaṃ jagatkṛtsnaṃ pravibhaktamanekadhā|apaśyaddevadevasya śarīre pāṇḍavastadā||11.13||
mūla ślokaḥtataḥ sa vismayāviṣṭo hṛṣṭaromā dhanañjayaḥ|praṇamya śirasā devaṃ kṛtāñjalirabhāṣata||11.14||
mūla ślokaḥarjuna uvācapaśyāmi devāṃstava deva dehesarvāṃstathā bhūtaviśeṣasaṅghān|brahmāṇamīśaṃ kamalāsanasthamṛṣīṃśca sarvānuragāṃśca divyān||11.15||
mūla ślokaḥanekabāhūdaravaktranetraṃpaśyāmi tvāṃ sarvato'nantarūpam|nāntaṃ na madhyaṃ na punastavādiṃpaśyāmi viśveśvara viśvarūpa||11.16||
mūla slokaḥkirīṭinaṃ gadinaṃ cakriṇaṃ catejorāśiṃ sarvatodīptimantam|paśyāmi tvāṃ durnirīkṣyaṃ samantāddīptānalārkadyutimaprameyam||11.17||
mūla ślokaḥtvamakṣaraṃ paramaṃ veditavyaṃtvamasya viśvasya paraṃ nidhānam|tvamavyayaḥ śāśvatadharmagoptāsanātanastvaṃ puruṣo mato me||11.18||
mūla ślokaḥanādimadhyāntamanantavīryamanantabāhuṃ śaśisūryanetram|paśyāmi tvāṃ dīptahutāśavaktramsvatejasā viśvamidaṃ tapantam||11.19||
mūla ślokaḥdyāvāpṛthivyoridamantaraṃ hivyāptaṃ tvayaikena diśaśca sarvāḥ|dṛṣṭvā'dbhutaṃ rūpamugraṃ tavedaṃlokatrayaṃ pravyathitaṃ mahātman||11.20||
mūla ślokaḥamī hi tvāṃ surasaṅghā viśantikecidbhītāḥ prāñjalayo gṛṇanti|svastītyuktvā maharṣisiddhasaṅghāḥstuvanti tvāṃ stutibhiḥ puṣkalābhiḥ||11.21||
mūla ślokaḥrudrādityā vasavo ye ca sādhyāviśve'śivanau marutaścoṣmapāśca|gandharvayakṣāsurasiddhasaṅghāvīkṣante tvāṃ vismitāścaiva sarve||11.22||
mūla ślokaḥrūpaṃ mahatte bahuvaktranetraṃmahābāho bahubāhūrupādam|bahūdaraṃ bahudaṃṣṭrākarālaṃdṛṣṭvā lokāḥ pravyathitāstathā'ham||11.23||
mūla ślokaḥnabhaḥspṛśaṃ dīptamanekavarṇaṃvyāttānanaṃ dīptaviśālanetram|dṛṣṭvā hi tvāṃ pravyathitāntarātmādhṛtiṃ na vindāmi śamaṃ ca viṣṇo||11.24||
mūla ślokaḥdaṃṣṭrākarālāni ca te mukhānidṛṣṭvaiva kālānalasannibhāni|diśo na jāne na labhe ca śarmaprasīda deveśa jagannivāsa||11.25||
mūla ślokaḥamī ca tvāṃ dhṛtarāṣṭrasya putrāḥsarve sahaivāvanipālasaṅghaiḥ|bhīṣmo droṇaḥ sūtaputrastathā'sausahāsmadīyairapi yodhamukhyaiḥ||11.26||
mūla ślokaḥvaktrāṇi te tvaramāṇā viśantidaṃṣṭrākarālāni bhayānakāni|kecidvilagnā daśanāntareṣusaṃdṛśyante cūrṇitairuttamāṅgaiḥ||11.27||
mūla ślokaḥyathā nadīnāṃ bahavo'mbuvegāḥsamudramevābhimukhā dravanti|tathā tavāmī naralokavīrāviśanti vaktrāṇyabhivijvalanti||11.28||
mūla ślokaḥyathā pradīptaṃ jvalanaṃ pataṅgāviśanti nāśāya samṛddhavegāḥ|tathaiva nāśāya viśanti lokāstavāpi vaktrāṇi samṛddhavegāḥ||11.29||
mūla ślokaḥlelihyase grasamānaḥ samantāllokānsamagrānvadanairjvaladbhiḥ|tejobhirāpūrya jagatsamagraṃbhāsastavogrāḥ pratapanti viṣṇo||11.30||
mūla ślokaḥākhyāhi me ko bhavānugrarūponamo'stu te devavara prasīda|vijñātumicchāmi bhavantamādyaṃna hi prajānāmi tava pravṛttim||11.31||
mūla ślokaḥśrī bhagavānuvācakālo'smi lokakṣayakṛtpravṛddholokānsamāhartumiha pravṛttaḥ|ṛte'pi tvāṃ na bhaviṣyanti sarveye'vasthitāḥ pratyanīkeṣu yodhāḥ||11.32||
mūla ślokaḥtasmāttvamuttiṣṭha yaśo labhasvajitvā śatrūn bhuṅkṣva rājyaṃ samṛddham|mayaivaite nihatāḥ pūrvamevanimittamātraṃ bhava savyasācin||11.33||
mūla ślokaḥdroṇaṃ ca bhīṣmaṃ ca jayadrathaṃ cakarṇaṃ tathā'nyānapi yodhavīrān|mayā hatāṃstvaṃ jahi mā vyathiṣṭhāyudhyasva jetāsi raṇe sapatnān||11.34||
mūla ślokaḥsañjaya uvācaetacchrutvā vacanaṃ keśavasyakṛtāñjalirvepamānaḥ kirīṭī|namaskṛtvā bhūya evāha kṛṣṇaṃsagadgadaṃ bhītabhītaḥ praṇamya||11.35||
mūla ślokaḥarjuna uvācasthāne hṛṣīkeśa tava prakīrtyājagat prahṛṣyatyanurajyate ca|rakṣāṃsi bhītāni diśo dravantisarve namasyanti ca siddhasaṅghāḥ||11.36||
mūla ślokaḥkasmācca te na nameranmahātmangarīyase brahmaṇo'pyādikartre|ananta deveśa jagannivāsatvamakṣaraṃ sadasattatparaṃ yat||11.37||
mūla ślokaḥtvamādidevaḥ puruṣaḥ purāṇastvamasya viśvasya paraṃ nidhānam|vettāsi vedyaṃ ca paraṃ ca dhāmatvayā tataṃ viśvamanantarūpa||11.38||
mūla ślokaḥvāyuryamo'gnirvaruṇaḥ śaśāṅkaḥprajāpatistvaṃ prapitāmahaśca|namo namaste'stu sahasrakṛtvaḥpunaśca bhūyo'pi namo namaste||11.39||
mūla ślokaḥnamaḥ purastādatha pṛṣṭhatastenamo'stu te sarvata eva sarva|anantavīryāmitavikramastvaṃsarvaṃ samāpnoṣi tato'si sarvaḥ||11.40||
mūla ślokaḥsakheti matvā prasabhaṃ yaduktaṃhe kṛṣṇa he yādava he sakheti|ajānatā mahimānaṃ tavedaṃmayā pramādātpraṇayena vāpi||11.41||
mūla ślokaḥyaccāvahāsārthamasatkṛto'sivihāraśayyāsanabhojaneṣu|eko'thavāpyacyuta tatsamakṣaṃtatkṣāmaye tvāmahamaprameyam||11.42||
mūla ślokaḥpitāsi lokasya carācarasyatvamasya pūjyaśca gururgarīyān|na tvatsamo'styabhyadhikaḥ kuto'nyolokatraye'pyapratimaprabhāva||11.43||
mūla ślokaḥtasmātpraṇamya praṇidhāya kāyaṃprasādaye tvāmahamīśamīḍyam|piteva putrasya sakheva sakhyuḥpriyaḥ priyāyārhasi deva soḍhum||11.44||
mūla ślokaḥadṛṣṭapūrvaṃ hṛṣito'smi dṛṣṭvābhayena ca pravyathitaṃ mano me|tadeva me darśaya deva rūpaṃprasīda deveśa jagannivāsa||11.45||
mūla ślokaḥkirīṭinaṃ gadinaṃ cakrahastamicchāmi tvāṃ draṣṭumahaṃ tathaiva|tenaiva rūpeṇa caturbhujenasahasrabāho bhava viśvamūrte||11.46||
mūla ślokaḥśrī bhagavānuvācamayā prasannena tavārjunedaṃrūpaṃ paraṃ darśitamātmayogāt|tejomayaṃ viśvamanantamādyaṃyanme tvadanyena na dṛṣṭapūrvam||11.47||
mūla ślokaḥna vedayajñādhyayanairna dānairna ca kriyābhirna tapobhirugraiḥ|evaṃrūpaḥ śakya ahaṃ nṛlokedraṣṭuṃ tvadanyena kurupravīra||11.48||
mūla ślokaḥmā te vyathā mā ca vimūḍhabhāvodṛṣṭvā rūpaṃ ghoramīdṛṅmamedam|vyapetabhīḥ prītamanāḥ punastvaṃtadeva me rūpamidaṃ prapaśya||11.49||
mūla ślokaḥsañjaya uvācaityarjunaṃ vāsudevastathoktvāsvakaṃ rūpaṃ darśayāmāsa bhūyaḥ|āśvāsayāmāsa ca bhītamenaṃbhūtvā punaḥ saumyavapurmahātmā||11.50||
mūla ślokaḥarjuna uvācadṛṣṭvedaṃ mānuṣaṃ rūpaṃ tavasaumyaṃ janārdana|idānīmasmi saṃvṛttaḥ sacetāḥ prakṛtiṃ gataḥ||11.51||
mūla ślokaḥśrī bhagavānuvācasudurdarśamidaṃ rūpaṃ dṛṣṭavānasi yanmama|devā apyasya rūpasya nityaṃ darśanakāṅkṣiṇaḥ||11.52||
mūla ślokaḥnāhaṃ vedairna tapasā na dānena na cejyayā|śakya evaṃvidho draṣṭuṃ dṛṣṭavānasi māṃ yathā||11.53||
mūla ślokaḥbhaktyā tvananyayā śakya ahamevaṃvidho'rjuna|jñātuṃ dṛṣṭuṃ ca tattvena praveṣṭuṃ ca paraṃtapa||11.54||
mūla ślokaḥmatkarmakṛnmatparamo madbhaktaḥ saṅgavarjitaḥ|nirvairaḥ sarvabhūteṣu yaḥ sa māmeti pāṇḍava||11.55||