Bhagavad Gita — Chapter 13: Kshetra Kshetrajna Vibhaga Yoga

mūla ślokaḥarjuna uvācaprakṛtiṃ puruṣaṃ caiva kṣetraṃ kṣetrajñameva ca|etadveditumicchāmi jñānaṃ jñeyaṃ ca keśava||13.1||
mūla ślokaḥśrī bhagavānuvācaidaṃ śarīraṃ kaunteya kṣetramityabhidhīyate|etadyo vetti taṃ prāhuḥ kṣetrajña iti tadvidaḥ||13.2||
mūla ślokaḥkṣetrajñaṃ cāpi māṃ viddhi sarvakṣetreṣu bhārata|kṣetrakṣetrajñayorjñānaṃ yattajjñānaṃ mataṃ mama||13.3||
mūla ślokaḥtatkṣetraṃ yacca yādṛk ca yadvikāri yataśca yat|sa ca yo yatprabhāvaśca tatsamāsena me śrṛṇu||13.4||
mūla ślokaḥṛṣibhirbahudhā gītaṃ chandobhirvividhaiḥ pṛthak|brahmasūtrapadaiścaiva hetumadbhirviniśicataiḥ||13.5||
mūla ślokaḥmahābhūtānyahaṅkāro buddhiravyaktameva ca|indriyāṇi daśaikaṃ ca pañca cendriyagocarāḥ||13.6||
mūla ślokaḥicchā dveṣaḥ sukhaṃ duḥkhaṃ saṅghātaścetanādhṛtiḥ|etatkṣetraṃ samāsena savikāramudāhṛtam||13.7||
mūla ślokaḥamānitvamadambhitvamahiṃsā kṣāntirārjavam|ācāryopāsanaṃ śaucaṃ sthairyamātmavinigrahaḥ||13.8||
mūla ślokaḥindriyārtheṣu vairāgyamanahaṅkāra eva ca|janmamṛtyujarāvyādhiduḥkhadoṣānudarśanam||13.9||
mūla ślokaḥasakitaranabhiṣvaṅgaḥ putradāragṛhādiṣu|nityaṃ ca samacittatvamiṣṭāniṣṭopapattiṣu||13.10||
mūla ślokaḥmayi cānanyayogena bhakitaravyabhicāriṇī|viviktadeśasevitvamaratirjanasaṃsadi||13.11||
mūla ślokaḥadhyātmajñānanityatvaṃ tattvajñānārthadarśanam|etajjñānamiti proktamajñānaṃ yadatonyathā||13.12||
mūla ślokaḥjñeyaṃ yattatpravakṣyāmi yajjñātvā'mṛtamaśnute|anādimatparaṃ brahma na sattannāsaducyate||13.13||
mūla ślokaḥsarvataḥ pāṇipādaṃ tatsarvato'kṣiśiromukham|sarvataḥ śrutimalloke sarvamāvṛtya tiṣṭhati||13.14||
mūla ślokaḥsarvendriyaguṇābhāsaṃ sarvendriyavivarjitam|asaktaṃ sarvabhṛccaiva nirguṇaṃ guṇabhoktṛ ca||13.15||
mūla ślokaḥbahirantaśca bhūtānāmacaraṃ carameva ca|sūkṣmatvāttadavijñeyaṃ dūrasthaṃ cāntike ca tat||13.16||
mūla ślokaḥavibhaktaṃ ca bhūteṣu vibhaktamiva ca sthitam|bhūtabhartṛ ca tajjñeyaṃ grasiṣṇu prabhaviṣṇu ca||13.17||
mūla ślokaḥjyotiṣāmapi tajjyotistamasaḥ paramucyate|jñānaṃ jñeyaṃ jñānagamyaṃ hṛdi sarvasya viṣṭhitam||13.18||
mūla ślokaḥiti kṣetraṃ tathā jñānaṃ jñeyaṃ coktaṃ samāsataḥ|madbhakta etadvijñāya madbhāvāyopapadyate||13.19||
mūla ślokaḥprakṛtiṃ puruṣaṃ caiva viddhyanādī ubhāvapi|vikārāṃśca guṇāṃścaiva viddhi prakṛtisaṃbhavān||13.20||
mūla ślokaḥkāryakāraṇakartṛtve hetuḥ prakṛtirucyate|puruṣaḥ sukhaduḥkhānāṃ bhoktṛtve heturucyate||13.21||
mūla ślokaḥpuruṣaḥ prakṛtistho hi bhuṅkte prakṛtijānguṇān|kāraṇaṃ guṇasaṅgo'sya sadasadyonijanmasu||13.22||
mūla ślokaḥupadraṣṭā'numantā ca bhartā bhoktā maheśvaraḥ|paramātmeti cāpyukto dehe'sminpuruṣaḥ paraḥ||13.23||
mūla ślokaḥya evaṃ vetti puruṣaṃ prakṛtiṃ ca guṇaiḥ saha|sarvathā vartamāno'pi na sa bhūyo'bhijāyate||13.24||
mūla ślokaḥdhyānenātmani paśyanti kecidātmānamātmanā|anye sāṃkhyena yogena karmayogena cāpare||13.25||
mūla ślokaḥanye tvevamajānantaḥ śrutvā'nyebhya upāsate|te'pi cātitarantyeva mṛtyuṃ śrutiparāyaṇāḥ||13.26||
mūla ślokaḥyāvatsañjāyate kiñcitsattvaṃ sthāvarajaṅgamam|kṣetrakṣetrajñasaṃyogāttadviddhi bharatarṣabha||13.27||
mūla ślokaḥsamaṃ sarveṣu bhūteṣu tiṣṭhantaṃ parameśvaram|vinaśyatsvavinaśyantaṃ yaḥ paśyati sa paśyati||13.28||
mūla ślokaḥsamaṃ paśyanhi sarvatra samavasthitamīśvaram|na hinastyātmanā''tmānaṃ tato yāti parāṃ gatim||13.29||
mūla ślokaḥprakṛtyaiva ca karmāṇi kriyamāṇāni sarvaśaḥ|yaḥ paśyati tathā''tmānamakartāraṃ sa paśyati||13.30||
mūla ślokaḥyadā bhūtapṛthagbhāvamekasthamanupaśyati|tata eva ca vistāraṃ brahma sampadyate tadā||13.31||
mūla ślokaḥanāditvānnirguṇatvātparamātmāyamavyayaḥ|śarīrastho'pi kaunteya na karoti na lipyate||13.32||
mūla ślokaḥyathā sarvagataṃ saukṣmyādākāśaṃ nopalipyate|sarvatrāvasthito dehe tathā''tmā nopalipyate||13.33||
mūla ślokaḥyathā prakāśayatyekaḥ kṛtsnaṃ lokamimaṃ raviḥ|kṣetraṃ kṣetrī tathā kṛtsnaṃ prakāśayati bhārata||13.34||
mūla ślokaḥkṣetrakṣetrajñayorevamantaraṃ jñānacakṣuṣā|bhūtaprakṛtimokṣaṃ ca ye viduryānti te param||13.35||