English interface

Bhagavad Gita — Chapter 14: Gunatraya Vibhaga Yoga

Text in Roman script

Devotional text

mūla ślokaḥśrī bhagavānuvācaparaṃ bhūyaḥ pravakṣyāmi jñānānāṃ jñānamuttamam|yajjñātvā munayaḥ sarve parāṃ siddhimito gatāḥ||14.1||
mūla ślokaḥidaṃ jñānamupāśritya mama sādharmyamāgatāḥ|sarge'pi nopajāyante pralaye na vyathanti ca||14.2||
mūla ślokaḥmama yonirmahadbrahma tasmin garbhaṃ dadhāmyaham|saṃbhavaḥ sarvabhūtānāṃ tato bhavati bhārata||14.3||
mūla ślokaḥsarvayoniṣu kaunteya mūrtayaḥ sambhavanti yāḥ|tāsāṃ brahma mahadyonirahaṃ bījapradaḥ pitā||14.4||
mūla ślokaḥsattvaṃ rajastama iti guṇāḥ prakṛtisaṃbhavāḥ|nibadhnanti mahābāho dehe dehinamavyayam||14.5||
mūla ślokaḥtatra sattvaṃ nirmalatvātprakāśakamanāmayam|sukhasaṅgena badhnāti jñānasaṅgena cānagha||14.6||
mūla ślokaḥrajo rāgātmakaṃ viddhi tṛṣṇāsaṅgasamudbhavam|tannibadhnāti kaunteya karmasaṅgena dehinam||14.7||
mūla ślokaḥtamastvajñānajaṃ viddhi mohanaṃ sarvadehinām|pramādālasyanidrābhistannibadhnāti bhārata||14.8||
mūla ślokaḥsattvaṃ sukhe sañjayati rajaḥ karmaṇi bhārata|jñānamāvṛtya tu tamaḥ pramāde sañjayatyuta||14.9||
mūla ślokaḥrajastamaścābhibhūya sattvaṃ bhavati bhārata|rajaḥ sattvaṃ tamaścaiva tamaḥ sattvaṃ rajastathā||14.10||
mūla ślokaḥsarvadvāreṣu dehe'sminprakāśa upajāyate|jñānaṃ yadā tadā vidyādvivṛddhaṃ sattvamityuta||14.11||
mūla ślokaḥlobhaḥ pravṛttirārambhaḥ karmaṇāmaśamaḥ spṛhā|rajasyetāni jāyante vivṛddhe bharatarṣabha||14.12||
mūla ślokaḥaprakāśo'pravṛttiśca pramādo moha eva ca|tamasyetāni jāyante vivṛddhe kurunandana||14.13||
mūla ślokaḥyadā sattve pravṛddhe tu pralayaṃ yāti dehabhṛt|tadottamavidāṃ lokānamalānpratipadyate||14.14||
mūla ślokaḥrajasi pralayaṃ gatvā karmasaṅgiṣu jāyate|tathā pralīnastamasi mūḍhayoniṣu jāyate||14.15||
mūla ślokaḥkarmaṇaḥ sukṛtasyāhuḥ sāttvikaṃ nirmalaṃ phalam|rajasastu phalaṃ duḥkhamajñānaṃ tamasaḥ phalam||14.16||
mūla ślokaḥsattvātsañjāyate jñānaṃ rajaso lobha eva ca|pramādamohau tamaso bhavato'jñānameva ca||14.17||
mūla ślokaḥūrdhvaṃ gacchanti sattvasthā madhye tiṣṭhanti rājasāḥ|jaghanyaguṇavṛttisthā adho gacchanti tāmasāḥ||14.18||
mūla ślokaḥnānyaṃ guṇebhyaḥ kartāraṃ yadā draṣṭānupaśyati|guṇebhyaśca paraṃ vetti madbhāvaṃ so'dhigacchati||14.19||
mūla ślokaḥguṇānetānatītya trīndehī dehasamudbhavān|janmamṛtyujarāduḥkhairvimukto'mṛtamaśnute||14.20||
mūla ślokaḥarjuna uvācakairliṃgaistrīnguṇānetānatīto bhavati prabho|kimācāraḥ kathaṃ caitāṃstrīnguṇānativartate||14.21||
mūla ślokaḥśrī bhagavānuvācaprakāśaṃ ca pravṛttiṃ ca mohameva ca pāṇḍava|na dveṣṭi sampravṛttāni na nivṛttāni kāṅkṣati||14.22||
mūla ślokaḥudāsīnavadāsīno guṇairyo na vicālyate|guṇā vartanta ityeva yo'vatiṣṭhati neṅgate||14.23||
mūla ślokaḥsamaduḥkhasukhaḥ svasthaḥ samaloṣṭāśmakāñcanaḥ|tulyapriyāpriyo dhīrastulyanindātmasaṃstutiḥ||14.24||
mūla ślokaḥmānāpamānayostulyastulyo mitrāripakṣayoḥ|sarvārambhaparityāgī guṇātītaḥ sa ucyate||14.25||
mūla ślokaḥmāṃ ca yo'vyabhicāreṇa bhakitayogena sevate|sa guṇānsamatītyaitān brahmabhūyāya kalpate||14.26||
mūla ślokaḥbrahmaṇo hi pratiṣṭhā'hamamṛtasyāvyayasya ca|śāśvatasya ca dharmasya sukhasyaikāntikasya ca||14.27||

About this parayana — Vishnu

Devotional recitation is one of the simplest and most powerful practices in the Hindu tradition. Regular chanting calms the mind, purifies the atmosphere of the home, and deepens one’s connection with the deity. These sacred compositions have been sung by devotees for generations and are suitable for daily practice, during morning or evening puja, or on special festival days.

How to chant

Sit comfortably facing your home altar or a clean, quiet space. Light a lamp or incense if you wish. Begin with a short prayer to Ganesha, then recite the text slowly and clearly, focusing on the meaning rather than speed. Consistency matters more than duration — even five minutes of daily chanting brings visible peace of mind.

ekadashidaily-pujavaishnavasanskritparayanadevotionalgitabhagavad-gitascripture