Bhagavad Gita — Chapter 18: Moksha Sanyasa Yoga

mūla ślokaḥarjuna uvācasaṃnyāsasya mahābāho tattvamicchāmi veditum|tyāgasya ca hṛṣīkeśa pṛthakkeśiniṣūdana||18.1||
mūla ślokaḥśrī bhagavānuvācakāmyānāṃ karmaṇāṃ nyāsaṃ saṃnyāsaṃ kavayo viduḥ|sarvakarmaphalatyāgaṃ prāhustyāgaṃ vicakṣaṇāḥ||18.2||
mūla ślokaḥtyājyaṃ doṣavadityeke karma prāhurmanīṣiṇaḥ|yajñadānatapaḥkarma na tyājyamiti cāpare||18.3||
mūla ślokaḥniścayaṃ śrṛṇu me tatra tyāge bharatasattama|tyāgo hi puruṣavyāghra trividhaḥ saṃprakīrtitaḥ||18.4||
mūla ślokaḥyajñadānatapaḥkarma na tyājyaṃ kāryameva tat|yajño dānaṃ tapaścaiva pāvanāni manīṣiṇām||18.5||
mūla ślokaḥetānyapi tu karmāṇi saṅgaṃ tyaktvā phalāni ca|kartavyānīti me pārtha niśicataṃ matamuttamam||18.6||
mūla ślokaḥniyatasya tu saṃnyāsaḥ karmaṇo nopapadyate|mohāttasya parityāgastāmasaḥ parikīrtitaḥ||18.7||
mūla ślokaḥduḥkhamityeva yatkarma kāyakleśabhayāttyajet|sa kṛtvā rājasaṃ tyāgaṃ naiva tyāgaphalaṃ labhet||18.8||
mūla ślokaḥkāryamityeva yatkarma niyataṃ kriyate'rjuna|saṅgaṃ tyaktvā phalaṃ caiva sa tyāgaḥ sāttviko mataḥ||18.9||
mūla ślokaḥna dveṣṭyakuśalaṃ karma kuśale nānuṣajjate|tyāgī sattvasamāviṣṭo medhāvī chinnasaṃśayaḥ||18.10||
mūla ślokaḥna hi dehabhṛtā śakyaṃ tyaktuṃ karmāṇyaśeṣataḥ|yastu karmaphalatyāgī sa tyāgītyabhidhīyate||18.11||
mūla ślokaḥaniṣṭamiṣṭaṃ miśraṃ ca trividhaṃ karmaṇaḥ phalam|bhavatyatyāgināṃ pretya na tu saṃnyāsināṃ kvacit||18.12||
mūla ślokaḥpañcaitāni mahābāho kāraṇāni nibodha me|sāṃkhye kṛtānte proktāni siddhaye sarvakarmaṇām||18.13||
mūla ślokaḥadhiṣṭhānaṃ tathā kartā karaṇaṃ ca pṛthagvidham|vividhāśca pṛthakceṣṭā daivaṃ caivātra pañcamam||18.14||
mūla ślokaḥśarīravāṅmanobhiryatkarma prārabhate naraḥ|nyāyyaṃ vā viparītaṃ vā pañcaite tasya hetavaḥ||18.15||
mūla ślokaḥtatraivaṃ sati kartāramātmānaṃ kevalaṃ tu yaḥ|paśyatyakṛtabuddhitvānna sa paśyati durmatiḥ||18.16||
mūla ślokaḥyasya nāhaṃkṛto bhāvo buddhiryasya na lipyate|hatvāpi sa imā~llokānna hanti na nibadhyate||18.17||
mūla ślokaḥjñānaṃ jñeyaṃ parijñātā trividhā karmacodanā|karaṇaṃ karma karteti trividhaḥ karmasaṃgrahaḥ||18.18||
mūla ślokaḥjñānaṃ karma ca kartā ca tridhaiva guṇabhedataḥ|procyate guṇasaṃkhyāne yathāvacchṛṇu tānyapi||18.19||
mūla ślokaḥsarvabhūteṣu yenaikaṃ bhāvamavyayamīkṣate|avibhaktaṃ vibhakteṣu tajjñānaṃ viddhi sāttvikam||18.20||
mūla ślokaḥpṛthaktvena tu yajjñānaṃ nānābhāvānpṛthagvidhān|vetti sarveṣu bhūteṣu tajjñānaṃ viddhi rājasam||18.21||
mūla ślokaḥyattu kṛtsnavadekasminkārye saktamahaitukam|atattvārthavadalpaṃ ca tattāmasamudāhṛtam||18.22||
mūla ślokaḥniyataṃ saṅgarahitamarāgadveṣataḥ kṛtam|aphalaprepsunā karma yattatsāttvikamucyate||18.23||
mūla ślokaḥyattu kāmepsunā karma sāhaṅkāreṇa vā punaḥ|kriyate bahulāyāsaṃ tadrājasamudāhṛtam||18.24||
mūla ślokaḥanubandhaṃ kṣayaṃ hiṃsāmanapekṣya ca pauruṣam|mohādārabhyate karma yattattāmasamucyate||18.25||
mūla ślokaḥmuktasaṅgo'nahaṃvādī dhṛtyutsāhasamanvitaḥ|siddhyasiddhyornirvikāraḥ kartā sāttvika ucyate||18.26||
mūla ślokaḥrāgī karmaphalaprepsurlubdho hiṃsātmako'śuciḥ|harṣaśokānvitaḥ kartā rājasaḥ parikīrtitaḥ||18.27||
mūla ślokaḥayuktaḥ prākṛtaḥ stabdhaḥ śaṭho naiṣkṛtiko'lasaḥ|viṣādī dīrghasūtrī ca kartā tāmasa ucyate||18.28||
mūla ślokaḥbuddherbhedaṃ dhṛteścaiva guṇatastrividhaṃ śrṛṇu|procyamānamaśeṣeṇa pṛthaktvena dhanañjaya||18.29||
mūla ślokaḥpravṛttiṃ ca nivṛttiṃ ca kāryākārye bhayābhaye|bandhaṃ mokṣaṃ ca yā vetti buddhiḥ sā pārtha sāttvikī||18.30||
mūla ślokaḥyayā dharmamadharmaṃ ca kāryaṃ cākāryameva ca|ayathāvatprajānāti buddhiḥ sā pārtha rājasī||18.31||
mūla ślokaḥadharmaṃ dharmamiti yā manyate tamasā''vṛtā|sarvārthānviparītāṃśca buddhiḥ sā pārtha tāmasī||18.32||
mūla ślokaḥdhṛtyā yayā dhārayate manaḥprāṇendriyakriyāḥ|yogenāvyabhicāriṇyā dhṛtiḥ sā pārtha sāttvikī||18.33||
mūla ślokaḥyayā tu dharmakāmārthān dhṛtyā dhārayate'rjuna|prasaṅgena phalākāṅkṣī dhṛtiḥ sā pārtha rājasī||18.34||
mūla ślokaḥyayā svapnaṃ bhayaṃ śokaṃ viṣādaṃ madameva ca|na vimuñcati durmedhā dhṛtiḥ sā pārtha tāmasī||18.35||
mūla ślokaḥsukhaṃ tvidānīṃ trividhaṃ śrṛṇu me bharatarṣabha|abhyāsādramate yatra duḥkhāntaṃ ca nigacchati||18.36||
mūla ślokaḥyattadagre viṣamiva pariṇāme'mṛtopamam|tatsukhaṃ sāttvikaṃ proktamātmabuddhiprasādajam||18.37||
mūla ślokaḥviṣayendriyasaṃyogādyattadagre'mṛtopamam|pariṇāme viṣamiva tatsukhaṃ rājasaṃ smṛtam||18.38||
mūla ślokaḥyadagre cānubandhe ca sukhaṃ mohanamātmanaḥ|nidrālasyapramādotthaṃ tattāmasamudāhṛtam||18.39||
mūla ślokaḥna tadasti pṛthivyāṃ vā divi deveṣu vā punaḥ|sattvaṃ prakṛtijairmuktaṃ yadebhiḥ syātitrabhirguṇaiḥ||18.40||
mūla ślokaḥbrāhmaṇakṣatriyaviśāṃ śūdrāṇāṃ ca paraṃtapa|karmāṇi pravibhaktāni svabhāvaprabhavairguṇaiḥ||18.41||
mūla ślokaḥśamo damastapaḥ śaucaṃ kṣāntirārjavameva ca|jñānaṃ vijñānamāstikyaṃ brahmakarma svabhāvajam||18.42||
mūla ślokaḥśauryaṃ tejo dhṛtirdākṣyaṃ yuddhe cāpyapalāyanam|dānamīśvarabhāvaśca kṣātraṃ karma svabhāvajam||18.43||
mūla ślokaḥkṛṣigaurakṣyavāṇijyaṃ vaiśyakarma svabhāvajam|paricaryātmakaṃ karma śūdrasyāpi svabhāvajam||18.44||
mūla ślokaḥsve sve karmaṇyabhirataḥ saṃsiddhiṃ labhate naraḥ|svakarmanirataḥ siddhiṃ yathā vindati tacchṛṇu||18.45||
mūla ślokaḥyataḥ pravṛttirbhūtānāṃ yena sarvamidaṃ tatam|svakarmaṇā tamabhyarcya siddhiṃ vindati mānavaḥ||18.46||
mūla ślokaḥśreyānsvadharmo viguṇaḥ paradharmātsvanuṣṭhitāt|svabhāvaniyataṃ karma kurvannāpnoti kilbiṣam||18.47||
mūla ślokaḥsahajaṃ karma kaunteya sadoṣamapi na tyajet|sarvārambhā hi doṣeṇa dhūmenāgnirivāvṛtāḥ||18.48||
mūla ślokaḥasaktabuddhiḥ sarvatra jitātmā vigataspṛhaḥ|naiṣkarmyasiddhiṃ paramāṃ saṃnyāsenādhigacchati||18.49||
mūla ślokaḥsiddhiṃ prāpto yathā brahma tathāpnoti nibodha me|samāsenaiva kaunteya niṣṭhā jñānasya yā parā||18.50||
mūla ślokaḥbuddhyā viśuddhayā yukto dhṛtyā''tmānaṃ niyamya ca|śabdādīn viṣayāṃstyaktvā rāgadveṣau vyudasya ca||18.51||
mūla ślokaḥviviktasevī laghvāśī yatavākkāyamānasaḥ|dhyānayogaparo nityaṃ vairāgyaṃ samupāśritaḥ||18.52||
mūla ślokaḥahaṅkāraṃ balaṃ darpaṃ kāmaṃ krodhaṃ parigraham|vimucya nirmamaḥ śānto brahmabhūyāya kalpate||18.53||
mūla ślokaḥbrahmabhūtaḥ prasannātmā na śocati na kāṅkṣati|samaḥ sarveṣu bhūteṣu madbhaktiṃ labhate parām||18.54||
mūla ślokaḥbhaktyā māmabhijānāti yāvānyaścāsmi tattvataḥ|tato māṃ tattvato jñātvā viśate tadanantaram||18.55||
mūla ślokaḥsarvakarmāṇyapi sadā kurvāṇo madvyapāśrayaḥ|matprasādādavāpnoti śāśvataṃ padamavyayam||18.56||
mūla ślokaḥcetasā sarvakarmāṇi mayi saṃnyasya matparaḥ|buddhiyogamupāśritya maccittaḥ satataṃ bhava||18.57||
mūla ślokaḥmaccittaḥ sarvadurgāṇi matprasādāttariṣyasi|atha cettvamahaṅkārānna śroṣyasi vinaṅkṣyasi||18.58||
mūla ślokaḥyadahaṅkāramāśritya na yotsya iti manyase|mithyaiṣa vyavasāyaste prakṛtistvāṃ niyokṣyati||18.59||
mūla ślokaḥsvabhāvajena kaunteya nibaddhaḥ svena karmaṇā|kartuṃ necchasi yanmohātkariṣyasyavaśo'pi tat||18.60||
mūla ślokaḥīśvaraḥ sarvabhūtānāṃ hṛddeśe'rjuna tiṣṭhati|bhrāmayansarvabhūtāni yantrārūḍhāni māyayā||18.61||
mūla ślokaḥtameva śaraṇaṃ gaccha sarvabhāvena bhārata|tatprasādātparāṃ śāntiṃ sthānaṃ prāpsyasi śāśvatam||18.62||
mūla ślokaḥiti te jñānamākhyātaṃ guhyādguhyataraṃ mayā|vimṛśyaitadaśeṣeṇa yathecchasi tathā kuru||18.63||
mūla ślokaḥsarvaguhyatamaṃ bhūyaḥ śrṛṇu me paramaṃ vacaḥ|iṣṭo'si me dṛḍhamiti tato vakṣyāmi te hitam||18.64||
mūla ślokaḥmanmanā bhava madbhakto madyājī māṃ namaskuru|māmevaiṣyasi satyaṃ te pratijāne priyo'si me||18.65||
mūla ślokaḥsarvadharmānparityajya māmekaṃ śaraṇaṃ vraja|ahaṃ tvā sarvapāpebhyo mokṣayiṣyāmi mā śucaḥ||18.66||
mūla ślokaḥidaṃ te nātapaskāya nābhaktāya kadācana|na cāśuśrūṣave vācyaṃ na ca māṃ yo'bhyasūyati||18.67||
mūla ślokaḥya imaṃ paramaṃ guhyaṃ madbhakteṣvabhidhāsyati|bhakitaṃ mayi parāṃ kṛtvā māmevaiṣyatyasaṃśayaḥ||18.68||
mūla ślokaḥna ca tasmānmanuṣyeṣu kaśicanme priyakṛttamaḥ|bhavitā na ca me tasmādanyaḥ priyataro bhuvi||18.69||
mūla ślokaḥadhyeṣyate ca ya imaṃ dharmyaṃ saṃvādamāvayoḥ|jñānayajñena tenāhamiṣṭaḥ syāmiti me matiḥ||18.70||
mūla ślokaḥśraddhāvānanasūyaśca śrṛṇuyādapi yo naraḥ|so'pi muktaḥ śubhā~llokānprāpnuyātpuṇyakarmaṇām||18.71||
mūla ślokaḥkaccidetacchrutaṃ pārtha tvayaikāgreṇa cetasā|kaccidajñānasaṃmohaḥ pranaṣṭaste dhanañjaya||18.72||
mūla ślokaḥarjuna uvācanaṣṭo mohaḥ smṛtirlabdhā tvatprasādānmayācyuta|sthito'smi gatasandehaḥ kariṣye vacanaṃ tava||18.73||
mūla ślokaḥsañjaya uvācaityahaṃ vāsudevasya pārthasya ca mahātmanaḥ|saṃvādamimamaśrauṣamadbhutaṃ romaharṣaṇam||18.74||
mūla ślokaḥvyāsaprasādācchrutavānetadguhyamahaṃ param|yogaṃ yogeśvarātkṛṣṇātsākṣātkathayataḥ svayam||18.75||
mūla ślokaḥrājansaṃsmṛtya saṃsmṛtya saṃvādamimamadbhutam|keśavārjunayoḥ puṇyaṃ hṛṣyāmi ca muhurmuhuḥ||18.76||
mūla ślokaḥtacca saṃsmṛtya saṃsmṛtya rūpamatyadbhutaṃ hareḥ|vismayo me mahān rājan hṛṣyāmi ca punaḥ punaḥ||18.77||
mūla ślokaḥyatra yogeśvaraḥ kṛṣṇo yatra pārtho dhanurdharaḥ|tatra śrīrvijayo bhūtirdhruvā nītirmatirmama||18.78|