Bhagavad Gita — Chapter 2: Sankhya Yoga

mūla ślokaḥsañjaya uvācataṃ tathā kṛpayā'viṣṭamaśrupūrṇākulekṣaṇam|viṣīdantamidaṃ vākyamuvāca madhusūdanaḥ||2.1||
mūla ślokaḥśrī bhagavānuvācakutastvā kaśmalamidaṃ viṣame samupasthitam|anāryajuṣṭamasvargyamakīrtikaramarjuna||2.2||
mūla ślokaḥklaibyaṃ mā sma gamaḥ pārtha naitattvayyupapadyate|kṣudraṃ hṛdayadaurbalyaṃ tyaktvottiṣṭha parantapa||2.3||
mūla ślokaḥarjuna uvācakathaṃ bhīṣmamahaṃ saṃkhye droṇaṃ ca madhusūdana|iṣubhiḥ pratiyotsyāmi pūjārhāvarisūdana||2.4||
mūla ślokaḥgurūnahatvā hi mahānubhāvānśreyo bhoktuṃ bhaikṣyamapīha loke|hatvārthakāmāṃstu gurūnihaivabhuñjīya bhogān rudhirapradigdhān||2.5||
mūla ślokaḥna caitadvidmaḥ kataranno garīyoyadvā jayema yadi vā no jayeyuḥ|yāneva hatvā na jijīviṣāmaste'vasthitāḥ pramukhe dhārtarāṣṭrāḥ||2.6||
mūla ślokaḥkārpaṇyadoṣopahatasvabhāvaḥpṛcchāmi tvāṃ dharmasaṃmūḍhacetāḥ|yacchreyaḥ syānniśicataṃ brūhi tanmeśiṣyaste'haṃ śādhi māṃ tvāṃ prapannam||2.7||
mūla ślokaḥna hi prapaśyāmi mamāpanudyādyacchokamucchoṣaṇamindriyāṇām|avāpya bhūmāvasapatnamṛddhamrājyaṃ surāṇāmapi cādhipatyam||2.8||
mūla ślokaḥsañjaya uvācaevamuktvā hṛṣīkeśaṃ guḍākeśaḥ parantapa|na yotsya iti govindamuktvā tūṣṇīṃ babhūva ha||2.9||
mūla ślokaḥtamuvāca hṛṣīkeśaḥ prahasanniva bhārata|senayorubhayormadhye viṣīdantamidaṃ vacaḥ||2.10||
mūla ślokaḥśrī bhagavānuvācaaśocyānanvaśocastvaṃ prajñāvādāṃśca bhāṣase|gatāsūnagatāsūṃśca nānuśocanti paṇḍitāḥ||2.11||
mūla ślokaḥna tvevāhaṃ jātu nāsaṃ na tvaṃ neme janādhipāḥ|na caiva na bhaviṣyāmaḥ sarve vayamataḥ param||2.12||
mūla ślokaḥdehino'sminyathā dehe kaumāraṃ yauvanaṃ jarā|tathā dehāntaraprāptirdhīrastatra na muhyati||2.13||
mūla ślokaḥmātrāsparśāstu kaunteya śītoṣṇasukhaduḥkhadāḥ|āgamāpāyino'nityāstāṃstitikṣasva bhārata||2.14||
mūla ślokaḥyaṃ hi na vyathayantyete puruṣaṃ puruṣarṣabha|samaduḥkhasukhaṃ dhīraṃ so'mṛtatvāya kalpate||2.15||
mūla ślokaḥnāsato vidyate bhāvo nābhāvo vidyate sataḥ|ubhayorapi dṛṣṭo'ntastvanayostattvadarśibhiḥ||2.16||
mūla ślokaḥavināśi tu tadviddhi yena sarvamidaṃ tatam|vināśamavyayasyāsya na kaścit kartumarhati||2.17||
mūla ślokaḥantavanta ime dehā nityasyoktāḥ śarīriṇaḥ|anāśino'prameyasya tasmādyudhyasva bhārata||2.18||
mūla ślokaḥya enaṃ vetti hantāraṃ yaścainaṃ manyate hatam|ubhau tau na vijānīto nāyaṃ hanti na hanyate||2.19||
mūla ślokaḥna jāyate mriyate vā kadācinnāyaṃ bhūtvā bhavitā vā na bhūyaḥ|ajo nityaḥ śāśvato'yaṃ purāṇona hanyate hanyamāne śarīre||2.20||
mūla ślokaḥvedāvināśinaṃ nityaṃ ya enamajamavyayam|kathaṃ sa puruṣaḥ pārtha kaṃ ghātayati hanti kam||2.21||
mūla ślokaḥvāsāṃsi jīrṇāni yathā vihāyanavāni gṛhṇāti naro'parāṇi|tathā śarīrāṇi vihāya jīrṇā-nyanyāni saṃyāti navāni dehī||2.22||
mūla ślokaḥnainaṃ chindanti śastrāṇi nainaṃ dahati pāvakaḥ|na cainaṃ kledayantyāpo na śoṣayati mārutaḥ||2.23||
mūla ślokaḥacchedyo'yamadāhyo'yamakledyo'śoṣya eva ca|nityaḥ sarvagataḥ sthāṇuracalo'yaṃ sanātanaḥ||2.24||
mūla ślokaḥavyakto'yamacintyo'yamavikāryo'yamucyate|tasmādevaṃ viditvainaṃ nānuśocitumarhasi||2.25||
mūla ślokaḥatha cainaṃ nityajātaṃ nityaṃ vā manyase mṛtam|tathāpi tvaṃ mahābāho naivaṃ śocitumarhasi||2.26||
mūla ślokaḥjātasya hi dhruvo mṛtyurdhruvaṃ janma mṛtasya ca|tasmādaparihārye'rthe na tvaṃ śocitumarhasi||2.27||
mūla ślokaḥavyaktādīni bhūtāni vyaktamadhyāni bhārata|avyaktanidhanānyeva tatra kā paridevanā||2.28||
mūla ślokaḥāścaryavatpaśyati kaścidenamāścaryavadvadati tathaiva cānyaḥ|āścaryavaccainamanyaḥ śrṛṇotiśrutvāpyenaṃ veda na caiva kaścit||2.29||
mūla ślokaḥdehī nityamavadhyo'yaṃ dehe sarvasya bhārata|tasmātsarvāṇi bhūtāni na tvaṃ śocitumarhasi||2.30||
mūla ślokaḥsvadharmamapi cāvekṣya na vikampitumarhasi|dharmyāddhi yuddhāchreyo'nyatkṣatriyasya na vidyate||2.31||
mūla ślokaḥyadṛcchayā copapannaṃ svargadvāramapāvṛtam|sukhinaḥ kṣatriyāḥ pārtha labhante yuddhamīdṛśam||2.32||
mūla ślokaḥatha caittvamimaṃ dharmyaṃ saṃgrāmaṃ na kariṣyasi|tataḥ svadharmaṃ kīrtiṃ ca hitvā pāpamavāpsyasi||2.33||
mūla ślokaḥakīrtiṃ cāpi bhūtāni kathayiṣyanti te'vyayām|saṃbhāvitasya cākīrtirmaraṇādatiricyate||2.34||
mūla ślokaḥbhayādraṇāduparataṃ maṃsyante tvāṃ mahārathāḥ|yeṣāṃ ca tvaṃ bahumato bhūtvā yāsyasi lāghavam||2.35||
mūla ślokaḥavācyavādāṃśca bahūn vadiṣyanti tavāhitāḥ|nindantastava sāmarthyaṃ tato duḥkhataraṃ nu kim||2.36||
mūla ślokaḥhato vā prāpsyasi svargaṃ jitvā vā bhokṣyase mahīm|tasmāduttiṣṭha kaunteya yuddhāya kṛtaniścayaḥ||2.37||
mūla ślokaḥsukhaduḥkhe same kṛtvā lābhālābhau jayājayau|tato yuddhāya yujyasva naivaṃ pāpamavāpsyasi||2.38||
mūla ślokaḥeṣā te'bhihitā sāṃkhye buddhiryoge tvimāṃ śṛṇu|buddhyāyukto yayā pārtha karmabandhaṃ prahāsyasi||2.39||
mūla ślokaḥnehābhikramanāśo'sti pratyavāyo na vidyate|svalpamapyasya dharmasya trāyate mahato bhayāt||2.40||
mūla ślokaḥvyavasāyātmikā buddhirekeha kurunandana|bahuśākhā hyanantāśca buddhayo'vyavasāyinām||2.41||
mūla ślokaḥyāmimāṃ puṣpitāṃ vācaṃ pravadantyavipaścitaḥ|vedavādaratāḥ pārtha nānyadastīti vādinaḥ||2.42||
mūla ślokaḥkāmātmānaḥ svargaparā janmakarmaphalapradām|kriyāviśeṣabahulāṃ bhogaiśvaryagatiṃ prati||2.43||
mūla ślokaḥbhogaiśvaryaprasaktānāṃ tayāpahṛtacetasām|vyavasāyātmikā buddhiḥ samādhau na vidhīyate||2.44||
mūla ślokaḥtraiguṇyaviṣayā vedā nistraiguṇyo bhavārjuna|nirdvandvo nityasattvastho niryogakṣema ātmavān||2.45||
mūla ślokaḥyāvānartha udapāne sarvataḥ saṃplutodake|tāvānsarveṣu vedeṣu brāhmaṇasya vijānataḥ||2.46||
mūla ślokaḥkarmaṇyevādhikāraste mā phaleṣu kadācana|mā karmaphalaheturbhūrmā te saṅgo'stvakarmaṇi||2.47||
mūla ślokaḥyogasthaḥ kuru karmāṇi saṅgaṃ tyaktvā dhanañjaya|siddhyasiddhyoḥ samo bhūtvā samatvaṃ yoga ucyate||2.48||
mūla ślokaḥdūreṇa hyavaraṃ karma buddhiyogāddhanañjaya|buddhau śaraṇamanviccha kṛpaṇāḥ phalahetavaḥ||2.49||
mūla ślokaḥbuddhiyukto jahātīha ubhe sukṛtaduṣkṛte|tasmādyogāya yujyasva yogaḥ karmasu kauśalam||2.50||
mūla ślokaḥkarmajaṃ buddhiyuktā hi phalaṃ tyaktvā manīṣiṇaḥ|janmabandhavinirmuktāḥ padaṃ gacchantyanāmayam||2.51||
mūla ślokaḥyadā te mohakalilaṃ buddhirvyatitariṣyati|tadā gantāsi nirvedaṃ śrotavyasya śrutasya ca||2.52||
mūla ślokaḥśrutivipratipannā te yadā sthāsyati niścalā|samādhāvacalā buddhistadā yogamavāpsyasi||2.53||
mūla ślokaḥarjuna uvācasthitaprajñasya kā bhāṣā samādhisthasya keśava|sthitadhīḥ kiṃ prabhāṣeta kimāsīta vrajeta kim||2.54||
mūla ślokaḥśrī bhagavānuvācaprajahāti yadā kāmān sarvān pārtha manogatān|ātmanyevātmanā tuṣṭaḥ sthitaprajñastadocyate||2.55||
mūla ślokaḥduḥkheṣvanudvignamanāḥ sukheṣu vigataspṛhaḥ|vītarāgabhayakrodhaḥ sthitadhīrmunirucyate||2.56||
mūla ślokaḥyaḥ sarvatrānabhisnehastattatprāpya śubhāśubham|nābhinandati na dveṣṭi tasya prajñā pratiṣṭhitā||2.57||
mūla ślokaḥyadā saṃharate cāyaṃ kūrmo'ṅgānīva sarvaśaḥ|indriyāṇīndriyārthebhyastasya prajñā pratiṣṭhitā||2.58||
mūla ślokaḥviṣayā vinivartante nirāhārasya dehinaḥ|rasavarjaṃ raso'pyasya paraṃ dṛṣṭvā nivartate||2.59||
mūla ślokaḥyatato hyapi kaunteya puruṣasya vipaścitaḥ|indriyāṇi pramāthīni haranti prasabhaṃ manaḥ||2.60||
mūla ślokaḥtāni sarvāṇi saṃyamya yukta āsīta matparaḥ|vaśe hi yasyendriyāṇi tasya prajñā pratiṣṭhitā||2.61||
mūla ślokaḥdhyāyato viṣayānpuṃsaḥ saṅgasteṣūpajāyate|saṅgāt saṃjāyate kāmaḥ kāmātkrodho'bhijāyate||2.62||
mūla ślokaḥkrodhādbhavati saṃmohaḥ saṃmohātsmṛtivibhramaḥ|smṛtibhraṃśād buddhināśo buddhināśātpraṇaśyati||2.63||
mūla ślokaḥrāgadveṣaviyuktaistu viṣayānindriyaiścaran|ātmavaśyairvidheyātmā prasādamadhigacchati||2.64||
mūla ślokaḥprasāde sarvaduḥkhānāṃ hānirasyopajāyate|prasannacetaso hyāśu buddhiḥ paryavatiṣṭhate||2.65||
mūla ślokaḥnāsti buddhirayuktasya na cāyuktasya bhāvanā|na cābhāvayataḥ śāntiraśāntasya kutaḥ sukham||2.66||
mūla ślokaḥindriyāṇāṃ hi caratāṃ yanmano'nuvidhīyate|tadasya harati prajñāṃ vāyurnāvamivāmbhasi||2.67||
mūla ślokaḥtasmādyasya mahābāho nigṛhītāni sarvaśaḥ|indriyāṇīndriyārthebhyastasya prajñā pratiṣṭhitā||2.68||
mūla ślokaḥyā niśā sarvabhūtānāṃ tasyāṃ jāgarti saṃyamī|yasyāṃ jāgrati bhūtāni sā niśā paśyato muneḥ||2.69||
mūla ślokaḥāpūryamāṇamacalapratiṣṭhaṃsamudramāpaḥ praviśanti yadvat|tadvatkāmā yaṃ praviśanti sarvesa śāntimāpnoti na kāmakāmī||2.70||
mūla ślokaḥvihāya kāmānyaḥ sarvānpumāṃścarati niḥspṛhaḥ|nirmamo nirahaṃkāraḥ sa śāṃtimadhigacchati||2.71||
mūla ślokaḥeṣā brāhmī sthitiḥ pārtha naināṃ prāpya vimuhyati|sthitvā'syāmantakāle'pi brahmanirvāṇamṛcchati||2.72||