Bhagavad Gita — Chapter 3: Karma Yoga

mūla ślokaḥarjuna uvācajyāyasī cetkarmaṇaste matā buddhirjanārdana|tatkiṃ karmaṇi ghore māṃ niyojayasi keśava||3.1||
mūla ślokaḥvyāmiśreṇeva vākyena buddhiṃ mohayasīva me|tadekaṃ vada niśicatya yena śreyo'hamāpnuyām||3.2||
mūla ślokaḥśrī bhagavānuvācaloke'smindvividhā niṣṭhā purā proktā mayānagha|jñānayogena sāṃkhyānāṃ karmayogena yoginām||3.3||
mūla ślokaḥna karmaṇāmanārambhānnaiṣkarmyaṃ puruṣo'śnute|na ca saṃnyasanādeva siddhiṃ samadhigacchati||3.4||
mūla ślokaḥna hi kaśicatkṣaṇamapi jātu tiṣṭhatyakarmakṛt|kāryate hyavaśaḥ karma sarvaḥ prakṛtijairguṇaiḥ||3.5||
mūla ślokaḥkarmendriyāṇi saṃyamya ya āste manasā smaran|indriyārthānvimūḍhātmā mithyācāraḥ sa ucyate||3.6||
mūla ślokaḥyastvindriyāṇi manasā niyamyārabhate'rjuna|karmendriyaiḥ karmayogamasaktaḥ sa viśiṣyate||3.7||
mūla ślokaḥniyataṃ kuru karma tvaṃ karma jyāyo hyakarmaṇaḥ|śarīrayātrāpi ca te na prasiddhyedakarmaṇaḥ||3.8||
mūla ślokaḥyajñārthātkarmaṇo'nyatra loko'yaṃ karmabandhanaḥ|tadarthaṃ karma kaunteya muktasaṃgaḥ samācara||3.9||
mūla ślokaḥsahayajñāḥ prajāḥ sṛṣṭvā purovāca prajāpatiḥ|anena prasaviṣyadhvameṣa vo'stviṣṭakāmadhuk||3.10||
mūla ślokaḥdevānbhāvayatānena te devā bhāvayantu vaḥ|parasparaṃ bhāvayantaḥ śreyaḥ paramavāpsyatha||3.11||
mūla ślokaḥiṣṭānbhogānhi vo devā dāsyante yajñabhāvitāḥ|tairdattānapradāyaibhyo yo bhuṅkte stena eva saḥ||3.12||
mūla ślokaḥyajñaśiṣṭāśinaḥ santo mucyante sarvakilbiṣaiḥ|bhuñjate te tvaghaṃ pāpā ye pacantyātmakāraṇāt||3.13||
mūla ślokaḥannādbhavanti bhūtāni parjanyādannasambhavaḥ|yajñādbhavati parjanyo yajñaḥ karmasamudbhavaḥ||3.14||
mūla ślokaḥkarma brahmodbhavaṃ viddhi brahmākṣarasamudbhavam|tasmātsarvagataṃ brahma nityaṃ yajñe pratiṣṭhitam||3.15||
mūla ślokaḥevaṃ pravartitaṃ cakraṃ nānuvartayatīha yaḥ|aghāyurindriyārāmo moghaṃ pārtha sa jīvati||3.16||
mūla ślokaḥyastvātmaratireva syādātmatṛptaśca mānavaḥ|ātmanyeva ca santuṣṭastasya kāryaṃ na vidyate||3.17||
mūla ślokaḥnaiva tasya kṛtenārtho nākṛteneha kaścana|na cāsya sarvabhūteṣu kaśicadarthavyapāśrayaḥ||3.18||
mūla ślokaḥtasmādasaktaḥ satataṃ kāryaṃ karma samācara|asakto hyācarankarma paramāpnoti pūruṣaḥ||3.19||
mūla ślokaḥkarmaṇaiva hi saṃsiddhimāsthitā janakādayaḥ|lokasaṃgrahamevāpi saṃpaśyankartumarhasi||3.20||
mūla ślokaḥyadyadācarati śreṣṭhastattadevetaro janaḥ|sa yatpramāṇaṃ kurute lokastadanuvartate||3.21||
mūla ślokaḥna me pārthāsti kartavyaṃ triṣu lokeṣu kiñcana|nānavāptamavāptavyaṃ varta eva ca karmaṇi||3.22||
mūla ślokaḥyadi hyahaṃ na varteyaṃ jātu karmaṇyatandritaḥ|mama vartmānuvartante manuṣyāḥ pārtha sarvaśaḥ||3.23||
mūla ślokaḥutsīdeyurime lokā na kuryāṃ karma cedaham|saṅkarasya ca kartā syāmupahanyāmimāḥ prajāḥ||3.24||
mūla ślokaḥsaktāḥ karmaṇyavidvāṃso yathā kurvanti bhārata|kuryādvidvāṃstathāsaktaśicakīrṣurlokasaṃgraham||3.25||
mūla ślokaḥna buddhibhedaṃ janayedajñānāṃ karmasaṅginām|joṣayetsarvakarmāṇi vidvān yuktaḥ samācaran||3.26||
mūla ślokaḥprakṛteḥ kriyamāṇāni guṇaiḥ karmāṇi sarvaśaḥ|ahaṅkāravimūḍhātmā kartā'hamiti manyate||3.27||
mūla ślokaḥtattvavittu mahābāho guṇakarmavibhāgayoḥ|guṇā guṇeṣu vartanta iti matvā na sajjate||3.28||
mūla ślokaḥprakṛterguṇasammūḍhāḥ sajjante guṇakarmasu|tānakṛtsnavido mandānkṛtsnavinna vicālayet||3.29||
mūla ślokaḥmayi sarvāṇi karmāṇi saṃnyasyādhyātmacetasā|nirāśīrnirmamo bhūtvā yudhyasva vigatajvaraḥ||3.30||
mūla ślokaḥye me matamidaṃ nityamanutiṣṭhanti mānavāḥ|śraddhāvanto'nasūyanto mucyante te'pi karmabhiḥ||3.31||
mūla ślokaḥye tvetadabhyasūyanto nānutiṣṭhanti me matam|sarvajñānavimūḍhāṃstānviddhi naṣṭānacetasaḥ||3.32||
mūla ślokaḥsadṛśaṃ ceṣṭate svasyāḥ prakṛterjñānavānapi|prakṛtiṃ yānti bhūtāni nigrahaḥ kiṃ kariṣyati||3.33||
mūla ślokaḥindriyasyendriyasyārthe rāgadveṣau vyavasthitau|tayorna vaśamāgacchettau hyasya paripanthinau||3.34||
mūla ślokaḥśreyānsvadharmo viguṇaḥ paradharmātsvanuṣṭhitāt|svadharme nidhanaṃ śreyaḥ paradharmo bhayāvahaḥ||3.35||
mūla ślokaḥarjuna uvācaatha kena prayukto'yaṃ pāpaṃ carati pūruṣaḥ|anicchannapi vārṣṇeya balādiva niyojitaḥ||3.36||
mūla ślokaḥśrī bhagavānuvācakāma eṣa krodha eṣa rajoguṇasamudbhavaḥ|mahāśano mahāpāpmā viddhyenamiha vairiṇam||3.37||
mūla ślokaḥdhūmenāvriyate vahniryathā''darśo malena ca|yatholbenāvṛto garbhastathā tenedamāvṛtam||3.38||
mūla ślokaḥāvṛtaṃ jñānametena jñānino nityavairiṇā|kāmarūpeṇa kaunteya duṣpūreṇānalena ca||3.39||
mūla ślokaḥindriyāṇi mano buddhirasyādhiṣṭhānamucyate|etairvimohayatyeṣa jñānamāvṛtya dehinam||3.40||
mūla ślokaḥtasmāttvamindriyāṇyādau niyamya bharatarṣabha|pāpmānaṃ prajahi hyenaṃ jñānavijñānanāśanam||3.41||
mūla ślokaḥindriyāṇi parāṇyāhurindriyebhyaḥ paraṃ manaḥ|manasastu parā buddhiryo buddheḥ paratastu saḥ||3.42||
mūla ślokaḥevaṃ buddheḥ paraṃ buddhvā saṃstabhyātmānamātmanā|jahi śatruṃ mahābāho kāmarūpaṃ durāsadam||3.43||