Bhagavad Gita — Chapter 4: Jnana Karma Sanyasa Yoga

mūla ślokaḥśrī bhagavānuvācaimaṃ vivasvate yogaṃ proktavānahamavyayam|vivasvān manave prāha manurikṣvākave'bravīt||4.1||
mūla ślokaḥevaṃ paramparāprāptamimaṃ rājarṣayo viduḥ|sa kāleneha mahatā yogo naṣṭaḥ parantapa||4.2||
mūla ślokaḥsa evāyaṃ mayā te'dya yogaḥ proktaḥ purātanaḥ|bhakto'si me sakhā ceti rahasyaṃ hyetaduttamam||4.3||
mūla ślokaḥarjuna uvācaaparaṃ bhavato janma paraṃ janma vivasvataḥ|kathametadvijānīyāṃ tvamādau proktavāniti||4.4||
mūla ślokaḥśrī bhagavānuvācabahūni me vyatītāni janmāni tava cārjuna|tānyahaṃ veda sarvāṇi na tvaṃ vettha parantapa||4.5||
mūla ślokaḥajo'pi sannavyayātmā bhūtānāmīśvaro'pi san|prakṛtiṃ svāmadhiṣṭhāya saṃbhavāmyātmamāyayā||4.6||
mūla ślokaḥyadā yadā hi dharmasya glānirbhavati bhārata|abhyutthānamadharmasya tadā''tmānaṃ sṛjāmyaham||4.7||
mūla ślokaḥparitrāṇāya sādhūnāṃ vināśāya ca duṣkṛtām|dharmasaṃsthāpanārthāya saṃbhavāmi yuge yuge||4.8||
mūla ślokaḥjanma karma ca me divyamevaṃ yo vetti tattvataḥ|tyaktvā dehaṃ punarjanma naiti māmeti so'rjuna||4.9||
mūla ślokaḥvītarāgabhayakrodhā manmayā māmupāśritāḥ|bahavo jñānatapasā pūtā madbhāvamāgatāḥ||4.10||
mūla ślokaḥye yathā māṃ prapadyante tāṃstathaiva bhajāmyaham|mama vartmānuvartante manuṣyāḥ pārtha sarvaśaḥ||4.11||
mūla ślokaḥkāṅkṣantaḥ karmaṇāṃ siddhiṃ yajanta iha devatāḥ|kṣipraṃ hi mānuṣe loke siddhirbhavati karmajā||4.12||
mūla ślokaḥcāturvarṇyaṃ mayā sṛṣṭaṃ guṇakarmavibhāgaśaḥ|tasya kartāramapi māṃ viddhyakartāramavyayam||4.13||
mūla ślokaḥna māṃ karmāṇi limpanti na me karmaphale spṛhā|iti māṃ yo'bhijānāti karmabhirna sa badhyate||4.14||
mūla ślokaḥevaṃ jñātvā kṛtaṃ karma pūrvairapi mumukṣubhiḥ|kuru karmaiva tasmāttvaṃ pūrvaiḥ pūrvataraṃ kṛtam||4.15||
mūla ślokaḥkiṃ karma kimakarmeti kavayo'pyatra mohitāḥ|tatte karma pravakṣyāmi yajjñātvā mokṣyase'śubhāt||4.16||
mūla ślokaḥkarmaṇo hyapi boddhavyaṃ boddhavyaṃ ca vikarmaṇaḥ|akarmaṇaśca boddhavyaṃ gahanā karmaṇo gatiḥ||4.17||
mūla ślokaḥkarmaṇyakarma yaḥ paśyedakarmaṇi ca karma yaḥ|sa buddhimān manuṣyeṣu sa yuktaḥ kṛtsnakarmakṛt||4.18||
mūla ślokaḥyasya sarve samārambhāḥ kāmasaṅkalpavarjitāḥ|jñānāgnidagdhakarmāṇaṃ tamāhuḥ paṇḍitaṃ budhāḥ||4.19||
mūla ślokaḥtyaktvā karmaphalāsaṅgaṃ nityatṛpto nirāśrayaḥ|karmaṇyabhipravṛtto'pi naiva kiñcitkaroti saḥ||4.20||
mūla ślokaḥnirāśīryatacittātmā tyaktasarvaparigrahaḥ|śārīraṃ kevalaṃ karma kurvannāpnoti kilbiṣam||4.21||
mūla ślokaḥyadṛcchālābhasantuṣṭo dvandvātīto vimatsaraḥ|samaḥ siddhāvasiddhau ca kṛtvāpi na nibadhyate||4.22||
mūla ślokaḥgatasaṅgasya muktasya jñānāvasthitacetasaḥ|yajñāyācarataḥ karma samagraṃ pravilīyate||4.23||
mūla ślokaḥbrahmārpaṇaṃ brahmahavirbrahmāgnau brahmaṇā hutam|brahmaiva tena gantavyaṃ brahmakarmasamādhinā||4.24||
mūla ślokaḥdaivamevāpare yajñaṃ yoginaḥ paryupāsate|brahmāgnāvapare yajñaṃ yajñenaivopajuhvati||4.25||
mūla ślokaḥśrotrādīnīndriyāṇyanye saṃyamāgniṣu juhvati|śabdādīnviṣayānanya indriyāgniṣu juhvati||4.26||
mūla ślokaḥsarvāṇīndriyakarmāṇi prāṇakarmāṇi cāpare|ātmasaṃyamayogāgnau juhvati jñānadīpite||4.27||
mūla ślokaḥdravyayajñāstapoyajñā yogayajñāstathāpare|svādhyāyajñānayajñāśca yatayaḥ saṃśitavratāḥ||4.28||
mūla ślokaḥapāne juhvati prāṇa prāṇe'pānaṃ tathā'pare|prāṇāpānagatī ruddhvā prāṇāyāmaparāyaṇāḥ||4.29||
mūla ślokaḥapare niyatāhārāḥ prāṇānprāṇeṣu juhvati|sarve'pyete yajñavido yajñakṣapitakalmaṣāḥ||4.30||
mūla ślokaḥyajñaśiṣṭāmṛtabhujo yānti brahma sanātanam|nāyaṃ loko'styayajñasya kuto़'nyaḥ kurusattama||4.31||
mūla ślokaḥevaṃ bahuvidhā yajñā vitatā brahmaṇo mukhe|karmajānviddhi tānsarvānevaṃ jñātvā vimokṣyase||4.32||
mūla ślokaḥśreyāndravyamayādyajñājjñānayajñaḥ parantapa|sarvaṃ karmākhilaṃ pārtha jñāne parisamāpyate||4.33||
mūla ślokaḥtadviddhi praṇipātena paripraśnena sevayā|upadekṣyanti te jñānaṃ jñāninastattvadarśinaḥ||4.34||
mūla ślokaḥyajjñātvā na punarmohamevaṃ yāsyasi pāṇḍava|yena bhūtānyaśeṣeṇa drakṣyasyātmanyatho mayi||4.35||
mūla ślokaḥapi cedasi pāpebhyaḥ sarvebhyaḥ pāpakṛttamaḥ|sarvaṃ jñānaplavenaiva vṛjinaṃ santariṣyasi||4.36||
mūla ślokaḥyathaidhāṃsi samiddho'gnirbhasmasātkurute'rjuna|jñānāgniḥ sarvakarmāṇi bhasmasātkurute tathā||4.37||
mūla ślokaḥna hi jñānena sadṛśaṃ pavitramiha vidyate|tatsvayaṃ yogasaṃsiddhaḥ kālenātmani vindati||4.38||
mūla ślokaḥśraddhāvā~llabhate jñānaṃ tatparaḥ saṃyatendriyaḥ|jñānaṃ labdhvā parāṃ śāntimacireṇādhigacchati||4.39||
mūla ślokaḥajñaścāśraddadhānaśca saṃśayātmā vinaśyati|nāyaṃ loko'sti na paro na sukhaṃ saṃśayātmanaḥ||4.40||
mūla ślokaḥyogasaṃnyastakarmāṇaṃ jñānasaṃchinnasaṃśayam|ātmavantaṃ na karmāṇi nibadhnanti dhanañjaya||4.41||
mūla ślokaḥtasmādajñānasaṃbhūtaṃ hṛtsthaṃ jñānāsinā''tmanaḥ|chittvainaṃ saṃśayaṃ yogamātiṣṭhottiṣṭha bhārata||4.42||