Bhagavad Gita — Chapter 5: Karma Sanyasa Yoga

mūla ślokaḥarjuna uvācasaṃnyāsaṃ karmaṇāṃ kṛṣṇa punaryogaṃ ca śaṃsasi|yacchreya etayorekaṃ tanme brūhi suniśicatam||5.1||
mūla ślokaḥśrī bhagavānuvācasaṃnyāsaḥ karmayogaśca niḥśreyasakarāvubhau|tayostu karmasaṃnyāsātkarmayogo viśiṣyate||5.2||
mūla ślokaḥjñeyaḥ sa nityasaṃnyāsī yo na dveṣṭi na kāṅkṣati|nirdvandvo hi mahābāho sukhaṃ bandhātpramucyate||5.3||
mūla ślokaḥsāṃkhyayogau pṛthagbālāḥ pravadanti na paṇḍitāḥ|ekamapyāsthitaḥ samyagubhayorvindate phalam||5.4||
mūla ślokaḥyatsāṃkhyaiḥ prāpyate sthānaṃ tadyogairapi gamyate|ekaṃ sāṃkhyaṃ ca yogaṃ ca yaḥ paśyati sa paśyati||5.5||
mūla ślokaḥsaṃnyāsastu mahābāho duḥkhamāptumayogataḥ|yogayukto munirbrahma nacireṇādhigacchati||5.6||
mūla ślokaḥyogayukto viśuddhātmā vijitātmā jitendriyaḥ|sarvabhūtātmabhūtātmā kurvannapi na lipyate||5.7||
mūla ślokaḥnaiva kiṃcitkaromīti yukto manyeta tattvavit|paśyan śrṛṇavanspṛśañjighrannaśnangacchansvapan śvasan||5.8||
mūla ślokaḥpralapanvisṛjangṛhṇannunmiṣannimiṣannapi|indriyāṇīndriyārtheṣu vartanta iti dhārayan||5.9||
mūla ślokaḥbrahmaṇyādhāya karmāṇi saṅgaṃ tyaktvā karoti yaḥ|lipyate na sa pāpena padmapatramivāmbhasā||5.10||
mūla ślokaḥkāyena manasā buddhyā kevalairindriyairapi|yoginaḥ karma kurvanti saṅgaṃ tyaktvā''tmaśuddhaye||5.11||
mūla ślokaḥyuktaḥ karmaphalaṃ tyaktvā śāntimāpnoti naiṣṭhikīm|ayuktaḥ kāmakāreṇa phale sakto nibadhyate||5.12||
mūla ślokaḥsarvakarmāṇi manasā saṃnyasyāste sukhaṃ vaśī|navadvāre pure dehī naiva kurvanna kārayan||5.13||
mūla ślokaḥna kartṛtvaṃ na karmāṇi lokasya sṛjati prabhuḥ|na karmaphalasaṃyogaṃ svabhāvastu pravartate||5.14||
mūla ślokaḥnādatte kasyacitpāpaṃ na caiva sukṛtaṃ vibhuḥ|ajñānenāvṛtaṃ jñānaṃ tena muhyanti jantavaḥ||5.15||
mūla ślokaḥjñānena tu tadajñānaṃ yeṣāṃ nāśitamātmanaḥ|teṣāmādityavajjñānaṃ prakāśayati tatparam||5.16||
mūla ślokaḥtadbuddhayastadātmānastanniṣṭhāstatparāyaṇāḥ|gacchantyapunarāvṛttiṃ jñānanirdhūtakalmaṣāḥ||5.17||
mūla ślokaḥvidyāvinayasaṃpanne brāhmaṇe gavi hastini|śuni caiva śvapāke ca paṇḍitāḥ samadarśinaḥ||5.18||
mūla ślokaḥihaiva tairjitaḥ sargo yeṣāṃ sāmye sthitaṃ manaḥ|nirdoṣaṃ hi samaṃ brahma tasmādbrahmaṇi te sthitāḥ||5.19||
mūla ślokaḥna prahṛṣyetpriyaṃ prāpya nodvijetprāpya cāpriyam|sthirabuddhirasammūḍho brahmavidbrahmaṇi sthitaḥ||5.20||
mūla ślokaḥbāhyasparśeṣvasaktātmā vindatyātmani yatsukham|sa brahmayogayuktātmā sukhamakṣayamaśnute||5.21||
mūla ślokaḥye hi saṃsparśajā bhogā duḥkhayonaya eva te|ādyantavantaḥ kaunteya na teṣu ramate budhaḥ||5.22||
mūla ślokaḥśaknotīhaiva yaḥ soḍhuṃ prākśarīravimokṣaṇāt|kāmakrodhodbhavaṃ vegaṃ sa yuktaḥ sa sukhī naraḥ||5.23||
mūla ślokaḥyo'ntaḥsukho'ntarārāmastathāntarjyotireva yaḥ|sa yogī brahmanirvāṇaṃ brahmabhūto'dhigacchati||5.24||
mūla ślokaḥlabhante brahmanirvāṇamṛṣayaḥ kṣīṇakalmaṣāḥ|chinnadvaidhā yatātmānaḥ sarvabhūtahite ratāḥ||5.25||
mūla ślokaḥkāmakrodhaviyuktānāṃ yatīnāṃ yatacetasām|abhito brahmanirvāṇaṃ vartate viditātmanām||5.26||
mūla ślokaḥsparśānkṛtvā bahirbāhyāṃścakṣuścaivāntare bhruvoḥ|prāṇāpānau samau kṛtvā nāsābhyantaracāriṇau||5.27||
mūla ślokaḥyatendriyamanobuddhirmunirmokṣaparāyaṇaḥ|vigatecchābhayakrodho yaḥ sadā mukta eva saḥ||5.28||
mūla ślokaḥbhoktāraṃ yajñatapasāṃ sarvalokamaheśvaram|suhṛdaṃ sarvabhūtānāṃ jñātvā māṃ śāntimṛcchati||5.29||