Bhagavad Gita — Chapter 6: Atma Samyama Yoga

mūla ślokaḥśrī bhagavānuvācaanāśritaḥ karmaphalaṃ kāryaṃ karma karoti yaḥ|sa saṃnyāsī ca yogī ca na niragnirna cākriyaḥ||6.1||
mūla ślokaḥyaṃ saṃnyāsamiti prāhuryogaṃ taṃ viddhi pāṇḍava|na hyasaṃnyastasaṅkalpo yogī bhavati kaścana||6.2||
mūla ślokaḥārurukṣormuneryogaṃ karma kāraṇamucyate|yogārūḍhasya tasyaiva śamaḥ kāraṇamucyate||6.3||
mūla ślokaḥyadā hi nendriyārtheṣu na karmasvanuṣajjate|sarvasaṅkalpasaṃnyāsī yogārūḍhastadocyate||6.4||
mūla ślokaḥuddharedātmanā''tmānaṃ nātmānamavasādayet|ātmaiva hyātmano bandhurātmaiva ripurātmanaḥ||6.5||
mūla ślokaḥbandhurātmā''tmanastasya yenātmaivātmanā jitaḥ|anātmanastu śatrutve vartetātmaiva śatruvat||6.6||
mūla ślokaḥjitātmanaḥ praśāntasya paramātmā samāhitaḥ|śītoṣṇasukhaduḥkheṣu tathā mānāpamānayoḥ||6.7||
mūla ślokaḥjñānavijñānatṛptātmā kūṭastho vijitendriyaḥ|yukta ityucyate yogī samaloṣṭāśmakāñcanaḥ||6.8||
mūla ślokaḥsuhṛnmitrāryudāsīnamadhyasthadveṣyabandhuṣu|sādhuṣvapi ca pāpeṣu samabuddhirviśiṣyate||6.9||
mūla ślokaḥyogī yuñjīta satatamātmānaṃ rahasi sthitaḥ|ekākī yatacittātmā nirāśīraparigrahaḥ||6.10||
mūla ślokaḥśucau deśe pratiṣṭhāpya sthiramāsanamātmanaḥ|nātyucchritaṃ nātinīcaṃ cailājinakuśottaram||6.11||
mūla ślokaḥtatraikāgraṃ manaḥ kṛtvā yatacittendriyakriyaḥ|upaviśyāsane yuñjyādyogamātmaviśuddhaye||6.12||
mūla ślokaḥsamaṃ kāyaśirogrīvaṃ dhārayannacalaṃ sthiraḥ|saṃprekṣya nāsikāgraṃ svaṃ diśaścānavalokayan||6.13||
mūla ślokaḥpraśāntātmā vigatabhīrbrahmacārivrate sthitaḥ|manaḥ saṃyamya maccitto yukta āsīta matparaḥ||6.14||
mūla ślokaḥyuñjannevaṃ sadā''tmānaṃ yogī niyatamānasaḥ|śāntiṃ nirvāṇaparamāṃ matsaṃsthāmadhigacchati||6.15||
mūla ślokaḥnātyaśnatastu yogo'sti na caikāntamanaśnataḥ|na cātisvapnaśīlasya jāgrato naiva cārjuna||6.16||
mūla ślokaḥyuktāhāravihārasya yuktaceṣṭasya karmasu|yuktasvapnāvabodhasya yogo bhavati duḥkhahā||6.17||
mūla ślokaḥyadā viniyataṃ cittamātmanyevāvatiṣṭhate|niḥspṛhaḥ sarvakāmebhyo yukta ityucyate tadā||6.18||
mūla ślokaḥyathā dīpo nivātastho neṅgate sopamā smṛtā|yogino yatacittasya yuñjato yogamātmanaḥ||6.19||
mūla ślokaḥyatroparamate cittaṃ niruddhaṃ yogasevayā|yatra caivātmanā''tmānaṃ paśyannātmani tuṣyati||6.20||
mūla ślokaḥsukhamātyantikaṃ yattadbuddhigrāhyamatīndriyam|vetti yatra na caivāyaṃ sthitaścalati tattvataḥ||6.21||
mūla ślokaḥyaṃ labdhvā cāparaṃ lābhaṃ manyate nādhikaṃ tataḥ|yasminsthito na duḥkhena guruṇāpi vicālyate||6.22||
mūla ślokaḥtaṃ vidyād duḥkhasaṃyogaviyogaṃ yogasaṃjñitam|sa niścayena yoktavyo yogo'nirviṇṇacetasā||6.23||
mūla ślokaḥsaṅkalpaprabhavānkāmāṃstyaktvā sarvānaśeṣataḥ|manasaivendriyagrāmaṃ viniyamya samantataḥ||6.24||
mūla ślokaḥśanaiḥ śanairuparamed buddhyā dhṛtigṛhītayā|ātmasaṃsthaṃ manaḥ kṛtvā na kiñcidapi cintayet||6.25||
mūla ślokaḥyato yato niścarati manaścañcalamasthiram|tatastato niyamyaitadātmanyeva vaśaṃ nayet||6.26||
mūla ślokaḥpraśāntamanasaṃ hyenaṃ yoginaṃ sukhamuttamam|upaiti śāntarajasaṃ brahmabhūtamakalmaṣam||6.27||
mūla ślokaḥyuñjannevaṃ sadā''tmānaṃ yogī vigatakalmaṣaḥ|sukhena brahmasaṃsparśamatyantaṃ sukhamaśnute||6.28||
mūla ślokaḥsarvabhūtasthamātmānaṃ sarvabhūtāni cātmani|īkṣate yogayuktātmā sarvatra samadarśanaḥ||6.29||
mūla ślokaḥyo māṃ paśyati sarvatra sarvaṃ ca mayi paśyati|tasyāhaṃ na praṇaśyāmi sa ca me na praṇaśyati||6.30||
mūla ślokaḥsarvabhūtasthitaṃ yo māṃ bhajatyekatvamāsthitaḥ|sarvathā vartamāno'pi sa yogī mayi vartate||6.31||
mūla ślokaḥātmaupamyena sarvatra samaṃ paśyati yo'rjuna|sukhaṃ vā yadi vā duḥkhaṃ saḥ yogī paramo mataḥ||6.32||
mūla ślokaḥarjuna uvācayo'yaṃ yogastvayā proktaḥ sāmyena madhusūdana|etasyāhaṃ na paśyāmi cañcalatvāt sthitiṃ sthirām||6.33||
mūla ślokaḥcañcalaṃ hi manaḥ kṛṣṇa pramāthi balavaddṛḍham|tasyāhaṃ nigrahaṃ manye vāyoriva suduṣkaram||6.34||
mūla ślokaḥśrī bhagavānuvācaasaṃśayaṃ mahābāho mano durnigrahaṃ calaṃ|abhyāsena tu kaunteya vairāgyeṇa ca gṛhyate||6.35||
mūla ślokaḥasaṃyatātmanā yogo duṣprāpa iti me matiḥ|vaśyātmanā tu yatatā śakyo'vāptumupāyataḥ||6.36||
mūla ślokaḥarjuna uvācaayatiḥ śraddhayopeto yogāccalitamānasaḥ|aprāpya yogasaṃsiddhiṃ kāṃ gatiṃ kṛṣṇa gacchati||6.37||
mūla ślokaḥkaccinnobhayavibhraṣṭaśchinnābhramiva naśyati|apratiṣṭho mahābāho vimūḍho brahmaṇaḥ pathi||6.38||
mūla ślokaḥetanme saṃśayaṃ kṛṣṇa chettumarhasyaśeṣataḥ|tvadanyaḥ saṃśayasyāsya chettā na hyupapadyate||6.39||
mūla ślokaḥśrī bhagavānuvācapārtha naiveha nāmutra vināśastasya vidyate|nahi kalyāṇakṛtkaśicaddurgatiṃ tāta gacchati||6.40||
mūla ślokaḥprāpya puṇyakṛtāṃ lokānuṣitvā śāśvatīḥ samāḥ|śucīnāṃ śrīmatāṃ gehe yogabhraṣṭo'bhijāyate||6.41||
mūla ślokaḥathavā yogināmeva kule bhavati dhīmatām|etaddhi durlabhataraṃ loke janma yadīdṛśam||6.42||
mūla ślokaḥtatra taṃ buddhisaṃyogaṃ labhate paurvadehikam|yatate ca tato bhūyaḥ saṃsiddhau kurunandana||6.43||
mūla ślokaḥpūrvābhyāsena tenaiva hriyate hyavaśo'pi saḥ|jijñāsurapi yogasya śabdabrahmātivartate||6.44||
mūla ślokaḥprayatnādyatamānastu yogī saṃśuddhakilbiṣaḥ|anekajanmasaṃsiddhastato yāti parāṃ gatim||6.45||
mūla ślokaḥtapasvibhyo'dhiko yogī jñānibhyo'pi mato'dhikaḥ|karmibhyaścādhiko yogī tasmādyogī bhavārjuna||6.46||
mūla ślokaḥyogināmapi sarveṣāṃ madgatenāntarātmanā|śraddhāvānbhajate yo māṃ sa me yuktatamo mataḥ||6.47||