English interface

Bhagavad Gita — Chapter 8: Aksara Brahma Yoga

Text in Roman script

Devotional text

mūla ślokaḥarjuna uvācakiṃ tadbrahma kimadhyātmaṃ kiṃ karma puruṣottama|adhibhūtaṃ ca kiṃ proktamadhidaivaṃ kimucyate||8.1||
mūla ślokaḥadhiyajñaḥ kathaṃ ko'tra dehe'sminmadhusūdana|prayāṇakāle ca kathaṃ jñeyo'si niyatātmabhiḥ||8.2||
mūla ślokaḥśrī bhagavānuvācaakṣaraṃ brahma paramaṃ svabhāvo'dhyātmamucyate|bhūtabhāvodbhavakaro visargaḥ karmasaṃjñitaḥ||8.3||
mūla ślokaḥadhibhūtaṃ kṣaro bhāvaḥ puruṣaścādhidaivatam|adhiyajño'hamevātra dehe dehabhṛtāṃ vara||8.4||
mūla ślokaḥantakāle ca māmeva smaranmuktvā kalevaram|yaḥ prayāti sa madbhāvaṃ yāti nāstyatra saṃśayaḥ||8.5||
mūla ślokaḥyaṃ yaṃ vāpi smaranbhāvaṃ tyajatyante kalevaram|taṃ tamevaiti kaunteya sadā tadbhāvabhāvitaḥ||8.6||
mūla ślokaḥtasmātsarveṣu kāleṣu māmanusmara yudhya ca|mayyarpitamanobuddhirmāmevaiṣyasyasaṃśayam||8.7||
mūla ślokaḥabhyāsayogayuktena cetasā nānyagāminā|paramaṃ puruṣaṃ divyaṃ yāti pārthānucintayan||8.8||
mūla ślokaḥkaviṃ purāṇamanuśāsitāramaṇoraṇīyāṃsamanusmaredyaḥ|sarvasya dhātāramacintyarūpamādityavarṇaṃ tamasaḥ parastāt||8.9||
mūla ślokaḥprayāṇakāle manasā'calenabhaktyā yukto yogabalena caiva|bhruvormadhye prāṇamāveśya samyaksa taṃ paraṃ puruṣamupaiti divyam||8.10||
mūla ślokaḥyadakṣaraṃ vedavido vadantiviśanti yadyatayo vītarāgāḥ|yadicchanto brahmacaryaṃ carantitatte padaṃ saṃgraheṇa pravakṣye||8.11||
mūla ślokaḥsarvadvārāṇi saṃyamya mano hṛdi nirudhya ca|mūrdhnyādhāyātmanaḥ prāṇamāsthito yogadhāraṇām||8.12||
mūla ślokaḥomityekākṣaraṃ brahma vyāharanmāmanusmaran|yaḥ prayāti tyajandehaṃ sa yāti paramāṃ gatim||8.13||
mūla ślokaḥananyacetāḥ satataṃ yo māṃ smarati nityaśaḥ|tasyāhaṃ sulabhaḥ pārtha nityayuktasya yoginaḥ||8.14||
mūla ślokaḥmāmupetya punarjanma duḥkhālayamaśāśvatam|nāpnuvanti mahātmānaḥ saṃsiddhiṃ paramāṃ gatāḥ||8.15||
mūla ślokaḥābrahmabhuvanāllokāḥ punarāvartino'rjuna|māmupetya tu kaunteya punarjanma na vidyate||8.16||
mūla ślokaḥsahasrayugaparyantamaharyadbrahmaṇo viduḥ|rātriṃ yugasahasrāntāṃ te'horātravido janāḥ||8.17||
mūla ślokaḥavyaktādvyaktayaḥ sarvāḥ prabhavantyaharāgame|rātryāgame pralīyante tatraivāvyaktasaṃjñake||8.18||
mūla ślokaḥbhūtagrāmaḥ sa evāyaṃ bhūtvā bhūtvā pralīyate|rātryāgame'vaśaḥ pārtha prabhavatyaharāgame||8.19||
mūla ślokaḥparastasmāttu bhāvo'nyo'vyakto'vyaktātsanātanaḥ|yaḥ sa sarveṣu bhūteṣu naśyatsu na vinaśyati||8.20||
mūla ślokaḥavyakto'kṣara ityuktastamāhuḥ paramāṃ gatim|yaṃ prāpya na nivartante taddhāma paramaṃ mama||8.21||
mūla ślokaḥpuruṣaḥ sa paraḥ pārtha bhaktyā labhyastvananyayā|yasyāntaḥsthāni bhūtāni yena sarvamidaṃ tatam||8.22||
mūla ślokaḥyatra kāle tvanāvṛttimāvṛttiṃ caiva yoginaḥ|prayātā yānti taṃ kālaṃ vakṣyāmi bharatarṣabha||8.23||
mūla ślokaḥagnirjyotirahaḥ śuklaḥ ṣaṇmāsā uttarāyaṇam|tatra prayātā gacchanti brahma brahmavido janāḥ||8.24||
mūla ślokaḥdhūmo rātristathā kṛṣṇaḥ ṣaṇmāsā dakṣiṇāyanam|tatra cāndramasaṃ jyotiryogī prāpya nivartate||8.25||
mūla ślokaḥśuklakṛṣṇe gatī hyete jagataḥ śāśvate mate|ekayā yātyanāvṛttimanyayā''vartate punaḥ||8.26||
mūla ślokaḥnaite sṛtī pārtha jānanyogī muhyati kaścana|tasmātsarveṣu kāleṣu yogayukto bhavārjuna||8.27||
mūla ślokaḥvedeṣu yajñeṣu tapaḥsu caivadāneṣu yatpuṇyaphalaṃ pradiṣṭam|atyeti tatsarvamidaṃ viditvāyogī paraṃ sthānamupaiti cādyam||8.28||

About this parayana — Vishnu

Devotional recitation is one of the simplest and most powerful practices in the Hindu tradition. Regular chanting calms the mind, purifies the atmosphere of the home, and deepens one’s connection with the deity. These sacred compositions have been sung by devotees for generations and are suitable for daily practice, during morning or evening puja, or on special festival days.

How to chant

Sit comfortably facing your home altar or a clean, quiet space. Light a lamp or incense if you wish. Begin with a short prayer to Ganesha, then recite the text slowly and clearly, focusing on the meaning rather than speed. Consistency matters more than duration — even five minutes of daily chanting brings visible peace of mind.

ekadashidaily-pujavaishnavasanskritparayanadevotionalgitabhagavad-gitascripture