Bhagavad Gita — Chapter 9: Raja Vidya Raja Guhya Yoga

mūla ślokaḥśrī bhagavānuvācaidaṃ tu te guhyatamaṃ pravakṣyāmyanasūyave|jñānaṃ vijñānasahitaṃ yajjñātvā mokṣyase'śubhāt||9.1||
mūla ślokaḥrājavidyā rājaguhyaṃ pavitramidamuttamam|pratyakṣāvagamaṃ dharmyaṃ susukhaṃ kartumavyayam||9.2||
mūla ślokaḥaśraddadhānāḥ puruṣā dharmasyāsya parantapa|aprāpya māṃ nivartante mṛtyusaṃsāravartmani||9.3||
mūla ślokaḥmayā tatamidaṃ sarvaṃ jagadavyaktamūrtinā|matsthāni sarvabhūtāni na cāhaṃ teṣvavasthitaḥ||9.4||
mūla ślokaḥna ca matsthāni bhūtāni paśya me yogamaiśvaram|bhūtabhṛnna ca bhūtastho mamātmā bhūtabhāvanaḥ||9.5||
mūla ślokaḥyathā''kāśasthito nityaṃ vāyuḥ sarvatrago mahān|tathā sarvāṇi bhūtāni matsthānītyupadhāraya||9.6||
mūla ślokaḥsarvabhūtāni kaunteya prakṛtiṃ yānti māmikām|kalpakṣaye punastāni kalpādau visṛjāmyaham||9.7||
mūla ślokaḥprakṛtiṃ svāmavaṣṭabhya visṛjāmi punaḥ punaḥ|bhūtagrāmamimaṃ kṛtsnamavaśaṃ prakṛtervaśāt||9.8||
mūla ślokaḥna ca māṃ tāni karmāṇi nibadhnanti dhanañjaya|udāsīnavadāsīnamasaktaṃ teṣu karmasu||9.9||
mūla ślokaḥmayā'dhyakṣeṇa prakṛtiḥ sūyate sacarācaram|hetunā'nena kaunteya jagadviparivartate||9.10||
mūla ślokaḥavajānanti māṃ mūḍhā mānuṣīṃ tanumāśritam|paraṃ bhāvamajānanto mama bhūtamaheśvaram||9.11||
mūla ślokaḥmoghāśā moghakarmāṇo moghajñānā vicetasaḥ|rākṣasīmāsurīṃ caiva prakṛtiṃ mohinīṃ śritāḥ||9.12||
mūla ślokaḥmahātmānastu māṃ pārtha daivīṃ prakṛtimāśritāḥ|bhajantyananyamanaso jñātvā bhūtādimavyayam||9.13||
mūla ślokaḥsatataṃ kīrtayanto māṃ yatantaśca dṛḍhavratāḥ|namasyantaśca māṃ bhaktyā nityayuktā upāsate||9.14||
mūla ślokaḥjñānayajñena cāpyanye yajanto māmupāsate|ekatvena pṛthaktvena bahudhā viśvatomukham||9.15||
mūla ślokaḥahaṃ kraturahaṃ yajñaḥ svadhā'hamahamauṣadham|maṃtro'hamahamevājyamahamagnirahaṃ hutam||9.16||
mūla ślokaḥpitā'hamasya jagato mātā dhātā pitāmahaḥ|vedyaṃ pavitramoṃkāra ṛk sāma yajureva ca||9.17||
mūla ślokaḥgatirbhartā prabhuḥ sākṣī nivāsaḥ śaraṇaṃ suhṛt|prabhavaḥ pralayaḥ sthānaṃ nidhānaṃ bījamavyayam||9.18||
mūla ślokaḥtapāmyahamahaṃ varṣaṃ nigṛhṇāmyutsṛjāmi ca|amṛtaṃ caiva mṛtyuśca sadasaccāhamarjuna||9.19||
mūla ślokaḥtraividyā māṃ somapāḥ pūtapāpāyajñairiṣṭvā svargatiṃ prārthayante|te puṇyamāsādya surendralokamaśnanti divyāndivi devabhogān||9.20||
mūla ślokaḥte taṃ bhuktvā svargalokaṃ viśālaṃkṣīṇe puṇye martyalokaṃ viśanti|eva trayīdharmamanuprapannāgatāgataṃ kāmakāmā labhante||9.21||
mūla ślokaḥananyāścintayanto māṃ ye janāḥ paryupāsate|teṣāṃ nityābhiyuktānāṃ yogakṣemaṃ vahāmyaham||9.22||
mūla ślokaḥye'pyanyadevatā bhaktā yajante śraddhayā'nvitāḥ|te'pi māmeva kaunteya yajantyavidhipūrvakam||9.23||
mūla ślokaḥahaṃ hi sarvayajñānāṃ bhoktā ca prabhureva ca|na tu māmabhijānanti tattvenātaścyavanti te||9.24||
mūla ślokaḥyānti devavratā devān pitṛ़nyānti pitṛvratāḥ|bhūtāni yānti bhūtejyā yānti madyājino'pi mām||9.25||
mūla ślokaḥpatraṃ puṣpaṃ phalaṃ toyaṃ yo me bhaktyā prayacchati|tadahaṃ bhaktyupahṛtamaśnāmi prayatātmanaḥ||9.26||
mūla ślokaḥyatkaroṣi yadaśnāsi yajjuhoṣi dadāsi yat|yattapasyasi kaunteya tatkuruṣva madarpaṇam||9.27||
mūla ślokaḥśubhāśubhaphalairevaṃ mokṣyase karmabandhanaiḥ|saṃnyāsayogayuktātmā vimukto māmupaiṣyasi||9.28||
mūla ślokaḥsamo'haṃ sarvabhūteṣu na me dveṣyo'sti na priyaḥ|ye bhajanti tu māṃ bhaktyā mayi te teṣu cāpyaham||9.29||
mūla ślokaḥapi cetsudurācāro bhajate māmananyabhāk|sādhureva sa mantavyaḥ samyagvyavasito hi saḥ||9.30||
mūla ślokaḥkṣipraṃ bhavati dharmātmā śaśvacchāntiṃ nigacchati|kaunteya pratijānīhi na me bhaktaḥ praṇaśyati||9.31||
mūla ślokaḥmāṃ hi pārtha vyapāśritya ye'pi syuḥ pāpayonayaḥ|striyo vaiśyāstathā śūdrāste'pi yānti parāṃ gatim||9.32||
mūla ślokaḥkiṃ punarbrāhmaṇāḥ puṇyā bhaktā rājarṣayastathā|anityamasukhaṃ lokamimaṃ prāpya bhajasva mām||9.33||
mūla ślokaḥmanmanā bhava madbhakto madyājī māṃ namaskuru|māmevaiṣyasi yuktvaivamātmānaṃ matparāyaṇaḥ||9.34||