Valmiki Ramayana — Yuddha Kanda

śrutvā hanumato vākyam yathāvadbhibhāṣitam |rāmaḥ prītisamāyukto vākyamuttaramabravīt ||6-1-1||||
kṛtam hanumatā kāryam sumahadbhuvi durlabham |manasāpi yadanyena na śakyam dharaṇītale ||6-1-2||||
na hi tam paripaśyāmi yastareta mahodadhim |anyatra guruḍādvāyoranyatra ca hanūmataḥ ||6-1-3||||
devadānavayakṣāṇām gandharvoragarakṣasām |apradhṛṣyām purīm laṅkām rāvaṇena surakṣitām ||6-1-4||||
praviṣṭaḥ sattvamāśritya jīvanko nāma niṣkramet |ko viśetsudurādharṣām rākṣasaiśca surakṣitām ||6-1-5||||
yo vīryabalasampanno na samaḥ syāddhanūmataḥ |bhṛtyakāryam hanumatā sugrīvasya kṛtam mahat ||6-1-6||||
evam vidhāya svabalam sadṛśam vikramasya ca |yo hi bhṛtyo niyuktaḥ san bhartrā karmaṇi duṣkare ||6-1-7||||
kuryāttadunurāgeṇa tamahuḥ puruṣottamam |yo niyuktaḥ param kāryam na kuryānnaṛpateḥ priyam ||6-1-8||||
bhṛtyo yuktaḥ samarthaśca tamāhurmadhyam naram |niyukto nṛpateḥ kāryam na kuryādyaḥ samāhitaḥ ||6-1-9||||
bhṛtyo yuktaḥ samarthaśca tamāhuḥ puruṣdhamam |tanniyoge niyuktena kṛtam hanūmatā ||6-1-10||||
na cātmā laghatām nītaḥ sugrīvaścāpi toṣitaḥ |aham ca raghavamśaśca lakṣmaṇaśca mahābalaḥ ||6-1-11||||
vaidehyā darśanenādya dharmataḥ parirakṣitāḥ |idam tu mama dīnasya mano bhūyaḥ prakarṣati ||6-1-12||||
yadihāsya priyākṣyāturna kurmi sadṛśam priyam |eṣa sarvasvabhūtastu pariṣvaṅgo hanumataḥ ||6-1-13||||
mayā kālamimam prāpya dattastasya mahātmanaḥ |ityuktvā prītihṛṣṭāṅgo rāmastam pariṣsvaje ||6-1-14||||
hanumantam kṛtātmānam kR6itavākyamupāgatam |dhyātvā punaruvācedam vacanam raghusattamaḥ ||6-1-15||||
harīnāmīśvarasyāpi sugrīvasyopaśṛṇvataḥ |sarvathā sukṛtam tāvatsītāyāḥ parimārgaṇam ||6-1-16||||
sāgaram tu samāsādya punarnaṣṭam mano mama |katham nāma samudrasya duṣpārasya mahāmbhasaḥ ||6-1-17||||
harayo dakṣiṇam pāram gamiṣyanti samāgatāh |yadyapyeṣa tu vṛttānto vaidehyā gadito mama ||6-1-18||||
samudrapāragamane harīṇām kimihottaram |ityuktvā śokasambhrānto rāmah śatrunibarhaṇaḥ ||6-1-19||
tam tu śokaparidyūnam rāmam daśarathātmajam |uvāca vacanam śrīmān sugrīvah śokanāśanam ||6-2-1||||
kim tvayā tapyate vīra yathānyaḥ prākṛtastathā |maivam bhūstyaja satāpam kṛtaghna iva sauhṛdam ||6-2-2||||
samtāpasya ca te sthānam na hi paśyāmi rāghava |pravṛttāmupalabdhāyām jñāte ca nilaye ripoḥ ||6-2-3||||
matimān śāstravitprājñaḥ paṇḍitaścāsi rāghava |tyajemām prākṛtām uddhiṃ kṛtātmevārthadūṣaṇīm ||6-2-4||||
samdram laṅghayitvā tu mahānakrasamākulam |laṅkāmārohayiṣyāmo haniṣyāmaśca te ripum ||6-2-5||||
nirutsāhasya dīnasya śokaparyākulātmanaḥ |sarvārthā vyavasīdanti vyasanam cādhigacchati ||6-2-6||||
ime śūrāḥ samarthāśca sarvato hariyūthapāḥ |tvatpriyārtham kṛtotsāhāḥ praveṣṭumapi pāvakam ||6-2-7||||
eṣām harṣeṇa jānāmi tarkaścāpi dṛḍho mama |vikrameṇa samāneṣye sītām hatvā yathā ripum ||6-2-8||||
rāvanam pāpakrmāṇam tathā tvam kartumarhasi |seturatra yathā baddhyethā paśyema tām purīm ||6-2-9||||
tasya rākṣasarājasya tathā tvam kuru rāghava |dṛṣṭvā tām hi purīm laṅkām trikūṭaśikhare sthitām ||6-2-10||||
hatam ca rāvaṇam uddhe darśanādavadhāraya |abaddhvā sāgare setum ghore ca varuṇālaye ||6-2-11||||
laṅkā na marditum śakyā sendrairapi surāsuraiḥ |seturbaddhaḥ samudre ca yāvallaṅkāsamīpataḥ ||6-2-12||||
sarvam tīrṇam ca me sainyam jitamityupadhāraya |ime hi samare vīrā harayaḥ kāmarūpiṇaḥ ||6-2-13||||
tadalam viklabām buddhim rājan sarvārthanāśanīm |puruṣasya hi loke'smin śokaḥ śauryāpakarṣaṇaḥ ||6-2-14||||
yattu kāryam manuṣyeṇa śauṇḍīryamavalambyatām |tadalamkaraṇāyaiva karturbhavati satvaram ||6-2-15||||
asmin kāle mahāprājñ sattvamātiṣṭha te jasā |śūrāṇām hi manuṣyāṇām tvadvidhānām mahātmanām ||6-2-16||||
vinaṣṭevā ranassṭe vāśokaḥ sarvārthanāśanaḥ |tattvam buddhimatām śreṣṭhah sarvaśāstrarthakovidaḥ ||6-2-17||||
madvidhaiḥ sacivaiḥ sārdhamarim jetum samarhasi |na hi paśyāmyaham kam cittriṣu lokeṣu rāghava ||6-2-18||||
gṛhītadhanuṣo yaste tiṣṭhe dabhimukho raṇe |vānareṣu samāsaktam na te kāryam vipatsyate ||6-2-19||||
acirāddrakṣyase sītām tīrtvā sāgaramakṣayam |tadalam śokamālambya krodhamālamba bhūpate ||6-2-20||||
niśceṣṭāh kṣatriyā mandāḥ sarve caṇḍasy bibhyati |laṅghānārtham ca ghorasya samudrasya nadīpateḥ ||6-2-21||||
sahāsmābhirihoopetah sūkṣmabuddhirvicāraya |laṅghite tatra taiḥ sainyairjitamityeva niścinu ||6-2-22||||
sarvam tīrṇam ca me sainyam jitamityavadhāryatām |ime hi harayaḥ śūrāḥ samare kāmarūpiṇaḥ ||6-2-23||||
tānarīnvidhamiṣyanti śilāpādapavṛṣṭibhiḥ |katham citparipaśyāmi laṅghitam varuṇālayam ||6-2-24||||
hatamityeva tam manye yuddhe śatrunibarhaṇa |kimuktvā bahudhā cāpi sarvathā vijayā bhavān ||6-2-25||
sugrīvasya vacaḥ śrutvā hetumat parama arthavit |pratijagrāha kākutstho hanūmantam atha abravīt ||6-3-1||||
tarasā setu bandhena sāgara uccoṣaṇena vā |sarvathā susamartho asmi sāgarasya asya langhane ||6-3-2||||
kati durgāṇi durgāyā laṃkāyās tad bravīhi me |jñātum iccāmi tat sarvam darśanād iva vānara ||6-3-3||||
balasya parimāṇam ca dvāra durga kriyām api |gupti karma ca laṃkāyā rakṣasām sadanāni ca ||6-3-4||||
yathā sukham yathāvac ca laṃkāyām asi dṛṣṭavān |saram ācakṣva tattvena sarvathā kuśalo hi asi ||6-3-5||||
śrutvā rāmasya vacanam hanūmān māruta ātmajaḥ |vākyam vākyavidām śreṣṭho rāmam punar atha abravīt ||6-3-6||||
śrūyatām sarvam ākhyāsye durga karma vidhānataḥ |guptā purī yathā laṃkā rakṣitā ca yathā balaiḥ ||6-3-7||||
rākṣasāśca yathā snigdhā rāvaṇasya ca tejasā |parām samṛddhim laṃkāyāḥ sāgarasya ca bhīmatām ||6-3-8||||
vibhāgam ca bala oghasya nirdeśam vāhanasya ca |evamuktvā kapiśreṣṭhaḥ kathayāmāsa tatvavit ||6-3-9||||
prahṛṣṭā muditā laṃkā matta dvipa samākulā |mahatī ratha sampūrṇā rakṣo gaṇa samākulā ||6-3-10||||
dṛḍha baddha kavāṭāni mahāparighavanti ca |catvāri vipulānyasyā dvārāṇi sumahānti ||6-3-11||||
tatreṣūpayantrāṇi balavanti mahānti ca |āgatam para sainyam tais tatra pratinivāryate ||6-3-12||||
dvāreṣu samskṛtā bhīmāḥ kāla āyasa mayāḥ śitāḥ |śataśo rocitā vīraiḥ śataghnyo rakṣasām gaṇaiḥ ||6-3-13||||
sauvarṇaḥ ca mahāms tasyāḥ prākāro duṣpradharṣaṇaḥ |maṇi vidruma vaidūrya muktā vicarita antaraḥ ||6-3-14||||
sarvataḥ ca mahābhīmāḥ śīta toyā mahāśubhāḥ |agādhā grāhavatyaḥ ca parikhā mīna sevitāḥ ||6-3-15||||
dvāreṣu tāsām catvāraḥ samkramāḥ parama āyatāḥ |yantrair upetā bahubhir mahadbhir dṛḍha samdhibhiḥ ||6-3-16||||
trāyante samkramās tatra para sainya āgame sati |yantrais tair avakīryante parikhāsu samantataḥ ||6-3-17||||
ekas tv akampyo balavān samkramaḥ sumahādṛḍhaḥ |kāñcanair bahubhiḥ stambhair vedikābhiḥ ca śobhitaḥ ||6-3-18||||
svayam prakṛti sampanno yuyutsū rāma rāvaṇaḥ |utthitaḥ ca apramattaḥ ca balānām anudarśane ||6-3-19||||
laṃkā purī nirālambā deva durgā bhaya āvahā |na adeyam pārvatam vanyam kṛtrimam ca catur vidham ||6-3-20||||
sthitā pāre samudrasya dūra pārasya rāghava |nau pathaḥ ca api na asti atra nirādeśaḥ ca sarvataḥ ||6-3-21||||
śaila agre racitā durgā sā pūr deva pura upamā |vāji vāraṇa sampūrṇā laṃkā parama durjayā ||6-3-22||||
parighāḥ ca śataghnyaḥ ca yantrāṇi vividhāni ca |śobhayanti purīm laṃkām rāvaṇasya durātmanaḥ ||6-3-23||||
ayutam rakṣasām atra paścima dvāram āśritam |śūla hastā durādharṣāḥ sarve khaḍga agra yodhinaḥ ||6-3-24||||
niyutam rakṣasām atra dakṣiṇa dvāram āśritam |catur angeṇa sainyena yodhās tatra api anuttamāḥ ||6-3-25||||
prayutam rakṣasām atra pūrva dvāram samāśritam |carma khaḍga dharāḥ sarve tathā sarva astra kovidāḥ ||6-3-26||||
nyarbudam rakṣasām atra uttara dvāram āśritam |rathinaḥ ca aśva vāhāḥ ca kula putrāḥ supūjitāḥ ||6-3-27||||
śatam śata sahasrāṇām madhyamam gulmam āśritam |yātu dhānā durādharṣāḥ sāgra koṭiḥ ca rakṣasām ||6-3-28||||
te mayā samkramā bhagnāḥ parikhāḥ ca avapūritāḥ |dagdhā ca nagarī laṃkā prākārāḥ ca avasāditāḥ ||6-3-29||||
balaikadeśaḥ kṣapito rākṣasānām mahātmanām |yena kena tu mārgeṇa tarāma varuṇa ālayam ||6-3-30||||
hatā iti nagarī laṃkām vānarair avadhāryatām |aṅgado dvivido maindo jāmbavān panaso nalaḥ ||6-3-31||||
nīlaḥ senā patiḥ caiva bala śeṣeṇa kim tava |plavamānā hi gatvā tām rāvaṇasya mahāpurīm ||6-3-32||||
saprakārām sabhavanām ānayiṣyanti maithilīm |saprākārām sabhavanāmānayuṣyanti rāghava ||6-3-33||||
evam ājñāpaya kṣipram balānām sarva samgraham |muhūrtena tu yuktena prasthānamabhirocaya ||6-3-34||
sā tu nīlena vidhivat svārakṣā susamāhitā |sāgarasya uttare tīre sādhu senā vinieśitā ||6-5-1||||
maindaḥ ca dvividhaḥ ca ubhau tatra vānara pumgavau |viceratuḥ ca tām senām rakṣā artham sarvato diśam ||6-5-2||||
niviṣṭāyām tu senāyām tīre nada nadī pateḥ |pārśvastham lakṣmaṇam dṛṣṭvā rāmo vacanam abravīt ||6-5-3||||
śokaḥ ca kila kālena gaccatā hi apagaccati |mama ca apaśyataḥ kāntām ahani ahani vardhate ||6-5-4||||
na me duhkham priyā dūre na me duhkham hṛtā iti ca |tad eva anuśocāmi vayo asyā hi ativartate ||6-5-5||||
vāhi vāta yataḥ kanyā tām spṛṣṭvā mām api spṛśa |tvayi me gātra samsparśaḥ candre dṛṣṭi samāgamaḥ ||6-5-6||||
tan me dahati gātrāṇi viṣam pītam iva āśaye |hā nātha iti priyā sā mām hriyamāṇā yad abravīt ||6-5-7||||
tad viyoga indhanavatā tac cintā vipula arciṣā |rātrim divam śarīram me dahyate madana agninā ||6-5-8||||
avagāhya arṇavam svapsye saumitre bhavatā vinā |kathamcit prajvalan kāmaḥ samāsuptam jale dahet ||6-5-9||||
bahv etat kāmayānasya śakyam etena jīvitum |yad aham sā ca vāma ūrur ekām dharaṇim āśritau ||6-5-10||||
kedārasya iva kedāraḥ sa udakasya nirūdakaḥ |upasnehena jīvāmi jīvantīm yat śṛṇomi tām ||6-5-11||||
kadā tu khalu susśoṇīm śata patra āyata īkṣaṇām |vijitya śatrūn drakṣyāmi sītām sphītām iva śriyam ||6-5-12||||
kadā nu cāru bimba oṣṭham tasyāḥ padmam iva ānanam |īṣad unnamya pāsyāmi rasāyanam iva āturaḥ ||6-5-13||||
tau tasyāḥ samhatau pīnau stanau tāla phala upamau |kadā nu khalu sa utkampau hasantyā mām bhajiṣyataḥ ||6-5-14||||
sā nūnam asita apāngī rakṣo madhya gatā satī |man nāthā nātha hīnā iva trātāram na adhigaccati ||6-5-15||||
kadā vikṣobhya rakṣāmsi sā vidhūya utpatiṣyati |rākṣasīmadhyagā śete snuṣā daśarathasya ca ||6-5-16||||
avikṣobhyāṇi rakṣāmsi sā vidhūyotpatiṣyati |vidhūya jaladān nīlān śaśi lekhā śaratsv iva ||6-5-17||||
svabhāva tanukā nūnam śokena anaśanena ca |bhūyas tanutarā sītā deśa kāla viparyayāt ||6-5-18||||
kadā nu rākṣasa indrasya nidhāya urasi sāyakān |sītām pratyāhariṣyāmi śokam utsṛjya mānasam ||6-5-19||||
kadā nu khalu mām sādhvī sītā amara sutā upamā |sa utkaṇṭhā kaṇṭham ālambya mokṣyati ānandajam jalam ||6-5-20||||
kadā śokam imam ghoram maithilī viprayogajam |sahasā vipramokṣyāmi vāsaḥ śukla itaram yathā ||6-5-21||||
evam vilapatas tasya tatra rāmasya dhīmataḥ |dina kṣayān manda vapur bhāskaro astam upāgamat ||6-5-22||||
āśvāsito lakṣmaṇena rāmaḥ samdhyām upāsata |smaran kamala patra akṣīm sītām śoka ākulī kṛtaḥ ||6-5-23||
laṃkāyām tu kṛtam karma ghoram dṛṣṭvā bhava āvaham |rākṣasa indro hanumatā śakreṇa iva mahātmanā ||6-6-1||||
abravīd rākṣasān sarvān hriyā kimcid avān mukhaḥ |dharṣitā ca praviṣṭā ca laṃkā duṣprasahā purī ||6-6-2||||
tena vānara mātreṇa dṛṣṭā sītā ca jānakī |prasādo dharṣitaḥ caityaḥ pravarā rākṣasā hatāḥ ||6-6-3||||
āvilā ca purī laṃkā sarvā hanumatā kṛtā |kim kariṣyāmi bhadram vaḥ kim vā yuktam anantaram ||6-6-4||||
ucyatām naḥ samartham yat kṛtam ca sukṛtam bhavet |mantra mūlam hi vijayam prāhur āryā manasvinaḥ ||6-6-5||||
tasmād vai rocaye mantram rāmam prati mahābalāḥ |trividhāḥ puruṣā loke uttama adhama madhyamāḥ ||6-6-6||||
teṣām tu samavetānām guṇa doṣam vadāmi aham |mantribhir hita samyuktaiḥ samarthair mantra nirṇaye ||6-6-7||||
mitrair vā api samāna arthair bāndhavair api vā hitaiḥ |sahito mantrayitvā yaḥ karma ārambhān pravartayet ||6-6-8||||
daive ca kurute yatnam tam āhuḥ puruṣa uttamam |eko artham vimRśed eko dharme prakurute manaḥ ||6-6-9||||
ekaḥ kāryāṇi kurute tam āhur madhyamam naram |guṇa doṣāv aniścitya tyaktvā daiva vyapāśrayam ||6-6-10||||
kariṣyāmi iti yaḥ kāryam upekṣet sa nara adhamaḥ |yathā ime puruṣā nityam uttama adhama madhyamāḥ ||6-6-11||||
evam mantro api vijñeya uttama adhama madhyamaḥ |aikamatyam upāgamya śāstra dṛṣṭena cakṣuṣā ||6-6-12||||
mantriṇo yatra nirastās tam āhur mantram uttamam |bahvyo api matayo gatvā mantriṇo hi artha nirṇaye ||6-6-13||||
punar yatra ekatām prāptaḥ sa mantro madhyamaḥ smṛtaḥ |anyonya matim āsthāya yatra sampratibhāṣyate ||6-6-14||||
na ca aikamatye śreyo asti mantraḥ so adhama ucyate |tasmāt sumantritam sādhu bhavanto mantri sattamāḥ ||6-6-15||||
kāryam sampratipadyantām etat kṛtyatamam mama |vānarāṇām hi vīrāṇām sahasraiḥ parivāritaḥ ||6-6-16||||
rāmo abhyeti purīm laṃkām asmākam uparodhakaḥ |tariṣyati ca suvyaktam rāghavaḥ sāgaram sukham ||6-6-17||||
tarasā yukta rūpeṇa sānujaḥ sabala anugaḥ |samudramucchoṣayati vīryeṇānyatkaroti vā||6-6-18||||
tasminn evam gate kārye viruddhe vānaraiḥ saha |hitam pure ca sainye ca sarvam sammantryatām mama ||6-6-19||
iti uktā rākṣasa indreṇa rākṣasāste mahābalāḥ |ūcuḥ prānjalayaḥ sarve rāvaṇam rākṣasa īśvaram ||6-7-1||||
dviṣtpakṣhmavijñāya nītibāhyāstvabuddhayaḥ |rājan parigha śakti ṛṣṭi śūla paṭṭasa samkulam ||6-7-2||||
sumahan no balam kasmād viṣādam bhajate bhavān |tvayā bhogavatīm gatvā nirjatāḥ pannagā yudhi ||6-7-3||||
kailāsa śikhara āvāsī yakṣair bahubhir āvṛtaḥ |sumahat kadanam kṛtvā vaśyas te dhanadaḥ kṛtaḥ ||6-7-4||||
sa mahāīśvara sakhyena ślāghamānas tvayā vibho |nirjitaḥ samare roṣāl loka pālo mahābalaḥ ||6-7-5||||
vinihatya ca yakṣaughān vikṣobhya ca vigṛhya ca |tvayā kailāsa śikharād vimānam idam āhṛtam ||6-7-6||||
mayena dānava indreṇa tvad bhayāt sakhyam iccatā |duhitā tava bhāryā arthe dattā rākṣasa pumgava ||6-7-7||||
dānava indro madhur nāma vīrya utsikto durāsadaḥ |vigṛhya vaśam ānītaḥ kumbhīnasyāḥ sukha āvahaḥ ||6-7-8||||
nirjitās te mahābāho nāgā gatvā rasā talam |vāsukis takṣakaḥ śankho jaṭī ca vaśam āhṛtāḥ ||6-7-9||||
akṣayā balavantaḥ ca śūrā labdha varāḥ punaḥ |tvayā samvatsaram yuddhvā samare dānavā vibho ||6-7-10||||
sva balam samupāśritya nītā vaśam arim dama |māyāḥ ca adhigatās tatra bahavo rākṣasa adhipa ||6-7-11||||
śūrāḥ ca balavantaḥ ca varuṇasya sutā raṇe |nirjitās te mahābāga catur vidha bala anugāḥ ||6-7-12||||
mṛtyu daṇḍa mahāgrāham śālmali dvīpa maṇḍitam |kālapāśamahāīcim yamakimkarapannagam ||6-7-13||||
mahājvareṇa durdharṣam yamalokamahārṇavam |avagāhya tvayā rājan yamasya bala sāgaram ||6-7-14||||
jayaḥ ca viplulaḥ prāpto mṛtyuḥ ca pratiṣedhitaḥ |suyuddhena ca te sarve lokās tatra sutoṣitāḥ ||6-7-15||||
kṣatriyair bahubhir vīraiḥ śakra tulya parākramaiḥ |āsīd vasumatī pūrṇā mahadbhir iva pādapaiḥ ||6-7-16||||
teṣām vīrya guṇa utsāhair na samo rāghavo raṇe |prasahya te tvayā rājan hatāḥ parama durjayāḥ ||6-7-17||||
tiṣṭha vā kim mahārāja śrameṇa tava vānarān |ayameko mahāraja indrajit kṣapayiṣyati ||6-7-18||||
anena hi mahārāja maheśvaramanuttamam |iṣṭvā yajñam varo labdho loke paramadurlabhaḥ ||6-7-19||||
śaktitomaramīnam ca vinikīrṇāntraśaivalam |gajakaccapasambādhamśvamaṇḍūkasamkulam ||6-7-20||||
rudrādityamahāgrāham marudvasumahoragam |rathaśvagajatoyaugham padātipulinam mahat ||6-7-21||||
anena hi samāsādya devānām balasāgam |gṛhīto daivatapatirlaṅkām cāpi praveśitaḥ ||6-7-22||||
pītāmahaniyogācca muktaḥ śambaravṛtrahā |gatastriviṣṭapam rājan sarvadevanamaskṛtaḥ ||6-7-23||||
tameva tvam mahārāja visṛjendrajitam sutam |yāvadvānarasenām tām parāmām nayati kṣhayam ||6-7-24||||
rājan na āpad ayuktā iyam āgatā prākṛtāj janāt |hṛdi na eva tvayā kāryā tvam vadhiṣyasi rāghavam ||6-7-25||
tato nīla ambuda nibhaḥ prahasto nāma rākṣasaḥ |abravīt prāñjalir vākyam śūraḥ senā patistadā ||6-8-1||||
deva dānava gandharvāḥ piśācapatagauragāḥ |na tvām dharṣayitum śaktāḥ kim punar vānarā raṇe ||6-8-2||||
sarve pramattā viśvastā vancitāḥ sma hanūmatā |na hi me jīvato gaccej jīvan sa vana gocaraḥ ||6-8-3||||
sarvām sāgara paryantām saśaila vana kānanām |karomi avānarām bhūmim ājñāpayatu mām bhavān ||6-8-4||||
rakṣām caiva vidhāsyāmi vānarād rajanī cara |na āgamiṣyati te duhkham kimcid ātma aparādhajam ||6-8-5||||
abravīttam susamkruddho durmukho nāma rākṣasaḥ |idam na kṣamaṇīyam hi sarveṣām naḥ pradharṣaṇam ||6-8-6||||
ayam paribhavo bhūyaḥ purasya antaḥ purasya ca |śrīmato rākṣasa indrasya vānara indra pradharṣaṇam ||6-8-7||||
asmin muhūrte hatvā eko nivartiṣyāmi vānarān |praviṣṭān sāgaram bhīmam ambaram vā rasā talam ||6-8-8||||
tato abravīt susamkruddho vajra damṣṭro mahābalaḥ |pragṛhya parigham ghoram māmsa śoṇita rūpitam ||6-8-9||||
kim no hanumatā kāryam kṛpaṇena tapasvinā |rāme tiṣṭhati durdharṣe sugrīve saha lakṣmaṇe ||6-8-10||||
adya rāmam sasugrīvam parigheṇa salakṣmaṇam |āgamiṣyāmi hatvā eko vikṣobhya hari vāhinīm ||6-8-11||||
idam mamāparam vākyam śṛṇu rājanyadīccasi |upāyakuśalo hyeva jayeccatrunatandritaḥ ||6-8-12||||
kāmarūpadharāḥ śūrāḥ subhīmā bhīmadarśanāḥ |rākṣasā vā sahasrāṇi rākṣasādhipa niścitāḥ ||6-8-13||||
kākutthsamupasamgamya bibhrato mānuṣam vapuḥ |sarve hyasambhramā bhūtvā bruvantu raghusattamam ||6-8-14||||
preṣitā bharatenaiva bhrātrā tava yavīyasā |sa hi senām samutthāpya kṣipramevopayāsyati ||6-8-15||||
tato vayamitasturṇam śūlaśaktigadādharāḥ |cāpabāṇāsihastaśca tvaritāstatra yāmahe ||6-8-16||||
ākāśe gaṇaśaḥ sthitvā hatvā tām harivāhinīm |aśmaśastramahāvṛṣṭvā prāpayām yamakṣayam ||6-8-17||||
evam cedupasarpetāmanayam rāmalakṣmaṇau |avaśyamapanītena jahatāmeva jīvitam ||6-8-18||||
kaumbhakarṇis tato vīro nikumbho nāma vīryavān |abravīt parama kurddho rāvaṇam loka rāvaṇam ||6-8-19||||
sarve bhavantas tiṣṭhantu mahārājena samgatāḥ |aham eko haniṣyāmi rāghavam saha lakṣmaṇam ||6-8-20||||
sugrīvam sahanūmantam sarvāmścaivātra vānarān |tato vajrahanurnāma rākṣasaḥ parvatopamaḥ ||6-8-21||||
kruddhaḥ parilihan vaktram jihvayā vākyam abravīt |svairam kurvantu kāryāṇi bhavanto vigata jvarāḥ ||6-8-22||||
eko aham bhakṣayiṣyāmi tān sarvān hari yūthapān |svasthāḥ krīḍantu niścintāḥ pibantu madhu vāruṇīm ||6-8-23||||
aham eko haniṣyāmi sugrīvam saha lakṣmaṇam |sa angadam ca hanūmantam rāmam ca raṇa kunjaram ||6-8-24||
tato nikumbho rabhasaḥ sūrya śatrur mahābalaḥ |suptaghno yajña kopaḥ ca mahāpārśvo mahāuaraḥ ||6-9-1||||
agni ketuḥ ca durdharṣo raśmi ketuḥ ca rākṣasaḥ |indrajic ca mahātejā balavān rāvaṇa ātmajaḥ ||6-9-2||||
prahasto atha virūpa akṣo vajra damṣṭro mahābalaḥ |dhūmra akṣaḥ ca atikāyaḥ ca durmukhaḥ caiva rākṣasaḥ ||6-9-3||||
parighān paṭṭasān prāsān śakti śūla paraśvadhān |cāpāni ca sabāṇāni khaḍgāmaḥ ca vipulān śitān ||6-9-4||||
pragṛhya parama kruddhāḥ samutpatya ca rākṣasāḥ |abruvan rāvaṇam sarve pradīptā iva tejasā ||6-9-5||||
adya rāmam vadhiṣyāmaḥ sugrīvam ca salakṣmaṇam |kṛpaṇam ca hanūmantam laṃkā yena pradharṣitā ||6-9-6||||
tān gṛhīta āyudhān sarvān vārayitvā vibhīṣaṇaḥ |abravīt prānjalir vākyam punaḥ pratyupaveśya tān ||6-9-7||||
api upāyais tribhis tāta yo arthaḥ prāptum na śakyate |tasya vikrama kālāms tān yuktān āhur manīṣiṇaḥ ||6-9-8||||
pramatteṣv abhiyukteṣu daivena prahateṣu ca |vikramās tāta sidhyanti parīkṣya vidhinā kṛtāḥ ||6-9-9||||
apramattam katham tam tu vijigīṣum bale sthitam |jita roṣam durādharṣam pradharṣayitum iccatha ||6-9-10||||
samudram langhayitvā tu ghoram nada nadī patim |kṛtam hanumatā karma duṣkaram tarkayeta kaḥ ||6-9-11||||
balāni aparimeyāni vīryāṇi ca niśā carāḥ |pareṣām sahasā avajñā na kartavyā kathamcana ||6-9-12||||
kim ca rākṣasa rājasya rāmeṇa apakṛtam purā |ājahāra jana sthānād yasya bhāryām yaśasvinaḥ ||6-9-13||||
kharo yadi ativṛttas tu rāmeṇa nihato raṇe |avaśyam prāṇinām prāṇā rakṣitavyā yathā balam ||6-9-14||||
etan nimittam vaidehī bhayam naḥ sumahad bhavet |āhṛtā sā parityājyā kalaha arthe kRte na kim ||6-9-15||||
na naḥ kṣamam vīryavatā tena dharma anuvartinā |vairam nirarthakam kartum dīyatām asya maithilī ||6-9-16||||
yāvan sagajām sāśvām bahu ratna samākulām |purīm dārayate bāṇair dīyatām asya maithilī ||6-9-17||||
yāvat sughorā mahatī durdharṣā hari vāhinī |na avaskandati no laṃkām tāvat sītā pradīyatām ||6-9-18||||
vinaśyedd hi purī laṃkā śūrāḥ sarve ca ākṣasāḥ |rāmasya dayitā patnī na svayam yadi dīyate ||6-9-19||||
prasādaye tvām bandhutvāt kuruṣva vacanam mama |hitam pathyam tv aham brūmi dīyatām asya maithilī ||6-9-20||||
purā śarat sūrya marīcci samnibhān |nava agra punkhān sudṛḍhān nṛpa ātmajaḥ |||
sṛjati amoghān viśikhān vadhāya te |pradīyatām dāśarathāya maithilī ||6-9-21||||
tyajasva kopam sukha dharma nāśanam |bhajasva dharmam rati kīrti vardhanam |||
prasīda jīvema saputra bāndhavāḥ |pradīyatām dāśarathāya maithilī ||6-9-22||||
vibhīṣaṇavacaḥ śrutvā rāvaṇo rākṣaseśvaraḥ |visarjayitvā tān sarvān praiveśa svakam gṛham ||6-9-23||
tataḥ pratyuṣasi prāpte prāptadharmārthaniścayaḥ |rākṣasādhipaterveśma bhīmakarmā vibhīṣaṇaḥ ||6-10-1||||
śailāgracayasamkāśam śailaśṛj~gamivonnatam |suvibhaktamahākakṣam mahājanaparigraham ||6-10-2||||
matimadbhirmahāmātrairanurakairadhiṣṭhitam |rākṣasairāptaparyāptaih sarvataḥ parirakṣitam ||6-10-3||||
mattamātaj~ganiḥśvāsairvyākulīkṛtamārutam |śaj~khaghoṣamahāghoṣam tūryasambādhanāditam ||6-10-4||||
pramadājanasambādham prajalpitamahāpatham |taptakāñcananiryūham bhūṣaṇottamabhūṣitam ||6-10-5||||
gandharvāṇāmivāvāsamālayam marutāmiva |ratnasamcayasambādham bhavanam bhogināmiva ||6-10-6||||
tam mahābhramivāditya stejovistṛtaraśmimān |agrajasyālayam vīraḥ praviveśa mahādyutiḥ ||6-10-7||||
puṇyān puṇyāhaghoṣāmśca vedividbhirudāhṛtān |śuśrāva sumahātejā bhrāturvijayasamśritān ||6-10-8||||
pūjitān dadhipātraiśca sarpirbhiḥ sumanokṣataiḥ |mantravedavido viprān dadarśa sa mahābalaḥ ||6-10-9||||
sa pūjyamāno rakṣobhiddīpyamānam svatejasā |asavastham mahābāhurvavande dhanadānujam ||6-10-10||||
sa rājadṛṣṭisampannamāsanam hemabhūṣitam |jagāma samudācāram prayujyācārakovidaḥ ||6-10-11||||
sa rāvaṇam mahātmānam vijane mantrisamnidhau |uvāca hitamatyartham vacanam hetuniścitam ||6-10-12||||
prasādya bhrātaram jyeṣṭham sāntvenopasthitakramaḥ |deśakālārthasamvādi dṛṣṭalokaparāvaḥ ||6-10-13||||
yadā prabhṛti vaidehī samprāpteha paratapa |tadā prabhṛti dṛśyante nimittānyaśubhāni naḥ ||6-10-14||||
sasphulij~gaḥ sadhūmārcih sadhūmakaluṣodayaḥ |mantrasamghahuto'pyagnirna samyagabhivardhate ||6-10-15||||
agniṣṭheṣvagniśālāsu tathā brahmasthalīṣu ca |parīpṛpāṇi dṛśyante havyeṣu ca pipīlikāḥ ||6-10-16||||
gavām payāmsi skannāni vimadā varakuñjarāḥ |dīnamaśvāḥ praheṣante na ca grāsābhinandinaḥ ||6-10-17||||
kharoṣṭrāśvatarā rājanbhinnromāḥ sravanti ca |na svabhāve'vatiṣṭhante vidhānairapi cintatāḥ ||6-10-18||||
vāyasāḥ saghaśaḥ krūrā vyāharanti samantataḥ |samavetāśca dṛśyante vimānāgreṣu samghaśaḥ ||6-10-19||||
gṛdhrāśca parilīyante purīmupari piṇḍitāḥ |upapannāśca samdhye dve vyāharantyaśivam śivāḥ ||6-10-20||||
kravyādānām mṛgāṇām ca purīdvāreṣu saj~ghaśaḥ |śrūyante vipulā ghoṣāḥ savisphūrjitaniḥsvanāḥ ||6-10-21||||
tadevam prastute kārte prāyaścittamidam kṣamam |rocaye vīra vaidehī rāghavāya pradīyatām ||6-10-22||||
idam ca yadi vāmohāllobhādvā vyāhṛtam mayā |tatrāp ca mahārāja na doṣam kartumarhasi ||6-10-23||||
ayam hi doṣaḥ sarvasya janasyāpyopalakṣyate |rakṣasām rākṣasīnām ca purasyāntaḥ purasya ca ||6-10-24||||
prāpaṇe cāsya mantrasya nivṛttāḥ sarvamantriṇaḥ |avaśyam ca mayā vācyam yaddṛṣṭamathavā śrutam ||6-10-25||||
samvidhāya yathānyāyam tadbhavān kartumarhati |iti svamantriṇām madhye bhrātā bhrātaramūcivān ||6-10-26||||
rāvaṇam rakṣasām śreṣṭham pathyametadvibhīṣaṇaḥ |||
hitam mahārtham maṛdu hetusamhitam |vyatītakālāyatisampratikṣamam |||
niśamya tadvākyamupasthitajvaraḥ |prasaj~gavānuttarameta dabravīt ||6-10-27||||
bhayam na paśyāmi kutaścidapyaham |na rāghavaḥ prāpsyati jātu maithilīm |||
suraiḥ sahendrairapi samgare katham |mamāgrataḥ sthāsyati lakṣmaṇāgrajaḥ ||6-10-28||||
ityevamukrvā surasainyanāśano |mahābalaḥ samyati caṇḍavikramaḥ |||
daśānano bhrātaramāptavādinam |visarjayāmāsa tadā vibhīṣaṇam ||6-10-29||
sa babhuva kṛśo rājā maithilīkāmamohitaḥ |asanmānācca suhṛdām pāpaḥ pāpena karmaṇāḥ ||6-11-1||||
atītasamaye kāle tasminve yudhi rāvaṇaḥ |amātyaiśca suhṛdbhiśca prāptakālamamanyata ||6-11-2||||
sa hemajālavitatam maṇividrumabhūṣitam |upagamya vinītāśvamāruroha mahārtham ||6-11-3||||
tamāsthāya rathaśreṣṭho mahāmeghasamasvanam |prayayau rakṣasām śreṣṭho daśagrīvaḥ sabhām prati ||6-11-4||||
asicarmadharā yodhāḥ sarvāyudhadharāstataḥ |rākṣasā rākṣasendrasya purastātsampratasthire ||6-11-5||||
nānāvikṛtaveṣāśca nānābhūṣaṇabhūṣitāḥ |pārśvataḥ pṛṣṭhataścainam parivārya yayustadā ||6-11-6||||
rathaiścātirathā śīghram mataiśca varavāraṇaiḥ |amātpeturdaśagrīvamākrīḍadbhiśca vājibhiḥ ||6-11-7||||
gadāparighahastāśca śaktitomarapāṇayaḥ |paraśvathadharāścānye tathānye śūlapāṇayaḥ ||6-11-8||||
tatastūryasahasrāṇām samjajñe niḥsvano mahān |tumulaḥ śaṅkhaśabdaśca sabhām gaccati ravaṇe ||6-11-9||||
sa nemighoṣeṇa mahānsahasābhininādayan |rājamārgam śriyā juṣṭam pratipede mahārathaḥ ||6-11-10||||
vimalam cātapatram ca pagṛhītamaśobhata |pāṇḍuram rākṣasendrasya pūrṇastāradhipo yathā ||6-11-11||||
hemañjarigarbhe ca śuddhasphaṭikavigrahe |cāmaravyajane tasya rejatuḥ savyadakṣiṇe ||6-11-12||||
te kṛtāñjalayaḥ sarve rathastham pṛthivīsthitāḥ |rākṣsā rākṣasaśreṣṭham śirobhistam vavandire ||6-11-13||||
rākṣanaiḥ stūyamānaḥ san jayāśīrbhirarimdamaḥ |asasāda mahātejāḥ sabhām viracitām tadā ||6-11-14||||
suvarṇarajatāstīrṇām viśuddhasphaṭikāntarām |virājamāno vapuṣā rukmapaṭṭottaraccadām ||6-11-15||||
tām piśācaśataiḥ ṣaḍbhirabhiguptām sadāprabhām |praviveśa mahātejāḥ sukṛtām viśvakarmaṇā ||6-11-16||||
tasyām sa vaidūryamayam priyākājinasamvṛtam |mahatsopāśrayam bheje rāvaṇaḥ paramāsanam ||6-11-17||||
tataḥ śaśāseśvaravaddūtān laghuparākramān |samānayata me kṣipramihaitān rākṣasāniti ||6-11-18||||
kṛtyamasti mahājjāne kartavyamiti śatrubhiḥ |rākṣasāstadvacaḥ śrutvā laṅkāyām paricakramuḥ ||6-11-19||||
anugehamavasthaya vihāraśayaneṣu ca |udyāneṣu ca rakkṣamsi codayanto hyabhītavat ||6-11-20||||
te rathān rucirāneke dṛptāneke dṛḍhān hayān |nāganeke'dhiruruhurjagmuścaike padātayaḥ ||6-11-21||||
sā purī paramākīrṇā rathakuñjaravājibhiḥ |sampatadbhirviruruce garutmadcirivāmabaram ||6-11-22||||
te vāhanānyavasthāpya yānāni vividhāni ca |sabhām padbhiḥ praviviśuḥ simhā giriguhāmiva ||6-11-23||||
rājñaḥ pādau gṛhītvā tu rājñā te pratipūjitāḥ |pīṭheṣvanye bṛsīṣvanye bhūmau kecidupāviśan ||6-11-24||||
te sametya sabhāyām vai rākṣasā rājaśāsanāt |yathārhamupatasthuste rāvaṇam rākṣasādhipam ||6-11-25||||
mantriṇaśca yathāmukhyā niścitārtheṣu paṇḍitāḥ |amātyāśca guṇopetāḥ sarvajñā buddhidarśanāḥ ||6-11-26||||
samīyustatra śataśaḥ śūrāśca bahavastathā |sabhāyām hemavarṇāyām sarvārthasya sukhāya vai ||6-11-27||||
tato mahātmā vipulam suyugyam |ratham varam hemavicitritāṅgam |śubham samāsthāya yayau yaśasvī |vibhīṣaṇaḥ samsadamagrajasya ||6-11-28||||
sa pūrvajāyāvarajaḥ śaśamsa |nā mātha paścāccaraṇau vavande |śukaḥ prahastaśca tathaiva tebhyo |dadau yathārham pR^thagāsanāni ||6-11-29||||
suvarṇanānāmaṇibhuṣaṇānām |suvāsasām samsadi rākṣasānām |teṣām parārthyagurucandanānām |srajām ca gandhāḥ pravavuḥ samantāt ||6-11-30||||
na cukruśurnānṛtamāha kaści |tsabhāsado nāpi jajalpuruccaiḥ |samsiddhārthaḥ sarva evogravīryā |bhartuḥ sarve dadṛśuścānanam te ||6-11-31||||
sa rāvaṇaḥ śastrabhṛtām manasvinām |mahābalānām samitau manasvī |tapyām sabhāyām prabhayā cakāśe |madhye vasūnāmiva vajrahastaḥ ||6-11-32||
sa tām pariṣadam kṛtsnām samīkṣya samitimjayaḥ |prabodhayāmāsa tadā prahastam vāhinīpatim ||6-12-1||||
senāpate yathā te syuḥ kṛtavidyāścaturvidhāḥ |yodhā nagararakṣāyām tathā vyādeṣṭumarhasi ||6-12-2||||
sa prahastaḥ pratītātmā cikīrṣan rājaśāsanam |vinikṣipad balam sarvam bahirantaśca mandire ||6-12-3||||
tato vinikṣipya balam sarvam nagaraguptaye |prahastaḥ pramukhe rājño niṣasāda jagāda ca ||6-12-4||||
vihitam bahirantaśca balam balavatastava |kuruṣvāvimanāḥ kṣipram yadabhipretamasti te ||6-12-5||||
prahastasya vacaḥ śrutvā rājā rājyahitaiṣiṇaḥ |sukhepsuḥ suhṛdām madhye vyājahāra sa rāvaṇaḥ ||6-12-6||||
priyāpriye sukha duḥkham lābhālābhe sitāhite |dharmakāmārthakṛccreṣu yūyamārhatha veditum ||6-12-7||||
sarvakṛtyāni yuṣmābhiḥ samārabdhani sarvadā |mantrakarmaniyuktāni na jātu viphalāni me ||6-12-8||||
sasomagrahanakṣatrairmarudbhiriva vāsavaḥ |bhavadbhirahamatyartham vṛtaḥ śriyamavāpnuyām ||6-12-9||||
aham tu khalu sarvanvaḥ samarthayutumudyataḥ |kumabhakarṇasya tu svapnānnemamarthamacodayam ||6-12-10||||
ayam hi suptaḥ ṣṇmāsān kumbhakarṇo mahābalaḥ |sarvaśastrabhṛtam mukhyaḥ sa idānīm samutthitaḥ ||6-12-11||||
iyam ca daṇḍakāraṇYādrāmasya mahiṣī priyā |rakṣobhiścaritoddeśādānītā janakātmajā ||6-12-12||||
sā me na śayyāmāroḍhumiccatyalasagāminī |triṣulokeṣu cānyā me na sītāsadṛśī matā ||6-12-13||||
tanumadhyā pṛthuśroṇī śaradindunibhānanā |hemabimbanibhā saumyāmāyeva mayanirmitā ||6-12-14||||
sulohitatalau ślakkṣaṇau caraṇau supratiṣṭhatau |dṛṣṭvā tāmranakhau tasyā dīpyate me śarīrajaḥ ||6-12-15||||
hutāgnirarciḥsamkāśāmenām saurīmiva prabhām |unnasam vimalam valgu vadanam cārulocanam ||6-12-16||||
paśyamstadavaśastasyāḥ kāmasya vaśameyivān |krodhaharṣasamānena durvarṇakaraṇena ca ||6-12-17||||
śokasamtāpanityena kāmena kaluṣīkṛtaḥ |sā tu samvatsaram kālam māmayācata bhāminī ||6-12-18||||
pratīkṣamāṇā bhartāram rāmamāyatalocanā |tanmayā cārunetrāyāḥ pratijñātam vacaḥ śubham ||6-12-19||||
śrānto'ham satatam kāmādyāto haya ivādhvani |katham sāgaramakṣobhyam tariṣyanti vanaukasaḥ ||6-12-20||||
bahusattvasamākīrṇam tau vā daśarathātmajau |athavā kapinaikena kṛtam naḥ kadanam mahat ||6-12-21||||
durjñeyāḥ kāryagatayo brūta yasya yathāmati |mānuṣānno bhayam nāsti tathāpi tu vimṛśyatām ||6-12-22||||
tadā devāsure yudde yuṣmābhiḥ sahito'jayam |te me bhavantaśca tathā sugrīvapramukhān harīn ||6-12-23||||
pare pāre samudrasya puraskṛtya nṛpātmajau |sītāyāḥ padavīm prāpya samprāptau varuṇālayam ||6-12-24||||
adeyā ca yathā sītā vadhyau daśarathātmajau |bhavadbhirmantyratām mantraḥ sunītam cābhidhīyatām ||6-12-25||||
na hi śaktim prapaśyāmi jagatyanyasya kasyacit |sāgaram vānaraistīrtvā viścayena jayo mama ||6-12-26||||
tasya kāmaparītasya niśamya paridevitam |kumbhakarṇaḥ pracukrodha vacanam cedamabravīt ||6-12-27||||
yadā tu rāmasya salakṣmaṇasya |prasahya sītā khalu pā ihā'hṛtā |sakṛtsamīkṣaiva suniścitam tadā |bhajeta cittam yamuneva yāmunam ||6-12-28||||
sarvametanmahārāja kṛtamapratimam tava |vidhīyeta sahāsmābhirādāvevāsya karmaṇaḥ ||6-12-29||||
nyāyena rājakāryāṇi yaḥ karoti daśānana |na sa samtapyate paścānniścatārthamatirnṛpaḥ ||6-12-30||||
anupāyena karmāṇi viparītāni yāni ca |kriyamāṇāni duṣyanti havīmṣyaprayateṣvina ||6-12-31||||
yaḥ paścātpūrvakāryāṇi karmāṇyabhicikīrṣati |pūrvam cāparakaryāṇi na sa veda nayānayau ||6-12-32||||
capalasya tu kṛtyeṣu prasamīksyādhikam balam |cidramanye prapadyante krauñcasya khamiva dvijāḥ ||6-12-33||||
tvayedam mahādārabham kārya mapraticintitam |diṣṭyā tvām nāvadhīdrāmo viṣamiśramivāmṛtam ||6-12-34||||
tasmāttvayā samārabdham karma hyapratimam paraiḥ |aham samīkariṣyāmi hatvā śatrūm stanānagha ||6-12-35||||
ahamutsādayiṣyāmi śatrūmstava niśācara |yadi śakravivasvantau yadi pāvakamārutau ||6-12-36||||
tāvaham yodhayiṣyāmi kuberavaruṇāvapi |girimātraśarīrasya mahāparighayodhinaḥ ||6-12-37||||
nardatastīkṣṇadamṣṭrasya bibhīyādvai purandaraḥ |punarmām sadvitīyena śareṇa nihaniṣyati ||6-12-38||||
tato'ham tasya pāsyāmi rudhiram kāmamāśvasa |vadheva vai dāśaratheh sukhāvaham |jayam tavāhartumaham tayiṣye |hatvā ca rāmam saha lakṣmaṇena |khādāmi sarvān hariyūthamukhyān ||6-12-39||||
ramasva kāmam piba cāgryavāruṇīm |kuruṣva kārvāṇi hitāni vijvaraḥ |mayā tu rāme gamite yamakṣayam |cirāya sītā vaśagā bhaviṣyati ||6-12-40||
rāvaṇam kruddhamājñāya mahāpārśvo mahābalaḥ |muhūrta manusamcintya prāñjalirvākya mabravīt ||6-13-1||||
yaḥ khalvapi vanam prāpya mṛgavyālaniṣevitam |na pibenmadhu samprāpya sa naro bāliśo dhruvam ||6-13-2||||
īśvarasyeśvaraḥ ko'sti tava śatrunibarhaṇa |ramasva saha vaidehyā śatrūnākramya mūrdhasu ||6-13-3||||
balātkukkuṭavṛttena pravartasva mahābala |akramyākramya sītām vai tām bhuṅiksva ca ramasva ca ||6-13-4||||
labdhakāmasya te paścādāgamiṣyati kim bhayam |prāptamaprāptakālam vā sarvam pratividhāsyate ||6-13-5||||
kumbhakarṇaḥ sahāsmābhirindrajicca mahābalaḥ |pratiṣedhayitum śaktau savajramapi vajriṇam ||6-13-6||||
upapradānam sāntvam vā bhedam vā kuśalaiḥ kṛtam |samatikramya daṇḍena siddhimartheṣu rocaye ||6-13-7||||
iha prāptānvayam sarvān śatrūmstava mahābala |vaśe śastrapratāpena kariṣyāmo na samśayaḥ ||6-13-8||||
evamuktastadā rājā mahāpārśvaena rāvaṇaḥ |tasya sampūjayanvākyamidam vacanamabravīt ||6-13-9||||
mahāpārśva nibodha tvam rahasyam kimcidātmanaḥ |ciravṛttam tadākhyāsye yadavāptam purā mayā ||6-13-10||||
pitāmahasya bhavanam gaccantīm puñjikasthalām |cañcūryamāṇāmadrākṣamākāśe'gniśikhāmiva ||6-13-11||||
sā prasahya mayā bhuktā kṛtā vivasanā tataḥ |svayambhūbhavanam prāptā lolitā nalinī yathā ||6-13-12||||
tacca tasya tadā manye jñātamāsīnmahātmanaḥ |atha samkupito vedhā māmidam vākyamabravī ||6-13-13||||
adyaprabhṛti yāmanyām balānnārīm gamiṣyasi |tadā te śatadhā murdhā phaliṣyati na samśayaḥ ||6-13-14||||
ityaham tasya śāpasya bhītaḥ prasabhameva tām |nārohaye balātsītām vaidehīm śayne śubhe ||6-13-15||||
sāgarasyeva me vego mārutasyeva me gatiḥ |naitaddāśarathirveda hyāpādayati tena mām ||6-13-16||||
ko hi simhamivāsīnam suptam giriguhāśaye |kruddham mṛtyumivā'sīnam sambodhayitumiccati ||6-13-17||||
na matto nirgatān bāṇān dvijihvān panngāniva |rāmaḥ paśyati samgrāme tena māmabhigaccati ||6-13-18||||
kṣipram vajrasamairbāṇaiḥ śatadhā kārmukacutaiḥ |rāmamādīpayiṣyāmi ulkabhiriva kuñjaram ||6-13-19||||
taccāsya balamādāsye balena mahatā vṛtaḥ |uditaḥ savitā kāle nakṣatrāṇām prabhāmiva ||6-13-20||||
na vāsavenāpi sahasracakṣuṣā |yudhāsmi śakyo varuṇena vā punaḥ |mayā tviyam bāhubalena nirjitā |purā purī vaiśravaṇena pālitā ||6-13-21||
niśācarendrasya niśamya vākyam |sa kumbhakarṇasya ca garjitāni |vibhīṣaṇo rākṣasarājamukhya |muvāca vākyam hitamrthayuktam ||6-14-1||||
vṛto hi bāhvantarabhogarāśi |ścintāviṣaḥ susmitatīkṣaṇadamṣṭraḥ |pañcāṅgulīpañcaśiro'tikāyaḥ |sītāmahāhistava kena rājan ||6-14-2||||
yāvanna laṅkā samabhidravanti |valīmukhāḥ parvatakūṭamātrāḥ |damṣṭrayudhāścaiva nakhāyudhāśca |pradīyatām dāśarathāya maithilī ||6-14-3||||
yāvanna gṛhṇanti śirāmsi bāṇā |rāmeritā rākṣasapuṅgavānām |vajropamā vāyusamānavegāḥ |pradīyatām dāśarathāya maithilī ||6-14-4||||
na kumbhakarṇendrajitau ca rājam |stathā mahāpārśvamahodarau vā |nikumbhakumbhau ca tathātikāyaḥ |sthātum samarthā yudhi rāghavasya ||6-14-5||||
jīvamstu rāmasya na moksyase tvam |guptaḥ savitrāpyathavā marudbhiḥ |na vāsavasyāṅkagato na mṛtyo |rnabho na pātālamanupraviṣṭaḥ ||6-14-6||||
niśamya vākyam tu vibhīṣaṇasya |tataḥ prahasto vacanam babhāṣe |na no bhayam vidma na daivatebhyo |na dānavebhyo'pyathavā kadācit ||6-14-7||||
na yakṣagandharvamahoragebhyo |bhayam na samkhye patagoragebhyaḥ |katham nu rāmādbhavitā bhayam no |narendraputrātsamare kadācit ||6-14-8||||
prahastavākyam tvahitam niśamya |vibhīṣaṇo rājahitānukāṅikṣī |tato mahārtham vacanam babhāṣe |dharmārthakāmeṣu niviṣṭabuddhiḥ ||6-14-9||||
prahasta rājā ca mahodaraśca |tvam kumbhakarṇaśca yathārthajātam |bravīta rāmam prati tanna śakyam |yathā gatiḥ svargamadharmabuddheḥ ||6-14-10||||
vadhastu rāmasya mayā tvayā ca |prahasta sarvairapi rākṣasairvā |katham bhavedarthaviśāradasya |mahārṇavam tartu mivāplavasya ||6-14-11||||
dharmapradhānasya mahārathasya |iksvākuvamśaprabhavasya rājñaḥ |puro'sya devāśca tathāvidhasya |kṛtyeṣu śaktasya bhavanti mūḍhāḥ ||6-14-12||||
tīkṣaṇā na tāvattava kaṅkapatrā |durāpadā rāghavavipramuktāḥ |bhittvāśarīram praviśanti bāṇāḥ |prahasta tenaiva vikatthase tvam ||6-14-13||||
bhittvā na tāvatpraviśanti kāyam |prāṇāntakāste'śanitulyvegāḥ |śitāḥ śarā rāghavavipramuktāḥ |prahasta tenaiva vikatthase tvam ||6-14-14||||
na rāvaṇo nāibalastrīśīrṣo |na kumbhakarṇasya suto nikubhaḥ |na cendrajiddāśarathim prasoḍhum |tvam vā raṇe śakrasamam samarthaḥ ||6-14-15||||
devāntako vāpi narāntako vā |tathātikāyo'tiratho mahātmā |akampananaścādrisamānasāraḥ |sthātum na śaktā yudhi rāghavasya ||6-14-16||||
ayam ca rājā nyasanābhibhūto |mitrairamitrapratimairbhavadbhiḥ |anvāsyate rākṣasanāśanārthe |tīkṣaṇaḥ prakṛtyā hyasamīkṣyakārī ||6-14-17||||
anantabhogena sahasramūrdhnā |vāgena bhīmena mahābalena |balātparikṣiptamimam bhavanto |rājānamutkṣipya vimocayantu ||6-14-18||||
yāvaddhi keśagrahaṇātsuhṛdbhiḥ |sametya sarvaiḥ paripūrṇakāmaiḥ |nigṛhya rājā parirakṣitavyo |bhūtairyathā bhīmabalairgṛhīaḥ ||6-14-19||||
suvāriṇā rāghavasāgareṇa |praccādyamānastarasā bhavadbhiḥ |praccādyamānastarasā bhavadbhiḥ |yuktastvayam tārayitum sametya |kākutthsapātālamukhe patansaḥ ||6-14-20||||
idam purasyāsya sarākṣasasya |rājñaśca pathyam sasuhṛjjanasya |samyagghi vākyam svamatam bravīmi |narendraputrāya dadātu maithilīm ||6-14-21||||
parasya vīryam svabalam ca buddhvā |sthānam kṣayam caiva tathaiva vṛddhim |tathā svapakṣe pyanumṛśya buddhyā |vadt kṣamam svāmihitam sa mantrī ||6-14-22||
bṛhaspatestulyamatervacasta |nniśamya yatnena vibhīṣaṇasya |tato mahātmā vacanam babhāṣe |tatrendrajinnairṛtayūthamukhyaḥ ||6-15-1||||
kim nāma te tāta kaniṣṭha vākya |manrthakam vai bahubhītavacca |asmin kule yo'pi  bhavenna jātaḥ |so'pīdṛśam naiva vadenna kuryāt ||6-15-2||||
sattvena vīryeṇa parākrameṇadhairyeṇa śauryeṇa ca tejasā ca |ekaḥ kule'smin puruṣo vimukto |vibhīṣaṇastātakaniṣṭha eṣaḥ ||6-15-3||||
kim nāma tau mānuṣarājaputrā |vasmākamekena hi rākṣasena |suprākṛtenāpi nihantumetau |śakyau kuto bhīṣayase sma bhīro ||6-15-4||||
trilokanātho nama devarājaḥ |śakto mayā bhūmitale viviṣṭaḥ |bhayārmitāścāpi diśaḥ prapannāḥ |sarve tadā devagaṇāḥ samagrāḥ ||6-15-5||||
airāvato visvaramunnadan sa |nipātito bhūmitale mayā tu |vikṛṣya dantau tu mayā prapahya |vitrāsitā devagaṇāḥ samagrāḥ ||6-15-6||||
so'ham surāṇāmapi darpahantā |daityottamānāmapi śokakartā |katham narendratmajayorna śakto |mamaṣyayoḥ prākṛtayoḥ suvīryaḥ ||6-15-7||||
athendrakalpasya durāsadasya |mahājasastadvacanam niśamya |tato mahārtham vacanam babhāṣe |vibhīṣaṇaḥ śastrabhṛtām variṣṭhaḥ ||6-15-8||||
na tāta mantre tava niścayo'sti |bālastvamadyāpyavipakvabuddhiḥ |tasmāttvayāpyātmavināśanāya |vaco'rthhīnam bahu vipralaptam ||6-15-9||||
putrapravādena tu rāvaṇasya |tvamindrajinmitramukho'si śatruḥ |yasyedṛśam rāghavato vināśam |viśamya mohādanuvanyase tvam ||6-15-10||||
tvameva vadhyaśca sudurmatiśca |sa cāpi vadhyo ya aihānayattvām |bālam dṛḍham sāhāsikam ca yo'dya |prāveśayanmantrakR^tām samīpam ||6-15-11||||
mūḍho'pragalbho'vinayopapanna |stīkṣaṇasvabhāvo'lpamatirdurātmā |mūrkhastvamatyantasudurmatiśca |tvamindrajidbālatayā bravīṣi ||6-15-12||||
ko brahmadaṇḍapratimaprakāśā |narciṣmataḥ kālanikāśarūpān |saheta bāṇānyamadaṇḍakalpā |nsamakṣamuktānyudhi rāghaveṇa ||6-15-13||||
dhanāni ratnāni subhūṣaṇāni |vāpāmpi divyāni maṇīmśca citrān |sītām ca rāmāya nivedya devīm |vasema rājanniha vītaśokāḥ ||6-15-14||
suniviṣṭam hitam vākyam uktavantam vibhīṣaṇam |abravīt paruṣam vākyam rāvaṇaḥ kāla coditaḥ ||6-16-1||||
vaset saha sapatnena kruddhena āśī viṣeṇa ca |na tu mitra pravādena samvasccatruṇā saha ||6-16-2||||
jānāmi śīlam jñātīnām sarva lokeṣu rākṣasa |hṛṣyanti vyasaneṣvete jñātīnām jñātayaḥ sadā ||6-16-3||||
pradhānam sādhakam vaidyam dharma śīlam ca rākṣasa |jñātayo hyanamanyante śūram paribhavanti ca ||6-16-4||||
nityam anyonya samhṛṣṭā vyasaneṣvātatāyinaḥ |praccanna hṛdayā ghorā jñātayas tu bhaya āvahāḥ ||6-16-5||||
śrūyante hastibhir gītāḥ ślokāḥ padma vane purā |pāśa hastān narān dṛṣṭvā śṛṇu tān gadato mama ||6-16-6||||
nāgnirnānyāni śastrāṇi na naḥ pāśā bhayāvahāḥ |ghorāḥ svārthaprayuktāstu jñātayo no bhayāvahāḥ  ||6-16-7||||
upāyamete vakṣyanti grahaṇe nātrasamśayaḥ |kṛtsnād bhayājjñātibhayam sukaṣṭam viditam ca naḥ ||6-16-8||||
vidyate goṣu sampannam vidyate jñātito bhayam |vidyate strīṣu cāpalyam vidyate jñātito bhayam ||6-16-9||||
tato neṣṭam idam saumya yadaham loka satkṛtaḥ |aiśvaryam abhijātaḥ ca ripūṇām mūrdhni ca sthitaḥ ||6-16-10||||
yathā puṣkarapatreṣu patitāstoyabindavaḥ |na śleṣamabhigaccanti tathānāryeṣu sauhṛdam ||6-16-11||||
yathā śaradi meghānām siñcātāmapi garjatām |na bhavatyamubasamkledastathānāryeṣu sauhṛdam ||6-16-12||||
yathā madhukarastarṣādrāsam vindanna tiṣṭhati |tathā tvamapi tatraiva tathānāryeṣu sauhṛdam ||6-16-13||||
yathā madhukarstarāṣātkāśapuṣpam pibannapi |rasamatra na vindeta tathānāryeṣu sauhṛdam ||6-16-14||||
yathā pūrvam gajaḥ snātvā gṛhya hastena vai rajaḥ |dūṣayatyātmano deham tathānāryeṣu sauhṛdam ||6-16-15||||
yo'nyastvevamvidham brūyād vākyametanniśācara |asmin muhūrte na bhavet tvām tu dhik kulapāmsanam ||6-16-16||||
itiuktaḥ paruṣam vākyam nyāyavādī vibhīṣaṇaḥ |utpapāta gadāpāṇiḥcaturbhiḥ saha rākṣasaiḥ ||6-16-17||||
abravīcca tadā vākyam jātakrodho vibhīṣaṇaḥ |antarikṣagataḥ śrīmān bhrātaram rākṣasa adhipam ||6-16-18||||
sa tvam bhrātā asi me rājan brūhi mām yad yad iccasi |jyeṣṭho mānyaḥ pitṛsamo na ca dharmapathe sthitaḥ ||6-16-19||||
idam tu paruṣam vākyam na kṣamāmi anṛtam tava |sunītam hita kāmena vākyam uktam daśa ānana ||6-16-20||||
na gṛhṇanti akṛta ātmānaḥ kālasya vaśamāgatāḥ |sulabhāḥ puruṣā rājan satatam priya vādinaḥ ||6-16-21||||
apriyasya tu pathyasya vaktā śrotā ca durlabhaḥ |baddham kālasya pāśena sarva bhūta apahāriṇā ||6-16-22||||
na naśyantam upekṣeyam pradīptam śaraṇam yathā |dīpta pāvaka samkāśaiḥ śitaiḥ kāncana bhūṣaṇaiḥ ||6-16-23||||
na tvām iccāmi aham draṣṭum rāmeṇa nihatam śaraiḥ |śūrāḥ ca balavantaḥ ca kṛta astrāḥ ca nara ājire ||6-16-24||||
kāla abhipannā sīdanti yathā vāluka setavaḥ |tanarṣayatu yaccoktam gurutvāddhitamiccatā ||6-16-25||||
ātmānam sarvathā rakṣa purīm ca imām sarākṣasām |svasti te astu gamiṣyāmi sukhī bhava mayā vinā ||6-16-26||||
nivāryamāṇasya mayā hita eṣiṇā |na rocate te vacanam niśā cara |parīta kālā hi gata āyuṣo narā |hitam na gṛhṇanti suhṛdbhir īritam ||6-16-27||
iti uktvā paruṣam vākyam rāvaṇam rāvaṇa anujaḥ |ājagāma muhūrtena yatra rāmaḥ salakṣmaṇaḥ ||6-17-1||||
tam meru śikhara ākāram dīptām iva śata hradām |gaganastham mahīsthās te dadṛśur vānara adhipāḥ ||6-17-2||||
te cāpyanucarāstasya catvāro bhīmavikramāḥ |te'pi varmāyudhopetā bhūṣaṇottamabhūṣitāḥ ||6-17-3||||
sa ca meghācalaprakhyo vajrāyudhasamaprabhaḥ |varāyudhadharo vīro divyābharaṇabhūṣitaḥ ||6-17-4||||
tam ātma pancamam dṛṣṭvā sugrīvo vānara adhipaḥ |vānaraiḥ saha durdharṣaḥ cintayām āsa buddhimān ||6-17-5||||
cintayitvā muhūrtam tu vānarāms tān uvāca ha |hanūmat pramukhān sarvān idam vacanam uttamam ||6-17-6||||
eṣa sarva āyudha upetaḥ caturbhiḥ saha rākṣasaiḥ |rākṣaso abhyeti paśyadhvam asmān hantum na samśayaḥ ||6-17-7||||
sugrīvasya vacaḥ śrutvā sarve te vānara uttamāḥ |sālān udyamya śailāmaḥ ca idam vacanam abruvan ||6-17-8||||
śīghram vyādiśa no rājan vadhāya eṣām durātmanām |nipatantu hatāḥ ca ete dharaṇyām alpa jīvitāḥ ||6-17-9||||
teṣām sambhāṣamāṇānām anyonyam sa vibhīṣaṇaḥ |uttaram tīram āsādya khastha eva vyatiṣṭhata ||6-17-10||||
sa uvāca ca mahāprājñaḥ svareṇa mahatā mahān |sugrīvam tāmaḥ ca samprekṣya khastha eva vibhīṣaṇaḥ ||6-17-11||||
rāvaṇo nāma durvṛtto rākṣaso rākṣasa īśvaraḥ |tasya aham anujo bhrātā vibhīṣaṇa iti śrutaḥ ||6-17-12||||
tena sītā jana sthānādd hṛtā hatvā jaṭāyuṣam |ruddhvā ca vivaśā dīnā rākṣasībhiḥ surakṣitā ||6-17-13||||
tam aham hetubhir vākyair vividhaiḥ ca nyadarśayam |sādhu niryātyatām sītā rāmāya iti punaḥ punaḥ ||6-17-14||||
sa ca na pratijagrāha rāvaṇaḥ kāla coditaḥ |ucyamāno hitam vākyam viparīta iva auṣadham ||6-17-15||||
so aham paruṣitas tena dāsavac ca avamānitaḥ |tyaktvā putrāmaḥ ca dārāmaḥ ca rāghavam śaraṇam gataḥ ||6-17-16||||
nivedeayata mām kṣipram rāghavāya mahātmane |sarva loka śaraṇyāya vibhīṣaṇam upasthitam ||6-17-17||||
etattu vacanam śrutvā sugrīvo laghu vikramaḥ |lakṣmaṇasya agrato rāmam samrabdham idam abravīt ||6-17-18||||
praviṣṭaḥ śatru sainyam hi prāptaḥ śatruratarkitaḥ |nihanyādanntaram labdhvā ulūko vāyasāniva ||6-17-19||||
mantre vyūhe naye cāre yukto bhavitumarhasi |vānarāṇām ca bhadram te pareṣām ca paramtapa ||6-17-20||||
antardhanagatāhyete rākṣasāḥ kāmarūpiṇaḥ |śūrāśca nikṛtijñāśca teṣām jātu na viśvaset ||6-17-21||||
praṇīdhī rākṣasendrasya rāvaṇasya bhavedayam |anupraviśya so' smāsu bhedam kuryānna samśayaḥ ||6-17-22||||
athavā svayamevaiṣa cidramāsādya buddhimān |anupraviśya viśvaste kadācitpraharedapi ||6-17-23||||
mitrāṭavībalam caiva maulabhṛtyabalam tathā |sarvametadbalam grāhyam varjayitvā dviṣadbalam ||6-17-24||||
prakṛtyā rākṣaso hyeṣa bhrātāmitrasya vai prabho |āgataśca ripoḥ sākṣātkathamasmimśca viśvaset ||6-17-25||||
rāvaṇasya anujo bhrātā vibhīṣaṇa iti śrutaḥ |caturbhiḥ saha rakṣobhir bhavantam śaraṇam gataḥ ||6-17-26||||
rāvaṇena praṇihitam tam avehi vibhīṣaṇam |tasya aham nigraham manye kṣamam kṣamavatām vara ||6-17-27||||
rākṣaso jihmayā buddhyā samdiṣṭo ayam upasthitaḥ |prahartum māyayā canno viśvaste tvayi rāghava ||6-17-28||||
badhyatām eṣa tīvreṇa daṇḍena sacivaiḥ saha |rāvaṇasya nṛśamsasya bhrātā hi eṣa vibhīṣaṇaḥ ||6-17-29||||
evam uktvā tu tam rāmam samrabdho vāhinī patiḥ |vākyajño vākya kuśalam tato maunam upāgamat ||6-17-30||||
sugrīvasya tu tad vākyam śrutvā rāmo mahābalaḥ |samīpasthān uvāca idam hanūmat pramukhān harīn ||6-17-31||||
yad uktam kapi rājena rāvaṇa avarajam prati |vākyam hetumad atyartham bhavadbhir api tat śrutam ||6-17-32||||
suhṛdā hi artha kṛcceṣu yuktam buddhimatā satā |samarthena api samdeṣṭum śāśvatīm bhūtim iccatā ||6-17-33||||
iti evam paripṛṣṭās te svam svam matam atandritāḥ |sa upacāram tadā rāmam ūcur hita cikīrṣavaḥ ||6-17-34||||
ajñātam na asti te kimcit triṣu lokeṣu rāghava |ātmānam pūjayan rāma pṛccasi asmān suhṛttayā ||6-17-35||||
tvam hi satya vrataḥ śūro dhārmiko dṛḍha vikramaḥ |parīkṣya kārā smṛtimān nisṛṣṭa ātmā suhṛtsu ca ||6-17-36||||
tasmād eka ekaśas tāvad bruvantu sacivās tava |hetuto mati sampannāḥ samarthāḥ ca punaḥ punaḥ ||6-17-37||||
iti ukte rāghavāya atha matimān angado agrataḥ |vibhīṣaṇa parīkṣā artham uvāca vacanam hariḥ ||6-17-38||||
śatroḥ sakāśāt samprāptaḥ sarvathā śankya eva hi |viśvāsa yogyaḥ sahasā na kartavyo vibhīṣaṇaḥ ||6-17-39||||
cādayitvā ātma bhāvam hi caranti śaṭha buddhayaḥ |praharanti ca randhreṣu so anarthaḥ sumahān bhavet ||6-17-40||||
artha anarthau viniścitya vyavasāyam bhajeta ha |guṇataḥ samgraham kuryād doṣatas tu visarjayet ||6-17-41||||
yadi doṣo mahāms tasmims tyajyatām aviśankitam |guṇān vā api bahūn jñātvā samgrahaḥ kriyatām nṛpa ||6-17-42||||
śarabhas tv atha niścitya sārtham vacanam abravīt |kṣipram asmin nara vyāghra cāraḥ pratividhīyatām ||6-17-43||||
praṇidhāya hi cāreṇa yathāvat sūkṣma buddhinā |parīkṣya ca tataḥ kāryo yathā nyāyam parigrahaḥ ||6-17-44||||
jāmbavāms tv atha samprekṣya śāstra buddhyā vicakṣaṇaḥ |vākyam vijñāpayām āsa guṇavad doṣa varjitam ||6-17-45||||
baddha vairāc ca pāpāc ca rākṣasa indrād vibhīṣaṇaḥ |adeśa kāle samprāptaḥ sarvathā śankyatām ayam ||6-17-46||||
tato maindas tu samprekṣya naya apanaya kovidaḥ |vākyam vacana sampanno babhāṣe hetumattaram ||6-17-47||||
anuho nāma tasya eṣa rāvaṇasya vibhīṣaṇaḥ |pṛccyatām madhureṇa ayam śanair nara vara īśvara ||6-17-48||||
bhāvam asya tu vijñāya tatas tattvam kariṣyasi |yadi dṛṣṭo na duṣṭo vā buddhi pūrvam naraṣabha ||6-17-49||||
atha samskāra sampanno hanūmān saciva uttamaḥ |uvāca vacanam ślakṣṇam arthavan madhuram laghu ||6-17-50||||
na bhavantam mati śreṣṭham samartham vadatām varam |atiśāyayitum śakto bṛhaspatir api bruvan ||6-17-51||||
na vādān na api samgharṣān na ādhikyān na ca kāmataḥ |vakṣyāmi vacanam rājan yathā artham rāma gauravāt ||6-17-52||||
artha anartha nimittam hi yad uktam sacivais tava |tatra doṣam prapaśyāmi kriyā na hi upapadyate ||6-17-53||||
ṛte niyogāt sāmarthyam avaboddhum na śakyate |sahasā viniyogo hi doṣavān pratibhāti me ||6-17-54||||
cāra praṇihitam yuktam yad uktam sacivais tava |arthasya asambhavāt tatra kāraṇam na upapadyate ||6-17-55||||
adeśa kāle samprāpta iti ayam yad vibhīṣaṇaḥ |vivakṣā ca atra me asti iyam tām nibodha yathā mati ||6-17-56||||
sa eṣa deśaḥ kālaḥ ca bhavati iha yathā tathā |puruṣāt puruṣam prāpya tathā doṣa guṇāv api ||6-17-57||||
daurātmyam rāvaṇe dṛṣṭvā vikramam ca tathā tvayi |yuktam āgamanam tasya sadṛśam tasya buddhitaḥ ||6-17-58||||
ajñāta rūpaiḥ puruṣaiḥ sa rājan pṛccyatām iti |yad uktam atra me prekṣā kācid asti samīkṣitā ||6-17-59||||
pṛccyamāno viśanketa sahasā buddhimān vacaḥ |tatra mitram praduṣyeta mithya pṛṣṭam sukha āgatam ||6-17-60||||
aśakyaḥ sahasā rājan bhāvo vettum parasya vai |antaḥ svabhāvair gītais tair naipuṇyam paśyatā bhṛśam ||6-17-61||||
na tvasya bruvato jātu lakṣyate duṣṭa bhāvatā |prasannam vadanam ca api tasmān me na asti samśayaḥ ||6-17-62||||
aśankita matiḥ svastho na śaṭhaḥ parisarpati |na ca asya duṣṭā vāgasti tasmān na asti iha samśayaḥ ||6-17-63||||
ākāraḥ cādyamāno api na śakyo vinigūhitum |balādd hi vivṛṇoti eva bhāvam antar gatam nṛṇām ||6-17-64||||
deśa kāla upapannam ca kāryam kāryavidām vara |saphalam kurute kṣipram prayogeṇa abhisamhitam ||6-17-65||||
udyogam tava samprekṣya mithyā vṛttam ca rāvaṇam |vālinaḥ ca vadham śrutvā sugrīvam ca abhiṣecitam ||6-17-66||||
rājyam prārthayamānaḥ ca buddhi pūrvam iha āgataḥ |etāvat tu puras kṛtya yujyate tv asya samgrahaḥ ||6-17-67||||
yathā śakti mayā uktam tu rākṣasasya ārjavam prati |pramāṇam tu śeṣasya śrutvā buddhimatām vara ||6-17-68||
rāghavena abhaye datte samnato rāvaṇa anujaḥ |vibhīṣaṇo mahāprājño bhūmim samavalokayat ||6-19-1||||
khāt papāta avanim hṛṣṭo bhaktair anucaraiḥ saha |sa tu rāmasya dharma ātmā nipapāta vibhīṣaṇaḥ ||6-19-2||||
pādayoḥ śaraṇa anveṣī caturbhiḥ saha rākṣasaiḥ |abravīc ca tadā rāmam vākyam tatra vibhīṣaṇaḥ ||6-19-3||||
dharma yuktam ca yuktam ca sāmpratam sampraharṣaṇam |anujo rāvaṇasya aham tena ca asmi avamānitaḥ ||6-19-4||||
bhavantam sarva bhūtānām śaraṇyam śaraṇam gataḥ |parityaktā mayā laṃkā mitrāṇi ca dhanāni ca ||6-19-5||||
bhavad gatam hi me rājyam ca jīvitam ca sukhāni ca |tasya tadvacanam śrutvā rāmo vacanamabravīt ||6-19-6||||
vacasā sāntvayitvainam locanābhyām pibanniva |ākhyāhi mama tatvena rākṣasānām balābalam ||6-19-7||||
evamuktam tadā rakṣo rāmeṇākliṣṭakarmaṇā |rāvaṇasya balam sarvamākhyātumupacakrame ||6-19-8||||
avadhyaḥ sarvabhūtānām gandharvoragapakṣiṇām |rājaputra daśagrīvo varadānātsvayambhuvaḥ ||6-19-9||||
rāvaṇānantaro bhrātā mama jyeṣṭhaśca vīryavān |kumbhakarṇo mahātejāḥ śakrapratibalo yudhi ||6-19-10||||
rāma senāpatistasya prahasto yadi te śrutaḥ |kailāse yena sama maṇibhadraḥ parājitaḥ ||6-19-11||||
baddagodhāṅgulitraśca avadhyakavaco yudhi |dhanurādāya yastiṣṭhannadṛśyo bhavatīndrajit ||6-19-12||||
samgrāme sumahadvyūhe tarpayitvā hutāśanam |antardhānagataḥ śrīmānindrajiddhanti rāghava ||6-19-13||||
mahodaramahāpārsvau rākṣasaścāpyakampanaḥ |avīkapāstu tapyaite lokapālasamā yudhi ||6-19-14||||
daśakoṭisahasrāṇi rakṣasām kāmarūpiṇām |māmsaśoṇitabhakṣyāṇām laṅkāpuranivāsinām ||6-19-15||||
sa taistu sahito rājā lokapālānayodhayat |saha devaistu te bhagnā rāvaṇena durātmanā ||6-19-16||||
vibhīṣaṇasya tu vacastachrutvā raghusattamaḥ |anvīkṣya manasā sarvamidam vacanamabravīt ||6-19-17||||
yāni karmāpadānāni rāvaṇasya vibhīṣaṇa |akhyātāni ca tattvena hyavagaccāmi tānyaham ||6-19-18||||
aham hatvā daśagrīvam saprahastam sahātmajam |rājānam tvām kariṣyāmi satyametacchṛṇotu me ||6-19-19||||
rasātalam vā praviśetpātālam vāpi rāvaṇaḥ |pitāmahasakāśam vā na me jīvanvimokṣyate ||6-19-20||||
ahatvā rāvaṇam samkhye saputrajanabāndhavam |ayodhyām na pravekṣyāmi tribhistairbhratṛbhiḥ śapeḥ ||6-19-21||||
śrutvā tu vacanam tasya rāmasyākliṣṭakarmaṇaḥ |śirasā vandya dharmātmā vaktumeva pracakrame ||6-19-22||||
rākṣasānām vadhe sāhyam laṃkāyāḥ ca pradharṣaṇe |kariṣyāmi yathā prāṇam pravekṣyāmi ca vāhinīm ||6-19-23||||
iti bruvāṇam rāmas tu pariṣvajya vibhīṣaṇam |abravīl lakṣmaṇam prītaḥ samudrāj jalam ānaya ||6-19-24||||
tena ca imam mahāprājñam abhiṣinca vibhīṣaṇam |rājānam rakṣasām kṣipram prasanne mayi mānada ||6-19-25||||
evam uktas tu saumitrir abhyaṣincad vibhīṣaṇam |madhye vānara mukhyānām rājānam rāma śāsanāt ||6-19-26||||
tam prasādam tu rāmasya dṛṣṭvā sadyaḥ plavam gamāḥ |pracukruśur mahānādān sādhu sādhv iti ca abruvan ||6-19-27||||
abravīc ca hanūmāmaḥ ca sugrīvaḥ ca vibhīṣaṇam |katham sāgaram akṣobhyam tarāma varuṇa ālayam ||6-19-28||||
sainyaiḥ parivṛtāḥ sarve vānarāṇām mahaujasām |upāyair abhigaccāmo yathā nada nadī patim ||6-19-29||||
tarāma tarasā sarve sasainyā varuṇa ālayam |evam uktas tu dharmajñaḥ pratyuvāca vibhīṣaṇaḥ ||6-19-30||||
samudram rāghavo rājā śaraṇam gantum arhati |khānitaḥ sagareṇa ayam aprameyo mahāudadhiḥ ||6-19-31||||
kartum arhati rāmasya jñāteḥ kāryam mahāudadhiḥ |evam vibhīṣaṇena ukte rākṣasena vipaścitā ||6-19-32||||
ājagāmatha sugrīvo yatra rāmaḥ salakṣmaṇaḥ |tataścākhyātumārebhe vibhīṣaṇavacaḥ śubham ||6-19-33||||
sugrīvo vipulagrīvaḥ sāgarasyopaveśanam |prakṛtyā dharma śīlasya rāghavasya api arocata ||6-19-34||||
sa lakṣmaṇam mahātejāḥ sugrīvam ca hari īśvaram |sat kriyā artham kriyā dakṣaḥ smita pūrvam uvāca ha ||6-19-35||||
vibhīṣaṇasya mantro ayam mama lakṣmaṇa rocate |sugrīvaḥ paṇḍito nityam bhavān mantra vicakṣaṇaḥ ||6-19-36||||
ubhābhyām sampradhārya āryam rocate yat tad ucyatām |evam uktau tu tau vīrāv ubhau sugrīva lakṣmaṇau ||6-19-37||||
samudācāra samyuktam idam vacanam ūcatuḥ |kim artham no nara vyāghra na rociṣyati rāghava ||6-19-38||||
vibhīṣaṇena yat tu uktam asmin kāle sukha āvaham |abaddhvā sāgare setum ghore asmin varuṇa ālaye ||6-19-39||||
laṃkā na āsāditum śakyā sa indrair api sura asuraiḥ |vibhīṣaṇasya śūrasya yathā artham kriyatām vacaḥ ||6-19-40||||
alam kāla atyayam kṛtvā samudro ayam niyujyatām |yathā kālātyayam kṛtvā sāgarāya niyujyatām ||6-19-41||||
evam uktaḥ kuśa āstīrṇe tīre nada nadī pateḥ |samviveśa tadā rāmo vedyām iva huta aśanaḥ ||6-19-42||
rāghaveṇābhaye datte sannatā rāvaṇānujaḥ |vibhīṣaṇo mahāpājño bhūmiṃ samavalokayan |khātpapātāvanīṃ hṛṣṭo bhaktairanucaraiḥ saha || 6.19.1 ||||
sa tu rāmasya dharmātmā nipapāta vibhīṣaṇaḥ |pādayoḥ śaraṇānveṣī caturbhiḥ saha rākṣasaiḥ || 6.19.2 ||||
abravīcca tadā rāmaṃ vākyaṃ tatra vibhīṣaṇaḥ |dharmayuktaṃ ca yuktaṃ ca sāmprataṃ sampraharṣaṇam || 6.19.3 ||||
anujo rāvaṇasyāhaṃ tena cāpyavamānitaḥ |bhavantaṃ sarvabhūtānāṃ śaraṇyaṃ śaraṇāgataḥ || 6.19.4 ||4 ||||
parityaktā mayā laṅkā mitrāṇi ca dhanāni vai |bhavadgataṃ me rājyaṃ ca jīvitaṃ ca sukhāni ca || 6.19.5 ||||
tasya tadvacanaṃ śrutvā rāmo vacanamabravīt |vacasā sāntvayitvainaṃ locanābhyāṃ pibanniva || 6.19.6 ||||
ākhyāhi mama tattvena rākṣasānāṃ balābalam || 6.19.7 ||||
evamuktastadā rakṣo rāmeṇākliṣṭakarmaṇā |rāvaṇasya balaṃ sarvamākhyātumupacakrame || 6.19.8 ||||
avadhyaḥ sarvabhūtānāṃ gandharvāsurarakṣasām |rājaputra daśagrīvo varadānāt svayambhuvaḥ || 6.19.9 ||||
rāvaṇānantaro bhrātā mama jyeṣṭhaśca vīryavān |kumbhakarṇo mahātejāḥ śakrapratibalo yudhi || 6.19.10 ||||
rāma senāpatistasya prahasto yadi vā śrutaḥ |kailāse yena saṅgrāme maṇibhadraḥ parājitaḥ || 6.19.11 ||||
baddhagodhāṅgulitrāṇastvavadhyakavaco yudhi |dhanurādāya yastiṣṭhannadṛśyo bhavatīndrajit || 6.19.12 ||||
saṅgrāmasamayavyūhe tarpayitvā hutāśanam |antardhānagataḥ śatrūnindrajiddhanti rāghava || 6.19.13 ||||
mahodaramahāpārśvau rākṣasaścāpyakampanaḥ |anīkasthāstu tasyaite lokapālasamā yudhi || 6.19.14 ||||
daśakoṭisahasrāṇi rākṣasāṃ kāmarūpiṇām |māṃsaśoṇitabhakṣāṇāṃ laṅkāpuranivāsinām || 6.19.15 ||||
sa taistu sahito rājā lokapālānayodhayat || 6.19.16 ||||
saha devaistu te bhagnā rāvaṇena mahātmanā || 6.19.17 ||||
vibhīṣaṇavacaḥ śrutvā rāmo dṛḍhaparākramaḥ |anvīkṣya manasā sarvamidaṃ vacanamabravīt || 6.19.18 ||||
yāni karmāpadānāni rāvaṇasya vibhīṣaṇa |ākhyātāni ca tattvena hyavagacchāmi tānyaham || 6.19.19 ||||
ahaṃ hatvā daśagrīvaṃ saprahastaṃ sabāndhavam |rājānaṃ tvāṃ kariṣyāmi satyametad bravīmi te || 6.19.20 ||||
rasātalaṃ vā praviśet pātālaṃ vāpi rāvaṇaḥ |pitāmahasakāśaṃ vā na me jīvan vimokṣyate || 6.19.21 ||||
ahatvā rāvaṇaṃ saṅkhye saputrabalabāndhavam |ayodhyāṃ na pravekṣyāmi tribhistairbhrātṛbhiḥ śape || 6.19.22 ||||
śrutvā tu vacanaṃ tasya rāmasyākliṣṭakarmaṇaḥ |śirasā ' 'vandya dharmātmā vaktumevopacakrame || 6.19.23 ||||
rākṣasānāṃ vadhe sāhyaṃ laṅkāyāśca pradharṣaṇam |kariṣyāmi yathāprāṇaṃ pravekṣyāmi ca vāhinīm || 6.19.24 ||||
iti bruvāṇaṃ rāmastu pariṣvajya vibhīṣaṇam |abravīllakṣṇaṇaṃ prītaḥ samudrājjalamānaya || 6.19.25 ||||
tena cemaṃ mahāprājñamabhiṣiñca vibhīṣaṇam |rājānaṃ rakṣasāṃ kṣipraṃ prasanne mayi mānada || 6.19.26 ||||
evamuktastu saumitrirabhyāṣiñcadvibhīṣaṇam |madhyevānaramukhyānāṃ rājānaṃ rājaśāsanāt || 6.19.27 ||||
taṃ prasādaṃ tu rāmasya dṛṣṭvā sadyaḥ plavaṅgamāḥ |pracukruśurmahātmānaṃ sādhu sādhviti cābruvan || 6.19.28 ||||
abravīcca hanūmāṃśca sugrīvaśca vibhīṣaṇam || 6.19.29 ||||
kathaṃ sāgaramakṣobhyaṃ tarāma varuṇālayam |sainyaiḥ parivṛtāḥ sarve vānarāṇāṃ mahaujasām || 6.19.30 ||||
upāyaṃ nādhigacchāmo yathā nadanadīpatim |tarāma tarasā sarve sasainyā varuṇālayam |evamuktastu dharmajñaḥ pratyuvāca vibhīṣaṇaḥ || 6.19.31 ||||
samudraṃ rāghavo rājā śaraṇaṃ gantumarhati || 6.19.32 ||
rve sasainyā varuṇālayam |khānitaḥ sagareṇāyamaprameyo mahodadhiḥ |kartumarhati rāmasya jñātvā kāryaṃ mahāmatiḥ || 6.19.33 ||||
evaṃ vibhīṣaṇenokto rākṣasena vipaścitā |ājagāmātha sugrīvo yatra rāmaḥ salakṣmaṇaḥ || 6.19.34 ||||
tataścākhyātumārebhe vibhīṣaṇavacaḥ śubham |sugrīvo vipulagrīvaḥ sāgarasyopaveśanam || 6.19.35 ||||
prakṛtyā dharmaśīlasya rāghavasyāpyarocata || 6.19.36 ||||
sa lakṣmaṇaṃ mahātejāḥ sugrīvaṃ ca harīśvaram |satkriyārthaṃ kriyādakṣaḥ smitapūrvamuvāca ha || 6.19.37 ||||
vibhīṣaṇasya mantro 'yaṃ mama lakṣmaṇa rocate |brūhi tvaṃ sahasugrīvastavāpi yadi rocate || 6.19.38 ||||
sugrīvaḥ paṇḍito nityaṃ bhavān mantravicakṣaṇaḥ |ubhābhyāṃ sampradhāryārthaṃ rocate yattaducyatām || 6.19.39 ||||
evamuktau tu tau vīrāvubhau sugrīvalakṣmaṇau |samudācārasaṃyuktamidaṃ vacanamūcatuḥ || 6.19.40 ||||
kimarthaṃ nau naravyāghra na rociṣyati rāghava |vibhīṣaṇena yaccoktamasmin kāle sukhāvaham || 6.19.41 ||||
abaddhvā sāgare setuṃ ghore 'smin varuṇālaye |laṅkā nāsādituṃ śakyā sendrairapi surāsuraiḥ || 6.19.42 ||||
vibhīṣaṇasya śūrasya yathārthaṃ kriyatāṃ vacaḥ |alaṃ kālātyayaṃ kṛtvā samudro 'yaṃ niyujyatām |yathā sainyena gacchāmaḥ purīṃ rāvaṇapālitām || 6.19.43 ||||
evamuktaḥ kuśāstīrṇe tīre nadanadīpateḥ |saṃviveśa tadā rāmo vedyāmiva hutāśanaḥ || 6.19.44 ||
tato niviṣṭām dhvajinīm sugrīveṇābhipālitām |dadarśa rākṣaso'bhyetya śārdūlo nāma vīryavān ||6-20-1||||
cāro rākṣasarājasya rāvaṇasya durātmanaḥ |tām dṛṣṭvā sarvato'vyagram pratigamya sa rākṣasaḥ ||6-20-2||||
āviśya laṅkām vegena rājānamidamabravīt |eṣa vai vānararkṣagho laṅkām samabhivartate ||6-20-3||||
agādhaścāprameyaśca dvitīya iva sāgaraḥ |putrau daśarathasyemau bhrātarau rāmalakṣmaṇau ||6-20-4||||
uttamau rūpasampannau sītāyāḥ padamāgatau |etau sāgaramāsādya samniviṣṭau mahādyutī ||6-20-5||||
balam cākāśamāvṛtya sarvato daśayojanam |tattvabhūtam mahāraja kṣipram veditumarhasi ||6-20-6||||
tava dūtā mahārāja kṣipramarhanti veditum |upapradānam sāntvam vā bhedo vātra prayujyatām ||6-20-7||||
śārdūlasya vacaḥ śrutvā rāvaṇo rākṣaseśvaraḥ |uvāca sahasā vyagraḥ sampradhāryārthamātmanaḥ ||6-20-8||||
śukam nāma tadā rakṣo vākyamarthavidām varam |sugrīvam brūhi gatvāśu rājānam vacanānmanu ||6-20-9||||
yathāsamdeśamaklībam śalksṇayā parayā girā |tvam vai mahāraja kulaprasūto |mahābalaścarkṣarajaḥsutaśca |na kaścanārthastava vāstyanartha |stathāpi me bhrātṛsamo harīśa ||6-20-10||||
aham yadyaharam bhāryām rājaputrasya dhīmataḥ |kim tatra tava sugrīva kiśkindhām prati gamyatām ||6-20-11||||
na hīyam haribhirlaṅkā prāptum śakyā katham cana |devairapi sagandharvaiḥ kim punarnaravānaraiḥ ||6-20-12||||
sa tadā rākṣasendreṇa samdiṣṭo rajanīcaraḥ |śuko vihamgamo bhūtvā tūrṇamāplutya cāmbaram ||6-20-13||||
sa gatvā dūramadhvānamuparyupari sāgaram |samsthito hyambare vākyam sugrīva madimabravīt ||6-20-14||||
sarvamuktam yathādiṣṭam rāvaṇena durātmanā |tatprapayantam vacanam tūrṇamāplutya vānarāḥ ||6-20-15||||
prāpadyanta tadā kṣipram loptum hantum ca muṣṭibhiḥ |sarvaiḥ plavaṇgaiḥ prasabham nigṛhīto niśācarah ||6-20-16||||
gaganādbhūtale cāśu pratigṛhyāvatāritaḥ |vānaraiḥ pīḍyamānastu śuko vacanamabravīt ||6-20-17||||
na dūtān ghnanti kākutthsa vāryantām sādhu vānarāḥ |yastu hitvā matam bhartuḥ svamatam samprabhāṣate ||6-20-18||||
anuktavādī dūtaḥ sann sa dūto vadhamarhati |śukasya vacanam rāmaḥ śrutvā tu paridevitam ||6-20-19||||
uvāca mā vadhisṭeti ghnataḥ śākhāmṛgarṣabhān |sa ca patralaghudbhūtvā haribhirdarśite'bhaye ||6-20-20||||
antarikṣe sthito bhūtvā punarvacana mabravīt |sugrīva sattvasampanna mahābalaparākrama ||6-20-21||||
kim mayā khalu naktavyo rāvaṇo lokarāvaṇaḥ |sa evamuktaḥ plavagādhipastadā |plavaṅgamānāmṛṣabho mahābalaḥ |uvāca vākyam rajanīcarasya |cāram śukam śuddha madīnasattvaḥ ||6-20-22||||
sa me'si mitram va tathānukampyo |na copakartāsi na me priyo'pi |ariśca rāmasya sahānubandha |stato'si vālīva vadhārha vadhyaḥ ||6-20-23||||
nihanmyaham tvām sasutam sabandhum |sajñātivargam rajanīcareśa |laṅkām ca sarvām mahatā balena |sarvaiḥ kariṣyāmi sametya bhasma ||6-20-24||||
na mokṣyase rāvaṇa rāghavasya |sarvaiḥ sahendraidapi mūḍha guptaḥ |antarhataḥ sūryapatham gato'pi|tathaiva pātālamanupraviṣṭaḥ ||6-20-25||||
girīśapādambujasamgato vā |hato'si rāmeṇa śānujastvam ||6-20-26||||
tasya te triṣu lokeṣu na piśācam na rākṣasam |trātāramanupaśyāmi na gandharvam na cāsuram ||6-20-27||||
avadhīstvam jarāvṛddham gṛdhrārājam jaṭāyuṣam |kim mate rāmasāmnidhye sakāśe lakṣmaṇasya ca ||6-20-28||||
hṛtā sītā viśālākṣi yām tvam gṛhya na budhyase |mahābalam mahātmānam durādharṣam surairapi ||6-20-29||||
na budhyase raghuśreṣṭham yaste prāṇān hariṣyati |tato'bravīdvālisuto'pyaṅgado harisattamaḥ ||6-20-30||||
vāyam dūto mahāprājña cārakaḥ pratibhāti me |tulitam hi balam sarvamanena tava tiṣṭhatā ||6-20-31||||
gṛhyatām māgamallaṅkā metaddhi mama rocate |tato rājñā samādiṣṭāḥ samutpatya valīmukhāḥ ||6-20-32||||
jagṛhuśca babandhuśca vilapantamanāthavat |śukastu vānaraiśca ṇḍaistatra taiḥ samprapīḍitaḥ ||6-20-33||||
vyācukrośa mahātmānam rāmam daśarathātmajam |lupyete me balātpakṣau bhidyete me tathākṣiṇī ||6-20-34||||
yām ca rātrim mariṣyāmi jāye rātrim ca yāmaham |etasminnantre kāle manmayā cāśubham kṛtam ||6-20-35||||
sarvam tadupapadyethā jahyam cedyadi jīvitam |nāghātayattadā rāmaḥ śrutvā tatparidevitam ||6-20-36||
tataḥ sāgaravelāyām darbhānāstīrya rāghavaḥ |añjalim prāṅmukhaḥ kṛtvā pratiśiśye mahodadheḥ ||6-21-1||||
bāhum bhujaṅgabhogābhamupadhāyārisūdanaḥ |maṇikāñcanakeyūramuktāpravarabhūṣaṇaiḥ  ||6-21-2||||
bhujaiḥ paramanārīṇāmabhimṛṣṭamanekadhā ||6-21-3||||
candanāgurubhiścaiva purastādabhisevitam ||6-21-4||||
bālasūryaprakāśaiśca candanairupaśobhitam |śayane cottamāṅgena sītāyāḥ śobhitam purā ||6-21-5||||
takṣakasyeva sambhogam gaṅgājalaniṣevitam |samge yugasamkāśam śatrūṇām śokavardhanam ||6-21-6||||
suhR^dām nandanam dīrgham sāgarāntavyapāśrayam |asyatā ca punaḥ savyam jyāghātavigatatvacam |dakṣiṇo kakṣiṇam bahum mahāparighasamnibham ||6-21-7||||
gosahasrapradātāram hyupadhāya bhujam mahat |adya me maraṇam vātha taraṇam sāgarasya vā ||6-21-8||||
iti rāmo dhṛtim kṛtvā mahābāhurmahodadhim |adhiśiśye ca vidhivatprayato'tra sthito muniḥ ||6-21-9||||
tasya rāmasya suptasya kuśa āstīrṇe mahī tale |niyamād apramattasya niśās tisro aticakramuḥ ||6-21-10||||
sa trirātroṣitastatra nayajño dharmavatsalaḥ |upāsata tadā rāmaḥ sāgaram saritām patim ||6-21-11||||
na ca darśayate mandas tadā rāmasya sāgaraḥ |prayatena api rāmeṇa yathā arham abhipūjitaḥ ||6-21-12||||
samudrasya tataḥ kruddho rāmo rakta anta locanaḥ |samīpastham uvāca idam lakṣmaṇam śubha lakṣmaṇam ||6-21-13||||
avalepam samudrasya na darśayati yat svayam |praśamaḥ ca kṣamā caiva ārjavam priya vāditā ||6-21-14||||
asāmarthyam phalanti ete nirguṇeṣu satām guṇāḥ |ātma praśamsinam duṣṭam dhṛṣṭam viparidhāvakam ||6-21-15||||
sarvatra utsṛṣṭa daṇḍam ca lokaḥ sat kurute naram |na sāmnā śakyate kīrtir na sāmnā śakyate yaśaḥ ||6-21-16||||
prāptum lakṣmaṇa loke asmin jayo vā raṇa mūdhani |adya mad bāṇa nirbhinnair makarair makara ālayam |niruddha toyam saumitre plavadbhiḥ paśya sarvataḥ ||6-21-17||||
bhogāmaḥ ca paśya nāgānām mayā bhinnāni lakṣmaṇa ||6-21-18||||
mahābhogāni matsyānām kariṇām ca karān iha |saśankha śuktikā jālam samīna makaram śaraiḥ ||6-21-19||||
adya yuddhena mahatā samudram pariśoṣaye |kṣamayā hi samāyuktam mām ayam makara ālayaḥ ||6-21-20||||
asamartham vijānāti dhik kṣamām īdṛśe jane |sa darśayati sāmnā me sāgaro rūpamātmanaḥ ||6-21-21||||
cāpam ānaya saumitre śarāmaḥ ca āśī viṣa upamān |samudram śoṣayiṣyāmi padbhyām yāntu plavaṅgamāḥ ||6-21-22||||
adya akṣobhyam api kruddhaḥ kṣobhayiṣyāmi sāgaram |velāsu kṛta maryādam sahasā ūrmi samākulam ||6-21-23||||
nirmaryādam kariṣyāmi sāyakair varuṇa ālayam |mahārṇavam kṣoBhayiṣye mahādānavasamkulam ||6-21-24||||
evam uktvā dhanuṣ pāṇiḥ krodha visphārita īkṣaṇaḥ |babhūva rāmo durdharṣo yuga anta agnir iva jvalan ||6-21-25||||
sampīḍya ca dhanur ghoram kampayitvā śarair jagat |mumoca viśikhān ugrān vajrāṇi iva śata kratuḥ ||6-21-26||||
te jvalanto mahāvegās tejasā sāyaka uttamāḥ |praviśanti samudrasya salilam trasta pannagam ||6-21-27||||
tato vegaḥ samudrasya sanakra makaro mahān |sa babhūva mahāghoraḥ samāruta ravas tadā ||6-21-28||||
mahāūrmi mālā vitataḥ śankha śukti samākulaḥ |sadhūma parivṛtta ūrmiḥ sahasā abhūn mahāudadhiḥ ||6-21-29||||
vyathitāḥ pannagāḥ ca āsan dīpta āsyā dīpta locanāḥ |dānavāḥ ca mahāvīryāḥ pātāla tala vāsinaḥ ||6-21-30||||
ūrmayaḥ sindhu rājasya sanakra makarās tadā |vindhya mandara samkāśāḥ samutpetuḥ sahasraśaḥ ||6-21-31||||
āghūrṇita taranga oghaḥ sambbhrānta uraga rākṣasaḥ |udvartita mahāgrāhaḥ samvṛttaḥ salila āśayaḥ ||6-21-32||||
tatastu tam rāghava mugravegam |prakarṣamāṇam dhmaraprameyam |saumitrirutpatya viniḥśvasantam |māmeti coktvā dhanurālalambe ||6-21-33||||
etadvināpi hyudadhestavārya |sampatsyate vīratamasya kāryam |bhavadvidhāḥ krodhavaśam na yānti |dīrgham bhavānpaśyatu sādhuvṛttam ||6-21-34||||
antarhitaiścāpi tathāntarikṣe |brahmarṣibhiścaiva surarṣibhiśca |śabdaḥ kṛtaḥ kaṣṭamiti bruvadbhi |rmā meti coktvā mahatā svareṇa ||6-21-35||
athovāca raghuśreṣṭhaḥ sāgaram dāruṇam vacaḥ |adya tvām śoṣayiṣyāmi sapātālam mahārṇava ||6-22-1||||
śaranirdagdhatoyasya pariśuṣkasya sāgara |mayā nihatasattvasya pāmsurutpadyate mahān ||6-22-2||||
matkārmukanisṛṣṭena śaravarṣeṇa sāgara |param tīram gamiṣyanti padbhireva plavaṅgamāḥ ||6-22-3||||
vicinvannābhijānāsi pauruṣam vāpi vikramam |dāvnavālaya samtāpam matto nāma gamiṣyasi ||6-22-4||||
brāhmeṇāstreṇa samyojya brahmadaṇḍanibham śaram |samyojya dhanuṣi śre ṣṭhe vicakarṣa mahābalaḥ ||6-22-5||||
tasminvikṛṣṭe sahasā rāghaveṇa śarāsane |rodasī sampaphāleva parvatāśca cakampire ||6-22-6||||
tamaśca lokamāvavre diśaśca na cakāśire |praticukṣubhire cāśu sarāmsi saritastadā ||6-22-7||||
tiryak ca saha nakṣatraiḥ samgatau candrabhāskarau |bhāskarāmśubhirādīptam tamasā ca samāvṛtam ||6-22-8||||
pracakāśe tadākāśamulkāśatavidīpitam |antarikṣācca nirghātā nirjagmuratulasvanāḥ ||6-22-9||||
vapuḥprakarṣeṇa vavurdivyamārutapaṅktyaḥ |babhañja ca tadā vṛkṣān jaladānudvahan muhuḥ ||6-22-10||||
ārujamścaiva śailāgrān śikharāṇi babhañja ca |divi ca sma mahāvegāḥ samhatāḥ samahāsvanāḥ ||6-22-11||||
mumucurvaidyutānagnīmste mahāśanayastadā |yāni bhūtāni dṛśyāni cukruśuścāśaneḥ samam ||6-22-12||||
adṛśyāni ca bhūtāni mumucurbhairavasvanam |śiśyare cābhibhūtāni samtrastāmyadvijanti ca ||6-22-13||||
sampravivyathire cāpi na ca paspandire bhayāt |sahabhūtaiḥ satoyormiḥ sanāgaḥ saharākṣasaḥ ||6-22-14||||
sahasābhūttato vegādbhīmavego mahodadhiḥ |yojanam vyaticakrāma velāmanyatra samplavāt ||6-22-15||||
tam tathā samatikrāntam nāticakrāma rāghavaḥ |samuddhatamamitraghno rāmo nadanadīpatim ||6-22-16||||
tato madhyāt samudrasya sāgaraḥ svayam utthitaḥ |udayan hi mahāśailān meror iva divā karaḥ ||6-22-17||||
pannagaiḥ saha dīpta āsyaiḥ samudraḥ pratyadṛśyata |snigdha vaidūrya samkāśo jāmbū nada vibhūṣitaḥ ||6-22-18||||
ratna mālya ambara dharaḥ padma patra nibha īkṣaṇaḥ |sarvapuṣpamayīm divyām śirasā dhārayan srajam ||6-22-19||||
jātarūpamayaiścaiva tapanīyavibhūṣito bhūṣaṇottamaiḥ |ātmajānām ca ratnānām bhūṣito bhūṣaṇottamaiḥ ||6-22-20||||
dhātubhirmaṇḍitaḥ śailo vividhairhamavāniva |ekāvalīmadhyagatam taralam pāṇḍaraprabham ||6-22-21||||
vipulenorasā bibhratkaustubhasya sahodaram |āghūrṇitataraṅgaughaḥkālikānilasamkulaḥ ||6-22-22||||
gaṅgāsindhupradhānābhirāpagābhiḥ samāvṛtaḥ |devatānām sarūpābhirnānārūpābhirīśvaraḥ ||6-22-23||||
sāgaraḥ samatikramya pūrvam āmantrya vīryavān |abravīt prānjalir vākyam rāghavam śara pāṇinam ||6-22-24||||
pṛthivī vāyur ākāśam āpo jyotiḥ ca rāghavaḥ |svabhāve saumya tiṣṭhanti śāśvatam mārgam āśritāḥ ||6-22-25||||
tat svabhāvo mama api eṣa yad agādho aham aplavaḥ |vikāras tu bhaved rādha etat te pravadāmi aham ||6-22-26||||
na kāmān na ca lobhād vā na bhayāt pārthiva ātmaja |rāgānnakrākulajalam stambhayeyam kathamcana ||6-22-27||||
vidhāsye yena gantāsi viṣahiṣye hyaham tathā |na grāhā vidhamiṣyanti yāvatsenā tariṣyati ||6-22-28||||
harīṇām taraṇe rāma kariṣyāmi yathāsthalam |tamabravīttadā rāmaḥ śṛṇu me varuṇālaya ||6-22-29||||
amogho'yam mahābāṇaḥ kasmin deśe nipātyatām |rāmasya vacanam śrutvā tam ca dṛṣṭvā mahāśaram ||6-22-30||||
mahodadhirmahātejā rāghavam vākyamabravīt |uttareṇāvakāśo'sti kaścitpuṇyataro mama ||6-22-31||||
drumakulya iti khyāto loke khyāto yathā bhavān |ugradarśanakarmāṇo bahavastatra dasyavaḥ ||6-22-32||||
ābhīrapramukhāḥ pāpāḥ pibanti salilam mama |tairna tatsparśanam pāpam saheyam pāpakarmabhiḥ ||6-22-33||||
amoghaḥ kriyatām rāma tatra teṣu śarottamaḥ |tasya tadvacanam śrutvā sāgarasya mahātmanaḥ ||6-22-34||||
mumoca tam śaram dīptam param sāgaradarśanāt |tena tanmarukāntāram p^ithivyām kila viśrutam ||6-22-35||||
vipātitaḥ śaro yatra vajrāśanisamaprabhaḥ |nanāda ca tadā tatra vasudhā śalyapīḍitā ||6-22-36||||
tasmādbāṇamukhāttoyamutpapāta rasātalāt |sa babhūva tadā kūpo vraṇa ityeva viśrutaḥ ||6-22-37||||
satatam cotthitam toyam samudrasyeva dṛśyate |avadāraṇaśabdaśca dāruṇaḥ samapadyata ||6-22-38||||
tasmāttadbāṇapātena apaḥ kukṣiṣvaśoṣayat |vikhyātam triṣu lokeṣu madhukāntārameva ca ||6-22-39||||
śoṣayitvā tu tam kukṣim rāmo daśarathātmajaḥ |varam tasmai dadau vidvānmarave'maravikramaḥ ||6-22-40||||
paśavyaścālparogaśca phalamūlarasāyutaḥ |bahusneho bahukṣīraḥ sugandhirvividhauṣadhiḥ ||6-22-41||||
evametairguṇairyukto bahibhiḥ samyuto maruḥ |rāmasya varadānācca śivaḥ panthā babhūva ha ||6-22-42||||
tasmin dagdhe tadā kukṣau samudraḥ saritām patiḥ |rāghavam sarvaśāstrajñamidam vacanambravīt ||6-22-43||||
ayam saumya nalo nāma tanujo viśva karmaṇaḥ |pitrā datta varaḥ śrīmān pratimo viśva karmaṇaḥ ||6-22-44||||
eṣa setum mahāutsāhaḥ karotu mayi vānaraḥ |tam aham dhārayiṣyāmi tathā hi eṣa yathā pitā ||6-22-45||||
evam uktvā udadhir naṣṭaḥ samutthāya nalas tataḥ |abravīd vānara śreṣṭho vākyam rāmam mahābalaḥ ||6-22-46||||
aham setum kariṣyāmi vistīrṇe varuṇa ālaye |pituḥ sāmarthyam āsthāya tattvam āha mahāudadhiḥ ||6-22-47||||
asau tu sāgaro bhīmaḥ setukarmadidṛkṣayā |dadau daṇḍabhayādgādham rāghavāya mahodadhiḥ ||6-22-48||||
mama mātur varo datto mandare viśva karmaṇā |aurasas tasya putro aham sadṛśo viśva karmaṇā ||6-22-49||||
aurasastasya putro'ham sadṛśo viśvakarmaṇā|smārito'smyahametena tattvamāha mahodadhiḥ ||6-22-50||||
na ca api aham anukto vai prabrūyām ātmano guṇān |samarthścāpyaham setum kartum vai varuṇālaye ||6-22-51||||
tasmādadyaiva badhnantu setum vānarapuṅgavāḥ |tato nisṛṣṭa rāmeṇa sarvato hari yūthapāḥ ||6-22-52||||
abhipetur mahāaraṇyam hṛṣṭāḥ śata sahasraśaḥ |te nagān naga samkāśāḥ śākhā mṛga gaṇa ṛṣabhāḥ ||6-22-53||||
babhanjur vānarās tatra pracakarṣuḥ ca sāgaram |te sālaiḥ ca aśva karṇaiḥ ca dhavair vamśaiḥ ca vānarāḥ ||6-22-54||||
kuṭajair arjunais tālais tikalais timiśair api |bilvakaiḥ saptaparṇaiśca karṇikāraiśca puṣpitaiḥ ||6-22-55||||
cūtaiḥ ca aśoka vṛkṣaiḥ ca sāgaram samapūrayan |samūlāmaḥ ca vimūlāmaḥ ca pādapān hari sattamāḥ ||6-22-56||||
indra ketūn iva udyamya prajahrur harayas tarūn |tālān dāḍimagulmāmśca nārikelavibhītakān ||6-22-57||||
karīrān bakulānnimbān samājahruritastataḥ |hastimātrān mahākāyāḥ pāṣāṇāmśca mahābalāḥ ||6-22-58||||
parvatāmśca samutpāṭya yantraiḥ parivahanti ca |prakṣipyamāṇair acalaiḥ sahasā jalam uddhatam ||6-22-59||||
samutpatitam ākāśam apāsarpat tatas tataḥ |samudram kṣobhayāmāsurnipatantaḥ samantataḥ ||6-22-60||||
sūtrāṇyanye pragṛhṇanti hyāyatam śatayojanam |nalaḥ cakre mahāsetum madhye nada nadī pateḥ ||6-22-61||||
sa tadā kriyate seturvānarai rghorakarmabhiḥ |daṇḍananye pragṛhṇanti vicinvanti tathāpare ||6-22-62||||
vānaraiḥ śataśastatra rāmasyajñāpuraḥsaraiḥ |meghābhaiḥ parvatābhaśca tṛṇaiḥ kāṣṭhairbabandhare ||6-22-63||||
puṣpitāgraiśca tarubhiḥ setum badhnanti vānarāḥ |pāṣāṇāmśca giriprakhyān girīṇām śikharāṇi ca ||6-22-64||||
dṛśyante paridhāvanto gṛhya dānavasamnibhāḥ |śilānām kṣipyamāṇānām śailānām tatra pātyatām ||6-22-65||||
babhūva tumulaḥ śabdas tadā tasmin mahāudadhau |kṛtāni prathamenāhnā yojanāni caturdaśa ||6-22-66||||
prahṛṣṭaijasamkāśaistvaramāṇaiḥ plavaṅgamaiḥ |dvitīyena tathaivāhnā yojanāni tu viśatiḥ ||6-22-67||||
kṛtāni plavagaistūrṇam bhīmakāyairmahābalaiḥ |ahnā tṛtīyena tathā yojanāni tu sāgare ||6-22-68||||
tvaramāṇairmahākayairekavimśatireva ca |caturthena tathā cāhnā dvāvimśatirathāpi vā ||6-22-69||||
yojanāni mahāvegaiḥ kṛtāni tvaritaistataḥ |pañcamena tathā cāhnā plavagaiḥ kṣiprakāribhiḥ ||6-22-70||||
yojanāni trayovimśatsuvelamadhikṛtya vai |sa vānaravaraḥ śrīmān viśvakarmātmajo balī ||6-22-71||||
babandha sāgare setum yathā cāsya tathā pitā |sa nalena kṛtaḥ setuḥ sāgare makara ālaye ||6-22-72||||
śuśubhe subhagaḥ śrīmān svātī patha iva ambare |tato devāḥ sagandharvāḥ siddhāḥ ca parama ṛṣayaḥ ||6-22-73||||
āgamya gagane tasthurdraṣṭukāmāstadadbhutam |daśayojanavistīrṇam śatayojana māyatam ||6-22-74||||
dadṛśurdevagandharvā nalasetum suduṣkaram |āplavantaḥ plavantaḥ ca garjantaḥ ca plavam gamāḥ ||6-22-75||||
tam acintyam asahyam ca adbhutam loma harṣaṇam |dadṛśuḥ sarva bhūtāni sāgare setu bandhanam ||6-22-76||||
tāni koṭi sahasrāṇi vānarāṇām mahāojasām |badhnantaḥ sāgare setum jagmuḥ pāram mahāudadheḥ ||6-22-77||||
viśālaḥ sukṛtaḥ śrīmān subhūmiḥ susamāhitaḥ |aśobhata mahāsetuḥ sīmanta iva sāgare ||6-22-78||||
tataḥ pare samudrasya gadā pāṇir vibhīṣaṇaḥ |pareṣām abhighata artham atiṣṭhat sacivaiḥ saha ||6-22-79||||
sugrīvastu tataḥ prāha rāmam satyaparākramam |hanumantam tvamāroha aṅgadam tvatha lakṣmaṇaḥ ||6-22-80||||
ayam hi vipulo vīra sāgaro makarālayaḥ |vaihāyasau yuvāmetau vānarau dhārayiṣyataḥ ||6-22-81||||
agratas tasya sainyasya śrīmān rāmaḥ salakṣmaṇaḥ |jagāma dhanvī dharma ātmā sugrīveṇa samanvitaḥ ||6-22-82||||
anye madhyena gaccanti pārśvato anye plavam gamāḥ |salile prapatanti anye mārgam anye na lebhire ||6-22-83||||
kecid vaihāyasa gatāḥ suparṇā iva pupluvuḥ |ghoṣeṇa mahatā ghoṣam sāgarasya samuccritam ||6-22-84||||
bhīmam antar dadhe bhīmā tarantī hari vāhinī |vānarāṇām hi sā tīrṇā vāhinī nala setunā ||6-22-85||||
tīre niviviśe rājñā bahu mūla phala udake |tad adbhutam rāghava karma duṣkaram |samīkṣya devāḥ saha siddha cāraṇaiḥ |upetya rāmam sahitā maharṣibhiḥ |samabhyaṣincan suśubhiar jalaiḥ pṛthak ||6-22-86||||
jayasva śatrūn nara deva medinīm |sasāgarām pālaya śāśvatīḥ samāḥ |iti iva rāmam nara deva satkṛtam |śubhair vacobhir vividhair apūjayan ||6-22-87||
nimittāni nimittajño dṛṣṭvā lakṣmaṇapūrvajaḥ |saumitrim sampariṣvajya idam vacanambravīt ||6-23-1||||
parigṛhyodakam śītam vanāni phalavanti ca |balau gham samvibhajyemam vyūhya tiṣṭhema lakṣmaṇa ||6-23-2||||
lokakṣayakaram bhīmam bhayam paśyāmyupasthitam |prabarhaṇam pravīrāṇāmṛkṣavānararakṣasām ||6-23-3||||
vātāśca kaluṣā vānti kampate ca vasundharā |parvatāgrāṇi vepante patanti ca mahīruḥāḥ ||6-23-4||||
meghāḥ kravyādasamkāśāḥ paruṣāḥ paruṣasvanāḥ |krūrāḥ krūram pravarṣanti miśram śoṇitabindubhiḥ ||6-23-5||||
raktacandanasamkāśā samdhyā paramadāruṇā |jvalataḥ prapatatyetadādityādagnimaṇḍalam ||6-23-6||||
dīnā dīnasvarāḥ krūrāḥ sarvato mṛgapakṣiṇaḥ |pratyādityam vinardanti janayanto mahadbhayam ||6-23-7||||
rajanyāmaprakāśastu samtāpayati candramāḥ |kṛṣṇaraktāmśuparyanto lokakṣaya ivoditaḥ ||6-23-8||||
hrasvo rūkṣo'praśastaśca pariveṣastu lohitaḥ |āditye vimale vīlam lakṣma lakṣmaṇa dṛśyate ||6-23-9||||
rajasā mahatā cāpi nakṣatrāṇi hatāni ca |yugāntamiva lokānām paśya śasanti lakṣmaṇa ||6-23-10||||
kākāḥ śyenāstathā nīcā gṛdhrāḥ paripatanti ca |śivāścāpyaśubhānnādānnadanti sumahābhayān ||6-23-11||||
śailaiḥ śūlaiśca khaḍgaiśca vimukaiḥ kapirākṣasaiḥ |bhaviṣyatyāvṛtā bhūmirmāmsaśoṇitakardamā ||6-23-12||||
kṣipramadyaiva durdharṣām purīm rāvaṇapālitām |abhiyāma javenaiva sarvairharibhirāvṛtāḥ ||6-23-13||||
ityevamuktvā dhanvī sa rāmaḥ samgrāmadharṣaṇaḥ |pratasthe purato rāmo laṅkāmabhimukho vibhuḥ ||6-23-14||||
savibhīṣaṇasugrīvāḥ sarve te vānararṣabhāḥ |pratasthire vinardanto dhṛtānām dviṣatām vadhe ||6-23-15||||
rāghavasya priyārtham tu sutarām vīryaśālinām |harīṇām karmaceṣṭābhistutoṣa raghunandanaḥ ||6-23-16||
sā vīrasamitī rājñā virarāja vyavasthitā |śaśinā śubhinakṣatrā paurṇamāsīva śāradī ||6-24-1||||
pracacāla ca vegena trastā caiva vasundharā |pīḍyamānā balau ghena tena sāgaravarcasā ||6-24-2||||
tataḥ śuśrupurākruṣṭam laṅkāyāḥ kānanaukasaḥ |bherīmṛdaṅgasamghuṣṭam tumulam romaharṣaṇam ||6-24-3||||
babhūvustena ghoṣeṇa samhṛṣṭā hariyūthapāḥ |amṛṣyamāṇāstam ghoṣam vinedurghoṣavattaram ||6-24-4||||
rākṣasāstam plavaṅgānām śuśruvuste'pi garjitam |vardatāmiva dṛptānām meghānāmambare svanam ||6-24-5||||
dṛṣṭvā dāśarathirlaṅkām citradhvajapatākinimm |jagāma manasā sītām dūyamānena cetasā ||6-24-6||||
atra sā mṛgaśābākṣī rāvaṇenoparudhyate |abhibhūtā graheṇeva lohitāṅgena rohiṇī ||6-24-7||||
dīrghamuṣṇam ca niḥśvasya samudvīkṣya ca lakṣmaṇam |uvāca vacanam vīrastatkālahitamātmanaḥ ||6-24-8||||
ālikhantīmivākāśamutthitām paśya lakṣmaṇa |manseva kṛtām laṅkām nagāgre viśvakarmaṇā ||6-24-9||||
vimānairbahubhirlaṅka samkīrṇā racitā purā |viṣṇoḥ padamivākāśam cāditam pāṇḍubhirghanaiḥ ||6-24-10||||
puṣpitaiḥ śobhitā laṅkā vanaiścatrarathopamaiḥ |nānāpatagasamghuṣṭaphalapuṣpopagaiḥ śubhaiḥ ||6-24-11||||
paśya mattavihaṅgani pralīnabhramarāṇi ca |kokilākulakhaṇḍāni dodhavīti śivo'vilaḥ ||6-24-12||||
iti dāśarathīramo lakṣmaṇam samabhāṣata |balam ca tatra vibhajaccāstradṛṣṭena karmaṇā ||6-24-13||||
śaśāsa kapisemām tām balādādāya vīryavān |aṅgadaḥ saha nīlena tiṣṭhe durapi durjayaḥ ||6-24-14||||
tiṣṭhedvānaravāhinyā vānaraughasamāvṛtaḥ |āśirto dakṣiṇam pārśvamṛṣabho nāma vānaraḥ ||6-24-15||||
gandhahastīva durdharṣastarasvī gandhamādanaḥ |tiṣṭhedvānaravāhinyāḥ savyam pakṣamadhiṣṭhataḥ ||6-24-16||||
mūrdhni sthāsyāmyaham yatto lakṣmaṇena samanvitaḥ |jāmbavāmśca suṣeṇaśca vegadarśī ca vānaraḥ ||6-24-17||||
ṛkṣamukhyā mahātmānaḥ kukṣim rakṣantu te trayaḥ |jaghanam kapisenāyāḥ kapirājo'bhirakṣatu ||6-24-18||||
paścārdhamiva lokasya pracetāstejapā vṛtaḥ |suvibhaktamahāvyūhā mahāvānararakṣitā ||6-24-19||||
anīkinī sā vibabhau yathādyauḥ sābhrasamplavā |praṛhya giriśṛṅgāṇi mahataśca mahīruhān ||6-24-20||||
āsedurvānarā laṅkām mimardayuṣavo raṇe |śikharairvikirāmainām laṅkām muṣṭibhireva vā ||6-24-21||||
iti sma dadhire sarve mānāmsi haripuṅgavāḥ |tato rāmo mahātejāḥ sugrīva midamabravīt ||6-24-22||||
suvibhaktāni sainyāni śuka eṣa vimucyatām |rāmasya tu vacaḥ śrutvā vānarendro mahābalaḥ ||6-24-23||||
mocayāmāsa tam dūtam śukam rāmasya śāsanāt |mocito rāmavākyena vānaraiśca nipīḍitaḥ ||6-24-24||||
śukaḥ paramasamtrasto rakṣodhipamupāgamat |rāvaṇaḥ prahasanneva śukam vākyamuvāca ha ||6-24-25||||
kimimau te sitau pakṣau lūnapakṣśca dṛśyase |kaccinnānekacittānām teṣām tvam vaśamāgataḥ ||6-24-26||||
tataspa bhayasamvigna stadā rājñābhicoditaḥ |vacanam pratyuvācedam rākṣasādhipamuttamam ||6-24-27||||
sāgarasyottare tīre'bravam te vacanam tathā |yathāsamdeśamakliṣṭam sāntvayan ślakṣṇayā girā ||6-24-28||||
kruddhaisterahamutplutya dṛṣṭamātraḥ plavaṅgamaiḥ |gṛhito'smyapi cārabdho hantum loptum ca muṣṭibhiḥ ||6-24-29||||
na te sambhāṣitum śakyāḥ sampraśno'tra na vidyate |prakṛtyā kopanāstīkṣiṇā vānarā rākṣasādhipa ||6-24-30||||
sa ca hantā virādhasya kabandhasya kharasya ca |sugrīvasahito rāmaḥ sītāyāḥ padamāgataḥ ||6-24-31||||
sa kṛtvā sāgare setum tīrtvā ca lavaṇodadhim |eṣa rakṣāsi nirdhūya dhanvī tiṣṭhati rāghavaḥ ||6-24-32||||
ṛkṣavānarasamghānāmanīkāni sahasraśaḥ |girimeghanikāśānām cādayanti vasundharām ||6-24-33||||
rākṣasānām balaughasya vānarendrabalasya ca |naitayorvidyate samdhirdevadānavayoriva ||6-24-34||||
purā prākāramāyānti kṣipramekataram kuru |sītām vāsmai prayaccāśu yuddham vāpi pradīyatām ||6-24-35||||
śukasya vacanam śrutvā rāvaṇo vākya mabravīt |roṣasamraktanayano nirdahanniva cakṣuṣā ||6-24-36||||
yadi mām pratiyudhyeran devagandharvadānavāḥ |naiva sītām pradāsyāmi sarvalokabhayādapi ||6-24-37||||
kadā samabhidhānanti māmakā rāghavam śarāḥ |vasante puṣpitam mattā bhramarā iva pādapam ||6-24-38||||
kadā śoṇitadigdhāṅgam dīpaiḥ kārmukavicyutaiḥ |śarairādīpayiṣyāmi ulkābhiriva kuñjaram ||6-24-39||||
taccāsya balamādāsye balena mahatā vṛtaḥ |jyotiṣāmiva sarveṣām prabhāmudyandivākaraḥ ||6-24-40||||
sāgarasyeva me vego mārutasyeva me balam |na ca dāśarathirveda tena mām yoddhumiccati ||6-24-41||||
na me tūṇīśayān bāṇān saniṣāniva pannagān |rāmaḥ paśyati samgrāme tena mām yoddhumiccati ||6-24-42||||
na jānāti purā vīryam mama yuddhe sa rāghavaḥ |mama cāpamayīm vīṇām śarakoṇaiḥ pravāditām ||6-24-43||||
jyāśabadatumulām ghorāmārtagītamahāsvanām |nārācatalasamnādām tām mamāhitavāhinīm ||6-24-44||||
avagāhya maharaṅgam vādayiṣyāntagan raṇe |na vāsavenāpi sa hasracakṣuṣā |yuddhe'smi śakyo varuṇena vāsvayam |yameva vā dharṣayitum śarāgninā |mahāhave vaiśravaṇena vā svayam ||6-24-45||
sā vīrasamitī rājñā virarāja vyavasthitā |śaśinā śubhinakṣatrā paurṇamāsīva śāradī ||6-24-1||||
pracacāla ca vegena trastā caiva vasundharā |pīḍyamānā balau ghena tena sāgaravarcasā ||6-24-2||||
tataḥ śuśrupurākruṣṭam laṅkāyāḥ kānanaukasaḥ |bherīmṛdaṅgasamghuṣṭam tumulam romaharṣaṇam ||6-24-3||||
babhūvustena ghoṣeṇa samhṛṣṭā hariyūthapāḥ |amṛṣyamāṇāstam ghoṣam vinedurghoṣavattaram ||6-24-4||||
rākṣasāstam plavaṅgānām śuśruvuste'pi garjitam |vardatāmiva dṛptānām meghānāmambare svanam ||6-24-5||||
dṛṣṭvā dāśarathirlaṅkām citradhvajapatākinimm |jagāma manasā sītām dūyamānena cetasā ||6-24-6||||
atra sā mṛgaśābākṣī rāvaṇenoparudhyate |abhibhūtā graheṇeva lohitāṅgena rohiṇī ||6-24-7||||
dīrghamuṣṇam ca niḥśvasya samudvīkṣya ca lakṣmaṇam |uvāca vacanam vīrastatkālahitamātmanaḥ ||6-24-8||||
ālikhantīmivākāśamutthitām paśya lakṣmaṇa |manseva kṛtām laṅkām nagāgre viśvakarmaṇā ||6-24-9||||
vimānairbahubhirlaṅka samkīrṇā racitā purā |viṣṇoḥ padamivākāśam cāditam pāṇḍubhirghanaiḥ ||6-24-10||||
puṣpitaiḥ śobhitā laṅkā vanaiścatrarathopamaiḥ |nānāpatagasamghuṣṭaphalapuṣpopagaiḥ śubhaiḥ ||6-24-11||||
paśya mattavihaṅgani pralīnabhramarāṇi ca |kokilākulakhaṇḍāni dodhavīti śivo'vilaḥ ||6-24-12||||
iti dāśarathīramo lakṣmaṇam samabhāṣata |balam ca tatra vibhajaccāstradṛṣṭena karmaṇā ||6-24-13||||
śaśāsa kapisemām tām balādādāya vīryavān |aṅgadaḥ saha nīlena tiṣṭhe durapi durjayaḥ ||6-24-14||||
tiṣṭhedvānaravāhinyā vānaraughasamāvṛtaḥ |āśirto dakṣiṇam pārśvamṛṣabho nāma vānaraḥ ||6-24-15||||
gandhahastīva durdharṣastarasvī gandhamādanaḥ |tiṣṭhedvānaravāhinyāḥ savyam pakṣamadhiṣṭhataḥ ||6-24-16||||
mūrdhni sthāsyāmyaham yatto lakṣmaṇena samanvitaḥ |jāmbavāmśca suṣeṇaśca vegadarśī ca vānaraḥ ||6-24-17||||
ṛkṣamukhyā mahātmānaḥ kukṣim rakṣantu te trayaḥ |jaghanam kapisenāyāḥ kapirājo'bhirakṣatu ||6-24-18||||
paścārdhamiva lokasya pracetāstejapā vṛtaḥ |suvibhaktamahāvyūhā mahāvānararakṣitā ||6-24-19||||
anīkinī sā vibabhau yathādyauḥ sābhrasamplavā |praṛhya giriśṛṅgāṇi mahataśca mahīruhān ||6-24-20||||
āsedurvānarā laṅkām mimardayuṣavo raṇe |śikharairvikirāmainām laṅkām muṣṭibhireva vā ||6-24-21||||
iti sma dadhire sarve mānāmsi haripuṅgavāḥ |tato rāmo mahātejāḥ sugrīva midamabravīt ||6-24-22||||
suvibhaktāni sainyāni śuka eṣa vimucyatām |rāmasya tu vacaḥ śrutvā vānarendro mahābalaḥ ||6-24-23||||
mocayāmāsa tam dūtam śukam rāmasya śāsanāt |mocito rāmavākyena vānaraiśca nipīḍitaḥ ||6-24-24||||
śukaḥ paramasamtrasto rakṣodhipamupāgamat |rāvaṇaḥ prahasanneva śukam vākyamuvāca ha ||6-24-25||||
kimimau te sitau pakṣau lūnapakṣśca dṛśyase |kaccinnānekacittānām teṣām tvam vaśamāgataḥ ||6-24-26||||
tataspa bhayasamvigna stadā rājñābhicoditaḥ |vacanam pratyuvācedam rākṣasādhipamuttamam ||6-24-27||||
sāgarasyottare tīre'bravam te vacanam tathā |yathāsamdeśamakliṣṭam sāntvayan ślakṣṇayā girā ||6-24-28||||
kruddhaisterahamutplutya dṛṣṭamātraḥ plavaṅgamaiḥ |gṛhito'smyapi cārabdho hantum loptum ca muṣṭibhiḥ ||6-24-29||||
na te sambhāṣitum śakyāḥ sampraśno'tra na vidyate |prakṛtyā kopanāstīkṣiṇā vānarā rākṣasādhipa ||6-24-30||||
sa ca hantā virādhasya kabandhasya kharasya ca |sugrīvasahito rāmaḥ sītāyāḥ padamāgataḥ ||6-24-31||||
sa kṛtvā sāgare setum tīrtvā ca lavaṇodadhim |eṣa rakṣāsi nirdhūya dhanvī tiṣṭhati rāghavaḥ ||6-24-32||||
ṛkṣavānarasamghānāmanīkāni sahasraśaḥ |girimeghanikāśānām cādayanti vasundharām ||6-24-33||||
rākṣasānām balaughasya vānarendrabalasya ca |naitayorvidyate samdhirdevadānavayoriva ||6-24-34||||
purā prākāramāyānti kṣipramekataram kuru |sītām vāsmai prayaccāśu yuddham vāpi pradīyatām ||6-24-35||||
śukasya vacanam śrutvā rāvaṇo vākya mabravīt |roṣasamraktanayano nirdahanniva cakṣuṣā ||6-24-36||||
yadi mām pratiyudhyeran devagandharvadānavāḥ |naiva sītām pradāsyāmi sarvalokabhayādapi ||6-24-37||||
kadā samabhidhānanti māmakā rāghavam śarāḥ |vasante puṣpitam mattā bhramarā iva pādapam ||6-24-38||||
kadā śoṇitadigdhāṅgam dīpaiḥ kārmukavicyutaiḥ |śarairādīpayiṣyāmi ulkābhiriva kuñjaram ||6-24-39||||
taccāsya balamādāsye balena mahatā vṛtaḥ |jyotiṣāmiva sarveṣām prabhāmudyandivākaraḥ ||6-24-40||||
sāgarasyeva me vego mārutasyeva me balam |na ca dāśarathirveda tena mām yoddhumiccati ||6-24-41||||
na me tūṇīśayān bāṇān saniṣāniva pannagān |rāmaḥ paśyati samgrāme tena mām yoddhumiccati ||6-24-42||||
na jānāti purā vīryam mama yuddhe sa rāghavaḥ |mama cāpamayīm vīṇām śarakoṇaiḥ pravāditām ||6-24-43||||
jyāśabadatumulām ghorāmārtagītamahāsvanām |nārācatalasamnādām tām mamāhitavāhinīm ||6-24-44||||
avagāhya maharaṅgam vādayiṣyāntagan raṇe |na vāsavenāpi sa hasracakṣuṣā |yuddhe'smi śakyo varuṇena vāsvayam |yameva vā dharṣayitum śarāgninā |mahāhave vaiśravaṇena vā svayam ||6-24-45||
tad vacaḥ pathyam aklībam sāraṇena abhibhāṣitam |niśamya rāvaṇo rājā pratyabhāṣata sāraṇam ||6-26-1||||
yadi mām abhiyunjīran deva gandharva dānavāḥ |na eva sītām pradāsyāmi sarva loka bhayād api ||6-26-2||||
tvam tu saumya paritrasto haribhir nirjito bhṛśam |pratipradānam adya eva sītāyāḥ sādhu manyase ||6-26-3||||
ko hi nāma sapatno mām samare jetum arhati |iti uktvā paruṣam vākyam rāvaṇo rākṣasa adhipaḥ ||6-26-4||||
āruroha tataḥ śrīmān prāsādam hima pāṇḍuram |bahu tāla samutsedham rāvaṇo atha didṛkṣayā ||6-26-5||||
tābhyām carābhyām sahito rāvaṇaḥ krodha mūrcitaḥ |paśyamānaḥ samudram ca parvatāmaḥ ca vanāni ca ||6-26-6||||
dadarśa pṛthivī deśam susampūrṇam plavam gamaiḥ |tad apāram asamkhyeyam vānarāṇām mahad balam ||6-26-7||||
ālokya rāvaṇo rājā paripapracca sāraṇam |eṣām vānara mukhyānām ke śūrāḥ ke mahābalāḥ ||6-26-8||||
ke pūrvam abhivartante mahāutsāhāḥ samantataḥ |keṣām śṛṇoti sugrīvaḥ ke vā yūthapa yūthapāḥ ||6-26-9||||
sāraṇa ācakṣva me sarvam ke pradhānāḥ plavam gamāḥ |sāraṇo rākṣasa indrasya vacanam paripṛccataḥ ||6-26-10||||
ācacakṣe atha mukhyajño mukhyāms tāms tu vana okasaḥ |eṣa yo abhimukho laṃkām nardams tiṣṭhati vānaraḥ ||6-26-11||||
yūthapānām sahasrāṇām śatena parivāritaḥ |yasya ghoṣeṇa mahatā saprākārā satoraṇā ||6-26-12||||
laṃkā pravepate sarvā saśaila vana kānanā |sarva śākhā mṛga indrasya sugrīvasya mahātmanaḥ ||6-26-13||||
bala agre tiṣṭhate vīro nīlo nāma eṣa yūthapaḥ |bāhū pragṛhya yaḥ padbhyām mahīm gaccati vīryavān ||6-26-14||||
laṃkām abhimukhaḥ kopād abhīkṣṇam ca vijṛmbhate |giri śṛnga pratīkāśaḥ padma kinjalka samnibhaḥ ||6-26-15||||
sphoṭayati abhisamrabdho lāngūlam ca punaḥ punaḥ |yasya lāngūla śabdena svananti iva diśo daśa ||6-26-16||||
eṣa vānara rājena surgrīveṇa abhiṣecitaḥ |yauvarājye angado nāma tvām āhvayati samyuge ||6-26-17||||
vālinaḥ sadṛśaḥ putraḥ sugrīvasya sadā priyaḥ |rāghavārthe parākrāntaḥ śakrārthe varuṇo yathā ||6-26-18||||
etasya sā matiḥ sarvā yaddṛṣṭā janakātmajā |hanūmatā vegavatā rāghavasya hitaiṣiṇā ||6-26-19||||
bahūni vānarendrāṇāmeṣa yūthāni vīryavān |parigṛhyābhiyāti tvām svenānīkena marditum ||6-26-20||||
anuvālisutasyāpi balena mahatā vṛtaḥ |vīrastiṣṭhati samgrāme setuheturayam nalaḥ ||6-26-21||||
ye tu viṣṭabhya gātrāṇi kṣveḍayanti nadanti ca |utthāya ca vijṛmbhante krodhena hari pumgavāḥ ||6-26-22||||
ete duṣprasahā ghorāḥ caṇḍāḥ caṇḍa parākramāḥ |aṣṭau śata sahasrāṇi daśa koṭi śatāni ca ||6-26-23||||
ya enam anugaccanti vīrāḥ candana vāsinaḥ |eṣa āśamsate laṃkām svena anīkena marditum ||6-26-24||||
śveto rajata samkāśaḥ sabalo bhīma vikramaḥ |buddhimān vānaraḥ śūras triṣu lokeṣu viśrutaḥ ||6-26-25||||
tūrṇam sugrīvam āgamya punar gaccati vānaraḥ |vibhajan vānarīm senām anīkāni praharṣayan ||6-26-26||||
yaḥ purā gomatī tīre ramyam paryeti parvatam |nāmnā samkocano nāma nānā naga yuto giriḥ ||6-26-27||||
tatra rājyam praśāsti eṣa kumudo nāma yūthapaḥ |yo asau śata sahasrāṇām sahasram parikarṣati ||6-26-28||||
yasya vālā bahu vyāmā dīrgha lāngūlam āśritāḥ |tāmrāḥ pītāḥ sitāḥ śvetāḥ prakīrṇā ghora karmaṇaḥ ||6-26-29||||
adīno roṣaṇaḥ caṇḍaḥ samgrāmam abhikānkṣati |eṣa eva āśamsate laṃkām svena anīkena marditum ||6-26-30||||
yas tv eṣa simha samkāśaḥ kapilo dīrgha kesaraḥ |nibhṛtaḥ prekṣate laṃkām didhakṣann iva cakṣuṣā ||6-26-31||||
vindhyam kṛṣṇa girim sahyam parvatam ca sudarśanam |rājan satatam adhyāste rambho nāma eṣa yūthapaḥ ||6-26-32||||
śatam śata sahasrāṇām trimśac ca hari yūthapāḥ |yam yāntam vānarā ghorāścaṇḍāścaṇḍparākramāḥ ||6-26-33||||
parivārya anugaccanti laṃkām marditum ojasā |yas tu karṇau vivṛṇute jṛmbhate ca punaḥ punaḥ ||6-26-34||||
na ca samvijate mṛtyor na ca yūthād vidhāvati |prakampate ca roṣena tiryakca punarīkṣate ||6-26-35||||
paśyan lāṅgūlamapi ca ksveḍatyeṣa mahābalaḥ |mahābalo vīta bhayo ramyam sālveya parvatam ||6-26-36||||
rājan satatam adhyāste śarabho nāma yūthapaḥ |etasya balinaḥ sarve vihārā nāma yūthapāḥ ||6-26-37||||
rājan śata sahasrāṇi catvārimśat tathaiva ca |yas tu megha iva ākāśam mahān āvṛtya tiṣṭhati ||6-26-38||||
madhye vānara vīrāṇām surāṇām iva vāsavaḥ |bherīṇām iva samnādo yasya eṣa śrūyate mahān ||6-26-39||||
ghoraḥ śākhā mṛga indrāṇām samgrāmam abhikānkṣatām |eṣa parvatam adhyāste pāriyātram anuttamam ||6-26-40||||
yuddhe duṣprasaho nityam panaso nāma yūthapaḥ |enam śata sahasrāṇām śata ardham paryupāsate ||6-26-41||||
yūthapā yūthapa śreṣṭham yeṣām yūthāni bhāgaśaḥ |yas tu bhīmām pravalgantīm camūm tiṣṭhati śobhayan ||6-26-42||||
sthitām tīre samudrasya dvitīya iva sāgaraḥ |eṣa dardara samkāśo vinato nāma yūthapaḥ ||6-26-43||||
pibamaḥ carati parṇāśām nadīnām uttamām nadīm |ṣaṣṭiḥ śata sahasrāṇi balam asya plavam gamāḥ ||6-26-44||||
tvām āhvayati yuddhāya krathano nāma yūthapaḥ |vikrāntā balavantaśca yathā yūthāni bhāgaśaḥ ||6-26-45||||
yas tu gairika varṇa ābham vapuḥ puṣyati vānaraḥ |avamatya sadā sarvānvānarān baladarpitaḥ ||6-26-46||||
gavayo nāma tejasvī tvām krodhād abhivartate |enam śata sahasrāṇi saptatiḥ paryupāsate |eṣa āśamsate laṃkām svena anīkena marditum ||6-26-47||||
ete duṣprasahā ghorā balinaḥ kāma rūpiṇaḥ |yūthapā yūthapa śreṣṭhā yeṣām samkhyā na vidyate ||6-26-48||
tāmstu te samprakṣyāmi prekṣamāṇasya yūthapān |rāghava arthe parākrāntā ye na rakṣanti jīvitam ||6-27-1||||
snigdhā yasya bahu śyāmā bālā lāngūlam āśritāḥ |tāmrāḥ pītāḥ sitāḥ śvetāḥ prakīrṇā ghora karmaṇaḥ ||6-27-2||||
pragṛhītāḥ prakāśante sūryasya iva marīcayaḥ |pṛthivyām ca anukṛṣyante haro nāma eṣa yūthapaḥ ||6-27-3||||
yam pṛṣṭhato anugaccanti śataśo atha sahasraśaḥ |vṛkṣānudyamya sahasā laṅkā rohaṇatatparāḥ ||6-27-4||||
yūthapā harirājasya kimkarāḥ samupasthitāḥ |nīlān iva mahāmeghāms tiṣṭhato yāms tu paśyasi ||6-27-5||||
asitān jana samkāśān yuddhe satya parākramān |asamkhyeyān anirdeśyān param pāram iva udadheḥ ||6-27-6||||
parvateṣu ca ye kecid viṣameṣu nadīṣu ca |ete tvām abhivartante rājann ṛṣkāḥ sudāruṇāḥ ||6-27-7||||
eṣām madhye sthito rājan bhīma akṣo bhīma darśanaḥ |parjanya iva jīmūtaiḥ samantāt parivāritaḥ ||6-27-8||||
ṛkṣavantam giri śreṣṭham adhyāste narmadām piban |sarva ṛkṣāṇām adhipatir dhūmro nāma eṣa yūthapaḥ ||6-27-9||||
yavīyān asya tu bhrātā paśya enam parvata upamambhrātrā samāno rūpeṇa viśiṣṭas tu parākrame ||6-27-10||||
sa eṣa jāmbavān nāma mahāyūthapa yūthapaḥ |praśānto guru vartī ca samprahāreṣv amarṣaṇaḥ ||6-27-11||||
etena sāhyam sumahat kṛtam śakrasya dhīmatā |deva asure jāmbavatā labdhāḥ ca bahavo varāḥ ||6-27-12||||
āruhya parvata agrebhyo mahāabhra vipulāḥ śilāḥ |muncanti vipula ākārā na mṛtyor udvijanti ca ||6-27-13||||
rākṣasānām ca sadṛśāḥ piśācānām ca romaśāḥ |etasya sainye bahavo vicaranti agni tejasaḥ ||6-27-14||||
yam tv enam abhisamrabdham plavamānam iva sthitam |prekṣante vānarāḥ sarve sthitam yūthapa yūthapam ||6-27-15||||
eṣa rājan sahasra akṣam paryupāste hari īśvaraḥ |balena bala sampanno rambho nāma eṣa yūthapaḥ ||6-27-16||||
yaḥ sthitam yojane śailam gaccan pārśvena sevate |ūrdhvam tathaiva kāyena gataḥ prāpnoti yojanam ||6-27-17||||
yasmān na paramam rūpam catuṣpādeṣu vidyate |śrutaḥ samnādano nāma vānarāṇām pitāmahaḥ ||6-27-18||||
yena yuddham tadā dattam raṇe śakrasya dhīmatā |parājayaḥ ca na prāptaḥ so ayam yūthapa yūthapaḥ ||6-27-19||||
yasya vikramamāṇasya śakrasya iva parākramaḥ |eṣa gandharva kanyāyām utpannaḥ kṛṣṇa vartmanā ||6-27-20||||
tatra devāsure yuddhe sāhyārtham tridivaukasām |yatra vaiśravaṇo rājā jambūmupaniṣevate ||6-27-21||||
yo rājā parvata indrāṇām bahu kimnara sevinām |vihāra sukhado nityam bhrātus te rākṣasa adhipa ||6-27-22||||
tatra eṣa vasati śrīmān balavān vānara ṛṣabhaḥ |yuddheṣv akatthano nityam krathano nāma yūthapaḥ ||6-27-23||||
vṛtaḥ koṭi sahasreṇa harīṇām samavasthitaḥ |eṣaivāśamsate laṅkām svenānīkena marditum ||6-27-24||||
yo gaṅgāmanuparyeti trāsayan gajayūthapān |hastinām vānarāṇām ca pūrvavairamanusmaran ||6-27-25||||
eṣa yūthapatirnetā garjan giriguhāśayaḥ |gajān rodhayate vanyānārujamśca mahīruhān ||6-27-26||||
harīṇām vāhinī mukhyo nadīm haimavatīm anu |uśīra bījam āśritya parvatam mandara upamam ||6-27-27||||
ramate vānara śreṣṭho divi śakra iva svayam |enam śata sahasrāṇām sahasram abhivartate ||6-27-28||||
vīryavikramadṛptānām nardatām bāhuśālinām |sa eṣa netā nhaiteṣām vānarāṇām mahātmanam ||6-27-29||||
sa eṣa durmarṣaṇo rājan pramāthī nāma yūthapaḥ |vātena iva uddhatam megham yam enam anupaśyasi ||6-27-30||||
anīkamapi samrabdham vānarāṇām tarasvinām |uddhūtamaruṇābhāsam pavanena samantataḥ ||6-27-31||||
vivartamānam bahuśo yatra etad bahulam rajaḥ |ete asita mukhā ghorā go lāngūlā mahābalāḥ ||6-27-32||||
śatam śata sahasrāṇi dṛṣṭvā vai setu bandhanam |go lāngūlam mahāvegam gava akṣam nāma yūthapam ||6-27-33||||
parivārya abhivartante laṃkām marditum ojasā |bhramara ācaritā yatra sarva kāma phala drumāḥ ||6-27-34||||
yam sūrya tulya varṇa ābham anuparyeti parvatam |yasya bhāsā sadā bhānti tad varṇā mṛga pakṣiṇaḥ ||6-27-35||||
yasya prastham mahātmāno na tyajanti maharṣayaḥ |sarvakāmaphalā vṛkṣāḥ sarve phalasamanvitāḥ ||6-27-36||||
madhūni ca mahārhāṇi yasmin parvatasattame |tatra eṣa ramate rājan ramye kāncana parvate ||6-27-37||||
mukhyo vānara mukhyānām kesarī nāma yūthapaḥ |ṣaṣṭir giri sahasrāṇām ramyāḥ kāncana parvatāḥ ||6-27-38||||
teṣām madhye giri varas tvam iva anagha rakṣasām |tatra ete kapilāḥ śvetās tāmra āsyā madhu pingalāḥ ||6-27-39||||
nivasanti uttama girau tīkṣṇa damṣṭrā nakha āyudhāḥ |simha iva catur damṣṭrā vyāghrā iva durāsadāḥ ||6-27-40||||
sarve vaiśvanara samā jvalita āśī viṣa upamāḥ |sudīrgha ancita lāngūlā matta mātamga samnibhāḥ ||6-27-41||||
mahāparvata samkāśā mahājīmūta nisvanāḥ |vṛttapiṅgalanetrā hi mahābhīmagatisvanāḥ ||6-27-42||||
mardayantīva te sarve tasthurlaṅkām samīkṣya te |eṣa caiṣāmadhipatirmadhye tiṣṭhati vīryavān ||6-27-43||||
jayārthī nityamādityamupatiṣṭhati buddhimān |nāmnā pṛthivyām vikhyāto rājan śata balī iti yaḥ ||6-27-44||||
eṣa eva āśamsate laṃkām svena anīkena marditum |vikrānto balavān śūraḥ pauruṣe sve vyavasthitaḥ ||6-27-45||||
rāmapriyārtham prāṇānām dayām na kurute hariḥ |gajo gava akṣo gavayo nalo nīlaḥ ca vānaraḥ |eka eka eva yūthānām koṭibhir daśabhir vṛtaḥ ||6-27-46||||
tathā anye vānara śreṣṭhā vindhya parvata vāsinaḥ |na śakyante bahutvāt tu samkhyātum laghu vikramāḥ ||6-27-47||||
sarve mahārāja mahāprabhāvāḥ |sarve mahāśaila nikāśa kāyāḥ |sarve samarthāḥ pṛthivīm kṣaṇena |kartum pravidhvasta vikīrṇa śailām ||6-27-48||
sāraṇasya vacaḥ śrutvā rāvaṇam rākṣasa adhipam |balam ālokayan sarvam śuko vākyam atha abravīt ||6-28-1||||
sthitān paśyasi yān etān mattān iva mahādvipān |nyagrodhān iva gāngeyān sālān haimavatīn iva ||6-28-2||||
ete duṣprasahā rājan balinaḥ kāma rūpiṇaḥ |daitya dānava samkāśā yuddhe deva parākramāḥ ||6-28-3||||
eṣām koṭi sahasrāṇi nava panca ca sapta ca |tathā śankha sahasrāṇi tathā vṛnda śatāni ca ||6-28-4||||
ete sugrīva sacivāḥ kiṣkindhā nilayāḥ sadā |harayo deva gandharvair utpannāḥ kāma rūpiṇaḥ ||6-28-5||||
yau tau paśyasi tiṣṭhantau kumārau deva rūpiṇau |maindaḥ ca dvividaḥ ca ubhau tābhyām na asti samo yudhi ||6-28-6||||
brahmaṇā samanujñātāv amṛta prāśināv ubhau |āśamsete yudhā laṃkām etau marditum ojasā ||6-28-7||||
yam tu paśyasi tiṣṭhantam prabhinnam iva kunjaram |yo balāt kṣobhayet kruddhaḥ samudram api vānaraḥ ||6-28-8||||
eṣo abhigantā laṃkāyā vaidehyās tava ca prabho |enam paśya purā dṛṣṭam vānaram punar āgatam ||6-28-9||||
jyeṣṭhaḥ kesariṇaḥ putro vāta ātmaja iti śrutaḥ |hanūmān iti vikhyāto langhito yena sāgaraḥ ||6-28-10||||
kāma rūpī hari śreṣṭho bala rūpa samanvitaḥ |anivārya gatiḥ caiva yathā satatagaḥ prabhuḥ ||6-28-11||||
udyantam bhāskaram dṛṣṭvā bālaḥ kila pipāsitaḥ |triyojana sahasram tu adhvānam avatīrya hi ||6-28-12||||
ādityam āhariṣyāmi na me kṣut pratiyāsyati |iti samcintya manasā purā eṣa bala darpitaḥ ||6-28-13||||
anādhṛṣyatamam devam api deva ṛṣi dānavaiḥ |anāsādya eva patito bhāskara udayane girau ||6-28-14||||
patitasya kaper asya hanur ekā śilā tale |kimcid bhinnā dṛḍha hanor hanūmān eṣa tena vai ||6-28-15||||
satyam āgama yogena mama eṣa vidito hariḥ |na asya śakyam balam rūpam prabhāvo vā anubhāṣitum ||6-28-16||||
eṣa āśamsate laṃkām eko marditum ojasā |yeva jājvalyate'sau vai dhūmaketustavādya vai ||6-28-17||||
laṃkāyām nihitaścāpi katham vismarase kasim |yaḥ ca eṣo anantaraḥ śūraḥ śyāmaḥ padma nibha īkṣaṇaḥ ||6-28-18||||
ikṣvākūṇām atiratho loke vikhyāta pauruṣaḥ |yasmin na calate dharmo yo dharmam na ativartate ||6-28-19||||
yo brāhmam astram vedāmaḥ ca veda vedavidām varaḥ |yo bhindyād gaganam bāṇaiḥ parvatāmaḥ ca api dārayet ||6-28-20||||
yasya mṛtyor iva krodhaḥ śakrasya iva parākramaḥ |yasya bhāryā jansthānātsītā cāpi hṛtā tvayā ||6-28-21||||
sa eṣa rāmas tvām yoddhum rājan samabhivartate |yaḥ ca eṣa dakṣiṇe pārśve śuddha jāmbū nada prabhaḥ ||6-28-22||||
viśāla vakṣās tāmra akṣo nīla kuncita mūrdhajaḥ |eṣo asya lakṣmaṇo nāma bhrātā prāṇa samaḥ priyaḥ ||6-28-23||||
naye yuddhe ca kuśalaḥ sarva śāstrabhṛtām varaḥ |amarṣī durjayo jetā vikrānto buddhimān balī ||6-28-24||||
rāmasya dakṣiṇo bāhur nityam prāṇo bahiḥ caraḥ |na hi eṣa rāghavasya arthe jīvitam parirakṣati ||6-28-25||||
eṣa eva āśamsate yuddhe nihantum sarva rākṣasān |yas tu savyam asau pakṣam rāmasya āśritya tiṣṭhati ||6-28-26||||
rakṣo gaṇa parikṣipto rājā hi eṣa vibhīṣaṇaḥ |śrīmatā rāja rājena laṃkāyām abhiṣecitaḥ ||6-28-27||||
tvām eva pratisamrabdho yuddhāya eṣo abhivartate |yam tu paśyasi tiṣṭhantam madhye girim iva acalam ||6-28-28||||
sarva śākhā mṛga indrāṇām bhartāram aparājitam |tejasā yaśasā buddhyā jñānena abhijanena ca ||6-28-29||||
yaḥ kapīn ati babhrāja himavān iva parvatān |kiṣkindhām yaḥ samadhyāste guhām sagahana drumām ||6-28-30||||
durgām parvata durgasthām pradhānaiḥ saha yūthapaiḥ |yasya eṣā kāncanī mālā śobhate śata puṣkarā ||6-28-31||||
kāntā deva manuṣyāṇām yasyām lakṣmīḥ pratiṣṭhitā |etām ca mālām tārām ca kapi rājyam ca śāśvatam ||6-28-32||||
sugrīvo vālinam hatvā rāmeṇa pratipāditaḥ |śatam śatasahasrāṇām koṭimāhurmanīṣiṇaḥ ||6-28-33||||
śatam koṭisahasrāṇām śaṅkurityabhidhīyate |śatam śaṅkusahasrāṇām mahāśaṅkuriti smṛtaḥ ||6-28-34||||
mahāśaṅkysahasrāṇām śatam vṛndamihocyate |śatam nṛndasahasrāṇām mahāvṛndamiti smṛtam ||6-28-35||||
mahāvṛndasahasrāṇām śatam padmamihocyate |śatam padmasahasrāṇām mahāpadmamiti smṛtam ||6-28-36||||
mahāpadmasahasrāṇām śatam kharvamihocyate |śatam kharvasahasrāṇām mahākharvamiti smṛtam ||6-28-37||||
mahākharvasahasrāṇām samudramabhidhīyate |śatam samudrasāhasramogha ityabhidhīyate ||6-28-38||||
śatamoghasahasrāṇām mahaugha iti viśrutaḥ |evam koṭi sahasreṇa śankūnām ca śatena ca ||6-28-39||||
mahāśaṅkusahasreṇa tathā vṛndaśatena ca |mahāvṛndasahasreṇa tathā padmaśatena ca ||6-28-40||||
mahāpadmasahasreṇa tathā kharvaśatena ca |samudreṇa ca tenaiva mahughena tathaiva ca ||6-28-41||||
eṣa koṭimahaughena samudrasadṛśena ca |vibhīṣaṇena vīreṇa sacivaiḥ parivāritaḥ ||6-28-42||||
sugrīvo vānara indras tvām yuddha artham abhivartate |mahābalavṛto nityam mahābalaparākramaḥ ||6-28-43||||
imām mahārāja samīkṣya vāhinīm |upasthitām prajvalita graha upamām |tataḥ prayatnaḥ paramo vidhīyatām |yathā jayaḥ syān na paraiḥ parājayaḥ ||6-28-44||
śukena tu samākhyātāms tān dṛṣṭvā hari yūthapān |lakṣmaṇam ca mahāvīryam bhujam rāmasya dakṣiṇam ||6-29-1||||
samīpastham ca rāmasya bhrātaram svam vibhīṣaṇam |sarva vānara rājam ca sugrīvam bhīma vikramam ||6-29-2||||
aṅgadam cāpi balinam vajrahastātmajātmajam |hanūmantam ca vikrāntam jāmbavantam ca durjayam ||6-29-3||||
suṣeṇam kumudam nīlam nalam ca plavagarṣabham |gajam gavākṣam śarabham vaindam ca dvividam tathā ||6-29-4||||
kimcid āvigna hṛdayo jāta krodhaḥ ca rāvaṇaḥ |bhartsayām āsa tau vīrau kathā ante śuka sāraṇau ||6-29-5||||
adho mukhau tau praṇatāv abravīt śuka sāraṇau |roṣa gadgadayā vācā samrabdhaḥ paruṣam vacaḥ ||6-29-6||||
na tāvat sadṛśam nāma sacivair upajīvibhiḥ |vipriyam nṛpater vaktum nigraha pragrahe vibhoḥ ||6-29-7||||
ripūṇām pratikūlānām yuddha artham abhivartatām |ubhābhyām sadṛśam nāma vaktum aprastave stavam ||6-29-8||||
ācāryā guravo vṛddhā vṛthā vām paryupāsitāḥ |sāram yad rāja śāstrāṇām anujīvyam na gṛhyate ||6-29-9||||
gṛhīto vā na vijñāto bhāro jñānasya vā ucyate |īdṛśaiḥ sacivair yukto mūrkhair diṣṭyā dharāmi aham ||6-29-10||||
kim nu mṛtyor bhayam na asti mām vaktum paruṣam vacaḥ |yasya me śāsato jihvā prayaccati śubha aśubham ||6-29-11||||
api eva dahanam spṛṣṭvā vane tiṣṭhanti pādapāḥ |rāja doṣa parāmṛṣṭās tiṣṭhante na aparādhinaḥ ||6-29-12||||
hanyām aham imau pāpau śatru pakṣa praśamsakau |yadi pūrva upakārair me na krodho mṛdutām vrajet ||6-29-13||||
apadhvamsata gaccadhvam samnikarṣād ito mama |na hi vām hantum iccāmi smarann upakṛtāni vām ||6-29-14||||
hatāv eva kṛtaghnau tau mayi sneha parān mukhau |evam uktau tu savrīḍau tāv ubhau śuka sāraṇau ||6-29-15||||
rāvaṇam jaya śabdena pratinandya abhinihsṛtau |abravīt sa daśagrīvaḥ samīpastham mahāudaram ||6-29-16||||
upasthāpaya śīghram me cārān nīti viśāradān |mahodarastathoktastu śīghramājñāpayaccarān ||6-29-17||||
tataścārāḥ samtvaritāḥ prāptāḥ pārthivaśāsanāt |upasthithāḥ prāñjalayo vardhayitvā jayāśiṣaḥ ||6-29-18||||
tān abravīt tato vākyam rāvaṇo rākṣasa adhipaḥ ||6-29-19||||
cārān pratyayikān śūrān bhaktān vigata sādhvasān |ito gaccata rāmasya vyavasāyam parīkṣatha ||6-29-20||||
mantreṣv abhyantarā ye asya prītyā tena samāgatāḥ |katham svapiti jāgarti kim anyac ca kariṣyati ||6-29-21||||
vijñāya nipuṇam sarvam āgantavyam aśeṣataḥ |cāreṇa viditaḥ śatruḥ paṇḍitair vasudhā adhipaiḥ ||6-29-22||||
yuddhe svalpena yatnena samāsādya nirasyate |cārās tu te tathā iti uktvā prahṛṣṭā rākṣasa īśvaram ||6-29-23||||
śārdūlamagrataḥ kṛtvā tataścakruḥ pradakṣiṇam |tatastam tu mahātmānam cārā rākṣasasattamam ||6-29-24||||
kṛtvā pradakṣiṇam jagmur yatra rāmaḥ salakṣmaṇaḥ |te suvelasya śailasya samīpe rāma lakṣmaṇau ||6-29-25||||
praccannā dadṛśur gatvā sasugrīva vibhīṣaṇau |prekṣamāṇāścamūm tām ca babhūvurbhayavihvalāḥ ||6-29-26||||
te tu dharma ātmanā dṛṣṭā rākṣasa indreṇa rākṣasāḥ |vibhīṣaṇena tatrasthā nigṛhītā yadṛccayā ||6-29-27||||
śārdūlo grāhitastvekaḥ pāpo'yamiti rākṣasaḥ |mokṣitaḥ so'pi rāmeṇa vadhyamānaḥ plavaṅgamaiḥ ||6-29-28||||
anṛśamsena rāmeṇa mokṣitā rākṣasāḥ sare |vānarair arditās te tu vikrāntair laghu vikramaiḥ ||6-29-29||||
punar laṃkām anuprāptāḥ śvasanto naṣṭa cetasaḥ |tato daśagrīvam upasthitās te |cārā bahir nitya carā niśā carāḥ |gireḥ suvelasya samīpa vāsinam |nyavedayan bhīma balam mahābalāḥ ||6-29-30||
tatastamakṣobhya balam laṃkā adhipataye carāḥ |suvele rāghavam śaile niviṣṭam pratyavedayan ||6-30-1||||
cārāṇām rāvaṇaḥ śrutvā prāptam rāmam mahābalam |jāta udvego abhavat kimcit śārdūlam vākyam abravīt ||6-30-2||||
ayathāvac ca te varṇo dīnaḥ ca asi niśā cara |na asi kaccid amitrāṇām kruddhānām vaśam āgataḥ ||6-30-3||||
iti tena anuśiṣṭas tu vācam mandam udīrayat |tadā rākṣasa śārdūlam śārdūlo bhaya vihvalaḥ ||6-30-4||||
na te cārayitum śakyā rājan vānara pumgavāḥ |vikrāntā balavantaḥ ca rāghaveṇa ca rakṣitāḥ ||6-30-5||||
na api sambhāṣitum śakyāḥ sampraśno atra na labhyate |sarvato rakṣyate panthā vānaraiḥ parvata upamaiḥ ||6-30-6||||
praviṣṭa mātre jñāto aham bale tasminn acārite |balād gṛhīto bahubhir bahudhā asmi vidāritaḥ ||6-30-7||||
jānubhir muṣṭibhir dantais talaiḥ ca abhihato bhṛśam |pariṇīto asmi haribhir balavadbhir amarṣaṇaiḥ ||6-30-8||||
pariṇīya ca sarvatra nīto aham rāma samsadam |rudhira ādigdha sarva ango vihvalaḥ calita indriyaḥ ||6-30-9||||
haribhir vadhyamānaḥ ca yācamānaḥ kṛta anjaliḥ |rāghaveṇa paritrāto jīvāmi ha yadṛccayā ||6-30-10||||
eṣa śailaiḥ śilābhiḥ ca pūrayitvā mahāarṇavam |dvāram āśritya laṃkāyā rāmas tiṣṭhati sāyudhaḥ ||6-30-11||||
garuḍa vyūham āsthāya sarvato haribhir vṛtaḥ |mām visṛjya mahātejā laṃkām eva abhivartate ||6-30-12||||
purā prākāram āyāti kṣipram ekataram kuru |sītām ca asmai prayacca āśu suyuddham vā pradīyatām ||6-30-13||||
manasā samtatāpa atha tat śrutvā rākṣasa adhipaḥ |śārdūlasya mahad vākyam atha uvāca sa rāvaṇaḥ ||6-30-14||||
yadi mām pratiyudhyeran deva gandharva dānavāḥ |na eva sītām pradāsyāmi sarva loka bhayād api ||6-30-15||||
evam uktvā mahātejā rāvaṇaḥ punar abravīt |cāritā bhavatā senā ke atra śūrāḥ plavam gamāḥ ||6-30-16||||
kīdṛśāḥ kim prabhāvāḥ ca vānarā ye durāsadāḥ |kasya putrāḥ ca pautrāḥ ca tattvam ākhyāhi rākṣasa ||6-30-17||||
tathātra pratipatsyāmi jñātvā teṣām bala abalam |avaśyam bala samkhyānam kartavyam yuddham iccatā ||6-30-18||||
atha evam uktaḥ śārdūlo rāvaṇena uttamaḥ caraḥ |idam vacanam ārebhe vaktum rāvaṇa samnidhau ||6-30-19||||
atha ṛkṣa rajasaḥ putro yudhi rājan sudurjayaḥ |gadgadasya atha putro atra jāmbavān iti viśrutaḥ ||6-30-20||||
gadgadasya eva putro anyo guru putraḥ śata kratoḥ |kadanam yasya putreṇa kṛtam ekena rakṣasām ||6-30-21||||
suṣeṇaḥ ca api dharma ātmā putro dharmasya vīryavān |saumyaḥ soma ātmajaḥ ca atra rājan dadhi mukhaḥ kapiḥ ||6-30-22||||
sumukho durmukhaḥ ca atra vega darśī ca vānaraḥ |mṛtyur vānara rūpeṇa nūnam sṛṣṭaḥ svayambhuvā ||6-30-23||||
putro huta vahasya atha nīlaḥ senā patiḥ svayam |anilasya ca putro atra hanūmān iti viśrutaḥ ||6-30-24||||
naptā śakrasya durdharṣo balavān angado yuvā |maindaḥ ca dvividaḥ ca ubhau balināv aśvi sambhavau ||6-30-25||||
putrā vaivasvatasya atra panca kāla antaka upamāḥ |gajo gava akṣo gavayaḥ śarabho gandha mādanaḥ ||6-30-26||||
daśa vānarakoṭyaśca śūrāṇām yuddhakāṅgkṣiṇām |śrīmatām devaputrāṇām śeṣam nākhyātumutsahe ||6-30-27||||
putro daśarathasyeṣa simhasamhanano yuvā |dūṣaṇo nihato yena kharaśca triśirāstathā ||6-30-28||||
nāsti rāmasya sadṛśo vikrame bhuvi kaścana |virādho nihato yena kabandhaścāntakopamaḥ ||6-30-29||||
vaktum na śakto rāmasya guṇān kaścinnaraḥ kṣitau |janasthānagatā yena tāvanto rākṣasā hatāḥ ||6-30-30||||
lakṣmaṇaścātra dharmātmā mātaṅgavāmivarṣabhaḥ |yasya bāṇapatham prāpya va jīvedapi vāsavaḥ ||6-30-31||||
śveto jyotir mukhaḥ ca atra bhāskarasya ātma sambhavau |varuṇasya ca putro atha hema kūṭaḥ plavam gamaḥ ||6-30-32||||
viśva karma suto vīro nalaḥ plavaga sattamaḥ |vikrānto vegavān atra vasu putraḥ sudurdharaḥ ||6-30-33||||
rākṣasānām variṣṭhaḥ ca tava bhrātā vibhīṣaṇaḥ |parigṛhya purīm laṃkām rāghavasya hite rataḥ||6-30-34||||
iti sarvam samākhyātam tava idam vānaram balam |suvele adhiṣṭhitam śaile śeṣa kārye bhavān gatiḥ ||6-30-35||
tatastamakṣobhya balam laṃkā adhipataye carāḥ |suvele rāghavam śaile niviṣṭam pratyavedayan ||6-30-1||||
cārāṇām rāvaṇaḥ śrutvā prāptam rāmam mahābalam |jāta udvego abhavat kimcit śārdūlam vākyam abravīt ||6-30-2||||
ayathāvac ca te varṇo dīnaḥ ca asi niśā cara |na asi kaccid amitrāṇām kruddhānām vaśam āgataḥ ||6-30-3||||
iti tena anuśiṣṭas tu vācam mandam udīrayat |tadā rākṣasa śārdūlam śārdūlo bhaya vihvalaḥ ||6-30-4||||
na te cārayitum śakyā rājan vānara pumgavāḥ |vikrāntā balavantaḥ ca rāghaveṇa ca rakṣitāḥ ||6-30-5||||
na api sambhāṣitum śakyāḥ sampraśno atra na labhyate |sarvato rakṣyate panthā vānaraiḥ parvata upamaiḥ ||6-30-6||||
praviṣṭa mātre jñāto aham bale tasminn acārite |balād gṛhīto bahubhir bahudhā asmi vidāritaḥ ||6-30-7||||
jānubhir muṣṭibhir dantais talaiḥ ca abhihato bhṛśam |pariṇīto asmi haribhir balavadbhir amarṣaṇaiḥ ||6-30-8||||
pariṇīya ca sarvatra nīto aham rāma samsadam |rudhira ādigdha sarva ango vihvalaḥ calita indriyaḥ ||6-30-9||||
haribhir vadhyamānaḥ ca yācamānaḥ kṛta anjaliḥ |rāghaveṇa paritrāto jīvāmi ha yadṛccayā ||6-30-10||||
eṣa śailaiḥ śilābhiḥ ca pūrayitvā mahāarṇavam |dvāram āśritya laṃkāyā rāmas tiṣṭhati sāyudhaḥ ||6-30-11||||
garuḍa vyūham āsthāya sarvato haribhir vṛtaḥ |mām visṛjya mahātejā laṃkām eva abhivartate ||6-30-12||||
purā prākāram āyāti kṣipram ekataram kuru |sītām ca asmai prayacca āśu suyuddham vā pradīyatām ||6-30-13||||
manasā samtatāpa atha tat śrutvā rākṣasa adhipaḥ |śārdūlasya mahad vākyam atha uvāca sa rāvaṇaḥ ||6-30-14||||
yadi mām pratiyudhyeran deva gandharva dānavāḥ |na eva sītām pradāsyāmi sarva loka bhayād api ||6-30-15||||
evam uktvā mahātejā rāvaṇaḥ punar abravīt |cāritā bhavatā senā ke atra śūrāḥ plavam gamāḥ ||6-30-16||||
kīdṛśāḥ kim prabhāvāḥ ca vānarā ye durāsadāḥ |kasya putrāḥ ca pautrāḥ ca tattvam ākhyāhi rākṣasa ||6-30-17||||
tathātra pratipatsyāmi jñātvā teṣām bala abalam |avaśyam bala samkhyānam kartavyam yuddham iccatā ||6-30-18||||
atha evam uktaḥ śārdūlo rāvaṇena uttamaḥ caraḥ |idam vacanam ārebhe vaktum rāvaṇa samnidhau ||6-30-19||||
atha ṛkṣa rajasaḥ putro yudhi rājan sudurjayaḥ |gadgadasya atha putro atra jāmbavān iti viśrutaḥ ||6-30-20||||
gadgadasya eva putro anyo guru putraḥ śata kratoḥ |kadanam yasya putreṇa kṛtam ekena rakṣasām ||6-30-21||||
suṣeṇaḥ ca api dharma ātmā putro dharmasya vīryavān |saumyaḥ soma ātmajaḥ ca atra rājan dadhi mukhaḥ kapiḥ ||6-30-22||||
sumukho durmukhaḥ ca atra vega darśī ca vānaraḥ |mṛtyur vānara rūpeṇa nūnam sṛṣṭaḥ svayambhuvā ||6-30-23||||
putro huta vahasya atha nīlaḥ senā patiḥ svayam |anilasya ca putro atra hanūmān iti viśrutaḥ ||6-30-24||||
naptā śakrasya durdharṣo balavān angado yuvā |maindaḥ ca dvividaḥ ca ubhau balināv aśvi sambhavau ||6-30-25||||
putrā vaivasvatasya atra panca kāla antaka upamāḥ |gajo gava akṣo gavayaḥ śarabho gandha mādanaḥ ||6-30-26||||
daśa vānarakoṭyaśca śūrāṇām yuddhakāṅgkṣiṇām |śrīmatām devaputrāṇām śeṣam nākhyātumutsahe ||6-30-27||||
putro daśarathasyeṣa simhasamhanano yuvā |dūṣaṇo nihato yena kharaśca triśirāstathā ||6-30-28||||
nāsti rāmasya sadṛśo vikrame bhuvi kaścana |virādho nihato yena kabandhaścāntakopamaḥ ||6-30-29||||
vaktum na śakto rāmasya guṇān kaścinnaraḥ kṣitau |janasthānagatā yena tāvanto rākṣasā hatāḥ ||6-30-30||||
lakṣmaṇaścātra dharmātmā mātaṅgavāmivarṣabhaḥ |yasya bāṇapatham prāpya va jīvedapi vāsavaḥ ||6-30-31||||
śveto jyotir mukhaḥ ca atra bhāskarasya ātma sambhavau |varuṇasya ca putro atha hema kūṭaḥ plavam gamaḥ ||6-30-32||||
viśva karma suto vīro nalaḥ plavaga sattamaḥ |vikrānto vegavān atra vasu putraḥ sudurdharaḥ ||6-30-33||||
rākṣasānām variṣṭhaḥ ca tava bhrātā vibhīṣaṇaḥ |parigṛhya purīm laṃkām rāghavasya hite rataḥ||6-30-34||||
iti sarvam samākhyātam tava idam vānaram balam |suvele adhiṣṭhitam śaile śeṣa kārye bhavān gatiḥ ||6-30-35||
sā sītā tacciro dṛṣṭvā tac ca kārmukam uttamam | |sugrīva pratisaṃsargam ākhyātam ca hanūmatā || 6-32-1
nayane mukha varṇam ca bhartus tat sadṛśam mukham |keśān keśa anta deśam ca tam ca cūḍā maṇim śubham || 6-32-2
etaih sarvair abhijnānair abhijnāya suduhkhitā |vijagarhe atha kaikeyīm krośantī kurarī yathā || 6-32-3||
sakāmā bhava kaikeyi hato ayam kula nandanaḥ |kulam utsāditam sarvam tvayā kalaha śīlayā || 6-32-4||
āryeṇa kim nu kaikeyyāḥ kṛtam rāmeṇa vipriyam |yanmayā cīra vasanas tayā prasthāpito vanam || 6-32-5||
evam uktvā tu vaidehī vepamānā tapasvinī |jagāma jagatīm bālā cinnā tu kadalī yathā || 6-32-6||
sā muhūrtāt samāśvasya pratilabhya ca cetanām |tat śirah samupāghrāya vilalāpa āyata īkṣaṇā || 6-32-7||
hā hatā asmi mahā bāho vīra vratam anuvratā |imām te paścima avasthām gatā asmi vidhavā kṛtā || 6-32-8||
prathamam maraṇam nāryā bhartur vaiguṇyam ucyate |suvṛttaḥ sādhu vṛttāyāḥ samvṛttas tvam mama agrataḥ || 6-32-9||
duhkhād duhkaḥam prapannāyā magnāyāḥ śoka sāgare |yo hi mām udyatas trātum so api tvam vinipātitaḥ || 6-32-10||
sā śvaśrūr mama kausalyā tvayā putreṇa rāghava |vatsena iva yathā dhenur vivatsā vatsalā kṛtā || 6-32-11||
udiṣṭam dīrgham āyus te yair acintya parākrama |anṛtam vacanam teṣām alpa āyur asi rāghava || 6-32-12||
atha vā naśyati prajnā prājnasya api satas tava |pacaty enam tathā kālo bhūtānām prabhavo hyayam || 6-32-13||
adṛṣṭam mṛtyum āpannaḥ kasmāt tvam naya śāstravit |vyasanānām upāyajnaḥ kuśalo hyasi varjane || 6-32-14||
tathā tvam sampariṣvajya raudrayā atinṛśaṃsayā |kāla rātryā mayā āccidya hṛtaḥ kamala locana || 6-32-15||
upaśeṣe mahā bāho mām vihāya tapasvinīm |priyām iva śubhām nārīm pṛthivīm puruṣa ṛṣabha || 6-32-16||
arcitam satatam yatnād gandha mālyair mayā tava |idam te mat priyam vīra dhanuḥ kāncana bhūṣitam || 6-32-17||
pitrā daśarathena tvam śvaśureṇa mama anagha |pūrvaisaḥ ca pitṛbhiḥ sārdham nūnam svarge samāgataḥ || 6-32-18||
divi nakṣatra bhūtas tvam mahat karma kṛtam priyam |puṇyam rāja ṛṣi vaṃśam tvam ātmanaḥ samupekṣase || 6-32-19||
kim mān na prekṣase rājan kim mām na pratibhāṣase |bālām bālena samprāptām bhāryām mām saha cāriṇīm || 6-32-20||
saṃśrutam gṛhṇatā pāṇim cariṣyāmi iti yat tvayā |smara tan mama kākutstha naya mām api duhkhitām || 6-32-21||
kasmān mām apahāya tvam gato gatimatām vara |asmāl lokād amum lokam tyaktvā mām iha duhkhitām || 6-32-22||
kalyāṇair ucitam yat tat pariṣvaktam mayā eva tu |kravya adais tat śarīram te nūnam viparikṛṣyate || 6-32-23||
agniṣtoma ādibhir yajnair iṣṭavān āpta dakṣiṇaiḥ |agni hotreṇa saṃskāram kena tvam tu na lapsyase || 6-32-24||
pravrajyām upapannānām trayāṇām ekam āgatam |pariprakṣyati kausalyā lakṣmaṇam śoka lālasā || 6-32-25||
sa tasyāḥ paripṛccantyā vadham mitra balasya te |tava ca ākhyāsyate nūnam niśāyām rākṣasair vadham || 6-32-26||
sā tvām suptam hatam śrutvā mām ca rakṣo gṛham gatām |hṛdayena vidīrṇena na bhaviṣyati rāghava || 6-32-27||
mama hetoranāryāyā avaghaḥ pārthivātmajaḥ |rāmaḥ sāgamuttīrya vīryavān goṣpade hataḥ || 6-32-28||
aham dāśarathenoḍhā mohātsvakupāṃsanī |āryaputrasya rāmasya bhāryā mṛtyurajāyata || 6-32-29||
mānamāvyām mayā jātim vāritam dānamuttamam |yāhamadyeha śocāmi bhāryā sarvātitherapi || 6-32-30||
sādhu pātaya mām kṣipram rāmasya upari rāvaṇaḥ |samānaya patim patnyā kuru kalyāṇam uttamam || 6-32-31||
śirasā me śirasaḥ ca asya kāyam kāyena yojaya |rāvaṇa anugamiṣyāmi gatim bhartur mahātmanaḥ || 6-32-32||
iti sā duhkha samtaptā vilalāpa āyata īkṣaṇā |bhartuḥ śiro dhanus tatra samīkṣya janaka ātmajā || 6-32-33||
evam lālapyamānāyām sītāyām tatra rākṣasaḥ |abhicakrāma bhartāram anīkasthaḥ kṟta anjaliḥ || 6-32-34||
vijayasva ārya putra iti so abhivādya prasādya ca |nyavedayad anuprāptam prahastam vāhinī patim || 6-32-35||
amātyaiḥ sa hitaḥ sarvaiḥ prahastastvāmupasthitaḥ |tena darśanakāmena aham prasthāpitaḥ prabho || 6-32-36||
mānamasti mahārā ja rājabhāvāt kṣamānvita |kiṃcid ātyayikam kāryam teṣām tvam darśanam kuru || 6-32-37||
etat śrutvā daśagrīvo rākṣasa prativeditam |aśoka vanikām tyaktvā mantriṇām darśanam yayau || 6-32-38||
sa tu sarvam samarthya eva mantribhiḥ kṟtyam ātmanaḥ |sabhām praviśya vidadhe viditvā rāma vikramam || 6-32-39||
antardhānam tu tat śīrṣam tac ca kārmukam uttamam |jagāma rāvaṇasya eva niryāṇa samanantaram || 6-32-40||
rākṣasa indras tu taiḥ sārdham mantribhir bhīma vikramaiḥ |samarthayām āsa tadā rāma kārya viniścayam || 6-32-41||
avidūra sthitān sarvān bala adhyakṣān hita eṣiṇaḥ |abravīt kāla sadṟśo rāvaṇo rākṣasa adhipaḥ || 6-32-42||
śīghram bherī ninādena sphuṭa koṇa āhatena me |samānayadhvam sainyāni vaktavyam ca na kāraṇam || 6-32-43||
tatas tathā iti pratigṛhya tad vaco |stadaiva dūtāḥ sahasā mahādbalam |samānayaṃsaḥ caiva samāgatam ca te |nyavedayan bhartari yuddha kānkṣiṇi || 6-32-44
sītām tu mohitām dṛṣṭvā saramā nāma rākṣasī |āsasāda āśu vaidehīm priyām praṇayinī sakhī || 6-33-1||
mohitām rākṣasendreṇa sītām paramaduḥkhitām |āśvāsayāmāsa tadā saramā mṛdubhāṣiṇī || 6-33-2||
sā hi tatra kṛtā mitram sītayā rakṣyamāṇayā |rakṣantī rāvaṇād iṣṭā sānukrośā dṛḍha vratā || 6-33-3||
sā dadarśa sakhīm sītām saramā naṣṭa cetanām |upāvṛtya utthitām dhvastām vaḍavām iva pāṃsuṣu || 6-33-4||
tām samāśvāsayām āsa sakhī snehena suvratā |uktā yad rāvaṇena tvam pratyuktam ca svayam tvayā || 6-33-5||
uktā yadrāvaṇena tvam pratyuktaśca svayam tvayā |sakhī snehena tad bhīru mayā sarvam pratiśrutam || 6-33-6
līnayā ganahe śūhye bhayam utsṛjya rāvaṇāt |tava hetor viśāla akṣi na hi me jīvitam priyam || 6-33-7||
sa sambhrāntaśa ca niṣkrānto yat kṛte rākṣasa adhipaḥ |tac ca me viditam sarvam abhiniṣkramya maithili || 6-33-8||
na śakyam sauptikam kartum rāmasya vidita ātmanaḥ |vadhaśca puruṣa vyāghre tasminn eva upapadyate || 6-33-9||
na ca eva vānarā hantum śakyāḥ pādapa yodhinaḥ |surā deva ṛṣabheṇa iva rāmeṇa hi surakṣitāḥ || 6-33-10||
dīrgha vṛtta bhujah śrīmān mahā uraskah pratāpavān |dhanvī samhanana upeto dharma ātmā bhuvi viśrutaḥ || 6-33-11
vikrānto rakṣitā nityam ātmanaśca parasya ca |lakṣmaṇena saha bhrātrā kuśalī naya śāstravit || 6-33-12
hantā para bala oghānām acintya bala pauruṣaḥ |na hato rāghavaḥ śrīmān sīte śatru nibarhaṇaḥ || 13||
ayukta buddhi kṛtyena sarva bhūta virodhinā |iyam prayuktā raudreṇa māyā māyāvidā tvayi || 6-33-14||
śokas te vigataḥ sarvaḥ kalyāṇam tvām upasthitam |dhruvam tvām bhajate lakṣmīḥ priyam prīti karam śṛṇu || 6-33-15||
uttīrya sāgaram rāmaḥ saha vānara senayā |samniviṣṭaḥ samudrasya tīram āsādya dakṣiṇam || 6-33-16||
dṛṣṭo me paripūrṇa arthaḥ kākutsthaḥ saha lakṣmaṇaḥ |sahitaiḥ sāgara antasthair balais tiṣṭhati rakṣitaḥ || 6-33-17||
anena preṣitā ye ca rākṣasā laghu vikramaḥ |rāghavas tīrṇaity evam pravṛttis tair iha āhṛtā || 6-33-18||
sa tām śrutvā viśāla akṣi pravṛttim rākṣasa adhipaḥ |eṣa mantrayate sarvaiḥ sacivaiḥ saha rāvaṇaḥ || 6-33-19||
iti bruvāṇā saramā rākṣasī sītayā saha |sarva udyogena sainyānām śabdam śuśrāva bhairavam || 6-33-20||
daṇḍa nirghāta vādinyāḥ śrutvā bheryā mahā svanam |uvāca saramā sītām idam madhura bhāṣiṇī || 6-33-21||
samnāha jananī hy eṣā bhairavā bhīru bherikā |bherī nādam ca gambhīram śṛṇu toyada nisvanam || 6-33-22||
kalpyante matta mātamgā yujyante ratha vājinaḥ |tatra tatra ca samnaddhāḥ sampatanti padātayaḥ || 6-33-23||
tatra tatra ca sannaddhāḥ sampatanti sahasraśaḥ |āpūryante rāja mārgāḥ sainyair adbhuta darśanaiḥ || 6-33-24|
vegavadbhir nadadbhiśca toya oghair iva sāgaraḥ |śāstrāṇām ca prasannānām carmaṇām varmaṇām tathā || 6-33-25
ratha vāji gajānām ca bhūṣitānām ca rakṣasām |sambhramo rakṣasāmeṣa hṛṣitānām tarasvinām || 6-33-26
prabhām visṛjatām paśya nānā varṇām samutthitām |vanam nirdahato dharme yathā rūpam vibhāvasoḥ || 6-33-27||
ghaṇṭānām śṛṇu nirghoṣam rathānām śṛṇu nisvanam |hayānām heṣamāṇānām śṛṇu tūrya dhvanim yathā || 6-33-28
udyata āyudha hastānām rākṣasa indra anuyāyinām |sambhramo rakṣasām eṣa tumulo loma harṣaṇaḥ || 6-33-29||
śrīs tvām bhajati śokaghnī rakṣasām bhayam āgatam |rāmāt kamala patra akṣi daityānām iva vāsavāt || 6-33-30
avajitya jita krodhas tam acintya parākramaḥ |rāvaṇam samare hatvā bhartā tvā adhigamiṣyati || 6-33-31||
vikramiṣyati rakṣahsu bhartā te saha lakṣmaṇaḥ |yathā śatruṣu śatrughno viṣṇunā saha vāsavaḥ || 6-33-32||
āgatasya hi rāmasya kṣipram anka gatām satīm |aham drakṣyāmi siddha arthām tvām śatrau vinipātite || 6-33-33||
aśrūṇy ānandajāni tvam vartayiṣyasi śobhane |samāgamya pariṣvaktā tasya urasi mahā urasaḥ || 6-33-34||
acirān mokṣyate sīte devi te jaghanam gatām |dhṛtām etām bahūn māsān veṇīm rāmo mahā balaḥ || 6-33-35||
tasya dṛṣṭvā mukham devi pūrṇa candram iva uditam |mokṣyase śokajam vāri nirmokam iva pannagī || 6-33-36||
rāvaṇam samare hatvā nacirād eva maithili |tvayā samagram priyayā sukha arho lapsyate sukham || 6-33-37||
samāgatā tvam rāmeṇa modiṣyasi mahātmanā |suvarṣeṇa samāyuktā yathā sasyena medinī || 6-33-38||
giri varam abhito anuvartamāno |haya iva maṇḍalam āśu yaḥ karoti |tam iha śaraṇam abhyupehi devidivasa karam prabhavo hyayam prajānām 6-33-39
atha tām jāta samtāpām tena vākyena moditām |saramā hlādayām āsa mahīṃ dagdhāmivāmbhasā ||6-34-1||||
tatas tasyā hitam sakhyāś cikīrṣantī sakhī vacaḥ |uvāca kāle kālajnā smita pūrva abhibhāṣiṇī ||6-34-2||||
utsaheyam aham gatvā tvad vākyam asita īkṣaṇe |nivedya kuśalam rāme praticcannā nivartitum ||6-34-3||||
na hi me kramamāṇāyā nirālambe vihāyasi |samartho gatim anvetum pavano garuḍo api vā ||6-34-4||||
evam bruvāṇām tām sītā saramām punar abravīt |madhuram ślakṣṇayā vācā pūrva śoka abhipannayā ||6-34-5||||
samarthā gaganam gantum api vā tvam rasā talam |avagaccāmy akartavyam kartavyam te mad antare ||6-34-6||||
mat priyam yadi kartavyam yadi buddhiḥ sthirā tava |jnātum iccāmi tam gatvā kim karoti iti rāvaṇaḥ ||6-34-7||||
sa hi māyā balaḥ krūro rāvaṇaḥ śatru rāvaṇaḥ |mām mohayati duṣṭa ātmā pīta mātrā iva vāruṇī ||6-34-8||||
tarjāpayati mām nityam bhartsāpayati ca asakrt |rākṣasībhiḥ sughorābhir yā mām rakṣanti nityaśaḥ ||6-34-9||||
udvignā śankitā ca asmi na ca svastham mano mama |tad bhayāc ca aham udvignā;aśoka vanikām gatāḥ ||6-34-10||||
yadi nāma kathā tasya niścitam vā api yad bhavet |nivedayethāḥ sarvam tat paro me syād anugrahaḥ ||6-34-11||||
sāpyevam bruvatīm sītām saramā valgu bhāṣiṇī |uvāca vacanam tasyāḥ spṛśantī bāṣpa viklavam ||6-34-12||||
eṣa te yady abhiprāyas tasmād gaccāmi jānaki |gṛhya śatror abhiprāyam upāvrttām ca paśya mām ||6-34-13||||
evam uktvā tato gatvā samīpam tasya rakṣasaḥ |śuśrāva kathitam tasya rāvaṇasya samantriṇaḥ ||6-34-14||||
sā śrutvā niścayam tasya niścayajnā durātmanaḥ |punar eva agamat kṣipram aśoka vanikām tadā ||6-34-15||||
sā praviṣṭā punas tatra dadarśa janaka ātmajām |pratīkṣamāṇām svām eva bhraṣṭa padmām iva śriyam ||6-34-16||||
tām tu sītā punaḥ prāptām saramām valgu bhāṣiṇīm |pariṣvajya ca susnigdham dadau ca svayam āsanam ||6-34-17||||
iha āsīnā sukham sarvam ākhyāhi mama tattvataḥ |krūrasya niścayam tasya rāvaṇasya durātmanaḥ ||6-34-18||||
evam uktā tu saramā sītayā vepamānayā |kathitam sarvam ācaṣta rāvaṇasya samantriṇaḥ ||6-34-19||||
jananyā rākṣasa indro vai tvan mokṣa artham bṛhad vacaḥ |aviddhena ca vaidehi mantri vṛddhena bodhitaḥ ||6-34-20||||
dīyatām abhisatkrtya manuja indrāya maithilī |nidarśanam te paryāptam jana sthāne yad adbhutam ||6-34-21||||
langhanam ca samudrasya darśanam ca hanūmataḥ |vadham ca rakṣasām yuddhe kaḥ kuryān mānuṣo bhuvi ||6-34-22||||
evam sa mantri vṛddhaiśca mātrā ca bahu bhāṣitaḥ |na tvām utsahate moktum artahm artha paro yathā ||6-34-23||||
na utsahaty amrto moktum yuddhe tvām iti maithili |sāmātyasya nṛśamsasya niścayo hy eṣa vartate ||6-34-24||||
tad eṣā susthirā buddhirmṛtyu lobhād upasthitā |bhayān na śaktas tvām moktum anirastas tu samyuge ||6-34-25||||
rākṣasānām ca sarveṣām ātmanaś ca vadhena hi |nihatya rāvaṇam samkhye sarvathā niśitaiḥ śaraiḥ ||6-34-26||||
pratineṣyati rāmas tvām ayodhyām asita īkṣaṇe |etasminn antare śabdo bherī śankha samākulaḥ ||6-34-27||||
śruto vai sarva sainyānām kampayan dharaṇī talam |śrutvā tu tam vānara sainya śabdam |lankā gatā rākṣasa rāja bhrtyāḥ |naṣṭa ojaso dainya parīta ceṣṭāḥ |śreyo na paśyanti nrpasya doṣaiḥ ||6-34-28||
tena śankha vimiśreṇa bherī śabdena rāghavaḥ |upayato mahā bāhū rāmah para puram jayaḥ ||6-35-1||||
tam ninādam niśamya atha rāvaṇo rākṣasa īśvaraḥ |muhūrtam dhyānam āsthāya sacivān abhyudaikṣata ||6-35-2||||
atha tān sacivāms tatra sarvān ābhāṣya rāvaṇaḥ |sabhām samnādayan sarvām ity uvāca mahā balaḥ ||6-35-3||||
jagatpamtāpanaḥ krūrogarhayan rākṣaseśvaraḥ |taraṇam sāgarasya api vikramam bala samcayam ||6-35-4||||
yad uktavanto rāmasya bhavantas tan mayā śrutam |bhavataścāpyaham vedmi yuddhe satyaparākramān ||6-35-5||||
tūṣṇīkānīkṣatonyonyam viditvām rāmavikramam |tatas tu sumahā prājno mālyavān nāma rākṣasaḥ ||6-35-6||||
rāvaṇasya vacaḥ śrutvā mātuḥ paitāmaho abravīt |vidyāsvabhivinīto yo rājā rājan naya anugaḥ ||6-35-7||||
sa śāsti ciram aiśvaryam arīmśca kurute vaśe |samdadhāno hi kālena vigṛhṇamsaḥ cāribhiḥ saha ||6-35-8||||
sva pakṣa vardhanam kurvan mahad aiśvaryam aśnute ||hīyamānena kartavyo rājnā samdhiḥ samena ca ||6-35-9||||
na śatrum avamanyeta jyāyān kurvīta vigraham |tanmahyam rocate samdhiḥ saha rāmeṇa rāvaṇa ||6-35-10||||
yad artham abhiyuktāḥ sma sītā tasmai pradīyatām |tasya deva ṛṣayaḥ sarve gandharvāsaḥ ca jaya eṣiṇaḥ ||6-35-11||||
virodham mā gamas tena samdhis te tena rocatām |asṛjad bhagavān pakṣau dvāv eva hi pitāmahaḥ ||6-35-12||||
surāṇām asurāṇām ca dharma adharmau tad āśrayau |dharmo hi śrūyate pakṣaḥ surāṇām ca mahātmanām ||6-35-13||||
adharmo rakṣasām pakṣohya asurāṇām ca rāvaṇa |dharmo vai grasate adharmam tataḥ kṛtam abhūd yugam ||6-35-14||||
adharmo grasate dharmam tatas tiṣyaḥ pravartate |tat tvayā caratā lokān dharmo vinihato mahān ||6-35-15||||
adharmaḥ pragṛhītasaḥ ca tena asmad balinaḥ pare |sa pramādād vivṛddhas te adharmo ahir grasate hi naḥ ||6-35-16||||
vivardhayati pakṣam ca surāṇām sura bhāvanaḥ |viṣayeṣu prasaktena yat kimcit kāriṇā tvayā ||6-35-17||||
Rṣīṇām agni kalpānām udvego janito mahān |teṣām prabhāvo durdharṣaḥ pradīpta;iva pāvakaḥ ||6-35-18||||
tapasā bhāvita ātmāno dharmasya anugrahe ratāḥ |mukhyair yajnair yajanty ete nityam tais tair dvijātayaḥ ||6-35-19||||
juhvaty agnīmsaḥ ca vidhivad vedāmsaḥ ca uccair adhīyate |abhibhūya ca rakṣāmsi brahma ghoṣān udairayan ||6-35-20||||
diśo vipradrutāḥ sarve stanayitnur iva uṣṇage |ṛṣīṇām agni kalpānām agni hotra samutthitaḥ ||6-35-21||||
ādatte rakṣasām tejo dhūmo vyāpya diśo daśa |teṣu teṣu ca deśeṣu puṇyeṣu ca dṛḍha vrataiḥ ||6-35-22||||
caryamāṇam tapas tīvram samtāpayati rākṣasān |devadānavayakṣebho gṛhītaśca varastvayā ||6-35-23||||
manuṣyā vānarā  ṛkṣā golāṅgūlā mahābalāḥ |balavanta ihāgamya garjanti dṛḍhavikramāḥ ||6-35-24||||
utpātān vividhān dṛṣṭvā ghorān bahu vidhāms tathā |vināśam anupaśyāmi sarveṣām rakṣasām aham ||6-35-25||||
kharābhis tanitā ghorā meghāh pratibhayam karaḥ |śoṇitena abhivarṣanti lankām uṣṇena sarvataḥ ||6-35-26||||
rudatām vāhanānām ca prapatanty asra bindavaḥ |dhvajā dhvastā vivarṇāsaḥ ca na prabhānti yathā puram ||6-35-27||||
vyālā gomāyavo gR^ idhrā vāśanti ca subhairavam |praviśya lankām aniśam samavāyāmsaḥ ca kurvate ||6-35-28||||
kālikāḥ pāṇḍurair dantaiḥ prahasanty agrataḥ sthitāḥ |striyaḥ svapneṣu muṣṇantyo gṛhāṇi pratibhāṣya ca ||6-35-29||||
gṛhāṇām bali karmāṇi śvānaḥ paryupabhunjate |kharā goṣu prajāyante mūṣikā nakulaiḥ saha ||6-35-30||||
mārjārā dvīpibhiḥ sārdham sūkarāḥ śunakaiḥ saha |kimnarā rākṣasaisaḥ ca api sameyur mānuṣaiḥ saha ||6-35-31||||
pāṇḍurā rakta pādāsaḥ ca vihagāḥ kāla coditāḥ |rākṣasānām vināśāya kapotā vicaranti ca ||6-35-32||||
vīcīkūcīti vāśantyaḥ śārikā veśmasu sthitāḥ |patanti grathitāsaḥ ca api nirjitāḥ kalaha eṣiṇaḥ ||6-35-33||||
pakṣiṇaśca mṛgāḥ sarve pratyādityam rudanti te |karālo vikaṭo muṇḍaḥ puruṣaḥ kṛṣṇa pingalaḥ ||6-35-34||||
kālo gṛhāṇi sarveṣām kāle kāle anvavekṣate |etāny anyāni duṣṭāni nimittāny utpatanti ca ||6-35-35||||
viṣṇum manyāmahe rāmam mānuṣam deham āsthitam |na hi mānuṣa mātro asau rāghavo dṛḍha vikramaḥ ||6-35-36||||
yena baddhaḥ samudrasya sa setuḥ parama adbhutaḥ |kuruṣva nara rājena samdhim rāmeṇa rāvaṇa ||6-35-37||||
jñātvāvadhārya karmāṇi kriyatāmāyatikṣamam |idam vacas tatra nigadya mālyavan |parīkṣya rakṣo adhipater manaḥ punaḥ |anuttameṣu uttama pauruṣo balī |babhūva tūṣṇīm samavekṣya rāvaṇam ||6-35-38||
tattu mālyavato vākyam hitam uktam daza ānanaḥ |na marṣayati duṣṭa atmā kālasya vazam āgataḥ ||6-36-1||||
sa baddhvā bhru kuṭim vaktre krodhasya vazam āgataḥ |amarṣāt parivṛtta akṣo mālyavantam atha abravīt ||6-36-2||||
hita buddhyā yad ahitam vacah paruṣam ucyate |para pakṣam pravizya eva na etat zrotra gatam mama ||6-36-3||||
mānuṣam kṛpaṇam rāmam ekam zākhā mṛga āzrayam |samartham manyase kena tyaktam pitrā vana ālayam ||6-36-4||||
rakṣasām īzvaram mām ca devatānām bhayam karam |hīnam mām manyase kena;ahīnam sarva vikramaiḥ ||6-36-5||||
vīra dveṣeṇa vā zanke pakṣa pātena vā ripoḥ |tvayā aham paruṣāṇy uktaḥ para protsāhanena vā ||6-36-6||||
prabhavantam padastham hi paruṣam ko ahbidhāsyati |paṇḍitah zāstra tattvajno vinā protsāhanād ripoḥ ||6-36-7||||
ānīya ca vanāt sītām padma hīnām iva zriyam |kim artham pratidāsyāmi rāghavasya bhayād aham ||6-36-8||||
vṛtam vānara koṭībhiḥ sasugrīvam salakṣmaṇam |pazya kaizcid ahobhis tvam rāghavam nihatam mayā ||6-36-9||||
dvandve yasya na tiṣṭhanti daivatāny api samyuge |sa kasmād rāvaṇo yuddhe bhayam āhārayiṣyati ||6-36-10||||
dvidhā bhajyeyam apy evam na nameyam tu kasyacit |eṣa me sahajo doṣah svabhāvo duratikramaḥ ||6-36-11||||
yadi tāvat samudre tu setur baddho yadṛccayā |rāmeṇa vismayaḥ ko atra yena te bhayam āgatam ||6-36-12||||
sa tu tīrtvā arṇavam rāmaḥ saha vānara senayā |pratijānāmi te satyam na jīvan pratiyāsyati ||6-36-13||||
evam bruvāṇam samrabdham ruṣṭam vijnāya rāvaṇam |vrīḍito mālyavān vākyam na uttaram pratyapadyata ||6-36-14||||
jaya āziṣā ca rājānam vardhayitvā yathā ucitam |mālyavān abhyanujnāto jagāma svam nivezanam ||6-36-15||||
rāvaṇas tu saha amātyo mantrayitvā vimṛzya ca |lankāyām atulām guptim kārayām āsa rākṣasaḥ ||6-36-16||||
vyādideza ca pūrvasyām prahastam dvāri rākṣasam |dakṣiṇasyām mahā vīryau mahā pārzva mahā udarau ||6-36-17||||
pazcimāyām atho dvāri putram indrajitam tathā |vyādideza mahā māyam rākṣasair bahubhir vṛtam ||6-36-18||||
uttarasyām pura dvāri vyādizya zuka sāraṇau |svayam ca atra bhaviṣyāmi mantriṇas tān uvāca ha ||6-36-19||||
rākṣasam tu virūpa akṣam mahā vīrya parākramam |madhyame asthāpayad gulme bahubhih saha rākṣasaiḥ ||6-36-20||||
evam vidhānam lankāyām kṛtvā rākṣasa pumgavaḥ |mene kṛta artham ātmānam kṛta anta vazam āgataḥ ||6-36-21||||
visarjayām āsa tatah sa mantriṇo |vidhānam ājnāpya purasya puṣkalam |jaya āziṣā mantra gaṇena pūjito |viveza so antah puram ṛddhiman mahat ||6-36-22||
nara vānara rājau tau sa ca vāyu sutaḥ kapiḥ |jāmbavān ṛkṣa rājasaḥ ca rākṣasasaḥ ca vibhīṣaṇaḥ ||6-37-1||||
angado vāli putrasaḥ ca saumitriḥ śarabhaḥ kapiḥ |suṣeṇaḥ saha dāyādo maindo dvivida;eva ca ||6-37-2||||
gajo gava akṣo kumudo nalo atha panasas tathā |amitra viṣayam prāptāḥ samavetāḥ samarthayan ||6-37-3||||
iyam sā lakṣyate lankā purī rāvaṇa pālitā |sāsura uraga gandharvair amarair api durjayā ||6-37-4||||
kārya siddhim puras kRtya mantrayadhvam vinirṇaye |nityam samnihito hy atra rāvaṇo rākṣasa adhipaḥ ||6-37-5||||
tathā teṣu bruvāṇeṣu rāvaṇa avarajo abravīt |vākyam agrāmya padavat puṣkala artham vibhīṣaṇaḥ ||6-37-6||||
analaḥ śarabhasaḥ caiva sampātiḥ praghasas tathā |gatvā lankām mama amātyāḥ purīm punar iha āgatāḥ ||6-37-7||||
bhūtvā śakunayaḥ sarve praviṣṭāsaḥ ca ripor balam |vidhānam vihitam yac ca tad dRṣṭvā samupasthitāḥ ||6-37-8||||
samvidhānam yathā āhus te rāvaṇasya durātmanaḥ |rāma tad bruvataḥ sarvam yathātathyena me śṛṇu ||6-37-9||||
pūrvam prahastaḥ sabalo dvāram āsādya tiṣṭhati |dakṣiṇam ca mahā vīryau mahā pārśva mahā udarau ||6-37-10||||
indrajit paścima dvāram rākṣasair bahubhir vṛtaḥ |paṭṭasa asi dhanuṣmadbhiḥ śūla mudgara pāṇibhiḥ ||6-37-11||||
nānā praharaṇaiḥ śūrair āvṛto rāvaṇa ātmajaḥ |rākṣasānām sahasrais tu bahubhiḥ śastra pāṇibhiḥ ||6-37-12||||
yuktaḥ parama samvigno rākṣasair bahubhir vRtaḥ |uttaram nagara dvāram rāvaṇaḥ svayam āsthitaḥ ||6-37-13||||
virūpa akṣas tu mahatā śūla khaḍga dhanuṣmatā |balena rākṣasaiḥ sārdham madhyamam gulmam āsthitaḥ ||6-37-14||||
etān evam vidhān gulmāml lankāyām samudīkṣya te |māmakāḥ sacivāḥ sarve śīghram punar iha āgatāḥ ||6-37-15||||
gajānām ca sahasram ca rathānām ayutam pure |hayānām ayute dve ca sāgra koṭī ca rakṣasām ||6-37-16||||
vikrāntā balavantasaḥ ca samyugeṣv ātatāyinaḥ |iṣṭā rākṣasa rājasya nityam ete niśā carāḥ ||6-37-17||||
eka ekasya atra yuddha arthe rākṣasasya viśām pate |parivāraḥ sahasrāṇām sahasram upatiṣṭhate ||6-37-18||||
etām pravṛttim lankāyām mantri proktam vibhīṣaṇaḥ |rāmam kamala patra akṣam idam uttaram abravīt ||6-37-19||||
laṅkāyām sacivaiḥ rāmāya pratyavedayat |rāmaṃ kamalapatrākṣamidamuttaramabravīt ||6-37-20||||
rāvaṇāvarajaḥ śrīmān rāmapriyacikīrṣayā |kuberam tu yadā rāma rāvaṇaḥ pratyayudhyata ||6-37-21||||
ṣaṣṭiḥ śata sahasrāṇi tadā niryānti rākṣasāḥ |parākrameṇa vīryeṇa tejasā sattva gauravāt ||6-37-22||||
sadṛśā yo atra darpeṇa rāvaṇasya durātmanaḥ |atra manyur na kartavyo roṣaye tvām na bhīṣaye ||6-37-23||||
samartho hy asi vīryeṇa surāṇām api nigrahe |tad bhavāmsaḥ catur angeṇa balena mahatā vṛtaḥ ||6-37-24||||
vyūhya idam vānara anīkam nirmathiṣyasi rāvaṇam |rāvaṇa avaraje vākyam evam bruvati rāghavaḥ ||6-37-25||||
śatrūṇām pratighāta artham idam vacanam abravīt |pūrva dvāre tu lankāyā nīlo vānara pumgavaḥ ||6-37-26||||
prahastam pratiyoddhā syād vānarair bahubhir vṛtaḥ |angado vāli putras tu balena mahatā vṛtaḥ ||6-37-27||||
dakṣiṇe bādhatām dvāre mahā pārśva mahā udarau |hanūmān paścima dvāram nipīḍya pavana ātmajaḥ ||6-37-28||||
praviśatv aprameya ātmā bahubhiḥ kapibhir vṛtaḥ |daitya dānava samghānām ṛṣīṇām ca mahātmanām ||6-37-29||||
viprakāra priyaḥ kṣudro vara dāna bala anvitaḥ |parikrāmati yaḥ sarvāml lokān samtāpayan prajāḥ ||6-37-30||||
tasya aham rākṣasa indrasya svayam eva vadhe dhṛtaḥ |uttaram nagara dvāram aham saumitriṇā saha ||6-37-31||||
nipīḍya abhipravekṣyāmi sabalo yatra rāvaṇaḥ |vānara indrasaḥ ca balavān ṛkṣa rājasaḥ ca jāmbavān ||6-37-32||||
rākṣasa indra anujasaḥ caiva gulme bhavatu madhyame |na ca eva mānuṣam rūpam kāryam haribhir āhave ||6-37-33||||
eṣā bhavatu naḥ samjnā yuddhe asmin vānare bale |vānarā;eva niścihnam sva jane asmin bhaviṣyati ||6-37-34||||
vayam tu mānuṣeṇa eva sapta yotsyāmahe parān |aham eva saha bhrātrā lakṣmaṇena mahā ojasā ||6-37-35||||
ātmanā pancamasaḥ ca ayam sakhā mama vibhīṣaṇaḥ |sa rāmaḥ kārya siddhy artham evam uktvā vibhīṣaṇam ||6-37-36||||
suvela ārohaṇe buddhim cakāra matimān matim |ramaṇīyataram dṛṣṭvā suvelasya girestaṭm ||6-37-37||||
tatas tu rāmo mahatā balena |praccādya sarvām pṛthivīm mahātmā |prahṛṣṭa rūpo abhijagāma lankām |kṛtvā matim so ari vadhe mahātmā ||6-37-38||
sa tu kṛtvā suvelasya matim ārohaṇam prati |lakṣmaṇa anugato rāmah sugrīvam idam abravīt || 6-38-1||
vibhīṣaṇam ca dharmajnam anuraktam nizā caram |mantrajnam ca vidhijnam ca zlakṣṇayā parayā girā || 6-38-2||
suvelam sādhu zaila indram imam dhātu zataiz citam |adhyārohāmahe sarve vatsyāmo atra nizām imām || 6-38-3||
lankām ca ālokayiṣyāmo nilayam tasya rakṣasah |yena me maraṇa antāya hṛtā bhāryā durātmanā || 6-38-4||
yena dharmo na vijnāto na vṛttam na kulam tathā |rākṣasyā nīcayā buddhyā yena tad garhitam kṛtam || 6-38-5||
yasmin me vardhate roṣah kīrtite rākṣasa adhame |yasya aparādhān nīcasya vadham drakṣyāmi rakṣasām || 6-38-6||
eko hi kurute pāpam kāla pāza vazam gataḥ |nīcena ātma apacāreṇa kulam tena vinazyati || 6-38-7||
evam sammantrayann eva sakrodho rāvaṇam prati |rāmah suvelam vāsāya citra sānum upāruhat || 6-38-8||
pṛṣṭhato lakṣmaṇa ca enam anvagaccat samāhitaḥ |sazaram cāpam udyamya sumahad vikrame rataḥ || 6-38-9||
tam anvarohat sugrīvah sāmātyah savibhīṣaṇah |hanūmān angado nīlo maindo dvivida;eva ca || 6-38-10||
gajo gava akṣo gavayah zarabho gandha mādanah |panasah kumudaz caiva haro rambhaz ca yūthapah || 6-38-11||
jāmbavāṃśca suṣeṇaśca ṛṣabhaśca mahāmatiḥ |durmukhaśca mahātejāstathā śatabaliḥ kapiḥ || 6-38-12||
ete ca anye ca bahavo vānarāh zīghra gāminah |te vāyu vega pravaṇās tam girim giri cāriṇah || 6-38-13||
adhyārohanta zatazah suvelam yatra rāghavah |te tv adīrgheṇa kālena girim āruhya sarvatah || 6-38-14||
dadṛzuh zikhare tasya viṣaktām iva khe purīm |tām zubhām pravata dvārām prākāra vara zobhitām || 6-38-15||
lankām rākṣasa sampūrṇām dadṛzur hari yūthapāh |prākāra caya saṃsthaiz ca tathā nīlair nizā caraih || 6-38-16||
dadṛzus te hari zreṣṭhāh prākāram aparam kṛtam |te dṛṣṭvā vānarāh sarve rākṣasān yuddha kānkṣiṇah || 6-38-17||
mumucur vipulān nādāṃs tatra rāmasya pazyatah |tato astam agamat sūryah saṃdhyayā pratiranjitah || 6-38-18||
pūrṇa candra pradīpā ca kṣapā samabhivartate |tataḥ sa rāmo hari vāhinī patir |vibhīṣaṇena pratinandya satkṛtaḥ |salakṣmaṇo yūthapa yūtha samvṛtaḥ |suvela pṛṣṭhe nyavasad yathā sukham || 6-38-19
tām rātrim uṣitās tatra suvele hari pumgavāḥ |lankāyām dadṛśur vīrā vanāny upavanāni ca || 6-39-1||
sama saumyāni ramyāṇi viśālāny āyatāni ca |dṛṣṭi ramyāṇi te dṛṣṭvā babhūvur jāta vismayāḥ || 6-39-2||
campaka aśoka pumnāga sāla tāla samākulā |tamāla vana saṃcannā nāga mālā samāvṛtā || 6-39-3||
hintālair arjunair nīpaiḥ sapta parṇaiś ca puṣpitaiḥ |tilakaiḥ karṇikāraiś ca paṭālaiś ca samantataḥ || 6-39-4||
śuśubhe puṣpita agraiś ca latā parigatair drumaiḥ |lankā bahu vidhair divyair yathā indrasya amarāvatī || 6-39-5||
vicitra kusuma upetai rakta komala pallavaiḥ |śādvalaiś ca tathā nīlaiś citrābhir vana rājibhiḥ || 6-39-6||
gandha āḍhyāny abhiramyāṇi puṣpāṇi ca phalāni ca |dhārayanty agamās tatra bhūṣaṇāni iva mānavāḥ || 6-39-7||
tac caitra ratha samkāśam manojnam nandana upamam |vanam sarva ṛtukam ramyam śuśubhe ṣaṭpada āyutam || 6-39-8||
natyūha koyaṣṭi bhakair nṛtyamānaiś ca barhibhiḥ |rutam para bhṛtānām ca śuśruve vana nirjhare || 6-39-9||
nitya matta vihamgāni bhramara ācaritāni ca |kokila ākula ṣaṇḍāni vihaga abhirutāni ca || 6-39-10||
bhṛnga rāja abhigītāni bhramaraiḥ sevitāni ca |koṇālaka vighuṣṭāni sārasa abhirutāni ca || 6-39-11||
viviśus te tatas tāni vanāny upavanāni ca |hṛṣṭāh pramuditā vīrā harayaḥ kāma rūpiṇaḥ || 6-39-12||
teṣām praviśatām tatra vānarāṇām mahā ojasām |puṣpa saṃsarga surabhir vavau ghrāṇa sukho anilaḥ || 6-39-13||
anye tu hari vīrāṇām yūthān niṣkramya yūthapāḥ |sugrīveṇa abhyanujnātā lankām jagmuḥ patākinīm || 6-39-14||
vitrāsayanto vihagāṃs trāsayanto mṛga dvipān |kampayantaś ca tām lankām nādaiḥ svair nadatām varāḥ || 6-39-15||
kurvantas te mahā vegā mahīm cāraṇa pīḍitām |ajaś ca sahasā eva ūrdhvam jagāma caraṇa uddhatam || 6-39-16||
ṛkṣāḥ simhā varāhāś ca mahiṣā vāraṇā mṛgāḥ |tena śabdena vitrastā jagmur bhītā diśo daśa || 6-39-17||
śikharam tu trikūṭasya prāṃśu ca ekam divi spṛśam |samantāt puṣpa saṃcannam mahā rajata samnibham || 6-39-18||
śata yojana vistīrṇam vimalam cāru darśanam |ślakṣṇam śrīman mahac caiva duṣprāpam śakunair api || 6-39-19||
manasā api durāroham kim punaḥ karmaṇā janaiḥ |niviṣṭā tatra śikhare lankā rāvaṇa pālitā || 6-39-20||
daśayojanavistīrṇā viṃśadyojanamāyatā |sā purī gopurair uccaiḥ pāṇḍura ambuda samnibhaiḥ |kāncanena ca sālena rājatena ca śobhitā || 6-39-21||
prāsādaiś ca vimānaiś ca lankā parama bhūṣitā |ghanair iva ātapa apāye madhyamam vaiṣṇavam padam || 6-39-22||
tasyām stambha sahasreṇa prāsādaḥ samalamkṛtaḥ |kailāsa śikhara ākāro dṛśyate kham iva ullikhan || 6-39-23||
caityaḥ sa rākṣasa indrasya babhūva pura bhūṣaṇam |śatena rakṣasām nityam yaḥ samagreṇa rakṣyate || 6-39-24||
manojñām kāñcanavatīm sarvatairupaśobhitām |nānādhātuvicitraiśca udyānairupaśobhitām || 6-39-25||
nānāvihagasamghaṣṭām nānāmṛganiṣevitām |nānākusumasaṃpannām nānārākṣasasevitām || 6-39-26||
tām samṛddhām samṛddha artho lakṣmīvāml lakṣmaṇa agrajaḥ |rāvaṇasya purīm rāmo dadarśa saha vānaraiḥ || 6-39-27||
tām mahāgṛhasambādhāṃ dṛṣṭvā lakṣmaṇapūrvajaḥ |nagarīṃ tridivaprakhyāṃ vismayaṃ prāpa vīryavān 6-39-28||
tām ratna pūrṇām bahu samvidhānām |prāsāda mālābhir alamkṛtām ca |purīm mahā yantra kavāṭa mukhyām |dadarśa rāmo mahatā balena || 6-39-29
tato rāmaḥ suvelāgraṃ yojanadvayamaṇḍalam |upārohatsasugrīvo hariyūthaiḥ samanvitaḥ || 6-40-1||
sthitvā muhūrtaṃ tatraiva diśo daśa vilokayan |trik͟hūṭaśikhare ramye nirmitāṃ viśvakarmaṇā || 6-40-2||
dadarśa laṅkāṃ sunyastāṃ ramyakānanaśobhitām |tasyāṃ gopuraśṛṅgasthaṃ rākṣasendraṃ durāsadam || 6-40-3||
śvetacāmaraparyantaṃ vijayaccatraśobhitam |raktacandanasaṃliptaṃ raktābharaṇabhūṣitam || 6-40-4||
vīlajīmūtasaṃkāśaṃ hemasaṃcāditāmbaram |airāvataviṣāṇāgrairutkṛṣṭakiṇavakṣasam || 6-40-5||
śaśalohitarāgeṇa samvītaṃ raktavāsasā |saṃdhyātapena saṃcannaṃ megharāśimivāmbare || 6-40-6||
paśyatāṃ vānarendrāṇām rāghavasyāpi paśyataḥ |darśanādrākṣasendrasya sugrīvaḥ sahasotthitaḥ || 6-40-7||
krodhavegena saṃ yuktaḥ sattvena ca balena ca |acalāgrādathotthāya pupluve gopurasthale || 6-40-8||
sthitvā muhūrtaṃ samprekṣya nirbhayenāntarātmanā |tṛṇīkṛtya ca tadrakṣaḥ so'bravītparuṣaṃ vacaḥ || 6-40-9||
lokanāthasya rāmasya sakhā dāso'smi rākṣasa |na mayā mokyase.dya tvaṃ pārthivendrasya tejasā || 6-40-10||
ityuktvā sahasotpatya plupluve tasya copari |ākṛṣya mukuṭaṃ citraṃ pātayāmāsa tadbhuvi || 6-40-11||
samīksya tūrṇamāyāntaṃ babhāṣe taṃ niśācaraḥ |sugrīvastvaṃ parokṣe me hīnagrīvo bhaviṣyasi || 6-40-12||
ityuktvotthāya taṃ kṣipraṃ bāhubhyāmākṣipattale |kanduvatsa samutthāya bāhubhyāmākṣipaddhariḥ || 6-40-13||
parasparaṃ svedavidigdhagātrau |parasparam śoṇitaraktadehau |parasparaṃ śliṣṭaniruddhaceṣṭau |parasparaṃ śālmalikiṃśukāviva || 6-40-14||
muṣṭiprahāraiśca talaprahārai |raratnighātaiśca karāgraghātaiḥ |tau cakraturyuddhamasahyarūpaṃ |mahābalau rākṣasavānarendrau || 6-40-15||
kṛtvā niyuddhaṃ bhṛśamugravegau |kālaṃ ciraṃ gopuravedimadhye |utkṣipya cotkṣipya vinamya dehau |pādakramādgopuravedilagnau || 6-40-16||
anyonyamāpīḍya vilagnadehau |tau petutuḥ pālanikhātamadhye |utpetaturbhūmitalam spṛśantau |sthitvā muhūrtaṃ tvabhiniḥśvasantau || 6-40-17||
āliṅgya cāliṅġya ca bāhuyoktraiḥ |saṃyojayāmāsaturāhave tau |samrambhaśikṣābalasamprayuktau |suceratuḥ samprati yuddhamārge || 6-40-18||
śārdūlasiṃhaviva jātadaṃṣṭrau |gajendrapotāviva saṃprayuktau |saṃhatya saṃvedya ca tau karābhyāṃ |taū petuturvai yugapaddharāyām || 6-40-19||
udyamya cānyonyamadhikṣipantau |saṃcakramāte bahu yuddhamārge |vyāyāmaśikṣābalasaṃprayuktau |klamaṃ na tau jagmaturāśu vīrau || 6-40-20||
bāhuttamairvāraṇavāraṇābhai |rnivārayantau paravāraṇābhau|cireṇa kālena bhṛśaṃ prayuddhau |saṃceraturmaṇḍalamārgamāśu || 6-40-21||
tau paraspara māsādya yattāvanyonyasūdane |mārjārāviva bhakṣārthe'vatasthāte muhurmuhuḥ || 6-40-22||
maṇḍalāni vicitrāṇi sthānāni vividhāni ca |gomūtrakāṇi citrāṇi gatapratyāgatāni ca || 6-40-23||
tīrśīnagatānyeva tathā vakragatāni ca |parimokṣaṃ prahārāṇāṃ varjanaṃ paridhāvanam || 6-40-24||
abhidravaṇamāplāvamavasthānaṃ savigraham |parāvṛttamapāvṛttamapadrutamavaplutam || 6-40-25||
upanyastamapanyastaṃ yuddhamārgaviśāradau |tau viceraturnyonyaṃ vānarendraśca rāvaṇaḥ || 6-40-26||
etasminnantare rakṣo māyābalamathātmanaḥ |ārabdumupasam pede jñātvā tam vānarādhipaḥ || 6-40-27||
utpapāta tadākāśaṃ jitakāśī jitaklamaḥ |rāvaṇaḥ sthita evātra harirājena vañcitaḥ || 6-40-28||
atha harivaranāthaḥ prāptasaṃgrāmakīrti |rniśicarapatimājau yojayitvā śrameṇa |gaganamativiśālaṃ laṅghayitvārkasūma |rharigaṇabalamadhye rāmapārśvaṃ jagām || 6-40-29||
sa iti savitṛsūnustatra tatkarma kṛtvā |pavanagatiranīkaṃ prāviśatsaṃprahṛṣṭaḥ |raghuvaranṛpasūnodvardhayan yuddhaharṣaṃ |tarumṛgagaṇamukhyaiḥ pūjyamāno harīndraḥ || 6-40-30
atha tasminnimittāni dṛṣṭvā lakṣmaṇapūrvajaḥ |sugrīvaṃ sampariṣvajya tadā vacanamabravīt || 6.41.1 ||||
asammantrya mayā sārddhaṃ tadidaṃ sāhasaṃ kṛtam |evaṃ sāhasakarmāṇi na kurvanti janeśvarāḥ || 6.41.2 ||||
saṃśaye sthāpya māṃ cedaṃ balaṃ ca savibhīṣaṇam |kaṣṭaṃ kṛtamidaṃ vīra sāhasaṃ sāhasapriya || 6.41.3 ||||
idānīṃ mā kṛthā vīra evaṃvidhamacintitam |tvayi kiñcit samāpanne kiṃ kāryaṃ sītayā mama || 6.41.4 ||||
bharatena mahābāho lakṣmaṇena yavīyasā |śatrughnena ca śatrughna svaśarīreṇa vā punaḥ || 6.41.5 ||punaḥpunaḥ ||||
tvayi cānāgate pūrvamiti me niścitā matiḥ |jānataścāpi te vīryaṃ mahendravaruṇopama || 6.41.6 ||||
hatvā 'haṃ rāvaṇaṃ yuddhe saputrabalavāhanam |abhiṣicya ca laṅkāyāṃ vibhīṣaṇamathāpi ca |bharate rājyamāveśya tyakṣye dehaṃ mahābala || 6.41.7 ||||
tamevaṃ vādinaṃ rāmaṃ sugrīvaḥ pratyabhāṣata || 6.41.8 ||||
tava bhāryāpahartāraṃ dṛṣṭvā rāghava rāvaṇam |marṣayāmi kathaṃ vīra jānan pauruṣamātmanaḥ || 6.41.9 ||||
ityevaṃ vādinaṃ vīramabhinandya sa rāghavaḥ |lakṣmaṇaṃ lakṣmisampannamidaṃ vacanamabravīt || 6.41.10 ||||
parigṛhyodakaṃ śītaṃ vanāni phalavanti ca |balaughaṃ saṃvibhajyemaṃ vyūhya tiṣṭhema lakṣmaṇa || 6.41.11 ||||
lokakṣayakaraṃ bhīmaṃ bhayaṃ paśyāmyupasthitam |nibarhaṇaṃ pravīrāṇāmṛkṣavānararakṣasām || 6.41.12 ||||
vātāśca paruṣā vānti kampate ca vasundharā |parvatāgrāṇi vepante patanti dharaṇīruhāḥ || 6.41.13 ||||
meghāḥ kravyādasaṅkāśāḥ paruṣāḥ paruṣasvanāḥ |krūrāḥ krūraṃ pravarṣanti miśraṃ śoṇitabindubhiḥ || 6.41.14 ||||
raktacandanasaṅkāśā sandhyā paramadāruṇā |jvalacca nipatatyetadādityādagnimaṇḍalam || 6.41.15 ||||
ādityamabhivāśyanti janayanto mahadbhayam |dīnā dīnasvarā ghorā apraśastā mṛgadvijāḥ || 6.41.16 ||||
rajanyāmaprakāśaśca santāpayati candramāḥ |kṛṣṇaraktāntaparyanto yathā lokasya saṅkṣaye || 6.41.17 ||||
hrasvo rūkṣo 'praśastaśca pariveṣaḥ sulohitaḥ || 6.41.18 ||||
ādityamaṇḍale nīlaṃ lakṣma lakṣmaṇa dṛśyate |dṛśyante na yathāvacca nakṣatrāṇyabhivartate |yugāntamiva lokasya paśya lakṣmaṇa śaṃsati || 6.41.19 ||||
kākāḥ śyenāstathā gṛdhrā nīcaiḥ paripatanti ca |śivāścāpyaśivā vācaḥ pravadanti mahāsvanāḥ || 6.41.20 ||||
kṣipramadya durādharṣāṃ laṅkāṃ rāvaṇapālitām |abhiyāma javenaiva sarvato haribhirvṛtāḥ || 6.41.21 ||||
ityevaṃ saṃvadan vīro lakṣmaṇaṃ lakṣmaṇāgrajaḥ |tasmādavātaracchīvraṃ parvatāgrānmahābalaḥ || 6.41.22 ||||
avatīryaṃ ca dharmātmā tasmācchailāt sa rāghavaḥ |paraiḥ paramadurdharṣaṃ dadarśa balamātmanaḥ || 6.41.23 ||||
sannahya tu sasugrīvaḥ kapirājabalaṃ mahat |kālajño rāghavaḥ kāle saṃyugāyābhyacodayat || 6.41.24 ||||
tataḥ kāle mahābāhurbalena mahatāvṛtaḥ |prasthitaḥ purato dhanvī laṅkāmabhimukhaḥ purīm || 6.41.25 ||||
taṃ vibhīṣaṇasugrīvau hanumān jāmbavānnalaḥ |ṛkṣarājastathā nīlo lakṣmaṇaścānvayustadā || 6.41.26 ||||
tataḥ paścāt sumahatī pṛtanarkṣavanaukasām |pracchādya mahatīṃ bhūmimanuyāti sma rāghavam || 6.41.27 ||||
śailaśṛṅgāṇi śataśaḥ pravṛddhāṃśca mahīruhān |jagṛhuḥ kuñjaraprakhyā vānarāḥ paravāraṇāḥ || 6.41.28 ||||
tau tu dīrgheṇa kālena bhrātarau rāmalakṣmaṇau |rāvaṇasya purīṃ laṅkāmāsedaturarindamau || 6.41.29 ||||
patākamālinīṃ ramyāmudyānavanaśobhitām |citravaprāṃ suduṣprāpāmuccaiḥ prākāratoraṇām || 6.41.30 ||||
tāṃ surairapi durdharṣāṃ rāmavākyapracoditāḥ |yathāniveśaṃ sampīḍya nyaviśanta vanaukasaḥ || 6.41.31 ||||
laṅkāyāstūttaradvāraṃ śalaśṛṅgamivonnatam |rāmaḥ sahānujo dhanvī jugopa ca rurodha ca || 6.41.32 ||||
laṅkāmupaniviṣṭaśca rāmo daśarathātmajaḥ |lakṣmaṇānucaro vīraḥ purīṃ rāvaṇapālitām |uttaradvāramāsādya yatra tiṣṭhati rāvaṇaḥ || 6.41.33 ||||
nānyo rāmāddhi taddvāraṃ samarthaḥ parirakṣitum |rāvaṇādhiṣṭhitaṃ bhīmaṃ varuṇeneva sāgaram || 6.41.34 ||||
sāyudhai rākṣasairbhīmairabhiguptaṃ samantataḥ |laghūnāṃ trāsajananaṃ pātālamiva dānavaiḥ || 6.41.35 ||||
vinyastāni ca yodhānāṃ bahūni vividhāni ca |dadarśāyudhajālāni tatraiva kavacāni ca || 6.41.36 ||||
pūrvaṃ tu dvāramāsādya nīlo haricamūpatiḥ |atiṣṭhat saha maindena dvividena ca vīryavān || 6.41.37 ||||
aṅgado dakṣiṇadvāraṃ jagrāha sumahābalaḥ |ṛṣabheṇa gavākṣeṇa gajena gavayena ca || 6.41.38 ||||
hanumān paścimadvāraṃ rarakṣa balavān kapiḥ |pramāthipraghasābhyāṃ ca vīrairanyaiśca saṅgataḥ || 6.41.39 ||||
madhyame ca svayaṃ gulme sugrīvaḥ samatiṣṭhata |saha sarvaihariśreṣṭhaiḥ suparṇaśvasanopamaiḥ || 6.41.40 ||||
vānārāṇāṃ tu ṣaṭtriṃśat koṭyaḥ prakhyātayūthapāḥ |nipīḍyopaniviṣṭāśca sugrīvo yatra vānaraḥ || 6.41.41 ||||
śāsanena tu rāmasya lakṣmaṇaḥ savibhīṣaṇaḥ |dvāre dvāre harīṇāṃ tu koṭiṃ koṭiṃ nyaveśayat || 6.41.42 ||||
paścimena tu rāmasya sugrīvaḥ sahajāmbavān |adūrānmadhyame gulme tasthau bahubalānugaḥ || 6.41.43 ||||
te tu vānaraśārdūlāḥ śārdūlā iva daṃṣṭriṇaḥ |gṛhītvā drumaśailāgrān hṛṣṭā yuddhāya tasthire || 6.41.44 ||||
sarve vikṛtalāṅgūlāḥ sarve daṃṣṭrānakhāyudhāḥ |sarve vikṛtacitrāṅgāḥ sarve ca vikṛtānanāḥ || 6.41.45 ||||
daśanāgabalāḥ kecit keciddaśaguṇottarāḥ |kecinnāgasahasrasya babhūvustulyavikramāḥ || 6.41.46 ||||
santi caughabalāḥ kecit kecicchataguṇottarāḥ |aprameyabalāścānye tatrāsan hariyūthapāḥ || 6.41.47 ||||
adbhutaśca vicitraśca teṣāmāsīt samāgamaḥ |tatra vānarasainyānāṃ śalabhānāmivodyamaḥ || 6.41.48 ||||
paripūrṇamivākāśaṃ sañchanneva ca medinī |laṅkāmupaniviṣṭaiśca sampatadbhiśca vānaraiḥ || 6.41.49 ||||
śataṃ śatasahasrāṇāṃ pṛthagṛkṣavanaukasām |laṅkādvārāṇyupājagmuranye yoddhuṃ samantataḥ || 6.41.50 ||||
āvṛtaḥ sa giriḥ sarvaistaiḥ samantāt plavaṅgamaiḥ || 6.41.51 ||||
ayutānāṃ sahasraṃ ca purīṃ tāmabhyavartata || 6.41.52 ||||
vānarairbalavadbhiśca babhūva drumapāṇibhiḥ |saṃvṛtā sarvato laṅkā duṣpraveśāpi vāyunā || 6.41.53 ||||
rākṣasā vismayaṃ jagmuḥ sahasā 'bhinipīḍitāḥ |vānarairmeghasaṅkāśaiḥ śakratulyaparākramaiḥ || 6.41.54 ||||
mahān śabdo 'bhavattatra balaughasyābhivartataḥ |sāgarasyeva bhinnasya yathā syāt salilasvanaḥ || 6.41.55 ||||
tena śabdena mahatā saprākārā satoraṇā |laṅkā pracalitā sarvā saśailavanakānanā || 6.41.56 ||||
rāmalakṣmaṇaguptā sā sugrīveṇa ca vāhinī |babhūva durdharṣatarā sarvairapi surāsuraiḥ || 6.41.57 ||||
rāghavaḥ sanniveśyaiva sainyaṃ svaṃ rakṣasāṃ vadhe |sammantrya mantribhiḥ sārdhaṃ niścitya ca punaḥpunaḥ |ānantaryamabhiprepsuḥ kramayogārthatattvavit || 6.41.58 ||||
vibhīṣaṇasyānumate rājadharmanusmaran |aṅgadaṃ vālitanayaṃ samāhūyedamabravīt || 6.41.59 ||
tya ca punaḥpunaḥ |gatvā somya daśagrīvaṃ bruhi madvacanāt kape |laṅghayitvā purīṃ laṅkāṃ bhayaṃ tyaktvā gatavyathaḥ || 6.41.60 ||||
bhraṣṭaśrīkagataiśvarya mumūrṣo naṣṭacetana |ṛṣīṇāṃ devatānāṃ ca gandharvāpsarasāṃ tathā || 6.41.61 ||||
nāgānāmatha yakṣāṇāṃ rājñāṃ ca rajanīcara |yacca pāpaṃ kṛtaṃ mohādavaliptena rākṣasa || 6.41.62 ||||
nūnamadya gato darpaḥ svayambhūvaradānajaḥ |yasya daṇḍadharaste 'haṃ dārāharaṇakarśitaḥ |daṇḍaṃ dhārayamāṇastu laṅkādvāre vyavasthitaḥ || 6.41.63 ||||
padavīṃ devatānāṃ ca maharṣīṇāṃ ca rākṣasa |rājarṣīṇāṃ ca sarveṣāṃ gamiṣyasi mayā hataḥ || 6.41.64 ||||
balena yena vai sītāṃ māyayā rākṣasādhama |māmatikrāmayitvā tvaṃ hṛtavāṃstannidarśaya || 6.41.65 ||||
arākṣasamimaṃ lokaṃ kartāsmi niśitaiḥ śaraiḥ |na ceccharaṇamabhyeṣi māmupādāya maithilīm || 6.41.66 ||||
dharmātmā rakṣasāṃ śreṣṭhaḥ samprāpto 'yaṃ vibhīṣaṇaḥ |laṅkaiśvaryaṃ dhruvaṃ śrīmānayaṃ prāpnotyakaṇṭakam || 6.41.67 ||||
na hi rājyamadharmeṇa bhoktuṃ kṣaṇamapi tvayā |śakyaṃ mūrkhasahāyena pāpenāviditātmanā || 6.41.68 ||||
yuddhyasva vā dhṛtiṃ kṛtvā śauryamālambya rākṣasa |maccharaistvaṃ raṇe śāntastataḥ pūto bhaviṣyasi || 6.41.69 ||||
yadvā viśasi lokāṃstrīn pakṣibhūto manojavaḥ |mama cakṣuṣpathaṃ prāpya na jīvan pratiyāsyasi || 6.41.70 ||||
bravīmi tvāṃ hitaṃ vākyaṃ kriyatāmaurdhvadaihikam |sudṛṣṭā kriyatāṃ laṅkā jīvitaṃ te mayi sthitam || 6.41.71 ||||
ityuktaḥ sa tu tāreyo rāmeṇākliṣṭakarmaṇā |jagāmākāśamāviśya mūrtimāniva havyavāṭ || 6.41.72 ||||
so 'tipatya muhūrtena śrīmānrāvaṇamandiram |dadarśāsīnamavyagraṃ rāvaṇaṃ sacivaiḥ saha || 6.41.73 ||||
tatastasyāvidūre sa nipatya haripuṅgavaḥ |dīptāgnisadṛśastasthāvaṅgadaḥ kanakāṅgadaḥ || 6.41.74 ||||
tadrāmavacanaṃ sarvamanyūnādhikamuttamam |sāmātyaṃ śrāvayāmāsa nivedyātmānamātmanā || 6.41.75 ||||
dūto 'haṃ kosalendrasya rāmasyākliṣṭakarmaṇaḥ |vāliputro 'ṅgado nāma yadi te śrotramāgataḥ || 6.41.76 ||||
āha tvāṃ rāghavo rāmaḥ kausalyānandavardhanaḥ |niṣpatya pratiyuddhyasva nṛśaṃsa puruṣo bhava || 6.41.77 ||||
hantāsmi tvāṃ sahāmātyaṃ saputrajñātibāndhavam |nirudvignāstrayo lokā bhaviṣyanti hate tvayi || 6.41.78 ||||
devadānavayakṣāṇāṃ gandharvoragarakṣasām |śatrumadyoddhariṣyāmi tvāmṛṣīṇāṃ ca kaṇṭakam || 6.41.79 ||||
vibhīṣaṇasya caiśvaryaṃ bhaviṣyati hate tvayi |na cet satkṛtya vaidehīṃ praṇipatya pradāsyasi || 6.41.80 ||||
ityevaṃ paruṣaṃ vākyaṃ bruvāṇe haripuṅgave |amarṣavaśamāpanno niśācaragaṇeśvaraḥ || 6.41.81 ||||
tataḥ sa roṣatāmrākṣaḥ śaśāsa sacivāṃstadā |gṛhyatāmeṣa durmedhā vadhyatāmiti cāsakṛt || 6.41.82 ||||
rāvaṇasya vacaḥ śrutvā dīptāgnisamatejasaḥ |jagṛhustaṃ tato ghorāścatvāro rajanīcarāḥ || 6.41.83 ||||
grāhayāmāsa tāreyaḥ svayamātmānamātmavān |balaṃ darśayituṃ vīro yātudhānagaṇe tadā || 6.41.84 ||||
sa tān bāhudvaye saktānādāya patagāniva |prāsādaṃ śailasaṅkāsamutpapātāṅgadastadā || 6.41.85 ||||
te 'ntarikṣādvinirdhūtāstasya vegena rākṣasāḥ |bhūmau nipatitāḥ sarve rākṣasendrasya paśyataḥ || 6.41.86 ||||
tataḥ prāsādaśikharaṃ śailaśṛṅgamivonnatam |dadarśa rākṣasendrasya vāliputraḥ pratāpavān || 6.41.87 ||||
tatpaphāla padākrāntaṃ daśagrīvasya paśyataḥ |purā himavataḥ śṛṅgaṃ vajriṇeva vidāritam || 6.41.88 ||||
bhaṅktvā prāsādaśikharaṃ nāma viśrāvya cātmanaḥ |vinadya sumahānādamutpapāta vihāyasam || 6.41.89 ||||
vyathayan rākṣasān sarvān harṣayaṃścāpi vānarān |sa vānarāṇāṃ madhye tu rāmapārśvamupāgataḥ || 6.41.90 ||||
rāvaṇastu paraṃ cakre krodhaṃ prāsādadharṣaṇāt |vināśaṃ cātmanaḥ paśyanniśvāsaparamo 'bhavat || 6.41.91 ||||
rāmastu bahubhirhṛṣṭairninadadbhiḥ plavaṅgamaiḥ |vṛto ripuvadhākāṅkṣī yuddhāyaivābhyavartata || 6.41.92 ||||
suṣeṇastu mahāvīryo girikūṭopamo hariḥ |bahubhiḥ saṃvṛtastatra vānaraiḥ kāmarūpibhiḥ || 6.41.93 ||||
caturdvārāṇi sarvāṇi sugrīvavacanāt kapiḥ |paryakrāmata durdharṣo nakṣatrāṇīva candramāḥ || 6.41.94 ||||
teṣāmakṣauhiṇiśataṃ samavekṣya vanaukasām |laṅkāmupaniviṣṭānāṃ sāgaraṃ cābhivartatām || 6.41.95 ||||
rākṣasā vismayaṃ jagmustrāsaṃ jagmustathā 'pare |apare samaroddharṣāddharṣameva prapedire || 6.41.96 ||||
kṛtsnaṃ hi kapibhirvyāptaṃ prākāraparikhāntaram |dadṛśū rākṣasā dīnāḥ prākāraṃ vānarīkṛtam || 6.41.97 ||||
hāhākāraṃ prakurvanti rākṣasā bhayamohitāḥ || 6.41.98 ||||
tasmin mahābhīṣaṇake pravṛtte kolāhale rākṣasarājadhānyām |pragṛhya rakṣāṃsi mahāyudhāni yugāntavātā iva saṃviceruḥ || 6.41.99 ||
tataste rākṣasāstatra gatvā rāvaṇamandiram |nyavedayan purīṃ ruddhāṃ rāmeṇa saha vānaraiḥ || 6.42.1 ||||
ruddhāṃ tu nagarīṃ śrutvā jātakrodho niśācaraḥ |vidhānaṃ dviguṇaṃ kṛtvā prāsādaṃ so 'dhyarohata || 6.42.2 ||||
sa dadarśāvṛtāṃ laṅkāṃ saśailavanakānanām |asaṅkhyeyairharigaṇaiḥ sarvato yuddhakāṅkṣibhiḥ || 6.42.3 ||||
sa dṛṣṭvā vānaraiḥ sarvāṃ vasudhāṃ kavalīkṛtām |kathaṃ kṣapayitavyāḥ syuriti cintāparo 'bhavat || 6.42.4 ||||
sa cintayitvā suciraṃ dhairyamālambya rāvaṇaḥ |rāghavaṃ hariyūthāṃśca dadarśāyatalocanaḥ || 6.42.5 ||||
rāghavaḥ saha sainyena mudito nāma pupluve |laṅkāṃ dadarśa guptāṃ vai sarvato rākṣasairvṛtām || 6.42.6 ||||
dṛṣṭvā dāśarathirlaṅkāṃ citradhvajapatākinīm |jagāma sahasā sītāṃ dūyamānena cetasā || 6.42.7 ||||
atra sā mṛgaśāvākṣī matkṛte janakātmajā |pīḍyate śokasantaptā kṛśā sthaṇḍilaśāyinī || 6.42.8 ||||
pīḍyamānāṃ sa dharmātmā vaidehīmanucintayan |kṣipramājñāpayāmāsa vānarān dviṣatāṃ vadhe || 6.42.9 ||||
evamukte tu vacane rāmeṇākliṣṭakarmaṇā |saṅgharṣamāṇāḥ plavagāḥ siṃhanādairanādayan || 6.42.10 ||||
śikharairvikirāmaināṃ laṅkāṃ muṣṭibhireva vā |iti sma dadhire sarve manāṃsi hariyūthapāḥ || 6.42.11 ||||
udyamya giriśṛṅgāṇi śikharāṇi mahānti ca |tarūṃścotpāṭya vividhāṃstiṣṭhanti hariyūthapāḥ || 6.42.12 ||||
prekṣato rākṣasendrasya tānyanīkāni bhāgaśaḥ |rāghavapriyakāmārthaṃ laṅkāmāruruhustadā || 6.42.13 ||||
te tāmravaktrā hemābhā rāmārthe tyaktajīvitāḥ |laṅkāmevābhyavartanta sālatālaśilāyudhāḥ || 6.42.14 ||||
te drumaiḥ parvatāgraiśca muṣṭibhiśca plavaṅgamāḥ |prākārāgrāṇyaraṇyāni mamanthustoraṇāni ca || 6.42.15 ||||
parikhāḥ pūrayanti sma prasannasalilāyutāḥ |pāṃsubhiḥ parvatāgraiśca tṛṇaiḥ kāṣṭhaiśca vānarāḥ || 6.42.16 ||||
tataḥ sahasrayūthāśca koṭīyūthāśca vānarāḥ |koṭīśatayutāścānye laṅkāmāruruhustadā || 6.42.17 ||||
kāñcanāni pramṛdnantastoraṇāni plavaṅgamāḥ |kailāsaśikharābhāṇi gopurāṇi pramathya ca || 6.42.18 ||||
āplavantaḥ plavantaśca garjantaśca plavaṅgamāḥ |laṅkāṃ tāmabhidhāvanti mahāvāraṇasannibhāḥ || 6.42.19 ||||
jayatyatibalo rāmo lakṣmaṇaśca mahābalaḥ |rājā jayati sugrīvo rāghaveṇābhipālitaḥ || 6.42.20 ||||
ityevaṃ ghoṣayantaśca garjantaśca plavaṅgamāḥ |abhyadhāvanta laṅkāyāḥ prākāraṃ kāmarūpiṇaḥ || 6.42.21 ||||
vīrabāhuḥ subāhuśca nalaśca vanagocaraḥ |nipīḍyopaniviṣṭāste prākāraṃ hariyūthapāḥ |etasminnantare cakruḥ skandhāvāraniveśanam || 6.42.22 ||||
pūrvadvāraṃ tu kumudaḥ koṭībhirdaśabhirvṛtaḥ |āvṛtya balavāṃstasthau haribhirjitakāśibhiḥ || 6.42.23 ||||
sāhāyyārthaṃ tu tasyaiva niviṣṭaḥ praghaso hariḥ |panasaśca mahābāhurvānarairbahubhirvṛtaḥ || 6.42.24 ||||
dakṣiṇaṃ dvāramāgamya vīraḥ śatavaliḥ kapiḥ |āvṛtya balavāṃstasthau viṃśatyā koṭibhirvṛtaḥ || 6.42.25 ||||
suṣeṇaḥ paścimadvāraṃ gatastārāpitā hariḥ |āvṛtya balavāṃstasthau ṣaṣṭikoṭibhirāvṛtaḥ || 6.42.26 ||||
uttaraṃ dvāramāsādya rāmaḥ saumitriṇā saha |āvṛtya balavāṃstasthau sugrīvaśca harīśvaraḥ || 6.42.27 ||||
golāṅgūlo mahākāyo gavākṣo bhīmadarśanaḥ |vṛtaḥ koṭyā mahāvīryastasthau rāmasya pārśvataḥ || 6.42.28 ||||
ṛkṣāṇāṃ bhīmavegānāṃ dhūmraḥ śatrunibarhaṇaḥ |vṛtaḥ koṭyā mahāvīryastastho rāmasya pārśvataḥ || 6.42.29 ||||
sannaddhastu mahāvīryo gadāpāṇirvibhīṣaṇaḥ |vṛto yattaistu sacivaistasthau tatra mahābalaḥ || 6.42.30 ||||
gajo gavākṣo gavayaḥ śarabho gandhamādanaḥ |samantāt paridhāvanto rarakṣurharivāhinīm || 6.42.31 ||||
tataḥ kopaparītātmā rāvaṇo rākṣaseśvaraḥ |niryāṇaṃ sarvasainyānāṃ drutamājñāpayattadā || 6.42.32 ||||
etacchutvā tato vākyaṃ rāvaṇasya mukhodgatam |sahasā bhīmanirghoṣamudghuṣṭaṃ rajanīcaraiḥ || 6.42.33 ||||
tataḥ pracoditā bheryaścandrapāṇḍarapuṣkarāḥ |hemakoṇāhatā bhīmā rākṣasānāṃ samantataḥ || 6.42.34 ||||
vineduśca mahāghoṣāḥ śaṅkhāḥ śatasahasraśaḥ |rākṣasānāṃ sughorāṇāṃ mukhamārutapūritāḥ || 6.42.35 ||||
te babhuḥ śubhanīlāṅgāḥ saśaṅkā rajanīcarāḥ |vidyunmaṇḍalasannaddhāḥ sabalākā ivāmbudāḥ || 6.42.36 ||||
niṣpatanti tataḥ sainyā hṛṣṭā rāvaṇacoditāḥ |samaye pūryamāṇasya vegā iva mahodadheḥ || 6.42.37 ||||
tato vānarasainyena mukto nādaḥ samantataḥ |malayaḥ pūrito yena sa sānuprasthakandaraḥ || 6.42.38 ||||
śaṅkhadundubhisaṅghuṣṭaḥ siṃhanādastarasvinām |pṛthivīṃ cāntarikṣaṃ ca sāgaraṃ caiva nādayan || 6.42.39 ||||
gajānāṃ bṛṃhitaiḥ sārdhaṃ hayānāṃ heṣitairapi |rathānāṃ nemighoṣaiśca rakṣasāṃ vadanasvanaḥ || 6.42.40 ||||
etasminnantare ghoraḥ saṅgrāmaḥ samavartata |rakṣasāṃ vānarāṇāṃ ca yathā devāsure purā || 6.42.41 ||||
te gadābhiḥ pradīptābhiḥ śaktiśūlaparaśvadhaiḥ |nijaghnurvānarān ghorāḥ kathayantaḥ svavikramān || 6.42.42 ||||
rājā jayati sugrīva iti śabdo mahānabhūt || 6.42.43 ||||
rājan jaya jayetyuktvā svasvanāmakathāntataḥ |tathā vṛkṣairmahākāyāḥ parvatāgraiśca vānarāḥ |nijaghnustāni rakṣāṃsi nakhairdantaiśca vegitāḥ || 6.42.44 ||||
rākṣasāstvapare bhīmāḥ prākārasthā mahīgatān |bhindipālaiśca khaḍgaiśca śūlaiścaiva vyadārayan || 6.42.45 ||||
vānarāścāpi saṅkruddhāḥ prākārasthān mahīgatāḥ |rākṣasān pātayāmāsuḥ samāplutya plavaṅgamāḥ || 6.42.46 ||||
sa samprahārastumulo māṃsaśoṇitakardamaḥ |rakṣasāṃ vānarāṇāṃ ca sambabhūvādbhutopamaḥ || 6.42.47 ||
yuddhyātāṃ tu tatasteṣāṃ vānarāṇāṃ mahātmanām |rakṣasāṃ sambabhūvātha balakopaḥ sudāruṇaḥ || 6.43.1 ||||
te hayaiḥ kāñcanāpīḍairdhvajaiścāgniśikhopamaiḥ |rathaiścādityasaṅkāśaiḥ kavacaiśca manoramaiḥ || 6.43.2 ||||
niryayū rākṣasavyāghrā nādayanto diśo daśa |rākṣasā bhīmakarmāṇo rāvaṇasya jayaiṣiṇaḥ || 6.43.3 ||||
vānarāṇāmapi camūrbṛhatī jayamicchatām |abhyadhāvata tāṃ senāṃ rakṣasāṃ kāmarūpiṇām || 6.43.4 ||||
etasminnantare teṣāmanyonyamabhidhāvatām |rakṣasāṃ vānarāṇāṃ ca dvandvayuddhamavartata || 6.43.5 ||||
aṅgadenendrajit sārdhaṃ vāliputreṇa rākṣasaḥ |ayudhyata mahātejāstryambakeṇa yathā 'ntakaḥ || 6.43.6 ||||
prajaṅghena ca sampātirnityaṃ durmarṣaṇo raṇe |jambumālinamārabdho hanumānapi vānaraḥ || 6.43.7 ||||
saṅgataḥ sumahākrodho rākṣaso rāvaṇānujaḥ |samare tīkṣṇavegena mitraghnena vibhīṣaṇaḥ || 6.43.8 ||||
tapanena gajaḥ sārdhaṃ rākṣasena mahābalaḥ |nikumbhena mahātejā nīlo 'pi samayuddhyata || 6.43.9 ||||
vānarendrastu sugrīvaḥ praghasena samāgataḥ |saṅgataḥ samare śrīmān virūpākṣeṇa lakṣmaṇaḥ || 6.43.10 ||||
āgniketuśca durdharṣo raśmiketuśca rākṣasaḥ |suptaghno yajñakopaśca rāmeṇa saha saṅgatāḥ || 6.43.11 ||||
vajramuṣṭistu maindena dvividānaśaniprabhaḥ |rākṣasābhyāṃ sughorābhyāṃ kapimukhyau samāgatau || 6.43.12 ||||
vīraḥ pratapano ghoro rākṣaso raṇadurdharaḥ |samare tīkṣṇavegena nalena samayuddhyata || 6.43.13 ||||
dharmasya putro balavān suṣeṇa iti viśrutaḥ |sa vidyunmālinā sārdhamayudhyata mahākapiḥ || 6.43.14 ||||
vānarāścāpare bhīmā rākṣasairaparaiḥ saha |dvandvaṃ samīyurbahudhā yuddhāya bahubhiḥ saha || 6.43.15 ||||
tatrāsīt sumahadyuddhaṃ tumulaṃ romaharṣaṇam |rakṣasāṃ vānarāṇāṃ ca vīrāṇāṃ jayamicchatām || 6.43.16 ||||
harirākṣasadehebhyaḥ prabhṛtāḥ keśaśādvalāḥ |śarīrasaṅghāṭavahāḥ prasasruḥ śoṇitāpagāḥ || 6.43.17 ||||
ājaghānendrajit kruddho vajreṇeva śatakratuḥ |aṅgadaṃ gadayā vīraṃ śatrusainyavidāraṇam || 6.43.18 ||||
tasya kāñcanacitrāṅgaṃ rathaṃ sāśvaṃ sasārathim |jaghāna samare śrīmānaṅgado vegavān kapiḥ || 6.43.19 ||||
sampātistu tribhirbāṇaiḥ prajaṅghena samāhataḥ |nijaghānāśvakarṇena prajaṅghaṃ raṇamūrdhani || 6.43.20 ||||
jambumālī rathasthastu rathaśaktyā mahābalaḥ |bibheda samare kruddho hanūmantaṃ stanāntare || 6.43.21 ||||
tasya taṃ rathamāsthāya hanūmān mārutatmajaḥ |pramamātha talenāśu saha tenaiva rakṣasā || 6.43.22 ||||
nadan pratapano ghoro nalaṃ so 'pyanvadhāvata || 6.43.23 ||||
nalaḥ pratapanasyāśu pātayāmāsa cakṣuṣī |bhinnagātraḥ śaraistīkṣṇaiḥ kṣiprahastena rakṣasā || 6.43.24 ||||
grasantamiva sainyāni praghasaṃ vānarādhipaḥ |sugrīvaḥ saptaparṇena nirbibheda jaghāna ca || 6.43.25 ||||
agniketuśca durdharṣo raśmiketuśca rākṣasaḥ |suptaghno yajñakopaśca rāmaṃ nirbibhiduḥ śaraiḥ || 6.43.26 ||||
teṣāṃ caturṇāṃ rāmastu śirāṃsi niśitaiḥ śarai |kruddhaścaturbhiściccheda ghorairagniśikhopamaiḥ || 6.43.27 ||||
vajramuṣṭistu maindena muṣṭinā nihato raṇe |papāta sarathaḥ sāśvaḥ purāṭṭa iva bhūtale || 6.43.28 ||||
nikumbhastu raṇe nīlaṃ nīlāñjanacayaprabham |nirbibheda śaraistīkṣṇaiḥ karairmeghamivāṃśumān || 6.43.29 ||||
punaḥ śaraśatenātha kṣiprahasto niśācaraḥ |bibheda samare nīlaṃ nikumbhaḥ prajahāsa ca || 6.43.30 ||||
tasyaiva rathacakreṇa nīlo viṣṇurivāhave |śiraściccheda samare nikumbhasya ca sāratheḥ || 6.43.31 ||||
vajrāśanisamasparśo dvivido 'pyaśaniprabham |jaghāna giriśṛṅgeṇa miṣatāṃ sarvarakṣasām || 6.43.32 ||||
dvividaṃ vānarendraṃ tu nagayodhinamāhave |śarairaśani saṅkāśaiḥ sa vivyādhāśaniprabhaḥ || 6.43.33 ||||
sa śarairatividdhāṅgo dvividaḥ krodhamūrcchitaḥ |sālena sarathaṃ sāśvaṃ nijaghānāśaniprabham || 6.43.34 ||||
vidyunmālī rathasthastu śaraiḥ kāñcanabhūṣaṇaiḥ |suṣeṇaṃ tāḍayāmāsa nanāda ca muhurmuhuḥ || 6.43.35 ||||
taṃ rathasthamatho dṛṣṭvā suṣeṇo vānarottamaḥ |giriśṛṅgeṇa mahatā rathamāśu nyapātayat || 6.43.36 ||||
lāghavena tu saṃyukto vidyunmālī niśācaraḥ |apakramya rathāttūrṇaṃ gadāpāṇiḥ kṣitau sthitaḥ || 6.43.37 ||||
tataḥ krodhasamāviṣṭaḥ suṣeṇo haripuṅgavaḥ |śilāṃ sumahatīṃ gṛhya niśācaramabhidravat || 6.43.38 ||||
tamāpatantaṃ gadayā vidyunmālī niśācaraḥ |vakṣasyabhijaghānāśu suṣeṇaṃ harisattamam || 6.43.39 ||||
gadāprahāraṃ taṃ ghoramacintya plavagottamaḥ |tāṃ śilāṃ pātayāmāsa tasyorasi mahāmṛdhe || 6.43.40 ||||
śilāprahārābhihato vidyunmālī niśācaraḥ |niṣpiṣṭahṛdayo bhūmau gatāsurnipapāta ha || 6.43.41 ||||
evaṃ tairvānaraiḥ śūraiḥ śūrāste rajanīcarāḥ |dvandve vimṛditāstatra daityā iva divaukasaiḥ || 6.43.42 ||||
nihataiḥ kuñjarairmattaistathā vānararākṣasaiḥ |cakrākṣayugadaṇḍaiśca bhagnairdharaṇisaṃśritaiḥ |babhūvāyodhanaṃ ghoraṃ gomāyugaṇasaṅkulam || 6.43.43 ||||
kabandhāni samutpeturdikṣu vānararakṣasām |vimarde tumule tasmin devāsuraraṇopame || 6.43.44 ||||
vidāryamāṇā haripuṅgavaistadā niśācarāḥ śoṇitadigdhagātrāḥ |punaḥ suyuddhaṃ tarasā samāsthitā divākarasyāstamayābhikāṅkṣiṇaḥ || 6.43.45 ||
yuddhyatāmeva teṣāṃ tu tadā vānararakṣasām |ravirastaṃ gato rātriḥ pravṛttā prāṇahāriṇī || 6.44.1 ||||
anyonyaṃ baddhavairāṇāṃ ghorāṇāṃ jayamicchatām |sampravṛttaṃ niśāyuddhaṃ tadā vānararakṣasām || 6.44.2 ||||
rākṣaso 'sīti harayo hariścāsīti rākṣasāḥ |anyonyaṃ samare jaghnustasmiṃstamasi dāruṇe || 6.44.3 ||||
jahi dāraya caihīti kathaṃ vidravasīti ca |evaṃ sutumulaḥ śabdastasmiṃstamasi śuśruve || 6.44.4 ||||
kālāḥ kāñcanasannāhāstasmiṃstamasi rākṣasāḥ |samprādṛśyanta śailendrā dīptauṣadhivanā iva || 6.44.5 ||||
tasmiṃstamasi duṣpāre rākṣasāḥ krodhamūrcchitāḥ |paripeturmahāvegā bhakṣayantaḥ plavaṅgamān || 6.44.6 ||||
te hayān kāñcanāpīḍān dhvajāṃścāgniśikhopamān |āplutya daśanaistīkṣṇairbhīmakopā vyadārayan || 6.44.7 ||||
vānarā balino yuddhe 'kṣobhayan rākṣasīṃ camūm |kuñjarān kuñjarārohān patākādhvajino sthān |cakarṣuśca dadaṃśuśca daśanaiḥ krodhamūrcchitāḥ || 6.44.8 ||||
lakṣmaṇaścāpi rāmaśca śarairāśīviṣopamaiḥ |dṛśyādṛśyāni rakṣāṃsi pravarāṇi nijaghnatuḥ || 6.44.9 ||||
turaṅgakhuravidhvastaṃ rathanemisamutthitam |rurodha karṇanetrāṇi yuddhyatāṃ dharaṇīrajaḥ || 6.44.10 ||||
vartamāne mahāghore saṅgrāme romaharṣaṇe |rudhirodā mahāghorā nadyastatra prasusruvuḥ || 6.44.11 ||||
tato bherīmṛdaṅgānāṃ paṇavānāṃ ca nisvanaḥ |śaṅkhaveṇusvanonmiśraḥ sambabhūvādbhutopamaḥ || 6.44.12 ||||
hatānāṃ stanamānānāṃ rākṣasānāṃ ca nisvanaḥ |śastānāṃ vānarāṇāṃ ca sambabhūvātidāruṇaḥ || 6.44.13 ||||
hatairvānaravīraiśca śaktiśūlaparaśvadhaiḥ |nihataiḥ parvatāgraiśca rākṣasaiḥ kāmarūpibhiḥ || 6.44.14 ||||
śastrapuṣpopahārā ca tatrāsīdyuddhamedinī |durjñeyā durniveśā ca śoṇitāsrāvakardamā || 6.44.15 ||||
sā babhūva niśā ghorā harirākṣasahāriṇī |kālarātrīva bhūtānāṃ sarveṣāṃ duratikramā || 6.44.16 ||||
tataste rākṣasāstatra tasmiṃstamasi dāruṇe |rāmamevābhyavartanta saṃsṛṣṭāḥ śaravṛṣṭibhiḥ || 6.44.17 ||||
teṣāmāpatatāṃ śabdaḥ kruddhānāmapi garjatām |udvarta iva saptānāṃ samudrāṇāṃ praśuśruve || 6.44.18 ||||
teṣāṃ rāmaḥ śaraiṣṣaṅbhiṣṣaḍ jaghāna niśācarān |nimeṣāntaramātreṇa śitairagniśikhopamaiḥ || 6.44.19 ||||
yamaśatruśca durdharṣo mahāpārśvamahodarau |vajradaṃṣṭro mahākāyastau cobhau śukasāraṇau || 6.44.20 ||||
te tu rāmeṇa bāṇaughaiḥ sarve marmasu tāḍitāḥ |yuddhādapasṛtāstatra sāvaśeṣāyuṣo 'bhavan || 6.44.21 ||||
tatra kāñcanacitrāṅgaiḥ śarairagniśikhopamaiḥ |diśaścakāra vimalāḥ pradiśaśca mahābalaḥ || 6.44.22 ||||
ye tvanye rākṣasā bhīmā rāmasyābhimukhe sthitāḥ |te 'pi naṣṭāḥ samāsādya pataṅga iva pāvakam || 6.44.23 ||||
suvarṇapuṅkhairviśikhaiḥ sampatadbhiḥ sahasraśaḥ |babhūva rajanī citrā khadyotairiva śāradī || 6.44.24 ||||
rākṣasānāṃ ca ninadairharīṇāṃ cāpi nisvanaiḥ |sā babhūva niśā ghorā bhūyo ghoratarā tadā || 6.44.25 ||||
tena śabdena mahatā pravṛddhena samantataḥ |trikūṭaḥ kandarākīrṇaḥ pravyāharadivācalaḥ || 6.44.26 ||||
golāṅgūlā mahākāyāstamasā tulyavarcasaḥ |sampariṣvajya bāhubhyāṃ bhakṣayan rajanīcarān || 6.44.27 ||||
aṅgadastu raṇe śatruṃ nihantuṃ samupasthitaḥ |rāvaṇiṃ nijaghānāśu sārathiṃ ca hayānapi || 6.44.28 ||||
vartamāne tadā ghore saṅgrāme bhṛśadāruṇe |indrajittu rathaṃ tyaktvā hatāśvo hatasārathiḥ |aṅgadena mahākāyastatraivāntaradhīyata || 6.44.29 ||||
tatkarma vāliputrasya sarve devāḥ saharṣibhiḥ |tuṣṭuvuḥ pūjanārhasya tau cobhau rāmalakṣmaṇau || 6.44.30 ||||
prabhāvaṃ sarvabhūtāni vidurindrajito yudhi |tena te taṃ mahātmānaṃ tuṣṭā dṛṣṭvā pradharṣitam || 6.44.31 ||||
tataḥ prahṛṣṭāḥ kapayaḥ sasugrīvavibhīṣaṇāḥ |sādhu sādhviti neduśca dṛṣṭvā śatruṃ pradharṣitam || 6.44.32 ||||
indrajittu tadā tena nirjito bhīmakarmaṇā |saṃyuge vāliputreṇa krodhaṃ cakre sudāruṇam || 6.44.33 ||||
etasminnantare rāmo vānarān vākyamabravīt || 6.44.34 ||||
sarve bhavantastiṣṭhantu kapirājena saṅgatāḥ || 6.44.35 ||||
sa brahmaṇā dattavarastrailokyaṃ bādhate bhṛśam |bhavatāmarthasiddhyarthaṃ kālena sa samāgataḥ |adyaiva kṣamitavyaṃ me bhavanto vigatajvarāḥ || 6.44.36 ||||
so 'ntardhānagataḥ pāpo rāvaṇī raṇakarkaśaḥ |adṛśyo niśitān bāṇān mumocāśanivarcasaḥ || 6.44.37 ||||
sa rāmaṃ lakṣmaṇaṃ caiva ghorairnāgamayaiḥ śaraiḥ |bibheda samare kruddhaḥ sarvagātreṣu rākṣasaḥ || 6.44.38 ||||
māyayā saṃvṛtastatra mohayan rāghavau yudhi |adṛśyaḥ sarvabhūtānāṃ kūṭayodhī niśācaraḥ |babandha śarabandhena bhrātarau rāmalakṣmaṇau || 6.44.39 ||||
tau tena puruṣavyāghrau kruddhenāśīviṣaiḥ śaraiḥ |sahasā nihatau vīrau tadā praikṣanta vānarāḥ || 6.44.40 ||||
prakāśarūpastu yadā na śaktastau bādhituṃ rākṣasarājaputraḥ |māyāṃ prayoktuṃ samupājagāma babandha tau rājasutau mahātmā || 6.44.41 ||
sa tasya gatimanvicchan rājaputraḥ pratāpavān |dideśātibalo rāmo daśa vānarayūthapān || 6.45.1 ||||
dvau suṣeṇasya dāyādau nīlaṃ ca plavagarṣabham |aṅgadaṃ vāliputraṃ ca śarabhaṃ ca tarasvinam || 6.45.2 ||||
vinataṃ jāmbavantaṃ ca sānuprasthaṃ mahābalam |ṛṣabhaṃ carṣabhaskandhamādideśa parantapaḥ || 6.45.3 ||||
te samprahṛṣṭā harayo bhīmānudyamya pādapān |ākāśaṃ viviśuḥ sarve mārgamāṇā diśo daśa || 6.45.4 ||||
teṣāṃ vegavatāṃ vegamiṣubhirvegavattaraiḥ |astravit paramāstraistu vārayāmāsa rāvaṇiḥ || 6.45.5 ||||
taṃ bhīmavegā harayo nārācaiḥ kṣatavigrahāḥ |andhakāre na dadṛśurmeghaiḥ sūryamivāvṛtam || 6.45.6 ||||
rāmalakṣmaṇayoreva sarvadehabhidaḥ śarān |bhṛśamāveśayāmāsa rāvaṇiḥ samitiñjayaḥ || 6.45.7 ||||
nirantaraśarīrau tau bhrātarau rāmalakṣṇau |kruddhenendrajitā vīrau pannagaiḥ śaratāṃ gataiḥ || 6.45.8 ||||
tayoḥ kṣatajamārgeṇa susrāva rudhiraṃ bahu |tāvubhau ca prakāśete puṣpitāviva kiṃśukau || 6.45.9 ||||
tataḥ paryantaraktākṣo bhinnāñjanacayopamaḥ |rāvaṇirbhrātarau vākyamantardhānagato 'bravīt || 6.45.10 ||||
yuddhyamānamanālakṣyaṃ śakro 'pi tridaśeśvaraḥ |draṣṭumāsādituṃ vāpi na śaktaḥ kiṃ punaryuvām || 6.45.11 ||||
prāvṛtāviṣujālena rāghavau kaṅkapatriṇā |eṣa roṣaparītātmā nayāmi yamasādanam || 6.45.12 ||||
evamuktvā tu dharmajñau bhrātarau rāmalakṣmaṇau |nirbibheda śitairbāṇaiḥ prajaharṣa nanāda ca || 6.45.13 ||||
bhinnāñjanacayaśyāmo visphārya vipulaṃ dhanuḥ |bhūyo bhūyaḥ śarān ghorān visasarja mahāmṛdhe || 6.45.14 ||||
tato marmasu marmajño majjayanniśitān śarān |rāmalakṣmaṇayorvīro nanāda ca muhurmuhuḥ || 6.45.15 ||||
baddhau tu śarabandhena tāvubhau raṇamūrdhani |nimeṣāntaramātreṇa na śekaturudīkṣitum || 6.45.16 ||||
tato vibhinnasarvāṅgau śaraśalyācitāvubhau |dhvajāviva mahendrasya rajjumuktau prakampitau || 6.45.17 ||||
tau sampracalitau vīrau marmabhedena karśitau |nipetaturmaheṣvāsau jagatyāṃ jagatīpatī || 6.45.18 ||||
tau vīraśayane vīrau śayānau rudhirokṣitau |śaraveṣṭitasarvāṅgāvārtau paramapīḍitau || 6.45.19 ||||
na hyaviddhaṃ tayorgātre babhūvāṅgulamantaram |nānirbhinnaṃ na cāstabdhamākarāgrādajihmagaiḥ || 6.45.20 ||||
tau tu krūreṇa nihatau rakṣasā kāmarūpiṇā |asṛk susruvatustīvraṃ jalaṃ prasravaṇāviva || 6.45.21 ||||
papāta prathamaṃ rāmo viddho marmasu mārgaṇaiḥ |krodhādindrajitā yena purā śakro vinirjitaḥ || 6.45.22 ||||
rukmapuṅkhaiḥ prasannāgrairadhogatibhirāśugaiḥ |nārācairardhanārācairbhallairañjalikairapi |vivyādha vatsadantaiśca siṃhadaṃṣṭraiḥ kṣuraistathā || 6.45.23 ||||
sa vīraśayane śiśye vijyamādāya kārmukam |bhinnamuṣṭiparīṇāhaṃ trinataṃ ratnabhūṣitam || 6.45.24 ||||
bāṇapātāntare rāmaṃ patitaṃ puruṣarṣabham |sa tatra lakṣmaṇo dṛṣṭvā nirāśo jīvite 'bhavat || 6.45.25 ||||
rāmaṃ kamalapatrākṣaṃ śarabandhaparikṣatam |śuśoca bhrātaraṃ dṛṣṭvā patitaṃ gharaṇītale || 6.45.26 ||||
harayaścāpi taṃ dṛṣṭvā santāpaṃ paramaṃ gatāḥ || 6.45.27 ||||
baddhau tu vīrau patitau śayānau tau vānarāḥ samparivārya tasthuḥ |samāgatā vāyusutapramukhyā viṣādamārtāḥ paramaṃ ca jagmuḥ || 6.45.28 ||
tato dyāṃ pṛthivīṃ caiva vīkṣamāṇā vanaukasaḥ |dadṛśuḥ santatau bāṇairbhrātarau rāmalakṣmaṇau || 6.46.1 ||||
vṛṣṭvevoparate deve kṛtakarmaṇi rākṣase |ājagāmātha taṃ deśaṃ sasugrīvo vibhīṣaṇaḥ || 6.46.2 ||||
nīladvividamaindāśca suṣeṇakumudāṅgadāḥ |tūrṇaṃ hanumatā sārdhamanvaśocanta rāghavau || 6.46.3 ||||
aceṣṭau mandaniśvāsau śoṇitaughapariplutau |śarajālācitau stabdhau śayānau śaratalpayoḥ || 6.46.4 ||||
niśvasantau yathā sarpau niśceṣṭau mandavikramau |rudhirasrāvadigdhāṅgau tāpanīyāviva dhvajau || 6.46.5 ||||
tau vīraśayane vīrau śayanau mandaceṣṭitau |yūthapaistaiḥ parivṛtau bāṣpavyākulalocanaiḥ || 6.46.6 ||||
rāghavau patitau dṛṣṭvā śarajālasamāvṛtau |babhūvurvyathitāḥ sarve vānarāḥ savibhīṣaṇāḥ || 6.46.7 ||||
antarikṣaṃ nirīkṣanto diśaḥ sarvāśca vānarāḥ |na cainaṃ māyayā cchannaṃ dadṛśū rāvaṇiṃ raṇe || 6.46.8 ||||
ta tu māyāpraticchannaṃ māyayaiva vibhīṣaṇaḥ |vīkṣamāṇo dadarśātha bhrātuḥ putramavasthitam || 6.46.9 ||||
tamapratimakarmāṇamapratidvandvamāhave |dadarśāntarhitaṃ vīraṃ varadānādvibhīṣaṇaḥ || 6.46.10 ||||
tejasā yaśasā caiva vikrameṇa ca saṃyutam || 6.46.11 ||||
indrajittvātmanaḥ karma tau śayānau samīkṣya ca |uvāca paramaprīto harṣayan sarvanairṛtān || 6.46.12 ||||
dūṣaṇasya ca hantārau kharasya ca mahābalau |sāditau māmakairbāṇairbhrātarau rāmalakṣṇau || 6.46.13 ||||
nemau mokṣayituṃ śakyāvetasmādiṣubandhanāt |sarvairapi samāgamya sarṣisaṅghaiḥ surāsuraiḥ || 6.46.14 ||||
yatkṛte cintayānasya śokārtasya piturmama |aspṛṣṭvā śayanaṃ gātraistriyāmā yāti śarvarī || 6.46.15 ||||
kṛtsneyaṃ yatkṛte laṅkā nadī varṣāsvivākulā |so 'yaṃ mūlaharo 'narthaḥ sarveṣāṃ nihato mayā || 6.46.16 ||||
rāmasya lakṣmaṇasyāpi sarveṣāṃ ca vanaukasām |vikramā niṣphalāḥ sarve yathā śaradi toyadāḥ || 6.46.17 ||||
evamuktvā tu tān sarvān rākṣasān paripārśvataḥ |yūthapānapi tān sarvāṃstāḍayāmāsa rāvaṇiḥ || 6.46.18 ||||
nīlaṃ navabhirāhatya maindaṃ ca dvividaṃ tathā |tribhistribhiramitraghnastatāpa pravareṣubhiḥ || 6.46.19 ||||
jāmbavantaṃ maheṣvāso viddhvā bāṇena vakṣasi |hanūmato vegavato visasarja śarān daśa || 6.46.20 ||||
gavākṣaṃ śarabhaṃ caiva dvāvapyamitatejasau |dvābhyāṃ dvābhyāṃ mahāvego vivyādha yudhi rāvaṇiḥ || 6.46.21 ||||
golāṅgūleśvaraṃ caiva vāliputramathāṅgadam |vivyādha bahubhirbāṇaistvaramāṇo 'tha rāvaṇiḥ || 6.46.22 ||||
tān vānaravarān bhittvā śarairagniśikhopamaiḥ |nanāda balavāṃstatra mahāsattvaḥ sa rāvaṇiḥ || 6.46.23 ||||
tānardayitvā bāṇaughaistrāsayitvā ca vānarān |prajahāsa mahābāhurvacanaṃ cedamabravīt || 6.46.24 ||||
śarabandhena ghoreṇa mayā baddhau camūmukhe |sahitau bhrātarāvetau niśāmayata rākṣasāḥ || 6.46.25 ||||
evamuktāstu te sarve rākṣasāḥ kūṭayodhinaḥ |paraṃ vismayamājagmuḥ karmaṇā tena harṣitāḥ || 6.46.26 ||||
vineduśca mahānādān sarvato jaladopamāḥ |hato rāma iti jñātvā rāvaṇiṃ samapūjayan || 6.46.27 ||||
niṣpandau tu tadā dṛṣṭvā tāvubhau rāmalakṣmaṇau |vasudhāyāṃ nirucchvāsau hatāvityanvamanyata || 6.46.28 ||||
harṣeṇa tu samāviṣṭa indrajit samitiñjayaḥ |praviveśa purīṃ laṅkāṃ harṣayan sarvarākṣasān || 6.46.29 ||||
rāmalakṣmaṇayorddaṣṭvā śarīre sāyakaiścite |sarvāṇi cāṅgopāṅgāni sugrīvaṃ bhayamāviśat || 6.46.30 ||||
tamuvāca paritrastaṃ vānarendraṃ vibhīṣaṇaḥ |sabāṣpavadanaṃ dīnaṃ śokavyākulalocanam || 6.46.31 ||||
alaṃ trāsena sugrīva bāṣpavego nigṛhyatām |evaṃ prāyāṇi yuddhāni vijayo nāsti naiṣṭhikaḥ || 6.46.32 ||||
saśeṣabhāgyatā 'smākaṃ yadi vīra bhaviṣyati |mohametau prahāsyete mahātmānau mahābalau || 6.46.33 ||||
paryavasthāpayātmānamanāthaṃ māṃ ca vānara |satyadharmābhiraktānāṃ nāsti mṛtyukṛtaṃ bhayam || 6.46.34 ||||
evamuktvā tatastasya jalaklinnena pāṇinā |sugrīvasya śubhe netre pramamārja vibhiṣaṇaḥ || 6.46.35 ||||
tataḥ salilamādāya vidyayā parijapya ca |sugrīvanetre dharmātmā sa mamārja vibhīṣaṇaḥ || 6.46.36 ||||
pramṛjya vadanaṃ tasya kapirājasya dhīmataḥ |abravīt kālasamprāptamasambhramamidaṃ vacaḥ || 6.46.37 ||||
na kālaḥ kapirājendra vaiklavyamanuvartitum |atisneho 'pyakāle 'smin maraṇāyopakalpate || 6.46.38 ||||
tasmādutsṛjya vaiklavyaṃ sarvakāryavināśanam |hitaṃ rāmapurogāṇāṃ sainyānāmanucintyatām || 6.46.39 ||||
athavā rakṣyatāṃ rāmo yāvat sañjñāviparyayaḥ |labdhasañjñau hi kākutsthau bhayaṃ no vyapaneṣyataḥ || 6.46.40 ||||
naitat kiñcana rāmasya na ca rāmo mumūrṣati |na hyenaṃ hāsyate lakṣmīrdurlabhā yā gatāyuṣām || 6.46.41 ||||
tasmādāśvāsayātmānaṃ balaṃ cāśvāsaya svakam |yāvat kāryāṇi sarvāṇi punaḥ saṃsthāpayāmyaham || 6.46.42 ||||
ete hi phullanayanāstrāsādāgatasādhvasāḥ |karṇe karṇe prakathitā harayo harisattama || 6.46.43 ||||
māṃ tu dṛṣṭvā pradhāvantamanīkaṃ sampraharṣitum |tyajantu harayastrāsaṃ bhuktapūrvāmiva srajam || 6.46.44 ||||
samāśvāsya tu sugrīvaṃ rākṣasendro vibhīṣaṇaḥ |vidrutaṃ vānarānīkaṃ tatsamāśvāsayat punaḥ || 6.46.45 ||||
indrajittu mahāmāyaḥ sarvasainyasamāvṛtaḥ |viveśa nagarīṃ laṅkāṃ pitaraṃ cābhyupāgamat || 6.46.46 ||||
tatra rāvaṇamāsīnamabhivādya kṛtāñjaliḥ |ācacakṣe priyaṃ pitre nihatau rāmalakṣmaṇau || 6.46.47 ||||
utpapāta tato hṛṣṭaḥ putraṃ ca pariṣasvaje |rāvaṇo rakṣasāṃ madhye śrutvā śatrū nipātitau |upāghrāya sa mūrdhnyenaṃ papraccha prītamānasaḥ || 6.46.48 ||||
pṛcchate ca yathāvṛttaṃ pitre sarvaṃ nyavedayat |yathā tau śarabandhena niśceṣṭau niṣprabhau kṛtau || 6.46.49 ||||
sa harṣavegānugatāntarātmā śrutvā vacastasya mahārathasya |jahau jvaraṃ dāśaratheḥ samutthitaṃ prahṛṣya vācā 'bhinananda putram || 6.46.50 ||
pratipraviṣṭe laṅkāṃ tu kṛtārthe rāvaṇātmaje |rāghavaṃ parivāryārtā rarakṣurvānararṣabhāḥ || 6.47.1 ||||
hanumānaṅgado nīlaḥ suṣeṇaḥ kumudo nalaḥ |gajo gavākṣo gavayaḥ śarabho gandhamādanaḥ |jāmbavānṛṣabhaḥ skandho rambhaḥ śatavaliḥ pṛthuḥ || 6.47.2 ||||
vyūḍhānīkāśca yattāśca drumānādāya sarvataḥ |vīkṣamāṇā diśaḥ sarvāstiryagūrdhvaṃ ca vānarāḥ |tṛṇeṣvapi ca ceṣṭatsu rākṣasā iti menire || 6.47.3 ||||
rāvaṇaścāpi saṃhṛṣṭo visṛjyendrajitaṃ sutam |ājuhāva tataḥ sītārakṣiṇī rākṣasīstadā || 6.47.4 ||||
rākṣasyastrijaṭā caiva śāsanāt samupasthitāḥ || 6.47.5 ||||
tā uvāca tato hṛṣṭo rākṣasī rākṣasādhipaḥ || 6.47.6 ||||
hatāvindrajitā ' 'khyāta vaidehyā rāmalakṣmaṇau |puṣpakaṃ ca samāropya darśayadhvaṃ hatau raṇe || 6.47.7 ||||
yadāśrayādavaṣṭabdhā neyaṃ māmupatiṣṭhati |so 'syā bharttā saha bhrātrā nirasto raṇamūrdhani || 6.47.8 ||||
nirviśaṅkā nirudvignā nirapekṣā ca maithilī |māmupasthāsyate sītā sarvābharaṇabhūṣitā || 6.47.9 ||||
adya kālavaśaṃ prāptaṃ raṇe rāmaṃ salakṣmaṇam |avekṣya vinivṛttāśā cānyāṃ gatimapaśyatī |nirapekṣā viśālākṣī māmupasthāsyate svayam || 6.47.10 ||||
tasya tadvacanaṃ ca śrutvā rāvaṇasya durātmanaḥ |rākṣasyastāstathetyuktvā jagmurvai yatra puṣpakam || 6.47.11 ||||
tataḥ puṣpakamādāya rākṣasyo rāvaṇājñayā |aśokavanikāsthāṃ tāṃ maithilīṃ samupānayan || 6.47.12 ||||
tāmādāya tu rākṣasyo bhartṛśokaparājitām |sītāmāropayāmāsurvimānaṃ puṣpakaṃ tadā || 6.47.13 ||||
tataḥ puṣpakamāropya sītāṃ trijaṭayā saha |jagmurdarśayituṃ tasyai rākṣasyo rāmalakṣmaṇau || 6.47.14 ||||
rāvaṇo 'kārayallaṅkāṃ patākādhvajamālinīm |prāghoṣayata hṛṣṭaśca laṅkāyāṃ rākṣaseśvaraḥ |rāghavo lakṣmaṇaścaiva hatāvindrajitā raṇe || 6.47.15 ||||
vimānenāpi sītā tu gatvā trijaṭayā saha |dadarśa vānarāṇāṃ tu sarvaṃ sainyaṃ nipātitam || 6.47.16 ||||
prahṛṣṭamanasaścāpi dadarśa piśitāśanān |vānarāṃścāpi duḥkhārtān rāmalakṣmaṇapārśvataḥ || 6.47.17 ||||
tataḥ sītā dadarśobhau śayānau śaratalpayoḥ |lakṣmaṇaṃ cāpi rāmaṃ ca visañjñau śarapīḍitau || 6.47.18 ||||
vidhvastakavacau vīrau vipraviddhaśarāsanau |sāyakaiśchinnasarvāṅgau śarastambamayau kṣitau || 6.47.19 ||||
tau dṛṣṭvā bhrātarau tatra vīrau sā puruṣarṣabhau |śayānau puṇḍarīkākṣau kumārāviva pāvakī || 6.47.20 ||||
śaratalpagatau vīrau tathābhūtau nararṣabhau |duḥkhārtā subhṛśaṃ sītā suciraṃ vilalāpa ha || 6.47.21 ||||
bhartāramanavadyāṅgī lakṣmaṇaṃ cāsitekṣaṇā |prekṣya pāṃsuṣu veṣṭantau ruroda janakātmajā || 6.47.22 ||||
sā bāṣpaśokābhihatā samīkṣya tau bhrātarau devasamaprabhāvau |vitarkayantī nidhanaṃ tayoḥ sā duḥkhānvitā vākyamidaṃ jagāda || 6.47.23 ||
bhartāraṃ nihataṃ dṛṣṭvā lakṣmaṇaṃ ca mahāvalam |vilalāpa bhṛśaṃ sītā karuṇaṃ śokakarśitā || 6.48.1 ||||
ūcurlakṣaṇino ye māṃ putriṇyavidhaveti ca |te 'dya sarve hate rāme jñānino 'nṛtavādinaḥ || 6.48.2 ||||
yajvano mahiṣīṃ ye māmūcuḥ patnīṃ ca satriṇaḥ |te 'dya sarve hate rāme jñānino 'nṛtavādinaḥ || 6.48.3 ||||
ūcuḥ saṃśravaṇe ye māṃ dvijāḥ kārtāntikāḥ śubhām |te 'dya sarve hate rāme jñānino 'nṛtavādinaḥ || 6.48.4 ||||
vīrapārthivapatnī tvaṃ ye dhanyeti ca māṃ viduḥ |te 'dya sarve hate rāme jñānino 'nṛtavādinaḥ || 6.48.5 ||||
imāni khalu padmāni pādayoryaiḥ kila striyaḥ |ādhirājye 'bhiṣicyante narendraiḥ patibhiḥ saha || 6.48.6 ||||
vaidhavyaṃ yānti yairnāryo lakṣaṇairbhāgyadurlabhāḥ |nātmanastāni paśyāmi paśyantī hatalakṣaṇā || 6.48.7 ||||
satyanāmāni padmāni strīṇāmuktāni lakṣaṇaiḥ |tānyadya nihate rāme vitathāni bhavanti me || 6.48.8 ||||
keśāḥ sūkṣmāḥ samā nīlā bhruvau cāsaṅgate mama |vṛtte cāromaśe jaṅghe dantāścāviralā mama || 6.48.9 ||||
śaṅkhe netre karau pādau gulphāvūrū ca me citau |anuvṛttanakhāḥ snigdhāḥ samāścāṅgulayo mama || 6.48.10 ||||
stanau cāviralau pīnau mamemau magnacūcukau |magnā cotsaṅginī nābhiḥ pārśvoraskāśca me citāḥ || 6.48.11 ||||
mama varṇo maṇinibho mṛdūnyaṅgaruhāṇi ca |pratiṣṭhitāṃ dvādaśabhirmāmūcuḥ śubhalakṣaṇām || 6.48.12 ||||
samagrayavamacchidraṃ pāṇipādaṃ ca varṇavat |mandasmitetyeva ca māṃ kanyālakṣaṇino dvijāḥ || 6.48.13 ||||
ādhirājye 'bhiṣeko me brāhmaṇaiḥ patinā saha |kṛtāntakuśalairuktaṃ tatsarvaṃ vitathīkṛtam || 6.48.14 ||||
śodhayitvā janasthānaṃ pravṛttimupalabhya ca |tīrtvā sāgaramakṣobhyaṃ bhrātarau goṣpade hatau || 6.48.15 ||||
nanu vāruṇamāgneyamaindraṃ vāyavyameva ca |astraṃ brahmaśiraścaiva rāghavau pratyapadyatām || 6.48.16 ||||
adṛśyamānena raṇe māyayā vāsavopamau |mama nāthāvanāthāyā nihatau rāmalakṣmaṇau || 6.48.17 ||||
na hi dṛṣṭipathaṃ prāpya rāghavasya raṇe ripuḥ |jīvan pratinivarteta yadyapi syānmanojavaḥ || 6.48.18 ||||
na kālasyātibhāro 'sti kṛtāntaśca sudurjayaḥ |yatra rāmaḥ saha bhrātrā śete yudhi nipātitaḥ || 6.48.19 ||||
na śocāmi tathā rāmaṃ lakṣmaṇaṃ ca mahābalam |nātmānaṃ jananīṃ vāpi yathā śvaśrūṃ tapasvinīm || 6.48.20 ||||
sā 'nucintayate nityaṃ samāptavratamāgatam |kadā drakṣyāmi sītāṃ ca lakṣmaṇaṃ ca sarāghavam || 6.48.21 ||||
paridevayamānāṃ tāṃ rākṣasī trijaṭā 'bravīt || 6.48.22 ||||
mā viṣādaṃ kṛthā devi bhartā 'yaṃ tava jīvati || 6.48.23 ||||
kāraṇāni ca vakṣyāmi mahānti sadṛśāni ca |yathemau jīvato devi bhrātarau rāmalakṣmaṇau || 6.48.24 ||||
nahi kopaparītāni harṣaparyutsukāni ca |bhavanti yudhi yodhānāṃ mukhāni nihate patau || 6.48.25 ||||
idaṃ vimānaṃ vaidehi puṣpakaṃ nāma nāmataḥ |divyaṃ tvāṃ dhārayennaivaṃ yadyetau gatajīvitau || 6.48.26 ||||
hatavīrapradhānāṃ hi hatautsāhā nirudyamā |senā bhramati saṅkhyeṣu hatakarṇeva naurjale || 6.48.27 ||||
iyaṃ punarasambhrāntā nirudvignā tarasvinī |senā rakṣati kākutsthau mayā prītyā niveditau || 6.48.28 ||||
sā tvaṃ bhava suvisrabdhā anumānaiḥ sukhodayaiḥ |ahatau paśya kākutsthau snehādetad bravīmi te || 6.48.29 ||||
anṛtaṃ noktapūrvaṃ me na ca vakṣye kadācana |cāritrasukhaśīlatvāt praviṣṭā 'si mano mama || 6.48.30 ||||
nemau śakyau raṇe jetuṃ sendrairapi surāsuraiḥ |tādṛśaṃ darśanaṃ dṛṣṭvā mayā cāveditaṃ tava |idaṃ ca sumahaccihnaṃ śanaiḥ paśyasva maithili || 6.48.31 ||||
nissañjñāvapyubhāvetau naiva lakṣmīrviyujyate |prāyeṇa gatasattvānāṃ puruṣāṇāṃ gatāyuṣām |dṛśyamāneṣu vaktreṣu paraṃ bhavati vaikṛtam || 6.48.32 ||||
tyaja śokaṃ ca mohaṃ ca duḥkhaṃ ca janakātmaje |rāmalakṣmaṇayorarthe nādya śakyamajīvitum || 6.48.33 ||||
śrutvā tu vacanaṃ tasyāḥ sītā surasutopamā |kṛtāñjaliruvācedamevamastviti maithilī || 6.48.34 ||||
vimānaṃ puṣpakaṃ tattu sannivartya manojavam |dīnā trijaṭayā sītā laṅkāmeva praveśitā || 6.48.35 ||||
tatastrijaṭayā sārdhaṃ puṣpakādavaruhya sā |aśokavanikāmeva rākṣasībhiḥ praveśitā || 6.48.36 ||||
praviśya sītā bahuvṛkṣaṣaṇḍāṃ tāṃ rākṣasendrasya vihārabhūmim |samprekṣya sañcintya ca rājaputrau paraṃ viṣādaṃ samupājagāma || 6.48.37 ||
ghoreṇa śarabandhena baddhau daśarathātmajau |niśvasantau yathā nāgau śayānau rudhirokṣitau || 6.49.1 ||||
sarve te vānaraśreṣṭhāḥ sasugrīvā mahābalāḥ |parivārya mahātmānau tasthuḥ śokapariplutāḥ || 6.49.2 ||||
etasminnantare rāmaḥ pratyabudhyata vīryavān |sthiratvāt sattvayogācca śaraiḥ sandānito 'pi san || 6.49.3 ||||
tato dṛṣṭvā sarudhiraṃ viṣaṇṇaṃ gāḍhamarpitam |bhrātaraṃ dīnavadanaṃ paryadevayadāturaḥ || 6.49.4 ||||
kiṃ nu me sītayā kāryaṃ kiṃ kāryaṃ jīvitena vā |śayānaṃ yo 'dya paśyāmi bhrātaraṃ yudhi nirjitam || 6.49.5 ||||
śakyā sītāsamā nārī martyaloke vicinvatā |na lakṣmaṇasamo bhrātā sacivaḥ sāmparāyikaḥ || 6.49.6 ||||
parityakṣyāmyahaṃ prāṇaṃ vānarāṇāṃ tu paśyatām |yadi pañcatvamāpannaḥ sumitrānandavardhanaḥ || 6.49.7 ||||
kiṃ nu vakṣyāmi kausalyāṃ mātaraṃ kiṃ nu kaikayīm |kathamambhāṃ sumitrāṃ ca putradarśanalālasām || 6.49.8 ||||
vivatsāṃ vepamānāṃ ca krośantīṃ kurarīmiva |kathamāśvāsayiṣyāmi yadā yāsyāmi taṃ vinā || 6.49.9 ||||
kathaṃ vakṣyāmi śatrughnaṃ bharataṃ ca yaśasvinam || 6.49.10 ||||
mayā saha vanaṃ yāto vinā tena gataḥ punaḥ |upālambhaṃ na śakṣyāmi soḍhuṃ bata sumitrayā || 6.49.11 ||||
ihaiva dehaṃ tyakṣyāmi na hi jīvitumutsahe || 6.49.12 ||||
dhiṅmāṃ duṣkṛtakarmāṇamanāryaṃ yatkṛte hyasau |lakṣmaṇaḥ patitaḥ śete śaratalpe gatāsuvat || 6.49.13 ||||
tvaṃ nityaṃ sa viṣaṇṇaṃ māmāśvāsayasi lakṣmaṇa |gatāsurnādya śaknoṣi māmārtamabhibhāṣitum || 6.49.14 ||||
yenādya nihatā yuddhe rākṣasā vinipātitāḥ |tasyameva kṣitau vīraḥ sa śete nihataḥ paraiḥ || 6.49.15 ||||
śayānaḥ śaratalpe 'smin svaśoṇitapariplutaḥ |śarajālaiścito bhāti bhāskaro 'stamiva vrajan || 6.49.16 ||||
bāṇābhihatamarmatvānna śaknotyabhibhāṣitum |rujā cābruvato 'pyasya dṛṣṭirāgeṇa sūcyate || 6.49.17 ||||
yathaiva māṃ vanaṃ yāntamanuyāto mahādyutiḥ |ahamapyanuyāsyāmi tathaivainaṃ yamakṣayam || 6.49.18 ||||
iṣṭabandhujano nityaṃ māṃ ca nityamanuvrataḥ |imāmadya gato 'vasthāṃ mamānāryasya durnayaiḥ || 6.49.19 ||||
suruṣṭenāpi vīreṇa lakṣmaṇena na saṃsmare |paruṣaṃ vipriyaṃ vāpi śrāvitaṃ tu kadācana || 6.49.20 ||||
visasarjaikavegena pañcabāṇaśatāni yaḥ |iṣvastreṣvadhikastasmāt kārtavīryācca lakṣmaṇaḥ || 6.49.21 ||||
astrairastrāṇi yo hanyācchakrasyāpi mahātmanaḥ |so 'yamurvyāṃ hataḥ śete mahārhaśayanocitaḥ || 6.49.22 ||||
yanmayā na kṛto rājā rākṣasānāṃ vibhīṣaṇaḥ |tacca mithyāpralaptaṃ māṃ pradhakṣyati na saṃśayaḥ || 6.49.23 ||||
asminmuhūrte sugrīva pratiyātumito 'rhasi |matvā hīnaṃ mayā rājan rāvaṇo 'bhidravedbalī || 6.49.24 ||||
aṅgadaṃ tu puraskṛtya sasainyaḥ sasuhṛjjanaḥ |sāgaraṃ tara sugrīva nīlena ca nalena ca || 6.49.25 ||||
kṛtaṃ hanumatā kāryaṃ yadanyairduṣkaraṃ raṇe |ṛkṣarājena tuṣyāmi golāṅgūlādhipena ca || 6.49.26 ||||
aṅgadena kṛtaṃ karma maindena dvividena ca |yuddhaṃ kesariṇā saṅkhye ghoraṃ sampātinā kṛtam || 6.49.27 ||||
gavayena gavākṣeṇa śarabheṇa gajena ca |anyaiśca haribhiryuddhaṃ madarthe tyaktajīvitaiḥ |na cātikramituṃ śakyaṃ daivaṃ sugrīvamānuṣaiḥ || 6.49.28 ||||
yattu śakyaṃ vayasyena suhṛdā ca parantapa |kṛtaṃ sugrīva tatsarvaṃ bhavatā dharmabhīruṇā || 6.49.29 ||||
mitrakāryaṃ kṛtamidaṃ bhavadbhirvānararṣabhāḥ |anujñātā mayā sarve yatheṣṭaṃ gantumarhatha || 6.49.30 ||||
śuśruvastasya te sarve vānarāḥ paridevanam |vartayāñcakuraśrūṇi netraiḥ kṛṣṇetarekṣaṇāḥ || 6.49.31 ||||
tataḥ sarvāṇyanīkāni sthāpayitvā vibhīṣaṇaḥ |ājagāma gadāpāṇistvarito yatra rāghavaḥ || 6.49.32 ||||
taṃ dṛṣṭvā tvaritaṃ yāntaṃ nīlāñjanacayopamam |vānarā dudruvuḥ sarve manyamānāstu rāvaṇim * || 6.49.33 ||
athovāca mahātejā harirājo mahābalaḥ |kimiyaṃ vyathitā senā mūḍhavāteva naurjale || 6.50.1 ||||
sugrīvasya vacaḥ śrutvā vāliputro 'ṅgado 'bravīt || 6.50.2 ||||
na tvaṃ paśyasi rāmaṃ ca lakṣmaṇaṃ ca mahābalam |śarajālācitau vīrāvubhau daśarathātmajau |śaratalpe mahātmānau śayānau rudhirokṣitau || 6.50.3 ||||
athābravīdvānarendraḥ sugrīvaḥ putramaṅgadam |nānimittamidaṃ manye bhavitavyaṃ bhayena tu || 6.50.4 ||||
viṣaṇṇavadanā hyete tyaktapraharaṇā diśaḥ |prapalāyanti harayastrāsādutphullalocanāḥ || 6.50.5 ||||
anyonyasya na lajjante na nirīkṣanti pṛṣṭhataḥ |viprakarṣanti cānyonyaṃ patitaṃ laṅghayanti ca || 6.50.6 ||||
etasminnantare vīro gadāpāṇirvibhīṣaṇaḥ |sugrīvaṃ vardhayāmāsa rāghavaṃ ca niraikṣata || 6.50.7 ||||
vibhīṣaṇaṃ taṃ sugrīvo dṛṣṭvā vānarabhīṣaṇam |ṛkṣarājaṃ samīpasthaṃ jāmbavantamuvāca ha || 6.50.8 ||||
vibhīṣaṇo 'yaṃ samprapto yaṃ dṛṣṭvā vānararṣabhāḥ |vidravanti paritrastā rāvaṇātmajaśaṅkayā || 6.50.9 ||||
śīghrametān susantrastān bahudhā vipradhāvitān |praryavasthāpayākhyāhi vibhīṣaṇamupasthitam || 6.50.10 ||||
sugrīveṇaivamuktastu jāmbavānṛkṣapārthivaḥ |vānarān sāntvayāmāsa sannirudhya pradhāvataḥ || 6.50.11 ||||
te nivṛttāḥ punaḥ sarve vānarāstyaktasambhramāḥ |ṛkṣarājavacaḥ śrutvā taṃ ca dṛṣṭvā vibhīṣaṇam || 6.50.12 ||||
vibhīṣaṇastu rāmasya dṛṣṭvā gātraṃ śaraiścitam |lakṣmaṇasya ca dharmātmā babhūva vyathitendriyaḥ || 6.50.13 ||||
jalaklinnena hastena tayornetre pramṛjya ca |śokasampīḍitamanā ruroda vilalāpa ca || 6.50.14 ||||
imau tau sattvasampannau vikrāntau priyasaṃyugau |imāmavasthāṃ gamitau rākṣasaiḥ kūṭayodhibhiḥ || 6.50.15 ||||
bhrātuḥ putreṇa me tena duṣputreṇa durātmanā |rākṣasyā jihmayā buddhyā cālitāvṛjuvikramau || 6.50.16 ||||
śarairimāvalaṃ viddhau rudhireṇa samukṣitau |vasudhāyāmimau suptau dṛśyete śalyakāviva || 6.50.17 ||||
yayorvīryamupāśritya pratiṣṭhā kāṅkṣitā mayā |tāvubhau dehanāśāya prasuptau puruṣarṣabhau || 6.50.18 ||||
jīvannadya vipanno 'smi naṣṭarājyamanorathaḥ |prāptapratijñaśca ripuḥ sakāmo rāvaṇaḥ kṛtaḥ || 6.50.19 ||||
evaṃ vilapamānaṃ taṃ pariṣvajya vibhīṣaṇam |sugrīvaḥ sattvasampanno harirājo 'bravīdidam || 6.50.20 ||||
rājyaṃ prāpsyasi dharmajña laṅkāyāṃ nātra saṃśayaḥ |rāvaṇaḥ saha putreṇa sakāmaṃ neha lapsyate || 6.50.21 ||||
na rujā pīḍitāvetāvubhau rāghavalakṣmaṇau |tyaktvā mohaṃ vadhiṣyete sagaṇaṃ rāvaṇaṃ raṇe || 6.50.22 ||||
tamenaṃ sāntvayitvā tu samāśvāsya ca rākṣasam |suṣeṇaṃ śvaśuraṃ pārśve sugrīvastamuvāca ha || 6.50.23 ||||
saha śūrairharigaṇairlabdhasañjñāvarindamau |gaccha tvaṃ bhrātarau gṛhya kiṣkindhāṃ rāmalakṣmaṇau || 6.50.24 ||||
ahaṃ tu rāvaṇaṃ hatvā saputraṃ sahabāndhavam |maithilīmānayiṣyāmi śakro naṣṭāmiva śriyam |śrutvaitadvānarendrasya suṣeṇo vākyamabravīt || 6.50.25 ||||
daivāsuraṃ mahadyuddhamanubhūtaṃ sudāruṇam |tadā sma dānavā devān śarasaṃsparśakovidāḥ || 6.50.26 ||||
nijaghnuḥ śastraviduṣaśchādayanto muhurmuhuḥ || 6.50.27 ||||
tānārtānnaṣṭasañjñāṃśca parāsūṃśca bṛhaspatiḥ |vidyābhirmantrayuktābhiroṣadhībhiścikitsati || 6.50.28 ||||
tānyauṣadhānyānayituṃ kṣīrodaṃ yāntu sāgaram |javena vānarāḥ śīghraṃ sampātipanasādayaḥ |harayastu vijānanti pārvatīstā mahauṣadhīḥ || 6.50.29 ||||
sañjīvakaraṇīṃ divyāṃ viśalyāṃ devanirmitām || 6.50.30 ||.50.2 || sampātipanasādayaḥ |candraśca nāma droṇaśca kṣīrode sāgarottame |amṛtaṃ yatra mathitaṃ tatra te paramauṣadhī || 6.50.31 ||||
ayaṃ vāyusuto rājan hanumāṃstatra gacchatu || 6.50.32 ||||
etasminnantare vāyurmeghāṃścāpi savidyutaḥ |paryasyan sāgare toyaṃ kampayanniva medinīm || 6.50.33 ||||
mahatā pakṣavātena sarvadvīpamahādrumāḥ |nipeturbhinnaviṭapāḥ samūlā lavaṇāmbhasi || 6.50.34 ||||
abhavan pannagāstrastā bhoginastatravāsinaḥ |śīghraṃ sarvāṇi yādāṃsi jagmuśca lavaṇārṇavam || 6.50.35 ||||
tato muhūrtādgaruḍaṃ vainateyaṃ mahābalam ||||
vānarā dadṛśuḥ sarvejvalantamiva pāvakam || 6.50.36 ||||
tamāgatamabhiprekṣya nāgāste vipradudruvuḥ |yaistau satpuruṣau baddhau śarabhūtairmahābalau || 6.50.37 ||||
tataḥ suparṇaḥ kākutsthau dṛṣṭvā pratyabhinanditaḥ |vimamarśa ca pāṇibhyāṃ mukhe candrasamaprabhe || 6.50.38 ||||
vainateyena saṃspṛṣṭāstayoḥ saṃruruhurvraṇāḥ |suvarṇe ca tanū snigdhe tayorāśu babhūvatuḥ || 6.50.39 ||||
tejo vīryaṃ balaṃ cauja utsāhaśca mahāguṇaḥ |pradarśanaṃ ca buddhiśca smṛtiśca dviguṇaṃ tayoḥ || 6.50.40 ||||
tāvutthāpya mahāvīryau garuḍo vāsavopamau |ubhau tau sasvaje hṛṣṭau rāmaścainamuvāca ha || 6.50.41 ||||
bhavatprasādādvyasanaṃ rāvaṇiprabhavaṃ mahat |āvāmiha vyatikrāntau pūrvavadbalinau kṛtau || 6.50.42 ||||
yathā tātaṃ daśarathaṃ yathā 'jaṃ ca pitāmaham |tathā bhavantamāsādya hṛdayaṃ me prasīdati || 6.50.43 ||||
ko bhavān rūpasampanno divyasraganulepanaḥ |vasāno viraje vastre divyābharaṇabhūṣitaḥ || 6.50.44 ||||
tamuvāca mahātejā vainateyo mahābalaḥ |patatrirājaḥ prītātmā harṣaparyākulekṣaṇaḥ || 6.50.45 ||||
ahaṃ sakhā te kākutstha priyaḥ prāṇo bahiścaraḥ |garutmāniha samprāpto yuvābhyāṃ sāhyakāraṇāt || 6.50.46 ||||
asurā vā mahāvīryā dānavā vā mahābalāḥ |surāścāpi sagandharvāḥ puraskṛtya śatakratum || 6.50.47 ||||
nemaṃ mokṣayituṃ śaktāḥ śarabandhaṃ sudāruṇam |māyābalādindrajitā nirmitaṃ krūrakarmaṇā || 6.50.48 ||||
ete nāgāḥ kādraveyā stīkṣṇadaṃṣṭrā viṣolbaṇāḥ |rakṣomāyāprabhāvena śarā bhūtvā tvadāśritāḥ || 6.50.49 ||||
sabhāgyaścāsi dharmajña rāma satyaparākrama |lakṣmaṇena saha bhrātrā samare ripughātinā || 6.50.50 ||||
imaṃ śrutvā tu vṛttāntaṃ tvaramāṇo 'hamāgataḥ |sahasā yuvayoḥ snehāt sakhitvamanupālayan || 6.50.51 ||||
mokṣitau ca mahāghorādasmāt sāyakabandhanāt |apramādaśca kartavyo yuvābhyāṃ nityameva hi || 6.50.52 ||||
prakṛtyā rākṣasāḥ sarve saṅgrāme kūṭayodhinaḥ |śūrāṇāṃ śuddhabhāvānāṃ bhavatāmārjavaṃ balam || 6.50.53 ||||
tanna viśvasitavyaṃ vo rākṣasānāṃ raṇājire |etenaivopamānena nityaṃ jihmā hi rākṣasāḥ || 6.50.54 ||||
evamuktvā tato rāmaṃ suparṇaḥ sumahābalaḥ |pariṣvajya suhṛt snigdhamāpraṣṭumupacakrame || 6.50.55 ||||
sakhe rāghava dharmajña ripūṇāmapi vatsala |abhyanujñātumicchāmi gamiṣyāmi yathāgatam || 6.50.56 ||||
na ca kautūhalaṃ kāryaṃ sakhitvaṃ prati rāghava |kṛtakarmā raṇe vīraḥ sakhitvamanuvetsyasi || 6.50.57 ||||
bālavṛddhāvaśeṣāṃ tu laṅkāṃ kṛtvā śarormibhiḥ |rāvaṇaṃ ca ripuṃ hatvā sītāṃ samupalapsyase || 6.50.58 ||||
ityevamuktvā vacanaṃ suparṇaḥ śīghravikramaḥ |rāmaṃ ca virujaṃ kṛtvā madhye teṣāṃ vanaukasām || 6.50.59 ||||
pradakṣiṇaṃ tataḥ kṛtvā pariṣvajya ca vīryavān |jagāmākāśamāviśya suparṇaḥ pavano yathā || 6.50.60 ||||
virujau rāghavau dṛṣṭvā tato vānarayūthapāḥ |siṃhanādāṃstadā nedurlāṅgūlān dudhuvustadā || 6.50.61 ||||
tato bherīḥ samājaghnurmṛdaṅgāṃścāpyanādayan |dadhmuḥ śaṅkhān samprahṛṣṭāḥ kṣvelantyapi yathāpuram || 6.50.62 ||||
āsphoṭyāsphoṭya vikrāntā vānarā nagayodhinaḥ |drumānutpāṭya vividhāṃstasthuḥ śatasahasraśaḥ || 6.50.63 ||||
visṛjanto mahānādāṃstrāsayanto niśācarān |laṅkādvāraṇyupājagmuryoddhukāmāḥ plavaṅgamāḥ || 6.50.64 ||||
tatastu bhīmastumulo ninādo babhūva śākhāmṛgayūthapānām |kṣaye nidāghasya yathā ghanānāṃ nādaḥ subhīmo nadatāṃ niśīthe || 6.50.65 ||
teṣāṃ sutumulaṃ śabdaṃ vānarāṇāṃ tarasvinām |nadatāṃ rākṣasaiḥ sārdhaṃ tadā śuśrāva rāvaṇaḥ || 6.51.1 ||||
snigdhagambhīranirghoṣaṃ śrutvā sa ninadaṃ bhṛśam |sacivānāṃ tatasteṣāṃ madhye vacanamabravīt || 6.51.2 ||||
yathā 'sau samprahṛṣṭānāṃ vānarāṇāṃ samutthitaḥ |bahūnāṃ sumahānādo meghānāmiva garjatām |vyaktaṃ sumahatī prītireteṣāṃ nātra saṃśayaḥ || 6.51.3 ||||
tathā hi vipulairnādaścukṣubhe varuṇālayaḥ || 6.51.4 ||ūnāṃ sumahānādo meghānāmiva garjatām |tau tu baddhau śaraistīkṣṇairbhrātarau rāmalakṣmaṇau |ayaṃ ca sumahānnādaḥ śaṅkāṃ janayatīva me || 6.51.5 ||||
etattu vacanaṃ coktvā mantriṇo rākṣaseśvaraḥ |uvāca nairṛtāṃstatra samīpaparivartinaḥ || 6.51.6 ||||
jñāyatāṃ tūrṇameteṣāṃ sarveṣāṃ vanacāriṇām |śokakāle samutpanne harṣakāraṇamutthitam || 6.51.7 ||||
tathoktāstena sambhrāntāḥ prākāramadhiruhya te |dadṛśuḥ pālitāṃ senāṃ sugrīveṇa mahātmanā || 6.51.8 ||||
to ca muktau sughoreṇa śarabandhena rāghavau |samutthitau mahāvegau viṣeduḥ prekṣya rākṣasāḥ || 6.51.9 ||||
santrastahṛdayāḥ sarve prākārādavaruhya te |viṣaṇṇavadanā ghorā rākṣasendramupasthitāḥ || 6.51.10 ||||
tadapriyaṃ dīnamukhā rāvaṇasya niśācarāḥ |kṛtsnaṃ nivedayāmāsuryathāvadvākyakovidāḥ || 6.51.11 ||||
yau tāvindrajitā yuddhe bhrātarau rāmalakṣmaṇau |nibaddhau śarabandhena niṣprakampabhujau kṛtau || 6.51.12 ||||
vimuktau śarabandhena tau dṛśyete raṇājire |pāśāniva gajau chittvā gajendrasamavikramau || 6.51.13 ||||
tacchrutvā vacanaṃ teṣāṃ rākṣasendro mahābalaḥ |cintāśokasamākrānto viṣaṇṇavadano 'bravīt || 6.51.14 ||||
ghorairdattavarairbaddhau śarairāśīviṣopamaiḥ |amoghaiḥ sūryasaṅkāśaiḥ pramathyendrajitā yudhi || 6.51.15 ||||
tadastrabandhamāsādya yadi muktau ripū mama |saṃśayasthamidaṃ sarvamanupaśyāmyahaṃ balam || 6.51.16 ||||
niṣphalāḥ khalu saṃvṛttāḥ śarā vāsukitejasaḥ |ādattaṃ yaiḥ susaṅgrāme ripūṇāṃ mama jīvitam || 6.51.17 ||||
evamuktvā tu saṅkruddho niḥśvasannurago yathā |abravīdrakṣasāṃ madhye dhūmrākṣaṃ nāma rākṣasam || 6.51.18 ||||
balena mahatā yukto rakṣasāṃ bhīmavikrama |tvaṃ vadhāyābhiniryāhi rāmasya saha vānaraiḥ || 6.51.19 ||||
evamuktastu dhūmrākṣo rākṣasendreṇa dhīmatā |kṛtvā praṇāmaṃ saṃhṛṣṭo nirjagāma nṛpālayāt || 6.51.20 ||||
abhiniṣkamya taddvāraṃ balādhyakṣamuvāca ha |tvarayasva balaṃ tūrṇaṃ kiṃ cireṇa yuyutsataḥ || 6.51.21 ||||
dhūmrākṣavacanaṃ śrutvā balādhyakṣo balānugaḥ |balamudyojayāmāsa rāvaṇasyājñayā drutam || 6.51.22 ||||
te baddhaghaṇṭābalino ghorarūpā niśācarāḥ |vigarjamānāḥ saṃhṛṣṭā dhūmrākṣaṃ paryavārayan |vividhāyudhahastāśca śūlamudgarapāṇayaḥ || 6.51.23 ||||
gadābhiḥ paṭṭiśairdaṇḍairāyasairmusalairbhṛśam || 6.51.24 ||
ṛṣṭā dhūmrākṣaṃ paryavārayan |parighairbindipālaiśca bhallaiḥ prāsaiḥ paraśvadhaiḥ |niryayū rākṣasā digbhyonardanto jaladā yathā || 6.51.25 ||||
rathaiḥ kavacinastvanye dhvajaiśca samalaṅkṛtaiḥ |suvarṇajālavihitaiḥ kharaiśca vividhānanaiḥ || 6.51.26 ||||
hayaiḥ paramaśīghraiśca gajaindraiśca madotkaṭaiḥ |niryayū rākṣasavyāghrā vyāghrā iva durāsadāḥ || 6.51.27 ||||
vṛkasiṃhamukhairyuktaṃ kharaiḥ kanakabhūṣaṇaiḥ |āruroha rathaṃ divyaṃ dhūmrākṣaḥ kharanisvanaḥ || 6.51.28 ||||
sa niryāto mahāvīryo dhūmrākṣo rākṣasairvṛtaḥ |prahasan paścimadvāraṃ hanūmān yatra yūthapaḥ |rathapravaramāsthāya kharayuktaṃ kharasvanam || 6.51.29 ||||
prayāntaṃ tu mahāghoraṃ rākṣasaṃ bhīmavikramam |antarikṣagatā ghorāḥ śakunāḥ pratyavārayan || 6.51.30 ||||
rathaśīrṣe mahān bhīmo gṛdhraśca nipapāta ha |dhvajāgre grathitāścaiva nipetuḥ kuṇapāśanāḥ || 6.51.31 ||||
rudhirārdro mahān śvetaḥ kabandhaḥ patito bhuvi |visvaraṃ cotsṛjannādaṃ dhūmnākṣasya samīpataḥ || 6.51.32 ||||
vavarṣa rudhiraṃ devaḥ sañcacāla ca medinī |pratilobhaṃ vavau vāyurnirghātasamanisvanaḥ || 6.51.33 ||||
timiraughāvṛtāstatra diśaśca na cakāśire || 6.51.34 ||||
sa tūtpātāṃstadā dṛṣṭvā rākṣasānāṃ bhayāvahān |prādurbhūtān sughorāṃśca dhūmrākṣo vyathito 'bhavat || 6.51.35 ||||
mumuhū rākṣasāḥ sarve dhūmrākṣasya purassarāḥ || 6.51.36 ||||
tataḥ subhīmo bahubhirniśācarairvṛto 'bhiniṣkramya raṇotsuko balī |dadarśa tāṃ rāghavabāhupālitāṃ mahaughakalpāṃ bahuvānarīṃ camūm || 6.51.37 ||
dhūmrākṣaṃ prekṣya niryāntaṃ rākṣasaṃ bhīmavikramam |vinedurvānarāḥ sarve prahṛṣṭā yuddhakāṅkṣiṇaḥ || 6.52.1 ||||
teṣāṃ sutumulaṃ yuddhaṃ sañjajñe harirakṣasām |anyonyaṃ pādapairghoraṃ nighnatāṃ śūlamudgaraiḥ || 6.52.2 ||||
ghoraiśca parighaiścitraistriśūlaiścāpi saṃhataiḥ |rākṣasairvānarā ghorairvinikṛttāḥ samantataḥ || 6.52.3 ||||
vānarai rākṣasāścāpi drumairbhūmau samīkṛtāḥ |rākṣasāścāpi saṅkruddhā vānarānniśitaiḥ śaraiḥ |vivyadhurghorasaṅkāśaiḥ kaṅkapatrairajihmagaiḥ || 6.52.4 ||||
te gadābhiśca bhīmābhiḥ paṭṭiśaiḥ kūṭamudgaraiḥ || 6.52.5 ||ścāpi saṅkruddhā vānarānniśitaiḥ śaraiḥ |||
vidāryamāṇā rakṣobhirvānarāste mahābalāḥ |amarṣājjanitoddharṣāścakruḥ karmāṇyabhītavat || 6.52.6 ||||
śaranirbhinnagātrāste śūlanirbhinnadehinaḥ |jagṛhuste drumāṃstatra śilāśca hariyūthapāḥ || 6.52.7 ||||
te bhīmavegā harayo nardamānāstatastataḥ |mamanthū rākṣasān bhīmānnāmāni ca babhāṣire || 6.52.8 ||||
tadvabhūvādbhutaṃ ghoraṃ yuddhaṃ vānararakṣasām |śilābhirvividhābhiśca bahubhiścaiva pādapaiḥ || 6.52.9 ||||
rākṣasā mathitāḥ kecidvānarairjitakāśibhiḥ |vavamū rudhiraṃ kecinmukhai rudhirabhojanāḥ || 6.52.10 ||||
pārśveṣu dāritāḥ kecit kecidrāśīkṛtā drumaiḥ |śilābhiścūrṇitāḥ kecit keciddantairvidāritāḥ || 6.52.11 ||||
dhvajairvimathitairbhagnaiḥ kharaiśca vinipātitaiḥ |rathairvidhvaṃsitaiścāpi patitai rajanīcaraiḥ || 6.52.12 ||||
gajendraiḥ parvatākāraiḥ parvatāgrairvanaukasām |mathitairvājibhiḥ kīrṇaṃ sārohairvasudhātalam || 6.52.13 ||||
vānarairbhīmavikrāntairāplutyāplutya vegitaiḥ |rākṣasāḥ karajaistīkṣṇairmukheṣu vinikartitāḥ || 6.52.14 ||||
vivarṇavadanā bhūyo viprakīrṇaśiroruhāḥ |mūḍhāḥ śoṇitagandhena nipeturdharaṇītale || 6.52.15 ||||
anye paramasaṅkruddhā rākṣasā bhīmanisvanāḥ |talairevābhidhāvanti vajrasparśasamairharīn || 6.52.16 ||||
vānarairāpatantaste vegitā vegavattaraiḥ |muṣṭibhiścaraṇairdantaiḥ pādapaiścāvapothitāḥ |vānarairhanyamānāste rākṣasā vipradudruvuḥ || 6.52.17 ||||
sainyaṃ tu vidrutaṃ dṛṣṭvā dhūmrākṣo rākṣasarṣabhaḥ |krodhena kadanaṃ cakre vānarāṇāṃ yuyutsatām || 6.52.18 ||||
prāsaiḥ pramathitāḥ kecidvānarāḥ śoṇitasravāḥ |mudgarairāhatāḥ kecit patitā dharaṇītale || 6.52.19 ||||
parighairmathitāḥ kecidbhindipālairvidāritāḥ |paṭṭiśairāhatāḥ kecidvihvalanto gatāsavaḥ || 6.52.20 ||||
kecidvinihatāḥ śūlai rudhirārdrā vanaukasaḥ |kecidvidrāvitā naṣṭāḥ sabalai rākṣasairyudhi || 6.52.21 ||||
vibhinnahṛdayāḥ kecidekapārśvena dāritāḥ |vidāritā striśūlaiśca kecidāntrairviniḥsṛtāḥ || 6.52.22 ||||
tatsubhīmaṃ mahāyuddhaṃ harirākṣasasaṅkulam |prababhau śabdabahulaṃ śilāpādapasaṅkulam || 6.52.23 ||||
dhanurjyātantrimadhuraṃ hikkātālasamanvitam |mandastanitasaṅgītaṃ yuddhagāndharvamābabhau || 6.52.24 ||||
dhūmrākṣastu dhanuṣpāṇirvānarān raṇamūrdhani |hasan vidrāvayāmāsa diśastu śaravṛṣṭibhiḥ || 6.52.25 ||||
dhūmrākṣeṇārditaṃ sainyaṃ vyathitaṃ dṛśya mārutiḥ |abhyavartata saṅkruddhaḥ pragṛhya vipulāṃ śilām || 6.52.26 ||||
krodhāddviguṇatāmrākṣaḥ pitṛtulyaparākramaḥ |śilāṃ tāṃ pātayāmāsa dhūmrākṣasya rathaṃ prati || 6.52.27 ||||
āpatantīṃ śilāṃ dṛṣṭvā gadāmudyamya sambhramāt |rathādāplutya vegena vasudhāyāṃ vyatiṣṭhata || 6.52.28 ||||
sā pramathya rathaṃ tasya nipapāta śilā bhuvi |sacakrakūbaraṃ sāśvaṃ sadhvajaṃ saśarāsanam || 6.52.29 ||||
sa bhaṅktvā tu rathaṃ tasya hanumān mārutātmajaḥ |rakṣasāṃ kadanaṃ cakre saskandhaviṭapairdrumaiḥ || 6.52.30 ||||
vibhinnaśiraso bhūtvā rākṣasāḥ śoṇitokṣitāḥ |drumaiḥ pravyathitāścānye nipeturdharaṇītale || 6.52.31 ||||
vidrāvya rāsakṣaṃ sainyaṃ hanumān mārutātmajaḥ |gireḥ śikharamādāya dhūmrākṣamabhidudruve || 6.52.32 ||||
tamāpatantaṃ dhūmrākṣo gadāmudyamya vīryavān |vinardamānaḥ sahasā hanumantamabhidravat || 6.52.33 ||||
tataḥ kruddhastu vegena gadāṃ tāṃ bahukaṇṭakām |pātayāmāsa dhūmrākṣo mastake tu hanūmataḥ || 6.52.34 ||||
tāḍitaḥ sa tayā tatra gadayā bhīmarūpayā || 6.52.35 ||||
sa kapirmārutabalastaṃ prahāramacintayan |dhūmrākṣasya śiromadhye giriśṛṅgamapātayat || 6.52.36 ||||
sa vihvalitasarvāṅgo giriśṛṅgeṇa tāḍitaḥ |papāta sahasā bhūmau vikīrṇa iva parvataḥ || 6.52.37 ||||
dhūmrākṣaṃ nihataṃ dṛṣṭavā hataśeṣā niśācarāḥ |trastāḥ praviviśurlaṅkāṃ vadhyamānāḥ plavaṅgamaiḥ || 6.52.38 ||||
sa tu pavanasuto nihatya śatruṃ kṣatajavahāḥ saritaśca sannikīrya |ripuvadhajanitaśramo mahātmā mudamagamat kapibhiśca pūjyamānaḥ || 6.52.39 ||
dhūmrākṣaṃ nihataṃ śrutvā rāvaṇo rākṣaseśvaraḥ |krodhena mahatā ' 'viṣṭo niśvasannurago yathā || 6.53.1 ||||
dīrghamuṣṇaṃ viniśvasya krodhena kaluṣīkṛtaḥ |abravīdrākṣasaṃ śūraṃ vajradaṃṣṭraṃ mahābalam || 6.53.2 ||||
gaccha tvaṃ vīra niryāhi rākṣasaiḥ parivāritaḥ |jahi dāśarathiṃ rāmaṃ sugrīvaṃ vānaraiḥ saha || 6.53.3 ||||
tathetyuktvā drutataraṃ māyāvī rākṣaseśvaraḥ |nirjagāma balai sārdhaṃ bahubhiḥ parivāritaḥ || 6.53.4 ||||
nāgairaśvaiḥ kharairuṣṭraiḥ saṃyuktaḥ susāmāhitaḥ |patākādhvajacitraiśca rathaiśca samalaṅkṛtaḥ || 6.53.5 ||||
tato vicitrakeyūramukuṭaiśca vibhūṣitaḥ |tanutrāṇi ca saṃruddhya sadhanurniryayau drutam || 6.53.6 ||||
patākālaṅkṛtaṃ dīptaṃ taptakāñcanabhūṣaṇam |rathaṃ pradakṣiṇaṃ kṛtvā samārohaccamūpatiḥ || 6.53.7 ||||
yaṣṭibhistomaraiścitraiḥ śūlaiśca musalairapi |bhindipālaiśca pāśaiśca śaktibhiḥ paṭṭiśairapi || 6.53.8 ||||
khaḍgaiścakrairgadābhiśca niśitaiśca paraśvadhaiḥ |padātayaśca niryānti vividhāḥ śastrapāṇayaḥ |vicitravāsasaḥ sarve dīptā rākṣasapuṅgavāḥ || 6.53.9 ||||
gajā madotkaṭāḥ śūrāścalanta iva parvatāḥ |te yuddhakuśalai rūḍhāstomarāṅkuśapāṇibhiḥ || 6.53.10 ||||
anye lakṣaṇasaṃyuktāḥ śūrārūḍhā mahābalāḥ || 6.53.11 ||||
tadrākṣasabalaṃ ghoraṃ viprasthitamaśobhata |prāvṛṭkāle yathā meghā nardamānāḥ savidyutaḥ || 6.53.12 ||||
nissṛtā dakṣiṇadvārādaṅgado yatra yūthapaḥ |teṣāṃ niṣkramamāṇānāmaśubhaṃ samajāyata || 6.53.13 ||||
ākāśādvighanāttīvrā ulkāścābhyapataṃstadā |vamantyaḥ pāvakajvālāḥ śivā ghoraṃ vavāśire || 6.53.14 ||||
vyāharanti mṛgā ghorā rakṣasāṃ nidhanaṃ tadā |samāpatanto yodhāstu prāskhalan bhayamohitāḥ || 6.53.15 ||||
etānautpātikān dṛṣṭvā vajradaṃṣṭro mahābalaḥ |dhairyamālambya tejasvī nirjagāma raṇotsukaḥ || 6.53.16 ||||
tāṃstu niṣkramato dṛṣṭvā vānarā jitakāśinaḥ |praṇeduḥ sumahānādān pūrayaṃśca diśo daśa || 6.53.17 ||||
tataḥ pravṛttaṃ tumulaṃ harīṇāṃ rākṣasaiḥ saha |ghorāṇāṃ bhīmarūpāṇāmanyonyavadhakāṅkṣiṇām || 6.53.18 ||||
niṣpatanto mahotsāhā bhinnadehaśirodharāḥ |rudhirokṣitasarvāṅgā nyapatan jagatītale || 6.53.19 ||||
kecidanyonyamāsādya śūrāḥ parighapāṇayaḥ |cikṣipurvividhaṃ śastraṃ samareṣvanivartinaḥ || 6.53.20 ||||
drumāṇāṃ ca śilānāṃ ca śastrāṇāṃ cāpi nisvanaḥ |śrūyate sumahāṃstatra ghoro hṛdayabhedanaḥ || 6.53.21 ||||
rathanemisvanastatra dhanuṣaścāpi nisvanaḥ |śaṅkhabherīmṛdaṅgānāṃ babhūva tumulaḥ svanaḥ || 6.53.22 ||||
kecidastrāṇi saṃsṛjya bāhuyuddhamakurvata || 6.53.23 ||||
talaiśca caraṇaiścāpi muṣṭibhiśca drumairapi |jānubhiśca hatāḥ kecidbhinnadehāśca rākṣasāḥ |śilābhiścūrṇitāḥ kecidvānarairyuddhadurmadaiḥ || 6.53.24 ||||
vajradaṃṣṭro bhṛśaṃ bāṇai raṇe vitrāsayan harīn |cacāra lokasaṃhāre pāśahasta ivāntakaḥ || 6.53.25 ||||
balavanto 'straviduṣo nānāpraharaṇā raṇe |jaghnurvānarasainyāni rākṣasāḥ krodhamūrcchitāḥ || 6.53.26 ||||
nighnuto rākṣasān dṛṣṭvā sarvān vālisuto raṇe |krodhena dviguṇāviṣṭaḥ saṃvartaka ivānalaḥ || 6.53.27 ||||
tān rākṣasagaṇān sarvān vṛkṣamudyamya vīryavān |aṅgadaḥ krodhatāmrākṣaḥ siṃhaḥ kṣudramṛgāniva |cakāra kadanaṃ ghoraṃ śakratulyaparākramaḥ || 6.53.28 ||||
aṅgadābhihatāstatra rākṣasā bhīmavikramāḥ |vibhinnaśirasaḥ peturvikṛttā iva pādapāḥ || 6.53.29 ||iva |||
rathairaśvairdhvajaiścitraiḥ śarīrairharirakṣasām |rudhireṇa ca sañchannā bhūmirbhayakarī tadā || 6.53.30 ||||
hārakeyūravastraiśca śastraiśca samalaṅkṛtā |bhūmirbhāti raṇe tatra śāradīva yathā niśā || 6.53.31 ||||
aṅgadasya ca vegena tadrākṣasabalaṃ mahat |prākampata tadā tatra pavanenāmbudo yathā || 6.53.32 ||
balasya ca nighātena aṅgadasya jayena ca |rākṣasaḥ krodhamāviṣṭo vajradaṃṣṭro mahābalaḥ || 6.54.1 ||||
sa visphārya dhanurghoraṃ śakrāśanisamasvanam |vānarāṇāmanīkāni prākiraccharavṛṣṭibhiḥ || 6.54.2 ||||
rākṣasāścāpi mukhyāste ratheṣu samavasthitāḥ |nānāpraharaṇāḥ śūrāḥ prāyuddhyanta tadā raṇe || 6.54.3 ||||
vānarāṇāṃ tu śūrā ye sarve te plavagarṣabhāḥ |āyuddhyanta śilāhastāḥ samavetāḥ samantataḥ || 6.54.4 ||||
tatrāyudhasahasrāṇi tasminnāyodhane bhṛśam |rākṣasāḥ kapimukhyeṣu pātayāñcakrire tadā || 6.54.5 ||||
vānarāścāpi rakṣassu girīn vṛkṣān mahāśilāḥ |pravīrāḥ pātayāmāsurmattavāraṇasannibhāḥ || 6.54.6 ||||
śūrāṇāṃ yuddhyamānānāṃ samareṣvanivartinām |tadrākṣasagaṇānāṃ ca suyuddhaṃ samavartata || 6.54.7 ||||
prabhinnaśirasaḥ kecidbhinnaiḥ pādaiśca bāhubhiḥ |śastrairarpitadehāstu rudhireṇa samukṣitāḥ || 6.54.8 ||||
harayo rākṣasāścaiva śerate gāṃ samāśritāḥ |kaṅkagṛdhravalairāḍhyā gomāyugaṇasaṅkulāḥ || 6.54.9 ||||
kabandhāni samutpeturbhīruṇāṃ bhīṣaṇāni vai || 6.54.10 ||||
bhujapāṇiśiraśchinnāśchinnakāyāśca bhūtale |vānarā rākṣasāścāpi nipetustatra vai raṇe || 6.54.11 ||||
tato vānarasainyena hanyamānaṃ niśācaram |prābhajyata balaṃ sarvaṃ vajradaṃṣṭrasya paśyataḥ || 6.54.12 ||||
rākṣasān bhayavitrastān hanyamānān plavaṅgamaiḥ |dṛṣṭvā sa roṣatāmrākṣo vajradaṃṣṭraḥ pratāpavān || 6.54.13 ||||
praviveśa dhanuṣpāṇistrāsayan harivāhinīm |śarairvidārayāmāsa kaṅkapatrairajihmagaiḥ || 6.54.14 ||||
bibheda vānarāṃstatra saptāṣṭau nava pañca ca |vivyādha paramakruddho vajradaṃṣṭraḥ pratāpavān || 6.54.15 ||||
trastāḥ sarve harigaṇāḥ śaraiḥ saṅkṛttakandharāḥ |aṅgadaṃ sampradhāvanti prajāpatimiva prajāḥ || 6.54.16 ||||
tato harigaṇān bhagnān dṛṣṭvā vālisutastadā |krodhena vajradaṃṣṭraṃ tamudīkṣantamudaikṣata || 6.54.17 ||||
vajradaṃṣṭro 'ṅgadaścobhau saṅgatau harirākṣasau |ceratuḥ paramakruddhau harimattagajāviva || 6.54.18 ||||
tataḥ śarasahasreṇa vāliputraṃ mahābalaḥ |jaghāna marmadeśeṣu mātaṅgamiva tomaraiḥ || 6.54.19 ||||
rudhirokṣitasarvāṅgo vālisūnurmahābalaḥ |cikṣepa vajradaṃṣṭrāya vṛkṣaṃ bhīmaparākramaḥ || 6.54.20 ||||
dṛṣṭvā ' 'patantaṃ taṃ vṛkṣamasambhrāntaśca rākṣasaḥ |ciccheda bahudhā so 'pi nikṛttaḥ patito bhuvi || 6.54.21 ||||
taṃ dṛṣṭvā vajradaṃṣṭrasya vikramaṃ plavagarṣabhaḥ |pragṛhya vipulaṃ śailaṃ cikṣepa ca nanāda ca || 6.54.22 ||||
samāpatantaṃ taṃ dṛṣṭvā rathādāplutya vīryavān |gadāpāṇirasambhrāntaḥ pṛthivyāṃ samatiṣṭhata || 6.54.23 ||||
sā 'ṅgadena gadā ' 'kṣiptā gatvā tu raṇamūrdhani || 6.54.24 ||||
sacakrakūbaraṃ sāśvaṃ pramamātha rathaṃ tadā || 6.54.25 ||||
tato 'nyaṃ girimākṣipya vipulaṃ drumabhūṣitam |vajradaṃṣṭrasya śirasi pātayāmāsa so 'ṅgadaḥ || 6.54.26 ||||
abhavacchoṇitodgārī vajradaṃṣṭraḥ sa mūrcchitaḥ |muhūrtamabhavanmūḍho gadāmāliṅgya niḥśvasan || 6.54.27 ||||
sa labdhasañjño gadayā vāliputramavasthitam |jaghāna paramakruddho vakṣodeśe niśācaraḥ |gadāṃ tyaktvā tatastatra muṣṭiyuddhamavartata || 6.54.28 ||||
anyonyaṃ jaghnatustatra tāvubhau harirākṣasau |rudhirodgāriṇo tau tu praharairjanitaśramau |babhūvatuḥ suvikrāntāvaṅgārakabudhāviva || 6.54.29 ||||
tataḥ paramatejasvī aṅgadaḥ kapikuñjaraḥ |utpāṭya vṛkṣaṃ sthitavān bahupuṣpaphalāñcitam || 6.54.30 ||||
jagrāha cārṣabhaṃ carma khaḍgaṃ ca vipulaṃ śubham |kiṅkiṇījālasañchannaṃ carmaṇā ca pariṣkṛtam || 6.54.31 ||||
vicitrāṃśceraturmārgān ruṣitau kapirākṣasau |jaghnatuśca tadā 'nyonyaṃ nirdayaṃ jayakāṅkṣiṇau || 6.54.32 ||||
vraṇaiḥ sāstrairaśobhetāṃ puṣpitāviva kiṃśukau |yuddhyamānau pariśrāntau jānubhyāmavanīṃ gatau || 6.54.33 ||||
nimeṣāntaramātreṇa aṅgadaḥ kapikuñjaraḥ |udatiṣṭhata dīptākṣo daṇḍāhata ivoragaḥ || 6.54.34 ||||
nirmalena sudhautena khaḍgenāsya mahacchiraḥ |jaghāna vajradaṃṣṭrasya vālisūnurmahābalaḥ || 6.54.35 ||||
rudhirokṣitagātrasya babhūva patitaṃ dvidhā |saroṣaparivṛttākṣaṃ śubhaṃ khaḍgahataṃ śiraḥ || 6.54.36 ||||
vajradaṃṣṭraṃ hataṃ dṛṣṭvā rākṣasā bhayamohitāḥ |trastāḥ pratyapatan laṅkāṃ vadhyamānāḥ plavaṅgamai |viṣaṇṇavadanā dīnā hriyā kiñcidavāṅmukhāḥ || 6.54.37 ||||
nihatya taṃ vajradharaprabhāvaḥ sa vālisūnuḥ kapisainyamadhye |jagāma harṣaṃ mahito mahābalaḥ sahasranetrastridaśairivāvṛtaḥ || 6.54.38 ||
vajradaṃṣṭraṃ hataṃ śrutvā vāliputreṇa rāvaṇaḥ |balādhyakṣamuvācedaṃ kṛtāñjalimavasthitam || 6.55.1 ||||
śīghraṃ niryāntu durdharṣā rākṣasā bhīmavikramāḥ |akampanaṃ puraskṛtya sarvaśastraprakovidam || 6.55.2 ||||
eṣa śāstā ca goptā ca netā ca yudhi sammataḥ |bhūtikāmaśca me nityaṃ nityaṃ ca samarapriyaḥ || 6.55.3 ||||
eṣa jeṣyati kākutsthau sugrīvaṃ ca mahābalam |vānarāṃścāparān ghorān haniṣyati parantapaḥ || 6.55.4 ||||
parigṛhya sa tāmājñāṃ rāvaṇasya mahābalaḥ |balaṃ santvarayāmāsa tadā laghuparākramaḥ || 6.55.5 ||||
tato nānāpraharaṇā bhīmākṣā bhīmadarśanāḥ |niṣpetū rakṣasāṃ mukhyā balādhyakṣapracoditāḥ || 6.55.6 ||||
rathamāsthāya vipulaṃ taptakāñcanakuṇḍalaḥ |meghābho meghavarṇaśca meghasvanamahāsvanaḥ |rākṣasaiḥ saṃvṛto bhīmaistadā niryātyakampanaḥ || 6.55.7 ||||
na hi kampayituṃ śakyaḥ surairapi mahāmṛdhe |akampanastatasteṣāmāditya iva tejasā || 6.55.8 ||||
tasya nirdhāvamānasya saṃrabdhasya yuyatsayā |akasmāddainyamāgacchaddhayānāṃ rathavāhinām || 6.55.9 ||||
vyasphurannayanaṃ cāsya savyaṃ yuddhābhinandinaḥ |vivarṇo mukhavarṇaśca gadgadaścābhavat svanaḥ || 6.55.10 ||||
abhavat sudine cāpi durdinaṃ rūkṣamārutam |ūcuḥ khagā mṛgāḥ sarve vācaḥ krūrā bhayāvahāḥ || 6.55.11 ||||
sa siṃhopacitaskandhaḥ śārdūlasamavikramaḥ |tānutpātānacintyaiva nirjagāma raṇājiram || 6.55.12 ||||
tadā nirgacchatastasya rakṣasaḥ saha rākṣasaiḥ |babhūva sumahānnādaḥ kṣobhayanniva sāgaram || 6.55.13 ||||
tena śabdena vitrastā vānarāṇāṃ mahācamūḥ |drumaśailapraharaṇā yoddhuṃ samavatiṣṭhata || 6.55.14 ||||
teṣāṃ yuddhaṃ mahāraudraṃ sañjajñe harirakṣasām |rāmarāvaṇayorarthe samabhityaktajīvinām || 6.55.15 ||||
sarve hyati balāḥ śūrāḥ sarve parvatasannibhāḥ |harayo rākṣasāścaiva parasparajighāṃsavaḥ || 6.55.16 ||||
teṣāṃ vinardatāṃ śabdaḥ saṃyuge 'titarasvinām |suśruve sumahān krodhādanyonyamabhigarjatām || 6.55.17 ||||
rajaścāruṇavarṇābhaṃ subhīmamabhavadbhṛśam |udbhūtaṃ harirakṣobhiḥ saṃrurodha diśo daśa || 6.55.18 ||||
anyonyaṃ rajasā tena kauśeyoddhūtapāṇḍunā |saṃvṛtāni ca bhūtāni dadṛśurna raṇājire || 6.55.19 ||||
na dhvajā na patākā vā carma vā turago 'pi vā |āyudhaṃ syandanaṃ vā 'pi dadṛśe tena reṇunā || 6.55.20 ||||
śabdaśca sumahāṃsteṣāṃ nardatāmabhidhāvatām |śrūyate tumule yuddhe na rūpāṇi cakāśire || 6.55.21 ||||
harīneva susaṅkruddhā harayo jaghnurāhave |rākṣasāścāpi rakṣāṃsi nijaghnustimire tadā || 6.55.22 ||||
parāṃścaiva vinighnantaḥ svāṃśca vānararākṣasāḥ |rudhirārdrāṃ tadā cakrurmahīṃ paṅkānulepanām || 6.55.23 ||||
tatastu rudhiraugheṇa siktaṃ vyapagataṃ rajaḥ |śarīraśavasaṅkīrṇā babhūva ca vasundharā || 6.55.24 ||||
drumaśaktiśilāprāsairgadāparighatomaraiḥ |harayo rākṣasāścaiva jaghnuranyonyamojasā || 6.55.25 ||||
bāhubhiḥ parighākārairyuddhyantaḥ parvatopamāḥ |harayo bhīmakarmāṇo rākṣasān jaghnurāhave || 6.55.26 ||||
rākṣasāstvapi saṅkruddhāḥ prāsatomarapāṇayaḥ |kapīnnijaghnire tatra śastraiḥ paramadāruṇaiḥ || 6.55.27 ||||
akampanaḥ susaṅkruddho rākṣasānāṃ camūpatiḥ |saṃharṣayati tān sarvān rākṣasān bhīmavikramān || 6.55.28 ||||
harayastvapi sakṣāṃsi mahādrumamahāśmabhiḥ |vidārayantyabhikramya śastrāṇyācchidya vīryataḥ || 6.55.29 ||||
etasminnantare vīrā harayaḥ kumudo nalaḥ |maindaśca dvividaḥ kruddhāścakrurvegamanuttamam || 6.55.30 ||||
te tu vṛkṣairmahāvegā rākṣasānāṃ camūmukhe |kadanaṃ sumahaccakrurlīlayā hariyūthapāḥ |mamanthū rākṣasān sarve vānarā gaṇaśo bhṛśam || 6.55.31 ||
taddṛṣṭvā sumahat karma kṛtaṃ vānarasattamaiḥ |krodhamāhārayāmāsa yudhi tīvramakampanaḥ || 6.56.1 ||||
krodhamūrcchitarūpastu dhūnvan paramakārmukam |dṛṣṭvā tu karma śatrūṇāṃ sārathiṃ vākyamabravīt || 6.56.2 ||||
tatraiva tāvattvaritaṃ rathaṃ prāpaya sārathe |yatraite bahavo ghnanti subahūn rākṣasān raṇe || 6.56.3 ||||
ete 'tra balavanto hi bhīmakāyāśca vānarāḥ |drumaśailapraharaṇāstiṣṭhanti pramukhe mama || 6.56.4 ||||
etānnihantumicchāmi samaraślāghino hyaham |etaiḥ pramathitaṃ sarvaṃ dṛśyate rākṣasaṃ balam || 6.56.5 ||||
tataḥ prajavanāśvena rathena rathināṃ varaḥ |harīnabhyahanat krodhāccharajālairakampanaḥ || 6.56.6 ||||
na sthātuṃ vānarāḥ śekuḥ kiṃ punaryoddhumāhave |akampanaśarairbhagnāḥ sarva eva vidudruvuḥ || 6.56.7 ||||
tān mṛtyuvaśamāpannānakampanavaśaṃ gatān |samīkṣya hanumān jñātīnupatasthe mahābalaḥ || 6.56.8 ||||
taṃ mahāplavagaṃ dṛṣṭvā sarve plavagayūthapāḥ |sametya samare vīrāḥ saṃhṛṣṭāḥ paryavārayan || 6.56.9 ||||
avasthitaṃ hanūmantaṃ te dṛṣṭvā hariyūthapāḥ |babhūvurbalavanto hi balavantaṃ samāśritāḥ || 6.56.10 ||||
akampanastu śailābhaṃ hanūmantamavasthitam |mahendra iva dhārābhiḥ śarairabhivavarṣa ha || 6.56.11 ||||
acintayitvā bāṇaughān śarīre patitān śitān |akampanavadhārthāya mano dadhre mahābalaḥ || 6.56.12 ||||
sa prasahya mahātejā hanūmān mārutātmajaḥ |abhidudrāva tadrakṣaḥ kampayanniva medinīm || 6.56.13 ||||
tasyābhinardamānasya dīpyamānasya tejasā |babhūva rūpaṃ durdharṣaṃ dīptasyeva vibhāvasoḥ || 6.56.14 ||||
ātmānamapraharaṇaṃ jñātvā krodhasamanvitaḥ |śailamutpāṭayāmāsa vegena haripuṅgavaḥ || 6.56.15 ||||
taṃ gṛhītvā mahāśailaṃ pāṇinaikena mārutiḥ |sa vinadya mahānādaṃ bhrāmayāmāsa vīryavān || 6.56.16 ||||
tatastamabhidudrāva rākṣasendramakampanam |purā hi namuciṃ saṅkhye vajreṇeva purandaraḥ || 6.56.17 ||||
akampanastu taddṛṣṭvā giriśṛṅgaṃ samudyatam |dūrādeva mahābāṇairardhacandrairvyadārayat || 6.56.18 ||||
tatparvatāgramākāśe rakṣobāṇavidāritam |viśīrṇaṃ patitaṃ dṛṣṭvā hanumān krodhamūrcchitaḥ || 6.56.19 ||||
so 'śvakarṇaṃ samāsādya roṣadarpānvito hariḥ |tūrṇamutpāṭayāmāsa mahāgirimivocchritam || 6.56.20 ||||
taṃ gṛhītvā mahāskandhaṃ so 'śvakarṇaṃ mahādyutiḥ |prahasya parayā prītyā bhrāmayāmāsa saṃyuge || 6.56.21 ||||
pradhāvannūruvegena prabhañjaṃstarasā drumān |hanumān paramakruddhaścaraṇairdārayat kṣitim || 6.56.22 ||||
gajāṃśca sagajārohān sarathān rathinastathā |jaghāna hanumān dhīmān rākṣasāṃśca padātigān || 6.56.23 ||||
tamantakamiva kruddhaṃ samare prāṇahāriṇam |hanumantamabhiprekṣya rākṣasā vipradudruvuḥ || 6.56.24 ||||
tamāpatantaṃ saṅkruddhaṃ rākṣasānāṃ bhayāvaham |dadarśākampano vīraścukrodha ca nanāda ca || 6.56.25 ||||
sa caturdaśabhirbāṇaiḥ śitairdehavidāraṇaiḥ |nirbibheda hanūmantaṃ mahāvīryamakampanaḥ || 6.56.26 ||||
sa tadā pratividdhastu bahvībhiḥ śaravṛṣṭibhiḥ |hanumān dadṛśe vīraḥ prarūḍha iva sānumān || 6.56.27 ||||
virarāja mahākāyo mahāvīryo mahāmanāḥ |puṣpitāśokasaṅkāśo vidhūma iva pāvakaḥ || 6.56.28 ||||
tato 'nyaṃ vṛkṣamutpāṭya katvā vegamanuttamam |śirasyabhijaghānāśu rākṣasendramakampanam || 6.56.29 ||||
sa vṛkṣeṇa hatastena sakrodhena mahātmanā |rākṣaśo vānarendreṇa papāta ca mamāra ca || 6.56.30 ||||
taṃ dṛṣṭvā nihataṃ bhūmau rākṣasendramakampanam |vyathitā rākṣasāḥ sarve kṣitikampa iva drumāḥ || 6.56.31 ||||
tyaktapraharaṇāḥ sarve rākṣasāste parājitāḥ |laṅkāmabhiyayustrastā vānaraistairabhidrutāḥ || 6.56.32 ||||
te muktakeśāḥ sambhrāntā bhagnamānāḥ parājitāḥ |sravacchramajalairaṅgaiḥ śvasanto vipradudruvuḥ || 6.56.33 ||||
anyonyaṃ pramamanthuste viviśurnagaraṃ bhayāt |pṛṣṭhataste susammūḍhāḥ prekṣamāṇā muhurmuhuḥ || 6.56.34 ||||
teṣu laṅkāṃ praviṣṭeṣu rākṣaseṣu mahābalāḥ |sametya harayaḥ sarve hanumantamapūjayan || 6.56.35 ||||
so 'pi prahṛṣṭastān sarvān harīn pratyabhyapūjayat |hanumān sattvasampanno yathārhamanukūlataḥ || 6.56.36 ||||
vineduśca yathāprāṇaṃ harayo jitakāśinaḥ |cakarṣuśca punastatra saprāṇānapi rākṣasān || 6.56.37 ||||
sa vīraśobhāmabhajanmahākapiḥ sametya rakṣāṃsi nihatya mārutiḥ |mahāsuraṃ bhīmamamitranāśanaṃ yathaiva viṣṇurbalinaṃ camūmukhe || 6.56.38 ||||
apūjayan devagaṇāstadā kapiṃ svayaṃ ca rāmo 'tibalaśca lakṣmaṇaḥ |tathaiva sugrīvamukhāḥ plavaṅgamā vibhīṣaṇaścaiva mahābalastathā || 6.56.39 ||
akampanavadhaṃ śrutvā kruddho vai rākṣaseśvaraḥ |kiñciddīnamukhaścāpi sacivāṃstānudaikṣata || 6.57.1 ||||
sa tu dhyātvā muhūrtaṃ tu mantribhiḥ saṃvicārya ca |tatastu rāvaṇaḥ pūrvadivase rākṣasādhipaḥ |purīṃ pariyayau laṅkāṃ sarvān gulmānavekṣitum || 6.57.2 ||||
tāṃ rākṣasagaṇairguptāṃ gulmairbahubhirāvṛtām |dadarśa nagarīṃ laṅkāṃ patākādhvajamālinīm || 6.57.3 ||||
ruddhāṃ tu nagarīṃ dṛṣṭvā rāvaṇo rākṣaseśvaraḥ |uvācāmarṣataḥ kāle prahastaṃ yuddhakovidam || 6.57.4 ||||
purasyopaniviṣṭasya sahasā pīḍitasya vā |nānyaṃ yuddhāt prapaśyāmi mokṣaṃ yuddhaviśārada || 6.57.5 ||||
ahaṃ vā kumbhakarṇo vā tvaṃ vā senāpatirmama |indrajidvā nikumbho vā vaheyurbhāramīdṛśam || 6.57.6 ||||
sa tvaṃ balamataḥ śīghramādāya parigṛhya ca |vijayāyābhiniryāhi yatra sarve vanaukasaḥ || 6.57.7 ||||
niryāṇādeva te nūnaṃ capalā harivāhinī |nardatāṃ rākṣasendrāṇāṃ śrutvā nādaṃ draviṣyati || 6.57.8 ||||
capalā hyavinītāśca calacittāśca vānarāḥ |na sahiṣyanti te nādaṃ siṃhanādamiva dvipāḥ || 6.57.9 ||||
vidrute ca bale tasmin rāmaḥ saumitriṇā saha |avaśaste nirālambaḥ prahasta vaśameṣyati || 6.57.10 ||||
āpat saṃśayitā śreyo na tu nissaṃśayīkṛtā |pratilomānulomaṃ vā yadvā no manyase hitam || 6.57.11 ||||
rāvaṇenaivamuktastu prahasto vāhinīpatiḥ |rākṣasendramuvācedamasurendramivośanā || 6.57.12 ||||
rājan mantritapūrvaṃ naḥ kuśalaiḥ saha mantribhiḥ |vivādaścāpi no vṛttaḥ samavekṣya parasparam || 6.57.13 ||||
pradānena tu sītāyāḥ śreyo vyavasitaṃ mayā |apradāne punaryuddhaṃ dṛṣṭametattathaiva naḥ || 6.57.14 ||||
so 'haṃ dānaiśca mānaiśca satataṃ pūjitastvayā |sāntvaiśca vividhaiḥ kāle kiṃ na kuryāṃ priyaṃ tava || 6.57.15 ||||
na hi me jīvitaṃ rakṣyaṃ putradāradhanāni vā |tvaṃ paśya māṃ juhūṣantaṃ tvadarthaṃ jīvitaṃ yudhi || 6.57.16 ||||
evamuktvā tu bhartāraṃ rāvaṇaṃ vāhinīpatiḥ |uvācedaṃ balādhyakṣān prahastaḥ purataḥ sthitān || 6.57.17 ||||
samānayata me śīghraṃ rākṣasānāṃ mahadbalam || 6.57.18 ||||
madbāṇaśatavegena hatānāṃ ca raṇājire |adya tṛpyantu māṃsādāḥ pakṣiṇaḥ kānanaukasām || 6.57.19 ||||
ityuktāste prahastena balādhyakṣāḥ kṛtatvarāḥ |balamudyojayāmāsustasmin rākṣasamandire || 6.57.20 ||||
sā babhūva muhūrtena tigmanānāvidhāyudhaiḥ |laṅkā rākṣasavīraistairgajairiva samākulā || 6.57.21 ||||
hutāśanaṃ tarpayatāṃ brāhmaṇāṃśca namasyatām |ājyagandhaprativahaḥ surabhirmāruto vavau || 6.57.22 ||||
srajaśca vividhākārā jagṛhustvabhimantritāḥ |saṅgrāmasajjāḥ saṃhṛṣṭā dhārayan rākṣasāstadā || 6.57.23 ||||
sadhanuṣkāḥ kavacino vegādāplutya rākṣasāḥ |rāvaṇaṃ prekṣya rājānaṃ prahastaṃ paryavārayan || 6.57.24 ||||
athāmantrya ca rājānaṃ bherīmāhatya bhairavām |āruroha rathaṃ divyaṃ prahastaḥ sajjakalpitam || 6.57.25 ||||
hayairmahājavairyuktaṃ samyak sūtasusaṃyatam |mahājaladanirghoṣaṃ sākṣāccandrārkabhāsvaram || 6.57.26 ||||
uragadhvajadurddharṣaṃ suvarūthaṃ svapaskaram |suvarṇajālasaṃyuktaṃ prahasantamiva śriyā || 6.57.27 ||||
tatastaṃ rathamāsthāya rāvaṇārpitaśāsanaḥ |laṅkāyā niryayau tūrṇaṃ balena mahatā vṛtaḥ || 6.57.28 ||||
tato dundubhinirghoṣaḥ parjanyaninadopamaḥ |vāditrāṇāṃ ca ninadaḥ pūrayanniva sāgaram |śuśruve śaṅkhaśabdaśca prayāte vāhinīpatau || 6.57.29 ||||
ninadantaḥ svarān ghorān rākṣasā jagmuragrataḥ |bhīmarūpā mahākāyāḥ prahastasya purassarāḥ || 6.57.30 ||||
narāntakaḥ kumbhahanurmahānādaḥ samunnataḥ |prahastasacivā hyete niryayuḥ parivārya tam || 6.57.31 ||||
vyūḍhenaiva sughoreṇa pūrvadvārāt sa niryayau |gajayūthanikāśena balena mahatā vṛtaḥ || 6.57.32 ||||
sāgarapratimaughena vṛtastena balena saḥ |prahasto niryayau tūrṇaṃ kālāntakayamopamaḥ || 6.57.33 ||||
tasya niryāṇaghoṣeṇa rākṣasānāṃ ca nardatām |laṅkāyāṃ sarvabhūtāni vinedurvikṛtaiḥ svaraiḥ || 6.57.34 ||||
vyabhramākāśamāviśya māṃsaśoṇitabhojanāḥ |maṇḍalānyapasavyāni khagāścakrū rathaṃ prati || 6.57.35 ||||
vamantyaḥ pāvakajvālāḥ śivā ghoraṃ vavāśire |antarikṣāt papātolkā vāyuśca paruṣo vavau || 6.57.36 ||||
anyonyamabhisaṃrabdhā grahāśca na cakāśire || 6.57.37 ||||
meghāśca kharanirghoṣā rathasyopari rakṣasaḥ |vavṛṣū rudhiraṃ cāsya siṣicuśca purassarān || 6.57.38 ||||
ketumūrdhani gṛdhro 'sya nilīno dakṣiṇāmukhaḥ |tudannubhayataḥ pārśvaṃ samagrāmaharat prabhām || 6.57.39 ||||
sāratherbahuśaścāsya saṅgrāmamavagāhataḥ |pratodo nyapataddhastāt sūtasya hayasādinaḥ || 6.57.40 ||||
niryāṇaśrīśca yā 'syāsīdbhāsvarā vasudurlabhā |sā nanāśa muhūrtena same ca skhalitā hayāḥ || 6.57.41 ||||
prahastaṃ tvabhiniryāntaṃ prakhyātabalapauruṣam |yudhi nānāpraharaṇā kapisenā 'bhyavartata || 6.57.42 ||||
atha ghoṣaḥ sutumulo harīṇāṃ samajāyata |vṛkṣānārujatāṃ caiva gurvīrāgṛhṇatāṃ śilāḥ || 6.57.43 ||||
nadatāṃ rākṣasānāṃ ca vānarāṇāṃ ca garjatām |ubhe pramudite sainye rakṣogaṇavanaukasām || 6.57.44 ||||
vegitānāṃ samarthānāmanyonyavadhakāṅkṣiṇām |parasparaṃ cāhvayatāṃ ninādaḥ śrūyate mahān || 6.57.45 ||||
tataḥ prahastaḥ kapirājavāhinīmabhipratasthe vijayāya durmatiḥ |vivṛddhavegāṃ ca viveśa tāṃ camūṃ yathā mumūrṣuḥ śalabho vibhāvasum || 6.57.46 ||
tataḥ prahastaṃ niryāntaṃ dṛṣṭvā bhīmaparākramam |uvāca sasmitaṃ rāmo vibhīṣaṇamarindamaḥ || 6.58.1 ||||
ka eṣa sumahākāyo balena mahatā vṛtaḥ |ācakṣva me mahābāho vīryavantaṃ niśācaram || 6.58.2 ||||
rāghavasya vacaḥ śrutvā pratyuvāca vibhīṣaṇaḥ || 6.58.3 ||||
eṣa senāpatistasya prahasto nāma rākṣasaḥ |laṅkāyāṃ rākṣasendrasya tribhāgabalasaṃvṛtaḥ |vīryavānastravicchūraḥ prakhyātaśca parākrame || 6.58.4 ||||
tataḥ prahastaṃ niryāntaṃ bhīmaṃ bhīmaparākramam |garjantaṃ sumahākāyaṃ rākṣasairabhisaṃvṛtam || 6.58.5 ||||
dadarśa mahatī senā vānarāṇāṃ balīyasām |atisañjātaroṣāṇāṃ prahastamabhigarjatām || 6.58.6 ||||
khaḍgaśaktyṛṣṭibāṇāśca śūlāni musalāni ca |gadāśca parighāḥ prāsā vividhāśca paraśvadhāḥ || 6.58.7 ||||
dhanūṃṣi ca vicitrāṇi rākṣasānāṃ jayaiṣiṇām |pragṛhītānyaśobhanta vānarānabhidhāvatām || 6.58.8 ||||
jagṛhuḥ pādapāṃścāpi puṣpitān vānararṣabhāḥ |śilāśca vipulā dīrghā yoddhukāmāḥ plavaṅgamāḥ || 6.58.9 ||||
teṣāmanyonyamāsādya saṅgrāmaḥ sumahānabhūt |bahūnāmaśmavṛṣṭiṃ ca śaravṛṣṭiṃ ca varṣatām || 6.58.10 ||||
bahavo rākṣasā yuddhe bahūn vānarayūthapān |vānarā rākṣasāṃścāpi nijaghnurbahavo bahūn || 6.58.11 ||||
śūlaiḥ pramathitāḥ kecit kecicca paramāyudhaiḥ |parighairāhatāḥ kecit kecicchinnāḥ paraśvadhaiḥ || 6.58.12 ||||
nirucchvāsāḥ kṛtāḥ kecit patitā dharaṇītale |vibhinnahṛdayāḥ kecidiṣusandhānasanditāḥ || 6.58.13 ||||
keciddvidhā kṛtāḥ khaḍgaiḥ sphurantaḥ patitā bhuvi |vānarā rākṣasaiḥ śūlaiḥ pārśvataścāvadāritāḥ || 6.58.14 ||||
vānaraiścāpi saṅkruddhai rākṣasaughāḥ samantataḥ |pādapairgiriśṛṅgaiśca sampiṣṭā vasudhātale || 6.58.15 ||||
vajrasparśatalairhastairmuṣṭibhiśca hatā bhṛśam |vaimuḥ śoṇitamāsyebhyo viśīrṇadaśanekṣaṇāḥ || 6.58.16 ||||
ārtasvanaṃ ca svanatāṃ siṃhanādaṃ ca nardatām |babhūva tumulaḥ śabdo harīṇāṃ rakṣasāṃ yudhi || 6.58.17 ||||
vānarā rākṣasāḥ kruddhā vīramārgamanuvratāḥ |vivṛttanayanāḥ krūrāścakruḥ karmāṇyabhītavat || 6.58.18 ||||
narāntakaḥ kumbhahanurmahānādaḥ samunnataḥ |ete prahastasacivāḥ sarve jaghnurvanaukasaḥ || 6.58.19 ||||
teṣāmāpatatāṃ śīghraṃ nighnatāṃ cāpi vānarān |dvivido giriśṛṅgeṇa jaghānaikaṃ narāntakam || 6.58.20 ||||
durmukhaḥ punarutthāya kapiḥ sa vipuladrumam |rākṣasaṃ kṣiprahastastu samunnatamapothayat || 6.58.21 ||||
jāmbavāṃstu susaṅkruddhaḥ pragṛhya mahatīṃ śilām |pātayāmāsa tejasvī mahānādasya vakṣasi || 6.58.22 ||||
atha kumbhahanustatra tāreṇāsādya vīryavān |vṛkṣeṇābhihato mūrdhni prāṇān santyājayadraṇe || 6.58.23 ||||
amṛṣyamāṇastatkarma prahasto rathamāsthitaḥ |cakāra kadanaṃ ghoraṃ dhanuṣpāṇirvanaukasām || 6.58.24 ||||
āvarta iva sañjajñe ubhayoḥ senayostadā |kṣubhitasyāprameyasya sāgarasyeva nisvanaḥ || 6.58.25 ||||
mahatā hi śaraugheṇa prahasto yuddhakovidaḥ |ardayāmāsa saṅkruddho vānarān paramāhave || 6.58.26 ||||
vānarāṇāṃ śarīraiśca rākṣasānāṃ ca medinī |babhūva nicitā ghorā patitairiva parvataiḥ || 6.58.27 ||||
sā mahī rudhiraugheṇa pracchannā samprakāśate |sañchannā mādhave māsi palāśairiva puṣpitaiḥ || 6.58.28 ||||
hatavīraughavaprāṃ tu bhagnāyudhamahādrumām |śoṇitaughamahātoyāṃ yamasāgaragaminīm || 6.58.29 ||||
yakṛtplīhamahāpaṅkāṃ vinikīrṇāntraśaivalām |bhinnakāyaśiromīnāmaṅgāvayavaśādvalām || 6.58.30 ||||
gṛdhrahaṃsagaṇākīrṇāṃ kaṅkasārasasevitām |medaḥphenasamākīrṇāmārtastanitanisvanām |tāṃ kāpuruṣadustārāṃ yuddhabhūmimayīṃ nadīm || 6.58.31 ||||
nadīmiva ghanāpāye haṃsasārasasevitām |rākṣasāḥ kapimukhyāśca terustāṃ dustarāṃ nadīm || 6.58.32 ||||
yathā padmarajodhvastāṃ nalinīṃ gajayūthapāḥ || 6.58.33 ||||
tataḥ sṛjantaṃ bāṇaughān prahastaṃ syandane sthitam |dadarśa tarasā nīlo vinighnantaṃ plavaṅgamān || 6.58.34 ||||
uddhūta iva vāyuḥ khe mahadabhrabalaṃ balāt |samīkṣyābhidrutaṃ yuddhe prahasto vāhinīpatiḥ |rathenādityavarṇena nīlamevābhidudruve || 6.58.35 ||||
sa dhanurdhanvināṃ śreṣṭho vikṛṣya paramāhave |nīlāya vyasṛjadbāṇān prahasto vāhinīpatiḥ || 6.58.36 ||||
te prāpya viśikhā nīlaṃ vinirbhidya samāhitāḥ |mahīṃ jagmurmahāvegā ruṣitā iva pannagāḥ || 6.58.37 ||||
nīlaḥ śarairabhihato niśitairjvalanopamaiḥ |sa taṃ paramadurdharṣamāpatantaṃ mahākapiḥ || 6.58.38 ||||
prahastaṃ tāḍayāmāsa vṛkṣamutpāṭya vīryavān || 6.58.39 ||||
sa tenābhihataḥ kruddho nadan rākṣasapuṅgavaḥ |vavarṣa śaravarṣāṇi plavaṅgānāṃ camūpatau || 6.58.40 ||||
tasya bāṇagaṇān ghorān rākṣasasya mahābalaḥ |apārayan vārayituṃ pratyagṛhṇānnimīlitaḥ || 6.58.41 ||||
yathaiva govṛṣo varṣaṃ śāradaṃ śīghramāgatam |evameva prahastasya śaravarṣaṃ durāsadam |nimīlitākṣaḥ sahasā nīlaḥ sehe sudāruṇam || 6.58.42 ||||
roṣitaḥ śaravarṣeṇa sālena mahatā mahān |prajaghāna hayānnīlaḥ prahastasya manojavān || 6.58.43 ||||
tataḥ sa cāpamudgṛhya prahastasya mahābalaḥ |babhañja tarasā nīlo nanāda ca punaḥpunaḥ || 6.58.44 ||||
vidhanustu kṛtastena prahasto vāhinīpatiḥ |pragṛhya musalaṃ ghoraṃ syandanādavapupluve || 6.58.45 ||||
tāvubhau vāhinīmukhyau jātavairau tarasvinau |sthitau kṣatajadigdhāṅgau prabhinnāviva kuñjarau || 6.58.46 ||||
ullikhantau sutīkṣṇābhirdaṃṣṭrābhiritaretaram |siṃhaśārdūlasadṛśau siṃhaśārdūlaceṣṭitau || 6.58.47 ||||
vikrāntavijayau vīrau samareṣvanivartinau |kāṅkṣamāṇau yaśaḥ prāptuṃ vṛtravāsavayoḥ samau || 6.58.48 ||||
ājaghāna tadā nīlaṃ lalāṭe musalena saḥ |prahastaḥ paramāyattastasya susrāva śoṇitam || 6.58.49 ||||
tataḥ śoṇitadigdhāṅgaḥ pragṛhya sumahātarum |prahastasyorasi kruddho visasarja mahākapiḥ || 6.58.50 ||||
tamacintya prahāraṃ sa pragṛhya musalaṃ mahat |abhidudrāva balinaṃ balānnīlaṃ plavaṅgamam || 6.58.51 ||||
tamugravegaṃ saṃrabdhamāpatantaṃ mahākapiḥ |tataḥ samprekṣya jagrāha mahāvego mahāśilām || 6.58.52 ||||
tasya yuddhābhikāmasya mṛdhe musalayodhinaḥ |prahastasya śilāṃ nīlo mūrdhni tūrṇamapātayat || 6.58.53 ||||
sā tena kapimukhyena vimuktā mahatī śilā |bibheda bahudhā ghorā prahastasya śirastadā || 6.58.54 ||||
sa gatāsurgataśrīko gatasattvo gatendriyaḥ |papāta sahasā bhūmau chinnamūla iva drumaḥ || 6.58.55 ||||
prabhinnaśirasastasya bahu susrāva śoṇitam |śarīrādapi susrāva gireḥ prasravaṇaṃ yathā || 6.58.56 ||||
hate prahaste nīlena tadakampyaṃ mahadbalam |rakṣasāmaprahṛṣṭānāṃ laṅkāmabhijagāma ha || 6.58.57 ||||
na śekuḥ samare sthātuṃ nihate vāhinīpatau |setubandhaṃ samāsādya vikīrṇaṃ salilaṃ yathā || 6.58.58 ||||
hate tasmiṃścamūmukhye rākṣasāste nirudyamāḥ |rakṣaḥpatigṛhaṃ gatvā dhyānamūkatvamāsthitāḥ |prāptāḥ śokārṇavaṃ tīvraṃ nissañjñā iva te 'bhavan || 6.58.59 ||||
tatastu nīlo vijayī mahābalaḥ praśasyamānaḥ svakṛtena karmaṇā |sametya rāmeṇa salakṣmaṇena ca prahṛṣṭarūpastu babhūva yūthapaḥ || 6.58.60 ||
tasmin hate rākṣasasainyapāle plavaṅgamānāmṛṣabheṇa yuddhe |bhīmāyudhaṃ sāgaratulyavegaṃ vidudruve rākṣasarājasainyam || 6.59.1 ||||
gatvā 'tha rakṣodhipateḥ śaśaṃsuḥ senāpatiṃ pāvakasūnuśastam |taccāpi teṣāṃ vacanaṃ niśamya rakṣodhipaḥ krodhavaśaṃ jagāma || 6.59.2 ||||
saṅkhye prahastaṃ nihataṃ niśamya śokārditaḥ krodhaparītacetāḥ |uvāca tānnairṛtayodhamukhyānindro yathā cāmarayodhamukhyān || 6.59.3 ||||
nāvajñā ripave kāryā yairindrabalasūdanaḥ |sūditaḥ sainyapālo me sānuyātraḥ sakuñjaraḥ || 6.59.4 ||||
so 'haṃ ripuvināśāya vijayāyāvicārayan |svayameva gamiṣyāmi raṇaśīrṣaṃ tadadbhutam || 6.59.5 ||||
adya tadvānarānīkaṃ rāmaṃ ca sahalakṣmaṇam |nirdahiṣyāmi vāṇaughairvanaṃ dīptairivāgnibhiḥ || 6.59.6 ||||
sa evamuktvā jvalanaprakāśaṃ rathaṃ turaṅgottamarājayuktam |prakāśamānaṃ vapuṣā jvalantaṃ samārurohāmararājaśatruḥ || 6.59.7 ||||
sa śaṅkhabhairīpaṇavapraṇādairāsphoṭitakṣvelitasiṃhanādaiḥ |puṇyaiḥ stavaiścāpyabhipūjyamānastadā yayau rākṣasarājamukhyaḥ || 6.59.8 ||||
sa śailajīmūtanikāśarūpairmāṃsādanaiḥ pāvakadīptanetreḥ |babhau vṛto rākṣasarājamukhyo bhūtairvṛto rudra ivāsureśaḥ || 6.59.9 ||||
tato nagaryāḥ sahasā mahaujā niṣkramya tadvānarasainyamugram |mahārṇavābhrastanitaṃ dadarśaṃ samudyataṃ pādapaśailahastam || 6.59.10 ||||
tadrākṣasānīkamatipracaṇḍamālokya rāmo bhujagendrabāhuḥ |vibhīṣaṇaṃ śastrabhṛtāṃ variṣṭhamuvāca senānugataḥ pṛthuśrīḥ || 6.59.11 ||||
nānāpatākādhvajaśastrajuṣṭaṃ prāsāsiśūlāyudhaśastrajuṣṭam |sainyaṃ gajendropamanāgajuṣṭaṃ kasyedamakṣobhyamabhīrujuṣṭam || 6.59.12 ||||
tatastu rāmasya niśamya vākyaṃ vibhīṣaṇaḥ śakrasamānavīryaḥ |śaśaṃsa rāmasya balapravekaṃ mahātmanāṃ rākṣasapuṅgavānām || 6.59.13 ||||
yo 'sau gajaskandhagato mahātmā navoditārkopamatāmravaktraḥ |prakampayannāgaśiro 'bhyupaiti hyakampanaṃ tvenamavehi rājan || 6.59.14 ||||
yo 'sau rathastho mṛgarājaketurdhūnvan dhanuḥ śakradhanuḥprakāśam |karīva bhātyugravivṛttadaṃṣṭraḥ sa indrajinnāma varapradhānaḥ || 6.59.15 ||||
yaścaiṣa vindhyāstamahendrakalpo dhanvī rathastho 'tiratho 'tivīraḥ |visphārayaṃścāpamatulyamānaṃ nāmnā 'tikāyo 'tivivṛddhakāyaḥ || 6.59.16 ||||
yo 'sau navārkoditatāmracakṣurāruhya ghaṇṭāninadapraṇādam |gajaṃ kharaṃ garjati vai mahātmā mahodaro nāma sa eṣa vīraḥ || 6.59.17 ||||
yo 'sau hayaṃ kāñcanacitrabhāṇḍamāruhya sandhyābhragiriprakāśam |prāsaṃ samudyamya marīcinaddhaṃ piśāca eṣo 'śanitulyavegaḥ || 6.59.18 ||||
yaścaiṣa śūlaṃ niśitaṃ pragṛhya vidyutprabhaṃ kiṅkaravajravegam |vṛṣendramāsthāya giriprakāśamāyāti yo 'sau triśirā yaśasvī || 6.59.19 ||||
asau ca jīmūtanikāśarūpaḥ kumbhaḥ pṛthuvyūḍhasujātavakṣāḥ |samāhitaḥ pannagarājaketurvisphārayan bhāti dhanurvidhūnvan || 6.59.20 ||||
yaścaiṣa jāmbūnadavajrajuṣṭaṃ dīptaṃ sadhūmaṃ parighaṃ pragṛhya |āyāti rakṣobalaketubhūtastvasau nikumbho 'dbhutaghorakarmā || 6.59.21 ||||
yaścaiṣa cāpāsiśaraughajuṣṭaṃ patākinaṃ pāvakadīptarūpam |rathaṃ samāsthāya vibhātyudagro narāntako 'sau nagaśṛṅgayodhī || 6.59.22 ||||
yaścaiṣa nānāvidhaghorarūpairvyāghroṣṭranāgendramṛgāśvavaktraiḥ |bhūtairvṛto bhāti vivṛttanetraiḥ so 'sau surāṇāmapi darpahantā || 6.59.23 ||||
yatraitadindupratimaṃ vibhāti cchatraṃ sitaṃ sūkṣmaśalākamagryam |atraiṣa rakṣodhipatirmahātmā bhūtairvṛto rudra ivāvabhāti || 6.59.24 ||||
asau kirīṭī calukuṇḍalāsyo nagendravindhyopamabhīmakāyaḥ |mahendravaivasvatadarpahantā rakṣodhipaḥ sūrya ivāvabhāti || 6.59.25 ||||
pratyuvāca tato rāmo vibhīṣaṇamarindamam |aho dīpto mahātejā rāvaṇo rākṣaseśvaraḥ || 6.59.26 ||||
āditya iva duṣprekṣo raśmibhirbhāti rāvaṇaḥ |suvyaktaṃ lakṣaye hyasya rūpaṃ tejassamāvṛtam || 6.59.27 ||||
devadānavavīrāṇāṃ vapurnaivaṃvidhaṃ bhavet |yādṛśaṃ rākṣasendrasya vapuretat prakāśate || 6.59.28 ||||
sarve parvatasaṅkāśāḥ sarve parvatayodhinaḥ |sarve dīptāyudhadharā yodhāścāsya mahaujasaḥ || 6.59.29 ||||
bhāti rākṣasarājo 'sau pradīptairbhīmavikramaiḥ |bhūtaiḥ parivṛtastīkṣṇairdehavadbhirivāntakaḥ || 6.59.30 ||||
diṣṭyā 'yamadya pāpātmā mama dṛṣṭipathaṃ gataḥ |adya krodhaṃ vimokṣyāmi sītāharaṇasambhavam || 6.59.31 ||||
evamuktvā tato rāmo dhanurādāya vīryavān |lakṣmaṇānucarastasthau samuddhṛtya śarottamam || 6.59.32 ||||
tataḥ sa rakṣodhipatirmahātmā rakṣāṃsi tānyāha mahābalāni |dvāreṣu caryāgṛhagopureṣu sunirvṛtāstiṣṭhata nirviśaṅkāḥ || 6.59.33 ||||
ihāgataṃ māṃ sahitaṃ bhavadbhirvanaukasaśchidramidaṃ viditvā |śūnyāṃ purīṃ duṣprasahāṃ pramathya pradharṣayeyuḥ sahasā sametāḥ || 6.59.34 ||||
visarjayitvā sahitāṃstatastān gateṣu rakṣassu yathāniyogam |vyadārayadvānarasāgaraughaṃ mahājhaṣaḥ pūrṇamivārṇavaugham || 6.59.35 ||||
tamāpatantaṃ sahasā samīkṣya dīpteṣucāpaṃ yudhi rākṣasendram |mahat samutpāṭya mahīdharāgraṃ dudrāva rakṣodhipatiṃ harīśaḥ || 6.59.36 ||||
tacchailaśṛṅgaṃ bahuvṛkṣasānuṃ pragṛhya cikṣepa niśācarāya |tamāpatantaṃ sahasā samīkṣya bibheda bāṇaistapanīyapuṅkhaiḥ || 6.59.37 ||||
tasmin pravṛddhottamasānuvṛkṣe śṛṅge vikīrṇe patite pṛthivyām |mahāhikalpaṃ śaramantakābhaṃ samādade rākṣasalokanāthaḥ || 6.59.38 ||||
sa taṃ gṛhītvā 'nilatulyavegaṃ savisphuliṅgajvalanaprakāśam |bāṇaṃ mahendrāśanitulyavegaṃ cikṣepa sugrīvavadhāya ruṣṭaḥ || 6.59.39 ||||
sa sāyako rāvaṇabāhumuktaḥ śakrāśaniprakhyavapuḥ śitāgraḥ |sugrīvamāsādya bibheda vegād guheritā krauñcamivograśaktiḥ || 6.59.40 ||||
sa sāyakārto viparītacetāḥ kūjan pṛthivyāṃ nipapāta vīraḥ |taṃ prekṣya bhūmau patitaṃ visañjñaṃ neduḥ prahṛṣṭā yudhi yātudhānāḥ || 6.59.41 ||||
tato gavākṣo gavayaḥ sudaṃṣṭrastatharṣabho jyotimukho nabhaśca |śailān samudyamya vivṛddhakāyāḥ pradudruvustaṃ prati rākṣasendram || 6.59.42 ||||
teṣāṃ prahārān sa cakāra moghān rakṣodhipo bāṇagaṇaiḥ śitāgraiḥ |tān vānarendrānapi bāṇajālairbibheda jāmbūnadacitrapuṅkhaiḥ || 6.59.43 ||||
te vānarendrāstridaśāribāṇairbhinnā vipeturbhuvi bhīmakāyāḥ |tatastu tadvānarasainyamugraṃ pracchādayāmāsa sa bāṇajālaiḥ || 6.59.44 ||||
te vadhyamānāḥ patitāḥ pravīrā nānadyamānā bhayaśalyaviddhāḥ |śākhāmṛgā rāvaṇasāyakārtā jagmuḥ śaraṇyaṃ śaraṇaṃ sma rāmam || 6.59.45 ||||
tato mahātmā sa dhanurdhanuṣmānādāya rāmaḥ sahasā jagāma |taṃ lakṣmaṇaḥ prāñjalirabhyupetya uvāca vākyaṃ paramārthayuktam || 6.59.46 ||||
kāmamāryaḥ suparyāpto vadhāyāsya durātmanaḥ |vidhamiṣyāmyahaṃ nīcamanujānīhi māṃ prabho || 6.59.47 ||||
tamabravīnmahatejā rāmaḥ satyaparākramaḥ || 6.59.48 ||||
gaccha yatnaparaścāpi bhava lakṣmaṇa saṃyuge |rāvaṇo hi mahāvīryo raṇe 'dbhutaparākramaḥ |trailokyenāpi saṅkruddho duṣprasahyo na saṃśayaḥ || 6.59.49 ||||
tasya cchidrāṇi mārgasva svacchidrāṇi ca lakṣaya |cakṣuṣā dhanuṣā yatnādrakṣātmānaṃ samāhitaḥ || 6.59.50 ||||
rāghavasya vacaḥ śrutvā pariṣvajyābhipūjya ca |abhivādya tato rāmaṃ yayau saumitrirāhavam || 6.59.51 ||||
sa rāvaṇaṃ vāraṇahastabāhurdadarśa dīptodyatabhīmacāpam |pracchādayantaṃ śaravṛṣṭijālaistān vānarān bhinnavikīrṇadehān || 6.59.52 ||||
tamālokya mahātejā hanumān mārutātmajaḥ |nivārya śarajālāni pradurdrāva sa rāvaṇam || 6.59.53 ||||
rathaṃ tasya samāsādya bhujamudyamya dakṣiṇam |trāsayan rāvaṇaṃ dhīmān hanumān vākyamabravīt || 6.59.54 ||||
devadānavagandharvairyakṣaiśca saha rākṣasaiḥ |avadhyatvaṃ tvayā prāptaṃ vānarebhyastu te bhayam || 6.59.55 ||||
eṣa me dakṣiṇo bāhuḥ pañcaśākhaḥ samudyataḥ |vidhamiṣyati te dehādbhūtātmānaṃ ciroṣitam || 6.59.56 ||||
śrutvā hanumato vākyaṃ rāvaṇo bhīmavikramaḥ |saṃraktanayanaḥ krodhādidaṃ vacanamabravīt || 6.59.57 ||||
kṣipraṃ prahara niśśaṅkaṃ sthirāṃ kīrtimavāpnuhi |tatastvāṃ jñātavikrāntaṃ nāśayiṣyāmi vānara || 6.59.58 ||||
rāvaṇasya vacaḥ śrutvā vāyusūnurvaco 'bravīt |prahṛtaṃ hi mayā pūrvamakṣaṃ smara sutaṃ tava || 6.59.59 ||||
evamukto mahātejā rāvaṇo rākṣaseśvaraḥ |ājaghānānilasutaṃ talenorasi vīryavān || 6.59.60 ||||
sa talābhihatastena cacāla ca muhurmuhuḥ |sthitvā muhūrtaṃ tejasvī sthairyaṃ kṛtvā mahāmatiḥ |ājaghānābhisaṃkruddhastalenaivāmaradviṣam || 6.59.61 ||||
tatastalenābhihato vānareṇa mahātmanā |daśagrīvaḥ samādhūto yathā bhūmicale 'calaḥ || 6.59.62 ||tiḥ |||
saṅgrāme taṃ tathā dṛṣṭvā rāvaṇaṃ talatāḍitam |ṛṣayo vānarāḥ siddhā nedurdevāḥ sahāsuraiḥ || 6.59.63 ||||
athāśvāsya mahātejā rāvaṇo vākyamabravīt || 6.59.64 ||||
sādhu vānara vīryeṇa ślāghanīyo 'si me ripuḥ |rāvaṇenaivamuktastu mārutirvākyamabravīt || 6.59.65 ||||
dhigastu mama vīryeṇa yastvaṃ jīvasi rāvaṇa |sakṛttu praharedānīṃ durbuddhe kiṃ vikatthase |tatastvāṃ māmikā muṣṭirnayiṣyati yamakṣayam || 6.59.66 ||||
tato mārutivākyena krodastasya tadā 'jvalat || 6.59.67 ||dānīṃ durbuddhe kiṃ vikatthase |saṃraktanayano yatnānmuṣṭimudyamya dakṣiṇam |pātayāmāsa vegena vānarorasi vīryavān || 6.59.68 ||||
hanumān vakṣasi vyūḍhe sañcacāla punaḥpunaḥ || 6.59.69 ||||
vihvalaṃ tu tadā dṛṣṭvā hanumantaṃ mahābalam |rathenātirathaḥ śīghraṃ nīlaṃ prati samabhyagāt || 6.59.70 ||||
rākṣasānāmadhipatirdaśagrīvaḥ pratāpavān |pannagapratimairbhīmaiḥ paramarmātibhedibhiḥ |śarairādīpayāmāsa nīlaṃ haricamūpatim || 6.59.71 ||||
sa śaraughasamāyasto nīlaḥ kapicamūpatiḥ |kareṇaikena śelāgraṃ rakṣodhipataye 'sṛjat || 6.59.72 ||||
hanumānapi tejasvī samāśvasto mahāmanāḥ |viprekṣamāṇo yuddhepsuḥ saroṣamidamabravīt || 6.59.73 ||||
nīlena saha saṃyuktaṃ rāvaṇaṃ rākṣaseśvaram |anyena yuddhyamānasya na yuktamabhidhāvanam || 6.59.74 ||||
rāvaṇo 'pi mahātejāstacchṛṅgaṃ saptabhiḥ śaraiḥ |ājaghāna sutīkṣṇāgraistadvikīrṇaṃ papāta ha || 6.59.75 ||||
tadvikīrṇaṃ gireḥ śṛṅgaṃ dṛṣṭvā haricamūpatiḥ |kālāgniriva jajvāla krodhona paravīrahā || 6.59.76 ||||
so 'śvakarṇān dhavān sālāṃścūtāṃścāpi supuṣpitān |anyāṃśca vividhān vṛkṣānnīlaścikṣepa saṃyuge || 6.59.77 ||||
sa tān vṛkṣān samāsādya praticiccheda rāvaṇaḥ |abhyavarṣat sughoreṇa śaravarṣeṇa pāvakim || 6.59.78 ||||
abhivṛṣṭaḥ śaraugheṇa megheneva mahācalaḥ |hrasvaṃ kṛtvā tadā rūpaṃ dhvajāgre nipapāta ha || 6.59.79 ||||
pāvakātmajamālokya dhvajāgre samupasthitam |jajvāla rāvaṇaḥ krodhāttato nīlo nanāda ca || 6.59.80 ||||
dhvajāgre dhanuṣaścāgre kirīṭāgre ca taṃ harim |lakṣmaṇo 'tha hanūmāṃśca dṛṣṭvā rāmaśca vismitāḥ || 6.59.81 ||||
rāvaṇo 'pi mahātejāḥ kapilāghavavismitaḥ |astramāhārayāmāsa dīptamāgneyamadbhutam || 6.59.82 ||||
tataste cukruśurhṛṣṭā labdhalakṣāḥ plavaṅgamāḥ |nīlalāghavasambhrāntaṃ dṛṣṭvā rāvaṇamāhave || 6.59.83 ||||
vānarāṇāṃ ca nādena saṃrabdho rāvaṇastadā |sambhramāviṣṭahṛdayo na kiñcit pratyapadyata || 6.59.84 ||||
āgneyenātha saṃyuktaṃ gṛhītvā rāvaṇaḥ śaram |dhvajaśīrṣasthitaṃ nīlamudaikṣata niśācaraḥ |tato 'bravīnmahātejā rāvaṇo rākṣaseśvaraḥ || 6.59.85 ||||
kape lāghavayukto 'si māyayā parayā 'nayā |jīvitaṃ khalu rakṣasva yadi śakto 'si vānara || 6.59.86 ||||
tāni tānyātmarūpāṇi sṛjasi tvamanekaśaḥ || 6.59.87 ||||
tathāpi tvāṃ mayā yuktaḥ sāyako 'straprayojitaḥ |jīvataṃ parirakṣantaṃ jīvitād bhraṃśayiṣyati || 6.59.88 ||||
evamuktvā mahābāhū rāvaṇo rākṣaseśvaraḥ |sandhāya bāṇamastreṇa camūpatimatāḍayat || 6.59.89 ||||
so 'strayuktena bāṇena nīlo vakṣasi tāḍitaḥ |nirdahyamānaḥ sahasā nipapāta mahītale || 6.59.90 ||||
pitṛmāhātmyasaṃyogādātmanaścāpi tejasā |jānubhyāmapatadbhūmau na ca prāṇairvyayujyata || 6.59.91 ||||
visañjñaṃ vānaraṃ dṛṣṭvā daśagrīvo raṇotsukaḥ |rathenāmbudanādena saumitrimabhidudruve || 6.59.92 ||||
āsādya raṇamadhye tu vārayitvā sthito jvalan |dhanurvisphārayāmāsa kampayanniva medinīm || 6.59.93 ||||
tamāha saumitriradīnasattvo visphārayantaṃ dhanuraprameyam |abhyehi māmeva niśācarendra na vānarāṃstvaṃ pratiyoddhumarhaḥ || 6.59.94 ||||
sa tasya vākyaṃ pratipūrṇaghoṣaṃ jyāśabdamugraṃ ca niśamya rājā |āsādya saumitrimavasthitaṃ taṃ kopānvito vākyamuvāca rakṣaḥ || 6.59.95 ||||
diṣṭyā 'si me rāghava dṛṣṭimārgaṃ prāpto 'ntagāmī viparītabuddhiḥ |asmin kṣaṇe yāsyasi mṛtyudeśaṃ saṃsādyamāno mama bāṇajālaiḥ || 6.59.96 ||||
tamāha saumitriravismayāno garjantamudvṛttasitāgradaṃṣṭram |rājanna garjanti mahāprabhāvā vikatthase pāpakṛtāṃ variṣṭha || 6.59.97 ||||
jānāmi vīryaṃ tava rākṣasendra balaṃ pratāpaṃ ca parākramaṃ ca |avasthito 'haṃ śaracāpapāṇirāgaccha kiṃ moghavikatthanena || 6.59.98 ||||
sa evamuktaḥ kupitaḥ sasarja rakṣodhipaḥ sapta śarān supuṅkhān |tān lakṣmaṇaḥ kāñcanacitrapuṅkhaiściccheda bāṇairniśitāgradhāraiḥ || 6.59.99 ||||
tān prekṣamāṇaḥ sahasā nikṛttānnikṛttabhogāniva pannagendrān |laṅkeśvaraḥ krodhavaśaṃ jagāma sasarja cānyānniśitān pṛṣatkān || 6.59.100 ||||
sa bāṇavarṣaṃ tu vavarṣa tīvraṃ rāmānujaḥ kārmukasamprayuktam |kṣurārdhacandrottamakarṇibhallaiḥ śarāṃśca ciccheda na cukṣubhe ca || 6.59.101 ||||
sa bāṇajālānyatha tāni tāni moghāni paśyaṃ stridaśārirājaḥ |visiṣmiye lakṣmaṇalāghavena punaśca bāṇānniśitān mumoca || 6.59.102 ||||
sa lakṣmaṇaścāśu śarān śitāgrān mahendravajrāśanitulyavegān |sandhāya cāpe jvalanaprakāśān sasarja rakṣodhipatervadhāya || 6.59.103 ||||
sa tān praciccheda hi rākṣasendraśchittvā ca tā~llakṣmaṇamājaghāna |śareṇa kālāgnisamaprabheṇa svayambhudattena lalāṭadeśe || 6.59.104 ||||
sa lakṣmaṇo rāvaṇasāyakārtaścacāla cāpaṃ śithilaṃ pragṛhya |punaśca sañjñāṃ pratilabhya kṛcchrācciccheda cāpaṃ tridaśendraśatroḥ || 6.59.105 ||||
nikṛttacāpaṃ tribhirājaghāna bāṇaistadā dāśarathiḥ śitāgraḥ |sa sāyakārto vicacāla rājā kṛcchrācca sañjñāṃ punarāsasāda || 6.59.106 ||||
sa kṛttacāpaḥ śaratāḍitaśca medārdragātro rudhirāvasiktaḥ |jagrāha śaktiṃ samudagraśaktiḥ svayambhudattāṃ yudhi devaśatruḥ || 6.59.107 ||||
sa tāṃ vidhūmānalasannikāśāṃ vitrāsinīṃ vānaravāhinīnām |cikṣepa śaktiṃ tarasājvalantīṃ saumitraye rākṣasarāṣṭranāthaḥ || 6.59.108 ||||
tāmāpatantīṃ bharatānujograirjaghāna bāṇaiśca hutāgnikalpaiḥ |tathāpi sā tasya viveśa śaktirbāhvantaraṃ dāśaratherviśālam || 6.59.109 ||||
sa śaktimān śaktisamāhataḥ san muhuḥ prajajvāla raghupravīraḥ |taṃ vihvalantaṃ sahasā 'bhyupetya jagrāha rājā tarasā bhujābhyām || 6.59.110 ||||
himavān mandaro merustrailokyaṃ vā sahāmaraiḥ |śakyaṃ bhujābhyāmuddhartu na saṅkhye bharatānujaḥ || 6.59.111 ||||
śaktyā brāhmyā 'pi saumitristāḍitastu stanāntare |viṣṇoracintyaṃ svaṃ bhāgamātmānaṃ pratyanusmarat || 6.59.112 ||||
tato dānavadarpaghnaṃ saumitriṃ devakaṇṭakaḥ |taṃ pīḍayitvā bāhubhyāmaprabhurlaṅghane 'bhavat |athaivaṃ vaiṣṇavaṃ bhāgaṃ mānuṣaṃ dehamāsthitam || 6.59.113 ||||
atha vāyusutaḥ kruddho rāvaṇaṃ samabhidravat |ājaghānorasi kruddho vajrakalpena muṣṭinā || 6.59.114 ||||
tena muṣṭiprahāreṇa rāvaṇo rākṣaseśvaraḥ |jānubhyāmapatadbhūmau cacāla ca papāta ca || 6.59.115 ||||
āsyaiḥ sanetraśravaṇairvavāma rudhiraṃ bahu || 6.59.116 ||||
vighūrṇamāno niśceṣṭo rathopastha upāviśat |visañjño mūrcchitaścāsīnna ca sthānaṃ samālabhat || 6.59.117 ||||
visañjñaṃ rāvaṇaṃ dṛṣṭvā samare bhīmavikramam |ṛṣayo vānarāḥ sarve nedurdevāḥ savāsavāḥ || 6.59.118 ||||
hanumānapi tejasvī lakṣmaṇaṃ rāvaṇārditam |anayadrāghavābhyāśaṃ bāhubhyāṃ parigṛhya tam || 6.59.119 ||||
vāyusūnoḥ suhṛttvena bhaktyā paramayā ca saḥ |śatrūṇāmaprakampyo 'pi laghutvamagamat kapeḥ || 6.59.120 ||||
taṃ samutsṛjya sā śaktiḥ saumitriṃ yudhi durjayam |rāvaṇasya rathe tasmin sthānaṃ punarupāgatā || 6.59.121 ||||
āśvastaśca viśalyaśca lakṣmaṇaḥ śatrusūdanaḥ |viṣṇorbhāgamamīmāṃsyamātmānaṃ pratyanusmaran || 6.59.122 ||||
rāvaṇo 'pi mahātejāḥ prāpya sañjñāṃ mahāhave |ādade niśitān bāṇān jagrāha ca mahaddhanuḥ || 6.59.123 ||||
nipātitamahāvīrāṃ dravantīṃ vānarīṃ camūm |rāghavastu raṇe dṛṣṭvā rāvaṇaṃ samabhidravat || 6.59.124 ||||
athainamupasaṅgamya hanumān vākyamabravīt |mama pṛṣṭaṃ samāruhya rākṣasaṃ śāstumarhasi || 6.59.125 ||||
viṣṇuryathā garutmantaṃ balavantaṃ samāhitaḥ |tacchutvā rāghavo vākyaṃ vāyuputreṇa bhāṣitam |āruroha mahāśūro balavantaṃ mahākapim || 6.59.126 ||||
rathasthaṃ rāvaṇaṃ saṅkhye dadarśa manujādhipaḥ || 6.59.127 ||||
ā rāghavo vākyaṃ vāyuputreṇa bhāṣitam |tamālokya māhatejāḥ pradudrāva sa rāghavaḥ |vairocanamiva kruddho viṣṇurabhyudyatāyudhaḥ || 6.59.128 ||||
jyāśabdamakarottīvaṃ vajraniṣpeṣanisvanam || 6.59.129 ||||
girā gambhīrayā rāmo rākṣasendramuvāca ha || 6.59.130 || |||
tiṣṭha tiṣṭha mama tvaṃ hi kṛtvā vipriyamīddaśam |kva nu rākṣasaśārdūla gato mokṣamavāpsyasi || 6.59.131 ||||
yadīndravaivasvatabhāskarān vā svayambhuvaiśvānaraśaṅkarān vā |gamiṣyasi tvaṃ daśa vā diśo 'thavā tathāpi me nādya gato vimokṣyase || 6.59.132 ||||
yaścaiva śaktyā 'bhihatastvayā 'dya icchan viṣādaṃ sahasā 'bhyupetaḥ |sa eva rakṣogaṇarāja mṛtyuḥ saputradārasya tavādyayuddhe || 6.59.133 ||||
etena cātyadbhutadarśanāni śarairjanasthānakṛtālayāni |caturdaśānyāttavarāyudhāni rakṣassahasrāṇi niṣūditāni || 6.59.134 ||||
rāghavasya vacaḥ śrutvā rākṣasendro mahākapim |vāyuputraṃ mahāvīryaṃ vahantaṃ rāghavaṃ raṇe |ājaghāna śaraistīkṣṇaiḥ kālānalaśikhopamaiḥ || 6.59.135 ||||
rākṣasenāhave tasya tāḍitasyāpi sāyakaiḥ |svabhāvatejoyuktasya bhūyastejo 'bhyavardhata || 6.59.136 ||||
tato rāmo mahātejā rāvaṇena kṛtavraṇam |dṛṣṭvā plavagaśārdūlaṃ kopasya vaśameyivān || 6.59.137 ||||
tasyābhicaṅkramya rathaṃ sacakraṃ sāśvadhvajacchatramahāpatākam |sasārathiṃ sāśaniśūlakhaḍgaṃ rāmaḥ praciccheda śaraiḥ supuṅkhaiḥ || 6.59.138 ||||
athendraśatruṃ tarasā jaghāna bāṇena vajrāśanisannibhena |bhujāntare vyūḍhasujātarūpe vajreṇa meruṃ bhagavānivendraḥ || 6.59.139 ||||
yo vajrapātāśanisannipātānna cukṣubhe nāpi cacāla rājā |sa rāmabāṇābhihato bhṛśārtaścacāla cāpaṃ ca mumoca vīraḥ || 6.59.140 ||||
taṃ vihvalantaṃ prasamīkṣya rāmaḥ samādade dīptamathārdhacandram |tenārkavarṇaṃ sahasā kirīṭaṃ ciccheda rakṣodhipatermahātmā || 6.59.141 ||||
taṃ nirviṣāśīviṣasannikāśaṃ śāntārciṣaṃ sūryamivāprakāśam |gataśriyaṃ kṛttakirīṭakūṭamuvāca rāmo yudhi rākṣasendram || 6.59.142 ||||
kṛtaṃ tvayā karma mahat subhīmaṃ hatapravīraśca kṛtastvayā 'ham |tasmāt pariśrānta iva vyavasya na tvāṃ śarairmṛtyuvaśaṃ nayāmi || 6.59.143 ||||
gacchānujānāmi raṇārditastvaṃ praviśya rātriṃcararāja laṅkām |āśvāsya niryāhi rathī ca dhanvī tadā balaṃ drakṣyasi me rathasthaḥ || 6.59.144 ||||
sa evamukto hatadarpaharṣo nikṛttacāpaḥ sa hatāśvasūtaḥ |śarārditaḥ kṛttamahākirīṭo viveśa laṅkāṃ sahasā sa rājā || 6.59.145 ||||
tasmin praviṣṭe rajanīcarendre mahābale dānavadevaśatrau |harīn viśalyān saha lakṣmaṇena cakāra rāmaḥ paramāhavāgre || 6.59.146 ||||
tasmin prabhinne tridaśendraśatrau surāsurā bhūtagaṇā diśaśca |sasāgarāḥ sarṣimahorāgāśca tathaiva bhūmyambucarāśca hṛṣṭāḥ || 6.59.147 ||
sa praviśya purīṃ laṅkāṃ rāmabāṇabhayārditaḥ |bhagnadarpastadā rājā babhūva vyathitendriyaḥ || 6.60.1 ||||
mātaṅga iva siṃhena garuḍeneva pannagaḥ |abhibhūto 'bhavadrājā rāghaveṇa mahātmanā || 6.60.2 ||||
brahmadaṇḍaprakāśānāṃ vidyutsadṛśavarcasām |smaran rāghavabāṇānāṃ vivyathe rākṣaseśvaraḥ || 6.60.3 ||||
sa kāñcanamayaṃ divyamāśritya paramāsanam |viprekṣamāṇo rakṣāṃsi rāvaṇo vākyamabravīt || 6.60.4 ||||
sarvaṃ tat khalu me moghaṃ yattaptaṃ paramaṃ tapaḥ |yat samāno mahendreṇa mānuṣeṇāsmi nirjitaḥ || 6.60.5 ||||
idaṃ tadbrahmaṇo ghoraṃ vākyaṃ māmabhyupasthitam |mānuṣebhyo vijānīhi bhayaṃ tvamiti tattathā || 6.60.6 ||||
devadānavagandharvairyakṣarākṣasapannagaiḥ |avadhyatvaṃ mayā prāptaṃ mānuṣebhyo na yācitam || 6.60.7 ||||
viditaṃ mānuṣaṃ manye rāmaṃ daśarathātmajam |ikṣvākukulanāthena anaraṇyena yatpurā || 6.60.8 ||||
utpatsyate hi madvaṃśe puruṣo rākṣasādhama |yastvāṃ saputraṃ sāmātyaṃ sabalaṃ sāśvasārathim |nihaniṣyati saṅgrāme tvāṃ kulādhama durmate || 6.60.9 ||||
śapto 'haṃ vedavatyā ca yadā sā dharṣitā purā |seyaṃ sītā mahābhāgā jātā janakanandinī || 6.60.10 ||||
umā nandīśvaraścāpi rambhā varuṇakanyakā |yathoktāstapasā prāptaṃ na mithyā ṛṣibhāṣitam || 6.60.11 ||||
etadevābhyupāgamya yatnaṃ kartumihārhatha |rākṣasāścāpi tiṣṭhantu caryāgopuramūrddhasu || 6.60.12 ||||
sa cāpratimagāmbhīro devadānavadarpahā |brahmaśāpābhibhūtastu kumbhakarṇo vibodhyatām || 6.60.13 ||||
sa parājitamātmānaṃ prahastaṃ ca niṣūditam |jñātvā rakṣobalaṃ bhīmamādideśa mahābalaḥ || 6.60.14 ||||
dvāreṣu yatnaḥ kriyatāṃ prākāraścādhiruhyatām |nidrāvaśasamāviṣṭaḥ kumbhakarṇo vibodhyatām || 6.60.15 ||||
sukhaṃ svapiti niścintaḥ kālopahatacetanaḥ |nava ṣaṭ sapta cāṣṭau ca māsān svapiti rākṣasaḥ || 6.60.16 ||||
mantrayitvā prasupto 'yamitastu navame 'hani |taṃ tu bodhayata kṣipraṃ kumbhakarṇaṃ mahābalam || 6.60.17 ||||
sa tu saṅkhye mahābāhuḥ kakudaḥ sarvarakṣasām |vānarān rājaputrau ca kṣiprameva vadhiṣyati || 6.60.18 ||||
eṣa ketuḥ paraḥ saṅkhye mukhyo vai sarvarakṣasām |kumbhakarṇaḥ sadā śete mūḍho grāmyasukhe rataḥ || 6.60.19 ||||
rāmeṇa hi nirastasya saṅgrāme 'smin sudāruṇe |bhaviṣyati na me śokaḥ kumbhakarṇe vibodhite || 6.60.20 ||||
kiṃ kariṣyāmyahaṃ tena śakratulyabalena hi |īddaśe vyasane prāpte yo na sāhyāya kalpate || 6.60.21 ||||
te tu tadvacanaṃ śrutvā rākṣasendrasya rākṣasāḥ |jagmuḥ paramasambhrāntāḥ kumbhakarṇaniveśanam || 6.60.22 ||||
te rāvaṇasamādiṣṭā māṃsaśoṇitabhojanāḥ |gandhamālyāṃstathā bhakṣyānādāya sahasā yayuḥ || 6.60.23 ||||
tāṃ praviśya mahādvārāṃ sarvato yojanāyatām |kumbhakarṇaguhāṃ ramyāṃ sarvagandhapravāhinīm || 6.60.24 ||||
kumbhakarṇasya niśvāsādavadhūtā mahābalāḥ |pratiṣṭhamānāḥ kṛcchreṇa yatnāt praviviśurguhām || 6.60.25 ||||
tāṃ praviśya guhāṃ ramyāṃ śubhāṃ kāñcanakuṭṭimām |dadṛśurnairṛtavyāghraṃ śayānaṃ bhīmadarśanam || 6.60.26 ||||
te tu taṃ vikṛtaṃ suptaṃ vikīrṇamiva parvatam |kumbhakarṇaṃ mahānidraṃ sahitāḥ pratyabodhayan || 6.60.27 ||||
ūrdhvaromāñcitatanuṃ śvasantamiva pannagam |trāsayantaṃ mahāśvāsaiḥ śayānaṃ bhīmadarśanam || 6.60.28 ||||
bhīmanāsāpuṭaṃ taṃ tu pātālavipulānanam |śayyāyāṃ nyastasarvāṅgaṃ medorudhiragandhinam || 6.60.29 ||||
kāñcanāṅgadanaddhāṅgaṃ kirīṭinamarindamam |dadṛśurnairṛtavyāghraṃ kumbhakarṇaṃ mahābalam || 6.60.30 ||||
tataścakrurmahātmānaḥ kumbhakarṇāgratastadā |māṃsānāṃ merusaṅkāśaṃ rāśiṃ paramatarpaṇam || 6.60.31 ||||
mṛgāṇāṃ mahiṣāṇāṃ ca varāhāṇāṃ ca sañcayān |cakurnairṛtaśārdūlā rāśimannasya cādbhutam || 6.60.32 ||||
tataḥ śoṇitakumbhāṃśca madyāni vividhāni ca || 6.60.33 ||||
purastāt kumbhakarṇasya cakustridaśaśatravaḥ |lilipuśca parārdhyena candanena parantapam || 6.60.34 ||||
divyairācchādayāmāsurmālyairgandhaiḥ sugandhibhiḥ |dhūpaṃ sugandhaṃ sasṛjustuṣṭuvuśca parantapam || 6.60.35 ||||
jaladā iva conneduryātudhānāstatastataḥ |śaṅkhānāpūrayāmāsuḥ śaśāṅkasadṛśaprabhān |tumulaṃ yugapaccāpi vineduścāpyamarṣitāḥ || 6.60.36 ||||
nedurāsphoṭayāmāsuścikṣipuste niśācarāḥ |kumbhakarṇavibodhārthaṃ cakruste vipulaṃ svanam || 6.60.37 ||||
saśaṅkhabherīpaṇavapraṇādamāsphoṭitakṣvelitasiṃhanādam |diśo dravantastridivaṃ kirantaḥ śrutvā vihaṅgāḥ sahasā nipetuḥ || 6.60.38 ||||
yadā bhṛśārtairninadairmahātmā na kumbhakarṇo bubudhe prasuptaḥ |tato musuṇṭhīrmusalāni sarve rakṣogaṇāste jagṛhurgadāśca || 6.60.39 ||||
taṃ śailaśṛṅgairmusalairgadābhirvṛkṣaistalairmudgaramuṣṭibhiśca |sukhaprasuptaṃ bhuvi kumbhakarṇaṃ rakṣāṃsyudagrāṇi tadā nijaghnuḥ || 6.60.40 ||||
tasya niḥśvāsavātena kumbhakarṇasya rakṣasaḥ |rākṣasā balavanto 'pi sthātuṃ nāśaknuvan puraḥ || 6.60.41 ||||
tataḥ parihitā gāḍhaṃ rākṣasā bhīmavikramāḥ || 6.60.42 ||||
mṛdaṅgapaṇavān bherīḥ śaṅkhakumbhagaṇāṃstadā |daśarākṣasasāhasrā yugapat paryavādayan || 6.60.43 ||||
nīlāñjanacayākārāste tu taṃ pratyabodhayan |abhighnanto nadantaśca naiva saṃvivide tu saḥ || 6.60.44 ||||
yadā cainaṃ na śekuste pratibodhayituṃ tadā |tato gurutaraṃ yatnaṃ dāruṇaṃ samupākraman || 6.60.45 ||||
aśvānuṣṭrān kharānnāgān jaghnurdaṇḍakaśāṅkuśaiḥ |bherīśaṅkhamṛdaṅgāṃśca sarvaprāṇairavādayan || 6.60.46 ||||
nijaghnuścāsya gātrāṇi mahākāṣṭhakaṭaṅkaraiḥ |mudgarairmusalaiścaiva sarvaprāṇasamudyataiḥ || 6.60.47 ||||
tena śabdena mahatā laṅkā samabhipūritā |saparvatavanā sarvā so 'pi naiva prabudhyate || 6.60.48 ||||
tataḥ sahasraṃ bherīṇāṃ yugapat samahanyata |mṛṣṭakāñcanakoṇānāmāsaktānāṃ samantataḥ || 6.60.49 ||||
evamapyatinidrastu yadā naiva prabudhyate |śāpasya vaśamāpannastataḥ kruddhā niśācarāḥ |mahākrodhasamāviṣṭāḥ sarve bhīmaparākramāḥ || 6.60.50 ||||
tadrakṣo bodhayiṣyantaścakruranye parākramam || 6.60.51 ||||
stataḥ kruddhā niśācarāḥ |anye bherīḥ samājaghnuranye cakrurmahāsvanam |keśānanye pralulupuḥ karṇāvanye daśanti ca || 6.60.52 ||||
udakumbhaśatānyanye samasiñcanta karṇayoḥ |na kumbhakarṇaḥ paspande mahānidrāvaśaṃ gataḥ || 6.60.53 ||||
anye ca balinastasya kūṭamudgarapāṇayaḥ |mūrdhni vakṣasi gātreṣu pātayan kūṭamudgarān || 6.60.54 ||||
rajjubandhanabaddhābhiḥ śataghnībhiśca sarvataḥ |vadhyamāno mahākāyo na prābudhyata rākṣasaḥ || 6.60.55 ||||
vāraṇānāṃ sahasraṃ tu śarīre 'sya pradhāvitam |kumbhakarṇastato buddhaḥ sparśaṃ paramabudhyata || 6.60.56 ||||
sa pātyamānairgiriśṛṅgavṛkṣairacintayaṃstān vipulān prahārān |nidrākṣayāt kṣudbhayapīḍitaśca vijṛmbhamāṇaḥ sahasotpapāta || 6.60.57 ||||
sa nāgabhogācalaśṛṅgakalpau vikṣipya bāhū giriśṛṅgasārau |vivṛtya vaktraṃ vaḍavāmukhābhaṃ niśācaro 'sau vikṛtaṃ jajṛmbhe || 6.60.58 ||||
tasya jājṛmbhamāṇasya vaktraṃ pātālasannibham |dadṛśe meruśṛṅgāgre divākara ivoditaḥ || 6.60.59 ||||
sa jṛmbhamāṇo 'tibalaḥ pratibuddho niśācaraḥ |niḥśvāsaścāsya sañjajñe parvatādiva mārutaḥ || 6.60.60 ||||
rūpamuttiṣṭhatastasya kumbhakarṇasya tadbabhau |tapānte sabalākasya meghasyeva vivarṣataḥ || 6.60.61 ||||
tasya dīptāgnisadṛśe vidyutsadṛśavarcasī |dadṛśāte mahānetre dīptāviva mahāgrahau || 6.60.62 ||||
tatastvadarśayan sarvān bhakṣyāṃśca vividhān bahūn |varāhān mahiṣāṃścaiva sa babhakṣa mahābalaḥ || 6.60.63 ||||
adan bubhukṣito māṃsaṃ śoṇitaṃ tṛṣitaḥ piban |medaḥkumbhāṃśca madyaṃ ca papau śakraripustadā || 6.60.64 ||||
tatastṛpta iti jñātvā samutpeturniśācarāḥ |śirobhiśca praṇamyainaṃ sarvataḥ paryavārayan || 6.60.65 ||||
nidrāviśa 'danetrastu kaluṣīkṛtalocanaḥ |cārayan sarvato dṛṣṭiṃ tān dadarśa niśācarān || 6.60.66 ||||
sa sarvān sāntvayāmāsa nairṛtānnairṛtarṣabhaḥ |bodhanād vismitaścāpi rākṣasānidamabravīt || 6.60.67 ||||
kimarthamahamādṛtya bhavadbhiḥ pratibodhitaḥ |kaccit sukuśalaṃ rājño bhayavāneṣa vā na kim || 6.60.68 ||||
athavā dhruvamanyebhyo bhayaṃ paramupasthitam |yadarthamevaṃ tvaritairbhavadbhiḥ pratibodhitaḥ || 6.60.69 ||||
adya rākṣasarājasya bhayamutpāṭayāmyaham |pātayiṣye mahendraṃ vā śātayiṣye tathā 'nalam || 6.60.70 ||||
na hyalpakāraṇe suptaṃ bodhayiṣyati māṃ guruḥ |tadākhyātārthatattvena matprabodhanakāraṇam || 6.60.71 ||||
evaṃ bruvāṇaṃ saṃrabdhaṃ kumbhakarṇaṃ mahābalam |yūpākṣaḥ sacivo rājñaḥ kṛtāñjaliruvāca ha || 6.60.72 ||||
na no daivakṛtaṃ kiñcidbhayamasti kadācana |mānuṣānno bhayaṃ rājaṃstumulaṃ samprabādhate || 6.60.73 ||||
na daityadānavebhyo vā bhayamasti hi tādṛśam |yādṛśaṃ mānuṣaṃ rājan bhayamasmānupasthitam || 6.60.74 ||||
vānaraiḥ parvatākārairlaṅkeyaṃ parivāritā |sītāharaṇasantaptādrāmānnastumulaṃ bhayam || 6.60.75 ||||
ekena vānareṇeyaṃ pūrvaṃ dagdhā mahāpurī |kumāro nihataścākṣaḥ sānuyātraḥ sakuñjaraḥ || 6.60.76 ||||
svayaṃ rakṣodhipaścāpi paulastyo devakaṇṭakaḥ |mṛteti saṃyuge mukto rāmeṇādityatejasā || 6.60.77 ||||
yanna daivaiḥ kṛto rājā nāpi daityairna dānavaiḥ |kṛtaḥ sa iha rāmeṇa vimuktaḥ prāṇasaṃśayāt || 6.60.78 ||||
sa yūpākṣavacaḥ śrutvā bhrāturyudhi parājayam |kumbhakarṇo vivṛttākṣo yūpākṣamidamabravīt || 6.60.79 ||||
sarvamadyaiva yūpākṣa harisainyaṃ salakṣmaṇam |rāghavaṃ ca raṇe hatvā paścāddrakṣyāmi rāvaṇam || 6.60.80 ||||
rākṣasāṃstarpayiṣyāmi harīṇāṃ māṃsaśoṇitaiḥ |rāmalakṣmaṇayoścāpi svayaṃ pāsyāmi śoṇitam || 6.60.81 ||||
tattasya vākyaṃ bruvato niśamya sagarvitaṃ roṣavivṛddhadoṣam |mahodaro nairṛtayodhamukhyaḥ kṛtāñjalirvākyamidaṃ babhāṣe || 6.60.82 ||||
rāvaṇasya vacaḥ śrutvā guṇadoṣau vimṛśya ca |paścādapi mahābāho śatrūn yudhi vijeṣyasi || 6.60.83 ||||
mahodaravacaḥ śrutvā rākṣasaiḥ parivāritaḥ |kumbhakarṇo mahātejāḥ sampratasthe mahābalaḥ || 6.60.84 ||||
taṃ samutthāpya bhīmākṣaṃ bhīmarūpaparākramam |rākṣasāstvaritā jagmurdaśagrīvaniveśanam || 6.60.85 ||||
tato gatvā daśagrīvamāsīnaṃ paramāsane |ūcurbaddhāñjalipuṭāḥ sarve eva niśācarāḥ || 6.60.86 ||||
prabuddhaḥ kumbhakarṇo 'yaṃ bhrātā te rākṣasarṣabha |kathaṃ tatraiva niryātu drakṣyasyenamihāgatam || 6.60.87 ||||
rāvaṇastvabravīddhṛṣṭo rākṣasāṃstānupasthitān |draṣṭumenamihecchāmi yathānyāyaṃ ca pūjyatām || 6.60.88 ||||
tathetyuktvā tu te sarve punarāgamya rākṣasāḥ |kumbhakarṇamidaṃ vākyamūcū rāvaṇacoditāḥ || 6.60.89 ||||
draṣṭuṃ tvāṃ kāṅkṣate rājā sarvarākṣasapuṅgavaḥ |gamane kriyatāṃ buddhirbhrātaraṃ sampraharṣaya || 6.60.90 ||||
kumbhakarṇastu durdharṣo bhrāturājñāya śāsanam |tathetyuktvā mahābāhuḥ śayanādutpapāta ha || 6.60.91 ||||
prakṣālya vadanaṃ hṛṣṭaḥ snātaḥ paramabhūṣitaḥ |pipāsustvarayāmāsa pānaṃ balasamīraṇam || 6.60.92 ||||
tataste tvaritāstasya rākṣasā rāvaṇājñayā |madyakumbhāṃśca vividhān kṣipramevopahārayan || 6.60.93 ||||
pītvā ghaṭasahasre dve gamanāyopacakrame |īṣatsamutkaṭo mattastejobalasamanvitaḥ |kumbhakarṇo babhau hṛṣṭaḥ kālāntakayamopamaḥ || 6.60.94 ||||
bhrātuḥ sa bhavanaṃ gacchan rakṣogaṇasamanvitaḥ |kumbhakarṇaḥ padanyāsairakampayata medinīm || 6.60.95 ||||
sa rājamārgaṃ vapuṣā prakāśayan sahasraraśmirdharaṇīmivāṃśubhiḥ |jagāma tatrāñjalimālayā vṛtaḥ śatakraturgehamiva svayambhuvaḥ || 6.60.96 ||||
taṃ rājamārgasthamamitraghātinaṃ vanaukasaste sahasā bahiḥ sthitāḥ |dṛṣṭvā 'prameyaṃ giriśṛṅgakalpaṃ vitatrasuste hariyūthapālāḥ || 6.60.97 ||||
keciccharaṇyaṃ śaraṇaṃ sma rāmaṃ vrajanti kecidvyathitāḥ patanti |keciddiśaḥ sma vyathitāḥ prayānti kecidbhayārtā bhuvi śerate sma || 6.60.98 ||||
tamadriśṛṅgapratimaṃ kirīṭinaṃ spṛśantamādityamivātmatejasā |vanaukasaḥ prekṣya vivṛddhamadbhutaṃ bhayārditā dudruvire tatastataḥ || 6.60.99 ||
tato rāmo bhahātejā dhanurādāya vīryavān |kirīṭinaṃ mahākāyaṃ kumbhakarṇaṃ dadarśa ha || 6.61.1 ||
taṃ dṛṣṭvā rākṣasaśreṣṭhaṃ parvatākāradarśanam |kramamāṇamivākāśaṃ purā nārāyaṇaṃ prabhum |satoyāmbudasaṅkāśaṃ kāñcanāṅgadabhūṣaṇam || 6.61.2 ||
dṛṣṭvā punaḥ pradudrāva vānarāṇāṃ mahācamūḥ || 6.61.3 ||
vidrutāṃ vāhinīṃ dṛṣṭvā vardhamānaṃ ca rākṣasam |savismayamidaṃ rāmo vibhīṣaṇamuvāca ha || 6.61.4 ||
ko 'sau parvatasaṅkāśaḥ kirīṭī harilocanaḥ |laṅkāyāṃ dṛśyate vīra savidyudiva toyadaḥ || 6.61.5 ||
pṛthivyāḥ ketubhūto 'sau mahāneko 'tra dṛśyate |yaṃ dṛṣṭvā vānarāḥ sarve vidravanti tatastataḥ || 6.61.6 ||
ācakṣva me mahān ko 'sau rakṣo vā yadi vā 'suraḥ |na mayaivaṃvidhaṃ bhūtaṃ dṛṣṭapūrvaṃ kadācana || 6.61.7 ||
sa pṛṣṭo rājaputreṇa rāmeṇākliṣṭakarmaṇā |vibhīṣaṇo mahāprājñaḥ kākutsthamidamabravīt || 6.61.8 ||
yena vaivasvato yuddhe vāsavaśca parājitaḥ |saiṣa viśravasaḥ putraḥ kumbhakarṇaḥ pratāpavān |asya pramāṇāt sadṛśo rākṣaso 'nyo na vidyate || 6.61.9 ||
etena devā yudhi dānavāśca yakṣā bhujaṅgāḥ piśitāśanāśca |gandharvavidyādharakinnarāśca sahasraśo rāghava samprabhagrāḥ || 6.61.10 ||
śūlapāṇiṃ virūpākṣaṃ kumbhakarṇaṃ mahābalam |hantuṃ na śekustridaśāḥ kālo 'yamiti mohitāḥ || 6.61.11 ||
prakṛtyā hyeṣa tejasvī kumbhakarṇo mahābalaḥ |anyeṣāṃ rākṣasendrāṇāṃ varadānakṛtaṃ balam || 6.61.12 ||
etena jātamātreṇa kṣudhārtena mahātmanā |bhakṣitāni sahasrāṇi sattvānāṃ subahūnyapi || 6.61.13 ||
teṣu sambhakṣyamāṇeṣu prajā bhayanipīḍitāḥ |yānti sma śaraṇaṃ śakraṃ tamapyarthaṃ nyavedayan || 6.61.14 ||
sa kumbhakarṇaṃ kupito mahendro jaghāna vajreṇa śitena vajrī |sa śakravajrābhihato mahātmā cacāla kopācca bhṛśaṃ nanāda || 6.61.15 ||
tasya nānadyamānasya kumbhakarṇasya dhīmataḥ |śrutvā 'tinādaṃ vitrastā bhūyo bhūmirvitatrase || 6.61.16 ||
tatra kopānmahendrasya kumbhakarṇo mahābalaḥ |vikṛṣyairāvatāddantaṃ jaghānorasi vāsavam || 6.61.17 ||
kumbhakarṇaprahārārto vijajvāla sa vāsavaḥ |tato viṣeduḥ sahasā devabrahmarṣidānavāḥ || 6.61.18 ||
prajābhiḥ saha śakraśca yayau sthānaṃ svayambhuvaḥ |kumbhakarṇasya daurātmyaṃ śaśaṃsuste prajāpateḥ || 6.61.19 ||
prajānāṃ bhakṣaṇaṃ cāpi devānāṃ cāpi dharṣaṇam |āśramadhvaṃsanaṃ cāpi parastrīharaṇaṃ bhṛśam || 6.61.20 ||
evaṃ prajā yadi tveṣa bhakṣayiṣyati nityaśaḥ |acireṇaiva kālena śūnyo loko bhaviṣyati || 6.61.21 ||
vāsavasya vacaḥ śrutvā sarvalokapitāmahaḥ |rakṣāṃsyāvāhayāmāsa kumbhakarṇaṃ dadarśa ha || 6.61.22 ||
kumbhakarṇaṃ samīkṣyaiva vitatrāsa prajāpatiḥ |dṛṣṭvā viśvāsya caivedaṃ svayambhūridamabravīt || 6.61.23 ||
dhruvaṃ lokavināśāya paulastyenāsi nirmitaḥ |tasmāttvamadyaprabhṛti mṛtakalpaḥ śayiṣyase || 6.61.24 ||
brahmaśāpābhibhūto 'tha nipapātāgrataḥ prabhoḥ |tataḥ paramasambhrānto rāvaṇo vākyamabravīt || 6.61.25 ||
vivṛddhaḥ kāñcano vṛkṣaḥ phalakāle nikṛtyate |na naptāraṃ svakaṃ nyāyyaṃ śaptumevaṃ prajāpate || 6.61.26 ||
na mithyāvacanaśca tvaṃ svapsyatyeṣa na saṃśayaḥ |kālastu kriyatāmasya śayane jāgare tathā || 6.61.27 ||
rāvaṇasya vacaḥ śrutvā svayambhūridamabravīt || 6.61.28 ||
śayati hyeṣa ṣaṇmāsānekāhaṃ jāgariṣyati |ekenāhnā tvasau vīraścaran bhūmiṃ bubhukṣitaḥ |vyāttāsyo bhakṣayellokān sakruddha iva pāvakaḥ || 6.61.29 ||
so 'sau vyasanamāpannaḥ kumbhakarṇamabodhayat |tvatparākramabhītaśca rājā samprati rāvaṇaḥ || 6.61.30 ||
sa eṣa nirgato vīraḥ śibirādbhīmavikramaḥ |vānarān bhṛśasaṅkruddho bhakṣayan paridhāvati || 6.61.31 ||
kumbhakarṇaṃ samīkṣyaiva harayo 'dya pravidrutāḥ |kathamenaṃ raṇe kruddhaṃ vārayiṣyanti vānarāḥ || 6.61.32 ||
ucyantāṃ vānarāḥ sarve yantrametat samucchritam |iti vijñāya harayo bhaviṣyantīha nirbhayāḥ || 6.61.33 ||
vibhīṣaṇavacaḥ śrutvā hetumat sumukheritam |uvāca rāghavo vākyaṃ nīlaṃ senāpatiṃ tadā || 6.61.34 ||
gaccha sainyāni sarvāṇi vyūhya tiṣṭhasva pāvake |dvārāṇyādāya laṅkāyāścaryāścāpyatha saṅkramān || 6.61.35 ||
śailaśṛṅgāṇi vṛkṣāṃśca śilāścāpyupasaṃhara |tiṣṭhantu vānarāḥ sarve sāyudhāḥ śailapāṇayaḥ || 6.61.36 ||
rāghaveṇa samādiṣṭo nīlo haricamūpatiḥ |śaśāsa vānarānīkaṃ yathāvat kapikuñjaraḥ || 6.61.37 ||
tato gavākṣaḥ śarabho hanumānaṅgadastathā |śailaśṛṅgāṇi śailābhā gṛhītvā dvāramabhyayuḥ || 6.61.38 ||
rāmavākyamupaśrutya harayo jitakāśinaḥ |pādapairardayan vīrā vānarāḥ paravāhinīm || 6.61.39 ||
tato harīṇāṃ tadanīkamugraṃ rarāja śailodyatadīptahastam |gireḥ samīpānugataṃ yathaiva mahanmahāmbhodharajālamugram || 6.61.40 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekaṣaṣṭitamaḥ sargaḥ || 61 ||
sa tu rākṣasaśārdūlo nidrāmadasamākulaḥ |rājamārgaṃ śriyā juṣṭaṃ yayau vipulavikramaḥ || 6.62.1 ||
rākṣasānāṃ sahasraiśca vṛtaḥ paramadurjayaḥ |gṛhebhyaḥ puṣpavarṣeṇa kīryamāṇastadā yayau || 6.62.2 ||
sa hemajālivitataṃ bhānubhāsvaradarśanam |dadarśa vipulaṃ ramyaṃ rākṣasendraniveśanam || 6.62.3 ||
sa tattadā sūrya ivābhrajālaṃ praviśya rakṣodhipaterniveśam |dadarśa dūre 'grajamāsanasthaṃ svayambhuvaṃ śakra ivāsanastham || 6.62.4 ||
bhrātuḥ sa bhavanaṃ gacchan rakṣogaṇasamanvitam |kumbhakarṇaḥ padanyāsairakampayata medinīm || 6.62.5 ||
so 'bhigamya gṛhaṃ bhrātuḥ kakṣyāmabhivigāhya ca |dadarśodvignamāsīnaṃ vimāne puṣpake gurum || 6.62.6 ||
atha dṛṣṭvā daśagrīvaḥ kumbhakarṇamupasthitam |tūrṇamutthāya saṃhṛṣṭaḥ sannikarṣamupānayat || 6.62.7 ||
athāsīnasya paryaṅke kumbhakarṇo mahābalaḥ |bhrāturvavande caraṇau kiṃ kṛtyamiti cābravīt || 6.62.8 ||
utpatya cainaṃ mudito rāvaṇaḥ pariṣasvaje |sa bhrātrā sampariṣvakto yathāvacchābhinanditaḥ || 6.62.9 ||
kumbhakarṇaḥ śubhaṃ divyaṃ pratipede varāsanam |sa tadāsanamāśritya kumbhakarṇo mahābalaḥ |saṃraktanayanaḥ kopādrāvaṇaṃ vākyamabravīt || 6.62.10 ||
kimarthamahamādṛtya tvayā rājan vibodhitaḥ |śaṃsa kasmādbhayaṃ te 'sti ko 'dya preto bhaviṣyati || 6.62.11 ||
bhrātaraṃ rāvaṇaḥ kuddhaṃ kumbhakarṇamavasthitam |īṣattu parivṛttābhyāṃ netrābhyāṃ vākyamabravīt || 6.62.12 ||
adya te sumahān kālaḥ śayānasya mahābala |sukhitastvaṃ na jānīṣe mama rāmakṛtaṃ bhayam || 6.62.13 ||
eṣa dāśarathī rāmaḥ sugrīvasahito balī |samudraṃ sabalastīrtvā mūlaṃ naḥ parikṛntati || 6.62.14 ||
hanta paśyasva laṅkāyāṃ vanānyupavanāni ca |setunā sukhamāgamya vānaraikārṇavīkṛtam || 6.62.15 ||
ye rakṣasāṃ mukhyatamā hatāste vānarairyudhi |vānarāṇāṃ kṣayaṃ yuddhe na paśyāmi kadācana || 6.62.16 ||
na cāpi vānarā yuddhe jitapūrvāḥ kadācana || 6.62.17 ||
tadetadbhayamutpannaṃ trāyasvemāṃ mahābala |nāśaya tvamimānadya tadarthaṃ bodhito bhavān || 6.62.18 ||
sarvakṣapitakośaṃ ca sa tvamabhyavapadya mām |trāyasvemāṃ purīṃ laṅkāṃ bālavṛddhāvaśeṣitām || 6.62.19 ||
bhrāturarthe mahābāho kuru karma suduṣkaram |mayaivaṃ noktapūrvo hi kaccid bhrātaḥ parantapa || 6.62.20 ||
tvayyasti tu mama snehaḥ parā sambhāvanā ca me |daivāsureṣu yuddheṣu bahuśo rākṣasarṣabha |tvayā devāḥ prativyūhya nirjitāścāsurā yudhi || 6.62.21 ||
tadetat sarvamātiṣṭha vīryaṃ bhīmaparākrama |na hi te sarvabhūteṣu dṛśyate sadṛśo balī || 6.62.22 ||
kuruṣva me priyahitametaduttamaṃ yathāpriyaṃ priyaraṇabāndhavapriya |svatejasā vidhama sapatnavāhinīṃ śaradghanaṃ pavana ivodyato mahān || 6.62.23 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe dviṣaṣṭitamaḥ sargaḥ || 62 ||
tasya rākṣasarājasya niśamya paridevitam |kumbhakarṇo babhāṣedaṃ vacanaṃ prajahāsa ca || 6.63.1 ||
dṛṣṭo doṣo hi yo 'smābhiḥ purā mantravinirṇaye |hiteṣvanabhiraktena so 'yamāsāditastvayā || 6.63.2 ||
śīghraṃ khalvabhyupetaṃ tvāṃ phalaṃ pāpasya karmaṇaḥ |nirayeṣveva patanaṃ yathā duṣkṛtakarmaṇaḥ || 6.63.3 ||
prathamaṃ vai mahārāja kṛtyametadacintitam |kevalaṃ vīryadarpeṇa nānubandho vicāritaḥ || 6.63.4 ||
yaḥ paścāt pūrvakāryāṇi kuryādaiśvaryamāsthitaḥ |pūrvaṃ cāparakāryāṇi na sa veda nayānayau || 6.63.5 ||
deśakālavihīnāni karmāṇi viparītavat |kriyamāṇāni duṣyanti havīṃṣyaprayateṣviva || 6.63.6 ||
trayāṇāṃ pañcadhā yogaṃ karmaṇāṃ yaḥ prapaśyati |sacivaiḥ samayaṃ kṛtvā sa sabhye vartate pathi || 6.63.7 ||
yathāgamaṃ ca yo rājā samayaṃ vicikīrṣati |budhyate sacivān buddhyā suhṛdaścānupaśyati || 6.63.8 ||
dharmamarthaṃ ca kāmaṃ ca sarvān vā rakṣasāṃ pate |bhajeta puruṣaḥ kāle trīṇi dvandvāni vā punaḥ || 6.63.9 ||
triṣu caiteṣu yacchreṣṭhaṃ śrutvā tannāvabudhyate |rājā vā rājamātro vā vyarthaṃ tasya bahuśrutam || 6.63.10 ||
upapradānaṃ sāntvaṃ vā bhedaṃ kāle ca vikramam |yogaṃ ca rakṣasāṃ śreṣṭha tāvubhau ca nayānayau || 6.63.11 ||
kāle dharmārthakāmān yaḥ sammantrya sacivaiḥ saha |niṣevetātmavān loke na sa vyasanamāpnuyāt || 6.63.12 ||
hitānubandhamālocya kāryākāryamihātmanaḥ |rājā sahārthatattvajñaiḥ sacivaiḥ sa hi jīvati || 6.63.13 ||
anabhijñāya śāstrārthān puruṣāḥ paśubuddhayaḥ |prāgalbhyādvaktumicchanti mantreṣvabhyantarīkṛtāḥ || 6.63.14 ||
aśāstraviduṣāṃ teṣāṃ na kāryamahitaṃ vacaḥ |arthaśāstrānabhijñānāṃ vipulāṃ śriyamicchatām || 6.63.15 ||
ahitaṃ ca hitākāraṃ dhārṣṭyājjalpanti ye narāḥ |avekṣya mantrabāhyāste kartavyāḥ kṛtyadūṣaṇāḥ || 6.63.16 ||
vināśayanto bhartāraṃ sahitāḥ śatrubhirbudhaiḥ |viparītāni kṛtyāni kārayantīha mantriṇaḥ || 6.63.17 ||
tān bhartā mitrasaṅkāśānamitrān mantranirṇaye |vyavahāreṇa jānīyāt sacivānupasaṃhitān || 6.63.18 ||
capalasyeha kṛtyāni sahasānupradhāvataḥ |chidramanye prapadyante krauñcasya svamiva dvijāḥ || 6.63.19 ||
yo hi śatrumavijñāya nātmānamabhirakṣati |avāpnoti hi so 'narthān sthānācca vyavaropyate || 6.63.20 ||
yaduktamiha te pūrvaṃ kriyatāmanujena ca |tadeva no hitaṃ kāryaṃ yadicchasi ca tat kuru || 6.63.21 ||
tattu śrutvā daśagrīvaḥ kumbhakarṇasya bhāṣitam |bhrukuṭiṃ caiva sañcakre kruddhaścainamabhāṣata || 6.63.22 ||
mānyo gururivācāryaḥ kiṃ māṃ tvamanuśāsasi |kimevaṃ vākchramaṃ kṛtvā yuktaṃ vidhīyatām || 6.63.23 ||
vibhramāccittamohādvā balavīryāśrayeṇa vā |nābhipannamidānīṃ yadvyarthāstasya punaḥ kathāḥ || 6.63.24 ||
asmin kāle tu yadyuktaṃ tadidānīṃ vidhīyatām |gataṃ tu nānuśocanti gataṃ tu gatameva hi || 6.63.25 ||
mamāpanayajaṃ doṣaṃ vikrameṇa samīkuru |yadi khalvasti me sneho vikramaṃ vā 'vagacchasi |yadi vā kāryametatte hṛdi kāryatamaṃ matam || 6.63.26 ||
sa suhṛd yo vipannārthaṃ dīnamabhyavapadyate |sa bandhuryo 'panīteṣu sāhāyyāyopakalpate || 6.63.27 ||
tamathaivaṃ bruvāṇaṃ tu vacanaṃ dhīradāruṇam |ruṣṭo 'yamiti vijñāya śanaiḥ ślakṣṇamuvāca ha || 6.63.28 ||
atīva hi samālakṣya bhrātaraṃ kṣubhitendriyam |kumbhakarṇaḥ śanairvākyaṃ babhāṣe parisāntvayan || 6.63.29 ||
alaṃ rākṣasarājendra santāpamupapadya te |roṣaṃ ca samparityajya svastho bhavitumarhasi || 6.63.30 ||
naitanmanasi kartavyaṃ mayi jīvati pārthiva |tamahaṃ nāśayiṣyāmi yatkṛte paritapyase || 6.63.31 ||
avaśyaṃ tu hitaṃ vācyaṃ sarvāvasthaṃ mayā tava |bandhubhāvādabhihitaṃ bhrātṛsnehācca pārthiva || 6.63.32 ||
sadṛśaṃ yattu kāle 'smin kartuṃ snigdhena bandhunā |śatrūṇāṃ kadanaṃ paśya kriyamāṇaṃ mayā raṇe || 6.63.33 ||
adya paśya mahābāho mayā samaramūrdhani |hate rāme saha bhrātrā dravantīṃ paravāhinīm || 6.63.34 ||
adya rāmasya tad dṛṣṭvā mayā ' 'nītaṃ raṇācchiraḥ |sukhī bhava mahābāho sītā bhavatu duḥkhitā || 6.63.35 ||
adya rāmasya paśyantu nidhanaṃ sumahat priyam |laṅkāyāṃ rākṣasāḥ sarve ye te nihatabāndhavāḥ || 6.63.36 ||
adya śokaparītānāṃ svabandhuvadhakāraṇāt |śatroryudhi vināśena karomyāsrapramārjanam || 6.63.37 ||
adya parvatasaṅkāśaṃ sasūryamiva toyadam |vikīrṇaṃ paśya samare sugrīvaṃ plavagottamam || 6.63.38 ||
kathaṃ tvaṃ rākṣasairebhirmayā ca parirakṣitaḥ |jighāṃsubhirdāśarathiṃ vadhyase tvamihānagha || 6.63.39 ||
atha pūrvaṃ hate tena mayi tvāṃ hanti rāghavaḥ |nāhamātmani santāpaṃ gaccheyaṃ rākṣasādhipa || 6.63.40 ||
kāmaṃ tvidānīmapi māṃ vyādiśa tvaṃ parantapa |na paraḥ preṣaṇīyaste yuddhāyātulavikrama || 6.63.41 ||
ahamutsādayiṣyāmi śatrūṃstava mahābala || 6.63.42 ||
yadi śakro yadi yamo yadi pāvakamārutau |tānahaṃ yodhayiṣyāmi kuberavaruṇāvapi || 6.63.43 ||
girimātraśarīrasya śitaśūladharasya me |nardatastīkṣṇadaṃṣṭrasya bibhīyācca purandaraḥ || 6.63.44 ||
athavā tyaktaśastrasya mṛdnatastarasā ripūn |na me pratimukhe sthātuṃ kaścicchakto jijīviṣuḥ || 6.63.45 ||
naiva śaktyā na gadayā nāsinā niśitaiḥ śaraiḥ |hastābhyāmeva saṃrabdho haniṣyāmyapi vajriṇam || 6.63.46 ||
yadi me muṣṭivegaṃ sa rāghavo 'dya sahiṣyate |tataḥ pāsyanti bāṇaughā rudhiraṃ rāghavasya tu || 6.63.47 ||
cintayā bādhyase rājan kimarthaṃ mayi tiṣṭhati |so 'haṃ śatruvināśāya tava niryātumudyataḥ || 6.63.48 ||
muñca rāmādbhayaṃ rājan haniṣyāmīha saṃyuge |rāghavaṃ lakṣmaṇaṃ caiva sugrīvaṃ ca mahābalam |hanumantaṃ ca rakṣoghnaṃ laṅkā yena pradīpitā || 6.63.49 ||
harīṃścāpi haniṣyāmi saṃyuge samavasthitān |asādhāraṇamicchāmi tava dātuṃ mahadyaśaḥ || 6.63.50 ||
yadi cendrādbhayaṃ rājan yadi vāpi svayambhuvaḥ || 6.63.51 ||
api devāḥ śayiṣyante kruddhe mayi mahītale |yamaṃ ca śamayiṣyāmi bhakṣayiṣyāmi pāvakam |ādityaṃ pātayiṣyāmi sanakṣatraṃ mahītale || 6.63.52 ||
śatakratuṃ vadhiṣyāmi pāsyāmi varuṇālayam |parvatāṃścūrṇayiṣyāmi dārayiṣyāmi medinīm || 6.63.53 ||
dīrghakālaṃ prasuptasya kumbhakarṇasya vikramam |adya paśyantu bhūtāni bhakṣyamāṇāni sarvaśaḥ || 6.63.54 ||
nanvidaṃ tridivaṃ sarvamāhārasya na pūryate || 6.63.55 ||
vadhena te dāśaratheḥ sukhārhaṃ sukhaṃ samāhartumahaṃ vrajāmi |nihatya rāmaṃ saha lakṣmaṇena khādāmi sarvān hariyūthamukhyān || 6.63.56 ||
ramasva kāmaṃ piba cāgryavāruṇīṃ kuruṣva kṛtyāni vinīyatāṃ jvaraḥ |mayā 'dya rāme gamite yamakṣayaṃ cirāya sītā vaśagā bhaviṣyati || 6.63.57 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe triṣaṣṭitamaḥ sargaḥ || 63 ||
taduktamatikāyasya balino bāhuśālinaḥ|kumbhakarṇasya vacanaṃ śrutvovāca mahodaraḥ || 6.64.1 ||
kumbhakarṇa kule jāto dhṛṣṭaḥ prākṛtadarśanaḥ|avalipto na śaknoṣi kṛtyaṃ sarvatra veditum || 6.64.2 ||
na hi rājā na jānīte kumbhakarṇa nayānayau|tvaṃ tu kaiśorakāddhṛṣṭaḥ kevalaṃ vaktumicchasi || 6.64.3 ||
sthānaṃ vṛddhiṃ ca hāniṃ ca deśakālavibhāgavit|ātmanaśca pareṣāṃ ca budhyate rākṣasarṣabhaḥ || 6.64.4 ||
yattu śakyaṃ balavatā kartuṃ prākṛtabuddhinā|anupāsitavṛddhena kaḥ kuryāttādṛśaṃ budhaḥ || 6.64.5 ||
yāṃstu dharmārthakāmāṃstvaṃ bravīṣi pṛthagāśrayān|anuboddhuṃ svabhāve tānnahi lakṣaṇamasti te || 6.64.6 ||
karma caiva hi sarveṣāṃ kāraṇānāṃ prayojakam|śreyaḥ pāpīyasāṃ cātra phalaṃ bhavati karmaṇām || 6.64.7 ||
niśśreyasaphalāveva dharmārthāvitarāvapi|adharmānarthayoḥ prāptiḥ phalaṃ ca pratyavāyikam || 6.64.8 ||
ehalaukikapāratraṃ karma pumbhirniṣevyate|karmāṇyapi tu kalyāṇi labhate kāmamāsthitaḥ || 6.64.9 ||
tatra klṛptamidaṃ rājñā hṛdi kāryaṃ mataṃ ca naḥ|śatrau hi sāhasaṃ yat syāt kimivātrāpanīyatām || 6.64.10 ||
ekasyaivābhiyāne tu heturyaḥ prakṛtastvayā|tatrāpyanupapannaṃ te vakṣyāmi yadasādhu ca || 6.64.11 ||
yena pūrvaṃ janasthāne bahavo 'tibalā hatāḥ|rākṣasā rāghavaṃ taṃ tvaṃ kathameko jayiṣyasi || 6.64.12 ||
ye purā nirjitāstena janasthāne mahaujasaḥ|rākṣasāṃstān pure sarvān bhītānadyāpi paśyasi || 6.64.13 ||
taṃ siṃhamiva saṅkruddhaṃ rāmaṃ daśarathātmajam|sarpaṃ suptamivābudhya prabodhayitumicchasi || 6.64.14 ||
jvalantaṃ tejasā nityaṃ krodhena ca durāsadam|kastaṃ mṛtyumivāsahyamāsādayitumarhati || 6.64.15 ||
saṃśayasthamidaṃ sarvaṃ śatroḥ pratisamāsane|ekasya gamanaṃ tatra nahi me rocate bhṛśam || 6.64.16 ||
hīnārthaḥ susamṛddhārthaṃ ko ripuṃ prākṛtaṃ yathā|niścitya jīvitatyāge vaśamānetumicchati || 6.64.17 ||
yasya nāsti manuṣyeṣu sadṛśo rākṣasottama|kathamāśaṃsase yoddhuṃ tulyenendravivasvatoḥ || 6.64.18 ||
evamuktvā tu saṃrabdhaḥ kumbhakarṇaṃ mahodaraḥ|uvāca rakṣasāṃ madhye rāvaṇaṃ lokarāvaṇam || 6.64.19 ||
labdhvā punastvaṃ vaidehīṃ kimarthaṃ samprajalpasi|yadīcchasi tadā sītā vaśagā te bhaviṣyati || 6.64.20 ||
dṛṣṭaḥ kaścidupāyo me sītopasthānakārakaḥ|ruciraścet svayā buddhyā rākṣaseśvara taṃ śṛṇu || 6.64.21 ||
ahaṃ dvijihvaḥ saṃhrādī kumbhakarṇo vitardanaḥ|pañca rāmavadhāyaite niryāntītyavaghoṣaya || 6.64.22 ||
tato gatvā vayaṃ yuddhaṃ dāsyāmastasya yatnataḥ|jeṣyāmo yadi te śatrūnnopāyaiḥ kṛtyamasti naḥ || 6.64.23 ||
atha jīvati naḥ śatrurvayaṃ ca kṛtasaṃyugāḥ|tatastadabhipatsyāmo manasā yat samīkṣitam || 6.64.24 ||
vayaṃ yuddhādihaiṣyāmo rudhireṇa samukṣitāḥ|vidāryaṃ svatanuṃ bāṇai rāmanāmāṅkitaiḥ śitaiḥ || 6.64.25 ||
bhakṣito rāghavo 'smābhirlakṣmaṇaśceti vādinaḥ|tava pādau grahīṣyāmastvaṃ naḥ kāmaṃ prapūraya || 6.64.26 ||
tato 'vaghoṣaya pure gajaskandhena pārthiva|hato rāmaḥ saha bhrātrā sasainya iti sarvataḥ || 6.64.27 ||
prīto nāma tato bhūtvā bhṛtyānāṃ tvamarindama|bhogāṃśca parivārāṃśca kāmāṃśca vasu dāpaya || 6.64.28 ||
tato mālyāni vāsāṃsi vīrāṇāmanulepanam|peyaṃ ca bahu yodhebhyaḥ svayaṃ ca muditaḥ piba || 6.64.29 ||
tato 'smin bahulībhūte kaulīne sarvato gate|bhakṣitaḥ sasuhṛdrāmo rākṣasairiti viśrute || 6.64.30 ||
praviśyāśvāsya cāpi tvaṃ sītāṃ rahasi sāntvaya|dhanadhānyaiśca kāmaiśca ratnaiścaināṃ pralobhaya || 6.64.31 ||
anayopadhayā rājan bhayaśokānubandhayā|akāmā tvadvaśaṃ sītā naṣṭanāthā gamiṣyati || 6.64.32 ||
rañjanīyaṃ hi bhartāraṃ vinaṣṭamavagamya sā|nairāśyāt strīlaghutvācca tvadvaśaṃ pratipatsyate || 6.64.33 ||
sā purā sukhasaṃvṛddhā sukhārhā duḥkhakarśitā|tvayyadhīnaṃ sukhaṃ jñātvā sarvathopagamiṣyati || 6.64.34 ||
etat sunītaṃ mama darśanena rāmaṃ hi dṛṣṭvaiva bhavedanarthaḥ|ihaiva te setsyati motsuko bhūrmahānayuddhena sukhasya lābhaḥ || 6.64.35 ||
adṛṣṭasainyo hyanavāptasaṃśayo ripūnayuddhena jayan narādhipaḥ|yaśaśca puṇyaṃ ca mahanmahīpate śriyaṃ ca kīrtiṃ ca ciraṃ samaśnute || 6.64.36 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe catuṣṣaṣṭhitamaḥ sargaḥ || 64 ||
adya parvatasaṅkāśaṃ sasūryamiva toyadam |vikīrṇaṃ paśya samare sugrīvaṃ plavagottamam || 6.63.38 ||
kathaṃ tvaṃ rākṣasairebhirmayā ca parirakṣitaḥ |jighāṃsubhirdāśarathiṃ vadhyase tvamihānagha || 6.63.39 ||
atha pūrvaṃ hate tena mayi tvāṃ hanti rāghavaḥ |nāhamātmani santāpaṃ gaccheyaṃ rākṣasādhipa || 6.63.40 ||
kāmaṃ tvidānīmapi māṃ vyādiśa tvaṃ parantapa |na paraḥ preṣaṇīyaste yuddhāyātulavikrama || 6.63.41 ||
ahamutsādayiṣyāmi śatrūṃstava mahābala || 6.63.42 ||
yadi śakro yadi yamo yadi pāvakamārutau |tānahaṃ yodhayiṣyāmi kuberavaruṇāvapi || 6.63.43 ||
girimātraśarīrasya śitaśūladharasya me |nardatastīkṣṇadaṃṣṭrasya bibhīyācca purandaraḥ || 6.63.44 ||
athavā tyaktaśastrasya mṛdnatastarasā ripūn |na me pratimukhe sthātuṃ kaścicchakto jijīviṣuḥ || 6.63.45 ||
naiva śaktyā na gadayā nāsinā niśitaiḥ śaraiḥ |hastābhyāmeva saṃrabdho haniṣyāmyapi vajriṇam || 6.63.46 ||
yadi me muṣṭivegaṃ sa rāghavo 'dya sahiṣyate |tataḥ pāsyanti bāṇaughā rudhiraṃ rāghavasya tu || 6.63.47 ||
cintayā bādhyase rājan kimarthaṃ mayi tiṣṭhati |so 'haṃ śatruvināśāya tava niryātumudyataḥ || 6.63.48 ||
muñca rāmādbhayaṃ rājan haniṣyāmīha saṃyuge |rāghavaṃ lakṣmaṇaṃ caiva sugrīvaṃ ca mahābalam |hanumantaṃ ca rakṣoghnaṃ laṅkā yena pradīpitā || 6.63.49 ||
harīṃścāpi haniṣyāmi saṃyuge samavasthitān |asādhāraṇamicchāmi tava dātuṃ mahadyaśaḥ || 6.63.50 ||
yadi cendrādbhayaṃ rājan yadi vāpi svayambhuvaḥ || 6.63.51 ||
api devāḥ śayiṣyante kruddhe mayi mahītale |yamaṃ ca śamayiṣyāmi bhakṣayiṣyāmi pāvakam |ādityaṃ pātayiṣyāmi sanakṣatraṃ mahītale || 6.63.52 ||
śatakratuṃ vadhiṣyāmi pāsyāmi varuṇālayam |parvatāṃścūrṇayiṣyāmi dārayiṣyāmi medinīm || 6.63.53 ||
dīrghakālaṃ prasuptasya kumbhakarṇasya vikramam |adya paśyantu bhūtāni bhakṣyamāṇāni sarvaśaḥ || 6.63.54 ||
nanvidaṃ tridivaṃ sarvamāhārasya na pūryate || 6.63.55 ||
vadhena te dāśaratheḥ sukhārhaṃ sukhaṃ samāhartumahaṃ vrajāmi |nihatya rāmaṃ saha lakṣmaṇena khādāmi sarvān hariyūthamukhyān || 6.63.56 ||
ramasva kāmaṃ piba cāgryavāruṇīṃ kuruṣva kṛtyāni vinīyatāṃ jvaraḥ |mayā 'dya rāme gamite yamakṣayaṃ cirāya sītā vaśagā bhaviṣyati || 6.63.57 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe triṣaṣṭitamaḥ sargaḥ || 63 ||
sa tathoktastu nirbhartsya kumbhakarṇo mahodaram|abravīdrākṣasaśreṣṭhaṃ bhrātaraṃ rāvaṇaṃ tataḥ || 6.65.1 ||
so 'haṃ tava bhayaṃ ghoraṃ vadhāttasya durātmanaḥ|rāmasyādya pramārjāmi nirvairo hi sukhī bhava || 6.65.2 ||
garjanti na vṛthā śūrā nirjalā iva toyadāḥ|paśya sampādyamānaṃ tu garjitaṃ yudhi karmaṇā || 6.65.3 ||
na marṣayati cātmānaṃ sambhāvayati nātmanā|adarśayitvā śūrāstu karma kurvanti duṣkaram || 6.65.4 ||
viklavānāmabuddhīnāṃ rājñā paṇḍitamāninām|śṛṇvatā sāditamidaṃ tvadvidhānāṃ mahodara || 6.65.5 ||
yuddhe kāpuruṣairnityaṃ bhavadbhiḥ priyavādibhiḥ|rājānamanugacchadbhiḥ kṛtyametaddhi sāditam || 6.65.6 ||
rājaśeṣā kṛtā laṅkā kṣīṇaḥ kośo balaṃ hatam|rājānamimamāsādya suhṛccihnamamitrakam || 6.65.7 ||
eṣa niryāmyahaṃ yuddhamudyataḥ śatrunirjaye|durnayaṃ bhavatāmadya samīkartumihāhave || 6.65.8 ||
evamuktavato vākyaṃ kumbhakarṇasya dhīmataḥ|pratyuvāca tato vākyaṃ prahasan rākṣasādhipaḥ || 6.65.9 ||
mahodaro 'yaṃ rāmāttu paritrasto na saṃśayaḥ|na hi rocayate tāta yuddhaṃ yuddhaviśārada || 6.65.10 ||
kaścinme tvatsamo nāsti sauhṛdena balena ca|gaccha śatruvadhāya tvaṃ kumbhakarṇa jayāya ca || 6.65.11 ||
tasmāttu bhayanāśārthaṃ bhavān sambodhito mayā|ayaṃ hi kālaḥ suhṛdāṃ rākṣasānāmarindama || 6.65.12 ||
tadgaccha śūlamādāya pāśahasta ivāntakaḥ|vānarān rājaputrau ca bhakṣayādityatejasau || 6.65.13 ||
samālokya tu te rūpaṃ vidraviṣyanti vānarāḥ|rāmalakṣmaṇoścāpi hṛdaye prasphuṭiṣyataḥ || 6.65.14 ||
evamuktvā mahārājaḥ kumbhakarṇaṃ mahābalam|punarjātamivātmānaṃ mene rākṣasapuṅgavaḥ || 6.65.15 ||
kumbhakarṇabalābhijño jānaṃstasya parākramam|babhūva mudito rājā śaśāṅka iva nirmalaḥ || 6.65.16 ||
ityevamuktaḥ saṃhṛṣṭo nirjagāma mahābalaḥ || 6.65.17 ||
rājñastu vacanaṃ śrutvā kumbhakarṇaḥ samudyataḥ|ādade niśitaṃ śūlaṃ vegācchatrunibarhaṇam || 6.65.18 ||
sarvakālāyasaṃ dīptaṃ taptakāñcanabhūṣaṇam|indrāśanisamaṃ bhīmaṃ vajrapratimagauravam || 6.65.19 ||
devadānavagandharvayakṣakinnarasūdanam|raktamālyaṃ mahādhāmasvataścodgatapāvakam || 6.65.20 ||
ādāya niśitaṃ śūlaṃ śatruśoṇitarañjitam|kumbhakarṇo mahātejā rāvaṇaṃ vākyamabravīt || 6.65.21 ||
gamiṣyāmyahamekākī tiṣṭhatviha balaṃ mama|adya tān kṣubhitān kruddho bhakṣayiṣyāmi vānarān|kumbhakarṇavacaḥ śrutvā rāvaṇo vākyamabravīt || 6.65.22 ||
sainyaiḥ parivṛto gaccha śūlamudgarapāṇibhiḥ|vānarā hi mahātmānaḥ śīghrāḥ suvyavasāyinaḥ || 6.65.23 ||
ekākinaṃ pramattaṃ vā nayeyurdaśanaiḥ kṣayam|tasmāt paramadurdharṣaiḥ sainyaiḥ parivṛto vraja|rakṣasāmahitaṃ sarvaṃ śatrupakṣaṃ niṣūdaya || 6.65.24 ||
athāsanāt samutpatya srajaṃ maṇikṛtāntarām|ābabandha mahātejāḥ kumbhakarṇasya rāvaṇaḥ || 6.65.25 ||
aṅgadānyaṅgulīveṣṭān varāṇyābharaṇāni ca|hāraṃ ca śaśisaṅkāśamābabandha mahātmanaḥ || 6.65.26 ||
divyāni ca sugandhīni mālyadāmāni rāvaṇaḥ|śrotre cāsañjayāmāsa śrīmatī cāsya kuṇḍale || 6.65.27 ||
kāñcanāṅgadakeyūraniṣkābharaṇabhūṣitaḥ|kumbhakarṇo bṛhatkarṇaḥ suhuto 'gnirivābabhau || 6.65.28 ||
śroṇīsūtreṇa mahatā mecakena vyarājata|amṛtotpādane naddho bhujaṅgeneva mandaraḥ || 6.65.29 ||
sa kāñcanaṃ bhārasahaṃ nivātaṃ vidyutprabhaṃ dīptamivātmabhāsā|ābhadhyamānaḥ kavacaṃ rarāja sandhyābhrasaṃvīta ivādrirājaḥ || 6.65.30 ||
sarvābharaṇasarvāṅgaḥ śūlapāṇiḥ sa rākṣasaḥ|trivikramakṛtotsāho nārāyaṇa ivābabhau || 6.65.31 ||
bhrātaraṃ sampariṣvajya kṛtvā cābhipradakṣiṇam|praṇamya śirasā tasmai sampratasthe mahābalaḥ || 6.65.32 ||
niṣpatantaṃ mahākāyaṃ mahānādaṃ mahābalam|tamāśīrbhiḥ praśastābhiḥ preṣayāmāsa rāvaṇaḥ || 6.65.33 ||
śaṅkhadundubhinirghoṣaiḥ sainyaiścāpi varāyudhaiḥ|taṃ gajaiśca turaṅgaiśca syandanaiścāmbudasvanaiḥ || 6.65.34 ||
anujagmurmahātmānaṃ rathino rathināṃ varam || 6.65.35 ||
sarpairuṣṭraiḥ kharairaśvaiḥ siṃhadvipamṛgadvijaiḥ|anujagmuśca taṃ ghoraṃ kumbhakarṇaṃ mahābalam || 6.65.36 ||
sa puṣpavarṣairavakīryamāṇo dhṛtātapatraḥ śitaśūlapāṇiḥ|madotkaṭaḥ śoṇitagandhamatto viniryayau dānavadevaśatruḥ || 6.65.37 ||
padātayaśca bahavo mahānādā mahābalāḥ|anvayū rākṣasā bhīmā bhīmākṣāḥ śastrapāṇayaḥ || 6.65.38 ||
raktākṣāḥ sumahākāyā nīlāñjanacayopamāḥ|śūlānudyamya khaḍgāṃśca niśitāṃśca paraśvadhān || 6.65.39 ||
bahuvyāmāṃśca parighān gadāśca musalāni ca|tālaskandhāṃśca vipulān kṣepaṇīyān durāsadān || 6.65.40 ||
athānyadvapurādāya dāruṇaṃ romaharṣaṇam|niṣpapāta mahātejāḥ kumbhakarṇo mahābalaḥ || 6.65.41 ||
dhanuśśataparīṇāhaḥ sa ṣaṭchatasamucchritaḥ|raudraḥ śakaṭacakrākṣo mahāparvatasannibhaḥ || 6.65.42 ||
sannipatya ca rakṣāṃsi dagdhaśailopamo mahān|kumbhakarṇo mahāvaktraḥ prahasannidamabravīt || 6.65.43 ||
adya vānaramukhyānāṃ tāni yūthāni bhāgaśaḥ|nirdahiṣyāmi saṅkruddhaḥ śalabhāniva pāvakaḥ || 6.65.44 ||
nāparādhyanti me kāmaṃ vānarā vanacāriṇaḥ|jātirasmādvidhānāṃ sā purodyānavibhūṣaṇam || 6.65.45 ||
purarodhasya mūlaṃ tu rāghavaḥ sahalakṣmaṇaḥ|hate tasmin hataṃ sarvaṃ taṃ vadhiṣyāmi saṃyuge || 6.65.46 ||
evaṃ tasya bruvāṇasya kumbhakarṇasya rākṣasāḥ|nādaṃ cakrurmahāghoraṃ kampayanta ivārṇavam || 6.65.47 ||
tasya niṣpatatastūrṇaṃ kumbhakarṇasya dhīmataḥ|babhūvurghorarūpāṇi nimittāni samantataḥ || 6.65.48 ||
ulkāśaniyutā meghā babhūvurgardabhāruṇāḥ|sasāgaravanā caiva vasudhā samakampata || 6.65.49 ||
ghorarūpāḥ śivā neduḥ sajvālakavalairmukhaiḥ|maṇḍalānyapasavyāni babandhuśca vihaṅgamāḥ || 6.65.50 ||
niṣpapāta ca māleva gṛdhro 'sya pathi gacchataḥ|prāsphurannayanaṃ cāsya savyo bāhuśca kampate || 6.65.51 ||
nipapāta tadā colkā jvalantī bhīmanisvanā|ādityo niṣprabhaścāsīnna pravāti sukho 'nilaḥ || 6.65.52 ||
acintayan mahotpātānutthitān romaharṣaṇān|niryayau kumbhakarṇastu kṛtāntabalacoditaḥ || 6.65.53 ||
sa laṅghayitvā prākāraṃ padbhyāṃ parvatasannibhaḥ|dadarśābhraghanaprakhyaṃ vānarānīkamadbhutam || 6.65.54 ||
te dṛṣṭvā rākṣasaśreṣṭhaṃ vānarāḥ parvatopamam|vāyununnā iva ghanā yayuḥ sarvā diśastadā || 6.65.55 ||
tadvānarānīkamatipracaṇḍaṃ diśo dravadbhinnamivābhrajālam|sa kumbhakarṇaḥ samavekṣya harṣānnanāda bhūyo ghanavad ghanābhaḥ || 6.65.56 ||
te tasya ghoraṃ ninadaṃ niśamya yathā ninādaṃ divi vāridasya|peturdharaṇyāṃ bahavaḥ plavaṅgā nikṛttamūlā iva sālavṛkṣāḥ || 6.65.57 ||
vipulaparighavān sa kumbhakarṇo ripunidhanāya vinissṛto mahātmā|kapigaṇabhayamādadat subhīmaṃ prabhuriva kiṅkaradaṇḍavān yugānte || 6.65.58 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe pañcaṣaṣṭitamaḥ sargaḥ || 65 ||
sa laṅghayitvā prākāraṃ girikūṭopamo mahān|niryayau nagarāttūrṇaṃ kumbhakarṇo mahābalaḥ || 6.66.1 ||
sa nanāda mahānādaṃ samudramabhinādayan|janayanniva nirghātān vidhamanniva parvatān || 6.66.2 ||
tamavadhyaṃ madhavatā yamena varuṇena vā|prekṣya bhīmākṣamāyāntaṃ vānarā vipradudruvuḥ || 6.66.3 ||
tāṃstu vipradrutān dṛṣṭvā vāliputro 'ṅgado 'bravīt|nalaṃ nīlaṃ gavākṣaṃ ca kumudaṃ ca mahābalam || 6.66.4 ||
ātmānamatra vismṛtya vīryāṇyabhijanāni ca|kva gacchata bhayatrastāḥ prākṛtā harayo yathā || 6.66.5 ||
sādhu saumyā nivartadhvaṃ kiṃ prāṇān parirakṣatha|nālaṃ yuddhāya vai rakṣo mahatīyaṃ bibhīṣikā || 6.66.6 ||
mahatīmutthitāmenāṃ rākṣasānāṃ bibhīṣikām|vikramādvidhamiṣyāmo nivartadhvaṃ plavaṅgamāḥ || 6.66.7 ||
kṛcchreṇa tu samāśvasya saṅgamya ca tatastataḥ|vṛkṣādrihastā harayaḥ sampratasthū raṇājiram || 6.66.8 ||
te nivṛtya tu saṅkruddhāḥ kumbhakarṇaṃ vanaukasaḥ|nijaghnuḥ paramakruddhāḥ samadā iva kuñjarāḥ || 6.66.9 ||
prāṃśubhirgiriśṛṅgaiśca śilābhiśca mahābalaḥ|pādapaiḥ puṣpitāgraiśca hanyamāno na kampate || 6.66.10 ||
tasya gātreṣu patitā bhidyante śataśaḥ śilāḥ|pādapāḥ puṣpitāgrāśca bhagnāḥ peturmahītale || 6.66.11 ||
so 'pi sainyāni saṅkruddho vānarāṇāṃ mahaujasām|mamantha paramāyatto vanānyagnirivotthitaḥ || 6.66.12 ||
lohitārdrāstu bahavaḥ śerate vānararṣabhāḥ|nirastāḥ patitā bhūmau tāmrapuṣpā iva drumāḥ || 6.66.13 ||
laṅghayantaḥ pradhāvanto vānarā nāvalokayan || 6.66.14 ||
kecitsamudre patitāḥ kecidgaganamāśritāḥ|vadhyamānāstu te vīrā rākṣasena balīyasā || 6.66.15 ||
sāgaraṃ yena te tīrṇāḥ pathā tena pradudruvuḥ || 6.66.16 ||
te sthalāni tathā nimnaṃ viṣaṇṇavadanā bhayāt|ṛkṣā vṛkṣān samārūḍhāḥ kecit parvatamāśritāḥ || 6.66.17 ||
mamajjurarṇave kecid guhāḥ kecit samāśritāḥ|niṣeduḥ plavagāḥ kecit kecinnaivāvatasthire|tān samīkṣyāṅgado bhagnān vānarānidamabravīt || 6.66.18 ||
avatiṣṭhata yudhyāmo nivartadhvaṃ plavaṅgamāḥ|bhagnānāṃ vo na paśyāmi parigamya mahīmimām|sthānaṃ sarve nivartadhvaṃ kiṃ prāṇān parirakṣatha || 6.66.19 ||
nirāyudhānāṃ dravatāmasaṅgagatipauruṣāḥ|dārā hyapahasiṣyanti sa vai ghātastu jīvinām || 6.66.20 ||
kuleṣu jātāḥ sarve sma vistīrṇeṣu mahatsu ca|kva gacchatha bhayatrastā harayaḥ prākṛtā yathā || 6.66.21 ||
anāryāḥ khalu yadbhītāstyaktvā vīryaṃ pradhāvata || 6.66.22 ||
vikatthanāni vo yāni tadā vai janasaṃsadi|tāni vaḥ kva nu yātāni sodagrāṇi mahānti ca || 6.66.23 ||
bhīrupravādāḥ śrūyante yastu jīviti dhikkṛtaḥ|mārgaḥ satpuruṣairjuṣṭaḥ sevyatāṃ tyajyatāṃ bhayam || 6.66.24 ||
śayāmahe 'tha nihatāḥ pṛthivyāmalpajīvitāḥ|duṣprāpaṃ brahmalokaṃ vā prāpnumo yudhi sūditāḥ || 6.66.25 ||
samprāpnuyāmaḥ kīrtiṃ vā nihatvā śatrumāhave|jīvitaṃ vīralokasya mokṣyāmo vasu vānarāḥ || 6.66.26 ||
na kumbhakarṇaḥ kākutsthaṃ dṛṣṭvā jīvan gamiṣyati|dīpyamānamivāsādya pataṅgo jvalanaṃ yathā || 6.66.27 ||
palāyanena coddiṣṭāḥ prāṇān rakṣāmahe vayam|ekena bahavo bhagnā yaśo nāśaṃ gamiṣyati || 6.66.28 ||
evaṃ bruvāṇaṃ taṃ śūramaṅgadaṃ kanakāṅgadam|dravamāṇāstato vākyamūcuḥ śūravigarhitam || 6.66.29 ||
kṛtaṃ naḥ kadanaṃ ghoraṃ kumbhakarṇena rakṣasā|na sthānakālo gacchāmo dayitaṃ jīvitaṃ hi naḥ || 6.66.30 ||
etāvaduktvā vacanaṃ sarve te bhejire diśaḥ|bhīmaṃ mīmākṣamāyāntaṃ dṛṣṭvā vānarayūthapāḥ || 6.66.31 ||
dravamāṇāstu te vīrā aṅgadena valīmukhāḥ|sāntvaiścaivānumānaiśca tataḥ sarve nivartitāḥ || 6.66.32 ||
praharṣamupanītāśca vāliputreṇa dhīmatā|ājñāpratīkṣāstasthuśca sarve vānarayūthapāḥ || 6.66.33 ||
ṛṣabhaśarabhamaindadhūmranīlāḥ kumudasuṣeṇagavākṣarambhatārāḥ|dvividapanasavāyuputramukhyāstvaritatarābhimukhaṃ raṇaṃ prayātāḥ || 6.66.34 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣaṭṣaṣṭitamaḥ sargaḥ || 66 ||
sarpairuṣṭraiḥ kharairaśvaiḥ siṃhadvipamṛgadvijaiḥ|anujagmuśca taṃ ghoraṃ kumbhakarṇaṃ mahābalam || 6.65.36 ||
sa puṣpavarṣairavakīryamāṇo dhṛtātapatraḥ śitaśūlapāṇiḥ|madotkaṭaḥ śoṇitagandhamatto viniryayau dānavadevaśatruḥ || 6.65.37 ||
padātayaśca bahavo mahānādā mahābalāḥ|anvayū rākṣasā bhīmā bhīmākṣāḥ śastrapāṇayaḥ || 6.65.38 ||
raktākṣāḥ sumahākāyā nīlāñjanacayopamāḥ|śūlānudyamya khaḍgāṃśca niśitāṃśca paraśvadhān || 6.65.39 ||
bahuvyāmāṃśca parighān gadāśca musalāni ca|tālaskandhāṃśca vipulān kṣepaṇīyān durāsadān || 6.65.40 ||
athānyadvapurādāya dāruṇaṃ romaharṣaṇam|niṣpapāta mahātejāḥ kumbhakarṇo mahābalaḥ || 6.65.41 ||
dhanuśśataparīṇāhaḥ sa ṣaṭchatasamucchritaḥ|raudraḥ śakaṭacakrākṣo mahāparvatasannibhaḥ || 6.65.42 ||
sannipatya ca rakṣāṃsi dagdhaśailopamo mahān|kumbhakarṇo mahāvaktraḥ prahasannidamabravīt || 6.65.43 ||
adya vānaramukhyānāṃ tāni yūthāni bhāgaśaḥ|nirdahiṣyāmi saṅkruddhaḥ śalabhāniva pāvakaḥ || 6.65.44 ||
nāparādhyanti me kāmaṃ vānarā vanacāriṇaḥ|jātirasmādvidhānāṃ sā purodyānavibhūṣaṇam || 6.65.45 ||
purarodhasya mūlaṃ tu rāghavaḥ sahalakṣmaṇaḥ|hate tasmin hataṃ sarvaṃ taṃ vadhiṣyāmi saṃyuge || 6.65.46 ||
evaṃ tasya bruvāṇasya kumbhakarṇasya rākṣasāḥ|nādaṃ cakrurmahāghoraṃ kampayanta ivārṇavam || 6.65.47 ||
tasya niṣpatatastūrṇaṃ kumbhakarṇasya dhīmataḥ|babhūvurghorarūpāṇi nimittāni samantataḥ || 6.65.48 ||
ulkāśaniyutā meghā babhūvurgardabhāruṇāḥ|sasāgaravanā caiva vasudhā samakampata || 6.65.49 ||
ghorarūpāḥ śivā neduḥ sajvālakavalairmukhaiḥ|maṇḍalānyapasavyāni babandhuśca vihaṅgamāḥ || 6.65.50 ||
niṣpapāta ca māleva gṛdhro 'sya pathi gacchataḥ|prāsphurannayanaṃ cāsya savyo bāhuśca kampate || 6.65.51 ||
nipapāta tadā colkā jvalantī bhīmanisvanā|ādityo niṣprabhaścāsīnna pravāti sukho 'nilaḥ || 6.65.52 ||
acintayan mahotpātānutthitān romaharṣaṇān|niryayau kumbhakarṇastu kṛtāntabalacoditaḥ || 6.65.53 ||
sa laṅghayitvā prākāraṃ padbhyāṃ parvatasannibhaḥ|dadarśābhraghanaprakhyaṃ vānarānīkamadbhutam || 6.65.54 ||
te dṛṣṭvā rākṣasaśreṣṭhaṃ vānarāḥ parvatopamam|vāyununnā iva ghanā yayuḥ sarvā diśastadā || 6.65.55 ||
tadvānarānīkamatipracaṇḍaṃ diśo dravadbhinnamivābhrajālam|sa kumbhakarṇaḥ samavekṣya harṣānnanāda bhūyo ghanavad ghanābhaḥ || 6.65.56 ||
te tasya ghoraṃ ninadaṃ niśamya yathā ninādaṃ divi vāridasya|peturdharaṇyāṃ bahavaḥ plavaṅgā nikṛttamūlā iva sālavṛkṣāḥ || 6.65.57 ||
vipulaparighavān sa kumbhakarṇo ripunidhanāya vinissṛto mahātmā|kapigaṇabhayamādadat subhīmaṃ prabhuriva kiṅkaradaṇḍavān yugānte || 6.65.58 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe pañcaṣaṣṭitamaḥ sargaḥ || 65 ||
kumbhakarṇaṃ hataṃ dṛṣṭvā rāghaveṇa mahātmanā|rākṣasā rākṣasendrāya rāvaṇāya nyavedayan || 6.68.1 ||
rājan sa kālasaṅkāśaḥ saṃyuktaḥ kālakarmaṇā|vidrāvya vānarīṃ senāṃ bhakṣayitvā ca vānarān || 6.68.2 ||
pratapitvā muhūrtaṃ ca praśānto rāma tejasā|kāyenārdhapraviṣṭena samudraṃ bhīmadarśanam || 6.68.3 ||
nikṛttakaṇṭhorubhujo vikṣaran rudhiraṃ bahu|ruddhvā dvāraṃ śarīreṇa laṅkāyāḥ parvatopamaḥ || 6.68.4 ||
kumbhakarṇastava bhrātā kākutsthaśarapīḍitaḥ|lagaṇḍabhūto vikṛto dāvadagdha iva drumaḥ || 6.68.5 ||
taṃ śrutvā nihataṃ saṅkhye kumbhakarṇaṃ mahābalam|rāvaṇaḥ śokasantapto mumoha ca papāta ca || 6.68.6 ||
pitṛvyaṃ nihataṃ dṛṣṭvā devāntakanarāntakau|triśirāścātikāyaśca ruruduḥ śokapīḍitāḥ || 6.68.7 ||
bhrātaraṃ nihataṃ dṛṣṭvā rāmeṇākliṣṭakarmaṇā|mahodaramahāpārśvau śokākrāntau babhūvatuḥ || 6.68.8 ||
tataḥ kṛcchrāt samāsādya sañjñāṃ rākṣasapuṅgavaḥ|kumbhakarṇavadhāddīno vilalāpa sa rāvaṇaḥ || 6.68.9 ||
hā vīra ripudarpaghna kumbhakarṇa mahābala|tvaṃ māṃ vihāya vai daivādyāto 'si yamasādanam || 6.68.10 ||
mama śalyamanuddhatya bāndhavānāṃ mahābala|śatrusainyaṃ pratāpyaikastvaṃ māṃ santyajya gacchasi || 6.68.11 ||
idānīṃ khalvahaṃ nāsmi yasya me dakṣiṇo bhujaḥ|patito yaṃ samāśritya na bibhemi surāsurāt || 6.68.12 ||
kathamevaṃvidho vīro devadānavadarpahā|kālāgnirudrapratimo raṇe rāmeṇa vai hataḥ || 6.68.13 ||
yasya te vajraniṣpeṣo na kuryādvyasanaṃ sadā|sa kathaṃ rāmabāṇārtaḥ prasupto 'si mahītale || 6.68.14 ||
ete devagaṇāḥ sārdhamṛṣṭibhirgagane sthitāḥ|nihataṃ tvāṃ raṇe dṛṣṭvā ninadanti praharṣitāḥ || 6.68.15 ||
dhruvamadyaiva saṃhṛṣṭā labdhalakṣāḥ plavaṅgamāḥ|ārokṣyanti hi durgāṇi laṅkādvārāṇi sarvaśaḥ || 6.68.16 ||
rājyena nāsti me kāryaṃ kiṃ kariṣyāmi sītayā|kumbhakarṇavihīnasya jīvite nāsti me ratiḥ || 6.68.17 ||
yadyahaṃ bhrātṛhantāraṃ na hanmi yudhi rāghavam|nanu me maraṇaṃ śreyo na cedaṃ vyarthajīvitam || 6.68.18 ||
adyaiva taṃ gamiṣyāmi deśaṃ yatrānujo mama|nahi bhrāta'n samutsṛjya kṣaṇaṃ jīvitumutsahe || 6.68.19 ||
devā hi māṃ hasiṣyanti dṛṣṭvā pūrvāpakāriṇam|kathamindraṃ jayiṣyāmi kumbhakarṇa hate tvayi || 6.68.20 ||
tadidaṃ māmanuprāptaṃ vibhīṣaṇavacaḥ śubham|yadajñānānmayā tasya na gṛhītaṃ mahātmanaḥ || 6.68.21 ||
vibhīṣaṇavaco yāvat kumbhakarṇaprahastayoḥ|vināśo 'yaṃ samutpanno māṃ vrīḍayati dāruṇaḥ || 6.68.22 ||
tasyāyaṃ karmaṇaḥ prāpto vipāko mama śokadaḥ|yanmayā dhārmikaḥ śrīmān sa nirasto vibhīṣaṇaḥ || 6.68.23 ||
iti bahuvidhamākulāntarātmā kṛpaṇamatīva vilapya kumbhakarṇam|nyapatadatha daśānano bhṛśārtastamanujamindraripuṃ hataṃ viditvā || 6.68.24 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭaṣaṣṭitamaḥ sargaḥ || 68 ||
evaṃ vilapamānasya rāvaṇasya durātmanaḥ|śrutvā śokābhitaptasya triśirā vākyamabravīt || 6.69.1 ||
evameva mahāvīryo hato nastātamadhyamaḥ|na tu satpuruṣā rājan vilapanti yathā bhavān || 6.69.2 ||
nūnaṃ tribhuvanasyāpi paryāptastvamasi prabho|sa kasmāt prākṛta iva śocasyātmānamīdṛśam || 6.69.3 ||
brahmadattā 'sti te śaktiḥ kavacaḥ sāyako dhanuḥ|sahasrakharasaṃyukto ratho meghasvano mahān || 6.69.4 ||
tvayā 'sakṛdviśastreṇa viśastā devadānavāḥ|sa sarvāyudhasampanno rāghavaṃ śāstumarhasi || 6.69.5 ||
kāmaṃ tiṣṭha mahārāja nirgamiṣyāmyahaṃ raṇam|uddhariṣyāmi te śatrūn garuḍaḥ pannagāniva || 6.69.6 ||
śambaro devarājena narako viṣṇunā yathā|tathā 'dya śayitā rāmo mayā yudhi nipātitaḥ || 6.69.7 ||
śrutvā triśiraso vākyaṃ rāvaṇo rākṣasādhipaḥ|punarjātamivātmānaṃ manyate kālacoditaḥ || 6.69.8 ||
śrutvā triśiraso vākyaṃ devāntakanarāntakau|atikāyaśca tejasvī babhūvuryuddhaharṣitāḥ || 6.69.9 ||
tato 'hamahamityeva garjanto nairṛtarṣabhāḥ|rāvaṇasya sutā vīrāḥ śakratulyaparākramāḥ || 6.69.10 ||
antarikṣagatāḥ sarve sarve māyāviśāradāḥ|sarve tridaśadarpaghnāḥ sarve ca raṇadurjayāḥ || 6.69.11 ||
sarve subalasampannāḥ sarve vikīrṇakīrtayaḥ|sarve samaramāsādya na śrūyante parājitāḥ|devairapi sagandharvaiḥ sakinnaramahoragaiḥ || 6.69.12 ||
sarve ca viduṣo vīrāḥ sarve yuddhaviśāradāḥ|sarve pravaravijñānāḥ sarve labdhavarāstathā || 6.69.13 ||
sa taistadā bhāskaratulyavarcasaiḥ sutairvṛtaḥ śatrubalapramardanaiḥ|rarāja rājā maghavān yathā 'marairvṛto mahādānavadarpanāśanaiḥ || 6.69.14 ||
sa putrān sampariṣvajya bhūṣayitvā ca bhūṣaṇaiḥ|āśīrbhiśca praśastābhiḥ preṣayāmāsa saṃyuge || 6.69.15 ||
yuddhonmattaṃ ca mattaṃ ca bhrātarau cāpi rāvaṇaḥ|rakṣaṇārthaṃ kumārāṇāṃ preṣayāmāsa saṃyuge || 6.69.16 ||
te 'bhivādya mahātmānaṃ rāvaṇaṃ ripurāvaṇam|kṛtvā pradakṣiṇaṃ caiva mahākāyāḥ pratasthire || 6.69.17 ||
sarvauṣadhībhirgandhaiśca samālabhya mahābalāḥ|nirjagmurnairṛtaśreṣṭhāḥ ṣaḍete yuddhakāṅkṣiṇaḥ || 6.69.18 ||
triśirāścātikāyaśca devāntakanarāntakau|mahodaramahāpārśvo nirjagmuḥ kālacoditāḥ || 6.69.19 ||
tataḥ sudarśanaṃ nāma nīlajīmūtasannibham|airāvatakule jātamāruroha mahodaraḥ || 6.69.20 ||
sarvāyudhasamāyuktaṃ tūṇībhiśca svalaṅkṛtam|rarāja gajamāsthāya savitevāstamūrdhani || 6.69.21 ||
hayottamasamāyuktaṃ sarvāyudhasamākulam|āruroha rathaśreṣṭhaṃ triśirā rāvaṇātmajaḥ || 6.69.22 ||
triśirā rathamāsthāya virarāja dhanurdharaḥ|savidyudulkaḥ śailāgre sendracāpa ivāmbudaḥ || 6.69.23 ||
tribhiḥ kirīṭaiḥ śuśubhe triśirāḥ sa rathottame|himavāniva śailendrastribhiḥ kāñcanaparvataiḥ || 6.69.24 ||
atikāyo 'pi tejasvī rākṣasendrasutastadā|āruroha rathaśreṣṭhaṃ śreṣṭhaḥ sarvadhanuṣmatām || 6.69.25 ||
sucakrākṣaṃ susaṃyuktaṃ svanukarṣaṃ sukūbaram|tūṇībāṇāsanairdīptaṃ prāsāsiparighākulam || 6.69.26 ||
sa kāñcanavicitreṇa mukuṭena virājatā|bhūṣaṇaiśca babhau meruḥ kiraṇairiva bhāsayan || 6.69.27 ||
sa rarāja rathe tasmin rājasūnurmahābalaḥ|vṛto nairṛtaśārdūlairvajrapāṇirivāmaraiḥ || 6.69.28 ||
hayamuccaiśśravaprakhyaṃ śvetaṃ kanakabhūṣaṇam|manojavaṃ mahākāyamāruroha narāntakaḥ || 6.69.29 ||
gṛhītvā prāsamulkābhaṃ virarāja narāntakaḥ|śaktimādāya tejasvī guhaḥ śikhigato yathā || 6.69.30 ||
devāntakaḥ samādāya parighaṃ vajrabhūṣaṇam|parigṛhya girīṃ dorbhyāṃ vapurviṣṇorviḍambayan || 6.69.31 ||
mahāpārśvo mahākāyo gadāmādāya vīryavān|virarāja gadāpāṇiḥ kubera iva saṃyuge || 6.69.32 ||
pratasthire mahātmāno balairapratimairvṛtāḥ|surā ivāmarāvatyā balairapratimairvṛtāḥ || 6.69.33 ||
tān gajaiśca turaṅgaiśca rathaiścāmbudanisvanaiḥ|anujagmurmahātmāno rākṣasāḥ pravarāyudhāḥ || 6.69.34 ||
te virejurmahātmānaḥ kumārāḥ sūryavarcasaḥ|kirīṭinaḥ śriyā juṣṭā grahā dīptā ivāmbare || 6.69.35 ||
pragṛhītā babhau teṣāṃ śastrāṇāmāvaliḥ sitā|śāradābhrapratīkāśā haṃsāvalirivāmbare || 6.69.36 ||
maraṇaṃ vāpi niścitya śatrūṇāṃ vā parājayam || 6.69.37 ||
iti kṛtvā matiṃ vīrā nirjagmuḥ saṃyugārthinaḥ || 6.69.38 ||
jagarjuśca praṇeduśca cikṣipuścāpi sāyakān|jagṛhuścāpi te vīrā niryānto yuddhadurmadāḥ || 6.69.39 ||
kṣvelitāsphoṭaninadaiścacāla ca vasundharā|rakṣasāṃ siṃhanādaiśca pusphoṭeva tadā 'mbaram || 6.69.40 ||
te 'bhiniṣkramya muditā rākṣasendrā mahābalāḥ|dadṛśurvānarānīkaṃ samudyataśilānagam || 6.69.41 ||
harayo 'pi mahātmāno dadṛśurnairṛtaṃ balam|hastyaśvarathasambādhaṃ kiṅkiṇīśatanāditam || 6.69.42 ||
nīlajīmūtasaṅkāśaṃ samudyatamahāyudham|dīptānalapaviprakhyaiḥ sarvato nairṛtairvṛtam || 6.69.43 ||
tad dṛṣṭvā balamāyāntaṃ labdhalakṣāḥ plavaṅgamāḥ|samudyatamahāśailāḥ sampraṇedurmahābalāḥ|amṛṣyamāṇā rakṣāṃsi pratinardanti vānarāḥ || 6.69.44 ||
tataḥ samudghuṣṭaravaṃ niśamya rakṣogaṇā vānarayūthapānām|amṛṣyamāṇāḥ paraharṣamugraṃ mahābalā bhīmataraṃ vineduḥ || 6.69.45 ||
te rākṣasabalaṃ ghoraṃ praviśya hariyūthapāḥ|vicerurudyataiḥ śailairnagāḥ śikhariṇo yathā || 6.69.46 ||
kecidākāśamāviśya kecidurvyāṃ plavaṅgamāḥ|rakṣassainyeṣu saṅkruddhāścerurdrumaśilāyudhāḥ || 6.69.47 ||
drumāṃśca vipulaskandhān gṛhya vānarapuṅgavāḥ|tadyuddhamabhavad ghoraṃ rakṣovānarasaṅkulam || 6.69.48 ||
te pādapaśilāśailaiścakrurvṛṣṭimanūpamām|bāṇaughairvāyamāṇāśca harayo bhīmavikramāḥ || 6.69.49 ||
siṃhanādān vineduśca raṇe vānararākṣasāḥ|śilābhiścūrṇayāmāsuryātudhānān plavaṅgamāḥ || 6.69.50 ||
nijaghnuḥ saṃyuge kruddhāḥ kavacābharaṇāvṛtān|kecidrathagatān vīrān gajavājigatānapi || 6.69.51 ||
nijaghnuḥ sahasā ' 'plutya yātudhānān plavaṅgamāḥ|śailaśṛṅgācitāṅgāśca muṣṭibhirvāntalocanāḥ || 6.69.52 ||
ceruḥ petuśca neduśca tatra rākṣasapuṅgavāḥ|rākṣasāśca śaraistīkṣṇairbibhiduḥ kapikuñjarān || 6.69.53 ||
śūlamudgarakhaḍgaiśca jaghnuḥ prāsaiśca śaktibhiḥ|anyonyaṃ pātayāmāsuḥ parasparajayaiṣiṇaḥ || 6.69.54 ||
ripuśoṇitadigdhāṅgāstatra vānararākṣasāḥ|tataḥ śailaiśca khaḍgaiśca visṛṣṭairharirākṣasaiḥ || 6.69.55 ||
muhūrtenāvṛtā bhūmirabhavacchoṇitāplutā|vikīrṇaparvatākārai rakṣobhirarimardanaiḥ|āsīdvasumatī pūrṇā tadā yuddhamadānvitaiḥ || 6.69.56 ||
ākṣiptāḥ kṣipyamāṇāśca bhagnaśūlāśca vānaraiḥ|punaraṅgaistathā cakrurāsannā yuddhamadbhutam || 6.69.57 ||
vānarān vānaraireva jaghnuste rajanīcarāḥ|rākṣasān rākṣasaireva jaghnuste vānarā api || 6.69.58 ||
ākṣipya ca śilāsteṣāṃ nijaghnū rākṣasā harīn|teṣāṃ cācchidya śastrāṇi jaghnū rakṣāṃsi vānarāḥ || 6.69.59 ||
nijaghnuḥ śailaśūlāstrairbibhiduśca parasparam|siṃhanādān vineduśca raṇe vānararākṣasāḥ || 6.69.60 ||
chinnavarmatanutrāṇā rākṣasā vānarairhatāḥ|rudhiraṃ prasrutāstatra rasasāramiva drumāḥ || 6.69.61 ||
rathena ca rathaṃ cāpi vāraṇenaiva vāraṇam || 6.69.62 ||
hayena ca hayaṃ kecinnijaghnurvānarā raṇe|prahṛṣṭamanasaḥ sarve pragṛhītamanaḥśilāḥ || 6.69.63 ||
harayo rākṣasān jaghnurdrumaiśca bahuśākhibhiḥ|tadyuddhamabhavad ghoraṃ rakṣovānarasaṅkulam || 6.69.64 ||
kṣuraprairardhacandraiśca bhallaiśca niśitaiḥ śaraiḥ|rākṣasā vānarendrāṇāṃ cicchiduḥ pādapān śilāḥ || 6.69.65 ||
vikīrṇaiḥ parvatāgraiśca drumaiśchinnaiśca saṃyuge|hataiśca kapirakṣobirdurgamā vasudhā 'bhavat || 6.69.66 ||
te vānarā garvitahṛṣṭaceṣṭāḥ saṅgrāmamāsādya bhayaṃ vimucya|yuddhaṃ tu sarve saha rākṣasaistairnānāyudhāścakruradīnasattvāḥ || 6.69.67 ||
tasmin pravṛtte tumule vimarde prahṛṣyamāṇeṣu valīmukheṣu|nipātyamāneṣu ca rākṣaseṣu maharṣayo devagaṇāśca neduḥ || 6.69.68 ||
tato hayaṃ mārutatulyavegamāruhya śaktiṃ niśitāṃ pragṛhya|narāntako vānararājasainyaṃ mahārṇavaṃ mīna ivāviveśa || 6.69.69 ||
sa vānarān sapta śatāni vīraḥ prāsena dīptena vinirbibheda|ekakṣaṇenendraripurmahātmā jaghāna sainyaṃ haripuṅgavānām || 6.69.70 ||
dadṛśuśca mahātmānaṃ hayapṛṣṭhe pratiṣṭhitam|carantaṃ harisainyeṣu vidyādharamaharṣayaḥ || 6.69.71 ||
sa tasya dadṛśo mārgo māṃsaśoṇitakardamaḥ|patitaiḥ parvatākārairvānarairabhisaṃvṛtaḥ || 6.69.72 ||
yāvadvikramituṃ buddhiṃ cakruḥ plavagapuṅgavāḥ|tāvadetānatikramya nirbibheda narāntakaḥ || 6.69.73 ||
jvalantaṃ prāsamudyamya saṅgrāmāgre narāntakaḥ|dadāha harisainyāni vanānīva vibhāvasuḥ || 6.69.74 ||
yāvadutpāṭayāmāsurvṛkṣān śailān vanaukasaḥ|tāvat prāsahatāḥ peturvajrakṛttā ivācalāḥ || 6.69.75 ||
dikṣu sarvāsu balavān vicacāra narāntakaḥ|pramṛdnan sarvato yuddhe prāvṛṭkāle yathā 'nilaḥ || 6.69.76 ||
na śekurdhāvituṃ vīrā na sthātuṃ spandituṃ bhayāt|utpatantaṃ sthitaṃ yāntaṃ sarvān vivyādha vīryavān || 6.69.77 ||
ekenāntakakalpena prāsenādityatejasā|bhinnāni harisainyāni nipeturdharaṇītale || 6.69.78 ||
vajraniṣpeṣasadṛśaṃ prāsasyābhinipātanam|na śekurvānarāḥ soḍhuṃ te vinedurmahāsvanam || 6.69.79 ||
patatāṃ harivīrāṇāṃ rūpāṇi pracakāśire|vajrabhinnāgrakūṭānāṃ śailānāṃ patatāmiva || 6.69.80 ||
ye tu pūrvaṃ mahātmānaḥ kumbhakarṇena pātitāḥ|te svasthā vānaraśreṣṭhāḥ sugrīvamupatasthire || 6.69.81 ||
viprekṣamāṇaḥ sugrīvo dadarśa harivāhinīm|narāntakabhayatrastāṃ vidravantīmitastataḥ || 6.69.82 ||
vidrutāṃ vāhinīṃ dṛṣṭvā sa dadarśa narāntakam|gṛhītaprāsamāyāntaṃ hayapṛṣṭhe pratiṣṭhitam || 6.69.83 ||
athovāca mahātejāḥ sugrīvo vānarādhipaḥ|kumāramaṅgadaṃ vīraṃ śakratulyaparākramam || 6.69.84 ||
gaccha tvaṃ rākṣasaṃ vīro yo 'sau turagamāsthitaḥ|kṣobhayantaṃ haribalaṃ kṣipraṃ prāṇairviyojaya || 6.69.85 ||
sa bharturvacanaṃ śrutvā niṣpapātāṅgadastataḥ|anīkānmeghasaṅkāśānmeghānīkādivāṃśumān || 6.69.86 ||
śailasaṅghātasaṅkāśo harīṇāmuttamo 'ṅgadaḥ|rarājāṅgadasannaddhaḥ sadhāturiva parvataḥ || 6.69.87 ||
nirāyudho mahātejāḥ kevalaṃ nakhadaṃṣṭravān|narāntakamabhikramya vāliputro 'bravīdvacaḥ || 6.69.88 ||
tiṣṭha kiṃ prākṛtairebhirharibhistvaṃ kariṣyasi|asmin vajrasamasparśaṃ prāsaṅkṣipa mamorasi || 6.69.89 ||
aṅgadasya vacaḥ śrutvā pracukrodha narāntakaḥ|sandaśya daśanairoṣṭhaṃ viniśvasya bhujaṅgavat || 6.69.90 ||
abhigamyāṅgadaṃ kruddho vāliputraṃ narāntakaḥ || 6.69.91 ||
prāsaṃ samāvidhya tadā 'ṅgadāya samujjvalantaṃ sahasotsasarja|sa vāliputrorasi vajrakalpe babhūva bhagno nyapatacca bhūmau || 6.69.92 ||
taṃ prāsamālokya tadā vibhagnaṃ suparṇakṛttoragabhogakalpam|talaṃ samudyamya sa vāliputrasturaṅgamaṃ tasya jaghāna mūrdhni || 6.69.93 ||
nimagnatāluḥ sphuṭitākṣitāro niṣkrāntajihvo 'calasannikāśaḥ|sa tasya vājī nipapāta bhūmau talaprahāreṇa viśīrṇamūrdhā || 6.69.94 ||
narāntakaḥ krodhavaśaṃ jagāma hataṃ turaṅgaṃ patitaṃ nirīkṣya|sa muṣṭimudyamya mahāprabhāvo jaghāna śīrṣe yudhi vāliputram || 6.69.95 ||
athāṅgado muṣṭivibhinnamūrdhā susrāva tīvraṃ rudhiraṃ bhṛśoṣṇam|muhurvijajvāla mumoha cāpi sañjñāṃ samāsādya visiṣmiye ca || 6.69.96 ||
athāṅgado vajrasamānavegaṃ saṃvartya muṣṭiṃ giriśṛṅgakalpam|nipātayāmāsa tadā mahātmā narāntakasyorasi vāliputraḥ || 6.69.97 ||
sa muṣṭiniṣpaṣṭavibhinnavakṣā jvālāvamacchoṇitadigdhagātraḥ|narāntako bhūmitale papāta yathā 'calo vajranipātabhagnaḥ || 6.69.98 ||
athāntarikṣe tridaśottamānāṃ vanaukasāṃ caiva mahāpraṇādaḥ|babhūva tasminnihate 'gryavīre narāntake vālisutena saṅkhye || 6.69.99 ||
athāṅgado rāmamanaḥpraharṣaṇaṃ suduṣkaraṃ tat kṛtavān hi vikramam|visiṣmiye so 'pyativīryavikramaḥ punaśca yuddhe sa babhūva harṣitaḥ || 6.69.100 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekonasaptatitamaḥ sargaḥ || 69 ||
narāntakaṃ hataṃ dṛṣṭvā cukruśurnairṛtarṣabhāḥ|devāntakastrimūrdhā ca paulastyaśca mahodaraḥ || 6.70.1 ||
ārūḍho meghasaṅkāśaṃ vāraṇendraṃ mahodaraḥ|vāliputraṃ mahāvīryamabhidudrāva vīryavān || 6.70.2 ||
bhrātṛvyasanasantaptastathā devāntako balī|ādāya parighaṃ dīptamaṅgadaṃ samabhidravat || 6.70.3 ||
rathamādityasaṅkāśaṃ yuktaṃ paramavājibhiḥ|āsthāya triśirā vīro vāliputramathābhyayāt || 6.70.4 ||
sa tribhirdevadarpaghnairnairṛtendrairabhidrutaḥ|vṛkṣamutpāṭayāmāsa mahāviṭapamaṅgadaḥ || 6.70.5 ||
devāntakāya taṃ vīraścikṣepa sahasā 'ṅgadaḥ|mahāvṛkṣaṃ mahāśākhaṃ śakro dīptamivāśanim || 6.70.6 ||
triśirāstaṃ praciccheda śarairāśīviṣopamaiḥ|sa vṛkṣaṃ kṛttamālokya utpapāta tadā 'ṅgadaḥ || 6.70.7 ||
sa vavarṣa tato vṛkṣān śailāṃśca kapikuñjaraḥ|tān praciccheda saṅkruddhastriśirā niśitaiḥ śaraiḥ || 6.70.8 ||
parighāgreṇa tān vṛkṣān babhañja ca surāntakaḥ|triśirāścāṅgadaṃ vīramabidudrāva sāyakaiḥ || 6.70.9 ||
gajena samabhidrutya vāliputraṃ mahodaraḥ|jaghānorasi saṅkruddhastomarairvajrasannibhaiḥ || 6.70.10 ||
devāntakaśca saṅkruddhaḥ parigheṇa tadā 'ṅgadam|upagamyābhihatyāśu vyapacakrāma vegavān || 6.70.11 ||
sa tribhirnairṛtaśreṣṭhairyugapat samabhidrutaḥ|na vivyathe mahātejā vāliputraḥ pratāpavān || 6.70.12 ||
sa vegavān mahāvegaṃ kṛtvā paramadurjayaḥ|talena bhṛśamutpatya jaghānāsya mahāgajam || 6.70.13 ||
tasya tena prahāreṇa nāgarājasya saṃyuge|petaturlocane tasya vinanāda sa vāraṇaḥ || 6.70.14 ||
viṣāṇaṃ cāsya niṣkṛṣya vāliputro mahābalaḥ|devāntakamabhiplutya tāḍayāmāsa saṃyuge || 6.70.15 ||
sa vihvalitasarvāṅgo vātoddhūta iva drumaḥ|lākṣārasasavarṇaṃ ca susrāva rudhiraṃ mukhāt || 6.70.16 ||
athāśvāsya mahātejāḥ kṛcchrāddevāntako balī|āvidhya parighaṃ ghoramājaghāna tadā 'ṅgadam || 6.70.17 ||
parighābhihataścāpi vānarendrātmajastadā|jānubhyāṃ patito bhūmau punarevotpapāta ha || 6.70.18 ||
tamutpatantaṃ triśirāstribhirbāṇairajihmagaiḥ|ghorairharipateḥ putraṃ lalāṭe 'bhijaghāna ha || 6.70.19 ||
tato 'ṅgadaṃ parikṣiptaṃ tribhirnairṛtapuṅgavaiḥ|hanumānapi vijñāya nīlaścāpi pratasthatuḥ || 6.70.20 ||
tataścikṣepa śelāgraṃ nīlastriśirase tadā|tadrāvaṇasuto dhīmān bibheda niśitaiḥ śaraiḥ || 6.70.21 ||
tadbāṇaśatanirbhinnaṃ vidāritaśilātalam|savisphuliṅgaṃ sajvālaṃ nipapāta giraḥ śiraḥ || 6.70.22 ||
tato jṛmbhitamālokya harṣāddevāntakastadā|parigheṇābhidudrāva mārutātmajamāhave || 6.70.23 ||
tamāpatantamutplutya hanumān mārutātmajaḥ|ājaghāna tadā mūrdhni vajrakalpena muṣṭinā || 6.70.24 ||
śirasi praharan vīrastadā vāyusuto balī|nādenākampayaccaiva rākṣasān sa mahākapiḥ || 6.70.25 ||
sa muṣṭiniṣpiṣṭavikīrṇamūrdhā nirvāntadantākṣivilambijihvaḥ|devāntako rākṣasarājasūnurgatāsururvyāṃ sahasā papāta || 6.70.26 ||
tasmin hate rākṣasayodhamukhye mahābale saṃyati devaśatrau|kruddhastrimūrdhā niśitāgramugraṃ vavarṣa nīlorasi bāṇavarṣam || 6.70.27 ||
mahodarastu saṅkruddhaḥ kuñjaraṃ parvatopamam|bhūyaḥ samadhiruhyāśu mandaraṃ raśmimāniva || 6.70.28 ||
tato bāṇamayaṃ varṣaṃ nīlasyorasyapātayat|girau varṣaṃ taḍiccakracāpavāniva toyadaḥ || 6.70.29 ||
tataḥ śaraughairabhivarṣyamāṇo vibhinnagātraḥ kapisainyapālaḥ|nīlo babhūvātha nisṛṣṭagātro viṣṭambhitastena mahābalena || 6.70.30 ||
tatastu nīlaḥ pratilabhya sañjñāṃ śailaṃ samutpāṭya savṛkṣaṣaṇḍam|tataḥ samutpatya bhṛśogravego mahodaraṃ tena jaghāna mūrdhni || 6.70.31 ||
tataḥ sa śailendranipātabhagno mahodarastena mahādvipena|vipothito bhūmitale gatāsuḥ papāta vajrābhihato yathā 'driḥ || 6.70.32 ||
pitṛvyaṃ nihataṃ dṛṣṭvā triśirāścāpamādade|hanumantaṃ ca saṅkruddho vivyādha niśitaiḥ śaraiḥ || 6.70.33 ||
sa vāyusūnuḥ kupitaścikṣepa śikharaṃ gireḥ|triśirāstaccharaistīkṣṇairbibheda bahudhā balī || 6.70.34 ||
tadvyarthaṃ śikharaṃ dṛṣṭvā drumavarṣaṃ mahākapiḥ|visasarja raṇe tasmin rāvaṇasya sutaṃ prati || 6.70.35 ||
tamāpantamākāśe drumavarṣaṃ pratāpavān|triśirā nisitairbāṇaiściccheda ca nanāda ca || 6.70.36 ||
tato hanūmānutplutya hayāṃtriśirasastadā|vidadāra nakhaiḥ kruddho gajendraṃ mṛgarāḍiva || 6.70.37 ||
atha śaktiṃ samādāya kālarātrimivāntakaḥ|cikṣepānilaputrāya triśirā rāvaṇātmajaḥ || 6.70.38 ||
divaḥ kṣiptāmivolkāṃ tāṃ śaktiṃ kṣiptāmasaṅgatām|gṛhītvā hariśārdūlo babhañja ca nanāda ca || 6.70.39 ||
tāṃ dṛṣṭvā ghorasaṅkāśāṃ śaktiṃ bhagnāṃ hanūmatā|prahṛṣṭā vānaragaṇā vinedurjaladā iva || 6.70.40 ||
tataḥ khaḍgaṃ samudyamya triśirā rākṣasottamaḥ|nijaghāna tadā vyūḍhe vāyuputrasya vakṣasi || 6.70.41 ||
khaḍgaprahārābhihato hanūmān mārutātmajaḥ|ājaghāna triśirasaṃ talenorasi vīryavān || 6.70.42 ||
sa talābhihatastena srastahastāyudho bhuvi|nipapāta mahātejāstriśirāstyaktacetanaḥ || 6.70.43 ||
sa tasya patataḥ khaḍgaṃ samācchidya mahākapiḥ|nanāda girisaṅkāśastrāsayan sarvanairṛtān || 6.70.44 ||
amṛṣyamāṇastaṃ ghoṣamutpapāta niśācaraḥ|utpatya ca hamūmantaṃ tāḍayāmāsa muṣṭinā || 6.70.45 ||
tena muṣṭiprahāreṇa sañcukopa mahākapiḥ|kupitaśca nijagrāha kirīṭe rākṣasarṣabham || 6.70.46 ||
sa tasya śīrṣāṇyasinā śitena kirīṭajuṣṭāni sakuṇḍalāni|kruddhaḥ praciccheda suto 'nilasya tvaṣṭuḥ sutasyeva śirāṃsi śakraḥ || 6.70.47 ||
tānyāyatākṣāṇyagasannibhāni pradīptavaiśvānaralocanāni|petuḥ śirāṃsīndraripordharaṇyāṃ jyotīṃṣi muktāni yathā 'rkamārgāt || 6.70.48 ||
tasmin hate devaripau triśīrṣe hanūmatā śakraparākrameṇa|neduḥ plavaṅgāḥ pracacāla bhūmī rakṣāṃsyatho dudruvire samantāt || 6.70.49 ||
hataṃ triśirasaṃ dṛṣṭvā tathaiva ca mahodaram|hatau prekṣya durādharṣau devāntakanarāntakau || 6.70.50 ||
cukopa paramāmarṣī matto rākṣasapuṅgavaḥ|jagrāhārciṣmatīṃ ghorāṃ gadāṃ sarvāyasīṃ śubhām || 6.70.51 ||
hemapaṭṭaparikṣiptāṃ māṃsaśoṇitaphenilām|virājamānāṃ vapuṣā śatruśoṇitarañjitām || 6.70.52 ||
tejasā sampradīptāgrāṃ raktamālyāvibhūṣitām|airāvatamahāpadmasārvabhaumabhayāvahām || 6.70.53 ||
gadāmādāya saṅkruddho matto rākṣasapuṅgavaḥ|harīn samabhidudrāva yugāntāgniriva jvalan || 6.70.54 ||
atharṣabhaḥ samutpatya vānaro rāvaṇānujam|mattānīkamupāgamya tasthau tasyāgrato balī || 6.70.55 ||
taṃ purastāt sthitaṃ dṛṣṭvā vānaraṃ parvatopamam|ājaghānorasi kruddho gadayā vajrakalpayā || 6.70.56 ||
sa tayā 'bhihatastena gadayā vānararṣabhaḥ|bhinnavakṣāḥ samādhūtaḥ sustrāva rudhiraṃ bahu || 6.70.57 ||
sa samprāpya cirāt sañjñāmṛṣabho vānararṣabhaḥ|abidudrāva vegena gadāṃ tasya mahātmanaḥ || 6.70.58 ||
gṛhītvā tāṃ gadāṃ bhīmāmāvidhya ca punaḥpunaḥ|mattānīkaṃ mahātmānaṃ jaghāna raṇamūrdhani || 6.70.59 ||
sa svayā gadayā bhagno viśīrṇadaśanekṣaṇaḥ|nipapāta tato matto vajrāhata ivācalaḥ || 6.70.60 ||
viśīrṇanayane bhūmau gatasattve gatāyuṣi|patite rākṣase tasmin vidrutaṃ rākṣasaṃ balam || 6.70.61 ||
tasmin hate bhrātari rāvaṇasya tannairṛtānāṃ balamarṇavābham|tyaktāyudhaṃ kevalajīvitārthaṃ dudrāva bhinnārṇavasannikāśam || 6.70.62 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe saptatitamaḥ sargaḥ || 70 ||
svabalaṃ vyathitaṃ dṛṣṭvā tumulaṃ romaharṣaṇam|bhrāta'ṃśca nihatān dṛṣṭvā śakratulyaparākramān || 6.71.1 ||
pitṛvyau cāpi sandṛśya samare sanniṣūditau|yuddhonmattaṃ ca mattaṃ ca bhrātarau rākṣasarṣabhau || 6.71.2 ||
cukopa ca mahātejā brahmadattavaro yudhi|atikāyo 'drisaṅkāśo devadānavadarpahā || 6.71.3 ||
sa bhāskarasahasrasya saṅghātamiva bhāsvaram|rathamāsthāya śakrārirabhidudrāva vānarān || 6.71.4 ||
sa visphārya mahaccāpaṃ kirīṭī mṛṣṭakuṇḍalaḥ|nāma viśrāvayāmāsa nanāda ca mahāsvanam || 6.71.5 ||
tena siṃhapraṇādena nāmaviśrāvaṇena ca|jyāśabdena ca bhīmena trāsayāmāsa vānarān || 6.71.6 ||
te dṛṣṭvā dehamāhātmyaṃ kumbhakarṇo 'yamutthitaḥ|bhayārtā vānarāḥ sarve saṃśrayante parasparam || 6.71.7 ||
te tasya rūpamālokya yathā viṣṇostrivikrame|bhayādvānarayūthāste vidravanti tatastataḥ || 6.71.8 ||
te 'tikāyaṃ samāsādya vānarā mūḍhacetasaḥ|śaraṇyaṃ śaraṇaṃ jagmurlakṣmaṇāgrajamāhave || 6.71.9 ||
tato 'tikāyaṃ kākutstho rathasthaṃ parvatopamam|dadarśa dhanvinaṃ dūrādgarjantaṃ kālameghavat || 6.71.10 ||
sa taṃ dṛṣṭvā mahātmānaṃ rāghavastu visiṣmiye|vānarān sāntvayitvā 'tha vibhīṣaṇamuvāca ha || 6.71.11 ||
ko 'sau parvatasaṅkāśo dhanuṣmān harilocanaḥ|yukte hayasahasreṇa viśāle syandane sthitaḥ || 6.71.12 ||
ya eṣa niśitaiḥ śūlaiḥ sutīkṣṇaiḥ prāsatomaraiḥ|arciṣmadbhirvṛto bhāti bhūtairiva maheśvaraḥ || 6.71.13 ||
kālajihvāprakāśābhirya eṣo 'tivirājate|āvṛto rathaśaktībhirvidyudbhiriva toyadaḥ || 6.71.14 ||
dhanūṃṣi cāsya sajyāni hemapṛṣṭhāni sarvaśaḥ|śobhayanti rathaśreṣṭhaṃ śakracāpa ivāmbaram || 6.71.15 ||
ka eṣa rakṣaśśārdūlo raṇabhūmiṃ virājayan|abhyeti rathināṃ śreṣṭho rathenādityatejasā || 6.71.16 ||
dhvajaśṛṅgapratiṣṭhena rāhuṇā 'bhivirājate|sūryaraśminibhairbāṇairdiśo daśa virājayan || 6.71.17 ||
triṇataṃ meghanirhrādaṃ hemapṛṣṭhamalaṅkṛtam|śatakratudhanuḥprakhyaṃ dhanuścāsya virājate || 6.71.18 ||
sadhvajaḥ sapatākaśca sānukarṣo mahārathaḥ|catussādisamāyukto meghastanitanisvanaḥ || 6.71.19 ||
viṃśatirdaśa cāṣṭau ca tūṇyo 'sya rathamāsthitāḥ|kārmukāni ca bhīmāni jyāśca kāñcanapiṅgalāḥ || 6.71.20 ||
dvau ca khaḍgau rathagatau pārśvasthau pārśvaśobhitau|caturhastatsaruyutau vyaktahastadaśāyatau || 6.71.21 ||
raktakaṇṭhaguṇo dhīro mahāparvatasannibhaḥ|kālaḥ kālamahāvaktro meghastha iva bhāskaraḥ || 6.71.22 ||
kāñcanāṅgadanaddhābhyāṃ bhujābhyāmeṣa śobhate|śṛṅgābhyāmiva tuṅgābhyāṃ himavān parvatottamaḥ || 6.71.23 ||
kuṇḍalābhyāṃ tu yasyaitadbhāti vaktraṃ śubhekṣaṇam|punarvasvantaragataṃ pūrṇaṃ bimbamivaindavam || 6.71.24 ||
ācakṣva me mahābāho tvamenaṃ rākṣasottamam|yaṃ dṛṣṭvā vānarāḥ sarve bhayārtā vidrutā diśaḥ || 6.71.25 ||
sa pṛṣṭo rājaputreṇa rāmeṇāmitatejasā|ācacakṣe mahātejā rāghavāya vibhīṣaṇaḥ || 6.71.26 ||
daśagrīvo mahātejā rājā vaiśravaṇānujaḥ|bhīmakarmā mahotsāho rāvaṇo rākṣasādhipaḥ || 6.71.27 ||
tasyāsīdvīryavān putro rāvaṇapratimo raṇe|vṛddhasevī śrutidharaḥ sarvāstraviduṣāṃ varaḥ || 6.71.28 ||
aśvapṛṣṭhe rathe nāge khaḍge dhanuṣi karṣaṇe|bhede sāntve ca dāne ca naye mantre ca sammataḥ || 6.71.29 ||
yasya bāhū samāśritya laṅkā vasati nirbhayā|tanayaṃ dhānyamālinyā atikāyamimaṃ viduḥ || 6.71.30 ||
etenārādhito brahmā tapasā bhāvitātmanā|astrāṇi cāpyavāptāni ripavaśca parājitāḥ || 6.71.31 ||
surāsurairavadhyatvaṃ dattamasmai svayambhuvā|etacca kavacaṃ divyaṃ rathaścaiṣo 'rkabhāsvaraḥ || 6.71.32 ||
etena śataśo devā dānavāśca parājitāḥ|rakṣitāni ca rakṣāṃsi yakṣāścāpi niṣūditāḥ || 6.71.33 ||
vajraṃ viṣṭambhitaṃ yena bāṇairindrasya dhīmataḥ|pāśaḥ salilarājasya raṇe pratihatastathā || 6.71.34 ||
eṣo 'tikāyo balavān rākṣasānāmatharṣabhaḥ|rāvaṇasya suto dhīmān devadānavadarpahā || 6.71.35 ||
tadasmin kriyatāṃ yatnaḥ kṣipraṃ puruṣapuṅgava|purā vānarasainyāni kṣayaṃ nayati sāyakaiḥ || 6.71.36 ||
tato 'tikāyo balavān praviśya harivāhinīm|visphārayāmāsa dhanurnanāda ca punaḥpunaḥ || 6.71.37 ||
taṃ bhīmavapuṣaṃ dṛṣṭvā rathasthaṃ rathināṃ varam|abhipeturmahātmāno ye pradhānā vanaukasaḥ || 6.71.38 ||
kumudo dvivido maindo nīlaḥ śarabha eva ca|pādapairgiriśṛṅgaiśca yugapat samabhidravan || 6.71.39 ||
teṣāṃ vṛkṣāṃśca śailāṃśca śaraiḥ kāñcanabhūṣaṇaiḥ|atikāyo mahātejāścicchedāstravidāṃ varaḥ || 6.71.40 ||
tāṃścaiva sarvān sa harīn śaraiḥ sarvāyasairbalī|vivyādhābhimukhaḥ saṅkhye bhīmakāyo niśācaraḥ || 6.71.41 ||
te 'rditā bāṇavarṣeṇa bhagnagātrāḥ plavaṅgamāḥ|na śekuratikāyasya pratikartuṃ mahāraṇe || 6.71.42 ||
tatsainyaṃ harivīrāṇāṃ trāsayāmāsa rākṣasaḥ|mṛgayūthamiva kruddho hariryauvanadarpitaḥ || 6.71.43 ||
sa rākṣasendro harisainyamadhye nāyudhyamānaṃ nijaghāna kañcit|upetya rāmaṃ sadhanuḥ kalāpī sagarvitaṃ vākyamidaṃ babhāṣe || 6.71.44 ||
rathe sthito 'haṃ śaracāpapāṇirna prākṛtaṃ kañcana yodhayāmi|yaścāsti kaścidvyavasāyayukto dadātu me kṣipramihādya yuddham || 6.71.45 ||
tattasya vākyaṃ bruvato niśamya cukopa saumitriramitrahantā|amṛṣyamāṇaśca samutpapāta jagrāha cāpaṃ ca tataḥ smayitvā || 6.71.46 ||
kruddhaḥ saumitrirutpatya tūṇādākṣipya sāyakam|purastādatikāyasya vicakarṣa mahaddhanuḥ || 6.71.47 ||
pūrayan sa mahīṃ śailānākāśaṃ sāgaraṃ diśaḥ|jyāśabdo lakṣmaṇasyograstrāsayan rajanīcarān || 6.71.48 ||
saumitreścāpanirghoṣaṃ śrutvā pratibhayaṃ tadā|visiṣmiye mahātejā rākṣasendrātmajo balī || 6.71.49 ||
athātikāyaḥ kupito dṛṣṭvā lakṣmaṇamutthitam|ādāya niśitaṃ bāṇamidaṃ vacanamabravīt || 6.71.50 ||
bālastvamasi saumitre vikrameṣvavicakṣaṇaḥ|gaccha kiṃ kālasadṛśaṃ māṃ yodhayitumicchasi || 6.71.51 ||
nahi madbāhusṛṣṭānāmastrāṇāṃ himavānapi|soḍhumutsahate vegamantarikṣamatho mahī || 6.71.52 ||
sukhaprasuptaṃ kālāgniṃ nibodhayitumicchasi|nyasyacāpaṃ nivartasva mā prāṇān jahi madgataḥ || 6.71.53 ||
athavā tvaṃ pratiṣṭabdho na nivartitumicchasi|tiṣṭha prāṇān parityajya gamiṣyasi yamakṣayam || 6.71.54 ||
paśya me niśitān bāṇānaridarpaniṣūdanān|īśvarāyudhasaṅkāśāṃstaptakāñcanabhūṣaṇān || 6.71.55 ||
eṣa te sarpasaṅkāśo bāṇaḥ pāsyati śoṇitam|mṛgarāja iva kruddho nāgarājasya śoṇitam|ityevamuktvā saṅkruddhaḥ śaraṃ dhanuṣi sandadhe || 6.71.56 ||
śrutvā 'tikāyasya vacaḥ saroṣaṃ sagarvitaṃ saṃyati rājaputraḥ|sa sañcukopātibalo bṛhacchrīruvāca vākyaṃ ca tato mahārtham || 6.71.57 ||
na vākyamātreṇa bhavān pradhāno na katthanāt satpuruṣā bhavanti|mayi sthite dhanvini bāṇapāṇau nidarśaya svātmabalaṃ durātman || 6.71.58 ||
karmaṇā sūcayātmānaṃ na vikatthitumarhasi|pauruṣeṇa tu yo yuktaḥ sa tu śūra iti smṛtaḥ || 6.71.59 ||
sarvāyudhasamāyukto dhanvī tvaṃ rathamāsthitaḥ|śarairvā yadi vāpyastrairdarśayasva parākramam || 6.71.60 ||
tataḥ śiraste niśitaiḥ pātayiṣyāmyahaṃ śaraiḥ|mārutaḥ kālasampakvaṃ vṛntāttālaphalaṃ yathā || 6.71.61 ||
adya te māmakā bāṇāstaptakāñcanabhūṣaṇāḥ|pāsyanti rudhiraṃ gātrādbāṇaśalyāntarotthitam || 6.71.62 ||
atikāyaṃ hataṃ śrutvā lakṣmaṇena mahaujasā|udvegamagamadrājā vacanaṃ cedamabravīt || 6.72.1 ||
dhūbhrākṣaḥ paramāmarṣī dhanvī śastrabhṛtāṃ varaḥ|akampanaḥ prahastaśca kumbhakarṇastathaiva ca || 6.72.2 ||
ete mahābalā vīrā rākṣasā yuddhakāṅkṣiṇaḥ|jetāraḥ parasainyānāṃ parairnityāparājitāḥ || 6.72.3 ||
nihatāste mahāvīryā rāmeṇākliṣṭakarmaṇā|rākṣasāḥ sumahākāyā nānāśastraviśāradāḥ|anye ca bahavaḥ śūrā mahātmāno nipātitāḥ || 6.72.4 ||
prakhyātabalavīryeṇa putreṇendrajitā mama|yau hi tau bhrātarau vīrau baddhau dattavaraiḥ śaraiḥ || 6.72.5 ||
yanna śakyaṃ suraiḥ sarvairasurairvā mahābalaiḥ|moktuṃ tadbandhanaṃ ghoraṃ yakṣagandharvakinnaraiḥ || 6.72.6 ||
tanna jāne prabhāvairvā māyayā mohanena vā|śarabandhādvimuktau tau bhrātarau rāmalakṣmaṇau || 6.72.7 ||
ye yodhā nirgatāḥ śūrā rākṣasā mama śāsanāt|te sarve nihatā yuddhe vānaraiḥ sumahābalaiḥ || 6.72.8 ||
taṃ na paśyāmyahaṃ yuddhe yo 'dya rāmaṃ salakṣmaṇam|śāsayet sabalaṃ vīraṃ sasugrīvavibhīṣaṇam || 6.72.9 ||
aho nu balavān rāmo mahadastrabalaṃ ca vai|yasya vikramamāsādya rākṣasā nidhanaṃ gatāḥ || 6.72.10 ||
taṃ manye rāghavaṃ vīraṃ nārāyaṇamanāmayam|tadbhayāddhi purī laṅkā pihitadvāratoraṇā || 6.72.11 ||
apramattaiśca sarvatra guptai rakṣyā purī tviyam || 6.72.12 ||
aśokavanikāyāṃ ca yatra sītā 'bhirakṣyate|niṣkrāmo vā praveśo vā jñātavyaḥ sarvathaiva naḥ || 6.72.13 ||
yatra yatra bhaved gulmastatratatra punaḥpunaḥ|sarvataścāpi tiṣṭhadhvaṃ svaiḥsvaiḥ parivṛtā balaiḥ || 6.72.14 ||
draṣṭavyaṃ ca padaṃ teṣāṃ vānarāṇāṃ niśācarāḥ|pradoṣe vā 'rdharātre vā pratyūṣe vāpi sarvataḥ || 6.72.15 ||
nāvajñā tatra kartavyā vānareṣu kadācana|dviṣatāṃ balamudyuktamāpatat kiṃ sthitaṃ sadā || 6.72.16 ||
tataste rākṣasāḥ sarve śrutvā laṅkādhipasya tat|vacanaṃ sarvamātiṣṭhan yathāvattu mahābalāḥ || 6.72.17 ||
sa tān sarvān samādiśya rāvaṇo rākṣasādhipaḥ|manyuśalyaṃ vahan dīnaḥ praviveśa svamālayam || 6.72.18 ||
tataḥ sa sandīpitakopavahnirniśācarāṇāmadhipo mahābalaḥ|tadeva putravyasanaṃ vicintayan muhurmuhuścaiva tadā vyaniśvasat || 6.72.19 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe dvisaptatitamaḥ sargaḥ || 72 ||
tato hatān rākṣasapuṅgavāṃstān devāntakāditriśirotikāyān|rakṣogaṇāstatra hatāvaśiṣṭāste rāvaṇāya tvaritaṃ śaśaṃsuḥ || 6.73.1 ||
tato hatāṃstān sahasā niśamya rājā mumohāśrupariplutākṣaḥ|putrakṣayaṃ bhrātṛvadhaṃ ca ghoraṃ vicintya rājā vipulaṃ pradadhyau || 6.73.2 ||
tatastu rājānamudīkṣya dīnaṃ śokārṇave samparipupluvānam|ratharṣabho rākṣasarājasūnustamindrajidvākyamidaṃ babhāṣe || 6.73.3 ||
na tāta mohaṃ pratigantumarhasi yatrendrajijjīvati rākṣasendra|nendrāribāṇābhihato hi kaścit prāṇān samarthaḥ samare 'bhipātum || 6.73.4 ||
paśyādya rāmaṃ saha lakṣmaṇena madbāṇanirbhinnavikīrṇadeham|gatāyuṣaṃ bhūmitale śayānaṃ śitaiḥ śarairācitasarvagātram || 6.73.5 ||
imāṃ pratijñāṃ śṛṇu śakraśatroḥ suniścitāṃ pauruṣadaivayuktām|adyaiva rāmaṃ saha lakṣmaṇena santarpayiṣyāmi śarairamoghaiḥ || 6.73.6 ||
adyendravaivasvataviṣṇumitrasādhyāśvivaiśvānaracandrasūryāḥ|drakṣyantu me vikramamaprameyaṃ viṣṇorivograṃ baliyajñavāṭe || 6.73.7 ||
sa evamuktvā tridaśendraśatrurāpṛcchya rājānamadīnasattvaḥ|samārurohānilatulyavegaṃ rathaṃ kharaśreṣṭhasamādhiyuktam || 6.73.8 ||
tamāsthāya mahātejā rathaṃ harirathopamam|jagāma sahasā tatra yatra yuddhamarindamaḥ || 6.73.9 ||
taṃ prasthitaṃ mahātmānamanujagmurmahābalāḥ|saṃharṣamāṇā bahavo dhanuḥpravarapāṇayaḥ || 6.73.10 ||
gajaskandhagatāḥ kecit kecit pravaravājibhiḥ|prāsamudgaranistriṃśaparaśvadhagadādharāḥ || 6.73.11 ||
sa śaṅkhaninadaiḥ pūrṇairbherīṇāṃ cāpi nisvanaiḥ|jagāma tridaśendrāriḥ stūyamāno niśācaraiḥ || 6.73.12 ||
sa śaṅkhaśaśivarṇena chatreṇa ripusūdanaḥ|rarāja pratipūrṇena nabhaścāndramasā yathā || 6.73.13 ||
avījyata tato vīro haimairhemavibhūṣitaiḥ|cārucāmaramukhyaiśca mukhyaḥ sarvadhanuṣmatām || 6.73.14 ||
tatastvindrajitā laṅkā sūryapratimatejasā|rarājā prativīreṇa dyaurivārkeṇa bhāsvatā || 6.73.15 ||
sa samprāpya mahātejā yuddhabhūmimarindamaḥ|sthāpayāmāsa rakṣāṃsi rathaṃ prati samantataḥ || 6.73.16 ||
tatastu hutabhoktāraṃ hutabhuksadṛśaprabhaḥ|juhāva rākṣasaśreṣṭho mantravadvidhivattadā || 6.73.17 ||
sa havirlājasaṃskārairmālyagandhapuraskṛtaiḥ|juhuve pāvakaṃ tatra rākṣasendraḥ pratāpavān || 6.73.18 ||
śastrāṇi śarapatrāṇi samidho 'tha vibhītakāḥ|lohitāni ca vāsāṃsi sruvaṃ kārṣṇāyasaṃ tathā || 6.73.19 ||
sa tatrāgniṃ samāstīrya śarapatraiḥ satomaraiḥ|chāgasya kṛṣṇavarṇasya galaṃ jagrāha jīvataḥ || 6.73.20 ||
sakṛdeva samiddhasya vidhūmasya mahārciṣaḥ|babhūvustāni liṅgāni vijayaṃ yānyadarśayan || 6.73.21 ||
pradakṣiṇāvartaśikhastaptakāñcanabhūṣaṇaḥ|havistat pratijagrāha pāvakaḥ svayamāsthitaḥ || 6.73.22 ||
so 'stramāhārayāmāsa brāhmamindraripustadā|dhanuścātmarathaṃ caiva sarvaṃ tatrābhyamantrayat || 6.73.23 ||
tasminnāhūyamāne 'stre hūyamāne ca pāvake|sārdhaṃ grahendunakṣatrairvitatrāsa nabhaḥsthalam || 6.73.24 ||
sa pāvakaṃ pāvakadīptatejā hutvā mahendrapratimaprabhāvaḥ|sacāpabāṇāsirathāśvasūtaḥ khe 'ntardadhetmānamacintyarūpaḥ || 6.73.25 ||
tato hayarathākīrṇaṃ patākādhvajaśobhitam|niryayau rākṣasabalaṃ nardamānaṃ yuyutsayā || 6.73.26 ||
te śarairbahubhiścitraistīkṣṇavegairalaṅkṛtaiḥ|tomarairaṅkuśaiścāpi vānarān jaghnurāhave || 6.73.27 ||
rāvaṇistu tataḥ kruddhastānnirīkṣya niśācarān|hṛṣṭā bhavanto yuddhyantu vānarāṇāṃ jighāṃsayā || 6.73.28 ||
tataste rākṣasāḥ sarve nardanto jayakāṅkṣiṇaḥ|abhyavarṣaṃstato ghorān vānarān śaravṛṣṭibhiḥ || 6.73.29 ||
sa tu nālīkanārācairgadābhirmusalairapi|rakṣobhiḥ saṃvṛtaḥ saṅkhye vānarān vicakarta ha || 6.73.30 ||
te vadhyamānāḥ samare vānarāḥ pādapāyudhāḥ|abhyadravanta sahitā rāvaṇiṃ raṇakarkaśam || 6.73.31 ||
indrajittu tataḥ kruddho mahātejā mahābalaḥ|vānarāṇāṃ śarīrāṇi vyadhamadrāvaṇātmajaḥ || 6.73.32 ||
śareṇaikena ca harīn nava pañca ca sapta ca|ciccheda samare kruddho rākṣasān sampraharṣayan || 6.73.33 ||
sa śaraiḥ sūryasaṅkāśaiḥ śātakumbhavibhūṣitaiḥ|vānarān samare vīraḥ pramamātha sudurjayaḥ || 6.73.34 ||
te bhinnagātrāḥ samare vānarāḥ śapapīḍitāḥ|peturmathitasaṅkalpāḥ surairiva mahāsurāḥ || 6.73.35 ||
taṃ tapantamivādityaṃ ghorairbāṇagabhastibhiḥ|abhyadhāvanta saṅkruddhāḥ saṃyuge vānararṣabhāḥ || 6.73.36 ||
tatastu vānarāḥ sarve bhinnadehā vicetasaḥ|vyathitā vidravanti sma rudhireṇa samukṣitāḥ || 6.73.37 ||
rāmasyārthe parākramya vānarāstyaktajīvitāḥ|nardantaste 'bhivṛttāstu samare saśilāyudhāḥ || 6.73.38 ||
te drumaiḥ parvatāgraiśca śilābhiśca plavaṅgamāḥ|abhyavarṣanta samare rāvaṇiṃ paryavasthitāḥ || 6.73.39 ||
taddrumāṇāṃ śilānāṃ ca varṣaṃ prāṇaharaṃ mahat|vyapohata mahātejā rāvaṇiḥ samitiñjayaḥ || 6.73.40 ||
tataḥ pāvakasaṅkāśaiḥ śarairāśīviṣopamaiḥ|vānarāṇāmanīkāni bibheda samare prabhuḥ || 6.73.41 ||
aṣṭādaśaśaraistīkṣṇaiḥ sa viddhvā gandhamādanam|vivyādha navabhiścaiva nalaṃ dūrādavasthitam || 6.73.42 ||
saptabhistu mahā vīryo maindaṃ marmavidāraṇaiḥ|pañcabhirviśikhaiścaiva gajaṃ vivyādha saṃyuge || 6.73.43 ||
jāmbavantaṃ tu daśabhirnīlaṃ triṃśadbhireva ca|sugrīvamṛṣabhaṃ caiva so 'ṅgadaṃ dvividaṃ tathā|ghorairdattavaraistīkṣṇairniṣprāṇānakarottadā || 6.73.44 ||
anyānapi tadā mukhyān vānarān bahubhiḥ śaraiḥ|ardayāmāsa saṅkruddhaḥ kālāgniriva mūrcchitaḥ || 6.73.45 ||
sa śaraiḥ sūryasaṅkāśaiḥ sumuktaiḥ śīghragāmibhiḥ|vānarāṇāmanīkāni nirmamantha mahāraṇe || 6.73.46 ||
ākulāṃ vānarīṃ senāṃ śarajālena mohitām|hṛṣṭaḥ sa parayā prītyā dadarśa kṣatajokṣitām || 6.73.47 ||
punareva mahātejā rākṣasendrātmajo balī|saṃsṛjya bāṇavarṣaṃ ca śastravarṣaṃ ca dāruṇam|mamarda vānarānīkamindrajittvarito balī || 6.73.48 ||
svasainyamutsṛjya sametya tūrṇaṃ mahāraṇe vānaravāhinīṣu|adṛśyamānaḥ śarajālamugraṃ vavarṣa nīlāmbudharo yathā 'mbu || 6.73.49 ||
te śakrajidbāṇaviśīrṇadehā māyāhatā visvaramunnadantaḥ|raṇe nipeturharayo 'drikalpā yathendravajrābhihatā nagendrāḥ || 6.73.50 ||
te kevalaṃ sandadṛśuḥ śitāgrān bāṇān raṇe vānaravāhinīṣu|māyānigūḍhaṃ tu surendraśatruṃ na cāvṛtaṃ rākṣasamabhyapaśyan || 6.73.51 ||
tataḥ sa rakṣodhipatirmahātmā sarve diśo bāṇagaṇaiḥ śitāgraiḥ|pracchādayāmāsa raviprakāśairviṣādayāmāsa ca vānarendrān || 6.73.52 ||
sa śūlanistriṃśaparaśvadhāni vyāvidhya dīptānalasannibhāni|savisphuliṅgojjvalapāvakāni vavarṣa tīrvraṃ plavagendrasainye || 6.73.53 ||
tato jvalanasaṅkāśaiḥ śarairvānarayūthapāḥ|tāḍitāḥ śakrajidbāṇaiḥ praphullā iva kiṃśukāḥ || 6.73.54 ||
te 'nyonyamabhisarpanto ninadantaśca visvaram|rākṣasendrāstranirbhinnā nipeturvānararṣabhāḥ || 6.73.55 ||
udīkṣamāṇā gaganaṃ kecinnetreṣu tāḍitāḥ|śarairviviśuranyonyaṃ petuśca jagatītale || 6.73.56 ||
hanumantaṃ ca sugrīvamaṅgadaṃ gandhamādanam|jāmbavantaṃ suṣeṇaṃ ca vegadarśinameva ca || 6.73.57 ||
maindaṃ ca dvividaṃ nīlaṃ gavākṣaṃ gajagomukhau|kesariṃ harilomānaṃ vidyudṛṃṣṭraṃ ca vānaram || 6.73.58 ||
sūryānanaṃ jyotimukhaṃ tathā dadhimukhaṃ harim|pāvakākṣaṃ nalaṃ caiva kumudaṃ caiva vānaram || 6.73.59 ||
prāsaiḥ śūlaiḥ śitairbāṇairindrajinmantrasaṃhitaiḥ|vivyādha hariśārdūlān sarvāṃstān rākṣasottamaḥ || 6.73.60 ||
sa vai gadābhirhariyūthamukhyān nirbhidya bāṇaistapanīyapuṅkhaiḥ|vavarṣa rāmaṃ śaravṛṣṭijālaiḥ salakṣmaṇaṃ bhāskararaśmikalpaiḥ || 6.73.61 ||
sa bāṇavarṣairabhivarṣyamāṇo dhārānipātāniva tānacintya|samīkṣamāṇaḥ paramādbhutaśrī rāmastadā lakṣmaṇamityuvāca || 6.73.62 ||
asau punarlakṣmaṇa rākṣasendro brahmāstramāśritya surendraśatruḥ|nipātayitvā harisainyamugramasmān śarairardayati prasaktaḥ || 6.73.63 ||
svayambhuvā dattavaro mahātmā khamāsthito 'ntarhitabhīmakāyaḥ|kathaṃ nu śakyo yudhi naṣṭadeho nihantumadyendrajidudyatāstraḥ || 6.73.64 ||
manye svayambhūrbhagavānacintyo yasyaitadastraṃ prabhavaśca yo 'sya|bāṇāvapātāṃstvamihādya dhīman mayā sahāvyagramanāḥ sahasva || 6.73.65 ||
pracchādayatyeṣa hi rākṣasendraḥ sarvā diśaḥ sāyakavṛṣṭijālaiḥ|etacca sarvaṃ patitāgryaśūraṃ na bhrājate vānararājasainyam || 6.73.66 ||
āvāṃ tu dṛṣṭvā patitau visañjñau nivṛttayuddhau gataroṣaharṣo|dhruvaṃ pravekṣyatyamarārivāsamasau samādāya raṇāgralakṣmīm || 6.73.67 ||
tatastu tāvindrajidastrajālairbabhūvatustatra tathā viśastau|sa cāpi tau tatra vidarśayitvā nanāda harṣādyudhi rākṣasendraḥ || 6.73.68 ||
sa tattadā vānarasainyamevaṃ rāmaṃ ca saṅkhye saha lakṣmaṇena|viṣādayitvā sahasā viveśa purīṃ daśagrīvabhujābhiguptām || 6.73.69 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe trisaptatitamaḥ sargaḥ || 73 ||
tayostadā sāditayo raṇāgre mumoha sainyaṃ haripuṅgavānām|sugrīvanīlāṅgadajāmbavanto na cāpi kiñcit pratipedire te || 6.74.1 ||
tato viṣaṇṇaṃ samavekṣya sainyaṃ vibhīṣaṇo buddhimatāṃ variṣṭhaḥ|uvāca śākhāmṛgarājavīrānāśvāsayannapratimairvacobhiḥ || 6.74.2 ||
mā bhaiṣṭa nāstyatra viṣādakālo yadāryaputrau hyavaśau viṣaṇṇau|svayambhuvo vākyamathodvahantau yat sāditāvindrajidastrajālaiḥ || 6.74.3 ||
tasmai tu dattaṃ paramāstrametat svayambhuvā brāhmamamoghavegam|tanmānayantau yudhi rājaputrau nipātitau ko 'tra viṣādakālaḥ || 6.74.4 ||
brāhmamastraṃ tato dhīmān mānayitvā tu mārutiḥ|vibhīṣaṇavacaḥ śrutvā hanumāṃstamathābravīt || 6.74.5 ||
etasminnihate sainye vānarāṇāṃ tarasvinām|yo yo dhārayate prāṇāṃstantamāśvāsayāvahai || 6.74.6 ||
tāvubhau yugapadvīrau hanumadrākṣasottamau|ulkāhastau tadā rātrau raṇaśīrṣe viceratuḥ || 6.74.7 ||
bhinnalāṅgūlahastorupādāṅguliśirodharaiḥ|sravadbhiḥ kṣatajaṃ gātraiḥ prasravadbhistatastataḥ || 6.74.8 ||
patitaiḥ parvatākārairvānarairabhisaṅkulām|śastraiśca patitairdīptairdadṛśāte vasundharām || 6.74.9 ||
sugrīvamaṅgadaṃ nīlaṃ śarabhaṃ gandhamādanam|gavākṣaṃ ca suṣeṇaṃ ca vegadarśinamāhukam || 6.74.10 ||
maindaṃ nalaṃ jyotimukhaṃ dvividaṃ panasaṃ tathā|etāṃścānyāṃstato vīrau dadṛśāte hatān raṇe || 6.74.11 ||
saptaṣaṣṭirhatāḥ koṭyo vānarāṇāṃ tarasvinām|ahnaḥ pañcamaśeṣeṇaḥ vallabhena svayambhuvaḥ || 6.74.12 ||
sāgaraughanibhaṃ bhīmaṃ dṛṣṭvā bāṇārditaṃ balam|mārgate jāmbavantaṃ sa hanumān savibhīṣaṇaḥ || 6.74.13 ||
svabhāvajarayā yuktaṃ vṛddhaṃ śaraśataiścitam|prajāpatisutaṃ vīraṃ śāmyantamiva pāvakam || 6.74.14 ||
dṛṣṭvā tamupasaṅgamya paulastyo vākyamabravīt|kaccidārya śaraistīkṣṇaiḥ prāṇā na dhvaṃsitāstava || 6.74.15 ||
vibhīṣaṇavacaḥ śrutvā jāmbavānṛkṣapuṅgavaḥ|kṛcchrādabhyudgiran vākyamidaṃ vacanamabravīt || 6.74.16 ||
nairṛtendra mahāvīrya svareṇa tvā 'bhilakṣaye|pīḍyamānaḥ śitairbāṇairna tvāṃ paśyāmi cakṣuṣā || 6.74.17 ||
añjanā suprajā yena mātariśvā ca nair'ta|hanumān vānaraśreṣṭhaḥ prāṇān dhārayate kvacit || 6.74.18 ||
śrutvā jāmbavato vākyamuvācedaṃ vibhīṣaṇaḥ|āryaputrāvatikramya kasmāt pṛcchasi mārutim || 6.74.19 ||
naiva rājani sugrīve nāṅgade nāpi rāghave|ārya sandarśitaḥ sneho yathā vāyusute paraḥ || 6.74.20 ||
vibhīṣaṇavacaḥ śrutvā jāmbavān vākyamabravīt|śṛṇu nairṛtaśārdūla yasmāt pṛcchāmi mārutim || 6.74.21 ||
tasmin jīvati vīre tu hatamapyahataṃ balam|hanumatyujjhitaprāṇe jīvanto 'pi vayaṃ hatāḥ || 6.74.22 ||
dharate mārutistāta mārutapratimo yadi|vaiśvānarasamo vīrye jīvitāśā tato bhavet || 6.74.23 ||
tato vṛddhamupāgamya niyamenābhyavādayat|gṛhya jāmbavataḥ pādau hanumān mārutātmajaḥ || 6.74.24 ||
śrutvā hanumato vākyaṃ tathāpi vyathitendriyaḥ|punarjātamivātmānaṃ manyate smarkṣapuṅgavaḥ || 6.74.25 ||
tato 'bravīnmahātejā hanumantaṃ sa jāmbavān || 6.74.26 ||
āgaccha hariśārdūla vānarāṃstrātumarhasi|nānyo vikramaparyāptastvameṣāṃ paramaḥ sakhā || 6.74.27 ||
tvatparākramakālo 'yaṃ nānyaṃ paśyāmi kañcana|ṛkṣavānaravīrāṇāmanīkāni praharṣaya|viśalyau kuru cāpyetau sāditau rāmalakṣmaṇau || 6.74.28 ||
gatvā paramamadhvānamuparyupari sāgaram|himavantaṃ nagaśreṣṭhaṃ hanuman gantumarhasi || 6.74.29 ||
tataḥ kāñcanamatyuccamṛṣabhaṃ parvatottamam|kailāsaśikharaṃ cāpi drakṣyasyariniṣūdana || 6.74.30 ||
tayoḥ śikharayormadhye pradīptamatulaprabham|sarvauṣadhiyutaṃ vīra drakṣyasyoṣadhiparvatam || 6.74.31 ||
tasya vānaraśārdūla catasro mūrdhnisambhavāḥ|drakṣyasyoṣadhayo dīptā dīpayantyo diśo daśa || 6.74.32 ||
mṛtasañjīvanīṃ caiva viśalyakaraṇīmapi|sāvarṇyakaraṇīṃ caiva sandhānakaraṇīṃ tathā || 6.74.33 ||
tāḥ sarvā hanuman gṛhya kṣipramāgantumarhasi|āśvāsaya harīn prāṇairyojya gandhavahātmaja || 6.74.34 ||
śrutvā jāmbavato vākyaṃ hanumān haripuṅgavaḥ|āpūryata baloddharṣaistoyavegairivārṇavaḥ || 6.74.35 ||
sa parvatataṭāgrasthaḥ pīḍayan parvatottamam|hanumān dṛśyate vīro dvitīya iva parvataḥ || 6.74.36 ||
haripādavinirbhagno niṣasāda sa parvataḥ|na śaśāka tadā ' 'tmānaṃ soḍhuṃ bhṛśanipīḍitaḥ || 6.74.37 ||
tasya peturnagā bhūmau harivegācca jajvaluḥ|śṛṅgāṇi ca vyaśīryanta pīḍitasya hanūmatā || 6.74.38 ||
tasmin sampīḍyamāne tu bhagnadrumāśilātale|na śekurvānarāḥ sthātuṃ ghūrṇamāne nagottame || 6.74.39 ||
sā ghūrṇitamahādvārā prabhagnagṛhagopurā|laṅkā trāsākulā rātrau pravṛttevābhavattadā || 6.74.40 ||
pṛthivīdharasaṅkāśo vipīḍya dharaṇīdharam|pṛthivīṃ kṣobhayāmāsa sārṇavāṃ mārutatmajaḥ || 6.74.41 ||
āruroha tadā tasmāddharirmalayaparvatam|merumandarasaṅkāśaṃ nānāprasravaṇākulam || 6.74.42 ||
nānādrumalatākīrṇaṃ vikāsikamalotpalam|sevitaṃ devagandharvaiḥ ṣaṣṭiyojanamucchritam || 6.74.43 ||
vidyādharairmunigaṇairapsarobhirniṣevitam|nānāmṛgagaṇākīrṇaṃ bahukandaraśobhitam || 6.74.44 ||
sarvānākulayaṃstatra yakṣagandharvakinnarān|hanumān meghasaṅkāśo vavṛdhe mārutātmajaḥ || 6.74.45 ||
padbhyāṃ tu śailamāpīḍya vaḍavāmukhavanmukham|vivṛtyograṃ nanādoccaistrāsayanniva rākṣasān || 6.74.46 ||
tasya nānadyamānasya śrutvā ninadamadbhutam|laṅkāsthā rākṣasāḥ sarve na śekuḥ spandituṃ bhayāt || 6.74.47 ||
namaskṛtvā 'tha rāmāya mārutirbhīmavikramaḥ|rāghavārthe paraṃ karma samīhataparantapaḥ || 6.74.48 ||
sa pucchamudyamya bhujaṅgakalpaṃ vinamya pṛṣṭhaṃ śravaṇe nikuñjya|vivṛtya vaktraṃ vaḍavāmukhābhamāpupluve vyomani caṇḍavegaḥ || 6.74.49 ||
sa vṛkṣaṣaṇḍāṃstarasā jahāra śailān śilāḥ prākṛtavānarāṃśca|bāhūruvegoddhatasampraṇunnāste kṣīṇavegāḥ salile nipetuḥ || 6.74.50 ||
sa
tau prasāryoragabhogakalpau bhūjau bhujaṅgārinikāśavīryaḥ|jagāma meruṃ nagarājamagryaṃ diśaḥ prakarṣanniva vāyusūnuḥ || 6.74.51 ||
sa sāgaraṃ ghūrṇitavīcimālaṃ tadā bhṛśaṃ bhrāmitasarvasattvam|samīkṣamāṇaḥ sahasā jagāma cakraṃ yathā viṣṇukarāgramuktam || 6.74.52 ||
sa parvatān vṛkṣagaṇān sarāṃsi nadīstaṭākāni purottamāni|sphītān janāntānapi sampravīkṣya jagāma vegāt pitṛtulyavegaḥ || 6.74.53 ||
ādityapathamāśritya jagāma sa gataklamaḥ|hanumāṃstvarito vīraḥ pitṛtulyaparākramaḥ || 6.74.54 ||
javena mahatā yukto mārutirmāruto yathā|jagāma hariśārdūlo diśaḥ śabdena pūrayan || 6.74.55 ||
smaran jāmbavato vākyaṃ mārutirvātaraṃhasā|dadarśa sahasā cāpi himavantaṃ mahākapiḥ || 6.74.56 ||
nānāprasravaṇopetaṃ bahukandaranirjharam|śvetābhracayasaṅkāśaiḥ śikharaiścārudarśanaiḥ|śobhitaṃ vividhairvṛkṣairagamat parvatottamam || 6.74.57 ||
sa taṃ samāsādya mahānagendramatipravṛddhottamaghoraśṛṅgam|dadarśa puṇyāni mahāśramāṇi surarṣisaṅghottamasevitāni || 6.74.58 ||
sa brahmakośaṃ rajatālayaṃ ca śakrālayaṃ rudraśarapramokṣam|hayānanaṃ brahmaśiraśca dīptaṃ dadarśa vaivasvatakiṅkarāṃśca || 6.74.59 ||
vajrālayaṃ vaiśravaṇālayaṃ ca sūryaprabhaṃ sūryanibandhanaṃ ca|brahmāsanaṃ śaṅkarakārmukaṃ ca dadarśa nābhiṃ ca vasundharāyāḥ || 6.74.60 ||
kailāsamagryaṃ himavacchilāṃ ca tatharṣabhaṃ kāñcanaśailamagryam|sandīptasarvauṣadhisampradīptaṃ dadarśa sarvauṣadhiparvatendram || 6.74.61 ||
sa taṃ samīkṣyānalaraśmidīptaṃ visiṣmiye vāsavadūtasūnuḥ|āvṛtya taṃ cauṣadhiparvatendraṃ tatrauṣadhīnāṃ vicayañcakāra || 6.74.62 ||
sa yojanasahasrāṇi samatītya mahākapiḥ|divyauṣadhidharaṃ śailaṃ vyacaranmārutātmajaḥ || 6.74.63 ||
mahauṣadhyastataḥ sarvāstasmin parvatasattame|vijñāyārthinamāyāntaṃ tato jagmuradarśanam || 6.74.64 ||
sa tā mahātmā hanumānapaśyan cukopa kopācca bhṛśaṃ nanāda|amṛṣyamāṇo 'gninikāśacakṣurmahīdharendraṃ tamuvāca vākyam || 6.74.65 ||
kimetadevaṃ suviniścitaṃ te yadrāghave nāsi kṛtānukampaḥ|paśyādya madbāhubalābhibhūto vikīrṇamātmānamatho nagendra || 6.74.66 ||
sa tasya śṛṅgaṃ sanagaṃ sanāgaṃ sakāñcanaṃ dhātusahasrajuṣṭam|vikīrṇakūṭajvalitāgrasānuṃ pragṛhya vegāt sahasonmamātha || 6.74.67 ||
sa taṃ samutpāṭya khamutpapāta vitrāsya lokān sasurāsurendrān|saṃstūyamānaḥ khacarairanekairjagāma vaigād garuḍogravegaḥ || 6.74.68 ||
sa bhāskarādhvānamanuprapannastaṃ bhāskarābhaṃ śikharaṃ pragṛhya|babhau tadā bhāskarasannikāśo raveḥ samīpe pratibhāskarābhaḥ || 6.74.69 ||
sa tena śailena bhṛśaṃ rarāja śailopamo gandhavahātmajastu|sahasradhāreṇa sapāvakena cakreṇa khe viṣṇurivārpitena || 6.74.70 ||
taṃ vānarāḥ prekṣya vineduruccaiḥ sa tānapi prekṣya mudā nanāda|teṣāṃ samudghuṣṭaravaṃ niśamya laṅkālayā bhīmataraṃ vineduḥ || 6.74.71 ||
tato mahātmā nipapāta tasmin śailottame vānarasainyamadhye|haryuttamebhyaḥ śirasā 'bhivādya vibhīṣaṇaṃ tatra sa sasvaje ca || 6.74.72 ||
tāvapyubhau mānuṣarājaputrau taṃ gandhamāghrāya mahauṣadhīnām|babhūvatustatra tadā viśalyāvuttasthuranye ca haripravīrāḥ || 6.74.73 ||
sarve viśalyā virujaḥ kṣaṇena haripravīrā nihatāśca ye syuḥ|gandhena tāsāṃ pravarauṣadhīnāṃ suptā niśānteṣviva samprabuddhāḥ || 6.74.74 ||
yadāprabhṛti laṅkāyāṃ yuddhyante kapirākṣasāḥ|tadāprabhṛti mānārthamājñayā rāvaṇasya ca || 6.74.75 ||
ye hanyante raṇe tatra rākṣasāḥ kapikuñjaraiḥ|hatā hatāstu kṣipyante sarva eva tu sāgare || 6.74.76 ||
tato harirgandhavahātmajastu tamoṣadhīśailamudagravīryaḥ|nināya vegāddhimavantameva punaśca rāmeṇa samājagāma || 6.74.77 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe catussaptatitamaḥ sargaḥ || 74 ||
tato 'bravīnmahātejāḥ sugrīvo vānarādhipaḥ|arthyaṃ vijñāpayaṃścāpi hanumantamidaṃ vacaḥ || 6.75.1 ||
yato hataḥ kumbhakarṇaḥ kumārāśca niṣūditāḥ|nedānīmupanirhāraṃ rāvaṇo dātumarhati || 6.75.2 ||
ye ye mahābalāḥ santi laghavaśca plavaṅgamāḥ|laṅkāmabhyutpatantvāśu gṛhyolkāḥ plavagarṣabhāḥ || 6.75.3 ||
tato 'staṃ gata āditye raudre tasminniśāmukhe|laṅkāmabhimukhāḥ solkā jagmuste plavagarṣabhāḥ || 6.75.4 ||
ulkāhastairharigaṇaiḥ sarvataḥ samabhidrutāḥ|ārakṣasthā virūpākṣāḥ sahasā vipradudruvuḥ || 6.75.5 ||
gopurāṭṭapratolīṣu caryāsu vividhāsu ca|prāsādeṣu ca saṃhṛṣṭāḥ sasṛjuste hutāśanam|teṣāṃ gṛhasasrāṇi dadāha hutabhuk tadā || 6.75.6 ||
prāsādāḥ parvatākārāḥ patanti dharaṇītale|agarurdahyate tatra vara ca haricandanam || 6.75.7 ||
mauktikā maṇayaḥ snigdhā vajraṃ cāpi pravālakam|kṣaumaṃ ca dahyate tatra kauśeyaṃ cāpi śobhanam || 6.75.8 ||
āvikaṃ vividhaṃ caurṇaṃ kāñcanaṃ bhāṇḍamāyudham|nānāvikṛtasaṃsthānaṃ vājibhāṇḍaparicchadau || 6.75.9 ||
gajagraiveyakakṣyāśca rathabhāṇḍāśca saṃskṛtāḥ|tanutrāṇi ca yodhānāṃ hastyaśvānāṃ ca varma ca || 6.75.10 ||
khaḍgā dhanūṃṣi jyābāṇāstomarāṅkuśaśaktayaḥ|romajaṃ vālajaṃ carma vyāghrajaṃ cāṇḍajaṃ bahu || 6.75.11 ||
muktāmaṇivicitrāṃśca prāsādāṃśca samantataḥ|vividhānastrasaṃyogānagnirdahati tatra vai || 6.75.12 ||
nānāvidhān gṛhacchandān dadāha hutabhūk tadā|āvāsān rākṣasānāṃ ca sarveṣāṃ gṛhagardhinām || 6.75.13 ||
hemacitratanutrāṇāṃ sragdāmāmbaradhāriṇām|śīdhupānacalākṣāṇāṃ madavihvalagāminām || 6.75.14 ||
kāntālambitavastrāṇāṃ śatrusañjātamanyunām|gadāśūlāsihastānāṃ khādatāṃ pibatāmapi || 6.75.15 ||
śayaneṣu mahārheṣu prasuptānāṃ priyaiḥ saha|trastānāṃ gacchatāṃ tūrṇaṃ putrānādāya sarvataḥ || 6.75.16 ||
teṣāṃ śatasahasrāṇi tadā laṅkānivāsinām|adahat pāvakastatra jajvāla ca punaḥpunaḥ || 6.75.17 ||
sāravanti mahārhāṇi gambhīraguṇavanti ca|hemacandrārdhacandrāṇi candraśālonnatāni ca || 6.75.18 ||
ratnacitragavākṣāṇi sādhiṣṭhānāni sarvaśaḥ|maṇividrumacitrāṇi spṛśantīva divākaram || 6.75.19 ||
krauñcabarhiṇavīṇānāṃ bhūṣaṇānāṃ ca nisvanaiḥ|nāditānyacalā bhāni veśmānyagnirdadāha saḥ || 6.75.20 ||
jvalanena parītāni toraṇāni cakāśire|vidyudbhiriva naddhāni meghajālāni dharmage || 6.75.21 ||
jvalanena parītāni nipeturbhavanānyatha|vajrivajrahatānīva śikharāṇi mahāgireḥ || 6.75.22 ||
vimāneṣu prasuptāśca dahyamānā varāṅganāḥ|tyaktābharaṇasarvāṅgā hā hetyuccairvicukruśuḥ || 6.75.23 ||
tāni nirdahyamānāni dūrataḥ pracakāśire|himavacchikharāṇīva dīptauṣadhivanāni ca || 6.75.24 ||
harmyāgrairdahyamānaiśca jvālāprajvalitairapi|rātrau sā dṛśyate laṅkā puṣpitairiva kiṃśukaiḥ || 6.75.25 ||
hastyadhyakṣairgajairmuktairmuktaiśca turagairapi|babhūva laṅkā lokānte bhrāntagrāha ivārṇavaḥ || 6.75.26 ||
aśvaṃ muktaṃ gajo dṛṣṭvā kvacidbhīto 'pasarpati|bhīto bhītaṃ gajaṃ dṛṣṭvā kvacidaśvo nivartate || 6.75.27 ||
laṅkāyāṃ dahyamānāyāṃ śuśubhe sa mahārṇavaḥ|chāyāsaṃsaktasalilo lohitoda ivārṇavaḥ || 6.75.28 ||
sā babhūva muhūrtena haribhirdīpitā purī|lokasyāsya kṣaye ghore pradīpteva vasundharā || 6.75.29 ||
nārījanasya dhūmena vyāptasyoccairvineduṣaḥ|svano jvalanataptasya śuśruve daśayojanam || 6.75.30 ||
pradagdhakāyānaparān rākṣasānnirgatān bahiḥ|sahasā 'bhyutpatanti sma harayo 'tha yuyutsavaḥ || 6.75.31 ||
udghuṣṭaṃ vānarāṇāṃ ca rākṣasānāṃ ca nisvanaḥ|diśo daśa samudraṃ ca pṛthivīṃ cānvanādayat || 6.75.32 ||
viśalyau tu mahātmānau tāvubhau rāmalakṣmaṇau|asambhrāntau jagṛhatustadobhe dhanuṣī vare || 6.75.33 ||
tato viṣphārayānasya rāmasya dhanuruttamam|babhūva tumulaḥ śabdo rākṣasānāṃ bhayāvahaḥ || 6.75.34 ||
aśobhata tadā rāmo dhanurviṣphārayan mahat|bhagavāniva saṅkruddho bhavo vedamayaṃ dhanuḥ || 6.75.35 ||
udghuṣṭaṃ vānarāṇāṃ ca rākṣasānāṃ ca nisvanam|jyāśabdastāvubhau śabdāvati rāmasya śuśruve || 6.75.36 ||
vānarodghuṣṭaghoṣaśca rākṣasānāṃ ca nisvanaḥ|jyāśabdaścāpi rāmasya trayaṃ vyāpa diśo daśa || 6.75.37 ||
tasya kārmukamuktaiśca śaraistatpuragopuram|kailāsaśṛṅgapratimaṃ vikīrṇamapatadbhuvi || 6.75.38 ||
tato rāmaśarān dṛṣṭvā vimāneṣu gṛheṣu ca|sannāho rākṣasendrāṇāṃ tumulaḥ samapadyata || 6.75.39 ||
teṣāṃ sannahyamānānāṃ siṃhanādaṃ ca kurvatām|śarvarī rākṣasendrāṇāṃ raudrīva samapadyata || 6.75.40 ||
ādiṣṭā vānarendrāstu sugrīveṇa mahātmanā|āsannadvāramāsādya yudhyadhvaṃ plavagarṣabhāḥ || 6.75.41 ||
yaśca vo vitathaṃ kuryāttatra tatra hyupasthitaḥ|sa hantavyo hi samplutya rājaśāsanadūṣakaḥ || 6.75.42 ||
teṣu vānaramukhyeṣu dīptolkojjvalapāṇiṣu|sthiteṣu dvāramāsādya rāvaṇaṃ manyurāviśat || 6.75.43 ||
tasya jṛmbhitavikṣepādvyāmiśrā vai diśo daśa|rūpavāniva rudrasya manyurgātreṣvadṛśyata || 6.75.44 ||
sa nikumbhaṃ ca kumbhaṃ ca kumbhakarṇātmajāvubhau|preṣayāmāsa saṅkruddho rākṣasairbahubhiḥ saha || 6.75.45 ||
yūpākṣaḥ śoṇitākṣaśca prajaṅghaḥ kampanastathā|niryayuḥ kaumbhakarṇibhyāṃ saha rāvaṇaśāsanāt || 6.75.46 ||
śaśāsa caiva tān sarvān rākṣasān sumahābalān|nādayan gacchatātraiva jayadhvaṃ śīghrameva ca || 6.75.47 ||
tatastu coditāstena rākṣasā jvalitāyudhāḥ|laṅkāyā niryayurvīrāḥ praṇadantaḥ punaḥpunaḥ || 6.75.48 ||
rakṣasāṃ bhūṣaṇasthābhirbhābhiḥ svābhiśca sarvaśaḥ|cakruste saprabhaṃ vyoma harayaścāgnibhiḥ saha || 6.75.49 ||
tatra tārādhipasyābhā tārāṇāṃ ca tathaiva ca|tayorābharaṇasthā ca balayordyāmabhāsayan || 6.75.50 ||
candrābhā bhūṣaṇābhā ca gṛhāṇāṃ jvalatāṃ ca bhā|harirākṣasasainyāni bhrājayāmāsa sarvataḥ || 6.75.51 ||
tatra cordhvaṃ pradīptānāṃ gṛhāṇāṃ sāgaraḥ punaḥ|bhābhiḥ saṃsaktapātālaścalormiḥ śuśube 'dhikam || 6.75.52 ||
patākādhvajasaṃsaktamuttamāsiparaśvadham|bhīmāśvarathamātaṅgaṃ nānāpattisamākulam || 6.75.53 ||
dīptaśūlagadākhaḍgaprāsatomarakārmukam|tadrākṣasabalaṃ ghoraṃ bhīmavikramapauruṣam || 6.75.54 ||
dadṛśo jvalitaprāsaṃ kiṅkiṇīśatanāditam|hemajālācitabhujaṃ vyāmiśritaparaśvadham || 6.75.55 ||
vyāghūrṇitamahāśastraṃ bāṇasaṃsaktakārmukam|gandhamālyamadhūtsekasammoditamahānilam || 6.75.56 ||
ghoraṃ śūrajanākīrṇaṃ mahāmbudharanisvanam || 6.75.57 ||
taddṛṣṭvā balamāyāntaṃ rākṣasānāṃ sudāruṇam|sañcacāla plavaṅgānāṃ balamuccairnanāda ca || 6.75.58 ||
javenāplutya ca punastadbalaṃ rakṣasāṃ mahat|abhyayāt pratyaribalaṃ pataṅgā iva pāvakam || 6.75.59 ||
teṣāṃ bhujaparāmarśavyāmṛṣṭaparighāśani|rākṣasānāṃ balaṃ śreṣṭhaṃ bhūyastaramaśobhata || 6.75.60 ||
tatronmattā ivotpeturharayo 'tha yuyutsavaḥ|taruśailairabhighnanto muṣṭibhiśca niśācarān || 6.75.61 ||
tathaivāpatatāṃ teṣāṃ kapīnāmasibhiḥ śitaiḥ|śirāṃsi sahasā jahnū rākṣasā bhīmadarśanāḥ || 6.75.62 ||
daśanairhṛtakarṇāśca muṣṭiniṣkīrṇamastakāḥ|śilāprahārabhagnāṅgā vicerustatra rākṣasāḥ || 6.75.63 ||
tathaivāpyapare teṣāṃ kapīnāmabhilakṣitāḥ|pravīrānabhito jaghnū rākṣasānāṃ tarasvinām || 6.75.64 ||
tathaivāpyapare teṣāṃ kapīnāmasibhiḥ śitaiḥ|harivīrānnijaghnuśca ghorarūpā niśācarāḥ || 6.75.65 ||
ghnantamanyaṃ jaghānānyaḥ pātayantamapātayat|garhamāṇaṃ jagarhe 'nyo daśantamaparo 'daśat || 6.75.66 ||
dehītyanyo dadātyanyo dadāmītyaparaḥ punaḥ|kiṃ kleśayasi tiṣṭheti tatrānyonyaṃ babhāṣire || 6.75.67 ||
vipralambitavastraṃ ca vimuktakavacāyudham|samudyatamahāprāsaṃ yaṣṭiśūlāsisaṅkulam|prāvartata mahāraudraṃ yuddhaṃ vānararakṣasām || 6.75.68 ||
vānarān daśa sapteti rākṣasā jaghnurāhave|rākṣasān daśa sapteti vānarāścābhyapātayan || 6.75.69 ||
visrastakeśavasanaṃ vidhvastakavacadhvajam|balaṃ rākṣasamālambya vānarāḥ paryavārayan || 6.75.70 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe pañcasaptatitamaḥ sargaḥ || 75 ||
pravṛtte saṅkule tasmin ghore vīrajanakṣaye|aṅgadaḥ kampanaṃ vīramāsasāda raṇotsukaḥ || 6.76.1 ||
āhūya so 'ṅgadaṃ kopāt tāḍayāmāsa vegitaḥ|gadayā kampanaḥ pūrvaṃ sa cacāla bhṛśāhataḥ || 6.76.2 ||
sa sañjñāṃ prāpya tejasvī cikṣepa śikharaṃ gireḥ|arditaśca prahāreṇa kampanaḥ patito bhuvi || 6.76.3 ||
tatastu kampanaṃ dṛṣṭvā śoṇitākṣo hataṃ raṇe|rathenābhyapatat kṣipraṃ tatrāṅgadamabhītavat || 6.76.4 ||
so 'ṅgadaṃ niśitairbāṇaistadā vivyādha vegitaḥ|śarīradāraṇaistīkṣṇaiḥ kālāgnisamavigrahaiḥ || 6.76.5 ||
kṣurakṣuraprairnārācairvatsadantaiḥ śilīmukhaiḥ|karṇiśalyavipāṭhaiśca bahubhirniśitaiḥ śaraiḥ || 6.76.6 ||
aṅgadaḥ pratividdhāṅgo vāliputraḥ pratāpavān|dhanuragryaṃ rathaṃ bāṇān mamarda tarasā balī || 6.76.7 ||
śoṇitākṣastataḥ kṣipramasicarma samādade|utpapāta divaṃ kruddho vegavānavicārayan || 6.76.8 ||
taṃ kṣiprataramāplutya parāmṛśyāṅgado balī|kareṇa tasya taṃ khaḍgaṃ samācchidya nanāda ca || 6.76.9 ||
tasyāṃsaphalake khaḍgaṃ nijaghāna tato 'ṅgadaḥ|yajñopavītavaccainaṃ ciccheda kapikuñjaraḥ || 6.76.10 ||
taṃ pragṛhya mahākhaḍgaṃ vinadya ca punaḥpunaḥ|vāliputro 'bhidudrāva raṇaśīrṣe parānarīn || 6.76.11 ||
āyasīṃ tu gadāṃ vīraḥ pragṛhya kanakāṅgadaḥ|śoṇitākṣaḥ samāvidhya tamevānupapāta ha || 6.76.12 ||
prajaṅghasahito vīro yūpākṣastu tato balī|rathenābhiyayau kruddho vāliputraṃ mahābalam || 6.76.13 ||
tayormadhye kapiśreṣṭhaḥ śoṇitākṣaprajaṅghayoḥ|viśākhayormadhyagataḥ pūrṇacandra ivābhavat || 6.76.14 ||
aṅgadaṃ parirakṣāntau maindo dvivida eva ca|tasya tasthāturabhyāśe parasparadidṛkṣayā || 6.76.15 ||
abhipeturmahākāyāḥ pratiyattā mahābalāḥ|rākṣasā vānarān roṣādasicarmagadādharāḥ || 6.76.16 ||
trayāṇāṃ vānarendrāṇāṃ tribhī rākṣasapuṅgavaiḥ|saṃsaktānāṃ mahadyuddhamabhavadromaharṣaṇam || 6.76.17 ||
te tu vṛkṣān samādāya sampracikṣipurāhave|khaḍgena praticiccheda tān prajaṅgho mahābalaḥ || 6.76.18 ||
rathānaśvān drumaiḥ śailaiste pracikṣipurāhave|śaraudhaiḥ praticiccheda tān yūpākṣo niśācaraḥ || 6.76.19 ||
sṛṣṭān dvividamaindābhyāṃ drumānutpāṭya vīryavān|babhañja gadayā madhye śoṇitākṣaḥ pratāpavān || 6.76.20 ||
udyamya vipulaṃ khaḍgaṃ paramarmanikṛntanam|prajaṅgho vāliputrāya abhidudrāva vegitaḥ || 6.76.21 ||
tamabhyāśagataṃ dṛṣṭvā vānarendro mahābalaḥ|ājaghānāśvakarṇena drumeṇātibalastadā || 6.76.22 ||
bāhuṃ cāsya sanistriṃśamājaghāna sa muṣṭinā|vāliputrasya ghātena sa papāta kṣitāvasiḥ || 6.76.23 ||
taṃ dṛṣṭvā patitaṃ bhūmau khaḍgamutpalasannibham|muṣṭiṃ saṃvartayāmāsa vajrakalpaṃ mahābalaḥ || 6.76.24 ||
lalāṭe sa mahāvīryamaṅgadaṃ vānararṣabham|ājaghāna mahātejāḥ sa muhūrtaṃ cacāla ha || 6.76.25 ||
sa sañjñāṃ prāpya tejasvī vāliputraḥ pratāpavān|prajaṅghasya śiraḥ kāyāt khaḍgenāpātayat kṣitau || 6.76.26 ||
sa yūpākṣo 'śrupūrṇākṣaḥ pitṛvye nihate raṇe|avaruhya rathāt kṣipraṃ kṣīṇeṣuḥ khaḍgamādade || 6.76.27 ||
tamāpatantaṃ samprekṣya yūpākṣaṃ dvividastvaran|ājaghānorasi kruddho jāgrāha ca balādbalī || 6.76.28 ||
gṛhītaṃ bhrātaraṃ dṛṣṭvā śoṇitākṣo mahābalaḥ|ājaghāna gadāgreṇa vakṣasi dvividaṃ tataḥ || 6.76.29 ||
sa gadābhihatastena cacāla ca mahābalaḥ|udyatāṃ ca punastasya jahāra dvivido gadām || 6.76.30 ||
etasminnantare vīro maindo vānarayūthapaḥ|yūpākṣaṃ tāḍayāmāsa talenorasi vīryavān || 6.76.31 ||
tau śoṇitākṣayūpākṣau plavaṅgābhyāṃ tarasvinau|cakrutuḥ samare tīvramākarṣotpāṭanaṃ bhṛśam || 6.76.32 ||
dvividaḥ śoṇitākṣaṃ tu vidadāra nakhairmukhe|niṣpipeṣa ca vagena kṣitāvāvidhya vīryavān || 6.76.33 ||
yūpākṣamapi saṅkruddho maindo vānarayūthapaḥ|pīḍayāmāsa bāhubhyāṃ sa papāta hataḥ kṣitau || 6.76.34 ||
hatapravīrā vyathitā rākṣasendracamūstadā|jagāmābhimukhī sā tu kumbhakarṇasuto yataḥ || 6.76.35 ||
āpatantīṃ ca vegena kumbhastāṃ sāntvayaccamūm || 6.76.36 ||
athotkṛṣṭaṃ mahāvīryairlabdhalakṣaiḥ plavaṅgamaiḥ|nipātitamahāvīrāṃ dṛṣṭvā rakṣaścamūṃ tataḥ|kumbhaḥ pracakre tejasvī raṇe karma suduṣkaram || 6.76.37 ||
sa dhanurdhanvināṃ śreṣṭhaḥ pragṛhya susamāhitaḥ|mumocāśīviṣaprakhyān śarān dehavidāraṇān || 6.76.38 ||
tasya tacchuśubhe bhūyaḥ saśaraṃ dhanuruttamam|vidyudairāvatārciṣmāddvitīyendradhanuryathā || 6.76.39 ||
ākarṇākṛṣṭamuktena jaghāna dvividaṃ tadā|tena hāṭakapuṅkhena patriṇā patravāsasā || 6.76.40 ||
sahasā 'bhihatastena vipramuktapadaḥ sphuran|nipapātādrikūṭābho vihvalaḥ plavagottamaḥ || 6.76.41 ||
maindastu bhrātaraṃ dṛṣṭvā bhagnaṃ tatra mahāhave|abhidudrāva vegena pragṛhya mahatīṃ śilām || 6.76.42 ||
tāṃ śilāṃ tu pracikṣepa rākṣasāya mahābalaḥ|bibheda tāṃ śilāṃ kumbhaḥ prasannaiḥ pañcabhiḥ śaraiḥ || 6.76.43 ||
sandhāya cānyaṃ sumukhaṃ śaramāsīviṣopamam|ājaghāna mahātejā vakṣasi dvividāgrajam || 6.76.44 ||
sa tu tena prahāreṇa maindo vānarayūthapaḥ|marmaṇyabhihatastena papāta bhuvi mūrcchitaḥ || 6.76.45 ||
aṅgado mātulau dṛṣṭvā patitau tu mahābalau|abhidudrāva vegena kumbhamadyutakārmukam || 6.76.46 ||
tamāpatantaṃ vivyādha kumbhaḥ pañcabhirāyasaiḥ|tribhiścānyaiḥ śitairbāṇairmātaṅgamiva tomaraiḥ || 6.76.47 ||
so 'ṅgadaṃ vividhairbāṇaiḥ kumbho vivyādha vīryavān|akuṇṭhadhārairniśitaistīkṣṇaiḥ kanakabhūṣaṇaiḥ || 6.76.48 ||
aṅgadaḥ pratividdhāṅgo vāliputro na kampate|śilāpādapavarṣāṇi tasya mūrdhni vavarṣa ha || 6.76.49 ||
sa praciccheda tān sarvān bibheda ca punaḥ śilāḥ|kumbhakarṇātmajaḥ śrīmān vāliputrasamīritān || 6.76.50 ||
āpatantaṃ ca samprekṣya kumbho vānarayūthapam|bhruvorvivyādha bāṇābhyāmulkābhyāmiva kuñjaram|tasya susrāva rudhiraṃ pihite cāsya locane || 6.76.51 ||
aṅgadaḥ pāṇinā netre pidhāya rudhirokṣite|sālamāsannamekena parijagrāha pāṇinā || 6.76.52 |||sampīḍya corasi skandhaṃ kareṇābhiniveśya ca|kiñcidabhyavanamyainamunmamātha yathā gajaḥ || 6.76.53 |||
tamindraketupratimaṃ vṛkṣaṃ mandarasannibham|samutsṛjantaṃ vegena paśyatāṃ sarvarakṣasām || 6.76.54 ||
sa bibheda śitairbāṇaiḥ saptabhiḥ kāyabhedanaiḥ || 6.76.55 ||
aṅgado vivyathe 'bhīkṣṇaṃ sasāda ca mumoha ca || 6.76.56 ||
aṅgadaṃ vyathitaṃ dṛṣṭvā sīdantamiva sāgare|durāsadaṃ hariśreṣṭhaṃ rāmāyanye nyavedayan || 6.76.57 ||
rāmastu vyathitaṃ śrutvā vāliputraṃ raṇājire|vyādideśa hariśreṣṭhān jāmbavatpramukhāṃstataḥ || 6.76.58 ||
te tu vānaraśārdūlāḥ śrutvā rāmasya śāsanam|abhipetuḥ susaṅkruddhāḥ kumbhamudyatakārmukam || 6.76.59 ||
tato drumaśilāhastāḥ kopasaṃraktalocanāḥ|rirakṣiṣanto 'bhyapatannaṅgadaṃ vānararṣabhāḥ || 6.76.60 ||
jāmbavāṃśca suṣeṇaśca vegadarśī ca vānaraḥ|kumbhakarṇātmajaṃ vīraṃ kruddhāḥ samabhidudruvuḥ || 6.76.61 ||
samīkṣyāpatatastāṃstu vānarendrān mahābalān|āvavāra śaraugheṇa nageneva jalāśayam || 6.76.62 ||
tasya bāṇapathaṃ prāpya na śokurativartitum|vānarendrā mahātmāno velāmiva mahodadhiḥ || 6.76.63 ||
tāṃstu dṛṣṭvā harigaṇān śaravṛṣṭibirarditān|aṅgadaṃ pṛṣṭhataḥ kṛtvā bhrātṛjaṃ plavageśvaraḥ || 6.76.64 ||
abidudrāva vegena sugrīvaḥ kumbhamāhave|śailasānucaraṃ nāgaṃ vegavāniva kesarī || 6.76.65 ||
utpāṭya ca mahāśailānaśvakarṇān dhavān bahūn|anyāṃśca vividhān vṛkṣāṃścikṣepa ca mahābalaḥ || 6.76.66 ||
tāṃ chādayantīmākāśaṃ vṛkṣavṛṣṭiṃ durāsadām|kumbhakarṇātmajaḥ śīghraṃ ciccheda niśitaiḥ śaraiḥ || 6.76.67 ||
abhilakṣeṇa tīvreṇa kumbhena niśitaiḥ śaraiḥ|ācitāste drumā rejuryathā ghorāḥ śataghnayaḥ || 6.76.68 ||
drumavarṣaṃ tu tacchinnaṃ dṛṣṭvā kumbhena vīryavān|vānarādhipatiḥ śrīmān mahāsattvo na vivyathe || 6.76.69 ||
nirbhidyamānaḥ sahasā sahamānaśca tān śarān|kumbhasya dhanurākṣipya babhañjendradhanuṣprabham || 6.76.70 ||
avaplutya tataḥ śīghraṃ kṛtvā karma suduṣkaram|abravīt kupitaḥ kumbhaṃ bhagnaśṛṅgamiva dvipam || 6.76.71 ||
nikumbhāgraja vīryaṃ te bāṇavegavadadbhutam|sannatiśca prabhāvaśca tava vā rāvaṇasya vā || 6.76.72 ||
prahlādabalivṛtraghnakubevaruṇopama|ekastvamanujāto 'si pitaraṃ balavṛttataḥ || 6.76.73 ||
tvāmevaikaṃ mahābāhuṃ cāpahasta marindamam|tridaśā nātivartante jitendriyamivādhayaḥ || 6.76.74 ||
vikramasva mahābuddhe karmāṇi mama paśyataḥ || 6.76.75 ||
varadānāt pitṛvyaste sahate devadānavān|kumbhakarṇastu vīryeṇa sahate ca surāsurān || 6.76.76 ||
dhanuṣīndrajitastulyaḥ pratāpe rāvaṇasya ca|tvamadya rakṣasāṃ loke śreṣṭho 'si balavīryataḥ || 6.76.77 ||
mahāvimardaṃ samare mayā saha tavādbhutam|adya bhūtāni paśyantu śakraśambarayoriva || 6.76.78 ||
kṛtamapratimaṃ karma darśitaṃ cāstrakauśalam|pātitā harivīrāśca tvayā vai bhīmavikramāḥ || 6.76.79 ||
upālambhabhayāccāpi nāsi vīra mayā hataḥ|kṛtakarmā pariśrānto viśrāntaḥ paśya me balam || 6.76.80 ||
tena sugrīvavākyena sāvamānena mānitaḥ|agnerājyāhutasyeva tejastasyābhyavardhata|tataḥ kumbhastu sugrīvaṃ bāhubhyāṃ jagṛhe tadā || 6.76.81 ||
gajāvivāhitamadau niśvasantau muhurmuhuḥ|anyonyagātragrathitau karṣantāvitaretaram|sadhūmāṃ mukhato jvālāṃ visṛjantau pariśramāt || 6.76.82 ||
tayoḥ pādābhighātācca nimagnā cābhavanmahī|vyāghūrṇitataraṅgaśca cukṣubhe varuṇālayaḥ || 6.76.83 ||
tataḥ kumbhaṃ samutkṣipya sugrīvo lavaṇāmbhasi|pātayāmāsa vegena darśayannudadhestalam || 6.76.84 ||
tataḥ kumbhanipātena jalarāśiḥ samutthitaḥ|vindhyamandarasaṅkāśo visasarpa samantataḥ || 6.76.85 ||
tataḥ kumbhaḥ samutpatya sugrīvamabhipatya ca|ājaghānorasi kruddho vajravegena muṣṭinā || 6.76.86 ||
tasya carma ca pusphoṭa bahu susrāva śoṇitam|sa ca muṣṭirmahāvegaḥ pratijaghne 'sthimaṇḍale || 6.76.87 ||
tadā vegena tatrāsīttejaḥ prajvalitaṃ muhuḥ|vajraniṣpeṣasañjātā jvālā merau yathā girau || 6.76.88 ||
sa tatrābhihatastena sugrīvo vānararṣabhaḥ|muṣṭiṃ saṃvartayāmāsa vajrakalpaṃ mahābalaḥ || 6.76.89 ||
arcissahasravikacaṃ ravimaṇḍalasaprabham|sa muṣṭiṃ pātayāmāsa kumbhasyorasi vīryavān || 6.76.90 ||
sa tu tena prahāreṇa vihvalo bhṛśatāḍitaḥ|nipapāta tadā kumbho gatārciriva pāvakaḥ || 6.76.91 ||
muṣṭinā 'bhihatastena nipapātāśu rākṣasaḥ|lohitāṅga ivākāśāddīptaraśmiryadṛcchayā || 6.76.92 ||
kumbhasya patato rūpaṃ bhagnasyorasi muṣṭinā|babhau rudrābhipannasya yathā rūpaṃ gavāṃ pateḥ || 6.76.93 ||
tasmin hate bhīmaparākrameṇa plavaṅgamānāmṛṣabheṇa yuddhe|mahī saśailā savanā cacāla bhayaṃ ca rakṣāṃsyadhikaṃ viveśa || 6.76.94 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣaṭsaptatitamaḥ sargaḥ || 76 ||
nikumbho bhrātaraṃ dṛṣṭvā sugrīveṇa nipātitam|pradahanniva kopena vānarendramavaikṣata || 6.77.1 ||
tataḥ sragdāmasannaddhaṃ dattapañcāṅgulaṃ śubham|ādade parighaṃ vīro nagendraśikharopamam || 6.77.2 ||
hemapaṭṭaparikṣiptaṃ vajravidrumabhūṣitam|yamadaṇḍopamaṃ bhīmaṃ rakṣasāṃ bhayanāśanam || 6.77.3 ||
tamāvidhya mahātejāḥ śakradhvajasamaṃ tadā|vinanāda vivṛttāsyo nikumbho bhīma vikramaḥ || 6.77.4 ||
urogatena niṣkeṇa bhujasthairaṅgadairapi|kuṇḍalābhyāṃ ca citrābhyāṃ mālayā ca vicitrayā || 6.77.5 ||
nikumbho bhūṣaṇairbhāti tena sma parigheṇa ca|yathendradhanuṣā meghaḥ savidyut stanayitnumān || 6.77.6 ||
parighāgreṇa pusphoṭa vātagranthirmahātmanaḥ|prajajvāla saghoṣaśca vidhūma iva pāvakaḥ || 6.77.7 ||
nagaryā viṭapāvatyā gandharvabhavanottamaiḥ|saha caivāmarāvatyā sarvaiśca bhavanaiḥ saha || 6.77.8 ||
satāragrahanakṣatraṃ sacandraṃ samahāgraham|nikumbhaparighāghūrṇaṃ bhramatīva nabhassthalam || 6.77.9 ||
durāsadaśca sañjajñe parighābharaṇaprabhaḥ|kapīnāṃ sa nikumbhāgniryugāntāgnirivotthitaḥ || 6.77.10 ||
rākṣasā vānarāścāpi na śekuḥ spandituṃ bhayāt|hanumāṃstu vivṛtyorastasthau pramukhato balī || 6.77.11 ||
parighopamabāhustu parighaṃ bhāskaraprabham|balī balavatastasya pātayāmāsa vakṣasi || 6.77.12 ||
sthire tasyorasi vyūḍhe parighaḥ śatadhā kṛtaḥ|viśīryamāṇaḥ sahasā ulkāśatamivāmbare || 6.77.13 ||
sa tu tena prahāreṇa vicacāla mahākapiḥ|parigheṇa samādhūto yathābhūmicale 'calaḥ || 6.77.14 ||
sa tadā 'bhihatastena hanumān plavagottamaḥ|muṣṭiṃ saṃvartayāmāsa balenātimahābalaḥ || 6.77.15 ||
tamudyamya mahātejā nikumbhorasi vīryavān|abhicikṣepa vegena vegavān vāyuvikramaḥ || 6.77.16 ||
tataḥ pusphoṭa carmāsya prasusrāva ca śoṇitam|muṣṭinā tena sañjajñe jvālā vidyudivotthitā || 6.77.17 ||
sa tu tena prahāreṇa nikumbho vicacāla ha|svasthaścāpi nijagrāha hanumantaṃ mahābalam || 6.77.18 ||
vicukruśustadā saṅkhye bhīmaṃ laṅkānivāsinaḥ|nikumbhenodyataṃ dṛṣṭvā hanumantaṃ mahābalam || 6.77.19 ||
sa tadā hriyamāṇo 'pi kumbhakarṇātmajena ha|ājaghānānilasuto vajrakalpena muṣṭinā || 6.77.20 ||
ātmānaṃ mocayitvā 'tha kṣitāvabhyavapadyata|hanumānunmamāthāśu nikumbhaṃ mārutātmajaḥ || 6.77.21 ||
nikṣipya paramāyatto nikumbhaṃ niṣpipeṣa ha|utpatya cāsya vegena papātorasi vīryavān || 6.77.22 ||
parigṛhya ca bāhubhyāṃ parivṛtya śirodharām|utpāṭayāmāsa śiro bhairavaṃ nadato mahat || 6.77.23 ||
atha vinadati sādite nikumbhe pavanasutena raṇe babhūva yuddham|daśarathasutarākṣasendrasūnvorbhṛśataramāgataroṣayoḥ subhīmam || 6.77.24 ||
vyapete tu jīve nikumbhasya hṛṣṭā vineduḥ plavaṅgā diśaḥ sasvanuśca|cacāleva corvī paphāleva ca dyaurbhayaṃ rākṣasānāṃ balaṃ cāviveśa || 6.77.25 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe saptasaptatitamaḥ sargaḥ || 77 ||
nikumbhaṃ ca hataṃ śrutvā kumbhaṃ ca vinipātitam|rāvaṇaḥ paramāmarṣī prajajvālānalo yathā || 6.78.1 ||
nairṛtaḥ krodhaśokābhyāṃ dvābhyāṃ tu parimūrcchitaḥ|kharaputraṃ viśālākṣaṃ makarākṣamacodayat || 6.78.2 ||
gaccha putra mayā ' 'jñapto balenābhisamanvitaḥ|rāghavaṃ lakṣmaṇaṃ caiva jahi tāṃśca vanaukasaḥ || 6.78.3 ||
rāvaṇasya vacaḥ śrutvā śūramānī kharātmajaḥ|bāḍhamityabravīddhṛṣṭo makārākṣo niśācaraḥ || 6.78.4 ||
so 'bivādya daśagrīvaṃ kṛtvā cāpi pradakṣiṇam|nirjagāma gṛhācchubhrādrāvaṇasyājñayā balī || 6.78.5 ||
samīpasthaṃ balādhyakṣaṃ kharaputro 'bravīdidam|rathaścānīyatāṃ śīghraṃ sainyaṃ cāhūyatāṃ tvarāt || 6.78.6 ||
tasya tadvacanaṃ śrutvā balādhyakṣo niśācaraḥ|syandanaṃ ca balaṃ caiva samīpaṃ pratyapādayat || 6.78.7 ||
pradakṣiṇaṃ rathaṃ kṛtvā āruroha niśācaraḥ|sūtaṃ sañcodayāmāsa śīghraṃ me rathamāvaha || 6.78.8 ||
atha tān rākṣasān sarvān makarākṣo 'bravīdidam|yūyaṃ sarve prayuddhyadhvaṃ purastānmama rākṣasāḥ || 6.78.9 ||
ahaṃ rākṣasarājena rāvaṇena mahātmanā|ājñaptaḥ samare hantuṃ tāvubhau rāmalakṣmaṇau || 6.78.10 ||
adya rāmaṃ vadhiṣyāmi lakṣmaṇaṃ ca niśācarāḥ|śākhāmṛgaṃ ca sugrīvaṃ vānarāṃśca śarottamaiḥ || 6.78.11 ||
adya śūlanipātaiśca vānarāṇāṃ mahācamūm|pradahiṣyāmi samprāptaḥ śuṣkendhanamivānalaḥ || 6.78.12 ||
makarākṣasya tacchrutvā vacanaṃ te niśācarāḥ|sarve nānāyudhopetā balavantaḥ samāgatāḥ || 6.78.13 ||
te kāmarūpiṇaḥ sarve daṃṣṭriṇaḥ piṅgalekṣaṇāḥ|mātaṅgā iva nardanto dhvastakeśā bhayānakāḥ || 6.78.14 ||
parivārya mahākāyā mahākāyaṃ kharātmajam|abhijagmustato hṛṣṭāścālayanto vasundharām || 6.78.15 ||
śaṅkhabherīsahasrāṇāmāhatānāṃ samantataḥ|kṣvelitāsphoṭitānāṃ ca tataḥ śabdo mahānabhūt || 6.78.16 ||
prabhraṣṭo 'tha karāttasya pratodaḥ sārathestadā|papāta sahasā caiva dhvajastasya ca rakṣasaḥ || 6.78.17 ||
tasya te rathayuktāśca hayā vikramavarjitāḥ|caraṇairākulairgatvā dīnāḥ sāsramukhā yayuḥ || 6.78.18 ||
pravāti pavanastasmin sapāṃsuḥ kharadāruṇaḥ|niryāṇe tasya raudrasya makarākṣasya durmateḥ || 6.78.19 ||
tāni dṛṣṭvā nimittāni rākṣasā vīryavattamāḥ|acintya nirgatāḥ sarve yatra tau rāmalakṣmaṇau || 6.78.20 ||
ghanagajamahiṣāṅgatulyavarṇāḥ samaramukheṣvasakṛdgadāsibhinnāḥ|ahamahamiti yuddhakauśalāste rajanicarāḥ paritaḥ samunnadantaḥ || 6.78.21 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭasaptatitamaḥ sargaḥ || 78 ||
nirgataṃ makārākṣaṃ te dṛṣṭvā vānarayūthapāḥ|āplutya sahasā sarve yoddhukāmā vyavasthitāḥ || 6.79.1 ||
tataḥ pravṛttaṃ sumahat tadyuddhaṃ romaharṣaṇam|niśācaraiḥ plavaṅgānāṃ devānāṃ dānavairiva || 6.79.2 ||
vṛkṣaśūlanipātaiśca śilāparighapātanaiḥ|anyonyaṃ mardayanti sma tadā kapiniśācarāḥ || 6.79.3 ||
śaktikhaḍgagadākuntaistomaraiśca niśācarāḥ|paṭṭiśairbhindipālaiśca nirghātaiśca samantataḥ || 6.79.4 ||
pāśamudgaradaṇḍaiśca nikhātaiścāpare tadā|kadanaṃ kapivīrāṇāṃ cakruste rajanīcarāḥ || 6.79.5 ||
bāṇaughairarditāścāpi kharaputreṇa vānarāḥ|sambhrāntamanasaḥ sarve dudruvurbhayapīḍitāḥ || 6.79.6 ||
tān dṛṣṭvā rākṣasāḥ sarve dravamāṇān valīmukhān|neduste siṃhavaddhṛṣṭā rākṣasā jitakāśinaḥ || 6.79.7 ||
vidravatsu tadā teṣu vānareṣu samantataḥ|rāmastān vārayāmāsa śaravarṣeṇa rākṣasān || 6.79.8 ||
vāritān rākṣasān dṛṣṭvā makarākṣo niśācaraḥ|krodhānalasamāviṣṭo vacanaṃ cedamabravīt || 6.79.9 ||
tiṣṭha rāma mayā sārdhaṃ dvandvayuddhaṃ dadāmi te|tyājayiṣyāmi te prāṇān dhanurmuktaiḥ śitaiḥ śaraiḥ || 6.79.10 ||
yattadā daṇḍakāraṇye pitaraṃ hatavān mama|madagrataḥ svakarmasthaṃ dṛṣṭvā roṣo 'bhivardhate || 6.79.11 ||
dahyante bhṛśamaṅgāni durātman mama rāghava|yanmayā 'si na dṛṣṭastvaṃ tasmin kāle mahāvane || 6.79.12 ||
diṣṭyā 'si darśanaṃ rāma mama tvaṃ prāptavāniha|kāṅkṣito 'si kṣudhārtasya siṃhasyevetaro mṛgaḥ || 6.79.13 ||
adya madbāṇavegena pretarāṅviṣayaṃ gataḥ|ye tvayā nihatā vīrāḥ saha taiśca sameṣyasi || 6.79.14 ||
bahunā 'tra kimuktena śṛṇu rāma vaco mama|paśyantu sakalā lokāstvāṃ māṃ caiva raṇājire || 6.79.15 ||
astrairvā gadayā vāpi bāhubhyāṃ vā mahāhave|abhyastaṃ yena vā rāma tenaiva yudhi vartatām || 6.79.16 ||
makarākṣavacaḥ kṣutvā rāmo daśarathātmajaḥ|abravīt prahasan vākyamuttarottaravādinam || 6.79.17 ||
katthase kiṃ vṛthā rakṣo bahūnyasadṛśāni tu|na raṇe śakyate jetuṃ vinā yuddhena vāgbalāt || 6.79.18 ||
caturdaśasahasrāṇi rakṣasāṃ tvatpitā ca yaḥ|triśirā dūṣaṇaścaiva daṇḍake nihatā mayā || 6.79.19 ||
svāśitāstava māṃsena gṛdhragomāyuvāyasāḥ|bhaviṣyantyadya vai pāpa tīkṣṇatuṇḍanakhāṅkurāḥ || 6.79.20 ||
rāghaveṇaivamuktastu kharaputro niśācaraḥ|bāṇaughānamucattasmai rāghavāya raṇājire || 6.79.21 ||
tān śarān śaravarṣeṇa rāmaściccheda naikadhā|nipeturbhuvi te cchinnā rukmapuṅkhāḥ sahasraśaḥ || 6.79.22 ||
tadyuddhamabhavattatra sametyānyonyamojasā|rakṣasaḥ kharaputrasya sūnordaśarathasya ca || 6.79.23 ||
jīmūtayorivākāśe śabdo jyātalayostadā|dhanurmuktaḥ svanotkṛṣṭaḥ śrūyate ca raṇājire || 6.79.24 ||
devadānavagandharvāḥ kinnarāśca mahoragāḥ|antarikṣagatāḥ sarve draṣṭukāmāstadadbhutam || 6.79.25 ||
viddhamanyonyagātreṣu dviguṇaṃ vardhate param|kṛtapratikṛtānyonyaṃ kurutāṃ tau raṇājire || 6.79.26 ||
rāmamuktāṃstu bāṇaughān rākṣasastvacchinadraṇe|rakṣomuktāṃstu rāmo vai naikadhā prācchinaccharaiḥ || 6.79.27 ||
bāṇaughairvitatāḥ sarvā diśaśca pradiśastathā|sañchannā vasudhā caiva samantānna prakāśate || 6.79.28 ||
tataḥ kruddho mahābāhurdhanuściccheda rakṣasaḥ|aṣṭābhiratha nārācaiḥ sūtaṃ vivyādha rāghavaḥ || 6.79.29 ||
bhittvā śarai rathaṃ rāmo rathāśvān samapātayat|viratho vasudhāṃ tiṣṭhan makarākṣo niśācaraḥ || 6.79.30 ||
tattiṣṭhadvasudhāṃ rakṣaḥ śūlaṃ jagrāha pāṇinā|trāsanaṃ sarvabhūtānāṃ yugāntāgnisamaprabham || 6.79.31 ||
vibhrāmya tu mahacchūlaṃ prajvalattanniśācaraḥ|sa krodhāt prāhiṇottasmai rāghavāya mahāhave || 6.79.32 ||
tamāpatantaṃ jvalitaṃ kharaputrakarāccyutam|bāṇaistu tribhirākāśe śūlaṃ ciccheda rāghavaḥ || 6.79.33 ||
sa cchinno naikādhā śūlo divyahāṭakamaṇḍitaḥ|vyaśīryata maholkeva rāmabāṇārdito bhuvi || 6.79.34 ||
tacchūlaṃ nihataṃ dṛṣṭvā rāmeṇākliṣṭakarmaṇā|sādhu sādhviti bhūtāni vyāharanti nabhogatā || 6.79.35 ||
taṃ dṛṣṭvā nihataṃ śūlaṃ makārākṣo niśācaraḥ|muṣṭimudyamya kākutsthaṃ tiṣṭha tiṣṭheti cābravīt || 6.79.36 ||
sa taṃ dṛṣṭvā patantaṃ vai prahasya raghunandanaḥ|pāvakāstraṃ tato rāmaḥ sandadhe tu śarāsane || 6.79.37 ||
tenāstreṇa hataṃ rakṣaḥ kākutsthena tadā raṇe|sañchinnahṛdayaṃ tatra papāta ca mamāra ca || 6.79.38 ||
dṛṣṭvā te rākṣasāḥ sarve makarākṣasya pātanam|laṅkāmevābhyadhāvanta rāmabāṇārditāstadā || 6.79.39 ||
daśarathanṛpaputrabāṇavegai rajanicaraṃ nihataṃ kharātmajaṃ tam|dadṛśuratha surā bhṛśaṃ prahṛṣṭā girimiva vajrahataṃ yathā vikīrṇam || 6.79.40 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekonāśītitamaḥ sargaḥ || 79 ||
makarākṣaṃ hataṃ śrutvā rāvaṇaḥ samitiñjayaḥ|krodhena mahatā ' 'viṣṭo dantān kaṭakaṭāpayan || 6.80.1 ||
kupitaśca tadā tatra kiṃ kāryamiti cintayan|ādideśātha saṅkruddho raṇāyendrajitaṃ sutam || 6.80.2 ||
jahi vīra mahāvīryau bhrātarau rāmalakṣmaṇau|adṛśyo dṛśyamāno vā sarvathā tvaṃ balādhikaḥ || 6.80.3 ||
tvamapratimakarmāṇamindraṃ jayasi saṃyuge|kiṃ punarmānuṣau dṛṣṭvā na vadhiṣyasi saṃyuge || 6.80.4 ||
tathokto rākṣasendreṇa pratigṛhya piturvacaḥ|yajñabhūmau sa vidhivat pāvakaṃ juhavendrajit || 6.80.5 ||
juhvataścāpi tatrāgniṃ raktoṣṇīṣadharāḥ striyaḥ|ājagmustatra sambhrāntā rākṣasyo yatra rāvaṇiḥ || 6.80.6 ||
śastrāṇi śarapatrāṇi samidho 'tha vibhītakāḥ|lohitāni ca vāsāṃsi sruvaṃ kārṣṇāyasaṃ tathā || 6.80.7 ||
sarvato 'gniṃ samāstīrya śarapatraiḥ satomaraiḥ|chāgasya kṛṣṇavarṇasya galaṃ jagrāha jīvitaḥ || 6.80.8 ||
sakṛdeva samiddhasya vidhūmasya mahārciṣaḥ|babhūvustāni liṅgāni vijayaṃ darśayanti ca || 6.80.9 ||
pradakṣiṇāvartaśikhastaptahāṭakasannibhaḥ|havistat pratijagrāha pāvakaḥ svayamutthitaḥ || 6.80.10 ||
hutvā 'gniṃ tarpayitvā ca devadānavarākṣasān|āruroha rathaśreṣṭhamantardhānagataṃ śubham || 6.80.11 ||
sa vājibhiścaturbhiśca bāṇaiśca niśitairyutaḥ|āropitamahācāpaḥ śuśubhe syandanottamaḥ || 6.80.12 ||
jājvalyamāno vapuṣā tapanīyaparicchadaḥ|mṛgaiścandrārdhacandraiśca sa rathaḥ samalaṅkṛtaḥ || 6.80.13 ||
jāmbūnadamahākamburdīptapāvakasannibhaḥ|babhūvendrajitaḥ keturvaiḍūryasamalaṅkṛtaḥ || 6.80.14 ||
tena cādityakalpena brahmāstreṇa ca pālitaḥ|sa babhūva durādharṣo rāvaṇiḥ sumahābalaḥ || 6.80.15 ||
so 'bhiniryāya nagarādindrajit samitiñjayaḥ|hutvā 'gniṃ rākṣasairmantrairantardhānagato 'bravīt || 6.80.16 ||
adya hatvā raṇe yau tau mithyā pravrājitau vane|jayaṃ pitre pradāsyāmi rāvaṇāya raṇārjitam || 6.80.17 ||
adya nirvānarāmurvīṃ hatvā rāmaṃ salakṣmaṇam|kariṣye paramaprītimityuktvā 'ntaradhīyata || 6.80.18 ||
āpapātātha saṅkruddho daśagrīveṇa coditaḥ|tīkṣṇakārmukanārācaistīkṣṇastvindraripū raṇe || 6.80.19 ||
sa dadarśa mahāvīryo nāgau triśirasāviva|sṛjantāviṣujālāni vīrau vānaramadhyagau || 6.80.20 ||
imau tāviti sañcintya sajyaṃ kṛtvā ca kārmukam|santatāneṣudhārābhiḥ parjanya iva vṛṣṭimān || 6.80.21 ||
sa tu vaihāyasaṃ prāpya saratho rāmalakṣmaṇau|acakṣurviṣaye tiṣṭhan vivyādha niśitaiḥ saṟaiḥ || 6.80.22 ||
tau tasya śaravegena parītau rāmalakṣmaṇau|dhanuṣī saśare kṛtvā divyamastraṃ pracakratuḥ || 6.80.23 ||
pracchādayantau gaganaṃ śarajālairmahābalau|tamastraiḥ sūryasaṅkāśairnaiva paspṛśatuḥ śaraiḥ || 6.80.24 ||
sa hi dhūmāndhakāraṃ ca cakre pracchādayannabhaḥ|diśaścāntardadhe śrīmānnīhāratamasāvṛtāḥ || 6.80.25 ||
naiva jyātalanirghoṣo na ca nemikhurasvanaḥ|śaśruve caratastasya na ca rūpaṃ prakāśate || 6.80.26 ||
ghanāndhakāre timire śaravarṣamivādbhutam|sa vavarṣa mahābāhurnārācaśaravṛṣṭibhiḥ || 6.80.27 ||
sa rāmaṃ sūryasaṅkāśaiḥ śarairdattavaro bhṛśam|vivyādha samare kruddhaḥ sarvagātreṣu rāvaṇiḥ || 6.80.28 ||
tau hanyamānau nārācairdhārābhiriva parvatau|hemapuṅkhānnaravyāghrau tigmān mumucatuḥ śarān || 6.80.29 ||
antarikṣe samāsādya rāvaṇiṃ kaṅkapatriṇaḥ|nikṛtya patagā bhūmau petuste śoṇitokṣitāḥ || 6.80.30 ||
atimātraṃ śaraugheṇa pīḍyamānau narottamau|tāniṣūn patato bhalleranekairnicakṛntatuḥ || 6.80.31 ||
yato hi dadṛśāte tau śarānnipatataḥ śitān|tatastu tau dāśarathī sasṛjāte 'stramuttamam || 6.80.32 ||
rāvaṇistu diśaḥ sarvā rathenātirathaḥ patan|vivyādha tau dāśarathī ladhvastro niśitaiḥ śaraiḥ || 6.80.33 ||
tenātividdhau tau vīrau rukmapuṅkhaiḥ susaṃhitaiḥ|babhūvaturdāśarathī puṣpitāviva kiṃśukau || 6.80.34 ||
nāsya veda gatiṃ kaścinna ca rūpaṃ dhanuḥ śarān|na cānyadviditaṃ kiñcit sūryasyevābhrasamplave || 6.80.35 ||
tena viddhāśca harayo nihatāśca gatāsavaḥ|babhūvuḥ śataśastatra patitā dharaṇītale || 6.80.36 ||
lakṣmaṇastu susaṅkruddho bhrātaraṃ vākyamabravīt|brāhmamastraṃ prayokṣyāmi vadhārthaṃ sarvarakṣasām || 6.80.37 ||
tamuvāca tato rāmo lakṣmaṇaṃ śubhalakṣaṇam || 6.80.38 ||
naikasya heto rakṣāṃsi pṛthivyāṃ hantu marhasi|ayudhyamānaṃ pracchannaṃ prāñjaliṃ śaraṇāgatam|palāyantaṃ pramattaṃ vā na tvaṃ hantumihārhasi || 6.80.39 ||
asyaiva tu vadhe yatnaṃ kariṣyāvo mahābala|ādekṣyāvo mahāvegānastrānāśīviṣopamān || 6.80.40 ||
tamenaṃ māyinaṃ kṣudramantarhitarathaṃ balāt|rākṣasaṃ nihaniṣyanti dṛṣṭvā vānarayūthapāḥ || 6.80.41 ||
yadyeṣa bhūmiṃ viśate divaṃ vā rasātalaṃ vāpi nabhassthalaṃ vā|evaṃ nigūḍho 'pi mamāstradagdhaḥ patiṣyate bhūmitale gatāsuḥ || 6.80.42 ||
ityevamuktvā vacanaṃ mahātmā raghupravīraḥ plavagarṣabhairvṛtaḥ|vadhāya raudrasya nṛśaṃsakarmaṇastadā mahātmā tvaritaṃ nirīkṣate || 6.80.43 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aśītitamaḥ sargaḥ || 80 ||
vijñāya tu manastasya rāghavasya mahātmanaḥ|sannivṛtyāhavāttasmāt saṃviveśa puraṃ tataḥ || 6.81.1 ||
so 'nusmṛtya vadhaṃ teṣāṃ rākṣasānāṃ tarasvinām|krodhatāmrekṣaṇaḥ śūro nirjagāma mahādyutiḥ || 6.81.2 ||
sa paścimena dvāreṇa niryayau rākṣasairvṛtaḥ|indrajittu mahāvīryaḥ paulastyo devakaṇṭakaḥ || 6.81.3 ||
indrajittu tato dṛṣṭvā bhrātarau rāmalakṣmaṇau|raṇāyābhyudyatau vīrau māyāṃ prāduṣkarottadā || 6.81.4 ||
indrajittu rathe sthāpya sītāṃ māyāmayīṃ tataḥ|balena mahatā ' 'vṛtya tasyā vadhamarocayat || 6.81.5 ||
mohanārthaṃ tu sarveṣāṃ buddhiṃ kṛtvā sudurmatiḥ|hantuṃ sītāṃ vyavasito vānarābhimukho yayau || 6.81.6 ||
taṃ dṛṣṭvā tvabhiniryāntaṃ nagaryāḥ kānanaukasaḥ|utpeturabhisaṅkruddhāḥ śilāhastā yuyutsavaḥ || 6.81.7 ||
hanumān puratasteṣāṃ jagāma kapikuñjaraḥ|pragṛhya sumahacchṛṅgaṃ parvatasya durāsadam || 6.81.8 ||
sa dadarśa hatānandāṃ sītāmindrajito rathe|ekaveṇīdharāṃ dīnāmupavāsakṛśānanām || 6.81.9 ||
parikliṣṭaikavasanāmamṛjāṃ rāghavapriyām|rajomalābhyāmāliptaiḥ sarvagātrairvarastriyam || 6.81.10 ||
tāṃ nirīkṣya muhūrtaṃ tu maithilītyadhyavasya tu|babhūvāciradṛṣṭā hi tena sā janakātmajā || 6.81.11 ||
tāṃ dīnāṃ maladigdhāṅgīṃ rathasthāṃ dṛśya maithilīm|bāṣpaparyākulamukho hanumān vyathito 'bhavat || 6.81.12 ||
abravīttāṃ tu śokārtāṃ nirānandāṃ tapasvinīm|sītāṃ rathasthitāṃ dṛṣṭvā rākṣasendrasutāśritām|kiṃ samarthitamasyeti cintayan sa mahākapiḥ || 6.81.13 ||
saha tairvānaraśreṣṭhairabhyadhāvata rāvaṇim || 6.81.14 ||
tadvānarabalaṃ dṛṣṭvā rāvaṇiḥ krodhamūrcchitaḥ|kṛtvā vikośaṃ nistriṃśaṃ mūrdhni sītāṃ parāmṛśat || 6.81.15 ||
tāṃ striyaṃ paśyatāṃ teṣāṃ tāḍayāmāsa rāvaṇiḥ|krośantīṃ rāma rāmeti māyayā yojitāṃ rathe || 6.81.16 ||
gṛhītamūrdhajāṃ dṛṣṭvā hanumān dainyamāgataḥ|śokajaṃ vāri naitrābhyāmasṛjanmārutātmajaḥ || 6.81.17 ||
tāṃ dṛṣṭvā cārusarvāṅgīṃ rāmasya mahiṣīṃ priyām|abravīt paruṣaṃ vākyaṃ krodhādrakṣodhipātmajam || 6.81.18 ||
durātmannātmanāśāya keśapakṣe parāmṛśaḥ|brahmarṣīṇāṃ kule jāto rākṣasīṃ yonimāśritaḥ || 6.81.19 ||
dhik tvāṃ pāpasamācāraṃ yasya te matirīdṛśī || 6.81.20 ||
nṛśaṃsānārya durvṛtta kṣudra pāpaparākrama|anāryasyedṛśaṃ karma ghṛṇā te nāsti nirghṛṇa || 6.81.21 ||
cyutā gṛhācca rājyācca rāmahastācca maithilī|kiṃ tavaiṣā 'parāddhā hi yadenāṃ hantumicchasi || 6.81.22 ||
sītāṃ ca hatvā na ciraṃ jīviṣyasi kathañcana|vadhārha karmaṇā 'nena mama hastagato hyasi || 6.81.23 ||
ye ca strīghātināṃ lokā lokavadhyeṣu kutsitāḥ|iha jivitamutsṛjya pretya tān pratipatsyase || 6.81.24 ||
iti bruvāṇo hanumān sāyudhairharibhirvṛtaḥ|abhyadhāvata saṅkruddho rākṣasendrasutaṃ prati || 6.81.25 ||
āpatantaṃ mahāvīryaṃ tadanīkaṃ vanaukasām|rakṣasāṃ bhīmavegānāmanīkaṃ tu nyavārayat || 6.81.26 ||
sa tāṃ bāṇasahasreṇa vikṣobhya harivāhinīm|hariśreṣṭhaṃ hanūmantamindrajit pratyuvāca ha || 6.81.27 ||
sugrīvastvaṃ ca rāmaśca yannimittamihāgatāḥ|tāṃ haniṣyāmi vaidehīmadyaiva tava paśyataḥ || 6.81.28 ||
imāṃ hatvā tato rāmaṃ lakṣmaṇaṃ tvāṃ ca vānara|sugrīvaṃ ca vadhiṣyāmi taṃ cānāryaṃ vibhīṣaṇam || 6.81.29 ||
na hantavyāḥ striyaśceti yadbravīṣi plavaṅgama|pīḍākaramamitrāṇāṃ yat syāt kartavyameva tat || 6.81.30 ||
tamevamuktvā rudatīṃ sītāṃ māyāmayīṃ tadā|śitadhāreṇa khaḍgena nijaghānendrajit svayam || 6.81.31 ||
yajñopavītamārgeṇa bhinnā tena tapasvinī|sā pṛthivyāṃ pṛthuśroṇī papāta priyadarśanā|tāmindrajitsvayaṃ hatvā hanumantamuvāca ha || 6.81.32 ||
mayā rāmasya paśyemāṃ kopena ca niṣūditām|eṣā viśastā vaidehī viphalo vaḥ pariśramaḥ || 6.81.33 ||
tataḥ khaḍgena mahatā hatvā tāmindrijit svayam|hṛṣṭaḥ sa rathamāsthāya vinanāda mahāsvanam || 6.81.34 ||
vānarāḥ śuśruvuḥ śabdamadūre pratyavasthitāḥ|vyāditāsyasya nadatastahurgaṃ saṃśritasya ca || 6.81.35 ||
tathā tu sītāṃ vinihatya durmatiḥ prahṛṣṭacetāḥ sa babhūva rāvaṇiḥ|taṃ hṛṣṭarūpaṃ samudīkṣya vānarā viṣaṇṇarūpāḥ sahasā pradudruvuḥ || 6.81.36 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekāśītitamaḥ sargaḥ || 81 ||
śrutvā tu bhīmanirhrādaṃ śakrāśanisamasvanam|vīkṣamāṇā diśaḥ sarvā dudruvurvānararṣabhāḥ || 6.82.1 ||
tānuvāca tataḥsarvān hanumān mārutātmajaḥ|viṣaṇṇavadanān dīnāṃstrastān vidravataḥ pṛthak || 6.82.2 ||
kasmādviṣaṇṇavadanā vidravadhve plavaṅgamāḥ|tyaktayuddhasamutsāhāḥ śūratvaṃ kvanu vo gatam || 6.82.3 ||
pṛṣṭhato 'nuvrajadhvaṃ māmagrato yāntamāhave|śūrairabhijanopetairayuktaṃ hi nivartitum || 6.82.4 ||
evamuktāḥ susaṃhṛṣṭā vāyuputreṇa vānarāḥ|śailaśṛṅgāṇyagāṃścaiva jagṛhurhṛṣṭamānasāḥ || 6.82.5 ||
abhipetuśca garjanto rākṣasān vānararṣabhāḥ|parivārya hanūmantamanvayuśca mahāhave || 6.82.6 ||
sa tairvānaramukhyaiśca hanumān sarvato vṛtaḥ|hutāśana ivārciṣmānadahacchatruvāhinīm || 6.82.7 ||
sa rākṣasānāṃ kadanaṃ cakāra sumahākapiḥ|vṛto vānarasainyena kālāntakayamopamaḥ || 6.82.8 ||
sa tu kopena cāviṣṭaḥ śokena ca mahākapiḥ|hanumān rāvaṇirathe 'pātayanmahatīṃ śilām || 6.82.9 ||
tāmāpatantīṃ dṛṣṭvaiva rathaḥ sārathinā tadā|vidheyāśvasamāyuktaḥ sudūramapavāhitaḥ || 6.82.10 ||
tamindrajitamaprāpya rathasthaṃ sahasārathim|viveśadharaṇīṃ bhittvā sā śilā vyarthamudyatā || 6.82.11 ||
pātitāyāṃ śilāyāṃ tu rakṣasāṃ vyathitā camūḥ|nipatantyā ca śilayā rākṣasā mathitā bhṛśam || 6.82.12 ||
tamabhyadhāvañchataśo nadantaḥ kānanaukasaḥ || 6.82.13 ||
te drumāṃśca mahāvīryā giriśṛṅgāṇi codyatāḥ|kṣipantīndrajitaḥ saṅkhye vānarā bhīmavikramāḥ || 6.82.14 ||
vṛkṣaśailamahāvarṣaṃ visṛjantaḥ plavaṅgamāḥ|śatrūṇāṃ kadanaṃ cakrurneduśca vividhaiḥ svaraiḥ || 6.82.15 ||
vānaraistairmahāvīryairghorarūpā niśācarāḥ|vīryādabhihatā vṛkṣairvyaveṣṭanta raṇājire || 6.82.16 ||
svasainyamabhivīkṣyātha vānarārditamindrajit|pragṛhītāyudhaḥ kruddhaḥ parānabhimukho yayau || 6.82.17 ||
sa śaraughānavasṛjan svasainyenābhisaṃvṛtaḥ|jaghāna kapiśārdūlān sa bahūn dṛṣṭavikramaḥ || 6.82.18 ||
śūlairaśanibhiḥ khaḍgaiḥ paṭṭiśaiḥ kūṭamudgaraiḥ|te cāpyanucarāstasya vānarān jaghnurojasā || 6.82.19 ||
saskandhaviṭapaiḥ sālaiḥ śilābhiśca mahābalaḥ|hanumān kadanaṃ cakre rakṣasāṃ bhīmakarmaṇām || 6.82.20 ||
sa nivārya parānīkamabravīttān vanaukasaḥ|hanumān sannivartadhvaṃ na naḥ sādhyamidaṃ balam || 6.82.21 ||
tyaktvā prāṇān viveṣṭanto rāmipriyacikīrṣavaḥ|yannimittaṃ hi yuddhyāmo hatā sā janakātmajā || 6.82.22 ||
imamarthaṃ hi vijñāpya rāmaṃ sugrīvameva ca|tau yat pratividhāsyete tat kariṣyāmahe vayam || 6.82.23 ||
ityuktvā vānaraśreṣṭho vārayan sarvavānarān|śanaiḥ śanairasaṃtrastaḥ sabalaḥ sannyavartata || 6.82.24 ||
tataḥ prekṣya hanūmantaṃ vrajantaṃ yatra rāghavaḥ|sa hotukāmo duṣṭātmā gataścaityanikumbhilām || 6.82.25 ||
nikumbhilāmadhiṣṭhāya pāvakaṃ juhavendrajit || 6.82.26 ||
yajñabhūmyāṃ tu vidhivat pāvakastena rakṣasā|hūyamānaḥ prajajvāla māṃsaśoṇitabhuk tadā || 6.82.27 ||
so 'rciḥpinaddho dadṛśe homaśoṇitatarpitaḥ|sandhyāgata ivādityaḥ sutīvro 'gniḥ samutthitaḥ || 6.82.28 ||
athendrajidrākṣasabhūtaye tu juhāva havyaṃ vidhinā vidhānavit|dṛṣṭvā vyatiṣṭhanta ca rākṣasāste mahāsamūheṣu nayānayajñāḥ || 6.82.29 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe dvyaśītatamaḥ sargaḥ || 82 ||
rāghavaścāpi vipulaṃ taṃ rākṣasavanaukasām|śrutvā saṅgrāmanirghoṣaṃ jāmbavantamuvāca ha || 6.83.1 ||
saumya nūnaṃ hanumatā kriyate karma duṣkaram|śrūyate hi yathā bhīmaḥ sumahānāyudhasvanaḥ || 6.83.2 ||
tadgaccha kuru sāhāyyaṃ svabalenābhisaṃvṛtaḥ|kṣipramṛkṣapate tasya kapiśreṣṭhasya yudhyataḥ || 6.83.3 ||
ṛkṣārājastathoktastu svenānīkena saṃvṛtaḥ|āgacchat paścimaṃ dvāraṃ hanumān yatra vānaraḥ || 6.83.4 ||
athāyāntaṃ hanūmantaṃ dadarśarkṣapatiḥ pathi|vānaraiḥ kṛtasaṅgrāmaiḥ śvasadbhirabhisaṃvṛtam || 6.83.5 ||
dṛṣṭvā pathi hanūmāṃśca tadṛkṣabalamudyatam|nīlameghanibhaṃ bhīmaṃ sannivārya nyavartata || 6.83.6 ||
sa tena harisainyena sannikarṣaṃ mahāyaśāḥ|śīghramāgamya rāmāya duḥkhito vākyamabravīt || 6.83.7 ||
samare yuddhyamānānāmasmākaṃ prekṣatāṃ puraḥ|jaghāna rudatīṃ sītāmindrijidrāvaṇātmajaḥ || 6.83.8 ||
udbhrāntacittastāṃ dṛṣṭvā viṣaṇṇo 'hamarindama|tadahaṃ bhavato vṛttaṃ vijñāpayitumāgataḥ || 6.83.9 ||
tasya tadvacanaṃ śrutvā rāghavaḥ śokamūrcchitaḥ|nipapāta tadā bhūmau chinnamūla iva drumaḥ || 6.83.10 ||
taṃ bhūmau devasaṅkāśaṃ patitaṃ prekṣya rāghavam|abhipetuḥ samutpatya sarvataḥ kapisattamāḥ || 6.83.11 ||
asiñcan salilaiścainaṃ padmotpalasugandhibhiḥ|pradahantamanāsādyaṃ sahasā 'gnimivocchikham || 6.83.12 ||
taṃ lakṣmaṇo 'tha bāhubhyāṃ pariṣvajya suduḥkhitaḥ|uvāca rāmamasvasthaṃ vākyaṃ hetvarthasaṃyutam || 6.83.13 ||
śubhe vartmani tiṣṭhantaṃ tvāmārya vijitendriyam|anarthebhyo na śaknoti trātuṃ dharmo nirarthakaḥ || 6.83.14 ||
bhūtānāṃ sthāvarāṇāṃ ca jaṅgamānāṃ ca darśanam|yathā 'sti na tathā dharmastena nāstīti me matiḥ || 6.83.15 ||
yathaiva sthāvaraṃ vyaktaṃ jaṅgamaṃ ca tathāvidham|nāyamarthastathā yuktastvadvidho na vipadyate || 6.83.16 ||
yadyadharmo bhavedbhūto rāvaṇo narakaṃ vrajet|bhavāṃśca dharmayukto vai naivaṃ vyasanamāpnuyāt || 6.83.17 ||
tasya ca vyasanābhāvād vyasanaṃ ca gate tvayi|dharmo bhavatyadharmaśca parasparavirodhinau || 6.83.18 ||
dharmeṇopalabheddharmamadharmaṃ cāpyadharmataḥ|yadyadharmeṇa yujyeyuryeṣvadharmaḥ pratiṣṭhitaḥ || 6.83.19 ||
yadi dharmeṇa yujyerannādharmarucayo janāḥ|dharmeṇa caratāṃ dharmastathā caiṣāṃ phalaṃ bhavet || 6.83.20 ||
yasmādarthā vivardhante yeṣvadharmaḥ patiṣṭhitaḥ|kliśyante dharmaśīlāśca tasmādetau nirarthakau || 6.83.21 ||
vadhyante pāpakarmāṇo yadyadharmeṇa rāghava|vadhakarma hato 'dharmaḥ sa hataḥ kaṃ vadhiṣyati || 6.83.22 ||
athavā vihitenāyaṃ hanyate hanti vā param|vidhirālipyate tena na sa pāpena karmaṇā || 6.83.23 ||
adṛṣṭapratikāreṇa tvavyaktenāsatā satā|kathaṃ śakyaṃ paraṃ prāptuṃ dharmeṇārivikarśana || 6.83.24 ||
yadi sat syāt satāṃ mukhya nāsat syāttava kiñcana|tvayā yadīdṛśaṃ prāptaṃ tasmāt sannopapadyate || 6.83.25 ||
athavā durbalaḥ klībo balaṃ dharmo 'nuvartate|durbalo hṛtamaryādo na sevya iti me matiḥ || 6.83.26 ||
balasya yadi ceddharmo guṇabhūtaḥ parākrame|dharmamutsṛjya vartasva yathā dharme tathā bale || 6.83.27 ||
atha cet satyavacanaṃ dharmaḥ kila parantapa|anṛtastvayyakaruṇaḥ kiṃ na baddhastvayā pitā || 6.83.28 ||
yadi dharmo bhavedbhūto adharmo vā parantapa|na sma hatvā muniṃ vajrī kuryādijyāṃ śatakratuḥ || 6.83.29 ||
adharmasaṃśrito dharmo vināśayati rāghava|sarvametadyathākāmaṃ kākutstha kurute naraḥ || 6.83.30 ||
mama cedaṃ mataṃ tāta dharmo 'yamiti rāghava|dharmamūlaṃ tvayā chinnaṃ rājyamutsṛjatā tadā || 6.83.31 ||
arthebhyo hi vivṛddhebhyaḥ saṃvṛttebhyastatastataḥ|kriyāḥ sarvāḥ pravartante parvatebhya ivāpagāḥ || 6.83.32 ||
arthena hi viyuktasya puruṣasyālpatejasaḥ|vyucchidyante kriyāḥ sarvā grīṣme kusarito yathā || 6.83.33 ||
so 'yamarthaṃ parityajya sukhakāmaḥ sukhaidhitaḥ|pāpamārabhate kartuṃ tato doṣaḥ pravartate || 6.83.34 ||
yasyārthāstasya mitrāṇi yasyārthāstasya bāndhavāḥ|yasyārthāḥ sa pumān loke yasyārthāḥ sa ca paṇḍitaḥ || 6.83.35 ||
yasyārthāḥ sa ca vikrānto yasyārthāḥ sa ca buddhimān|yasyārthāḥ sa mahābhāgo yasyārthāḥ sa mahāguṇaḥ || 6.83.36 ||
arthasyaite parityāge doṣāḥ pravyāhṛtā mayā|rājyamutsṛjatā vīra yena buddhistvayā kṛtā || 6.83.37 ||
yasyārthā dharmakāmārthāstasya sarvaṃ pradakṣiṇam|adhanenārthakāmena nārthaḥ śakyo vicinvatā || 6.83.38 ||
harṣaḥ kāmaśca darpaśca dharmaḥ krodhaḥ śamo damaḥ|arthādetāni sarvāṇi pravartante narādhipa || 6.83.39 ||
yeṣāṃ naśyatyayaṃ lokaścaratāṃ dharmacāriṇām|te 'rthāstvayi na dṛśyante durdineṣu yathā grahāḥ || 6.83.40 ||
tvayi pravrajite vīra gurośca vacane sthite|rakṣasā 'pahṛtā bhāryā prāṇaiḥ priyatarā tava || 6.83.41 ||
tadadya vipulaṃ vīra duḥkhamindrajitā kṛtam|karmaṇā vyapaneṣyāmi tasmāduttiṣṭha rāghava || 6.83.42 ||
uttiṣṭha naraśārdūla dīrghavāho dṛḍhavrata|kimātmānaṃ mahātmānamātmānaṃ nāvabudhyase || 6.83.43 ||
ayamanagha tavoditaḥ priyārthaṃ janakasutānidhanaṃ nirīkṣya ruṣṭaḥ|sahayagajarathāṃ sarākṣasendrāṃ bhṛśamiṣubhirvinipātayāmi laṅkām || 6.83.44 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe tryaśītitamaḥ sargaḥ || 83 ||
rāmamāśvāsayāne tu lakṣmaṇe bhrātṛvatsale|nikṣipya gulmān svasthāne tatrāgacchadvibhīṣaṇaḥ || 6.84.1 ||
nānāpraharaṇairvīraiścaturbhiḥ sacivairvṛtaḥ|nīlāñjanacayākārairmātaṅgairiva yūthapaḥ || 6.84.2 ||
so 'bhigamya mahātmānaṃ rāghavaṃ śokalālasam|vānarāṃścaiva dadṛśe bāṣpaparyākulekṣaṇān || 6.84.3 ||
rāghavaṃ ca mahātmānamikṣvākukulanandanam|dadarśa mohamāpannaṃ lakṣmaṇasyāṅkamāśritam || 6.84.4 ||
vrīḍitaṃ śokasantaptaṃ dṛṣṭvā rāmaṃ vibhīṣaṇaḥ|antarduḥkhena dīnātmā kimetaditi so 'bravīt || 6.84.5 ||
vibhīṣaṇamukhaṃ dṛṣṭvā sugrīvaṃ tāṃśca vānarān|lakṣmaṇovāca mandārthamidaṃ bāṣpapariplutaḥ || 6.84.6 ||
hatāmindrajitā sītāmiha śrutvaiva rāghavaḥ|hanumadvacanāt saumya tato mohamupāgataḥ || 6.84.7 ||
kathayantaṃ tu saumitriṃ sannivārya vibhīṣaṇaḥ || 6.84.8 ||
manujendrārtarūpeṇa yaduktaṃ ca hanūmatā|tadayuktamahaṃ manye sāgarasyeva śoṣaṇam || 6.84.9 ||
abhiprāyaṃ tu jānāmi rāvaṇasya durātmanaḥ|sītāṃ prati mahābāho na ca ghātaṃ kariṣyati || 6.84.10 ||
yācyamānastu bahuśo mayā hitacikīrṣuṇā|vaidehīmutsṛjasveti na ca tat kṛtavān vacaḥ || 6.84.11 ||
naiva sāmnā na dānena na bhedena kuto yudhā|sā druṣṭumapi śakyeta naiva cānyena kenacit || 6.84.12 ||
vānarān mohayitvā tu pratiyātaḥ sa rākṣasaḥ|caityaṃ nikumbhilāṃ nāma yatra homaṃ kariṣyati || 6.84.13 ||
hutavānupayāto hi devairapi savāsavaiḥ|durādharṣo bhavatyeva saṅgrāme rāvaṇātmajaḥ || 6.84.14 ||
tena mohayatā nūnameṣā māyā prayojitā|vighnamanvicchatā tatra vānarāṇāṃ parākrame || 6.84.15 ||
sasainyāstatra gacchāmo yāvattanna samāpyate|tyajemaṃ naraśārdūla mithyāsantāpamāgatam|sīdate hi balaṃ sarvaṃ dṛṣṭvā tvāṃ śokakarśitam || 6.84.16 ||
iha tvaṃ svasthahṛdayastiṣṭha sattvasamucchritaḥ|lakṣmaṇaṃ preṣayāsmābhiḥ saha sainyānukarṣibhiḥ || 6.84.17 ||
eṣa taṃ naraśārdūlo rāvaṇiṃ niśitaiḥ śaraiḥ|tyājayiṣyati tat karma tato vadhyo bhaviṣyati || 6.84.18 ||
tasyaite niśitāstīkṣṇāḥ patripatrāṅgavājinaḥ|patatriṇa ivāsaumyāḥ śarāḥ pāsyanti śoṇitam || 6.84.19 ||
taṃ sandiśa mahāvāho lakṣmaṇaṃ śubhalakṣaṇam|rākṣasasya vināśāya vajraṃ vajradharo yathā || 6.84.20 ||
manujavara na kālaviprakarṣo ripunidhanaṃ prati yat kṣamo 'dya kartum|tvamati sṛja riporvadhāya vāṇīmamararipormathane yathā mahendraḥ || 6.84.21 ||
samāptakarmā hi sa rākṣasādhipo bhavatyadṛsyaḥ samare surāsuraiḥ|yuyutsatā tena samāptakarmaṇā bhavet surāṇāmapi saṃśayo mahān || 6.84.22 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe caturaśītitamaḥ sargaḥ || 84 ||
tasya tadvacanaṃ śrutvā rāghavaḥ śokakarśitaḥ|nopadhārayate vyaktaṃ yaduktaṃ tena rakṣasā || 6.85.1 ||
tato dhairyamavaṣṭabhya rāmaḥ parapurañjayaḥ|vibhīṣaṇamupāsīnamuvāca kapisannidhau || 6.85.2 ||
nairṛtādhipate vākyaṃ yaduktaṃ te vibhīṣaṇa|bhūyastacchrotumicchāmi brūhi yatte vivakṣitam || 6.85.3 ||
rāghavasya vacaḥ śrutvā vākyaṃ vākyaviśāradaḥ|yattatpunaridaṃ vākyaṃ babhāṣe sa vibhīṣaṇaḥ || 6.85.4 ||
yathājñaptaṃ mahābāho tvayā gulmaniveśanam|tattathā 'nuṣṭhitaṃ vīra tvadvākyasamanantaram || 6.85.5 ||
tānyanīkāni sarvāṇi vibhaktāni samantataḥ|vinyastā yūthapāścaiva yathānyāyaṃ vibhāgaśaḥ || 6.85.6 ||
bhūyastu mama vijñāpyaṃ tacchṛṇuṣva mahāyaśaḥ || 6.85.7 ||
tvayyakāraṇasantapte santaptahṛdayā vayam|tyaja rājannimaṃ śokaṃ mithyā santāpamāgatam || 6.85.8 ||
tadiyaṃ tyajyatāṃ cintā śatruharṣavivardhanī|udyamaḥ kriyatāṃ vīra harṣaḥ samupasevyatām || 6.85.9 ||
prāptavyā vadi te sītā hantavyāśca niśācarāḥ|raghunandana vakṣyāmi śrūyatāṃ me hitaṃ vacaḥ || 6.85.10 ||
sādhvayaṃ yātu saumitrirbalena mahatā vṛtaḥ|nikumbhilāyāṃ samprāpya hantuṃ rāvaṇimāhave || 6.85.11 ||
dhanurmaṇḍalanirmuktairāśīviṣaviṣopamaiḥ|śarairhantuṃ maheṣvāso rāvaṇiṃ samitiñjayaḥ || 6.85.12 ||
tena vīryeṇa tapasā varadānāt svayambhuvaḥ|astraṃ brahmaśiraḥ prāptaṃ kāmagāśca turaṅgamāḥ || 6.85.13 ||
sa eṣa saha sainyena prāptaḥ kila nikumbhilām|yadyuttiṣṭhet kṛtaṃ karma hatān sarvāṃśca viddhi naḥ || 6.85.14 ||
nikumbhilāmasamprāptamahutāgniṃ ca yo ripuḥ|tvāmātatāyinaṃ hanyādindraśatroḥ sa te vadhaḥ|varo datto mahābāho sarvalokeśvareṇa vai || 6.85.15 ||
ityevaṃ vihito rājan vadhastasyaiṣa dhīmataḥ|vadhāyendrajito rāma sandiśasva mahābala|hate tasmin hataṃ viddhi rāvaṇaṃ sasuhṛjjanam || 6.85.16 ||
vibhīṣaṇavacaḥ śrutvā rāghavo vākyamabravīt || 6.85.17 ||
jānāmi tasya raudrasya māyāṃ satyaparākrama|sa hi brahmāstravit prājño mahāmāyo mahābalaḥ|karotyasañjñān saṅgrāme devān savaruṇānapi || 6.85.18 ||
tasyāntarikṣe carato rathasthasya mahāyaśaḥ|na gatirjñāyate tasya sūryasyevābhrasamplave || 6.85.19 ||
rāghavastu riporjñātvāmāyāvīryaṃ durātmanaḥ|lakṣmaṇaṃ kīrtisampannamidaṃ vacanamabravīt || 6.85.20 ||
yadvānarendrasya balaṃ tena sarveṇa saṃvṛtaḥ|hanumatpramukhaiścaiva yūthapaiḥ saha lakṣmaṇa || 6.85.21 ||
jāmbavenarkṣapatinā sahasainyena saṃvṛtaḥ|jahi taṃ rākṣasasutaṃ māyābalaviśāradam || 6.85.22 ||
ayaṃ tvāṃ sacivaiḥ sārddhaṃ mahātmā rajanīcaraḥ|abhijñastasya deśasya pṛṣṭhato 'nugamiṣyati || 6.85.23 ||
rāghavasya vacaḥ śrutvā lakṣmaṇaḥ savibhīṣaṇaḥ|jāgrāha kārmukaśreṣṭhamatyadbhutaparākramaḥ || 6.85.24 ||
sannaddhaḥ kavacī khaḍgī saśaro hemacāpadhṛt|rāmapādāvupaspṛśya hṛṣṭaḥ saumitrirabravīt || 6.85.25 ||
adya matkārmukonmuktāḥ śarā nirbhidya rāvaṇim|laṅkāmabhipatiṣyanti haṃsāḥ puṣkariṇīmiva || 6.85.26 ||
adyaiva tasya raudrasya śarīraṃ māmakāḥ śarāḥ|vidhamiṣyanti bhittvā taṃ mahācāpaguṇacyutāḥ || 6.85.27 ||
sa evamuktvā dyutimān vacanaṃ bhrāturagrataḥ|sa rāvaṇivadhākāṅkṣī lakṣmaṇastvarito yayau || 6.85.28 ||
so 'bhivādya guroḥ pādau kṛtvā cāpi pradakṣiṇam|nikumbhilāmabhiyayau caityaṃ rāvaṇipālitam || 6.85.29 ||
vibhīṣaṇena sahito rājaputraḥ pratāpavān|kṛtasvastyayano bhrātrā lakṣmaṇastvarito yayau || 6.85.30 ||
vānarāṇāṃ sahasraistu hanumān bahubhirvṛtaḥ|vibhīṣaṇaśca sāmātyastadā lakṣmaṇamanvagāt || 6.85.31 ||
mahatā harisainyena savegamabhisaṃvṛtaḥ|ṛkṣarājabalaṃ caiva dadarśa pathi viṣṭhitam || 6.85.32 ||
sa gatvā dūramadhvānaṃ saumitrirmitranandanaḥ|rākṣasendrabalaṃ dūrādapaśyad vyūhamāsthitam || 6.85.33 ||
sa taṃ prāpya dhanuṣpāṇirmāyāyogamarindamaḥ|tasthau brahmavidhānena vijetuṃ raghunandanaḥ || 6.85.34 ||
vibhīṣaṇena sahito rājaputraḥ pratāpavān|aṅgadena ca vīreṇa tathā 'nilasutena ca || 6.85.35 ||
vividhamamalaśastrabhāsvaraṃ tad dhvajagahanaṃ vipulaṃ mahārathaiśca|pratibhayatamamaprameyavegaṃ timiramiva dviṣatāṃ balaṃ viveśa || 6.85.36 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe pañcāśītitamaḥ sargaḥ || 85 ||
atha tasyāmavasthāyāṃ lakṣmaṇaṃ rāvaṇānujaḥ|pareṣāmahitaṃ vākyamarthasādhakamabravīt || 6.86.1 ||
yadetadrākṣasānīkaṃ meghaśyāmaṃ vilokyate|etadāyodhyatāṃ śīghraṃ kapibhiḥ pādapāyudhaiḥ || 6.86.2 ||
asyānīkasya mahato bhedane yata lakṣmaṇa|rākṣasendrasuto 'pyatra bhinne dṛśyo bhaviṣyati || 6.86.3 ||
sa tvamindrāśaniprakhyaiḥ śarairavakiran parān|abhidravāśu yāvadvai naitat karma samāpyate || 6.86.4 ||
jahi vīra durātmānaṃ māyāparamadhārmikam|rāvaṇiṃ krūrakarmāṇaṃ sarvalokabhayāvaham || 6.86.5 ||
vibhīṣaṇavacaḥ śrutvā lakṣmaṇaḥ śubhalakṣaṇaḥ|vavarṣa śaravarṣāṇi rākṣasendrasutaṃ prati || 6.86.6 ||
ṛkṣāḥ śākhāmṛgāścāpi drumādrinakhayodhinaḥ|abhyadhāvanta sahitāstadanīkamavasthitam || 6.86.7 ||
rākṣasāśca śitairbāṇairasibhiḥ śaktitomaraiḥ|udyataiḥ samavartanta kapisainyajighāṃsavaḥ || 6.86.8 ||
sa samprahārastumulaḥ sañjajñe kapirākṣasām|śabdena mahatā laṅkāṃ nādayan vai samantataḥ || 6.86.9 ||
śastraiśca bahudhākāraiḥ śitairbāṇaiśca pādapaiḥ|udyatairgiriśṛṅgaiśca ghorairākāśamāvṛtam || 6.86.10 ||
te rākṣasā vānareṣu vikṛtānanabāhavaḥ|niveśayantaḥ śastrāṇi cakruste sumahadbhayam || 6.86.11 ||
tathaiva sakalairvṛkṣairgiriśṛṅgaiśca vānarāḥ|abhijaghnurnijaghnuśca samare rākṣasarṣabhān || 6.86.12 ||
ṛkṣavānaramukhyaiśca mahākāyairmahābalaiḥ|rakṣasāṃ vadhyamānānāṃ mahadbhayamajāyata || 6.86.13 ||
svamanīkaṃ viṣaṇṇaṃ tu śrutvā śatrubhirārditam|udatiṣṭhata durdharṣastatkarmaṇyananuṣṭhite || 6.86.14 ||
vṛkṣāndhakārānnirgatya jātakrodhaḥ sa rāvaṇiḥ|āruroha rathaṃ sajjaṃ pūrvayuktaṃ sarākṣasaḥ || 6.86.15 ||
sa bhīmakārmukadharaḥ kālameghasamaprabhaḥ|raktāsyanayanaḥ kruddho babhau mṛtyurivāntakaḥ || 6.86.16 ||
dṛṣṭvaiva tu rathasthaṃ taṃ paryavartata tadbalam|rakṣasāṃ bhīmavegānāṃ lakṣmaṇena yuyutsatām || 6.86.17 ||
tasmin kāle tu hanumānudyamya sudurāsadam|dharaṇīdharasaṅkāśo mahāvṛkṣamarindamaḥ || 6.86.18 ||
sa rākṣasānāṃ tatsainyaṃ kālāgniriva nirdahan|cakāra bahubhirvṛkṣairnissañjñaṃ yudhi vānaraḥ || 6.86.19 ||
vidhvaṃsayantaṃ tarasā dṛṣṭvaiva pavanātmajam|rākṣasānāṃ sahasrāṇi hanumantamavākiran || 6.86.20 ||
śitaśūladharāḥ śūlairasibhiścāsipāṇayaḥ|śaktibhiḥ śaktihastāśca paṭṭiśaiḥ paṭṭiśāyudhāḥ || 6.86.21 ||
paridhaiśca gadābhiśca cakraiśca śubhadarśanaiḥ|śataśaśca śataghnībhirāyasairapi mudgaraiḥ || 6.86.22 ||
ghauraiḥ paraśvadhaiścaiva bhindipālaiśca rākṣasāḥ|muṣṭibhirvajrakalpaiśca talairaśanisannibhaiḥ|abhijaghnuḥ samāsādya samantāt parvatopamam || 6.86.23 ||
teṣāmapi ca saṅkruddhaścakāra kadanaṃ mahat || 6.86.24 ||ṭibhirvajrakalpaiśca talairaśanisannibhaiḥ|sa dadarśa kapiśreṣṭhamacalopamamindrajit|sūdayantamabhitraghnamamitrān pavanātmajam || 6.86.25 ||
sa sārathimuvācedaṃ yāhi yatraiṣa vānaraḥ|kṣayameṣa hi naḥ kuryādrākṣasānāmupekṣitaḥ || 6.86.26 ||
ityuktaḥ sārathistena yayau yatra sa mārutiḥ|vahan paramadurdharṣaṃ sthitamindrajitaṃ rathe || 6.86.27 ||
so 'bhyupetya śarān khaḍgān paṭṭiśāṃśca paraśvadhān|abhyavarṣata durddharṣaḥ kapimūrdhni sa rākṣasaḥ || 6.86.28 ||
tāni śastrāṇi ghorāṇi pratigṛhya sa mārutiḥ|roṣeṇa mahatā ' 'viṣṭo vākyaṃ cedamuvāca ha || 6.86.29 ||
yuddhyasva yadi śūro 'si rāvaṇātmaja durmate|vāyuputraṃ samāsādya jīvanna pratiyāsyasi || 6.86.30 ||
bāhubhyāṃ pratiyudhyasva yadi me dvandvamāhave|vegaṃ sahasva durbuddhe tatastvaṃ rakṣasāṃ varaḥ || 6.86.31 ||
hanumantaṃ jighāṃsantaṃ samudyataśarāsanam|rāvaṇātmajamācaṣṭe lakṣmaṇāya vibhīṣaṇaḥ || 6.86.32 ||
yaḥ sa vāsavanirjetā rāvaṇasyātmasambhavaḥ|sa eṣa rathamāsthāya hanumantaṃ jighāṃsati || 6.86.33 ||
tamapratimasaṃsthānaiḥ śaraiḥ śatruvidāraṇaiḥ|jīvitāntakarairghoraiḥ saumitre rāvaṇiṃ jahi || 6.86.34 ||
ityevamuktastu tadā mahātmā vibhīṣaṇenārivibhīṣaṇena|dadarśa taṃ parvatasannikāśaṃ raṇe sthitaṃ bhīmabalaṃ nadantam || 6.86.35 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣaḍaśītitamaḥ sargaḥ || 86 ||
evamuktvā tu saumitriṃ jātaharṣo vibhīṣaṇaḥ|dhanuṣpāṇinamādāya tvaramāṇo jagāma ha || 6.87.1 ||
avidūraṃ tato gatvā praviśya ca mahadvanam|darśayāmāsa tatkarma lakṣmaṇāya vibhīṣaṇaḥ || 6.87.2 ||
nīlajīmūtasaṅkāśaṃ nyagrodhaṃ bhīmadarśanam|tejasvī rāvaṇabhrātā lakṣmaṇāya nyavedayat || 6.87.3 ||
ihopahāraṃ bhūtānāṃ balavān rāvaṇātmajaḥ|upahṛtya tataḥ paścāt saṅgrāmamabhivartate || 6.87.4 ||
adṛśyaḥ sarvabhūtānāṃ tato bhavati rākṣasaḥ|nihanti samare śatrūn badhnāti ca śarottamaiḥ || 6.87.5 ||
tamapraviṣṭanyagrodhaṃ balinaṃ rāvaṇātmajam|vidhvaṃsaya śaraistīkṣṇaiḥ sarathaṃ sāśvasārathim || 6.87.6 ||
tathetyuktvā mahātejāḥ saumitrirmitranandanaḥ|babhūvāvasthitastatra citraṃ visphārayan dhanuḥ || 6.87.7 ||
sa rathenāgnivarṇena balavān rāvaṇātmajaḥ|indrajit kavacī dhanvī sadhvajaḥ pratyadṛśyata || 6.87.8 ||
tamuvāca mahātejāḥ paulastyamaparājitam|samāhvaye tvāṃ samare samyagyuddhaṃ prayaccha me || 6.87.9 ||
evamukto mahātejā manasvī rāvaṇātmajaḥ|abravīt paruṣaṃ vākyaṃ tatra dṛṣṭvā vibhīṣaṇam || 6.87.10 ||
iha tvaṃ jātasaṃvṛddhaḥ sākṣādbhrātā piturmama|kathaṃ druhyasi putrasya pitṛvyo mama rākṣasa || 6.87.11 ||
na jñātitvaṃ na sauhārdaṃ na jātistava durmate|pramāṇaṃ na ca saudaryaṃ na dharmo dharmadūṣaṇa || 6.87.12 ||
śocyastvamasi durbuddhe nindanīyaśca sādhubhiḥ|yastvaṃ svajanamutsṛjya parabhṛtyatvamāgataḥ || 6.87.13 ||
naitacchithilayā buddhyā tvaṃ vetsi mahadantaram|kvaca svajanasaṃvāsaḥ kvaca nīcaparāśrayaḥ || 6.87.14 ||
guṇavān vā parajanaḥ svajano nirguṇo 'pi vā|nirguṇaḥ svajanaḥ śreyān yaḥ paraḥ para eva saḥ || 6.87.15 ||
yaḥ svapakṣaṃ parityajya parapakṣaṃ niṣevate|sa svapakṣe kṣayaṃ prāpte paścāttaireva hanyate || 6.87.16 ||
niranukrośatā ceyaṃ yādṛśī te niśācara|svajanena tvayā śakyaṃ paruṣaṃ rāvaṇānuja || 6.87.17 ||
ityukto bhrātṛputreṇa pratyuvāca vibhīṣaṇaḥ || 6.87.18 ||
ajānanniva macchīlaṃ kiṃ rākṣasa vikatthase|rākṣasendrasutāsādho pāruṣyaṃ tyaja gauravāt || 6.87.19 ||
kule yadyapyahaṃ jāto rakṣasāṃ krūrakarmaṇām|guṇo 'yaṃ prathamo nṛṇāṃ tanme śīlamarākṣasam || 6.87.20 ||
na rame dāruṇenāhaṃ na cādharmeṇa vai rame|bhrātrā viṣamaśīlena kathaṃ bhrātā nirasyate || 6.87.21 ||
dharmāt pracyutaśīlaṃ hi puruṣaṃ pāpaniścayam|tyaktvā sukhamavāpnoti hastādāśīviṣaṃ yathā || 6.87.22 ||
hiṃsāparasvaharaṇe paradārābhimarśanam|tyājyamāhurdurācāraṃ veśma prajvalitaṃ yathā || 6.87.23 ||
parasvānāṃ ca haraṇaṃ paradārābhimarśanam|suhṛdāmatiśaṅkā ca trayo doṣāḥ kṣayābahāḥ || 6.87.24 ||
maharṣiṇāṃ vadho ghoraḥ sarvadevaiśca vigrahaḥ|abhimānaśca kopaśca vairitvaṃ pratikūlatā || 6.87.25 ||
ete doṣā mama bhrāturjīvitaiśvaryanāśanāḥ|guṇān pracchādayāmāsuḥ parvatāniva toyadāḥ|doṣairetaiḥ parityakto mayā bhrātā pitā tava || 6.87.26 ||
neyamasti purī laṅkā na ca tvaṃ na ca te pitā || 6.87.27 ||chādayāmāsuḥ parvatāniva toyadāḥ|atimānī ca bālaśca durvinītaśca rākṣasa|baddhastvaṃ kālapāśena brūhi māṃ yadyadicchasi || 6.87.28 ||
adya te vyasanaṃ prāptaṃ kiṃ māṃ tvamiha vakṣyasi|praveṣṭuṃ na tvayā śakyo nyagrodho rākṣasādhama || 6.87.29 ||
dharṣayitvā ca kākutsthau na śakyaṃ jīvituṃ tvayā|yuddhyasva naradevena lakṣmaṇena raṇe saha|hatastvaṃ devatākāryaṃ kariṣyasi yamakṣaye || 6.87.30 ||
nidarśayasvātmabalaṃ samudyataṃ kuruṣva sarvāyudhasāyakavyayam|na lakṣmaṇasyaitya hi bāṇagocaraṃ tvamadya jīvan sabalo gamiṣyasi || 6.87.31 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe saptāśatītitamaḥ sargaḥ || 87 ||
vibhīṣaṇavacaḥ śrutvā rāvaṇiḥ krodhamūrcchitaḥ|abravīt paruṣaṃ vākyaṃ vegenābhyutpapāta ha || 6.88.1 ||
udyatāyudhanistriṃśo rathe susamalaṅkṛte|kālāśvayukte mahati sthitaḥ kālāntakopamaḥ || 6.88.2 ||
mahāpramāṇamudyamya vipulaṃ vegavaddṛḍham|dhanurbhīmaṃ parāmṛśya śarāṃścāmitraśātanān || 6.88.3 ||
taṃ dadarśa maheṣvāso rathe susamalaṅkṛtaḥ|alaṅkṛtamamitraghnaṃ rāghavasyānujaṃ balī|hanumatpṛṣṭhamāsīnamudayastharaviprabham || 6.88.4 ||
uvācainaṃ samārabdhaḥ saumitriṃ savibhīṣaṇam|tāṃśca vānaraśārdūlān paśyadhvaṃ me parākramam || 6.88.5 ||
adya matkārmukotsṛṣṭaṃ śaravarṣaṃ durāsadam|muktaṃ varṣamivākāśe vārayiṣyatha saṃyuge || 6.88.6 ||
adya vo māmakā bāṇā mahākārmukanissṛtāḥ|vidhamiṣyanti gātrāṇi tūlarāśimivānalaḥ || 6.88.7 ||
tīkṣṇasāyakanirbhinnān śūlaśaktyaṣṭitomaraiḥ|adya vo gamayiṣyāmi sarvāneva yamakṣayam || 6.88.8 ||
kṣipataḥ śaravarṣāṇi kṣiprahastasya me yudhi|jīmūtasyeva nadataḥ kaḥ sthāsyati mamāgrataḥ || 6.88.9 ||
rātriyuddhe mayā pūrvaṃ vajrāśanisamaiḥ śaraiḥ|śāyitau stho mayā bhūmau visañjñau sapurassarau || 6.88.10 ||
smṛtirna te 'sti vā manye vyaktaṃ vā yamasādanam|āśīviṣamiva kruddhaṃ yanmāṃ yoddhuṃ vyavasthitaḥ || 6.88.11 ||
tacchutvā rākṣasendrasya garjitaṃ lakṣṇastadā|abhītavadanaḥ kruddho rāvaṇiṃ vākyamabravīt || 6.88.12 ||
uktaśca durgamaḥ pāraḥ kāryāṇāṃ rākṣasa tvayā|kāryāṇāṃ karmaṇā pāraṃ yo gacchati sa buddhimān || 6.88.13 ||
sa tvamarthasya hīnārtho duravāpasya kenacit|vaco vyāhṛtya jānīṣe kṛtārtho 'smīti durmate || 6.88.14 ||
antardhānagatenājau yastvayā ' 'caritastadā|taskarācarito mārgo naiṣa vīraniṣevitaḥ || 6.88.15 ||
yathā bāṇapathaṃ prāpya sthito 'haṃ tava rākṣasa|darśayasvādya tattejo vācā tvaṃ kiṃ vikatthase || 6.88.16 ||
evamukto dhanurbhīmaṃ parāmṛśya mahābalaḥ|sasarja niśitān bāṇānindrajit samitiñjayaḥ || 6.88.17 ||
te nisṛṣṭā mahāvegāḥ śarāḥ sarpaviṣopamāḥ|samprāpya lakṣmaṇaṃ petuḥ śvasanta iva pannagāḥ || 6.88.18 ||
śarairatimahāvegairvegavān rāvaṇātmajaḥ|saumitrimindrajidyuddhe vivyādha śubhalakṣaṇam || 6.88.19 ||
sa śarairatividdhāṅgo rudhireṇa samukṣitaḥ|śuśubhe lakṣmaṇaḥ śrīmān vidhūma iva pāvakaḥ || 6.88.20 ||
indrajittvātmanaḥ karma prasamīkṣyādhigamya ca|vinadya sumahānādamidaṃ vacanamabravīt || 6.88.21 ||
patriṇaḥ śitadhārāste śarā matkārmukacyutāḥ|ādāsyante 'dya saumitre jivitaṃ jivitāntagāḥ || 6.88.22 ||
adya gomāyusaṅghāśca śyenasaṅghāśca lakṣmaṇa|gṛdhrāśca nipatantu tvāṃ gatāsuṃ nihataṃ mayā || 6.88.23 ||
kṣatrabandhuṃ sadānāryaṃ rāmaḥ paramādurmatiḥ|bhaktaṃ bhrātaramadyaiva tvāṃ drakṣyati mayā hatam || 6.88.24 ||
viśastakavacaṃ bhūmau vyapaviddhaśarāsanam|hṛtottamāṅgaṃ saumitre tvāmadya nihataṃ mayā || 6.88.25 ||
iti bruvāṇaṃ saṃrabdhaṃ paruṣaṃ rāvaṇātmajam|hetumadvākyamatyarthaṃ lakṣmaṇaḥ pratyuvāca ha || 6.88.26 ||
vāgbalaṃ tyaja durbuddhe krūrakarmā 'si rākṣasa|atha kasmādvadasyetat sampādaya sukarmaṇā || 6.88.27 ||
akṛtvā katthase karma kimarthamiha rākṣasa|kuru tatkarma yenāhaṃ śraddadhyāṃ tava katthanam || 6.88.28 ||
anuktvā paruṣaṃ vākyaṃ kiñcidapyanavākṣipan|avikatthan vadhiṣyāmi tvāṃ paśya puruṣādhama || 6.88.29 ||
ityuktvā pañca nārācānākarṇāpūritān śitān|nijaghāna mahāvegān lakṣmaṇo rākṣasorasi || 6.88.30 ||
supatravājitā bāṇā jvalitā iva pannagāḥ|nairṛtorasyabhāsanta savitū raśmayo yathā || 6.88.31 ||
sa śarairāhatastena saroṣo rāvaṇātmajaḥ|suprayuktaistribhirbāṇaiḥ prativivyādha lakṣmaṇam || 6.88.32 ||
sa babhūva tadā bhīmo nararākṣasasiṃhayoḥ|vimardastumulo yuddhe parasparajayaiṣiṇoḥ || 6.88.33 ||
ubhau hi balasampannāvubhau vikramaśālinau || 6.88.34 ||
ubhāvapi suvikrāntau sarvaśastrāstrakovidau|ubhau paramadurjeyāvatulyabalatejasau || 6.88.35 ||
yuyudhāte tadā vīrau grahāviva nabhogatau || 6.88.36 ||
balavṛtrāvivābhītau yudhi tau duṣpradharṣaṇau|yuyudhāte mahātmānau tadā kesariṇāviva || 6.88.37 ||
bahūnavasṛjantau hi mārgaṇaughānavasthitau|nararākṣasasiṃhau tau prahṛṣṭāvabhyayudhyatām || 6.88.38 ||
susamprahṛṣṭau nararākṣasottamau jayaiṣiṇau mārgaṇacāpadhāriṇau|parasparaṃ tau pravavarṣaturbhṛśaṃ śaraughavarṣeṇa balāhakāviva || 6.88.39 ||
abhipravṛddhau yudhi yuddhakovidau śarāsicaṇḍau śitaśastradhāriṇau|abhīkṣṇamāvivyadhaturmahābalau mahāhave śambaravāsavāviva || 6.88.40 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭāśītitamaḥ sargaḥ || 88 ||
tataḥ śaraṃ dāśarathiḥ sandhāyāmitrakarśanaḥ|sasarja rākṣasendrāya kruddhaḥ sarpa iva śvasan || 6.89.1 ||
tasya jyātalanirghoṣaṃ sa śrutvā rāvaṇātmajaḥ|vivarṇavadano bhūtvā lakṣmaṇaṃ samudaikṣata || 6.89.2 ||
taṃ vivarṇamukhaṃ dṛṣṭvā rākṣasaṃ rāvaṇātmajam|saumitriṃ yuddhasaṃyuktaṃ pratyuvāca vibhīṣaṇaḥ || 6.89.3 ||
nimittānyanupaśyāmi yānyasmin rāvaṇātmaje|tvara tena mahāboho bhagna eṣa na saṃśayaḥ || 6.89.4 ||
tataḥ sandhāya saumitrirbāṇānagniśikhopamān|mumoca niśitāṃstasmin sarpāniva mahāviṣān || 6.89.5 ||
śakrāśanisamasparśairlakṣmaṇenāhataḥ śaraiḥ|muhūrtamabhavanmūḍhaḥ sarvasaṅkṣubhitendriyaḥ || 6.89.6 ||
upalabhya muhūrtena sañjñāṃ pratyāgatendriyaḥ|dadarśāvasthitaṃ vīraṃ vīro daśarathātmajam || 6.89.7 ||
so 'bhicakrāma saumitriṃ roṣāt saṃraktalocanaḥ|abravīccainamāsādya punaḥ sa paruṣaṃ vacaḥ || 6.89.8 ||
kiṃ na smarasi tadyuddhe prathame matparākramam|nibaddhastvaṃ saha bhrātrā yadā bhuvi viveṣṭase || 6.89.9 ||
yuvāṃ khalu mahāyuddhe śakrāśanisamaiḥ śaraiḥ|śāyitau prathamaṃ bhūmau visañjñau sapurassarau || 6.89.10 ||
smṛtirvā nāsti te manye vyaktaṃ vā yamasādanam|gantumicchasi yasmāttvaṃ māṃ dharṣayitumicchasi || 6.89.11 ||
yadi te prathame yuddhe na dṛṣṭo matparākramaḥ|adya te darśayiṣyāmi tiṣṭhedānīṃ vyavasthitaḥ || 6.89.12 ||
ityuktvā saptabhibāṇairabhivivyādha lakṣmaṇam|daśabhistu hanūmantaṃ tīkṣṇadhāraiḥ śarottamaiḥ || 6.89.13 ||
tataḥ śaraśatenaiva suprayuktena vīryavān|krodhāddviguṇasaṃrabdho nirbibheda vibhīṣaṇam || 6.89.14 ||
taddṛṣṭvendrajitā karma kṛtaṃ rāmānujastadā|acintayitvā prahasan naitat kiñciditi bruvan|mumoca sa śarān ghorān saṅgṛhya narapuṅgavaḥ || 6.89.15 ||
abhītavadanaḥ kruddho rāvaṇiṃ lakṣmaṇau yudhi|naivaṃ raṇagatāḥ śūrāḥ praharante niśācara || 6.89.16 ||n|laghavaścālpavīryāśca sukhā hīme śarāstava|naivaṃ śūrāstu yudhyante samare jayakāṅkṣiṇaḥ || 6.89.17 ||
ityevaṃ taṃ bruvāṇastu śaravarṣairavākirat || 6.89.18 ||
tasya bāṇaiḥ suvidhvastaṃ kavacaṃ hemabhūṣitam|vyaśīryata rathopasthe tārājālamivāmbarāt || 6.89.19 ||
vidhūtavarmā nārācairbabhūva sa kṛtavraṇaḥ|indrajit samare vīraḥ prarūḍha iva sānumān || 6.89.20 ||
tataḥ śarasahasreṇa saṅkruddho rāvaṇātmajaḥ|bibheda samare vīraṃ lakṣmaṇaṃ bhīmavikramaḥ || 6.89.21 ||
vyaśīryata mahādivyaṃ kavacaṃ lakṣmaṇasya ca|kṛtapratikṛtānyonyaṃ babhūvaturabhidrutau || 6.89.22 ||
abhīkṣṇaṃ niśvasantau tau yuddhyetāṃ tumulaṃ yudhi|śarasaṅkṛttasarvāṅgau sarvato rudhirokṣitau || 6.89.23 ||
sudīrghakālaṃ tau vīrāvanyonyaṃ niśitaiḥ śaraiḥ|tatakṣaturmahātmānau raṇakarmaviśāradau || 6.89.24 ||
babhūvatuścātmajaye yattau bhīmaparākramau|tau śaraughaistadā kīrṇau nikṛttakavacadhvajau|sravantau rudhiraṃ coṣṇaṃ jalaṃ prasravaṇāviva || 6.89.25 ||
śaravarṣaṃ tato ghoraṃ muñcatorbhīmanisvanam|sāsārayorivākāśe nīlayoḥ kālameghayoḥ || 6.89.26 ||
tayoratha mahān kālo vyatyayādyudhyamānayoḥ|na ca tau yuddhavaimukhyaṃ śramaṃ vāpyupajagmatuḥ || 6.89.27 ||
astrāṇyastravidāṃ śreṣṭhau darśayantau punaḥpunaḥ|śarānuccāvacākārānantarikṣe babandhatuḥ || 6.89.28 ||
vyapetadoṣamasyantau laghu citraṃ ca suṣṭhu ca|ubhau tau tumulaṃ ghoraṃ cakraturnararākṣasau || 6.89.29 ||
tayoḥ pṛthakpṛthagbhīmaḥ śuśruve talanisvanaḥ|prakampayan janaṃ ghoro nirghāta iva dāruṇaḥ || 6.89.30 ||
sa tayorbhrājate śabdastadā samarasaktayoḥ|sughorayorniṣṭanatorgagane megayoryathā || 6.89.31 ||
suvarṇapuṅkhairnārācairbalavantau kṛtavraṇau|prasusruvāte rudhiraṃ kīrtimantau jaye dhṛtau || 6.89.32 ||
te gātrayornipatitā rukmapuṅkhāḥ śarā yudhi|asṛṅnaddhā viniṣpatya viviśurdharaṇītalam || 6.89.33 ||
anye suniśitaiḥ śastrairākāśe sañjaghaṭṭire|babhañjuścicchiduścānye tayorbāṇāḥ sahasraśaḥ || 6.89.34 ||
sa babhūva raṇo ghorastayorbāṇamayaścayaḥ|agnibhyāmiva dīptābhyāṃ satre kuśamayaścayaḥ || 6.89.35 ||
tayoḥ kṛtavraṇau dehau śuśubhāte mahātmanoḥ|sapuṣpāviva niṣpatrau vane śālmalikiṃśukau || 6.89.36 ||
cakrutustumulaṃ ghoraṃ sannipātaṃ muhurmuhuḥ|indrajillakṣmaṇaścaiva parasparavadhaiṣiṇau || 6.89.37 ||
lakṣmaṇo rāvaṇiṃ yuddhe rāvaṇiścāpi lakṣmaṇam|anyonyaṃ tāvabhighnantau na śramaṃ pratyapadyatām || 6.89.38 ||
bāṇajālaiḥ śarīrasthairavagāḍhaistarasvinau|śuśubhāte mahāvīryo prarūḍhāviva parvatau || 6.89.39 ||
tayo rudhirasiktāni saṃvṛtāni śarairbhṛśam|babhrājuḥ sarvagātrāṇi jvalanta iva pāvakāḥ || 6.89.40 ||
tayoratha mahān kālo vyatyayādyudhyamānayoḥ|na ca tau yuddhavaimukhyaṃ śramaṃ vāpyupajagmatuḥ || 6.89.41 ||
atha samarapariśramaṃ nihantuṃ samaramukheṣvajitasya lakṣmaṇasya|priyahitamupapādayan mahaujāḥ samaramupetya vibhīṣaṇo 'vatasthe || 6.89.42 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekonanavatitamaḥ sargaḥ || 89 ||
yudhyamānau tu tau dṛṣṭvā prasaktau narākṣasau|prabhinnāviva mātaṅgau parasparavadhaiṣiṇau || 6.90.1 ||
tau draṣṭukāmaḥ saṅgrāme parasparagatau balī|śūraḥ sa rāvaṇabhrātā tasthau saṅgrāmamūrdhani || 6.90.2 ||
tato visphārayāmāsa mahaddhanuravasthitaḥ|utsasarja ca tīkṣṇāgrān rākṣaseṣu mahāśarān || 6.90.3 ||
te śarāḥ śikhisaṅkāśā nipatantaḥ samāhitāḥ|rākṣasān dārayāmāsurvajrāṇīva mahāgirīn || 6.90.4 ||
vibhīṣaṇasyānucarāste 'pi śūlāsipaṭṭiśaiḥ|cicchiduḥ samare vīrān rākṣasān rākṣasottamāḥ || 6.90.5 ||
rākṣasaistaiḥ parivṛtaḥ sa tadā tu vibhīṣaṇaḥ|babhau madhye prahṛṣṭānāṃ kalabhānāmiva dvipaḥ || 6.90.6 ||
tataḥ sañcodayāno vai harīn rakṣo raṇapriyān|uvāca vacanaṃ kāle kālajño rakṣasāṃ varaḥ || 6.90.7 ||
eko 'yaṃ rākṣasendrasya parāyaṇamiva sthitaḥ|etaccheṣaṃ balaṃ tasya kiṃ tiṣṭhata harīśvarāḥ || 6.90.8 ||
asmin vinihate pāpe rākṣase raṇamūrdhani|rāvaṇaṃ varjayitvā tu śeṣamasya hataṃ balam || 6.90.9 ||
prahasto nihato vīro nikumbhaśca mahābalaḥ|kumbhakarṇaśca kumbhaśca dhūmrākṣaśca niśācaraḥ || 6.90.10 ||
jambumālī mahāmālī tīkṣṇavego 'śaniprabhaḥ|suptaghno yajñakopaśca vajradaṃṣṭraśca rākṣasaḥ || 6.90.11 ||
saṃhrādī vikaṭo nighnastapano dama eva ca|praghāsaḥ praghasaścaiva prajaṅgho jaṅgha eva ca || 6.90.12 ||
agniketuśca durdharṣo raśmiketuśca vīryavān|vidyujjihvo dvijihvaśca sūryaśatruśca rākṣasaḥ || 6.90.13 ||
akampanaḥ supārśvaśca cakramālī ca rākṣasaḥ|kampanaḥ sattvavantau tau devāntakanarāntakau || 6.90.14 ||
etānnihatyātibalān bahūn rākṣasasattamān|bāhubhyāṃ sāgaraṃ tīrtvā laṅghyatāṃ goṣpadaṃ laghu || 6.90.15 ||
etāvadeva śeṣaṃ vo jetavyamiha vānarāḥ|hatāḥ sarve samāgamya rākṣasā baladarpitāḥ || 6.90.16 ||
ayuktaṃ nidhanaṃ kartuṃ putrasya janiturmama|ghṛṇāmapāsya rāmārthe nihanyāṃ bhrāturātmajam || 6.90.17 ||
hantukāmasya me bāṣpaṃ cakṣuścaiva niruddhyati|tamevaiṣa mahābāhurlakṣmaṇaḥ śamayiṣyati|vānarā ghnata sambhūya bhṛtyānasya samīpagān || 6.90.18 ||
iti tenātiyaśasā rākṣasenābhicoditāḥ|vānarendrā jahṛṣire lāṅgūlāni ca vivyadhuḥ || 6.90.19 ||
tataste kapiśārdūlāḥ kṣvelantaśca muhurmuhuḥ|mumucurvividhānnādān meghān dṛṣṭveva barhiṇaḥ || 6.90.20 ||
jāmbavānapi taiḥ sarvaiḥ svayūthairapi saṃvṛtaḥ|aśmabhistāḍayāmāsa nakhairdantaiśca rākṣasān || 6.90.21 ||
nighnantamṛkṣādhipatiṃ rākṣasāste mahābalāḥ|parivavrubhayaṃ tyaktvā tamanekavidhāyudhāḥ || 6.90.22 ||
śaraiḥ paraśubhistīkṣṇaiḥ paṭṭiśairyaṣṭitomaraiḥ|jāmbavantaṃ mṛdhe jaghnurnighnantaṃ rākṣasīṃ camūm || 6.90.23 ||
sa samprahārastumulaḥ sañjajñe kapirakṣasām|devāsurāṇāṃ kruddhānāṃ yathā bhīmo mahāsvanaḥ || 6.90.24 ||
hanumānapi saṅkruddhaḥ sālamutpāṭya vīryavān|rakṣasāṃ kadanaṃ cakre samāsādya sahasraśaḥ || 6.90.25 ||
sa dattvā tumulaṃ yuddhaṃ pitṛvyasyendrajidyudhi|lakṣmaṇaṃ paravīraghnaṃ punarevābhyadhāvata || 6.90.26 ||
tau prayuddhau tadā vīrau mṛdhe lakṣmaṇarākṣasau|śaraughānabhivarṣantau jaghnatustau parasparam || 6.90.27 ||
abhīkṣṇamantardadhatuḥ śarajālairmahābalau|candrādityāvivoṣṇānte yathā meghaistarasvinau || 6.90.28 ||
na hyādānaṃ na sandhānaṃ dhanuṣo vā parigrahaḥ|na vipramokṣo bāṇānāṃ na vikarṣo na vigrahaḥ || 6.90.29 ||
na muṣṭipratisandhānaṃ na lakṣyapratipādanam|adṛśyata tayostatra yudhyatoḥ pāṇilāghavāt || 6.90.30 ||
cāpavegavinirmuktabāṇajālaiḥ samantataḥ|antarikṣe hi sañchanne na rūpāṇi cakāśire || 6.90.31 ||
lakṣmaṇo rāvaṇiṃ prāpya rāvaṇiścāpi lakṣmaṇam|avyavasthā bhavatyugrā tābhyāmanyonyavigrahe || 6.90.32 ||
tābhyāmubhābhyāṃ tarasā visṛṣṭairviśikhaiḥ śitaiḥ|nirantaramivākāśaṃ babhūva tamasāvṛtam || 6.90.33 ||
taiḥ patadbhiśca bahubhistayoḥ śaraśataiḥ śitaiḥ|diśaśca pradiśaścaiva babhūvuḥ śarasaṅkulāḥ || 6.90.34 ||
tamasā saṃvṛtaṃ sarvamāsīdbhīmataraṃ mahat|astaṃ gate sahasrāṃśau saṃvṛtaṃ tamaseva hi || 6.90.35 ||
rudhiraughamahānadyaḥ prāvartanta sahasraśaḥ|kravyādā dāruṇā vāgbhiścikṣipurbhīmanisvanam || 6.90.36 ||
na tadānīṃ vavau vāyurna ca jajvāla pāvakaḥ|svastyastu lokebhya iti jajalpuśca maharṣayaḥ || 6.90.37 ||
sampetuścātra samprāptā gandharvāḥ saha cāraṇaiḥ || 6.90.38 ||
atha rākṣasasiṃhasya kṛṣṇān kanakabhūṣaṇān|śaraiścaturbhiḥ saumitrirvivyādha caturo hayān || 6.90.39 ||
tato 'pareṇa bhallena śitena niśitena ca|sampūrṇāyatamuktena supatreṇa suvarcasā || 6.90.40 ||
mahendrāśanikalpena sutasya vicariṣyataḥ|sa tena bāṇāśaninā talaśabdānunādinā || 6.90.41 ||
lāghavādrāghavaḥ śrīmān śiraḥ kāyādapāharat || 6.90.42 ||
sa yantari mahātejā hate mandodarīsutaḥ || 6.90.43 ||
svayaṃ sārathyamakarot punaśca dhanuraspṛśat|tadadbhutamabhūttatra sāmarthyaṃ paśyatāṃ yudhi || 6.90.44 ||
hayeṣu vyagrahastaṃ taṃ vivyādha niśitaiḥ śaraiḥ|dhanuṣyatha punarvyagre hayeṣu mumuce śarān || 6.90.45 ||
chidreṣu teṣu bāṇeṣu saumitriḥ śīghravikramaḥ|ardayāmāsa bāṇaughairvicarantamabhītavat || 6.90.46 ||
nihataṃ sārathiṃ dṛṣṭvā samare rāvaṇātmajaḥ|prajahau samaroddharṣaṃ viṣaṇṇaḥ sa babhūva ha || 6.90.47 ||
viṣaṇṇavadanaṃ dṛṣṭvā rākṣasaṃ hariyūthapāḥ|tataḥ paramasaṃhṛṣṭā lakṣmaṇaṃ cābhyapūjayan || 6.90.48 ||
tataḥ pramāthī śarabho rabhaso gandhamādanaḥ|amṛṣyamāṇāścatvāraścakrurvegaṃ harīśvarāḥ || 6.90.49 ||
te cāsya hayamukhyeṣu tūrṇamutplutya vānarāḥ|caturṣu samahāvīryā nipeturbhīmavikramāḥ || 6.90.50 ||
teṣāmadhiṣṭhitānāṃ tairvānaraiḥ parvatopamaiḥ|mukhebhyo rudhiraṃ raktaṃ hayānāṃ samavartata || 6.90.51 ||
te hayā mathitā bhagnā vyasavo dharaṇīṃ gatāḥ|te nihatya hayāṃstasya pramathya ca mahāratham || 6.90.52 ||
punarutpatya vegena tasthurlakṣmaṇapārśvataḥ|sa hatāśvādavaplutya rathānmathitasāratheḥ|śaravarṣeṇa saumitrimabhyadhāvata rāvaṇiḥ || 6.90.53 ||
tato mahendrapratimaḥ sa lakṣmaṇaḥ padātinaṃ taṃ niśitaiḥ śarottamaiḥ|sṛjantamājau niśitān śarottamān bhṛśaṃ tadā bāṇagaṇairnyavārayat || 6.90.54 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe navatitamaḥ sargaḥ || 90 ||
sa hatāśvo mahātejā bhūmau tiṣṭhanniśācaraḥ|indrajit paramakruddhaḥ samprajajvāla tejasā || 6.91.1 ||
tau dhanvinau jighāṃsantāvanyonyamiṣubhirbhṛśam|vijayenābhiniṣkrāntau vane gajavṛṣāviva || 6.91.2 ||
nibarhayantaścānyonyaṃ te rākṣasavanaukasaḥ|bhartāraṃ na jahuryuddhe sampatantastatastataḥ || 6.91.3 ||
tatastān rākṣasān sarvān harṣayan rāvaṇātmajaḥ|stuvāno harṣamāṇaśca idaṃ vacanamabravīt || 6.91.4 ||
tamasā bahulenemāḥ saṃsaktāḥ sarvato diśaḥ|neha vijñāyate svo vā paro vā rākṣasottamāḥ || 6.91.5 ||
dhṛṣṭaṃ bhavanto yudhyantu harīṇāṃ mohanāya vai|ahaṃ tu rathamāsthāya āgamiṣyāmi saṃyugam || 6.91.6 ||
tathā bhavantaḥ kurvantu yatheme kānanaukasaḥ|na yuddhyeyurdurātmānaḥ praviṣṭe nagaraṃ mayi || 6.91.7 ||
ityuktvā rāvaṇasuto vañcayitvā vanaukasaḥ|praviveśa purīṃ laṅkāṃ rathahetoramitrahā || 6.91.8 ||
sa rathaṃ bhūṣayitvā tu ruciraṃ hemabhūṣitam|prāsāsiśatasampūrṇaṃ yuktaṃ paramavājibhiḥ || 6.91.9 ||
adhiṣṭhitaṃ hayajñena sūtenāptopadeśinā|āruroha mahātejā rāvaṇiḥ samitiñjayaḥ || 6.91.10 ||
sa rākṣasagaṇairmukhyairvṛto mandodarīsutaḥ|niryayau nagarāttūrṇaṃ kṛtāntabalacoditaḥ || 6.91.11 ||
so 'bhiniṣkramya nagarādindrajit paravīrahā|ābhyayājjavanairaśvairlakṣmaṇaṃ savibhīṣaṇam || 6.91.12 ||
tato rathastamālokya saumitrī rāvaṇātmajam|vānarāśca mahāvīryā rākṣasaśca vibhīṣaṇaḥ|vismayaṃ paramaṃ jagmurlāghavāttasya dhīmataḥ || 6.91.13 ||
rāvaṇiścāpi saṅkruddho raṇe vānarayūthapān|pātayāmāsa bāṇaughaiḥ śataśo 'tha sahasraśaḥ || 6.91.14 ||
sa maṇḍalīkṛtadhanū rāvaṇiḥ samitiñjayaḥ|harīnabhyahanat kruddhaḥ paraṃ lāghavamāsthitaḥ || 6.91.15 ||
te vadhyamānā harayo nārācairbhīmavikramāḥ|saumitriṃ śaraṇaṃ prāptāḥ prajāpatimiva prajāḥ || 6.91.16 ||
tataḥ samarakopena jvalito raghunandanaḥ|ciccheda kārmukaṃ tasya darśayan pāṇilāghavam || 6.91.17 ||
so 'nyat kārmukamādaya sajyaṃ cakre tvaranniva|tadapyasya tribhirbāṇairlakṣmaṇo nirakṛntata || 6.91.18 ||
athainaṃ chinnadhanvānamāśīviṣaviṣopamaiḥ|vivyādhorasi saumitrī rāvaṇiṃ pañcabhiḥ śaraiḥ || 6.91.19 ||
te tasya kāyaṃ nirbhidya mahākārmukanissṛtāḥ|nipeturdharaṇīṃ bāṇā raktā iva mahoragāḥ || 6.91.20 ||
sa bhinnavarmā rudhiraṃ vaman vaktreṇa rāvaṇiḥ|jagrāha kārmukaśreṣṭhaṃ dṛḍhajyaṃ balavattaram || 6.91.21 ||
sa lakṣmaṇaṃ samuddiśya paraṃ lāghavamāsthitaḥ|vavarṣa śaravarṣāṇi varṣāṇīva purandaraḥ || 6.91.22 ||
muktamindrajitā tattu śaravarṣamarindamaḥ|avārayadasambhrānto lakṣmaṇaḥ sudurāsadam || 6.91.23 ||
darśayāmāsa ca tadā rāvaṇiṃ raghunandanaḥ|asambhrānto mahātejāstadadbhutamivābhavat || 6.91.24 ||
tatastān rākṣasān sarvāṃstribhirekaikamāhave || 6.91.25 ||
avidhyat paramakruddhaḥ śīghrāstraṃ sampradarśayan|rākṣasendrasutaṃ cāpi bāṇaughaiḥ samatāḍayat || 6.91.26 ||
so 'tividdho balavatā śatruṇā śatrughātinā|asaktaṃ preṣayāmāsa lakṣmaṇāya bahūn śarān || 6.91.27 ||
tānaprāptān śitairbāṇaiściccheda raghunandanaḥ|sāratherasya ca raṇe rathino rathasattamaḥ|śiro jahāra dharmātmā bhallenānataparvaṇā || 6.91.28 ||
asūtāste hayāstatra rathamūhuraviklavāḥ|maṇḍalānyabhidhāvantastadadbhutamivābhavat || 6.91.29 ||
amarṣavaśamāpannaḥ saumitrirddaḍhavikramaḥ|pratyaviddhyaddhayāṃstasya śarairvitrāsayan raṇe || 6.91.30 ||
amṛṣyamāṇastatkarma rāvaṇasya suto balī|vivyādha daśabhirbāṇaiḥ saumitriṃ tamamarṣaṇam || 6.91.31 ||
te tasya vajrapratimāḥ śarāḥ sarpaviṣopamāḥ|vilayaṃ jagmurāhatya kavacaṃ kāñcanaprabham || 6.91.32 ||
abhedyakavacaṃ matvā lakṣmaṇaṃ rāvaṇātmajaḥ|lalāṭe lakṣmaṇaṃ bāṇaiḥ supuṅkhaistribhirindrajit|avidhyat paramakruddhaḥ śīghrāstraṃ ca pradarśayan || 6.91.33 ||
taiḥ pṛṣatkairlalāṭasthaiḥ śuśubhe raghunandanaḥ|raṇāgre samaraślāghī triśṛṅga iva parvataḥ || 6.91.34 ||
sa tathā hyardito bāṇai rākṣasena mahāmṛdhe|tamāśu prativivyādha lakṣmaṇaḥ pañcabhiḥ śaraiḥ|vikṛṣyendrajito yuddhe vadane śubhakuṇḍale || 6.91.35 ||
lakṣmaṇendrajitau vīrau mahābalaśarāsanau|anyonyaṃ jaghnaturbāṇairviśikhairbhīmavikramau || 6.91.36 ||
tataḥ śoṇitadigdhāṅgau lakṣmaṇendrajitāvubhau|raṇe tau rejaturvīrau puṣpitāviva kiṃśukau || 6.91.37 ||
tau parasparamabhyetya sarvagātreṣu dhanvinau|ghorairvivyadhaturbāṇaiḥ kṛtabhāvāvubhau jaye || 6.91.38 ||
tataḥ samarakopena saṃyukto rāvaṇātmajaḥ|vibhīṣaṇaṃ tribhirbāṇairvivyādha vadane śubhe || 6.91.39 ||
ayomukhaistrirbhirviddhvā rākṣasendraṃ vibhīṣaṇam|ekaikenābhivivyādha tān sarvān hariyūthapān || 6.91.40 ||
tasmai dṛḍhataraṃ kruddho jaghāna gadayā hayān|vibhīṣaṇo mahātejā rāvaṇeḥ sa durātmanaḥ || 6.91.41 ||
sa hatāśvādavaplutya rathānnihatasāratheḥ|rathaśaktiṃ mahātejāḥ pitṛvyāya mumoca ha || 6.91.42 ||
tāmāpatantīṃ samprekṣya sumitrānandavardhanaḥ|ciccheda niśitairbāṇairdaśadhā sā 'patadbhuvi || 6.91.43 ||
tasmai dṛḍhadhanuḥ kruddho hatāśvāya vibhīṣaṇaḥ|vajrasparśasamān pañca sasarjorasi mārgaṇān || 6.91.44 ||
te tasya kāyaṃ nirbhidya rukmapuṅkhā nimittagāḥ|babhūvurlohitādigdhā raktā iva mahoragāḥ || 6.91.45 ||
sa pitṛvyāya saṅkruddha indrajiccharamādade|uttamaṃ rakṣasāṃ madhye yamadattaṃ mahābalaḥ || 6.91.46 ||
taṃ samīkṣya mahātejā maheṣuṃ tena saṃhitam|lakṣmaṇo 'pyādade bāṇamanyaṃ bhīmaparākramaḥ || 6.91.47 ||
kubereṇa svayaṃ svapne svasmai dattaṃ mahātmanā|durjayaṃ durviṣahyaṃ ca sendrairapi surāsuraiḥ || 6.91.48 ||
tayoste dhanuṣī śreṣṭhe bāhubhiḥ parighopamaiḥ|vikṛṣyamāṇe balavat krauñcāviva cukūjatuḥ || 6.91.49 ||
tābhyāṃ tau dhanuṣi śreṣṭhe saṃhitau sāyakottamau|vikṛṣyamāṇau vīrābhyāṃ bhṛśaṃ jajvalatuḥ śriyā || 6.91.50 ||
tau bhāsayantāvākāśaṃ dhanurbhyāṃ viśikhau cyutau|mukhena mukhamāhatya sannipetaturojasā || 6.91.51 ||
sannipātastayorāsīccharayorghorarūpayoḥ|sadhūmavisphuliṅgaśca tajjo 'gnirdāruṇo 'bhavat || 6.91.52 ||
tau mahāgrahasaṅkāśāvanyonyaṃ sannipatya ca|saṅgrāme śatadhā yāntau medinyāṃ vinipetatuḥ || 6.91.53 ||
śarau pratihatau dṛṣṭvā tāvubhau raṇamūrdhani|vrīḍitau jātaroṣau ca lakṣmaṇendrajitau tadā || 6.91.54 ||
susaṃrabdhastu saumitrirastraṃ vāruṇamādade || 6.91.55 ||
raudraṃ mahendrajidyuddhe vyasṛjadyudhi niṣṭhitaḥ|tena tadvihataṃ tvastraṃ vāruṇaṃ paramādbhutam || 6.91.56 ||
tataḥ kruddho mahātejā indrajit samitiñjayaḥ|āgneyaṃ sandadhe dīptaṃ sa lokaṃ saṅkṣipanniva || 6.91.57 ||
saureṇāstreṇa tadvīro lakṣmaṇaḥ pratyavārayat || 6.91.58 ||
astraṃ nivāritaṃ dṛṣṭvā rāvaṇiḥ krodhamūrcchitaḥ|āsuraṃ śatrunāśāya ghoramastraṃ samādade || 6.91.59 ||
tasmāccāpādviniṣpeturbhāsvarāḥ kūṭamudgarāḥ|śūlāni ca bhuśuṇḍyaśca gadāḥ khaḍgāḥ paraśvadhāḥ || 6.91.60 ||
taddṛṣṭvā lakṣmaṇaḥ saṅkhye ghoramastramathāsuram|avāryaṃ sarvabhūtānāṃ sarvaśatruvināśanam|māheśvareṇa dyutimāṃstadastraṃ pratyavārayat || 6.91.61 ||
tayoḥ sutumulaṃ yuddhaṃ sambabhūvādbhutopamam|gaganasthāni bhūtāni lakṣmaṇaṃ paryavārayan || 6.91.62 ||
bhairavābhirute bhīme yuddhe vānararakṣasām|bhūtairbahubhirākāśaṃ vismitairāvṛtaṃ babhau || 6.91.63 ||
ṛṣayaḥ pitaro devā gandharvā garuḍoragāḥ|śatakratuṃ puraskṛtya rarakṣurlakṣmaṇaṃ raṇe || 6.91.64 ||
athānyaṃ mārgaṇaśreṣṭhaṃ sandadhe rāghavānujaḥ|hutāśanasamasparśaṃ rāvaṇātmajadāraṇam || 6.91.65 ||
supatramanuvṛttāṅgaṃ suparvāṇaṃ susaṃsthitam|suvarṇavikṛtaṃ vīraḥ śarīrāntakaraṃ śaram || 6.91.66 ||
durāvāraṃ durviṣahyaṃ rākṣasānāṃ bhayāvaham|āśīviṣaviṣaprakhyaṃ devasaṅghaiḥ samarcitam || 6.91.67 ||
yena śakro mahātejā dānavānajayat prabhuḥ|purā daivāsure yuddhe vīryavān harivāhanaḥ || 6.91.68 ||
tadaindramastraṃ saumitriḥ saṃyugeṣvaparājitam|śaraśreṣṭhaṃ dhanuḥ śreṣṭhe naraśreṣṭho 'bhisandadhe || 6.91.69 ||
sandhāyāmitradalanaṃ vicakarṣa śarāsanam|sajyamāyamya durdharṣaṃ kālo lokakṣaye yathā || 6.91.70 ||
sandhāya dhanuṣi śreṣṭhe vikarṣannidamabravīt|lakṣmīvā~llakṣmaṇo vākyamarthasādhakamātmanaḥ || 6.91.71 ||
dharmātmā satyasandhaśca rāmo dāśarathiryadi|pauruṣe cāpratidvandvaḥ śarainaṃ jahi rāvaṇim || 6.91.72 ||
ityuktvā bāṇamākarṇaṃ vikṛṣya tamajihmagam|lakṣmaṇaḥ samare vīraḥ sasarjendrajitaṃ prati|aindrāstreṇa samāyojya lakṣmaṇaḥ paravīrahā || 6.91.73 ||
sa śiraḥ saśirastrāṇaṃ śrīmajjvalitakuṇḍalam|pramathyendrajitaḥ kāyāt pātayāmāsa bhūtale || 6.91.74 ||
tadrākṣasatanūjasya chinnaskandhaṃ śiro mahat|tapanīyanibhaṃ bhūmau dadṛśe rudhirokṣitam || 6.91.75 ||
hatastu nipapātāśu dharaṇyāṃ rāvaṇātmajaḥ|kavacī saśirastrāṇo vidhvastaḥ saśarāsanaḥ || 6.91.76 ||
cukruśuste tataḥ sarve vānarāḥ savibhīṣaṇāḥ|hṛṣyanto nihate tasmin devā vṛtravadhe yathā || 6.91.77 ||
athāntarikṣe devānāmṛṣīṇāṃ ca mahātmanām|abhijajñe ca sannādo gandharvāpsarasāmapi || 6.91.78 ||
patitaṃ tamabhijñāya rākṣasī sā mahācamūḥ|vadhyamānā diśo bheje haribhirjitakāśibhiḥ || 6.91.79 ||
vānarairvadhyamānāste śastrāṇyutsṛjya rākṣasāḥ|laṅkāmabhimukhāḥ sastrurnaṣṭasañjñāḥ pradhāvitāḥ || 6.91.80 ||
dudruvurbahudhā bhītā rākṣasāḥ śataśo diśaḥ|tyaktvā praharaṇān sarve paṭṭiśāsiparaśvadhān || 6.91.81 ||
kecillaṅkāṃ paritrastāḥ praviṣṭā vānarārditāḥ|samudre patitāḥ kecit kecit parvatamāśritāḥ || 6.91.82 ||
hatamindrajitaṃ dṛṣṭvā śayānaṃ samarakṣitau|rākṣasānāṃ sahasreṣu na kaścit pratyadṛśyata || 6.91.83 ||
yathā 'staṃ gata āditye nāvatiṣṭhanti raśmayaḥ|tathā tasminnipatite rākṣasāste gatā diśaḥ || 6.91.84 ||
śāntaraśmirivādityo nirvāṇa iva pāvakaḥ|sa babhūva mahātejā vyapāstagatajīvitaḥ || 6.91.85 ||
praśāntapīḍābahulo naṣṭāriṣṭaḥ pratāpavān|babhūva lokaḥ patite rākṣasendrasute tadā || 6.91.86 ||
harṣaṃ ca śakro bhagavān saha sarvaiḥ surarṣabhaiḥ|jagāma nihate tasmin rākṣase pāpakarmaṇi || 6.91.87 ||
ākāśe cāpi devānāṃ śuśruve dundubhisvanaḥ || 6.91.88 ||
nṛtyadbhirapsarobhiśca gandharvaiśca mahātmabhiḥ || 6.91.89 ||
vavṛṣuḥ puṣpavarṣāṇi tadadbhutamabhūttadā|praśaśaṃsurhate tasmin rākṣase krūrakarmaṇi || 6.91.90 ||
śuddhā āpo diśaścaiva jahṛṣurdaityadānavāḥ || 6.91.91 ||
ājagmuḥ patite tasmin sarvalokabhayāvahe|ūcuśca sahitāḥ sarve devagandharvadānavāḥ|vijvarāḥ śāntakaluṣā brāhmaṇā vicarantviti || 6.91.92 ||
tato 'bhyanandan saṃhṛṣṭāḥ samare hariyūthapāḥ|tamapratibalaṃ dṛṣṭvā hataṃ nairṛtapuṅgavam || 6.91.93 ||
vibhīṣaṇo hanūmāṃśca jāmbavāṃścarkṣayūthapaḥ|vijayenābhinandantastuṣṭuvuścāpi lakṣmaṇam || 6.91.94 ||
kṣvelantaśca nadantaśca garjantaśca plavaṅgamāḥ|labdhalakṣā raghusutaṃ parivāryopatasthire || 6.91.95 ||
lāṅgūlāni pravidhyantaḥ sphoṭayantaśca vānarāḥ|lakṣmaṇo jayatītyevaṃ vākyaṃ viśrāvayaṃstadā || 6.91.96 ||
anyonyaṃ ca samāśliṣya kapayo hṛṣṭamānasāḥ|cakruruccāvacaguṇā rāghavāśrayajāḥ kathāḥ || 6.91.97 ||
tadasukaramathābhivīkṣya hṛṣṭāḥ priyasuhṛdo yudhi lakṣmaṇasya karma|paramamupalabhan manaḥ praharṣaṃ vinihatamindraripuṃ niśamya devāḥ || 6.91.98 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekanavatitamaḥ sargaḥ || 91 ||
rudhiraklinnagātrastu lakṣmaṇaḥ śubhalakṣaṇaḥ|babhūva hṛṣṭastaṃ hatvā śakrajetāramāhave || 6.92.1 ||
tataḥ sa jāmbavantaṃ ca hanumantaṃ ca vīryavān|sannihatya mahātejāstāṃśca sarvān vanaukasaḥ || 6.92.2 ||
ājagāma tatastīvraṃ yatra sugrīvarāghavau|vibhīṣaṇamavaṣṭabhya hanūmantaṃ ca lakṣmaṇaḥ || 6.92.3 ||
tato rāmamabhikramya saumitrirabhivādya ca|tasthau bhrātṛsamīpastha indrasyeva bṛhaspatiḥ || 6.92.4 ||
niṣṭananniva cāgamya rāghavāya mahātmane|ācacakṣe tadā vīro ghoramindrajito vadham || 6.92.5 ||
rāvaṇestu śiraśchinnaṃ lakṣmaṇena mahātmanā|nyavedayata rāmāya tadā hṛṣṭo vibhīṣaṇaḥ || 6.92.6 ||
śrutvaitattu mahāvīryo lakṣmaṇenendrajidvadham|praharṣamatulaṃ lebhe rāmo vākyamuvāca ha || 6.92.7 ||
sādhu lakṣmaṇa tuṣṭo 'smi karmaṇā sukṛtaṃ kṛtam|rāvaṇerhi vināśena jitamityupadhāraya || 6.92.8 ||
sa taṃ śirasyupāghrāya lakṣmaṇaṃ lakṣmivardhanam|lajjamānaṃ balāt snehādaṅkamāropya vīryavān || 6.92.9 ||
upaveśya tamutsaṅge pariṣvajyāvapīḍitam|bhrātaraṃ lakṣmaṇaṃ snigdhaṃ punaḥpunarudaikṣata || 6.92.10 ||
śalyasampīḍitaṃ śastaṃ niśvasantaṃ tu lakṣmaṇam|rāmastu duḥkhasantaptastadā niśvasito bhṛśam || 6.92.11 ||
mūrdhni cainamupāghrāya bhūyaḥ saṃspṛśya ca tvaran|uvāca lakṣmaṇaṃ vākyamāśvasya puruṣarṣabhaḥ || 6.92.12 ||
kṛtaṃ paramakalyāṇaṃ karma duṣkarakarmaṇā|adya manye hate putre rāvaṇaṃ nihataṃ yudhi|adyāhaṃ vijayī śatrau hate tasmin durātmani || 6.92.13 ||
rāvaṇasya nṛśaṃsasya diṣṭyā vīra tvayā raṇe|chinno hi dakṣiṇo bāhuḥ sa hi tasya vyāpaśrayaḥ || 6.92.14 ||
vibhīṣaṇahanūmadbhayāṃ kṛtaṃ karma mahadraṇe|ahorātraistribhirvīraḥ kathañcidvinipātitaḥ || 6.92.15 ||
niramitraḥ kṛto 'smyadya niryāsyati hi rāvaṇaḥ|balavyūhena mahatā śrutvā putraṃ nipātitam || 6.92.16 ||
taṃ putravadhasantaptaṃ niryāntaṃ rākṣasādhipam|balenāvṛtya mahatā nihaniṣyāmi durjayam || 6.92.17 ||
tvayā lakṣmaṇa nāthena sītā ca pṛthivī ca me|na duṣprāpā hate tvadya śakrajetari cāhave || 6.92.18 ||
sa taṃ bhrātaramāśvāsya pariṣvajya ca rāghavaḥ|rāmaḥ suṣeṇaṃ muditaḥ samābhāṣyedamabravīt || 6.92.19 ||
saśalyo 'yaṃ mahāprājña saumitrirmitravatsalaḥ|yathā bhavati susvasthastathā tvaṃ samupācara || 6.92.20 ||
viśalyaḥ kriyatāṃ kṣipraṃ saumitriḥ savibhīṣaṇaḥ|ṛkṣavānarasainyānāṃ śūrāṇāṃ drumayodhinām || 6.92.21 ||
ye cāpyanye 'tra yudhyanti saśalyā vraṇinastathā|te 'pi sarve prayatnena kriyantāṃ sukhinastvayā || 6.92.22 ||
evamuktastu rāmeṇa mahātmā hariyūthapaḥ|lakṣmaṇāya dadau nastaḥ suṣeṇaḥ paramauṣadhim || 6.92.23 ||
sa tasyā gandhamāghrāya viśalyaḥ samapadyata|tathā nirvedanaścaiva saṃrūḍhavraṇa eva ca || 6.92.24 ||
vibhīṣaṇamukhānāṃ ca suhṛdāṃ rāghavājñayā|sarvavānaramukhyānāṃ cikitsāṃ sa tadā 'karot || 6.92.25 ||
tataḥ prakṛtimāpanno hṛtaśalyo gatavyathaḥ|saumitrirmuditastatra kṣaṇena vigatajvaraḥ || 6.92.26 ||
tathaiva rāmaḥ plavagādhipastadā vibhīṣaṇaścarkṣapatiśca jāmbavān|avekṣya saumitrimarogamutthitaṃ mudā sasainyāḥ suciraṃ jaharṣire || 6.92.27 ||
apūjayat karma sa lakṣmaṇasya suduṣkaraṃ dāśarathirmahātmā|hṛṣṭā babhūvuryudhi yūthapendrā nipātitaṃ śakrajitaṃ niśamya || 6.92.28 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe dvinavatitamaḥ sargaḥ || 92 ||
tataḥ paulastyasacivāḥ śrutvā cendrajitaṃ hatam|ācacakṣurabhijñāya daśagrīvāya savyathāḥ || 6.93.1 ||
yuddhe hato mahārāja lakṣmaṇena tavātmajaḥ|vibhīṣaṇasahāyena miṣatāṃ no mahādyutiḥ || 6.93.2 ||
śūraḥ śūreṇa saṅgamya saṃyugeṣvaparajitaḥ|lakṣmaṇena hataḥ śūraḥ putrastu vibudhendrajit|gataḥ sa paramān lokān śaraiḥ santāpya lakṣmaṇam || 6.93.3 ||
sa taṃ pratibhayaṃ śrutvā vadhaṃ putrasya dāruṇam|ghoramindrajitaḥ saṅkhye kaśmalaṃ cāviśanmahat || 6.93.4 ||
upalabhya cirāt sañjñāṃ rājā rākṣasapuṅgavaḥ|putraśokārdito dīno vilalāpākulendriyaḥ || 6.93.5 ||
hā rākṣasacamūmukhya mama vatsa mahāratha|jitvendraṃ kathamadya tvaṃ lakṣmaṇasya vaśaṃ gataḥ || 6.93.6 ||
nanu tvamiṣubhiḥ kruddho bhindyāḥ kālāntakāvapi|mandarasyāpi śṛṅgāṇi kiṃ punarlakṣmaṇaṃ yudhi || 6.93.7 ||
adya vaivasvato rājā bhūyo bahumato mama|yenādya tvaṃ mahābāho saṃyuktaḥ kāladharmaṇā || 6.93.8 ||
eṣa panthāḥ suyodhānāṃ sarvāmaragaṇeṣvapi || 6.93.9 ||
yaḥ kṛte hanyate bhartuḥ sa pumān svargamṛcchati|adya devagaṇāḥ sarve lokapālāstatharṣayaḥ|hatamindrajitaṃ śrutvā sukhaṃ svapsyanti nirbhayāḥ || 6.93.10 ||
adya lokāstrayaḥ kṛtsnā pṛthivī ca sakānanā|ekenendrajitā hīnā śūnyeva pratibhāti me || 6.93.11 ||
adya nairṛtakanyānāṃ śroṣyāmyantaḥpure ravam|kareṇusaṅghasya yathā ninādaṃ girigahvare || 6.93.12 ||
yauvarājyaṃ ca laṅkāṃ ca rakṣāṃsi ca parantapa|mātaraṃ māṃ ca bhāryāṃ ca kva gato 'si vihāya naḥ || 6.93.13 ||
mama nāma tvayā vīra gatasya yamasādanam|pretakāryāṇi kāryāṇi viparīte hi vartase || 6.93.14 ||
sa tvaṃ jīvati sugrīve lakṣmaṇe ca sarāghave|mama śalyamanuddhṛtya kva gato 'si vihāya naḥ || 6.93.15 ||
evamādivilāpārtaṃ rāvaṇaṃ rākṣasādhipam|āviveśa mahān kopaḥ putravyasanasambhavaḥ || 6.93.16 ||
prakṛtyā kopanaṃ hyenaṃ putrasya punarādhayaḥ|dīptaṃ sandīpayāmāsurgharme 'rkamiva raśmayaḥ || 6.93.17 ||
lalāṭe bhrukuṭībhiśca saṅgatābhirvyārocata|yugānte saha nakraistu mahormibhirivodadhiḥ || 6.93.18 ||
kopādvijṛmbhamāṇasya vaktrād vyaktamabhijvalan|utpapāta sa bhūyo 'gnirvṛtrasya vadanādiva || 6.93.19 ||
sa putravadhasantaptaḥ śūraḥ krodhavaśaṃ gataḥ|samīkṣya rāvaṇo buddhyā vaidehyā rocayadvadham || 6.93.20 ||
tasya prakṛtyā rakte ca rakte krodhāgninā 'pi ca|rāvaṇasya mahāghore dīpte netre babhūvatuḥ || 6.93.21 ||
ghoraṃ prakṛtyā rūpaṃ tattasya krodhāgnimūrcchitam|babhūva rūpaṃ kruddhasya ruddhasyeva durāsadam || 6.93.22 ||
tasya kruddhasya netrābhyāṃ prāptatannasrabindavaḥ|dīptābhyāmiva dīpābhyāṃ sārciṣaḥ snehabindavaḥ || 6.93.23 ||
dantān vidaśatastasya śrūyate daśanasvanaḥ|yantrasyāveṣṭyamānasya mahato dānavairiva || 6.93.24 ||
kālāgniriva saṅkruddho yāṃ yāṃ diśamavaikṣata|tasyāṃ tasyāṃ bhayatrastā rākṣasāḥ saṃvililyire || 6.93.25 ||
tamantakamiva kruddhaṃ carācaracikhādiṣum|vīkṣamāṇaṃ diśaḥ sarvā rākṣasā nopacakramuḥ || 6.93.26 ||
tataḥ paramasaṅkruddho rāvaṇo rākṣasādhipaḥ|abravīdrakṣasāṃ madhye saṃstambhayiṣurāhave || 6.93.27 ||
mayā varṣasahasrāṇi caritvā duścaraṃ tapaḥ|teṣu teṣvavakāśeṣu svayambhūḥ paritoṣitaḥ || 6.93.28 ||
tasyaiva tapaso vyuṣṭyā prasādācca svayambhuvaḥ|nāsurebhyo na devebhyo bhayaṃ mama kadācana || 6.93.29 ||
kavacaṃ brahmadattaṃ me yadādityasamaprabham|devāsuravimardeṣu na bhinnaṃ vajraśaktibhiḥ || 6.93.30 ||
tena māmadya saṃyuktaṃ rathasthamiha saṃyuge|pratīyāt ko 'dya māmājau sākṣādapi purandaraḥ || 6.93.31 ||
yattadā 'bhiprasannena saśaraṃ kārmukaṃ mahat|devāsuravimardeṣu mama dattaṃ svayambhuvā || 6.93.32 ||
adya tūryaśatairbhīmaṃ dhanurutthāpyatāṃ mama|rāmalakṣmaṇayoreva vadhāya paramāhave || 6.93.33 ||
sa putravadhasantaptaḥ śūraḥ krodhavaśaṃ gataḥ|samīkṣya rāvaṇo buddhyā sītāṃ hantuṃ vyavasyata || 6.93.34 ||
pratyavekṣya tu tāmrākṣaḥ sughoro ghoradarśanaḥ|dīno dīnasvarān sarvāṃstānuvāca niśācarān || 6.93.35 ||
māyayā mama vatsena vañcanārthaṃ vanaukasām|kiñcideva hataṃ tatra sīteyamiti darśitam || 6.93.36 ||
tadidaṃ tathyamevāhaṃ kariṣye priyamātmanaḥ|vaidehīṃ nāśayiṣyāmi kṣatrabandhumanuvratām || 6.93.37 ||
ityevamuktvā sacivān khaḍgamāśu parāmṛśat || 6.93.38 ||
uddhṛtya guṇasampannaṃ vimalāmbaravarcasam|niṣpapāta sa vegena sabhāryaḥ sacivairvṛtaḥ || 6.93.39 ||
rāvaṇaḥ putraśokena bhṛśamākulacetanaḥ|saṅkruddhaḥ khaḍgamādāya sahasā yatra maithilī || 6.93.40 ||
vrajantaṃ rākṣasaṃ prekṣya siṃhanādaṃ pracukruśuḥ|ūcuścānyonyamāśliṣya saṅkruddhaṃ prekṣya rākṣasāḥ || 6.93.41 ||
adyainaṃ tāvubhau dṛṣṭvā bhrātarau pravyathiṣyataḥ|lokapālā hi catvāraḥ kruddhenānena nirjitāḥ || 6.93.42 ||
bahavaḥ śatravaścāpi saṃyugeṣu nipātitāḥ|triṣu lokeṣu ratnāni bhuṅkte cāhṛtya rāvaṇaḥ || 6.93.43 ||
vikrame ca bale caiva nāstyasya sadṛśo bhuvi || 6.93.44 ||
teṣāṃ sañjalpamānānāmaśokavanikāṃ gatām|abhidudrāva vaidehīṃ rāvaṇaḥ krodhamūrcchitaḥ || 6.93.45 ||
vāryamāṇaḥ susaṅkruddhaḥ suhṛdbhirhitabuddhibhiḥ|abhyadhāvata saṅkruddhaḥ khe graho rohiṇīmiva || 6.93.46 ||
maithilī rakṣyamāṇā tu rākṣasībhiraninditā|dadarśa rākṣasaṃ kruddhaṃ nistriṃśavaradhāriṇam || 6.93.47 ||
taṃ niśāmya sanistriṃśaṃ vyathitā janakātmajā|nivāryamāṇaṃ bahuśaḥ suhṛdbhiranuvartinam|sītā duḥkhasamāviṣṭā vilapantīdamabravīt || 6.93.48 ||
yathā 'yaṃ māmabhikruddhaḥ samabhidravati svayam|vadhiṣyati sanāthāṃ māmanāthāmiva durmatiḥ || 6.93.49 ||
bahuśaścodayāmāsa bhartāraṃ māmanuvratām|bhāryā bhava ramasveti pratyākhyāto dhruvaṃ mayā || 6.93.50 ||
so 'yaṃ mamānupasthāne vyaktaṃ nairāśyamāgataḥ|krodhamohasamāviṣṭo nihantuṃ māṃ samudyataḥ || 6.93.51 ||
athavā tau naravyāghrau bhrātarau rāmalakṣmaṇau|mannimittamanāryeṇa samare 'dya nipātitau|aho dhiṅmannimitto 'yaṃ vināśo rājaputrayoḥ || 6.93.52 ||
athavā putraśokena ahatvā rāmalakṣmaṇau|vidhamiṣyati māṃ raudro rākṣasaḥ pāpaniścayaḥ || 6.93.53 ||
hanūmato 'pi yadvākyaṃ na kṛtaṃ kṣudrayā mayā || 6.93.54 ||
yadyahaṃ tasya pṛṣṭhena tadā yāyāmaninditā|nādyaivamanuśoceyaṃ bharturaṅkagatā satī || 6.93.55 ||
manye tu hṛdayaṃ tasyāḥ kausalyāyāḥ phaliṣyati|ekaputrā yadā putraṃ vinaṣṭaṃ śroṣyate yudhi || 6.93.56 ||
sā hi janma ca bālyaṃ ca yauvanaṃ ca mahātmanaḥ|dharmakāryānurūpaṃ ca rudantī saṃsmariṣyati || 6.93.57 ||
nirāśā nihate putre dattvā śrāddhamacetanā|agnimārokṣyate nūnamapo vā 'pi pravekṣyati || 6.93.58 ||
dhigastu kubjāmasatīṃ mantharāṃ pāpaniścayām|yannimittamidaṃ duḥkhaṃ kausalyā pratipatsyate || 6.93.59 ||
ityevaṃ maithilīṃ dṛṣṭvā vilapantīṃ tapasvinīm|rohiṇīmiva candreṇa vinā grahavaśaṃ gatām || 6.93.60 ||
etasminnantare tasya amātyo buddhimān śuciḥ|supārśvo nāma medhāvī rākṣaso rākṣaseśvaram|nivāryamāṇaṃ sacivairidaṃ vacanamabravīt || 6.93.61 ||
kathaṃ nāma daśagrīva sākṣādvaiśravaṇānuja|hantumicchasi vaidehīṃ krodhāddharmamapāsya hi || 6.93.62 ||
vedavidyāvratasnātaḥ svakarmanirataḥ sadā|striyāḥ kasmādvadhaṃ vīra manyase rākṣaseśvara || 6.93.63 ||
maithilīṃ rūpasampannāṃ pratyavekṣasva pārthiva|tvameva tu sahāsmābhī rāghave krodhamutsṛja || 6.93.64 ||
abhyutthānaṃ tvamadyaiva kṛṣṇapakṣacaturdaśīm|kṛtvā niryāhyamāvāsyāṃ vijayāya balairvṛtaḥ || 6.93.65 ||
śūro dhīmān rathī khaḍgī rathapravaramāsthitaḥ|hatvā daśarathiṃ rāmaṃ bhavān prāpsyati maithilīm || 6.93.66 ||
sa taddurātmā suhṛdā niveditaṃ vacaḥ sudharmyaṃ pratigṛhya rāvaṇaḥ|gṛhaṃ jagāmātha tataśca vīryavān punaḥ sabhāṃ ca prayayau suhṛdvṛtaḥ || 6.93.67 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe trinavatitamaḥ sargaḥ || 93 ||
sa praviśya sabhāṃ rājā dīnaḥ paramaduḥkhitaḥ|niṣasādāsane siṃhaḥ kruddha iva śvasan || 6.94.1 ||
abravīcca sa tān sarvān balamukhyān mahābalaḥ|rāvaṇaḥ prāñjalirvākyaṃ putravyasanakarśitaḥ || 6.94.2 ||
sarve bhavantaḥ sarveṇa hastyaśvena samāvṛtāḥ|niryāntu rathasaṅghaiśca pādātaiścopaśobhitāḥ || 6.94.3 ||
ekaṃ rāmaṃ parikṣipya samare hantumarhatha|varṣantaḥ śaravarṣeṇa prāvṛṭkāla ivāmbudāḥ || 6.94.4 ||
athavā 'haṃ śaraistīkṣṇairbhinnagātraṃ mahāraṇe|bhavadbhiḥ śvo nihantāsmi rāmaṃ lokasya paśyataḥ || 6.94.5 ||
ityetadrākṣasendrasya vākyamādāya rākṣasāḥ|niryayuste rathaiḥ śīghrairnānānīkaiḥ susaṃvṛtāḥ || 6.94.6 ||
parighān paṭṭiśāṃścaiva śarakhaḍgaparaśvadhān|śarīrāntakarān sarve cikṣipurvānarān prati || 6.94.7 ||
vānarāśca drumān śailān rākṣasān prati cikṣipuḥ || 6.94.8 ||
sa saṅgrāmo mahān bhīmaḥ sūryasyodayanaṃ prati|rakṣasāṃ vānarāṇāṃ ca tumulaḥ samapadyata || 6.94.9 ||
te gadābhirvicitrābhiḥ prāśaiḥ khaḍgaiḥ paraśvadhaiḥ|anyonyaṃ samare jaghnustadā vānararākṣasāḥ || 6.94.10 ||
evaṃ pravṛtte saṅgrāme hyudbhūtaṃ sumahadrajaḥ|rakṣasāṃ vānarāṇāṃ ca śāntaṃ śoṇitavisravaiḥ || 6.94.11 ||
mātaṅgarathakūlāśca vājimatsyā dhvajadrumāḥ|śarīrasaṅghāṭavahāḥ prasasruḥ śoṇitāpagāḥ || 6.94.12 ||
tataste vānarāḥ sarve śoṇitaughapariplutāḥ|dhvajavarmarathānaśvānnānāpraharaṇāni ca|āplutyāplutya samare rākṣasānāṃ babhañjire || 6.94.13 ||
keśān karṇalalāṭāṃśca nāsikāśca plavaṅgamāḥ|rakṣasāṃ daśanaistīkṣṇairnakhaiścāpi nyakartayan || 6.94.14 ||
ekaikaṃ rākṣasaṃ saṅkhye śataṃ vānarapuṅgavāḥ|abhyadhāvanta phalinaṃ vṛkṣaṃ śakunayo yathā || 6.94.15 ||
tathā gadābhirgurvībhiḥ prāsaiḥ khaḍgaiḥ paraśvadhaiḥ|nijaghnurvānarān ghorān rākṣasāḥ parvatopamāḥ || 6.94.16 ||
rākṣasairyuddhyāmānānāṃ vānarāṇāṃ mahācamūḥ|śaraṇyaṃ śaraṇaṃ yātā rāmaṃ daśarathātmajam || 6.94.17 ||
tato rāmo mahātejā dhanurādāya vīryavān|praviśya rākṣasaṃ sainyaṃ śaravarṣaṃ vavarṣa ha || 6.94.18 ||
praviṣṭaṃ tu tadā rāmaṃ meghāḥ sūryamivāmbare|nābhijagmurmahāghoraṃ nirdahantaṃ śarāgninā || 6.94.19 ||
kṛtānyeva sughorāṇi rāmeṇa rajanīcarāḥ|raṇe rāmasya dadṛśuḥ karmāṇyasukarāṇi ca || 6.94.20 ||
cālayantaṃ mahānīkaṃ vidhamantaṃ mahārathān|dadṛśuste na vai rāmaṃ vātaṃ vanagataṃ yathā || 6.94.21 ||
chinnaṃ bhinnaṃ śarairdagdhaṃ prabhagnaṃ śastrapīḍitam|balaṃ rāmeṇa dadṛśurna rāmaṃ śīghrakāriṇam || 6.94.22 ||
praharantaṃ śarīreṣu na te paśyanti rāghavam|indriyārtheṣu tiṣṭhantaṃ bhūtātmānamiva prajāḥ || 6.94.23 ||
eṣa hanti gajānīkameṣa hanti mahārathān|eṣa hanti śaraistīkṣṇaiḥ padātīn vājibhiḥ saha || 6.94.24 ||
iti te rākṣasāḥ sarve rāmasya sadṛśān raṇe|anyonyaṃ kupitā jaghnuḥ sādṛśyādrāghavasya te || 6.94.25 ||
na te dadṛśire rāmaṃ dahantamarivāhinīm|mohitāḥ paramāstreṇa gāndharveṇa mahātmanā || 6.94.26 ||
te tu rāmasahasrāṇi raṇe paśyanti rākṣasāḥ|punaḥ paśyanti kākutsthamekameva mahāhave || 6.94.27 ||
bhramantīṃ kāñcanīṃ koṭiṃ kārmukasya mahātmanaḥ|alātacakrapratimāṃ dadṛśuste na rāghavam || 6.94.28 ||
śarīranābhisattvārciḥ śarīraṃ nemikārmukam|jyāghoṣatalanirghoṣaṃ tejobuddhiguṇaprabham || 6.94.29 ||
divyāstraguṇaparyantaṃ nighnantaṃ yudhi rākṣasān|dadṛśū rāmacakraṃ tat kālacakramiva prajāḥ || 6.94.30 ||
anīkaṃ daśasāhasraṃ rathānāṃ vātaraṃhasām|aṣṭādaśa sahasrāṇi kuñjarāṇāṃ tarasvinām || 6.94.31 ||
caturdaśa sahasrāṇi sārohāṇāṃ ca vājinām|pūrṇe śatasahasre dve rākṣasānāṃ padātinām || 6.94.32 ||
divasasyāṣṭame bhāge śarairagniśikhopamaiḥ|hatānyekena rāmeṇa rakṣasāṃ kāmarūpiṇām || 6.94.33 ||
te hatāśvā hatarathāḥ śāntā vimathitadhvajāḥ|abhipetuḥ purīṃ laṅkāṃ hataśeṣā niśācarāḥ || 6.94.34 ||
hatairgajapadātyaśvaistadbabhūva raṇājiram|ākrīḍamiva rudrasya kruddhasya sumahātmanaḥ || 6.94.35 ||
tato devāḥ sagandharvāḥ siddhāśca paramarṣayaḥ|sādhu sādhviti rāmasya tat karma samapūjayan || 6.94.36 ||
abravīcca tadā rāmaḥ sugrīvaṃ pratyanantaram|vibhīṣaṇaṃ ca dharmātmā hanūmantaṃ ca vānaram || 6.94.37 ||
jāmbavantaṃ hariśreṣṭhaṃ maindaṃ dvividameva ca|etadastrabalaṃ divyaṃ mama vā tryambakasya vā || 6.94.38 ||
nihatya tāṃ rākṣasavāhinīṃ tu rāmastadā śakrasamo mahātmā|astreṣu śastreṣu jitaklamaśca saṃstūyate devagaṇaiḥ prahṛṣṭaiḥ || 6.94.39 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe caturnavatitamaḥ sargaḥ || 94 ||
tāni tāni sahasrāṇi sārohāṇāṃ ca vājinām|rathānāṃ tvagnivarṇānāṃ sadhvajānāṃ sahasraśaḥ || 6.95.1 ||
rākṣasānāṃ sahasrāṇi gadāparighayodhinām|kāñcanadhvajacitrāṇāṃ śūrāṇāṃ kāmarūpiṇām || 6.95.2 ||
nihatāni śaraistīkṣṇaistaptakāñcanabhūṣaṇaiḥ|rāvaṇena prayuktāni rāmeṇākliṣṭakarmaṇā || 6.95.3 ||
dṛṣṭvā śrutvā ca sambhrāntā hataśeṣā niśācarāḥ|rākṣasīśca samāgamya dīnāścintāpariplutāḥ || 6.95.4 ||
vidhavā hataputrāśca krośantyo hatabāndhavāḥ|rākṣasyaḥ saha saṅgamya duḥkhārtāḥ paryadevayan || 6.95.5 ||
kathaṃ śūrpaṇakhā vṛddhā karālā nirṇatodarī|āsasāda vane rāmaṃ kandarpamiva rūpiṇam|sukumāraṃ mahāsattvaṃ sarvabhūtahite ratam || 6.95.6 ||
taṃ dṛṣṭvā lokanindyā sā hīnarūpā prakāmitā || 6.95.7 ||ndarpamiva rūpiṇam|kathaṃ sarvaguṇairhīnā guṇavantaṃ mahaujasam|sumukhaṃ durmukhī rāmaṃ kāmayāmāsa rākṣasī || 6.95.8 ||
janasyāsyālpabhāgyatvādvalinī śvetamūrdhajā|akāryamapahāsyaṃ ca sarvalokavigarhitam || 6.95.9 ||
rākṣasānāṃ vināśāya dūṣaṇasya kharasya ca|cakārāpratirūpā sā rāghavasya pradharṣaṇam || 6.95.10 ||
tannimittamidaṃ vairaṃ rāvaṇena kṛtaṃ mahat|vadhāya sītā sā ' 'nītā daśagrīveṇa rakṣasā || 6.95.11 ||
na ca sītāṃ daśagrīvaḥ prāpnoti janakātmajām|baddhaṃ balavatā vairamakṣayaṃ rāghaveṇa ca || 6.95.12 ||
vaidehīṃ prārthayānaṃ taṃ virādhaṃ prekṣya rākṣasam|hatamekena rāmeṇa paryāptaṃ tannidarśanam || 6.95.13 ||
caturdaśa sahasrāṇi rakṣasāṃ bhīmakarmaṇām|nihatāni janasthāne śarairagniśikhopamaiḥ || 6.95.14 ||
kharaśca nihataḥ saṅkhye dūṣaṇastriśirāstathā|śarairādityasaṅkāśaiḥ paryāptaṃ tannidarśanam || 6.95.15 ||
hato yojanabāhuśca kabandho rudhirāśanaḥ|krodhānnādaṃ nadan so 'tha paryāptaṃ tannidarśanam || 6.95.16 ||
jaghāna balinaṃ rāmaḥ sahasranayanātmajam|vālinaṃ merusaṅkāśaṃ paryāptaṃ tannidarśanam || 6.95.17 ||
ṛṣyamūke vasan śaile dīno bhagnamanorathaḥ|sugrīvaḥ sthāpito rājye paryāptaṃ tannidarśanam || 6.95.18 ||
dharmārthasahitaṃ vākyaṃ sarveṣāṃ rakṣasāṃ hitam|yuktaṃ vibhīṣaṇenoktaṃ mohāttasya na rocate || 6.95.19 ||
vibhīṣaṇavacaḥ kuryādyadi sma dhanadānujaḥ|śmaśānabhūtā duḥkhārtā neyaṃ laṅkā purī bhavet || 6.95.20 ||
kumbhakarṇaṃ hataṃ śrutvā rāghaveṇa mahābalam|atikāyaṃ ca durdharṣaṃ lakṣmaṇena hataṃ punaḥ|priyaṃ cendrajitaṃ putraṃ rāvaṇo nāvabudhyate || 6.95.21 ||
mama putro mama bhrātā mama bhartā raṇe hataḥ|ityevaṃ śrūyate śabdo rākṣasānāṃ kule kule || 6.95.22 ||
rathāścāśvāśca nāgāśca hatāḥ śatasahasraśaḥ|raṇe rāmeṇa śūreṇa rākṣasāśca padātayaḥ || 6.95.23 ||
rudro vā yadi vā viṣṇurmahendro vā śatakratuḥ|hanti no rāmarūpeṇa yadi vā svayamantakaḥ || 6.95.24 ||
hatapravīrā rāmeṇa nirāśā jīvite vayam|apaśyanto bhayasyāntamanāthā vilapāmahe || 6.95.25 ||
rāmahastāddaśagrīvaḥ śūro dattamahāvaraḥ|idaṃ bhayaṃ mahāghoramutpannaṃ nāvabudhyate || 6.95.26 ||
na devā na ca gandharvā na piśācā na rākṣasāḥ|upasṛṣṭaṃ paritrātuṃ śaktā rāmeṇa saṃyuge || 6.95.27 ||
utpātāścāpi dṛśyante rāvaṇasya raṇe raṇe|kathayiṣyanti rāmeṇa rāvaṇasya nibarhaṇam || 6.95.28 ||
pitāmahena prītena devadānavarākṣasaiḥ|rāvaṇasyābhayaṃ dattaṃ mānuṣebhyo na yācitam || 6.95.29 ||
tadidaṃ mānuṣaṃ manye prāptaṃ nissaṃśayaṃ bhayam|jīvitāntakaraṃ ghoraṃ rakṣasāṃ rāvaṇasya ca || 6.95.30 ||
pīḍyamānāstu balinā varadānena rakṣasā|dīptaistapobhirvibudhāḥ pitāmahamapūjayan || 6.95.31 ||
devatānāṃ hitārthāya mahātmā vai pitāmahaḥ|uvāca devatāḥ sarvā idaṃ tuṣṭo mahadvacaḥ || 6.95.32 ||
adyaprabhṛti lokāṃstrīn sarve dānavarākṣasāḥ|bhayena prāvṛtā nityaṃ vicariṣyanti śāśvatam || 6.95.33 ||
daivataistu samāgamya sarvaiścendrapurogamaiḥ|vṛṣadhvajastripurahā mahādevaḥ prasāditaḥ || 6.95.34 ||
prasannastu mahādevo devānetadvaco 'bravīt|utpatsyati hitārthaṃ vo nārī rakṣaḥkṣayāvahā || 6.95.35 ||
eṣā devaiḥ prayuktā tu kṣudyathā dānavān purā|bhakṣayiṣyati naḥ sītā rākṣasaghnī sarāvaṇān || 6.95.36 ||
rāvaṇasyāpanītena durvinītasya durmateḥ|ayaṃ niṣṭhānako ghoraḥ śokena samabhiplutaḥ || 6.95.37 ||
taṃ na paśyāmahe loke yo naḥ śaraṇado bhavet|rāghaveṇopasṛṣṭānāṃ kāleneva yugakṣaye || 6.95.38 ||
nāsti naḥ śaraṇaṃ kaścidbhaye mahati tiṣṭhatām|davāgniveṣṭitānāṃ hi kareṇūnāṃ yathā vane || 6.95.39 ||
prāptakālaṃ kṛtaṃ tena paulastyena mahātmanā|yata eva bhayaṃ dṛṣṭaṃ tameva śaraṇaṃ gataḥ || 6.95.40 ||
itīva sarvā rajanīcarastriyaḥ parasparaṃ samparirabhya bāhubhiḥ|viṣedurārtā bhayabhārapīḍitā vineduruccaiśca tadā sudāruṇam || 6.95.41 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe pañcanavatitamaḥ sargaḥ || 95 ||
ārtānāṃ rākṣasīnāṃ tu laṅkāyāṃ vai kule kule|rāvaṇaḥ karuṇaṃ śabdaṃ śuśrāva paridevitam || 6.96.1 ||
sa tu dīrghaṃ viniśvasya muhūrtaṃ dhyānamāsthitaḥ|babhūva paramakruddho rāvaṇo bhīmadarśanaḥ || 6.96.2 ||
sandaśya daśanairoṣṭhaṃ krodhasaṃraktalocanaḥ|rākṣasairapi durdarśaḥ kālāgniriva mūrcchitaḥ || 6.96.3 ||
uvāca ca samīpasthān rākṣasān rākṣaseśvaraḥ|bhayāvyaktakathastatra nirdahanniva cakṣuṣā || 6.96.4 ||
mahodaramāhapārśvau virūpākṣaṃ ca rākṣasam|śīghraṃ vadata sainyāni niryāteti mamājñayā || 6.96.5 ||
tasya tadvacanaṃ śrutvā rākṣasāste bhayārditāḥ|codayāmāsuravyagrān rākṣasāṃstān nṛpājñayā || 6.96.6 ||
te tu sarve tathetyuktvā rākṣasā ghoradarśanāḥ|kṛtasvastyayanāḥ sarve raṇāyābhimukhā yayuḥ || 6.96.7 ||
pratipūjya yathānyāyaṃ rāvaṇaṃ te niśācarāḥ|tasthuḥ prāñjalayaḥ sarve bharturvijayakāṅkṣiṇaḥ || 6.96.8 ||
athovāca prahasyaitān rāvaṇaḥ krodhamūrcchitaḥ|mahodaramahāpārśvau virūpākṣaṃ ca rākṣasam || 6.96.9 ||
adya bāṇairdhanurmuktairyugāntādityasannibhaiḥ|rāghavaṃ lakṣmaṇaṃ caiva neṣyāmi yamasādanam || 6.96.10 ||
kharasya kumbhakarṇasya prahastendrajitostathā|kariṣyāmi pratīkāramadya śatruvadhādaham || 6.96.11 ||
naivāntarikṣaṃ na diśo na nadyo nāpi sāgarāḥ|prakāśatvaṃ gamiṣyanti madbāṇajaladāvṛtāḥ || 6.96.12 ||
adya vānaramukhyānāṃ tāni yūthāni bhāgaśaḥ|dhanuṣā śarajālena vidhamiṣyāmi patriṇā || 6.96.13 ||
adya vānarasainyāni rathena pavanaujasā|dhanuḥsamudrādudbhūtairmathiṣyāmi śarormibhiḥ || 6.96.14 ||
ākośapadmavaktrāṇi padmakesaravarcasām|adya yūthataṭākāni gajavat pramathāmyaham || 6.96.15 ||
saśarairadya vadanaiḥ saṅkhye vānarayūthapāḥ|maṇḍayiṣyanti vasudhāṃ sanālairiva paṅkajaiḥ || 6.96.16 ||
adya yuddhapracaṇḍānāṃ harīṇāṃ drumayodhinām|muktenaikeṣuṇā yuddhe bhetsyāmi ca śataṃ śatam || 6.96.17 ||
hato bhartā hato bhrātā yāsāṃ ca tanayā hatāḥ|vadhenādya ripostāsāṃ karomyasrapramārjanam || 6.96.18 ||
adya madbāṇanirbhinnaiḥ prakīrṇairgatacetanaiḥ|karomi vānarairyuddhe yatnāvekṣyatalāṃ mahīm || 6.96.19 ||
adya gomāyavo gṛdhrā ye ca māṃsāśino 'pare|sarvāṃstāṃstarpayiṣyāmi śatrumāṃsaiḥ śarārpitaiḥ || 6.96.20 ||
kalpyatāṃ me rathaḥ śīghraṃ kṣipramānīyatāṃ dhanuḥ|anuprayāntu māṃ sarve ye 'vaśiṣṭā niśācarāḥ || 6.96.21 ||
tasya tadvacanaṃ śrutvā mahāpārśvo 'bravīdvacaḥ|balādhyakṣān sthitāṃstatra balaṃ santvaryatāmiti || 6.96.22 ||
balādhyakṣāstu saṃrabdhā rākṣasāṃstān gṛhādgṛhāt|codayantaḥ pariyayurlaṅkāyāṃ tu mahābalāḥ || 6.96.23 ||
tato muhūrtānniṣpetū rākṣasā bhīmadarśanāḥ|nardanto bhīmavadanā nānāpraharaṇairbhujaiḥ || 6.96.24 ||
asibhiḥ paṭṭiśaiḥ śūlairgadābhirmusalairhulaiḥ|śaktibhistīkṣṇadhārābhirmahadbhiḥ kūṭamudgaraiḥ || 6.96.25 ||
yaṣṭibhirvimalaiścakrairniśitaiśca paraśvadhaiḥ|bhiṇḍipālaiḥ śataghnībhiranyaiścāpi varāyudhaiḥ || 6.96.26 ||
athānayadbalādhyakṣaḥ satvaro rāvaṇājñayā|drutaṃ sūtasamāyuktaṃ yuktāṣṭaturagaṃ ratham || 6.96.27 ||
āruroha rathaṃ bhīmo dīpyamānaṃ svatejasā || 6.96.28 ||
tataḥ prayātaḥ sahasā rākṣasairbahubhirvṛtaḥ|rāvaṇaḥ sattvagāmbhīryāddārayanniva medinīm || 6.96.29 ||
rāvaṇenābhyanujñātau mahāpārśvamahodarau|virūpākṣaśca durdharṣo rathānāruruhustadā || 6.96.30 ||
te tu hṛṣṭā vinardanto bhindanta iva medinīm|nādaṃ ghoraṃ vimuñjanto niryayurjayakāṃkṣiṇaḥ || 6.96.31 ||
tato yuddhāya tejasvī rakṣogaṇabalairvṛtaḥ|niryayāvudyatadhanuḥ kālāntakayamopamaḥ || 6.96.32 ||
tataḥ prajavanāśvena rathena sa mahārathaḥ|dvāreṇa niryayau tena yatra tau rāmalakṣmaṇau || 6.96.33 ||
tato naṣṭaprabhaḥ sūryo diśaśca timirāvṛtāḥ || 6.96.34 ||
dvijāśca nedurghorāśca sañcacāleva medinī|vavarṣa rudhiraṃ devaścaskhalusturagāḥ pathi || 6.96.35 ||
dhvajāgre nyapatadgṛdhro vineduścāśivaṃ śivāḥ|nayanaṃ cāsphuradvāmaṃ savyo bāhurakampata || 6.96.36 ||
vivarṇaṃ vadanaṃ cāsīt kiñcidabhraśyata svaraḥ || 6.96.37 ||
tato niṣpatato yuddhe daśagrīvasya rakṣasaḥ|raṇe nidhanaśaṃsīni rūpāṇyetāni jajñire || 6.96.38 ||
antarikṣāt papātolkā nirghātasamanisvanā|vineduraśivā gṛdhrā vāyasairanunāditāḥ || 6.96.39 ||
etānacintayan ghorānutpātān samupasthitān|niryayau rāvaṇo mohādvadhārthī kālacoditaḥ || 6.96.40 ||
teṣāṃ tu rathaghoṣeṇa rākṣasānāṃ mahātmanām|vānarāṇāmapi camūryuddhāyaivābhyavartata || 6.96.41 ||
teṣāṃ tu tumulaṃ yuddhaṃ babhūva kapirakṣasām|anyonyamāhvayānānāṃ kruddhānāṃ jayamicchatām || 6.96.42 ||
tataḥ kruddho daśagrīvaḥ śaraiḥ kāñcanabhūṣaṇaiḥ|vānarāṇāmanīkeṣu cakāra kadanaṃ mahat || 6.96.43 ||
nikṛttaśirasaḥ kecidrāvaṇena valīmukhāḥ|kecidvicchinna hṛdayāḥ kecicchrotravivarjitāḥ|nirucchvāsā hatāḥ kecit kecit pārśveṣu dāritāḥ || 6.96.44 ||
kecidvibhinnaśirasaḥ keciccakṣurvivarjitāḥ || 6.96.45 ||
daśānanaḥ krodhavivṛttanetro yato yato 'bhyeti rathena saṅkhye|tatastatastasya śarapravegaṃ soḍhuṃ na śekurharipuṅgavāste || 6.96.46 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣaṇṇavatitamaḥ sargaḥ || 96 ||
tathā taiḥ kṛttagātraistu daśagrīveṇa mārgaṇaiḥ|babhūva vasudhā tatra prakīrṇā haribhistadā || 6.97.1 ||
rāvaṇasyāprasahyaṃ taṃ śarasampātamekataḥ|na śekuḥ sahituṃ dīptaṃ pataṅgā jvalanaṃ yathā || 6.97.2 ||
te 'rditā niśitairbāṇaiḥ krośanto vipradudruvuḥ|pāvakārcissamāviṣṭā dahyamānā yathā gajāḥ || 6.97.3 ||
plavaṅgānāmanīkāni mahābhrāṇīva mārutaḥ|sa yayau samare tasmin vidhaman rāvaṇaḥ śaraiḥ || 6.97.4 ||
kadanaṃ tarasā kṛtvā rākṣasendro vanaukasām|āsasāda tato yuddhe rāghavaṃ tvaritastadā || 6.97.5 ||
sugrīvastān kapīn dṛṣṭvā bhagnān vidravato raṇe|gulme suṣeṇaṃ nikṣipya cakre yuddhe 'dbhutaṃ manaḥ || 6.97.6 ||
ātmanaḥ sadṛśaṃ vīraḥ sa taṃ nikṣipya vānaram|sugrīvo 'bhimukhaḥ śatruṃ pratasthe pādapāyudhaḥ || 6.97.7 ||
pārśvataḥ pṛṣṭataścāsya sarve yūthapādhipāḥ svayam|anujahrurmahāśailān vividhāṃśca mahādrumān || 6.97.8 ||
sa nardan yudhi sugrīvaḥ svareṇa mahatā mahān|pātayan vividhāṃścānyān jagāmottamarākṣasān || 6.97.9 ||
mamantha ca mahākāyo rākṣasān vānareśvaraḥ|yugāntasamaye vāyuḥ pravṛddhānagamāniva || 6.97.10 ||
rākṣasānāmanīkeṣu śailavarṣaṃ vavarṣa ha|aśmavarṣaṃ yathā meghaḥ pakṣisaṅgheṣu kānane || 6.97.11 ||
kapirājavimuktaistaiḥ śailavarṣaistu rākṣasāḥ|vikīrṇaśirasaḥ peturnikṛttā iva parvatāḥ || 6.97.12 ||
atha saṅkṣīyamāṇeṣu rākṣaseṣu samantataḥ|sugrīveṇa prabhagneṣu patatsu ninadatsu ca || 6.97.13 ||
virūpākṣaḥ svakaṃ nāma dhanvī viśrāvya rākṣasaḥ|rathādāplutya durdharṣo gajaskandhamupāruhat || 6.97.14 ||
sa taṃ dviradamāruhya virūpākṣo mahārathaḥ|vinadan bhīmanirhrādaṃ vānarānabhyadhāvata || 6.97.15 ||
sugrīve sa śarān ghorān visasarja camūmukhe|sthāpayāmāsa codvignān rākṣasān sampraharṣayan || 6.97.16 ||
sa tu viddhaḥ śitairbāṇaiḥ kapīndrastena rakṣasā|cakrodha sa mahākrodho vadhe cāsya mano dadhe || 6.97.17 ||
tataḥ pādapamuddhṛtya śūraḥ sampradhano hariḥ|abhipatya jaghānāsya pramukhe tu mahāgajam || 6.97.18 ||
sa tu prahārābhihataḥ sugrīveṇa mahāgajaḥ|apāsarpaddhanurmātraṃ niṣasāda nanāda ca || 6.97.19 ||
gajāttu mathitāttūrṇamapakramya sa vīryavān|rākṣaso 'bhimukhaḥ śatruṃ pratyudgamya tataḥ kapim || 6.97.20 ||
ārṣabhaṃ carma khaḍgaṃ ca pragṛhya laghuvikramaḥ|bhartsayanniva sugrīvamāsasāda vyavasthitam || 6.97.21 ||
sa hi tasyābhisaṅkruddhaḥ pragṛhya vipulāṃ śilām|virūpākṣāya cikṣepa sugrīvo jaladopamām || 6.97.22 ||
sa tāṃ śilāmāpatantīṃ dṛṣṭvā rākṣasapuṅgavaḥ|apakramya suvikrāntaḥ khaḍgena prāharattadā || 6.97.23 ||
tena khaḍgaprahāreṇa rakṣasā balinā hataḥ|muhūrtamabhavadvīro visañjña iva vānaraḥ || 6.97.24 ||
sa tadā sahasotpatya rākṣasasya mahāhave|muṣṭiṃ saṃvartya vegena pātayāmāsa vakṣasi || 6.97.25 ||
muṣṭiprahārābhihato virūpākṣo niśācaraḥ|tena khaḍgena saṅkruddhaḥ sugrīvasya camūmukhe|kavacaṃ pātayāmāsa padbhyāmabhihato 'patat || 6.97.26 ||
sa samutthāya patitaḥ kapistasya vyasarjayat|talaprahāramaśaneḥ samānaṃ bhīmanisvanam || 6.97.27 ||
talaprahāraṃ tadrakṣaḥ sugrīveṇa samudyatam|naipuṇyānmocayitvainaṃ muṣṭinorasyatāḍayat || 6.97.28 ||
tatastu saṅkruddhataraḥ sugrīvo vānareśvaraḥ|mokṣitaṃ cātmano dṛṣṭvā prahāraṃ tena rakṣasā|sa dadarśāntaraṃ tasya virūpākṣasya vānaraḥ || 6.97.29 ||
tato nyapātayat krodhācchaṅkhadeśe mahattalam || 6.97.30 ||dīptaṃ pataṅgā jvalanaṃ yathā || 6.97.2 ||
mahendrāśanikalpena talenābhihataḥ kṣitau || 6.97.31 ||||dīptaṃ pataṅgā jvalanaṃ yathā || 6.97.2 ||
papāta rudhiraklinnaḥ śoṇitaṃ ca samudvaman|srotobhyastu virūpākṣo jalaṃ prasravaṇādiva || 6.97.32 ||
vivṛttanayanaṃ krodhāt saphenaṃ rudhirāplutam|dadṛśuste virūpākṣaṃ virūpākṣataraṃ kṛtam || 6.97.33 ||
sphurantaṃ parivartantaṃ pārśvena rudhirokṣitam|karuṇaṃ ca vinardantaṃ dadṛśuḥ kapayo ripum || 6.97.34 ||
tathā tu tau saṃyati samprayuktau tarasvinau vānararākṣasānām|balārṇavau sasvanatuḥ subhīmaṃ mahārṇavau dvāviva bhinnavelau || 6.97.35 ||
vināśitaṃ prekṣya virūpanetraṃ mahābalaṃ taṃ haripārthivena|balaṃ samastaṃ kapirākṣasānāmunmattagaṅgāpratimaṃ babhūva || 6.97.36 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe saptanavatitamaḥ sargaḥ || 97 ||
hanyamāne bale tūrṇamanyonyaṃ te mahāmṛdhe|sarasīva mahāgharme sopakṣīṇe babhūvatuḥ || 6.98.1 ||
svabalasya vighātena virūpākṣavadhena ca|babhūva dviguṇaṃ kruddho rāvaṇo rākṣasādhipaḥ || 6.98.2 ||
prakṣīṇaṃ tu balaṃ dṛṣṭvā vadhyamānaṃ valīmukhaiḥ|babhūvāsya vyathā yuddhe prekṣya daivaviparyayam|uvāca ca samīpasthaṃ mahodaramarindamam || 6.98.3 ||
asmin kāle mahābāho jayāśā tvayi me sthitā|jahi śatrucamūṃ vīra darśayādya parākramam || 6.98.4 ||
bhartṛpiṇḍasya kālo 'yaṃ nirdeṣṭuṃ sādhu yudhyatām || 6.98.5 ||
evamuktastathetyuktvā rākṣasendro mahodaraḥ|praviveśārisenāṃ tāṃ pataṅga iva pāvakam || 6.98.6 ||
tataḥ sa kadanaṃ cakre vānarāṇāṃ mahābalaḥ|bhartṛvākyena tejasvī svena vīryeṇa coditaḥ || 6.98.7 ||
vānarāśca mahāsattvāḥ pragṛhya vipulāḥ śilāḥ|praviśyāribalaṃ bhīmaṃ jaghnuste rajanīcarān || 6.98.8 ||
mahodarastu saṅkruddhaḥ śaraiḥ kāñcanabhūṣaṇaiḥ|ciccheda pāṇipādorūn vānarāṇāṃ mahāhave || 6.98.9 ||
tataste vānarāḥ sarve rākṣasairarditā bhṛśam|diśo daśa drutāḥ kecit kecit sugrīvamāśritāḥ || 6.98.10 ||
prabhagnāṃ samare dṛṣṭvā vānarāṇāṃ mahācamūm|abhidudrāva sugrīvo mahodaramanantaram || 6.98.11 ||
pragṛhya vipulāṃ ghorāṃ mahīdharasamāṃ śilām|cikṣepa ca mahātejāstadvadhāya harīsvaraḥ || 6.98.12 ||
tāmāpatantīṃ sahasā śilāṃ dṛṣṭvā mahodaraḥ|asambhrāntastato bāṇairnirbibheda durāsadām || 6.98.13 ||
rakṣasā tena bāṇaughairnikṛttā sā sahasradhā|nipapāta śilā bhūmau gṛdhracakramivākulam || 6.98.14 ||
tāṃ tu bhinnāṃ śilāṃ dṛṣṭvā sugrīvaḥ krodhamūrcchitaḥ|sālamutpāṭya cikṣepa rākṣase raṇamūrdhani || 6.98.15 ||
śaraiśca vidadārainaṃ śūraḥ parapurañjayaḥ || 6.98.16 ||cchitaḥ|sa dadarśa tataḥ kruddhaḥ parighaṃ patitaṃ bhuvi || 6.98.17 ||taḥ|āvidhya tu sa taṃ dīptaṃ parighaṃ tasya darśayan|parighāgreṇa vegena jaghānāsya hayottamān || 6.98.18 ||
tasmāddhatahayādvīraḥ so 'vaplutya mahārathāt|gadāṃ jagrāha saṅkruddho rākṣaso 'tha mahodaraḥ || 6.98.19 ||
gadāparighahastau tau yudhi vīrau samīyatuḥ|nardantau gauvṛṣaprakhyau ghanāviva savidyutau || 6.98.20 ||
tataḥ kruddho gadāṃ tasmai cikṣepa rajanīcaraḥ|jvalantīṃ bhāskarābhāsāṃ sugrīvāya mahodaraḥ || 6.98.21 ||
gadāṃ tāṃ sumahāghorāmāpatantīṃ mahābalaḥ|sugrīvo roṣatāmrākṣaḥ samudyamya mahāhave|ājaghāna gadāṃ tasya parigheṇa harīśvaraḥ || 6.98.22 ||
papāta sa gadodbhinnaḥ parighastasya bhūtale || 6.98.23 ||oṣatāmrākṣaḥ samudyamya mahāhave|tato jagrāha tejasvī sugrīvo vasudhātalāt|āyasaṃ musalaṃ ghoraṃ sarvato hemabhūṣitam || 6.98.24 ||
sa tamudyamya cikṣepa so 'pyanyāṃ vyākṣipadgadām|bhinnāvanyonyamāsādya petaturdharaṇītale || 6.98.25 ||
tato bhagnapraharaṇau muṣṭibhyāṃ tau samīyatuḥ|tejobalasamāviṣṭau dīptāviva hutāśanau || 6.98.26 ||
jaghnatustau tadā 'nyonyaṃ nedatuśca punaḥpunaḥ|talaiścānyonyamāhatya petaturdharaṇītale || 6.98.27 ||
utpetatustatastūrṇaṃ jaghnatuśca parasparam|bhujaiścikṣipaturvīrāvanyonyamaparājitau|jagmatustau śramaṃ vīrau bāhuyuddhe parantapau || 6.98.28 ||
ājahāra tataḥ khaḍgamadūraparivartinam|rākṣasaścarmaṇā sārdhaṃ mahāvego mahodaraḥ || 6.98.29 ||
tathaiva ca mahākhaḍgaṃ carmaṇā patitaṃ saha|jagrāha vānaraśreṣṭhaḥ sugrīvo vegavattaraḥ || 6.98.30 ||
tau tu roṣaparītāṅgau nardantāvabhyadhāvatām|udyatāsī raṇe hṛṣṭau yudhi śastraviśāradau || 6.98.31 ||
dakṣiṇaṃ maṇḍalaṃ cobhau sutūrṇaṃ samparīyatuḥ|anyonyamabhisaṅkruddhau jaye praṇihitāvubhau || 6.98.32 ||
sa tu śūro mahāvego vīryaślāghī mahodaraḥ|mahācarmaṇi taṃ khaḍgaṃ pātayāmāsa durmatiḥ || 6.98.33 ||
lagnamutkarṣataḥ khaḍgaṃ khaḍgena kapikuñjaraḥ|jahāra saśirastrāṇaṃ kuṇḍalopahitaṃ śiraḥ || 6.98.34 ||
nikṛttaśirasastasya patitasya mahītale|tadbalaṃ rākṣasendrasya dṛṣṭvā tatra na tiṣṭhate || 6.98.35 ||
hatvā taṃ vānaraiḥ sārdhaṃ nanāda mudito hariḥ|cukrodha ca daśagrīvo babhau hṛṣṭaśca rāghavaḥ || 6.98.36 ||
viṣaṇṇavadanāḥ sarve rākṣasā dīnacetasaḥ|vidravanti tataḥ sarve bhayavitrastacetasaḥ || 6.98.37 ||
mahodaraṃ taṃ vinipātya bhūmau mahāgireḥ kīrṇamivaikadeśam|sūryātmajastatra rarāja lakṣmyā sūryaḥ svatejobhirivāpradhṛṣyaḥ || 6.98.38 ||
atha vijayamavāpya vānarendraḥ samaramukhe surayakṣasiddhasaṅghaiḥ|avanitalagataiśca bhūtasaṅghairharuṣasamākulitaiḥ stuto mahātmā || 6.98.39 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭanavatitamaḥ sargaḥ || 98 ||
mahodare tu nihate mahāpārśvo mahābalaḥ|sugrīveṇa samīkṣyātha krodhāt saṃraktalocanaḥ|aṅgadasya camūṃ bhīmāṃ kṣobhayāmāsa sāyakaiḥ || 6.99.1 ||
sa vānarāṇāṃ mukhyānāmuttamāṅgāni sarvaśaḥ|pātayāmāsa kāyebhyaḥ phalaṃ vṛntādivānilaḥ || 6.99.2 ||
keṣāñcidiṣubhirbāhūn skandhāṃściccheda rākṣasaḥ|vānarāṇāṃ susaṅkruddhaḥ pārśvaṃ keṣāṃ vyadārayat || 6.99.3 ||
te 'rditā bāṇavarṣeṇa mahāpārśvena vānarāḥ|viṣādavimukhāḥ sarve babhūvurgatacetasaḥ || 6.99.4 ||
nirīkṣya balamudvignamaṅgado rākṣasārditam|vegaṃ cakre mahābāhuḥ samudra iva parvaṇi || 6.99.5 ||
āyasaṃ parighaṃ gṛhya sūryaraśmisamaprabham|samare vānaraśreṣṭho mahāpārśve nyapātayat || 6.99.6 ||
sa tu tena prahāreṇa mahāpārśvo vicetanaḥ|sasūtaḥ syandanāttasmādvisañjñaḥ prāpatadbhuvi || 6.99.7 ||
sarkṣarājastu tejasvī nīlāñjanacayopamaḥ|niṣpatya sumahāvīryaḥ svādvyūhānmeghasannibhāt || 6.99.8 ||
pragṛhya giriśṛṅgābhāṃ kruddhaḥ suvipulāṃ śilām|aśvān jaghāna tarasā syandanaṃ ca babhañja tam || 6.99.9 ||
muhūrtāllabdhasañjñastu mahāpārśvo mahābalaḥ|aṅgadaṃ bahubhirbāṇairbhūyastaṃ pratyavidhyata || 6.99.10 ||
jāmbavantaṃ tribhirbāṇairājaghāna stanāntare|ṛkṣarājaṃ gavākṣaṃ ca jaghāna bahubhiḥ śaraiḥ || 6.99.11 ||
jāmbavantaṃ gavākṣaṃ ca sa dṛṣṭvā śarapīḍitau|jagrāha parighaṃ ghoramaṅgadaḥ krodhamūrcchitaḥ || 6.99.12 ||
tasyāṅgadaḥ prakupito rākṣasasya tamāyasam|dūrasthitasya parighaṃ raviraśmisamaprabham || 6.99.13 ||
dvābhyāṃ bhujābhyāṃ saṅgṛhya bhrāmayitvā ca vegavān|mahāpārśvasya cikṣepa vadhārthaṃ vālinaḥ sutaḥ || 6.99.14 ||
sa tu kṣipto balavatā parighastasya rakṣasaḥ|dhanuśca saśaraṃ hastācchirastraṃ cāpyapātayat || 6.99.15 ||
taṃ samāsādya vegena vāliputraḥ pratāpavān|talenābhyahanat kruddhaḥ karṇamūle sakuṇḍale || 6.99.16 ||
sa tu kruddho mahāvego mahāpārśvo mahādyutiḥ|kareṇaikena jagrāha sumahāntaṃ paraśvadham || 6.99.17 ||
taṃ tailadhautaṃ vimalaṃ śailasāramayaṃ dṛḍham|rākṣasaḥ paramakruddho vāliputre nyapātayat || 6.99.18 ||
tena vāmāṃsaphalake bhṛśaṃ pratyavapāditam|aṅgado mokṣayāmāsa saroṣaḥ sa paraśvadham || 6.99.19 ||
sa vīro vajrasaṅkāśamaṅgado muṣṭimātmanaḥ|saṃvartayat susaṅkruddhaḥ pitustulyaparākramaḥ || 6.99.20 ||
rākṣasasya stanābhyāśe marmajño hṛdayaṃ prati|indrāśanisamasparśaṃ sa muṣṭiṃ vinyapātayat || 6.99.21 ||
tena tasya nipātena rākṣasasya mahāmṛdhe|paphāla hṛdayaṃ cāśu sa papāta hato bhuvi || 6.99.22 ||
tasminnipatite bhūmau tat sainyaṃ sampracukṣubhe|abhavacca mahān krodhaḥ samare rāvaṇasya tu || 6.99.23 ||
vānarāṇāṃ ca hṛṣṭānāṃ siṃhanādaśca puṣkalaḥ|sphoṭayanniva śabdena laṅkāṃ sāṭṭālagopurām || 6.99.24 ||
mahendreṇeva devānāṃ nādaḥ samabhavanmahān || 6.99.25 ||
athendraśatrustridivālayānāṃ vanaukasāṃ caiva mahāpraṇādam|śrutvā saroṣaṃ yudhi rākṣasendraḥ punaśca yuddhābhimukho 'vatasthe || 6.99.26 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekonaśatatamaḥ sargaḥ || 99 ||
mahodaramahāpārśo hatau dṛṣṭvā tu rākṣasau|tasmiṃśca nihate vīre virūpākṣe mahābale|āviveśa mahān krodho rāvaṇaṃ taṃ mahāmṛdhe || 6.100.1 ||
sūtaṃ sañcodayāmāsa vākyaṃ cedamuvāca ha || 6.100.2 ||
nihatānāmamātyānāṃ ruddhasya nagarasya ca|duḥkhameṣo 'paneṣyāmi hatvā tau rāmalakṣmaṇau || 6.100.3 ||
rāmavṛkṣaṃ raṇe hanmi sītāpuṣpaphalapradam|praśākhā yasya sugrīvo jāmbavān kumudo nalaḥ || 6.100.4 ||
maindaśca dvividaścaiva hyaṅgado gandhamādanaḥ|hamūmāṃśca suṣeṇaśca sarve ca hariyūthapāḥ || 6.100.5 ||
sa diśo daśa dhoṣeṇa rathasyātiratho mahān|nādayan prayayau tūrṇaṃ rāghavaṃ cābhyavartata || 6.100.6 ||
pūritā tena śabdena sanadīgirikānanā|sañcacāla mahī sarvā savarāhamṛgadvipā || 6.100.7 ||
tāmasaṃ sa mahāghoraṃ cakārāstraṃ sudāruṇam|nirdadāha kapīn sarvāṃste prapetuḥ samantataḥ || 6.100.8 ||
utpapāta rajo ghoraṃ tairbhagnaiḥ sampradhāvitaiḥ|na hi tatsahituṃ śekurbrahmaṇā nirmitaṃ svayam || 6.100.9 ||
tānyanīkānyanekāni rāvaṇasya śarottamaiḥ|dṛṣṭvā bhagnāni śataśo rāghavaḥ paryavasthitaḥ || 6.100.10 ||
tato rākṣasaśārdūlo vidrāvya harivāhinīm|sa dadarśa tato rāmaṃ tiṣṭhantamapārajitam || 6.100.11 ||
lakṣmaṇena saha bhrātrā viṣṇunā vāsavaṃ yathā|ālikhantamivākāśamavaṣṭabhya mahaddhanuḥ|padmapatraviśālākṣaṃ dīrghabāhumarindamam || 6.100.12 ||
tato rāmo mahātejāḥ saumitrisahito balī|vānarāṃśca raṇe bhagnānāpatantaṃ ca rāvaṇam || 6.100.13 ||
samīkṣya rāghavo hṛṣṭo madhye jagrāha kārmukam || 6.100.14 ||
visphārayitumārebhe tataḥ sa dhanuruttamam|mahāvegaṃ mahānādaṃ nirbhindanniva medinīm || 6.100.15 ||
rāvaṇasya ca bāṇaughairāmavisphāritena ca|śabdena rākṣasāste ca petuśca śataśastadā || 6.100.16 ||
tayoḥ śarapathaṃ prāpto rāvaṇo rājaputrayoḥ|sa babhau ca yathā rāhuḥ samīpe śaśisūryayoḥ || 6.100.17 ||
tamicchan prathamaṃ yoddhuṃ lakṣmaṇo niśitaiḥ śaraiḥ|mumoca dhanurāyamya śarānagniśikhopamān || 6.100.18 ||
tānmuktamātrānākāśe lakṣmaṇena dhanuṣmatā|bāṇān bāṇairmahātejā rāvaṇaḥ pratyavārayat || 6.100.19 ||
ekamekena bāṇena tribhistrīn daśabhirdaśa|lakṣmaṇasya praciccheda darśayan pāṇilāghavam || 6.100.20 ||
abhyatikramya saumitriṃ rāvaṇaḥ samitiñjayaḥ|āsasāda tato rāmaṃ sthitaṃ śailamivācalam || 6.100.21 ||
sa saṅkhye rāmamāsādya krodhasaṃraktalocanaḥ|vyasṛjaccharavarṣāṇi rāvaṇo rāghavopari || 6.100.22 ||
śaradhārāstato rāmo rāvaṇasya dhanuścyutāḥ|dṛṣṭvaivāpatataḥ śīghraṃ bhallān jagrāha satvaram || 6.100.23 ||
tān śaraughāṃstato bhallaistīkṣṇaiściccheda rāghavaḥ|dīpyamānān mahāghorān kruddhānāśīviṣāniva || 6.100.24 ||
rāghavo rāvaṇaṃ tūrṇaṃ rāvaṇo rāghavaṃ tadā|anyonyaṃ vividhaistīkṣṇaiḥ śarairabhivavarṣatuḥ || 6.100.25 ||
ceratuśca ciraṃ citraṃ maṇḍalaṃ savyadakṣiṇam|bāṇavegān samutkṣiptāvanyonyamapārajitau || 6.100.26 ||
tayorbhūtāni vitresuryugapat samprayudhyatoḥ|raudrayoḥ sāyakamucoryamāntakanikāśayoḥ || 6.100.27 ||
santataṃ vividhairbāṇairbabhūva gaganaṃ tadā|ghanairivātapāpāye vidyunmālāsamākulaiḥ || 6.100.28 ||
gavākṣitamivākāśaṃ babhūva śaravṛṣṭibhiḥ || 6.100.29 ||
mahāvegaiḥ sutīkṣṇāgrairgṛdhrapatraiḥ suvājitaiḥ|śarāndhakāraṃ tau bhīmaṃ cakrutuḥ samaraṃ tadā|gate 'staṃ tapane cāpi mahāmeghāvivotthitau || 6.100.30 ||
babhūva tumulaṃ yuddhamanyonyavadhakāṅkṣiṇoḥ|anāsādyamacintyaṃ ca vṛtravāsavayoriva || 6.100.31 ||
ubhau hi parameṣvāsāvubhau śastraviśāradau|ubhāvastravidāṃ mukhyāvubhau yuddhe viceratuḥ || 6.100.32 ||
ubhau hi yena vrajatastena tena śarormayaḥ|ūrmayo vāyunā viddhā jagmuḥ sāgarayoriva || 6.100.33 ||
tataḥ saṃsaktahastastu rāvaṇo lokarāvaṇaḥ|nārācamālāṃ rāmasya lalāṭe pratyamuñcata || 6.100.34 ||
raudracāpaprayuktāṃ tāṃ nīlotpaladalaprabhām|śirasā dhārayan rāmo na vyathāṃ pratyapadyata || 6.100.35 ||
atha mantrānabhijapan raudramastramudīrayan|śarān bhūyaḥ samādāya rāmaḥ krodhasamanvitaḥ|mumoca ca mahātejāścāpamāyamya vīryavān || 6.100.36 ||
te mahāmeghasaṅkāśe kavace patitāḥ śarāḥ|avadhye rākṣasendrasya na vyathāṃ janayaṃstadā || 6.100.37 ||
punarevātha taṃ rāmo rathasthaṃ rākṣasādhipam|lalāṭe paramāstreṇa sarvāstrakuśalo raṇe || 6.100.38 ||
te bhittvā bāṇarūpāṇi pañcaśīrṣā ivoragāḥ|śvasanto viviśurbhūmiṃ rāvaṇapratikūlitāḥ || 6.100.39 ||
nihatya rāghavasyāstraṃ rāvaṇaḥ krodhamūrcchitaḥ|āsuraṃ sumahāghoramastraṃ prāduścakāra ha || 6.100.40 ||
siṃhavyāghramukhāścānyān kaṅkakākamukhānapi|gṛdhraśyenamukhāṃścāpi śṛgālavadanāṃstathā || 6.100.41 ||
īhāmṛgamukhāṃścānyān vyāditāsyān bhayānakān|pañcāsyān lelihānāṃśca sasarja niśitān śarān || 6.100.42 ||
śarān kharamukhāṃścānyān varāhamukhasaṃsthitān|śvānakukkuṭavaktrāṃśca makarāśīviṣānanān || 6.100.43 ||
etānanyāṃśca māyāvī sasarja niśitān śarān|rāmaṃ prati mahātejāḥ kruddhaḥ sarpa iva śvasan || 6.100.44 ||
āsureṇa samāviṣṭaḥ so 'streṇa raghunandanaḥ|sasarjāstraṃ mahotsāhaḥ pāvakaṃ pāvakopamaḥ || 6.100.45 ||
agnidīptamukhān bāṇān tathā sūryamukhānapi|candrārdhacandravaktrāṃśca dhūmaketumukhānapi || 6.100.46 ||
grahanakṣatravaktrāṃśca maholkāmukhasaṃsthitān|vidyujjihvopamāṃścānyān sasarja niśitān śarān || 6.100.47 ||
te rāvaṇaśarā ghorā rāghavāstrasamāhatāḥ || 6.100.48 ||
vilayaṃ jagmurākāśe jagmuścaiva sahasraśaḥ || 6.100.49 ||
tadastraṃ nihataṃ dṛṣṭvā rāmeṇākliṣṭakarmaṇā|hṛṣṭā nedustataḥ sarve kapayaḥ kāmarūpiṇaḥ|sugrīvapramukhā vīrāḥ parivārya tu rāghavam || 6.100.50 ||
tatastadastraṃ vinihatya rāghavaḥ prasahya tadrāvaṇabāhunissṛtam|mudā 'nvito dāśarathirmahāhave vineduruccairmuditāḥ kapīśvarāḥ || 6.100.51 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe śatatamaḥ sargaḥ || 100 ||
tasmin pratihate 'stre tu rāvaṇo rākṣasādhipaḥ |krodhaṃ ca dviguṇaṃ cakre krodhāccāstramanantaram || 6.101.1 ||
mayena vihitaṃ raudramanyadastraṃ mahādyutiḥ |utsraṣṭuṃ rāvaṇo ghoraṃ rāghavāya pracakrame || 6.101.2 ||
tataḥ śūlāni niścerurgadāśca musalāni ca |kārmukāddīpyamānāni vajrasārāṇi sarvaśaḥ || 6.101.3 ||
mudgarāḥ kūṭapāśāśca dīptāścāśanayastathā |niṣpeturvividhāstīkṣṇā vātā iva yugakṣaye || 6.101.4 ||
tadastraṃ rāghavaḥ śrīmānuttamāstravidāṃ varaḥ |jaghāna paramāstreṇa gāndharveṇa mahādyutiḥ || 6.101.5 ||
tasmin pratihate 'stre tu rāghaveṇa mahātmanā |rāvaṇaḥ krodhatāmrākṣaḥ sauramastramudairayat || 6.101.6 ||
tataścakrāṇi niṣpeturbhāsvarāṇi mahānti ca |kārmukādbhīmavegasya daśagrīvasya dhīmataḥ || 6.101.7 ||
tairāsīdgaganaṃ dīptaṃ sampatadbhiritastataḥ |patadbhiśca diśo dīptāścandrasūryagrahairiva || 6.101.8 ||
tāni ciccheda bāṇaughaiścakrāṇi sa tu rāghavaḥ |āyudhāni ca citrāṇi rāvaṇasya camūmukhe || 6.101.9 ||
tadastraṃ tu hataṃ dṛṣṭvā rāvaṇo rākṣasādhipaḥ |vivyādha daśabhirbāṇai rāmaṃ sarveṣu marmasu || 6.101.10 ||
sa viddho daśabhirbāṇairmahākārmukanissṛtaiḥ |rāvaṇena mahātejā na prākampata rāghavaḥ || 6.101.11 ||
tato vivyādha gātreṣu sarveṣu samitiñjayaḥ |rāghavastu susaṅkruddho rāvaṇaṃ bahubhiḥ śaraiḥ || 6.101.12 ||
etasminnantare kruddho rāghavasyānujo balī |lakṣmaṇaḥ sāyakān sapta jagrāha paravīrahā || 6.101.13 ||
taiḥ sāyakairmahāvegai rāvaṇasya mahādyutiḥ |dhvajaṃ manuṣyaśīrṣaṃ tu tasya ciccheda naikadhā || 6.101.14 ||
sāratheścāpi bāṇena śiro jvalitakuṇḍalam |jahāra lakṣmaṇaḥ śrīmān nairṛtasya mahābalaḥ || 6.101.15 ||
tasya bāṇaiśca ciccheda dhanurgajakaropamam |lakṣmaṇo rākṣasendrasya pañcabhirniśitaiḥ śaraiḥ || 6.101.16 ||
nīlameghanibhāṃścāsya sadaśvān parvatopamān |jaghānāplutya gadayā rāvaṇasya vibhīṣaṇaḥ || 6.101.17 ||
hatāśvādvegavān vegādavaplutya mahārathāt |krodhamāhārayattīvraṃ bhrātaraṃ prati rāvaṇaḥ || 6.101.18 ||
tataḥ śaktiṃ mahāśaktirdīptāṃ dīṃptāśanīmiva |vibhīṣaṇāya cikṣepa rākṣasendraḥ pratāpavān || 6.101.19 ||
aprāptāmeva tāṃ bāṇaistribhiściccheda lakṣmaṇaḥ |athodatiṣṭhat sannādo vānarāṇāṃ tadā raṇe || 6.101.20 ||
sā papāta tridhā cchinnā śaktiḥ kāñcanamālinī |savisphuliṅgā jvalitā maholkeva divaścyutā || 6.101.21 ||
tataḥ sambhāvitatarāṃ kālenāpi durāsadām |jagrāha vipulāṃ śaktiṃ dīpyamānāṃ svatejasā || 6.101.22 ||
sā vegitā balavatā rāvaṇena durāsadā |jajvāla sumahāghorā śakrāśanisamaprabhā || 6.101.23 ||
etasminnantare vīro lakṣmaṇastaṃ vibhīṣaṇam |prāṇasaṃśayamāpannaṃ tūrṇamabhyavapadyata || 6.101.24 ||
taṃ vimokṣayituṃ vīraścāpamāyamya lakṣmaṇaḥ |rāvaṇaṃ śaktihastaṃ vai śaravarṣairavākirat || 6.101.25 ||
kīryamāṇaḥ śaraugheṇa visṛṣṭena mahātmanā |sa prahartuṃ manaścakre vimukhīkṛtavikramaḥ || 6.101.26 ||
mokṣitaṃ bhrātaraṃ dṛṣṭvā lakṣmaṇena sa rāvaṇaḥ |lakṣmaṇābhimukhastiṣṭhannidaṃ vacanamabravīt || 6.101.27 ||
mokṣitaste balaślāghin yasmādevaṃ vibhīṣaṇaḥ |vimucya rākṣasaṃ śaktistvayīyaṃ vinipātyate || 6.101.28 ||
eṣā te hṛdayaṃ bhittvā śaktirlohitalakṣaṇā |madbāhuparighotsṛṣṭā prāṇānādāya yāsyati || 6.101.29 ||
ityevamuktvā tāṃ śaktimaṣṭaghaṇṭāṃ mahāsvanām |mayena māyāvihitāmamoghāṃ śatrughātinīm || 6.101.30 ||
lakṣmaṇāya samuddiśya jvalantīmiva tejasā |rāvaṇaḥ paramakruddhaścikṣepa ca nanāda ca || 6.101.31 ||
sā kṣiptā bhīmavegena śakrāśanisamasvanā |śaktirabhyapatadvegāllakṣmaṇaṃ raṇamūrdhani || 6.101.32 ||
tāmanuvyāharacchaktimāpatantīṃ sa rāghavaḥ |svastyastu lakṣmaṇāyeti moghā bhava hatodyamā || 6.101.33 ||
rāvaṇena raṇe śaktiḥ kruddhenāśīviṣopamā |muktā ' 'śūrasyabhītasya lakṣmaṇasya mamajja sā || 6.101.34 ||
nyapatat sā mahāvegā lakṣmaṇasya mahorasi |jihvevoragarājasya dīpyamānā mahādyutiḥ || 6.101.35 ||
tato rāvaṇavegena sudūramavagāḍhayā |śaktyā nirbhinnahṛdayaḥ papāta bhuvi lakṣmaṇaḥ || 6.101.36 ||
tadavasthaṃ samīpastho lakṣmaṇaṃ prekṣya rāghavaḥ |bhrātṛsnehānmahātejā viṣaṇṇahṛdayo 'bhavat || 6.101.37 ||
sa muhūrtamanudhyāya bāṣpavyākulalocanaḥ |babhūva saṃrabdhataro yugānta iva pāvakaḥ || 6.101.38 ||
na viṣādasya kālo 'yamiti sañcintya rāghavaḥ |cakre sutumulaṃ yuddhaṃ rāvaṇasya vadhe dhṛtaḥ |sarvayatnena mahatā lakṣmaṇaṃ sannirīkṣya ca || 6.101.39 ||
sa dadarśa tato rāmaḥ śaktyā bhinnaṃ mahāhave |lakṣmaṇaṃ rudhirādigdhaṃ sapannagamivācalam || 6.101.40 ||
tāmapi prahitāṃ śaktiṃ rāvaṇena balīyasā |yatnataste hariśreṣṭhā na śekuravamarditum || 6.101.41 ||
arditāścaiva bāṇaughaiḥ kṣiprahastena rakṣasā || 6.101.42 ||
saumitriṃ sā vinirbhidya praviṣṭā dharaṇītalam || 6.101.43 ||
tāṃ karābhyāṃ parāmṛśya rāmaḥ śaktiṃ bhayāvahām |babhañja samare kruddho balavān vicakarṣa ca || 6.101.44 ||
tasya niṣkarṣataḥ śaktiṃ rāvaṇena balīyasā |śarāḥ sarveṣu gātreṣu pātitā marmabhedinaḥ || 6.101.45 ||
acintayitvā tān bāṇān samāśliṣya ca lakṣṇamam |abravīccha hanūmantaṃ sugrīvaṃ caiva rāghavaḥ || 6.101.46 ||
lakṣmaṇaṃ parivāryeha tiṣṭhadhvaṃ vānarottamāḥ || 6.101.47 ||
parākramasya kālo 'yaṃ samprāpto me cirepsitaḥ |pāpātmā 'yaṃ daśagrīvo vadhyatāṃ pāpaniścayaḥ |kāṅkṣataḥ stokakasyeva gharmānte meghadarśanam || 6.101.48 ||
asmin muhūrte na cirāt satyaṃ pratiśṛṇomi vaḥ |arāvaṇamarāmaṃ vā jagaddrakṣyatha vānarāḥ || 6.101.49 ||
rājyanāśaṃ vane vāsaṃ daṇḍake paridhāvanam |vaidehyāśca parāmarśaṃ rakṣobhiśca samāgamam || 6.101.50 ||
prāptaṃ duḥkhaṃ mahadghoraṃ kleśaṃ ca nirayopamam |adya sarvamahaṃ tyakṣye nihatvā rāvaṇaṃ raṇe || 6.101.51 ||
yadarthaṃ vānaraṃ sainyaṃ samānītamidaṃ mayā |sugrīvaśca kṛto rājye nihatvā vālinaṃ raṇe || 6.101.52 ||
yadarthaṃ sāgaraḥ krāntaḥ seturbaddhaśca sāgare |so 'yamadya raṇe pāpaścakṣurviṣayamāgataḥ || 6.101.53 ||
cakṣurviṣayamāgamya nāyaṃ jīvitumarhati |dṛṣṭiṃ dṛṣṭiviṣasyeva sarpasya mama rāvaṇaḥ || 6.101.54 ||
svasthāḥ paśyata durdharṣā yuddhaṃ vānarapuṅgavāḥ |āsīnāḥ parvatāgreṣu mamedaṃ rāvaṇasya ca || 6.101.55 ||
adya rāmasya rāmatvaṃ paśyantu mama saṃyuge |trayo lokāḥ sagandharvāḥ sadevāḥ sarṣicāraṇāḥ || 6.101.56 ||
adya karma kariṣyāmi yallokāḥ sacarācarāḥ |sadevāḥ kathayiṣyanti yāvadbhūmirdhariṣyati |samāgamya sadā loke yathā yuddhaṃ pravartitam || 6.101.57 ||
evamuktvā śitairbāṇaistaptakāñcanabhūṣaṇaiḥ |ājaghāna daśagrīvaṃ raṇe rāmaḥ samāhitaḥ || 6.101.58 ||
atha pradīptairnārācairmusalaiścāpi rāvaṇaḥ |abhyavarṣattadā rāmaṃ dhārābhiriva toyadaḥ || 6.101.59 ||
rāmarāvaṇamuktānāmanyonyamabhinighnatām |śarāṇāṃ ca śarāṇāṃ ca babhūva tumulaḥ svanaḥ || 6.101.60 ||
te bhinnāśca vikīrṇāśca rāmarāvaṇayoḥ śarāḥ |antarikṣāt pradīptāgrā nipeturdharaṇītale || 6.101.61 ||
tayorjyātalanirghoṣo rāmarāvaṇayormahān |trāsanaḥ sarvabhūtānāṃ sambabhūvādbhutopamaḥ || 6.101.62 ||
sa kīryamāṇaḥ śarajālavṛṣṭibhirmahātmanā dīptadhanuṣmatā 'rditaḥ |bhayāt pradudrāva sametya rāvaṇo yathā 'nilenābhihato balāhakaḥ || 6.101.63 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekottaraśatatamaḥ sargaḥ || 101 ||
śaktyā vinihataṃ dṛṣṭvā rāvaṇena balīyasā |lakṣmaṇaṃ samare śūraṃ rudhiraughapariplutam || 6.102.1 ||
sa dattvā tumulaṃ yuddhaṃ rāvaṇasya durātmanaḥ |visṛjanneva bāṇaughān suṣeṇaṃ vākyamabravīt || 6.102.2 ||
eṣa rāvaṇavīryeṇa lakṣmaṇaḥ patitaḥ kṣitau |sarpavadveṣṭate vīro mama śokamudīrayan || 6.102.3 ||
śoṇitārdramimaṃ vīraṃ prāṇairiṣṭatamaṃ mama |paśyato mama kā śaktiryoddhuṃ paryākulātmanaḥ || 6.102.4 ||
ayaṃ sa samaraślāghī bhrātā me śubhalakṣaṇaḥ |yadi pañcatvamāpannaḥ prāṇairme kiṃ sukhena ca || 6.102.5 ||
lajjatīva hi me vīryaṃ bhraśyatīva karāddhanuḥ |sāyakā vyavasīdanti dṛṣṭirbāṣpavaśaṃ gatā |avasīdanti gātrāṇi svapnayāne nṛṇāmiva || 6.102.6 ||
cintā me vardhate tīvrā mumūrṣā copajāyate || 6.102.7 ||sīdanti dṛṣṭirbāṣpavaśaṃ gatā |bhrātaraṃ nihataṃ dṛṣṭvā rāvaṇena durātmanā || 6.102.8 |||sīdanti dṛṣṭirbāṣpavaśaṃ gatā |viniṣṭanantaṃ duḥkhārthaṃ marmaṇyabhihataṃ bhṛśam |rāghavo bhrātaraṃ dṛṣṭvā priyaṃ prāṇaṃ bahiścaram |duḥkhena mahatā ' 'viṣṭo dhyānaśokaparāyaṇaḥ || 6.102.9 ||
paraṃ viṣādamāpanno vilalāpākulendriyaḥ || 6.102.10 ||
na hi yuddhena me kāryaṃ naiva prāṇairna sītayā |bhrātaraṃ nihataṃ dṛṣṭvā lakṣmaṇaṃ raṇapāṃsuṣu || 6.102.11 ||
kiṃ me rājyena kiṃ prāṇairyuddhe kāryaṃ na vidyate |yatrāyaṃ nihataḥ śete raṇamūrdhani lakṣmaṇaḥ || 6.102.12 ||
deśe deśe kalatrāṇi deśe deśe ca bāndhavāḥ |taṃ tu deśaṃ na paśyāmi yatra bhrātā sahodaraḥ || 6.102.13 ||
ityavaṃ vilapantaṃ taṃ śokavihvalitendriyam |viveṣṭamānaṃ karuṇamucchvasantaṃ punaḥpunaḥ |rāmamāśvāsayan vīraḥ suṣeṇo vākyamabravīt || 6.102.14 ||
na mṛto 'yaṃ mahābāho lakṣmaṇo lakṣmivardhanaḥ |na cāsya vikṛtaṃ vaktraṃ nāpi śyāvaṃ na niṣprabham || 6.102.15 ||
suprabhaṃ ca prasannaṃ ca mukhamasyābhilakṣyate |padmaraktatalau hastau suprasanne ca locane || 6.102.16 ||
evaṃ na vidyate rūpaṃ gatāsūnāṃ viśāmpate |dīrghāyuṣastu ye martyāsteṣāṃ tu mukhamīddaśam || 6.102.17 ||
nāyaṃ pretatvamāpanno lakṣmaṇo lakṣmivardhanaḥ |mā viṣādaṃ kṛthā vīra saprāṇo 'yamarindamaḥ || 6.102.18 ||
ākhyāsyate prasuptasya srastagātrasya bhūtale |socchvāsaṃ hṛdayaṃ vīra kampamānaṃ muhurmuhuḥ || 6.102.19 ||
evamuktvā tu vākyajñaḥ suṣeṇo rāghavaṃ vacaḥ |hanumantamuvācedaṃ hanumantamabhitvaran || 6.102.20 ||
saumya śīghramito gatvā śailamoṣadhiparvatam |pūrvaṃ te kathito yo 'sau vīra jāmbavatā śubhaḥ || 6.102.21 ||
dakṣiṇe śikhare tasya jātamoṣadhimānaya |viśalyakaraṇīṃ nāma viśalyakaraṇīṃ śubhām || 6.102.22 ||
savarṇakaraṇīṃ cāpi tathā sañjīvanīmapi |sandhānakaraṇīṃ cāpi gatvā śīghramihānaya || 6.102.23 ||
sañjīvanārthaṃ vīrasya lakṣmaṇasya mahātmanaḥ |ityevamukto hanumān gatvā cauṣadhiparvatam |cintāmabhyagamacchrīmānajānaṃstāṃ mahauṣadhim || 6.102.24 ||
asmin hi śikhare jātāmoṣadhīṃ tāṃ sukhāvahām |pratarkeṇāvagacchāmi suṣeṇo 'pyevamabravīt || 6.102.26 ||
agṛhya yadi gacchāmi viśalyakaraṇīmaham |kālātyayena doṣaḥ syādvaiklavyaṃ ca mahadbhavet || 6.102.27 ||
iti sañcintya hanumān gatvā kṣipraṃ mahābalaḥ |āsādya parvataśreṣṭhaṃ triḥ prakampya gireḥ śiraḥ || 6.102.28 ||
phullanānātarugaṇaṃ samutpāṭya mahābalaḥ |gṛhītvā hariśārdūlo hastābhyāṃ samatolayat || 6.102.29 ||
sa nīlamiva jīmūtaṃ toyapūrṇaṃ nabhasthalāt |āpapāta gṛhītvā tu hanumān śikharaṃ gireḥ || 6.102.30 ||
samāgamya mahāvegaḥ sannyasya śikharaṃ gireḥ |viśramya kiñciddhanumān suṣeṇamidamabravīt || 6.102.31 ||
oṣadhiṃ nāvagacchāmi tāmahaṃ haripuṅgava |tadidaṃ śikharaṃ kṛtsnaṃ girestasyāhṛtaṃ mayā || 6.102.32 ||
evaṃ kathayamānaṃ taṃ praśasya pavanātmajam |suṣeṇo vānaraśreṣṭho jagrāhotpāṭya cauṣadhīm || 6.102.33 ||
vismitāstu babhūvuste raṇe vānararākṣasāḥ |dṛṣṭvā hanumataḥ karma surairapi suduṣkaram || 6.102.34 ||
tataḥ saṅkṣodayitvā tāmoṣadhīṃ vānarottamaḥ |lakṣmaṇasya dadau nastaḥ suṣeṇaḥ sumahādyuteḥ || 6.102.35 ||
saśalyastāṃ samāghrāya lakṣmaṇaḥ paravīrahā |viśalyo virujaḥ śīghramudatiṣṭhanmahītalāt || 6.102.36 ||
tamutthitaṃ te harayo bhūtalāt prekṣya lakṣmaṇam |sādhu sādhviti suprītāḥ suṣeṇaṃ pratyapūjayan || 6.102.37 ||
ehyehītyabravīdrāmo lakṣmaṇaṃ paravīrahā |sasvaje snehagāḍhaṃ ca bāṣpapāryākulekṣaṇaḥ || 6.102.38 ||
abravīcca pariṣvajya saumitriṃ rāghavastadā |diṣṭyā tvāṃ vīra paśyāmi maraṇāt punarāgatam || 6.102.39 ||
na hi me jīvitenārthaḥ sītayā cāpi lakṣmaṇa |ko hi me vijayenārthastvayi pañcatvamāgate || 6.102.40 ||
ityevaṃ vadatastasya rāghavasya mahātmanaḥ |khinnaḥ śithilayā vācā lakṣmaṇo vākyamabravīt || 6.102.41 ||
tāṃ pratijñāṃ pratijñāya purā satyaparākrama |laghuḥ kaścidivāsattvo naivaṃ vaktumihārhasi || 6.102.42 ||
na hi pratijñāṃ kurvanti vitathāṃ sādhavo 'nagha |lakṣaṇaṃ hi mahattvasya pratijñāparipālanam || 6.102.43 ||
nairāśyamupagantuṃ te tadalaṃ matkṛte 'nagha |vadhena rāvaṇasyādya pratijñāmanupālaya || 6.102.44 ||
na jīvan yāsyate śatrustava bāṇapathaṃ gataḥ |nardatastīkṣṇadaṃṣṭrasya siṃhasyeva mahāgajaḥ || 6.102.45 ||
ahaṃ tu vadhamicchāmi śīghramasya durātmanaḥ |yāvadastaṃ na yātyeṣa kṛtakarmā divākaraḥ || 6.102.46 ||
yadi vadhamicchasi rāvaṇasya saṅkhye yadi ca kṛtāṃ tvamihecchasi pratijñām |yadi tava rājavarātmajābhilāṣaḥ kuru ca vaco mama śīghramadyavīra || 6.102.47 ||
lakṣmaṇena tu tadvākyamuktaṃ śrutvā sa rāghavaḥ |sandadhe paravīraghno dhanurādāya vīryavān |rāvaṇāya śarān ghorān visasarja camūmukhe || 6.103.1 ||
athānyaṃ rathamāruhya rāvaṇo rākṣasādhipaḥ |abhyadravata kākutsthaṃ svarbhānuriva bhāskaram || 6.103.2 ||
daśagrīvo rathasthastu rāmaṃ vajropamaiḥ śaraiḥ |ājaghāna mahāghorairdhārābhiriva toyadaḥ || 6.103.3 ||
dīptapāvaka saṅkāśaiḥ śaraiḥ kāñcanabhūṣaṇaiḥ |nirbibheda raṇe rāmo daśagrīvaṃ samāhitam || 6.103.4 ||
bhūmau sthitasya rāmasya rathasthasya ca rakṣasaḥ |na samaṃ yuddhamityāhurdevagandharvadānavāḥ || 6.103.5 ||
tataḥ kāñcanacitrāṅgaḥ kiṅkiṇīśatabhūṣitaḥ |taruṇādityasaṅkāśo vaiḍūryamayakūbaraḥ || 6.103.6 ||
sadaśvaiḥ kāñcanāpīḍairyuktaḥ śvetaprakīrṇakaiḥ |haribhiḥ sūryasaṅkāśairhemajālavibhūṣitaiḥ || 6.103.7 ||
rukmaveṇudhvajaḥ śrīmān devarājaratho varaḥ |devarājena sandiṣṭo rathamāruhya mātaliḥ || 6.103.8 ||
abhyavartata kākutsthamavatīrya triviṣṭapāt || 6.103.9 ||
abravīcca tadā rāmaṃ sapratodo rathe sthitaḥ |prāñjalirmātalirvākyaṃ sahasrākṣasya sārathiḥ || 6.103.10 ||
sahasrākṣeṇa kākutstha ratho 'yaṃ vijayāya te |dattastava mahāsattva śrīmān śatrunibarhaṇa || 6.103.11 ||
idamaindraṃ mahaccāpaṃ kavacaṃ cāgnisannibham |śarāścādityasaṅkāśāḥ śaktiśca vimalā śitā || 6.103.12 ||
āruhyemaṃ rathaṃ vīra rākṣasaṃ jahi rāvaṇam |mayā sārathinā rājan mahendra iva dānavān || 6.103.13 ||
ityuktaḥ samparikramya rathaṃ samabhivādya ca |āruroha tadā rāmo lokān lakṣmyā virājayan || 6.103.14 ||
tadbabhūvādbhutaṃ yuddhaṃ tumulaṃ romaharṣaṇam |rāmasya ca mahābāho rāvaṇasya ca rakṣasaḥ || 6.103.15 ||
sa gāndharveṇa gāndharvaṃ daivaṃ daivena rāghavaḥ |astraṃ rākṣasarājasya jaghāna paramāstravit || 6.103.16 ||
astraṃ tu paramaṃ ghoraṃ rākṣasaṃ rākṣasādhipaḥ |sasarja paramakruddhaḥ punareva niśācaraḥ || 6.103.17 ||
te rāvaṇadhanurmuktāḥ śarāḥ kāñcanabhūṣaṇāḥ |abhyavartanta kākutsthaṃ sarpā bhūtvā mahāviṣāḥ || 6.103.18 ||
te dīptavadanā dīptaṃ vamanto jvalanaṃ mukhaiḥ |rāmamevābhyavartanta vyāditāsyā bhayānakāḥ || 6.103.19 ||
tairvāsukisamasparśairdīptabhogairmahāviṣaiḥ |diśaśca santatāḥ sarvāḥ pradiśaśca samāvṛtāḥ || 6.103.20 ||
tān dṛṣṭvā pannagān rāmaḥ samāpatata āhave |astraṃ gārutmataṃ ghoraṃ prāduścake bhayāvaham || 6.103.21 ||
te rāghavaśarā muktā rukmapuṅkhāḥ śikhiprabhāḥ |suparṇāḥ kāñcanā bhūtvā viceruḥ sarpaśatravaḥ || 6.103.22 ||
te tān sarvān śarān jaghnuḥ sarparūpān mahājavān |suparṇarūpā rāmasya viśikhāḥ kāmarūpiṇaḥ || 6.103.23 ||
astre pratihate kruddho rāvaṇo rākṣasādhipaḥ |abhyavarṣattadā rāmaṃ ghorābhiḥ śaravṛṣṭibhiḥ || 6.103.24 ||
tataḥ śarasahasreṇa rāmamakliṣṭakāriṇam |ardayitvā śaraugheṇa mātaliṃ pratyavidhyata || 6.103.25 ||
ciccheda ketumuddhiśya śareṇaikena rāvaṇaḥ |pātayitvā rathopasthe rathāt ketuṃ ca kāñcanam |aindrānapi jaghānāśvān śarajālena rāvaṇaḥ || 6.103.26 ||
taṃ dṛṣṭvā sumahatkarma rāvaṇasya durātmanaḥ |viṣedurdevagandharvā dānavāścāraṇaiḥ saha || 6.103.27 ||
rāmamārtaṃ tadā dṛṣṭvā siddhāśca paramarṣayaḥ |vyathitā vānarendrāśca babhūvuḥ savibhīṣaṇāḥ || 6.103.28 ||
rāmacandramasaṃ dṛṣṭvā grastaṃ rāvaṇarāhuṇā |prājāpatyaṃ ca nakṣatraṃ rohiṇīṃ śaśinaḥ priyām || 6.103.29 ||
samākramya budhastasthau prajānāmaśubhāvahaḥ || 6.103.30 ||
sadhūmaparivṛttormiḥ prajvalanniva sāgaraḥ |utpapāta tadā kruddhaḥ spṛśanniva divākaram || 6.103.31 ||
śastravarṇaḥ suparuṣo mandaraśmirdivākaraḥ |adṛśyata kabandhāṅkaḥ saṃsakto dhūmaketunā || 6.103.32 ||
kosalānāṃ ca nakṣatraṃ vyaktamindrāgnidaivatam |ākramyāṅgārakastasthau viśākhāmapi cāmbare || 6.103.33 ||
daśāsyo viṃśatibhujaḥ pragṛhītaśarāsanaḥ |adṛśyata daśagrīvo maināka iva parvataḥ || 6.103.34 ||
nirasyamāno rāmastu daśagrīveṇa rakṣasā |nāśaknodabhisandhātuṃ sāyakān raṇamūrdhani || 6.103.35 ||
sa kṛtvā bhrukuṭiṃ kruddhaḥ kiñcit saṃraktalocanaḥ |jagāma sumahākrodhaṃ nirdahanniva cakṣuṣā || 6.103.36 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe tryuttaraśatatamaḥ sargaḥ || 103 ||
tasya kruddhasya vadanaṃ dṛṣṭvā rāmasya dhīmataḥ |sarvabhūtāni vitresuḥ prākampata ca medinī || 6.104.1 ||
siṃhaśārdūlavān śailaḥ sañcacāla caladrumaḥ |babhūva cātikṣubhitaḥ samudraḥ saritāṃ patiḥ || 6.104.2 ||
khagāśca kharanirghoṣā gagane paruṣā ghanāḥ |autpātikāni nardantaḥ samantāt paricakramuḥ || 6.104.3 ||
rāmaṃ dṛṣṭvā susaṅkruddhamutpātāṃśca sudāruṇān |vitresuḥ sarvabhūtāni rāvaṇasyābhavadbhayem || 6.104.4 ||
vimānasthāstadā devā gandharvāśca mahoragāḥ |ṛṣidānavadaityāśca garutmantaśca khecarāḥ || 6.104.5 ||
dadṛśuste mahāyuddhaṃ lokasaṃvartasaṃsthitam |nānāpraharaṇairbhīmaiḥ śūrayoḥ samprayuddhyatoḥ || 6.104.6 ||
ūcuḥ surāsurāḥ sarve tadā vigrahamāgatāḥ |prekṣamāṇā mahadyuddhaṃ vākyaṃ bhaktyā prahṛṣṭavat || 6.104.7 ||
daśagrīvaṃ jayetyāhurasurāḥ samavasthitāḥ |devā rāmamathocuste tvaṃ jayeti punaḥpunaḥ || 6.104.8 ||
etasminnantare krodhādrāghavasya sa rāvaṇaḥ |prahartukāmo duṣṭātmā spṛśan praharaṇaṃ mahat || 6.104.9 ||
vajrasāraṃ mahānādaṃ sarvaśatrunibarhaṇam |śailaśṛṅganibhaiḥ kūṭaiścitaṃ dṛṣṭibhayāvaham || 6.104.10 ||
sadhūmamiva tīkṣṇāgraṃ yugāntāgnicayopamam |atiraudramanāsādyaṃ kālenāpi durāsadam || 6.104.11 ||
trāsanaṃ sarvabhūtānāṃ dāraṇaṃ bhedanaṃ tadā |pradīptamiva roṣeṇa śūlaṃ jagrāha rāvaṇaḥ || 6.104.12 ||
tacchūlaṃ paramakruddho madhye jagrāha vīryavān |anekaiḥ samare śūrai rākṣasaiḥ parivāritaḥ || 6.104.13 ||
samudyamya mahākāyo nanāda yudhi bhairavam |saṃraktanayano roṣāt svasainyamabhiharṣayan || 6.104.14 ||
pṛthivīṃ cāntarikṣaṃ ca diśaśca pradiśastathā |prākampayattadā śabdo rākṣasendrasya dāruṇaḥ || 6.104.15 ||
atinādasya nādena tena tasya durātmanaḥ |sarvabhūtāni vitresuḥ sāgaraśca pracukṣubhe || 6.104.16 ||
sa gṛhītvā mahāvīryaḥ śūlaṃ tadrāvaṇo mahat |vinadya sumahānādaṃ rāmaṃ paruṣamabravīt || 6.104.17 ||
śūlo 'yaṃ vajrasāraste rāma roṣānmayodyataḥ |tava bhrātṛsahāyasya sadyaḥ prāṇān hariṣyati || 6.104.18 ||
rakṣasāmadya śūrāṇāṃ nihatānāṃ camūmukhe |tvāṃ nihatya raṇaślāghin karomi tarasā samam |tiṣṭhedānīṃ nihanmi tvāmeṣa śūlena rāghava || 6.104.19 ||
evamuktvā sa cikṣepa tacchūlaṃ rākṣasādhipaḥ || 6.104.20 ||
tadrāvaṇakarānmuktaṃ vidyujjvālāsamākulam |aṣṭaghaṇṭaṃ mahānādaṃ viyadgatamaśobhata || 6.104.21 ||
tacchūlaṃ rāghavo dṛṣṭvā jvalantaṃ ghoradarśanam |sasarja viśikhān rāmaścāpamāyamya vīryavān || 6.104.22 ||
āpatantaṃ śaraugheṇa vārayāmāsa rāghavaḥ |utpatantaṃ yugāntāgniṃ jalaughairiva vāsavaḥ || 6.104.23 ||
nirdadāha sa tān bāṇān rāmakārmukanissṛtān |rāvaṇasya mahāśūlaḥ pataṅgāniva pāvakaḥ || 6.104.24 ||
tān dṛṣṭvā bhasmasādbhūtān śūla saṃsparśacūrṇitān |sāyakānantarikṣasthān rāghavaḥ krodhamāharat || 6.104.25 ||
sa tāṃ mātalinā ' 'nītāṃ śaktiṃ vāsavanirmitām |jagrāha paramakruddho rāghavo raghunandanaḥ || 6.104.26 ||
sā tolitā balavatā śaktirghaṇṭākṛtasvanā |nabhaḥ prajvālayāmāsa yugāntolkeva saprabhā || 6.104.27 ||
sā kṣiptā rākṣasendrasya tasmin śūle papāta ha |bhinnaḥ śaktyā mahān śūlo nipapāta hatadyutiḥ || 6.104.28 ||
nirbibheda tato bāṇairhayānasya mahājavān |rāmastīkṣṇairmahāvegairvajrakalpaiḥ śitaiḥ śaraiḥ || 6.104.29 ||
nirbibhedorasi tato rāvaṇaṃ niśitaiḥ śaraiḥ |rāghavaḥ paramāyatto lalāṭe patribhistribhiḥ || 6.104.30 ||
sa śarairbhinnasarvāṅgo gātraprasrutaśoṇitaḥ |rākṣasendraḥ samūhasthaḥ phullāśoka ivābabhau || 6.104.31 ||
sa rāmabāṇairabhividdhagātro niśācarendraḥ kṣatajārdragātraḥ |jagāma khedaṃ ca samājamadhye krodhaṃ ca cakre subhṛśaṃ tadānīm || 6.104.32 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe caturuttaraśatatamaḥ sargaḥ || 104 ||
sa tena tu tathā krodhāt kākutsthenārdito raṇe |rāvaṇaḥ samaraślāghī mahākrodhamupāgamat || 6.105.1 ||
sa dīptanayano roṣāccāpamāyamya vīryavān |abhyardayat susaṅkruddho rāghavaṃ paramāhave || 6.105.2 ||
bāṇadhārāsahasraistaiḥ sa toyada ivāmbarāt |rāghavaṃ rāvaṇo bāṇaistaṭākamiva pūrayat || 6.105.3 ||
pūritaḥ śarajālena dhanurmuktena saṃyuge |mahāgiririvākampyaḥ kākutstho na prakampate || 6.105.4 ||
sa śaraiḥ śarajālāni vārayan samare sthitaḥ |gabhastīniva sūryasya pratijagrāha vīryavān || 6.105.5 ||
tataḥ śarasahasrāṇi kṣiprahasto niśācaraḥ |nijaghānorasi kruddho rāghavasya mahātmanaḥ || 6.105.6 ||
sa śoṇita samādigdhaḥ samare lakṣmaṇāgrajaḥ |dṛṣṭaḥ phulla ivāraṇye sumahān kiṃśukadrumaḥ || 6.105.7 ||
śarābhighātasaṃrabdhaḥ so 'pi jagrāha sāyakān |kākutsthaḥ sumahātejā yugāntādityatejasaḥ || 6.105.8 ||
tato 'yonyaṃ susaṃrabdhāvubhau tau rāmarāvaṇau |śarāndhakāre samare nopālakṣayatāṃ tadā || 6.105.9 ||
tataḥ krodhasamāviṣṭo rāmo daśarathātmajaḥ |uvāca rāvaṇaṃ vīraḥ prahasya paruṣaṃ vacaḥ || 6.105.10 ||
mama bhāryā janasthānādajñānādrākṣasādhama |hṛtā te vivaśā yasmāttasmāttvaṃ nāsi vīryavān || 6.105.11 ||
mayā virahitāṃ dīnāṃ vartamānāṃ mahāvane |vaidehīṃ prasabhaṃ hṛtvā śūro 'hamiti manyase || 6.105.12 ||
strīṣu śūra vināthāsu paradārābhimarśaka |kṛtvā kāpuruṣaṃ karma śūro 'hamiti manyase || 6.105.13 ||
bhinnamaryāda nirlajja cāritreṣvanavasthita |darpānmṛtyumupādāya śūro 'hamiti manyase || 6.105.14 ||
śūreṇa dhanadabhrātrā balaiḥ samuditena ca |ślāghanīyaṃ yaśasyaṃ ca kṛtaṃ karma mahattvayā || 6.105.15 ||
utsekenābhipannasya garhitasyāhitasya ca |karmaṇaḥ prāpnuhīdānīṃ tasyādya sumahat phalam || 6.105.16 ||
śūro 'hamiti cātmānamavagacchasi durmate |naiva lajjā 'sti te sītāṃ coravad vyapakarṣataḥ || 6.105.17 ||
yadi matsannidhau sītā dharṣitā syāttvayā balāt |bhrātaraṃ tu kharaṃ paśyestadā matsāyakairhataḥ || 6.105.18 ||
diṣṭyā 'si mama duṣṭātmaṃścakṣurviṣayamāgataḥ |adya tvāṃ sāyakaistīkṣṇairnayāmi yamasādanam || 6.105.19 ||
adya te maccharaiśchinnaṃ śiro jvalitakuṇḍalam |kravyādā vyapakarṣantu vikīrṇaṃ raṇapāṃsuṣu || 6.105.20 ||
nipatyorasi gṛdhrāste kṣitau kṣiptasya rāvaṇa |pibantu rudhiraṃ tarṣāccharaśalyāntarotthitam || 6.105.21 ||
adya madbāṇabhinnasya gatāsoḥ patitasya te |karṣantvantrāṇi patagā garutmanta ivoragān || 6.105.22 ||
ityevaṃ saṃvadan vīro rāmaḥ śatrunibarhaṇaḥ |rākṣasendraṃ samīpasthaṃ śaravarṣairavākirat || 6.105.23 ||
babhūva dviguṇaṃ vīryaṃ balaṃ harṣaśca saṃyuge |rāmasyāstrabalaṃ caiva śatrornidhanakāṅkṣiṇaḥ || 6.105.24 ||
prādurbabhūvurastrāṇi sarvāṇi viditātmanaḥ |praharṣācca mahātejāḥ śīghrahastataro 'bhavat || 6.105.25 ||
śubhānyetāni cihnāni vijñāyātmagatāni saḥ |bhūya evārdayadrāmo rāvaṇaṃ rākṣasāntakṛt || 6.105.26 ||
harīṇāṃ cāśmanikaraiḥ śaravarṣaiśca rāghavāt |hanyamāno daśagrīvo vighūrṇahṛdayo 'bhavat || 6.105.27 ||
yadā ca śastraṃ nārebhe na vyakarṣaccharāsanam |nāsya pratyakarodvīryaṃ viklevenāntarātmanā || 6.105.28 ||
kṣiptāścāpi śarāstena śastrāṇi vividhāni ca |na raṇārthāya vartante mṛtyukāle 'bhivartataḥ || 6.105.29 ||
sūtastu rathanetā 'sya tadavasthaṃ samīkṣya tam |śanairyuddhādasambhrānto rathaṃ tasyāpavāhayat || 6.105.30 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe pañcottaraśatatamaḥ sargaḥ || 105 ||
sa tu mohāt susaṅkruddhaḥ kṛtāntabalacoditaḥ |krodhasaṃraktanayano rāvaṇaḥ sūtamabravīt || 6.106.1 ||
hīnavīryamivāśaktaṃ pauruṣeṇa vivarjitam |bhīruṃ laghumivāsattvaṃ vihīnamiva tejasā || 6.106.2 ||
vimuktamiva māyābhirastrairiva bahiṣkṛtam |māmavajñāya durbuddhe svayā buddhyā viceṣṭase || 6.106.3 ||
kimarthaṃ māmavajñāya macchandamanavekṣya ca |tvayā śatroḥ samakṣaṃ me ratho 'yamapavāhitaḥ || 6.106.4 ||
tvayā 'dya hi mamānārya cirakālasamārjitam |yaśo vīryaṃ ca tejaśca pratyayaśca vināśitaḥ || 6.106.5 ||
śatroḥ prakhyātavīryasya rañjanīyasya vikramaiḥ |paśyato yuddhalubdho 'haṃ kṛtaḥ kāpuruṣastvayā || 6.106.6 ||
yastvaṃ rathamimaṃ mohāt na codvahasi durmate |satyo 'yaṃ pratitarko me pareṇa tvamupaskṛtaḥ || 6.106.7 ||
na hi tadvidyate karma suhṛdo hitakāṅkṣiṇaḥ |ripūṇāṃ sadṛśaṃ caitanna tvayaitat svanuṣṭhitam || 6.106.8 ||
nivartaya rathaṃ śīghraṃ yāvannopaiti me ripuḥ |yadi vā 'dhyuṣito vā 'si smaryante yadi vā guṇāḥ || 6.106.9 ||
evaṃ paruṣamuktastu hitabuddhirabuddhinā |abravīdrāvaṇaṃ sūto hitaṃ sānunayaṃ vacaḥ || 6.106.10 ||
na bhīto 'smi na mūḍho 'smi nopajapto 'smi śatrubhiḥ |na pramatto na nisneho vismṛtā na ca satkriyā || 6.106.11 ||
mayā tu hitakāmena yaśaśca parirakṣatā |snehapraskannamanasā priyamityapriyaṃ kṛtam || 6.106.12 ||
nāsminnarthe mahārāja tvaṃ māṃ priyahite ratam |kaścillaghurivānāryo doṣato gantumarhasi || 6.106.13 ||
śrūyatāṃ tvabhidhāsyāmi yannimittaṃ mayā rathaḥ |nadīvega ivābhoge saṃyuge vinivartitaḥ || 6.106.14 ||
kṣamaṃ tavāvagacchāmi mahatā raṇakarmaṇā |na hi te vīra saumukhyaṃ praharṣaṃ vopadhāraye || 6.106.15 ||
rathodvahanakhinnāśca ta ime rathavājinaḥ |dīnā dharmapariśrāntā gāvo varṣahatā iva || 6.106.16 ||
nimittāni ca bhūyiṣṭhaṃ yāni prādurbhavanti naḥ |teṣu teṣvabhipanneṣu lakṣayāmyapradakṣiṇam || 6.106.17 ||
deśakālau ca vijñeyau lakṣaṇānīṅgītāni ca |dainyaṃ khedaśca harṣaśca rathinaśca balābalam || 6.106.18 ||
sthalanimnāni bhūmeśca samāni viṣamāṇi ca |yuddhakālaśca vijñeyaḥ parasyāntaradarśanam || 6.106.19 ||
upayānāpayāne ca sthānaṃ pratyapasarpaṇam |sarvametadrathasthena jñeyaṃ rathakuṭumbinā || 6.106.20 ||
tava viśramahetośca tathaiṣāṃ rathavājinām |raudraṃ varjayatā khedaṃ kṣamaṃ kṛtamidaṃ mayā || 6.106.21 ||
na mayā svecchayā vīra ratho 'yamapavāhitaḥ || 6.106.22 ||
bhartṛsnehaparītena mayedaṃ yatkṛtaṃ vibho || 6.106.23 ||
ājñāpaya yathātattvaṃ vakṣyasyariniṣūdana |tatkariṣyāmyahaṃ vīra gatānṛṇyena cetasā || 6.106.24 ||
santuṣṭastena vākyena rāvaṇastasya sāratheḥ |praśasyainaṃ bahuvidhaṃ yuddhalubdho 'bravīdidam || 6.106.25 ||
rathaṃ śīghramimaṃ sūta rāghavābhimukhaṃ kuru |nāhatvā samare śatrūn nivartiṣyati rāvaṇaḥ || 6.106.26 ||
evamuktvā tatastuṣṭo rāvaṇo rākṣaseśvaraḥ |dadau tasmai śubhaṃ hyekaṃ hastābharaṇamuttamam || 6.106.27 ||
śrutvā rāvaṇavākyaṃ tu sārathiḥ sannyavartata || 6.106.28 ||
tato drutaṃ rāvaṇavākyacoditaḥ pracodayāmāsa hayān sa sārathiḥ |sa rākṣasendrasya tato mahārathaḥ kṣaṇena rāmasya raṇāgrato 'bhavat || 6.106.29 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣaḍuttaraśatatamaḥ sargaḥ || 106 ||
|| ādityahṛdayaprārambhaḥ ||tato yuddhapariśrantaṃ samare cintayā sthitam |rāvaṇaṃ cāgrato dṛṣṭvā yuddhāya samupasthitam || 6.107.1 ||
daivataiśca samāgamya draṣṭumabhyāgato raṇam |upāgamyābravīdrāmamagastyo bhagavānṛṣiḥ || 6.107.2 ||
rāma rāma mahābāho śṛṇu guhyaṃ sanātanam |yena sarvānarīn vatsa samare vijayiṣyasi || 6.107.3 ||
ādityahṛdayaṃ puṇyaṃ sarvaśatruvināśanam |jayāvahaṃ japennityamakṣayyaṃ paramaṃ śivam || 6.107.4 ||
sarvamaṅgalamaṅgalyaṃ sarvapāpapraṇāśanam |cintāśokapraśamanamāyurvardhanamuttamam || 6.107.5 ||
raśmimantaṃ samudyantaṃ devāsuranamaskṛtam |pūjayasva vivasvantaṃ bhāskaraṃ bhuvaneśvaram || 6.107.6 ||
sarvadevātmako hyeṣa tejasvī raśmibhāvanaḥ |eṣa devāsuragaṇān lokān pāti gabhistibhiḥ || 6.107.7 ||
eṣa brahmā ca viṣṇuśca śivaḥ skandaḥ prajāpatiḥ |mahendro dhanadaḥ kālo yamaḥ somo hyapāṃ patiḥ || 6.107.8 ||
pitaro vasavaḥ sādhyā hyaśvinau maruto manuḥ |vāyurvahniḥ prajāpāṇa ṛtukartā prabhākaraḥ || 6.107.9 ||
ādityaḥ savitā sūryaḥ khagaḥ pūṣā gabhastimān |suvarṇasadṛśo bhānurhiraṇyaretā divākaraḥ || 6.107.10 ||
haridaśvaḥ sahasrārciḥ saptasaptirmarīcimān |timironmathanaḥ śambhustvaṣṭā mārtaṇḍa aṃśumān || 6.107.11 ||
hiraṇyagarbhaḥ śiśirastapano bhāskaro raviḥ |agnigarbho 'diteḥ putraḥ śaṅkhaḥ śiśiranāśanaḥ || 6.107.12 ||
vyomanāthastamobhedī ṛgyajussāmapāragaḥ |ghanavṛṣṭirapāṃ mitro vindhyavīthīplavaṅgamaḥ || 6.107.13 ||
ātapī maṇḍalī mṛtyuḥ piṅgalaḥ sarvatāpanaḥ |kavirviśvo mahātejā raktaḥ sarvabhavodbhavaḥ || 6.107.14 ||
nakṣatragrahatārāṇāmadhipo viśvabhāvanaḥ |tejasāmapi tejasvī dvādaśātmannamo 'stu te || 6.107.15 ||
namaḥ pūrvāya giraye paścime giraye namaḥ |jyotirgaṇānāṃ pataye dinādhipataye namaḥ || 6.107.16 ||
jayāya jayabhadrāya haryaśvāya namo namaḥ |namo namaḥ sahasrāṃśo ādityāya namo namaḥ || 6.107.17 ||
nama ugrāya vīrāya sāraṅgāya namo namaḥ |namaḥ padmaprabodhāya mārtāṇḍāya namo namaḥ || 6.107.18 ||
brahmośānācyuteśāya sūryāyādityavarcase |bhāsvate sarvabhakṣāya raudrāya vapuṣe namaḥ || 6.107.19 ||
tamoghnāya himadhnāya śatrughnāyāmitātmane |kṛtaghnaghnāya devāya jyotiṣāṃ pataye namaḥ || 6.107.20 ||
taptacāmīkarābhāya vahnaye viśvakarmaṇe |namastamobhinighnāya rucaye lokasākṣiṇe || 6.107.21 ||
nāśayatyeṣa vai bhūtaṃ tadeva sṛjati prabhuḥ |pāyatyeṣa tapatyeṣa varṣatyeṣa gabhastibhiḥ || 6.107.22 ||
eṣa supteṣu jāgarti bhūteṣu pariniṣṭhitaḥ |eṣa evāgnihotraṃ ca phalaṃ caivāgnihotriṇām || 6.107.23 ||
vedāśca kratavaścaiva kratūnāṃ phalameva ca |yāni kṛtyāni lokeṣu sarva eṣa raviḥ prabhuḥ || 6.107.24 ||
enamāpatsu kṛcchreṣu kāntāreṣu bhayeṣu ca |kīrtayan puruṣaḥ kaścinnāvasīdati rāghava || 6.107.25 ||
pūjayasvainamekāgro devadevaṃ jagatpatim |etatriguṇitaṃ japtvā yuddheṣu vijayiṣyasi || 6.107.26 ||
asmin kṣaṇe mahābāho rāvaṇaṃ tvaṃ vadhiṣyasi |evamuktvā tadā 'gastyo jagāma ca yathāgatam || 6.107.27 ||
etacchutvā mahātejā naṣṭaśoko 'bhavattadā |dhārayāmāsa suprīto rāghavaḥ prayatātmavān || 6.107.28 ||
ādityaṃ prekṣya japtvā tu paraṃ harṣamavāptavān |trirācamya śucirbhūtvā dhanurādāya vīryavān || 6.107.29 ||
rāvaṇaṃ prekṣya hṛṣṭātmā yuddhāya samupāgamat |sarvayatnena mahatā vadhe tasya dhṛto 'bhavat || 6.107.30 ||
atha raviravadannirīkṣya rāmaṃ muditamanāḥ paramaṃ prahṛṣyamāṇaḥ |niśicarapatisaṅkṣayaṃ viditvā suragaṇamadhyagato vacastvareti || 6.107.31 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe saptottaraśatatamaḥ sargaḥ || 107 ||
sa rathaṃ sārathirhṛṣṭaḥ parasainyapradharṣaṇam |gandharvanagarākāraṃ samucchritapatākinam || 6.108.1 ||
yuktaṃ paramasampannairvājibhirhemamālibhiḥ |yuddhopakaraṇaiḥ pūrṇaṃ patākādhvajamālinam || 6.108.2 ||
grasantamiva cākāśaṃ nādayantaṃ vasundharām |praṇāśaṃ parasainyānāṃ svasainyānāṃ praharṣaṇam |rāvaṇasya rathaṃ kṣipraṃ codayāmāsa sārathiḥ || 6.108.3 ||
tamāpatantaṃ sahasā svanavantaṃ mahāsvanam |rathaṃ rākṣasarājasya nararājo dadarśa ha || 6.108.4 || |kṛṣṇavājisamāyuktaṃ yuktaṃ raudreṇa varcasā |taḍitpatākāgahanaṃ darśitendrāyudhāyudham || 6.108.5 ||
śaradhārā vimuñcantaṃ dhārāsāramivāmbudam |taṃ dṛṣṭvā meghasaṅkāśamāpatantaṃ rathaṃ ripoḥ || 6.108.6 ||
girairvajrābhimṛṣṭasya dīryataḥ sadṛśasvanam |visphārayan vai vegena bālacandranataṃ dhanuḥ || 6.108.7 ||
uvāca mātaliṃ rāmaḥ sahasrākṣasya sārathim || 6.108.8 ||
mātale paśya saṃrabdhamāpatantaṃ rathaṃ ripoḥ || 6.108.9 ||
yathā ' 'pasavyaṃ patatā vegena mahatā punaḥ |samare hantumātmānaṃ tathā tena kṛtā matiḥ || 6.108.10 ||
tadapramādamātiṣṭhan pratyudgaccha rathaṃ ripoḥ |vidhvaṃsayitumicchāmi vāyurmeghamivotthitam || 6.108.11 ||
aviklavamasambhrāntamavyagrahṛdayekṣaṇam |raśmisañcāraniyataṃ pracodaya rathaṃ drutam || 6.108.12 ||
kāmaṃ na tvaṃ samādheyaḥ purandararathocitaḥ |yuyutsurahamekāgraḥ smāraye tvāṃ na śikṣaye || 6.108.13 ||
parituṣṭaḥ sa rāmasya tena vākyena mātaliḥ |pracodayāmāsa rathaṃ surasārathisattamaḥ || 6.108.14 ||
apasavyaṃ tataḥ kurvan rāvaṇasya mahāratham |cakrotkṣiptena rajasā rāvaṇaṃ vyavadhānayat || 6.108.15 ||
tataḥ kruddho daśagrīvastāmravisphāritekṣaṇaḥ |rathapratimukhaṃ rāmaṃ sāyakairavadhūnayat || 6.108.16 ||
dharṣaṇāmarṣito rāmo dhairyaṃ roṣeṇa lambhayan |jagrāha sumahāvegamaindraṃ yudhi śarāsanam |śarāṃśca sumahātejāḥ sūryaraśmisamaprabhān || 6.108.17 ||
tadopoḍhaṃ mahadyuddhamanyonyavadhakāṅkṣiṇoḥ |parasparābhimukhayordṛptayoriva siṃhayoḥ || 6.108.18 ||
tato devāḥ sagandharvāḥ siddhāśca paramarṣayaḥ |sameyurdvairathaṃ dṛṣṭuṃ rāvaṇakṣayakāṅkṣiṇaḥ || 6.108.19 ||
samutpeturathotpātā dāruṇā romaharṣaṇāḥ |rāvaṇasya vināśāya rāghavasya jayāya ca || 6.108.20 ||
vavarṣa rudhiraṃ devo rāvaṇasya rathopari |vātā maṇḍalinastīkṣṇā hyapasavyaṃ pracakramuḥ || 6.108.21 ||
mahad gṛdhrakulaṃ cāsya bhramamāṇaṃ nabhassthale |yena yena ratho yāti tena tena pradhāvati || 6.108.22 ||
sandhyayā cāvṛtā laṅkā japāpuṣpanikāśayā |dṛśyate sampradīpteva divase 'pi vasundharā || 6.108.23 ||
sanirghātā maholkāśca sampracerurmahāsvanāḥ |viṣādayaṃste rakṣāṃsi rāvaṇasya tadā 'hitāḥ || 6.108.24 ||
rāvaṇaśca yatastatra sañcacāla vasundharā |rakṣasāṃ ca praharatāṃ gṛhītā iva bāhavaḥ || 6.108.25 ||
tāmrāḥ pītāḥ sitāśvetāḥ patitāḥ sūryaraśmayaḥ |dṛśyante rāvaṇasyāṅge parvatasyeva dhātavaḥ || 6.108.26 ||
gṛdhrairanugatāścāsya vamantyo jvalanaṃ mukhaiḥ |praṇedurmukhamīkṣantyaḥ saṃrabdhamaśivaṃ śivāḥ || 6.108.27 ||
pratikūlaṃ vavau vāyū raṇe pāṃsūn samākiran |tasya rākṣasarājasya kurvan dṛṣṭivilopanam || 6.108.28 ||
nipeturindrāśanayaḥ sainye cāsya samantataḥ |durviṣahyasvanā ghorā vinā jaladharasvanam || 6.108.29 ||
diśaśca pradiśaḥ sarvā babhūvustimirāvṛtāḥ |pāṃsuvarṣeṇa mahatā durdarśaṃ ca nabho 'bhavat || 6.108.30 ||
kurvantyaḥ kalahaṃ ghoraṃ śārikāstadrathaṃ prati |nipetuḥ śataśastatra dāruṇaṃ dāruṇārutāḥ || 6.108.31 ||
jaghanebhyaḥ sphuliṅgāṃśca netrebhyo 'śrūṇi santatam |mumucustasya turagāstulyamagniṃ ca vāri ca || 6.108.32 ||
evamprakārā bahavaḥ samutpātā bhayāvahāḥ |rāvaṇasya vināśāya dāruṇāḥ samprajajñire || 6.108.33 ||
rāmasyāpi nimittāni saumyāni ca śubhāni ca |babhūvurjayaśaṃsīni prādurbhūtāni sarvaśaḥ || 6.108.34 ||
nimittāni ca saumyāni rāghavaḥ svajayāya ca |dṛṣṭvā paramasaṃhṛṣṭo hataṃ mene ca rāvaṇam || 6.108.35 ||
tato nirīkṣyātmagatāni rāghavo raṇe nimittāni nimittakovidaḥ |jagāma harṣaṃ ca parāṃ ca nirvṛttiṃ cakāra yuddhe hyadhikaṃ ca vikramam || 6.108.36 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭottaraśatatamaḥ sargaḥ || 108 ||
tataḥ pravṛttaṃ sukrūraṃ rāmarāvaṇayostadā |sumahaddvairathaṃ yuddhaṃ sarvalokabhayāvaham || 6.109.1 ||
tato rākṣasasainyaṃ ca harīṇāṃ ca mahadbalam |pragṛhītapraharaṇaṃ niśceṣṭaṃ samatiṣṭhata || 6.109.2 ||
samprayuddhau tato dṛṣṭvā balavannararākṣasau |vyākṣiptahṛdayāḥ sarve paraṃ vismayamāgatāḥ || 6.109.3 ||
nānāpraharaṇairvyagrairbhujairvismitabuddhayaḥ |sarpantaṃ prekṣya saṅgrāmaṃ nābhijagmuḥ parasparam || 6.109.4 ||
rakṣasāṃ rāvaṇaṃ cāpi vānarāṇāṃ ca rāghavam |paśyatāṃ vismitākṣāṇāṃ sainyaṃ citramivābabhau || 6.109.5 ||
tau tu tatra nimittāni dṛṣṭvā rāvaṇarāghavau |kṛtabuddhī sthirāmarṣau yuyudhāte byabhītavat || 6.109.6 ||
jetavyamiti kākutstho martavyamiti rāvaṇaḥ |dhṛtau svavīryasarvasvaṃ yuddhe 'darśayatāṃ tadā || 6.109.7 ||
tataḥ krodhāddaśagrīvaḥ śarān sandhāya vīryavān |mumoca dhvajamuddiśya rāghavasya rathe sthitam || 6.109.8 ||
te śarāstamanāsādya purandararathadhvajam |rathaśaktiṃ parāmṛśya nipeturdharaṇītale || 6.109.9 ||
tato rāmo 'bhisaṅkruddhaścāpamāyamya vīryavān |kṛtapratikṛtaṃ kartuṃ manasā sampracakrame || 6.109.10 ||
rāvaṇadhvajamuddiśya mumoca niśitaṃ śaram |mahāsarpamivāsahyaṃ jvalantaṃ svena tejasā || 6.109.11 ||
jagāma sa mahīṃ chittvā daśagrīvadhvajaṃ śaraḥ |sa nikṛtto 'patadbhūmau rāvaṇasya rathadhvajaḥ || 6.109.12 ||
dhvajasyonmathanaṃ dṛṣṭvā rāvaṇaḥ sumahābalaḥ |sampradīpto 'bhavat krodhādamarṣāt pradahanniva || 6.109.13 ||
sa roṣavaśamāpannaḥ śaravarṣaṃ mahadvaman |rāmasya turagān dīptaiḥ śarairvivyādha rāvaṇaḥ || 6.109.14 ||
te viddhā harayastatra nāskhalannāpi babhramuḥ |babhūvuḥ svasthahṛdayāḥ padmanālairivāhatāḥ || 6.109.15 ||
teṣāmasambhramaṃ dṛṣṭvā vājināṃ rāvaṇastadā |bhūya eva susaṅkruddhaḥ śaravarṣaṃ mumoca ha || 6.109.16 ||
gadāśca parighāścaiva cakrāṇi musalāni ca |giriśṛṅgāṇi vṛkṣāṃśca tathā śūlaparaśvadhān || 6.109.17 ||
māyāvihitametattu śastravarṣamapātayat |tumulaṃ trāsajananaṃ bhīmaṃ bhīmapratisvanam || 6.109.18 ||
tadvarṣamabhavadyuddhe naikaśastramayaṃ mahat |vimucya rāghavarathaṃ samāntādvānare bale || 6.109.19 ||
sāyakairantarikṣaṃ ca cakārāśu nirantaram |sahasraśastato bāṇānaśrāntahṛdayodyamaḥ |mumoca ca daśagrīvo nissaṅgenā 'ntarātmanā || 6.109.20 ||
vyāyacchamānaṃ taṃ dṛṣṭvā tatparaṃ rāvaṇaṃ raṇe |prahasanniva kākutsthaḥ sandadhe sāyakān śitān || 6.109.21 ||
sa mumoca tato bāṇān raṇe śatasahasraśaḥ |tān dṛṣṭvā rāvaṇaścakre svaśaraiḥ khaṃ nirantaram || 6.109.22 ||
tatastābhyāṃ pramuktena śaravarṣeṇa bhāsvatā |śarabaddhamivābhāti dvitīyaṃ bhāsvadambaram || 6.109.23 ||
nānimitto 'bhavadbāṇo nātibhettā na niṣphalaḥ || 6.109.24 ||
anyonyamabhisaṃhatya nipeturdharaṇītale |tathā visṛjatorbāṇān rāmarāvaṇayormṛdhe || 6.109.25 ||
prāyuddhyatāmavicchinnamasyantau savyadakṣiṇam |cakratuśca śaraughaistau nirucchvāsamivāmbaram || 6.109.26 ||
rāvaṇasya hayān rāmo hayān rāmasya rāvaṇaḥ |jaghnatustau tathā 'nyonyaṃ kṛtānukṛtakāriṇau || 6.109.27 ||
evaṃ tau tu susaṅkruddhau cakraturyuddhamadbhutam |muhūrtamabhavadyuddhaṃ tumulaṃ romaharṣaṇam || 6.109.28 ||
prayudhyamānau samare mahābalau śitaiḥ śarai rāvaṇalakṣmaṇāgrajau |dhvajāvapātena sa rākṣasādhipo bhṛśaṃ pracukrodha tadā raghūttame || 6.109.29 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe navottaraśatatamaḥ sargaḥ || 109 ||
tau tadā yuddhyamānau tu samare rāmarāvaṇau |dadṛśuḥ sarvabhūtāni vismitenāntarātmanā || 6.110.1 ||
ardayantau tu samare tayostau syandanottamau |parasparamabhikruddhau parasparamabhidrutau || 6.110.2 ||
parasparavadhe yuktau ghorarūpau babhūvatuḥ |maṇḍalāni ca vīthīśca gatapratyāgatāni ca |darśayantau bahuvidhāṃ sūtasārathyajāṃ gatim || 6.110.3 ||
ardayan rāvaṇaṃ rāmo rāghavaṃ cāpi rāvaṇaḥ |gativegaṃ samāpannau pravartananivartane || 6.110.4 ||
kṣipatoḥ śarajālāni tayostau syandanottamau |ceratuḥ saṃyugamahīṃ sāsārau jaladau yathā || 6.110.5 ||
darśayitvā tathā tau tu gatiṃ bahuvidhāṃ raṇe |parasparasyābhimukhau punarevāvatasthatuḥ || 6.110.6 ||
dhuraṃ dhureṇa rathayorvaktraṃ vaktreṇa vājinām |patākāśca patākābhiḥ sameyuḥ sthitayostadā || 6.110.7 ||
rāvaṇasya tato rāmo dhanurmuktaiḥ śitaiḥ śaraiḥ |caturbhiścaturo dīptairhayān pratyapasarpayat || 6.110.8 ||
sa krodhavaśamāpanno hayānāmapasarpaṇe |mumoca niśitān bāṇān rāghavāya niśācaraḥ || 6.110.9 ||
so 'tividdho balavatā daśagrīveṇa rāghavaḥ |jagāma na vikāraṃ ca na cāpi vyathito 'bhavat || 6.110.10 ||
cikṣepa ca punarbāṇān vajrapātasamasvanān |sārāthiṃ vajrahastasya samuddiśya niśācaraḥ || 6.110.11 ||
mātalestu mahāvegāḥ śarīre patitāḥ śarāḥ |na sūkṣmamapi sammohaṃ vyathāṃ vā pradaduryudhi || 6.110.12 ||
tayā dharṣaṇayā kruddho mātalerna tathā ' 'tmanaḥ |cakāra śarajālena rāghavo vimukhaṃ ripum || 6.110.13 ||
viṃśataṃ triṃśataṃ ṣaṣṭiṃ śataśo 'tha sahasraśaḥ |mumoca rāghavo vīraḥ sāyakān syandane ripoḥ || 6.110.14 ||
rāvaṇo 'pi tataḥ kruddho rathastho rākṣaseśvaraḥ |gadāmusalavarṣeṇa rāmaṃ pratyardayadraṇe || 6.110.15 ||
tatpravṛttaṃ mahadyuddhaṃ tumulaṃ romaharṣaṇam || 6.110.16 ||
gadānāṃ musalānāṃ ca parighāṇāṃ ca nisvanaiḥ |śarāṇāṃ puṅkhapātaiśca kṣubhitāḥ sapta sāgarāḥ || 6.110.17 ||
kṣubdhānāṃ sāgarāṇāṃ ca pātālatalavāsinaḥ |vyathitāḥ pannagāḥ sarve dānavāśca sahasraśaḥ || 6.110.18 ||
cakampe medinī kṛtsnā saśailavanakānanā |bhāskaro niṣprabhaścāsīnna vavau cāpi mārutaḥ || 6.110.19 ||
tato devāḥ sagandharvāḥ siddhāśca paramarṣayaḥ |cintāmāpedire sarve sakinnaramahoragāḥ || 6.110.20 ||
svasti gobrāhmaṇebhyastu lokāstiṣṭhantu śāśvatāḥ |jayatāṃ rāghavaḥ saṅkhye rāvaṇaṃ rākṣaseśvaram || 6.110.21 ||
evaṃ japanto 'paśyaṃste devāḥ sarṣigaṇāstadā |rāmarāvaṇayoryuddhaṃ sughoraṃ romaharṣaṇam || 6.110.22 ||
gandharvāpsarasāṃ saṅghā dṛṣṭvā yuddhamanūpamam || 6.110.23 ||
gaganaṃ gaganākāraṃ sāgaraḥ sāgaropamaḥ |rāmarāvaṇayoryuddhaṃ rāmarāvaṇayoriva |evaṃ bruvanto dadṛśustadyuddhaṃ rāmarāvaṇam || 6.110.24 ||
tataḥ kruddho mahābāhū raghūṇāṃ kīrtivardhanaḥ |sandhāya dhanuṣā rāmaḥ kṣuramāśīviṣopamam || 6.110.25 ||
rāvaṇasya śiro 'cchindacchrīmajjvalitakuṇḍalam |tacchiraḥ patitaṃ bhūmau dṛṣṭvaṃ lokaistribhistadā || 6.110.26 ||
tasyaiva sadṛśaṃ cānyadrāvaṇasyotthitaṃ śiraḥ |tat kṣipraṃ kṣiprahastena rāmeṇa kṣiprakāriṇā || 6.110.27 ||
dvitīyaṃ rāvaṇaśiraśchinnaṃ saṃyati sāyakaiḥ |chinnamātraṃ tu tacchīrṣaṃ punaranyat sma dṛśyate || 6.110.28 ||
tadapyaśanisaṅkāśaiśchinnaṃ rāmeṇa sāyakaiḥ |evamekaśataṃ chinnaṃ śirasāṃ tulyavarcasām || 6.110.29 ||
na caiva rāvaṇasyānto dṛśyate jīvitakṣaye || 6.110.30 ||
tataḥ sarvāstravidvīraḥ kausalyānandavardhanaḥ |mārgaṇairbahubhiryuktaścintayāmāsa rāghavaḥ || 6.110.31 ||
mārīco nihato yaistu kharo yaistu sadūṣaṇaḥ |krauñcāvane virādhastu kabandho daṇḍakāvane || 6.110.32 ||
yaiḥ sālā girayo bhagnā vālī ca kṣubhito 'mbudhiḥ |ta ime sāyakāḥ sarve yuddhe prātyayikā mama |kiṃ nu tatkāraṇaṃ yena rāvaṇe mandatejasaḥ || 6.110.33 ||
iti cintāparaścāsīdapramattaśca saṃyuge |vavarṣa śaravarṣāṇi rāghavo rāvaṇorasi || 6.110.34 ||ā mama |rāvaṇo 'pi tataḥ kruddho rathastho rākṣaseśvaraḥ |gadāmusalavarṣeṇa rāmaṃ pratyardayadraṇe || 6.110.35 ||
tat pravṛttaṃ mahadyuddhaṃ tumulaṃ romaharṣaṇam |antarikṣe ca bhūmau ca punaśca girimūrdhani || 6.110.36 ||
devadānavayakṣāṇāṃ piśācoragarakṣasām |paśyatāṃ tanmahadyuddhaṃ sarvarātramavartata || 6.110.37 ||
naiva rātraṃ na divasaṃ na muhūrtaṃ na ca kṣaṇam |rāmarāvaṇayoryuddhaṃ virāmamupagacchati || 6.110.38 ||
daśarathasutarākṣasendrayorjayamanavekṣya raṇe sa rāghavasya |suravararathasārathirmahān raṇagatamenamuvāca vākyamāśu || 6.110.39 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe daśottaraśatatamaḥ sargaḥ || 110 ||
atha saṃsmārayāmāsa rāghavaṃ mātalistadā |ajānanniva kiṃ vīra tvamenamanuvartase || 6.111.1 ||
visṛjāsmai vadhāya tvamastraṃ paitāmahaṃ prabho |vināśakālaḥ kathito yaḥ suraiḥ so 'dya vartata || 6.111.2 ||
tataḥ saṃsmārito rāmastena vākyena mātaleḥ |jagrāha saśaraṃ dīptaṃ niśvasantamivoragam || 6.111.3 ||
yamasmai prathamaṃ prādādagastyo bhagavānṛṣiḥ |brahmadattaṃ mahābāṇamamoghaṃ yudhi vīryavān || 6.111.4 ||
brahmaṇā nirmitaṃ pūrvamindrārthamamitaujasā |dattaṃ surapateḥ pūrvaṃ trilokajayakāṅkṣiṇaḥ || 6.111.5 ||
yasya vājeṣu pavanaḥ phale pāvakabhāskarau |śarīramākāśamayaṃ gaurave merumandarau || 6.111.6 ||
jājvalyamānaṃ vapuṣā supuṅkhaṃ hemabhūṣitam |tejasā sarvabhūtānāṃ kṛtaṃ bhāskaravarcasam || 6.111.7 ||
sadhūmamiva kālāgniṃ dīptamāśīviṣaṃ yathā |paranāgāśvavṛndānāṃ bhedanaṃ kṣiprakāriṇam || 6.111.8 ||
dvārāṇāṃ parighāṇāṃ ca girīṇāmapi bhedanam |nānārudhirasiktāṅgaṃ medodigdhaṃ sudāruṇam || 6.111.9 ||
vajrasāraṃ mahānādaṃ nānāsamitidāraṇam |sarvavitrāsanaṃ bhīmaṃ śvasantamiva pannagam || 6.111.10 ||
kaṅkagṛdhravalānāṃ ca gomāyugaṇarakṣasām |nityaṃ bhakṣyapradaṃ yuddhe yamarūpaṃ bhayāvaham || 6.111.11 ||
nandanaṃ vānarendrāṇāṃ rakṣasāmavasādanam |vājitaṃ vividhairvājaiścārucitrairgarutmataḥ || 6.111.12 ||
tamuttameṣuṃ lokānāmikṣvākubhayanāśanam |dviṣatāṃ kīrtiharaṇaṃ praharṣakaramātmanaḥ || 6.111.13 ||
abhimantrya tato rāmastaṃ maheṣuṃ mahābalaḥ |vedaproktena vidhinā sandadhe kārmuke balī || 6.111.14 ||
tasmin sandhīyamāne tu rāghaveṇa śarottame |sarvabhūtāni vitresuścacāla ca vasundharā || 6.111.15 ||sa rāvaṇāya saṅkruddho bhṛśamāyamya kārmukam |cikṣepa paramāyattastaṃ śaraṃ marmaghātinam || 6.111.16 ||
sa vajra iva durdharṣo vajribāhuvisarjitaḥ |kṛtānta iva cāvāryo nyapatadrāvaṇorasi || 6.111.17 ||
sa visṛṣṭo mahāvegaḥ śarīrāntakaraḥ śaraḥ |bibheda hṛdayaṃ tasya rāvaṇasya durātmanaḥ || 6.111.18 ||
rudhirāktaḥ sa vegena jīvitāntakaraḥ śaraḥ |rāvaṇasya haran prāṇān viveśa dharaṇītalam || 6.111.19 ||
sa śaro rāvaṇaṃ hatvā rudhirārdīkṛtacchaviḥ |kṛtakarmā nibhṛtavat svatūṇīṃ punarāgamat || 6.111.20 ||
tasya hastāddhatasyāśu kārmukaṃ tat sasāyakam |nipapāta saha prāṇairbhraśyamānasya jīvitāt || 6.111.21 ||
gatāsurbhīmavegastu nairṛtendro mahādyutiḥ |papāta syandanādbhūmau vṛtro vajrahato yathā || 6.111.22 ||
taṃ dṛṣṭvā patitaṃ bhūmau hataśeṣā niśācarāḥ |hatanāthā bhayatrastāḥ sarvataḥ sampradudruvuḥ || 6.111.23 ||
nardantaścābhipetustān vānarā drumayodhinaḥ || 6.111.24 ||
daśagrīvavadhaṃ dṛṣṭvā vijayaṃ rāghavasya ca |arditā vānarairhṛṣṭairlaṅkāmabhyapatan bhayāt |gatāśrayatvāt karuṇairbāṣpaprasravaṇairmukhaiḥ || 6.111.25 ||
tato vineduḥ saṃhṛṣṭā vānarā jitakāśinaḥ |vadanto rāghavajayaṃ rāvaṇasya ca tadvadham || 6.111.26 ||
athāntarikṣe vyanadat saumyastridaśadundubhiḥ |divyagandhavahastatra mārutaḥ sasukho vavau || 6.111.27 ||
nipapātāntarikṣācca puṣpavṛṣṭistadā bhuvi |kirantī rāghavarathaṃ duravāpā manoramā || 6.111.28 ||
rāghavastavasaṃyuktā gagane 'pi ca śuśruve |sādhu sādhviti vāgagryā daivatānāṃ mahātmanām || 6.111.29 ||
āviveśa mahāharṣo devānāṃ cāraṇaiḥ saha |rāvaṇe nihate raudre sarvalokabhayaṅkare || 6.111.30 ||
tataḥ sakāmaṃ sugrīvamaṅgadaṃ ca mahābalam |cakāra rāghavaḥ prīto hatvā rākṣasapuṅgavam || 6.111.31 ||
tataḥ prajagmuḥ praśamaṃ marudgaṇā diśaḥ prasedurvimalaṃ nabho 'bavat |mahī cakampe na hi māruto vavau sthiraprabhaścāpyabhavaddivākaraḥ || 6.111.32 ||
tatastu sugrīvavibhīṣaṇādayaḥ suhṛdviśeṣāḥ sahalakṣmaṇāstadā |sametya hṛṣṭā vijayena rāghavaṃ raṇe 'bhirāmaṃ vidhinā hyapūjayan || 6.111.33 ||
sa tu nihataripuḥ sthirapratijñaḥ svajanabalābhivṛto raṇe rarāja |raghukulanṛpanandano mahaujāstridaśagaṇairabhisaṃvṛto yathendraḥ || 6.111.34 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekādaśottaraśatatamaḥ sargaḥ || 111 ||
bhrātaraṃ nihataṃ dṛṣṭvā śayānaṃ rāmanirjitam |śokavegaparītātmā vilalāpa vibhīṣaṇaḥ || 6.112.1 ||
vīra vikrānta vikhyāta vinīta nayakovida |mahārhaśayanopeta kiṃ śeṣe 'dya hato bhuvi || 6.112.2 ||
vikṣipya dīrghau niśceṣṭau bhujāvaṅgadabhūṣitau |mukuṭenāpavṛttena bhāskarākāravarcasā || 6.112.3 ||
tadidaṃ vīra samprāptaṃ mayā pūrvaṃ samīritam |kāmamohaparītasya yatte na rucitaṃ vacaḥ || 6.112.4 ||
yanna darpāt prahasto vā nendrajinnāpare janāḥ |na kumbhakarṇo 'tiratho nātikāyo narāntakaḥ |na svayaṃ tvamamanyethāstasyodarko 'yamāgataḥ || 6.112.5 ||
gataḥ setuḥ sunītānāṃ gato dharmasya vigrahaḥ |gataḥ sattvasya saṅkṣepaḥ prastāvānāṃ gatirgatā || 6.112.6 ||
ādityaḥ patito bhūmau magnastamasi candramāḥ || 6.112.7 ||
citrabhānuḥ praśāntārcirvyavasāyo nirudyamaḥ |asminnipatite bhūmau vīre śastrabhṛtāṃ vare || 6.112.8 ||
kiṃ śeṣamiva lokasya hatavīrasya sāmpratam |raṇe rākṣasaśārdūle prasupta iva pāṃsuṣu || 6.112.9 ||
dhṛtipravālaḥ prasahāgryapuṣpastapobalaḥ śauryanibaddhamūlaḥ |raṇe mahān rākṣasarājavṛkṣaḥ sammardito rāghavamārutena || 6.112.10 ||
tejoviṣāṇaḥ kulavaṃśavaṃśaḥ kopaprasādāparagātrahastaḥ |ikṣvākusiṃhāvagṛhītadehaḥ suptaḥ kṣitau rāvaṇagandhahastī || 6.112.11 ||
parākramotsāhavijṛmbhitārcirniśvāsadhūmaḥ svabalapratāpaḥ |pratāpavān saṃyati rākṣasāgnirnirvāpito rāmapayodhareṇa || 6.112.12 ||
siṃharkṣalāṅgūlakakudviṣāṇaḥ parābhijidgandhanagandhahastī |rakṣovṛṣaścāpalakarṇacakṣuḥ kṣitīśvaravyāghrahato 'vasannaḥ || 6.112.13 ||
vadantaṃ hetumadvākyaṃ parimṛṣṭārthaniścayam |rāmaḥ śokasamāviṣṭamityuvāca vibhīṣaṇam || 6.112.14 ||
nāyaṃ vinaṣṭo niśceṣṭaḥ samare caṇḍavikramaḥ |atyunnatamahotsāhaḥ patito 'yamaśaṅkitaḥ || 6.112.15 ||
naivaṃ vinaṣṭāḥ śocyante kṣatradharmamavasthitāḥ |vṛddhimāśaṃsamānā ye nipatanti raṇājire || 6.112.16 ||
yena sendrāstrayo lokāstrāsitā yudhi dhīmatā |tasmin kālasamāyukte na kālaḥ pariśocitum || 6.112.17 ||
naikāntavijayo yuddhe bhūtapūrvaḥ kadācana |parairvā hanyate vīraḥ parān vā hanti saṃyuge || 6.112.18 ||
iyaṃ hi pūrvaiḥ sandiṣṭā gatiḥ kṣatriyasammatā |kṣatriyo nihataḥ saṅkhye na śocya iti niścaya || 6.112.19 ||
tadevaṃ niścayaṃ dṛṣṭvā tattvamāsthāya vijvaraḥ |yadihānantaraṃ kāryaṃ kalpyaṃ tadanucintaya || 6.112.20 ||
tamuktavākyaṃ vikrāntaṃ rājaputraṃ vibhīṣaṇaḥ |uvāca śokasantapto bhrāturhitamanantaram || 6.112.21 ||
yo 'yaṃ vimardeṣu na bhagnapūrvaḥ suraiḥ sametaiḥ saha vāsavena |bhavantamāsādya raṇe vibhagno velāmivāsādya yathā samudraḥ || 6.112.22 ||
anena dattāni supūjitāni bhuktāśca bhogā nibhṛtāśca bhṛtyāḥ |dhanāni mitreṣu samarpitāni vairāṇyamitreṣu ca yāpitāni || 6.112.23 ||
eṣohitāgniśca mahātapāśca vedāntagaḥ karmasu cāgryavīryaḥ |etasya yat pretagatasya kṛtyaṃ tat kartumicchāmi tava prasādāt || 6.112.24 ||
sa tasya vākyaiḥ karuṇairmahātmā sambodhitaḥ sādhu vibhīṣaṇena |ājñāpayāmāsa narendrasūnuḥ svargīyamādhānamadīnasattvaḥ || 6.112.25 ||
maraṇāntāni vairāṇi nirvṛttaṃ naḥ prayojanam |kriyatāmasya saṃskāro mamāpyeṣa yathā tava || 6.112.26 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe dvādaśottaraśatatamaḥ sargaḥ || 112 ||
rāvaṇaṃ nihataṃ śrutvā rāghaveṇa mahātmanā |antaḥpurādviniṣpetū rākṣasyaḥ śokakarśitāḥ || 6.113.1 ||
vāryamāṇāḥ subahuśo veṣṭantyaḥ kṣitipāṃsuṣu |vimuktakeśyo duḥkhārtā gāvo vatsahatā iva || 6.113.2 ||
uttareṇa viniṣkramya dvāreṇa saha rākṣasaiḥ |praviśyāyo dhanaṃ ghoraṃ vicinvantyo hataṃ patim || 6.113.3 ||
rājaputreti vādinyo hā nātheti ca sarvaśaḥ |paripetuḥ kabandhāṅkāṃ mahīṃ śoṇitakardamām || 6.113.4 ||
tā bāṣpaparipūrṇākṣyo bhartṛśokaparājitāḥ |kareṇva iva nardantyo vinedurhatayūthapāḥ || 6.113.5 ||
dadṛśustaṃ mahāvīryaṃ mahākāyaṃ mahādyutim |rāvaṇaṃ nihataṃ bhūmau nīlāñjanacayopamam || 6.113.6 ||
tāḥ patiṃ sahasā dṛṣṭvā śayānaṃ raṇapāṃsuṣu |nipetustasya gātreṣu cchinnā vanalatā iva || 6.113.7 ||
bahumānāt pariṣvajya kācidenaṃ ruroda ha |caraṇau kācidāliṅgya kācit kaṇṭhe 'valambya ca || 6.113.8 ||
uddhṛtya ca bhujau kācidbhūmau sma parivartate |hatasya vadanaṃ dṛṣṭvā kācinmohamupāgamat || 6.113.9 ||
kācidaṅke śiraḥ kṛtvā ruroda mukhamīkṣatī |snāpayantī mukhaṃ bāṣpaistuṣārairiva paṅkajam || 6.113.10 ||
evamārtāḥ patiṃ dṛṣṭvā rāvaṇaṃ nihataṃ bhuvi |cukruśurbahudhā śokādbhūyastāḥ paryadevayan || 6.113.11 ||
yena vitrāsitaḥ śakro yena vitrāsito yamaḥ |yena vaiśravaṇo rājā puṣpakeṇa viyojitaḥ || 6.113.12 ||
gandharvāṇāmṛṣīṇāṃ ca surāṇāṃ ca mahātmanām |bhayaṃ yena mahaddattaṃ so 'yaṃ śete raṇe hataḥ || 6.113.13 ||
asurebhyaḥ surebhyo vā pannagebhyo 'pi vā tathā |na bhayaṃ yo vijānāti tasyedaṃ mānuṣādbhayam || 6.113.14 ||
avadhyo devatānāṃ yastathā dānavarakṣasām |hataḥ so 'yaṃ raṇe śete mānuṣeṇa padātinā || 6.113.15 ||
yo na śakyaḥ surairhantuṃ na yakṣairnāsuraistathā |so 'yaṃ kaścidivāsattvo mṛtyuṃ martyena lambhitaḥ || 6.113.16 ||
evaṃ vadantyo bahudhā rurudustasya tāḥ striyaḥ |bhūya eva ca duḥkhārtā vilepuśca punaḥpunaḥ || 6.113.17 ||
aśṛṇvatā ca suhṛdāṃ satataṃ hitavādinām |maraṇāyāhṛtā sītā ghātitāśca niśācarāḥ || 6.113.18 ||
etāḥ samamidānīṃ te vayamātmā ca pātitāḥ |bruvāṇo 'pi hitaṃ vākyamiṣṭo bhrātā vibīṣaṇaḥ |dhṛṣṭaṃ paruṣito mohāttvayā ' 'tmavadhakāṅkṣiṇā || 6.113.19 ||
yadi niryātitā te syāt sītā rāmāya maithilī |na naḥ syād vyasanaṃ ghoramidaṃ mūlaharaṃ mahat || 6.113.20 ||
vṛttakāmo bhavedbhrātā rāmo mitrakulaṃ bhavet |vayaṃ cāvidhavāḥ sarvāḥ sakāmā na ca śatravaḥ || 6.113.21 ||
tvayā punarnṛśaṃsena sītāṃ saṃrundhatā balāt |rākṣasā vayamātmā ca trayaṃ tulyaṃ nipātitam || 6.113.22 ||
na kāmakāraḥ kāmaṃ vā tava rākṣasapuṅgava |daivaṃ ceṣṭayate sarvaṃ hataṃ daivena hanyate || 6.113.23 ||
vānarāṇāṃ vināśo 'yaṃ rakṣasāṃ ca mahāhave |tava caiva mahābāho daivayogādupāgataḥ || 6.113.24 ||
naivārthena na kāmena vikrameṇa na cājñayā |śakyā daivagatirloke nivartayitumudyatā || 6.113.25 ||
vilepurevaṃ dīnāstā rākṣasādhipayoṣitaḥ |kurarya iva duḥkhārtā bāṣpaparyākulekṣaṇāḥ || 6.113.26 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe trayodaśottaraśatatamaḥ sargaḥ || 113 ||
te rāvaṇavadhaṃ dṛṣṭvā devagandharvadānavāḥ |jagmuḥ svaisvairvimānaiste kathayantaḥ śubhāḥ kathāḥ || 6.115.1 ||
rāvaṇasya vadhaṃ ghoraṃ rāghavasya parākramam |suyuddhaṃ vānarāṇāṃ ca sugrīvasya ca mantritam || 6.115.2 ||
anurāgaṃ ca vīryaṃ ca saumitrerlakṣmaṇasya ca |kathayanto mahābhāgā jagmurhṛṣṭā yathāgatam || 6.115.3 ||
rāghavastu rathaṃ divyamindradattaṃ śikhiprabham |anujñāya mahābhāgo mātaliṃ pratyapūjayat || 6.115.4 ||
rāghaveṇābhyanujñāto mātaliḥ śakrasārathiḥ |divyaṃ taṃ rathamāsthāya divamevāruroha saḥ || 6.115.5 ||
tasmiṃstu divamārūḍhe surasārathisattame |rāghavaḥ paramaprītaḥ sugrīvaṃ pariṣasvaje || 6.115.6 ||
pariṣvajya ca sugrīvaṃ lakṣmaṇena pracoditaḥ |pūjyamāno hariśreṣṭhairājagāma balālayam || 6.115.7 ||
abravīcca tadā rāmaḥ samīpaparivartinam |saumitriṃ satyasampannaṃ lakṣmaṇaṃ dīptatejasam || 6.115.8 ||
vibhīṣaṇamimaṃ saumya laṅkāyāmabhiṣecaya |anuraktaṃ ca bhaktaṃ ca mama caivopakāriṇam || 6.115.9 ||
eṣa me paramaḥ kāmo yadīmaṃ rāvaṇānujam |laṅkāyāṃ saumya paśyeyamabhiṣiktaṃ vibīṣaṇam || 6.115.10 ||
evamuktastu saumitrī rāghaveṇa mahātmanā |tathetyuktvā tu saṃhṛṣṭaḥ sauvarṇaṃ ghaṭamādade || 6.115.11 ||
taṃ ghaṭaṃ vānarendrāṇāṃ haste dattvā manojavān |ādideśa mahāsattvān samudrasalilānaye || 6.115.12 ||
iti śīghraṃ tato gatvā vānarāste mahābalāḥ |āgatāstajjalaṃ gṛhya samudrādvānarottamāḥ || 6.115.13 ||
tatastvekaṃ ghaṭaṃ gṛhya saṃsthāpya paramāsane |ghaṭena tena saumitrirabhyaṣiñcadvibhīṣaṇam || 6.115.14 ||
laṅkāyāṃ rakṣasāṃ madhye rājānaṃ rāmaśāsanāt |vidhinā mantradṛṣṭena suhṛdgaṇasamāvṛtam |abhyaṣiñcat sa dharmātmā śuddhātmānaṃ vibhīṣaṇam || 6.115.15 ||
tasyāmātyā jahṛṣire bhaktā ye cāsya rākṣasāḥ |dṛṣṭvā 'bhiṣiktaṃ laṅkāyāṃ rākṣasendraṃ vibhīṣaṇam || 6.115.16 ||
sa tadrājyaṃ mahat prāpya rāmadattaṃ vibhīṣaṇaḥ |prakṛtīḥ sāntvayitvā ca tato rāmamupāgamat || 6.115.17 ||
akṣatān modakān lājān divyāḥ sumanasastadā |ājahruratha saṃhṛṣṭāḥ paurāstasmai niśācarāḥ || 6.115.18 ||
sa tān gṛhītvā durdharṣo rāghavāya nyavedayat |maṅgalyaṃ maṅgalaṃ sarvaṃ lakṣmaṇāya ca vīryavān || 6.115.19 ||
kṛtakāryaṃ samṛddhārthaṃ dṛṣṭvā rāmo vibhīṣaṇam |pratijagrāha tat sarvaṃ tasyaiva priyakāmyayā || 6.115.20 ||
tataḥ śailopamaṃ vīraṃ prāñjaliṃ pārśvataḥ sthitam |abravīdrāghavo vākyaṃ hanumantaṃ plavaṅgamam || 6.115.21 ||
anumānyaṃ mahārājamimaṃ saumya vibhīṣaṇam || 6.115.22 ||
gaccha saumya purīṃ laṅkāmanujñāpya yathāvidhi |praviśya rāvaṇagṛhaṃ vijayenābhinandya ca || 6.115.23 ||
vaidehyai māṃ kuśalinaṃ sasugrīvaṃ salakṣmaṇam |ācakṣva jayatāṃ śreṣṭha rāvaṇaṃ ca mayā hatam || 6.115.24 ||
priyametadudāhṛtya maithilyāstvaṃ harīśvara |pratigṛhya ca sandeśamupāvartitumarhasi || 6.115.25 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe pañcadaśottaraśatatamaḥ sargaḥ || 115 ||
iti pratisamādiṣṭo hanumān mārutātmajaḥ |praviveśa purīṃ laṅkāṃ pūjyamāno niśācaraiḥ || 6.116.1 ||
praviśya ca mahātejā rāvaṇasya niveśanam |dadarśa mṛjayā hīnāṃ sātaṅkāmiva rohiṇīm |vṛkṣamūle nirānandāṃ rākṣasībhiḥ samāvṛtām || 6.116.2 ||
nibhṛtaḥ praṇataḥ prahvaḥ so 'bhigamyābhivādya ca || 6.116.3 ||
dṛṣṭvā tamāgataṃ devī hanumantaṃ mahābalam |tūṣṇīmāsta tadā dṛṣṭvā smṛtvā pramuditā 'bhavat || 6.116.4 ||
saumyaṃ dṛṣṭvā mukhaṃ tasyā hanumān plavagottamaḥ |rāmasya vacanaṃ sarvamākhyātumupacakrame || 6.116.5 ||
vaidehi kuśalī rāmaḥ sahasugrīvalakṣmaṇaḥ |vibhīṣaṇasahāyaśca harīṇāṃ sahito balaiḥ || 6.116.6 ||
kuśalaṃ cāhu siddhārtho hataśatrurarindamaḥ || 6.116.7 ||
vibhīṣaṇasahāyena rāmeṇa haribhiḥ saha |nihato rāvaṇo devi lakṣmaṇasya nayena ca || 6.116.8 ||
pṛṣṭvā tu kuśalaṃ rāmo vīrastvāṃ raghunandanaḥ |abravīt paramaprītaḥ kṛtārthenāntarātmanā || 6.116.9 ||
priyamākhyāmi te devi tvāṃ tu bhūyaḥ sabhājaye |diṣṭyā jīvasi dharmajñe jayena mama saṃyuge || 6.116.10 ||
labdho no vijayaḥ sīte svasthā bhava gatavyathā |rāvaṇaśca hataḥ śatrurlaṅkā ceyaṃ vaśe sthitā || 6.116.11 ||
mayā hyalabdhanidreṇa dṛḍhena tava nirjaye |pratijñaiṣā vinistīrṇā baddhvā setuṃ mahodadhau || 6.116.12 ||
sambhramaśca na gantavyo vartantyā rāvaṇālaye |vibhīṣaṇavidheyaṃ hi laṅkaiśvaryamidaṃ kṛtam || 6.116.13 ||
tadāśvasihi viśvastā svagṛhe parivartase |ayaṃ cābhyeti saṃhṛṣṭastvaddarśanasamutsukaḥ || 6.116.14 ||
evamuktā samutpatya sītā śaśinibhānanā |praharṣeṇāvaruddhā sā vyājahāra na kiñcana || 6.116.15 ||
abravīcca hariśreṣṭhaḥ sītāmapratijalpatīm |kiṃ nu cintayase devi kiṃ nu māṃ nābhibhāṣase || 6.116.16 ||
evamuktā hanumatā sītā dharme vyavasthitā |abravīt paramaprītā harṣagadgadayā girā || 6.116.17 ||
priyametadupaśrutya bharturvijayasaṃśritam |praharṣavaśamāpannā nirvākyā 'smi kṣaṇāntaram || 6.116.18 ||
na hi paśyāmi sadṛśaṃ cintayantī plavaṅgama |matpriyākhyānākasyeha tava pratyabhinandanam || 6.116.19 ||
na hi paśyāmi tat saumya pṛthivyāmapi vānara |sadṛśaṃ matpriyākhyāne tava dātuṃ bhavet samam || 6.116.20 ||
hiraṇyaṃ vā suvarṇaṃ vā ratnāni vividhāni ca |rājyaṃ vā triṣu lokeṣu naitadarhati bhāṣitum || 6.116.21 ||
evamuktastu vaidehyā pratyuvāca plavaṅgamaḥ |gṛhītaprāñjalirvākyaṃ sītāyāḥ pramukhe sthitaḥ || 6.116.22 ||
bhartuḥ priyahite yukte bharturvijayakāṅkṣiṇi |snigdhamevaṃvidhaṃ vākyaṃ tvamevārhasi bhāṣitum || 6.116.23 ||
tavaitadvacanaṃ saumye sāravat snigdhameva ca |ratnaughādvividhāccāpi devarājyādviśiṣyate || 6.116.24 ||
arthataśca mayā prāptā devarājyādayo guṇāḥ |hataśatruṃ vijayinaṃ rāmaṃ paśyāmi susthitam || 6.116.25 ||
tasya tadvacanaṃ śrutvā maithilī janakātmajā |tataḥ śubhataraṃ vākyamuvāca pavanātmajam || 6.116.26 ||
atilakṣaṇasampannaṃ mādhuryaguṇabhūṣitam |buddhyā hyaṣṭāṅgayā yuktaṃ tvamevārhasi bhāṣitum || 6.116.27 ||
ślāghanīyo 'nilasya tvaṃ putraḥ paramadhārmikaḥ |balaṃ śauryaṃ śrutaṃ sattvaṃ vikramo dākṣyamuttamam || 6.116.28 ||
tejaḥ kṣamādhṛtirdhairyaṃ vinītatvaṃ na saṃśayaḥ |ete cānye ca bahavo guṇāstvayyeva śobhanāḥ || 6.116.29 ||
athovāca punaḥ sītāmasambhrānto vinītavat |pragṛhītāñjalirharṣāt sītāyāḥ pramukhe sthitaḥ || 6.116.30 ||
imāstu khalu rākṣasyo yadi tvamanumanyase |hantumicchāmyahaṃ sarvā yābhistvaṃ tarjitā purā || 6.116.31 ||
kliśyantīṃ patidevāṃ tvāmaśokavanikāṃ gatām || 6.116.32 ||
ghorarūpasamācārāḥ krūrāḥ krūratarekṣaṇāḥ |rākṣasyo dāruṇakathā varametat prayaccha me || 6.116.33 ||muṣṭibhiḥ pāṇibhiḥ sarvāścaraṇaiścaiva śobhane |icchāmi vividhairghātairhantumetāḥ sudāruṇāḥ || 6.116.34 ||
ghātairjānuprahāraiśca daśanānāṃ ca pātanaiḥ |bhakṣaṇaiḥ karṇanāsānāṃ keśānāṃ luñcanaistathā || 6.116.35 ||
nakhaiḥ śuṣkamukhībhiśca dāraṇairlaṅghanairhataiḥ |nipātya hantumicchāmi tava vipriyakāriṇīḥ || 6.116.36 ||
evaṃprakārairbahubhirviprakārairyaśasvini |hantumicchāmyahaṃ devi tavemāḥ kṛtakilbiṣāḥ || 6.116.37 ||
evamuktā hanumatā vaidehī janakātmajā |uvāca dharmasahitaṃ hanumantaṃ yaśasvinī || 6.116.38 ||
rājasaṃśrayavaśyānāṃ kurvantīnāṃ parājñayā |vidheyānāṃ ca dāsīnāṃ kaḥ kupyedvānarottama || 6.116.39 ||
bhāgyavaiṣamyayogena purāduścaritena ca |mayaitat prāpyate sarvaṃ svakṛtaṃ hyupabhujyate || 6.116.40 ||
prāptavyaṃ tu daśāyogānmayaitaditi niścitam |dāsīnāṃ rāvaṇasyāhaṃ marṣayāmīha durbalā || 6.116.41 ||
ājñaptā rāvaṇenaitā rākṣasyo māmatarjayan |hate tasminna kuryurhi tarjanaṃ vānarottama || 6.116.42 ||
ayaṃ vyāghrasamīpe tu purāṇo dharmasaṃsthitaḥ |ṛkṣeṇa gītaḥ śloko me tannibodha plavaṅgama || 6.116.43 ||
na paraḥ pāpamādatte pareṣāṃ pāpakarmaṇām |samayo rakṣitavyastu santaścāritrabhūṣaṇāḥ || 6.116.44 ||
pāpānāṃ vā śubhānāṃ vā vadhārhāṇāṃ plavaṅgama |kāryaṃ karuṇamāryeṇa na kaścinnāparādhyati || 6.116.45 ||
lokahiṃsāvihārāṇāṃ rakṣasāṃ kāmarūpiṇām |kurvatāmapi pāpāni naiva kāryamaśobhanam || 6.116.46 ||
evamuktastu hanumān sītayā vākyakovidaḥ |pratyuvāca tataḥ sītāṃ rāmapatnīṃ yaśasvinīm || 6.116.47 ||
yuktā rāmasya bhavatī dharmapatnī yaśasvinī |pratisandiśa māṃ devi gamiṣye yatra rāghavaḥ || 6.116.48 ||
evamuktā hanumatā vaidehī janakātmajā |abravīddraṣṭumicchāmi bhartāraṃ vānarottama || 6.116.49 ||
tasyāstadvanaṃ śrutvā hanumān mārutātmajaḥ |harṣayan maithilīṃ vākyamuvācedaṃ mahādyutiḥ || 6.116.50 ||
pūrṇacandrānanaṃ rāmaṃ drakṣyasyārye salakṣmaṇam |sthiramitraṃ hatāmitraṃ śacīva tridaśeśvaram || 6.116.51 ||
tāmevamuktvā rājantīṃ sītāṃ sākṣādiva śriyam |ājagāma mahāvego hanumān yatra rāghavaḥ || 6.116.52 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣoḍaśottaraśatatamaḥ sargaḥ || 116 ||
sa uvāca mahāprājñamabhigamya plavaṅgamaḥ |rāmaṃ vacanamarthajño varaṃ sarvadhanuṣmatām || 6.117.1 ||
yannimitto 'yamārambhaḥ karmaṇāṃ ca phalodayaḥ |tāṃ devīṃ śokasantaptāṃ maithilīṃ draṣṭumarhasi || 6.117.2 ||
sā hi śokasamāviṣṭā bāṣpaparyākulekṣaṇā |maithilī vijayaṃ śrutvā tava harṣamupāgamat || 6.117.3 ||
pūrvakāt pratyayāccāhamukto viśvastayā tayā |bhartāraṃ draṣṭumicchāmi kṛtārthaṃ sahalakṣmaṇam || 6.117.4 ||
evamukto hanumatā rāmo dharmabhṛtāṃ varaḥ |agacchat sahasā dhyānamīṣadbāṣpapariplutaḥ || 6.117.5 ||
dīrghamuṣṇaṃ viniśvasya medinīmavalokayan |uvāca meghasaṅkāśaṃ vibhīṣaṇamupasthitam || 6.117.6 ||
divyāṅgarāgāṃ vaidehīṃ divyābharaṇabhūṣitām |iha sītāṃ śirassnātāmupasthāpaya mā ciram || 6.117.7 ||
evamuktastu rāmeṇa tvaramāṇo vibhīṣaṇaḥ |praviśyāntaḥpuraṃ sītāṃ svābhiḥ strībhiracodayat || 6.117.8 ||
divyāṅgarāgā vaidehi divyābharaṇabhūṣitā |yānamāroha bhadraṃ te bhartā tvāṃ draṣṭumicchati || 6.117.9 ||
evamuktā tu vedehī pratyuvāca vibhīṣaṇam |asnātā draṣṭumicchāmi bhartāraṃ rākṣasādhipa || 6.117.10 ||
tasyāstadvacanaṃ śrutvā pratyuvāca vibhīṣaṇaḥ |yadāha rājā bhartā te tattathā kartumarhasi || 6.117.11 ||
tasya tadvacanaṃ śrutvā maithilī bhartṛdevatā |bhartṛbhaktivratā sādhvī tatheti pratyabhāṣata || 6.117.12 ||
tataḥ sītāṃ śirassnātāṃ yuvatībhiralaṅkṛtām |mahārhābharaṇopetāṃ mahārhāmbaradhāriṇīm || 6.117.13 ||
āropya śibikāṃ dīptāṃ parārdhyāmbarasaṃvṛtām |rakṣobhirbahubhirguptāmājahāra vibhīṣaṇaḥ || 6.117.14 ||
so 'bhigamya mahātmānaṃ jñātvā 'pi dhyānamāsthitam |praṇataśca prahṛṣṭaśca prāptaṃ sītāṃ nyavedayat || 6.117.15 ||
tāmāgatāmupaśrutya rakṣogṛhaciroṣitām |harṣo dainyaṃ ca roṣaśca trayaṃ rāghavamāviśat || 6.117.16 ||
tataḥ pārśvagataṃ dṛṣṭvā savimarśaṃ vicārayan |vibhīṣaṇamidaṃ vākyamahṛṣṭaṃ rāghavo 'bravīt || 6.117.17 ||
rākṣasādhipate saumya nityaṃ madvijaye rata |vaidehī sannikarṣaṃ me śīghraṃ samupagacchatu || 6.117.18 ||
sa tadvacanamājñāya rāghavasya vibhīṣaṇaḥ |tūrṇamutsāraṇe yatnaṃ kārayāmāsa sarvataḥ || 6.117.19 ||
kañcukoṣṇīṣiṇastatra vetrajarjarapāṇayaḥ |utsārayantaḥ puruṣāḥ samantāt paricakramuḥ || 6.117.20 ||
ṛkṣāṇāṃ vānarāṇāṃ ca rākṣasānāṃ ca sarvaśaḥ |vṛndānyutsāryamāṇāni dūramutsasṛjustadā || 6.117.21 ||
teṣāmutsāryamāṇānāṃ sarveṣāṃ dhvanirutthitaḥ |vāyunodvartamānasya sāgarasyeva nisvanaḥ || 6.117.22 ||
utsāryamāṇāṃstān dṛṣṭvā samantājjātasambhramān |dākṣiṇyāttadamarṣācca vārayāmāsa rāghavaḥ || 6.117.23 ||
saṃrabdhaścābravīdrāmaścakṣuṣā pradahanniva |vibhīṣaṇaṃ mahāprājñaṃ sopālambhamidaṃ vacaḥ || 6.117.24 ||
kimarthaṃ māmanādṛtya kliśyate 'yaṃ tvayā janaḥ |nivartayainamudyogaṃ jano 'yaṃ svajano mama || 6.117.25 ||
na gṛhāṇi na vastrāṇi na prākārāstiraskriyāḥ |nedṛśā rājasatkārā vṛttamāvaraṇaṃ striyāḥ || 6.117.26 ||
vyasaneṣu na kṛcchreṣu na yuddheṣu svayaṃvare |na krutau na vivāhe ca darśanaṃ duṣyati striyāḥ || 6.117.27 ||
saiṣā yuddhagatā caiva kṛcchre ca mahati sthitā |darśane 'syā na doṣaḥ syānmatsamīpe viśeṣataḥ || 6.117.28 ||
tadānaya samīpaṃ me śīghramenāṃ vibhīṣaṇa |sītā paśyatu māmeṣā suhṛdgaṇavṛtaṃ sthitam || 6.117.29 ||
evamuktastu rāmeṇa savimarśo vibhīṣaṇaḥ |rāmasyopānayat sītāṃ sannikarṣaṃ vinītavat || 6.117.30 ||
tato lakṣmaṇasugrīvau hanumāṃśca plavaṅgamaḥ |niśamya vākyaṃ rāmasya babhūvurvyathitā bhṛśam || 6.117.31 ||
kalatranirapekṣaiśca iṅgitairasya dāruṇaiḥ |aprītamiva sītāyāṃ tarkayanti sma rāghavam || 6.117.32 ||
lajjayā tvavalīyantī sveṣu gātreṣu maithilī |vibhīṣaṇenānugatā bhartāraṃ sā 'bhyavartata || 6.117.33 ||
sā vastrasaṃruddhamukhī lajjayā janasaṃsadi |rurodāsādya bhartāramāryaputreti bhāṣiṇī || 6.117.34 ||
vismayācca praharṣācca snehācca patidevatā |udaikṣata mukhaṃ bhartuḥ saumyaṃ somyatarānanā || 6.117.35 ||
atha samapanudanmanaḥklamaṃ sā suciramadṛṣṭamudīkṣya vai priyasya |vadanamuditapūrṇacandrakāntaṃ vimalaśaśāṅkanibhānanā tadānīm || 6.117.36 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe saptadaśottaraśatatamaḥ sargaḥ || 117 ||
tāṃ tu pārśvasthitāṃ prahvāṃ rāmaḥ samprekṣya maithilīm |hṛdayāntargatakrodho vyāhartumupacakrame || 6.118.1 ||
eṣā 'si nirjitā bhadre śatruṃ jitvā mayā raṇe |pauruṣādyadanuṣṭheyaṃ tadetadupapāditam || 6.118.2 ||
gato 'smyantamamarṣasya dharṣaṇā sampramārjitā |avamānaśca śatruśca mayā yugapaduddhṛtau || 6.118.3 ||
adya me pauruṣaṃ dṛṣṭamadya me saphalaḥ śramaḥ |adya tīrṇapratijñatvāt prabhavāmīha cātmanaḥ || 6.118.4 ||
yā tvaṃ virahitā nītā calacittena rakṣasā |daivasampādito doṣo mānuṣeṇa mayā jitaḥ || 6.118.5 ||
samprāptamavamānaṃ yastejasā na pramārjati |kastasya puruṣārtho 'sti puruṣasyālpatejasaḥ || 6.118.6 ||
laṅghanaṃ ca samudrasya laṅkāyāścāvamardanam |saphalaṃ tasya tacchlādhyaṃ mahat karma hanūmataḥ || 6.118.7 ||
yuddhe vikramataścaiva hitaṃ mantrayataśca me |sugrīvasya sasainyasya saphalo 'dya pariśramaḥ || 6.118.8 ||
nirguṇaṃ bhrātaraṃ tyaktvā yo māṃ svayamupasthitaḥ |vibhīṣaṇasya bhaktasya saphalo 'dya pariśramaḥ || 6.118.9 ||
ityevaṃ bruvatastasya sītā rāmasya tadvacaḥ |mṛgīvotphullanayanā babhūvāśrupariplutā || 6.118.10 ||
paśyatastāṃ tu rāmasya bhūyaḥ krodho vyavardhata |prabhūtājyāvasiktsya pāvakasyeva dīpyataḥ || 6.118.11 ||
sa baddhvā bhrukuṭīṃ vaktre tiryakprekṣitalocanaḥ |abravīt paruṣaṃ sītāṃ madhye vānararakṣasām || 6.118.12 ||
yat kartavyaṃ manuṣyeṇa dharṣaṇāṃ parimārjatā |tat kṛtaṃ sakalaṃ sīte śatruhastādamarṣaṇāt || 6.118.13 ||
nirjitā jīvalokasya tapasā bhāvitātmanā |agastyena durādharṣā muninā dakṣiṇeva dik || 6.118.14 ||
viditaścāstu te bhadre yo 'yaṃ raṇapariśramaḥ |sa tīrṇaḥ suhṛdāṃ vīryānna tvadarthaṃ mayā kṛtaḥ || 6.118.15 ||
rakṣatā tu mayā vṛttamapāvadaṃ ca sarvaśaḥ |prakhyātasyātmavaṃśasya nyaṅgaṃ ca parirakṣatā || 6.118.16 ||
prāptacāritrasandehā mama pratimukhe sthitā |dīpo netrāturasyeva pratikūlā 'si me dṛḍham || 6.118.17 ||
tadgaccha hyabhyanujñātā yatheṣṭaṃ janakātmaje |etā daśa diśo bhadre kāryamasti na me tvayā || 6.118.18 ||
kaḥ pumān hi kule jātaḥ striyaṃ paragṛhoṣitām |tejasvī punarādadyāt suhṛllekhyena cetasā || 6.118.19 ||
rāvaṇāṅkaparibhraṣṭāṃ dṛṣṭāṃ duṣṭena cakṣuṣā |kathaṃ tvāṃ punarādadyāṃ kulaṃ vyapadiśan mahat || 6.118.20 ||
tadarthaṃ nirjitā me tvaṃ yaśaḥ pratyāhṛtaṃ mayā |nāsti me tvayyabhiṣvaṅgo yatheṣṭaṃ gamyatāmitaḥ || 6.118.21 ||
iti pravyāhṛtaṃ bhadre mayaitat kṛtabuddhinā |lakṣmaṇe bharate vā tvaṃ kuru buddhiṃ yathāsukham || 6.118.22 ||
sugrīve vānarendre vā rākṣasendre vibhīṣaṇe |niveśaya manaḥ sīte yathā vā sukhamātmanaḥ || 6.118.23 ||
na hi tvāṃ rāvaṇo dṛṣṭvā divyarūpāṃ manoramām |marṣayeta ciraṃ sīte svagṛhe parivartinīm || 6.118.24 ||
tataḥ priyārhaśravaṇā tadapriyaṃ priyādupaśrutya cirasya maithilī |mumoca bāṣpaṃ subhṛśaṃ pravepitā gajendrahastābhihateva sallakī || 6.118.25 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭādaśottaraśatatamaḥ sargaḥ || 118 ||
evamuktā tu vaidehī paruṣaṃ romaharṣaṇam |rāghaveṇa saroṣeṇa bhṛśaṃ pravyathitā 'bhavat || 6.119.1 ||
sā tadaśrutapūrvaṃ hi jane mahati maithilī |śrutvā bhartṛvaco rūkṣaṃ lajjayā vrīḍitā 'bhavat || 6.119.2 ||
praviśantīva gātrāṇi svānyeva janakātmajā |vākchalyaistaiḥ saśalyeva bhṛśamaśrūṇyavartayat || 6.119.3 ||
tato bāṣpaparikliṣṭaṃ pramārjantī svamānanam |śanairgadgadayā vācā bhartāramidamabravīt || 6.119.4 ||
kiṃ māmasadṛśaṃ vākyamīdṛśaṃ śrotradāruṇam |rūkṣaṃ śrāvayase vīra prākṛtaḥ prākṛtāmiva || 6.119.5 ||
na tathā 'smi mahābāho yathā tvamavagacchasi |pratyayaṃ gaccha me yena cāritreṇaiva te śape || 6.119.6 ||
pṛthakstrīṇāṃ pracāreṇa jātiṃ tāṃ pariśaṅkase |parityajemāṃ śaṅkāṃ tu yadi te 'haṃ parīkṣitā || 6.119.7 ||
yadyahaṃ gātrasaṃsparśaṃ gatā 'smi vivaśā prabho |kāmakāro na me tatra daivaṃ tatrāparādhyati || 6.119.8 ||
madadhīnaṃ tu yattanme hṛdayaṃ tvayi vartate |parādhīneṣu gātreṣu kiṃ kariṣyāmyanīśvarā || 6.119.9 ||
sahasaṃvṛddhabhāvācca saṃsargeṇa ca mānada |yadyahaṃ te na vijñātā hatā tenāsmi śāśvatam || 6.119.10 ||
preṣitaste yadā vīro hanumānavalokakaḥ |laṅkāsthā 'haṃ tvayā vīra kiṃ tadā na visarjitā || 6.119.11 ||
pratyakṣaṃ vānarendrasya tadvākyasamanantaram |tvayā santyaktayā vīra tyaktaṃ syājjīvitaṃ mayā || 6.119.12 ||
na vṛthā te śramo 'yaṃ syāt saṃśaye nyasya jīvitam |suhṛjjanaparikleśo na cāyaṃ niṣphalastava || 6.119.13 ||
tvayā tu naraśārdūla krodhamevānuvartatā |laghuneva manuṣyeṇa strītvameva puraskṛtam || 6.119.14 ||
apadeśena janakānnotpattirvasudhātalāt |mama vṛttaṃ ca vṛttajña bahu te na puraskṛtam || 6.119.15 ||
na pramāṇīkṛtaḥ pāṇirbālye bālena pīḍitaḥ |mama bhaktiśca śīlaṃ ca sarvaṃ te pṛṣṭhataḥ kṛtam || 6.119.16 ||
evaṃ bruvāṇā rudatī bāṣpagadgadabhāṣiṇī |abravīllakṣmaṇaṃ sītā dīnaṃ dhyānaparaṃ sthitam || 6.119.17 ||
citāṃ me kuru saumitre vyasanasyāsya bheṣajam |mithyopaghātopahatā nāhaṃ jīvitumutsahe || 6.119.18 ||
aprītasya guṇairbhartustyaktāyā janasaṃsadi |yā kṣamā me gatirgantuṃ pravekṣye havyavāhanam || 6.119.19 ||
evamuktastu vaidehyā lakṣmaṇaḥ paravīrahā |amarṣavaśamāpanno rāghavānanamaikṣata || 6.119.20 ||
sa vijñāya tataśchandaṃ rāmasyākārasūcitam |citāṃ cakāra saumitrirmate rāmasya vīryavān || 6.119.21 ||
adhomukhaṃ tadā rāmaṃ śanaiḥ kṛtvā pradakṣiṇam |upāsarpata vaidehī dīpyamānaṃ hutāśanam || 6.119.22 ||
praṇamya devatābhyaśca brāhmaṇebhyaśca maithilī |baddhāñjalipuṭā cedamuvācāgnisamīpataḥ || 6.119.23 ||
yathā me hṛdayaṃ nityaṃ nāpasarpati rāghavāt |tathā lokasya sākṣī māṃ sarvataḥ pātu pāvakaḥ || 6.119.24 ||
yathā māṃ śuddhacāritrāṃ duṣṭāṃ jānāti rāghavaḥ |tathā lokasya sākṣī māṃ sarvataḥ pātu pāvakaḥ || 6.119.25 ||
karmaṇā manasā vācā yathā nāticarāmyaham |rāghavaṃ sarvadharmajñaṃ tathā māṃ pātu pāvakaḥ || 6.119.26 ||
ādityo bhagavān vāyurdiśaścandrastathaiva ca |ahaścāpi tathā sandhye rātriśca pṛthivī tathā |yathānye 'pi vijānanti tathā cāritrasaṃyutām || 6.119.27 ||
evamuktvā tu vaidehī parikramya hutāśanam |viveśa jvalanaṃ dīptaṃ nissaṅgenāntarātmanā || 6.119.28 ||
janaḥ sa sumahāṃstrasto bālavṛddhasamākulaḥ |dadarśa maithilīṃ tatra praviśantīṃ hutāśanam || 6.119.29 ||
sā taptanavahemābhā taptakāñcanabhūṣaṇā |papāta jvalanaṃ dīptaṃ sarvalokasya sannidhau || 6.119.30 ||
dadṛśustāṃ mahābhāgāṃ praviśantīṃ hutāśanam |sītāṃ kṛtsnāstrayo lokāḥ puṇyāmājyāhutīmiva || 6.119.31 ||
pracukruśuḥ striyaḥ sarvāstāṃ dṛṣṭvā havyavāhane |patantīṃ saṃskṛtāṃ mantrairvasordhārāmivādhvare || 6.119.32 ||
dadṛśustāṃ trayo lokā devagandharvadānavāḥ |śaptāṃ patantīṃ niraye tridivāddevatāmiva || 6.119.33 ||
tasyāmagniṃ viśantyāṃ tu hāheti vipulasvanaḥ |rakṣasāṃ vānarāṇāṃ ca sambabhūvādbhutopamaḥ || 6.119.34 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekonaviṃśatyuttaraśatatamaḥ sargaḥ || 119 ||
tato hi durmanā rāmaḥ śrutvaivaṃ vadatāṃ giraḥ |dadhyau muhūrtaṃ dharmātmā bāṣpavyākulalocanaḥ || 6.120.1 ||
tato vaiśravaṇo rājā yamaścāmitrakarśanaḥ |sahasrākṣo mahendraśca varuṇaśca parantapaḥ || 6.120.2 ||
ṣaḍardhanayanaḥ śrīmān mahādevo vṛṣadhvajaḥ |kartā sarvasya lokasya brahmā brahmavidāṃ varaḥ || 6.120.3 ||
ete sarve samāgamya vimānaiḥ sūryasannibhaiḥ |āgamya nagarīṃ laṅkāmabhijagmuśca rāghavam || 6.120.4 ||
tataḥ sahastābharaṇān pragṛhya vipulān bhujān |abruvaṃstridaśaśraiṣṭhāḥ prāñjaliṃ rāghavaṃ sthitam || 6.120.5 ||
kartā sarvasya lokasya śreṣṭho jñānavatāṃ varaḥ |upekṣase kathaṃ sītāṃ patantīṃ havyavāhane || 6.120.6 ||
kathaṃ devagaṇaśreṣṭhamātmānaṃ nāvabudhyase || 6.120.7 ||
ṛtadhāmā vasuḥ pūrvaṃ vasūnāṃ tvaṃ prajāpatiḥ |trayāṇāṃ tvaṃ hi lokānāmādikartā svayamprabhuḥ |rudrāṇāmaṣṭamo rudraḥ sādhyānāmasi pañcamaḥ || 6.120.8 ||
aśvinau cāpi te karṇau candrasūryau ca cakṣuṣī |ante cādau ca lokānāṃ dṛśyase tvaṃ parantapa || 6.120.9 ||
upekṣase ca vaidehīṃ mānuṣaḥ pākṛto yathā || 6.120.10 ||
ityukto lokapālaistaiḥ svāmī lokasya rāghavaḥ |abravītridaśaśreṣṭhān rāmo dharmabhṛtāṃ varaḥ || 6.120.11 ||
ātmānaṃ mānuṣaṃ manye rāmaṃ daśarathātmajam |yo 'haṃ yasya yataścāhaṃ bhagavāṃstad bravītu me || 6.120.12 ||
iti bruvantaṃ kākutsthaṃ brahmā brahmavidāṃ varaḥ |abravīcchṛṇu me rāma satyaṃ satyaparākrama || 6.120.13 ||
bhavānnārāyaṇo devaḥ śrīmāṃścakrāyudho vibhuḥ |ekaśṛṅgo varāhastvaṃ bhūtabhavyasapatnajit || 6.120.14 ||
akṣaraṃ brahma satyaṃ ca madhye cānte ca rāghava |lokānāṃ tvaṃ paro dharmo viṣvaksenaścaturbhujaḥ || 6.120.15 ||
śārṅgadhanvā hṛṣīkeśaḥ puruṣaḥ puruṣottamaḥ |ajitaḥ khaḍgadhṛdviṣṇuḥ kṛṣṇaścaiva bṛhadbalaḥ || 6.120.16 ||
senānīrgrāmaṇīśca tvaṃ buddhiḥ sattvaṃ kṣamā damaḥ |prabhavaścāpyayaśca tvamupendro madhusūdanaḥ || 6.120.17 ||
indrakarmā mahendrastvaṃ padmanābho raṇāntakṛt |śaraṇyaṃ śaraṇaṃ ca tvāmāhurdivyā maharṣayaḥ || 6.120.18 ||
sahasraśṛṅgo vedātmā śatajihvo maharṣabhaḥ || 6.120.19 ||
tvaṃ trayāṇāṃ hi lokānāmādikartā svayamprabhuḥ |siddhānāmapi sādhyānāmāśrayaścāsi pūrvajaḥ || 6.120.20 ||
tvaṃ yajñastvaṃ vaṣaṭkārastvamoṅkāraḥ parantapaḥ |prabhavaṃ nidhanaṃ vā te na viduḥ ko bhavāniti || 6.120.21 ||
dṛśyase sarvabhūteṣu brāhmaṇeṣu ca goṣu ca |dikṣu sarvāsu gagane parvateṣu vaneṣu ca || 6.120.22 ||
sahasracaraṇaḥ śrīmān śataśīrṣaḥ sahasradṛk |tvaṃ dhārayasi bhūtāni vasudhāṃ ca saparvatām || 6.120.23 ||
ante pṛthivyāḥ salile dṛśyase tvaṃ mahoragaḥ |trīllo~kān dhārayan rāma devagandharvadānavān || 6.120.24 ||
ahaṃ te hṛdayaṃ rāma jihvā devī sarasvatī |devā gātreṣu romāṇi nirmitā brahmaṇaḥ prabho || 6.120.25 ||
nimeṣaste bhavedrātrirunmeṣaste bhaveddivā |saṃskārāste 'bhavan vedā na tadasti tvayā vinā || 6.120.26 ||
jagat sarvaṃ śarīraṃ te sthairyaṃ te vasudhātalam |agniḥ kopaḥ prasādaste somaḥ śrīvatsalakṣaṇaḥ || 6.120.27 ||
tvayā lokāstrayaḥ krāntāḥ purāṇe vikramaistribhiḥ |mahendraśca kṛto rājā baliṃ baddhvā mahāsuram || 6.120.28 ||
sītā lakṣmīrbhavān viṣṇurdevaḥ kṛṣṇaḥ prajāpatiḥ |vadhārthaṃ rāvaṇasyeha praviṣṭo mānuṣīṃ tanum || 6.120.29 ||
tadidaṃ naḥ kṛtaṃ kāryaṃ tvayā dharmabhṛtāṃ vara |nihato rāvaṇo rāma prahṛṣṭo divamākrama || 6.120.30 ||
amoghaṃ balavīryaṃ te amoghaste parākramaḥ |amoghaṃ darśanaṃ rāma na ca moghaḥ stavastava || 6.120.31 ||
amoghāste bhaviṣyanti bhaktimantaśca ye narāḥ || 6.120.32 ||
ye tvāṃ devaṃ dhruvaṃ bhaktāḥ purāṇaṃ puruṣottamam |prāpnuvanti sadā kāmāniha loke paratra ca || 6.120.33 ||
imamārṣaṃ stavaṃ nityamitihāsaṃ purātanam |ye narāḥ kīrtayiṣyanti nāsti teṣāṃ parābhavaḥ || 6.120.34 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe viṃśatyuttaraśatatamaḥ sargaḥ || 120 ||
etacchrutvā śubhaṃ vākyaṃ pitāmahasamīritam |aṅkenādāya vaidehīmutpapāta vibhāvasuḥ || 6.121.1 ||
sa vidhūya citāṃ tāṃ tu vaidehīṃ havyavāhanaḥ |uttasthau mūrtimānāśu gṛhītvā janakātmajām || 6.121.2 ||
taruṇādityasaṅkāśāṃ taptakāñcanabhūṣaṇām |raktāmbaradharāṃ bālāṃ nīlakuñcitamūrdhajām || 6.121.3 ||
akliṣṭamālyābharaṇāṃ tathārūpāṃ manasvinīm |dadau rāmāya vaidehīmaṅke kṛtvā vibhāvasuḥ || 6.121.4 ||
abravīcca tadā rāmaṃ sākṣī lokasya pāvakaḥ || 6.121.5 ||
eṣā te rāma vaidehī pāpamasyāṃ na vidyate || 6.121.6 ||
naiva vācā na manasā nānudhyānānna cakṣuṣā |suvṛttā vṛttaśauṇḍīra na tvāmaticacāra ha || 6.121.7 ||
rāvaṇenāpanītaiṣā vīryotsiktena rakṣasā |tvayā virahitā dīnā vivaśā nirjanādvanāt || 6.121.8 ||
ruddhā cāntaḥpure guptā tvaccittā tvatparāyaṇā |rakṣitā rākṣasīsaṅghairvikṛtairghoradarśanaiḥ || 6.121.9 ||
pralobhyamānā vividhaṃ bhartsyamānā ca maithilī |nācintayata tadrakṣastvadgatenāntarātmanā || 6.121.10 ||
viśuddhabhāvāṃ niṣpāpāṃ patigṛhṇīṣva rāghava |na kiñcidabhidhātavyamahamājñāpayāmi te || 6.121.11 ||
tataḥ prītamanā rāmaḥ śrutvaitadvadatāṃ varaḥ |dadhyau muhūrtaṃ dharmātmā bāṣpavyākulalocanaḥ || 6.121.12 ||
evamukto mahātejā dyutimān dṛḍhavikramaḥ |abravīt tridaśaśreṣṭhaṃ rāmo dharmabhṛtāṃ varaḥ || 6.121.13 ||
avaśyaṃ triṣu lokeṣu na sītā pāpamarhati |dīrghakāloṣitā hīyaṃ rāvaṇāntaḥpure śubhā || 6.121.14 ||
bāliśaḥ khalu kāmātmā rāmo daśarathātmajaḥ |iti vakṣyanti māṃ santo jānakīmaviśodhya hi || 6.121.15 ||
ananyahṛdayāṃ bhaktāṃ maccittaparivartinīm |ahamapyavagacchāmi maithilīṃ janakātmajām || 6.121.16 ||
pratyayārthaṃ tu lokānāṃ trayāṇāṃ satyasaṃśrayaḥ |upekṣe cāpi vaidehīṃ praviśantīṃ hutāśanam || 6.121.17 ||
imāmapi viśālākṣīṃ rakṣitāṃ svena tejasā |rāvaṇo nātivarteta velāmiva mahodadhiḥ || 6.121.18 ||
na hi śaktaḥ sa duṣṭātmā manasā 'pi hi maithilīm |pradharṣayitumaprāptāṃ dīptāmagniśikhāmiva || 6.121.19 ||
neyamarhati caiśvaryaṃ rāvaṇāntaḥpure śubhā |ananyā hi mayā sītā bhāskareṇa prabhā yathā || 6.121.20 ||
viśuddhā triṣu lokeṣu maithilī janakātmajā |na hi hātumiyaṃ śakyā kīrtirātmavatā yathā || 6.121.21 ||
avaśyaṃ tu mayā kāryaṃ sarveṣāṃ vo vacaḥ śubham |snigdhānāṃ lokamānyānāmevaṃ ca bruvatāṃ hitam || 6.121.22 ||
itīdamuktvā viditaṃ mahābalaiḥ praśasyamānaḥ svakṛtena karmaṇā |sametya rāmaḥ priyayā mahābalaḥ sukhaṃ sukhārho 'nubabhūva rāghavaḥ || 6.121.23 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ekaviṃśatyuttaraśatatamaḥ sargaḥ || 121 ||
etacchrutvā śubhaṃ vākyaṃ rāghaveṇa subhāṣitam |idaṃ śubhataraṃ vākyaṃ vyājahāra maheśvaraḥ || 6.122.1 ||
puṣkarākṣa mahābāho mahāvakṣaḥ parantapa |diṣṭyā kṛtamidaṃ karma tvayā śastrabhṛtāṃ vara || 6.122.2 ||
diṣṭyā sarvasya lokasya pravṛddhaṃ dāruṇaṃ tamaḥ |apāvṛttaṃ tvayā saṅkhye rāma rāvaṇajaṃ bhayam || 6.122.3 ||
āśvāsya bharataṃ dīnaṃ kausalyāṃ ca yaśasvinīm |kaikeyīṃ ca sumitrāṃ ca dṛṣṭvā lakṣmaṇamātaram || 6.122.4 ||
prāpya rājyamayodhyāyāṃ nandayitvā suhṛjjanam |ikṣvākūṇāṃ kule vaṃśaṃ sthāpayitvā mahābala || 6.122.5 ||
iṣṭvā turagamedhena prāpya cānuttamaṃ yaśaḥ |brāhmaṇebhyo dhanaṃ dattvā tridivaṃ gantumarhasi || 6.122.6 ||
eṣa rājā vimānasthaḥ pitā daśarathastava |kākutstha mānuṣe loke gurustava mahāyaśāḥ || 6.122.7 ||
indralokaṃ gataḥ śrīmāṃstvayā putreṇa tāritaḥ |lakṣmaṇena saha bhrātrā tvamenamabhivādaya || 6.122.8 ||
mahādevavacaḥ śrutvā kākutsthaḥ sahalakṣmaṇaḥ |vimānaśikharasthasya praṇāmamakarot pituḥ || 6.122.9 ||
dīpyamānaṃ svayā lakṣmyā virajombaradhāriṇam |lakṣmaṇena saha bhrātrā dadarśa pitaraṃ vibhuḥ || 6.122.10 ||
harṣeṇa mahatā ' 'viṣṭo vimānastho mahīpatiḥ |prāṇaiḥ priyataraṃ dṛṣṭvā putraṃ daśarathastadā || 6.122.11 ||
āropyāṅkaṃ mahābāhurvarāsanagataḥ prabhuḥ |bāhubhyāṃ sampariṣvajya tato vākyaṃ samādade || 6.122.12 ||
na me svargo bahumataḥ sammānaśca surarṣibhiḥ |tvayā rāma vihīnasya satyaṃ pratiśṛṇomi te || 6.122.13 ||
adya tvāṃ nihatāmitraṃ dṛṣṭvā sampūrṇamānasam |nistīrṇavanavāsaṃ ca prītirāsīt parā mama || 6.122.14 ||
kaikeyyā yāni coktāni vākyāni vadatāṃ vara |tava pravājanārthāni sthitāni hṛdaye mama || 6.122.15 ||
tvāṃ tu dṛṣṭvā kuśalinaṃ pariṣvajya salakṣmaṇam |adya duḥkhādvimukto 'smi nīhārādiva bhāskaraḥ || 6.122.16 ||
tārito 'haṃ tvayā putra suputreṇa mahātmanā |aṣṭāvakreṇa dharmātmā tārito brāhmaṇo yathā || 6.122.17 ||
idānīṃ tu vijānāmi yathā saumya sureśvaraiḥ |vadhārthaṃ rāvaṇasyedaṃ vihitaṃ puruṣottama || 6.122.18 ||
siddhārthā khalu kausalyā yā tvāṃ rāma gṛhaṃ gatam |vanānnivṛttaṃ saṃhṛṣṭā drakṣyatyariniṣūdana || 6.122.19 ||
siddhārthāḥ khalu te rāma narā ye tvāṃ purīṃ gatam |jalārdramabhiṣiktaṃ ca drakṣyanti vasudhādhipam || 6.122.20 ||
anuraktena balinā śucinā dharmacāriṇā |icchāmi tvāmahaṃ draṣṭuṃ bharatena samāgatam || 6.122.21 ||
caturdaśa samāḥ saumya vane niryāpitāstvayā |vasatā sītayā sārdhaṃ lakṣmaṇena ca dhīmatā || 6.122.22 ||
nivṛttavanavāso 'si pratijñā saphalā kṛtā |rāvaṇaṃ ca raṇe hatvā devāste paritoṣitāḥ || 6.122.23 ||
kṛtaṃ karma yaśaḥ ślādhyaṃ prāptaṃ te śatrusūdana |bhrātṛbhiḥ saha rājyastho dīrghamāyuravāpnuhi |iti bruvāṇaṃ rājānaṃ rāmaḥ prāñjalirabravīt || 6.122.24 ||
kuru prasādaṃ dharmajña kaikeyyā bharatasya ca |saputrāṃ tvāṃ tyajāmīti yaduktā kaikayī tvayā || 6.122.25 ||
sa śāpaḥ kekayīṃ ghoraḥ saputrāṃ na spṛśet prabho || 6.122.26 ||
sa tatheti mahārājo rāmamuktvā kṛtāñjalim |lakṣmaṇaṃ ca pariṣvajya punarvākyamuvāca ha || 6.122.27 ||
rāmaṃ śuśrūṣatā bhaktyā vaidehyā saha sītayā |kṛtā mama mahāprītiḥ prāptaṃ dharmaphalaṃ ca te || 6.122.28 ||
dharmaṃ prāpsyasi dharmajña yaśaśca vipulaṃ bhuvi |rāme prasanne svargaṃ ca mahimānaṃ tathaiva ca || 6.122.29 ||
rāmaṃ śuśrūṣa bhadraṃ te sumitrānandavardhana |rāmaḥ sarvasya lokasya śubheṣvabhirataḥ sadā || 6.122.30 ||
ete sendrāstrayo lokāḥ siddhāśca paramarṣayaḥ |abhigamya mahātmānamarcanti puruṣottamam || 6.122.31 ||
etattaduktamavyaktamakṣaraṃ brahmanirmitam |devānāṃ hṛdayaṃ saumya guhyaṃ rāmaḥ parantapaḥ || 6.122.32 ||
avāptaṃ dharmacaraṇaṃ yaśaśca vipulaṃ tvayā |rāmaṃ śuśrūṣatā bhaktyā vaidehyā saha sītayā || 6.122.33 ||
sa tathoktvā mahābāhurlakṣmaṇaṃ prāñjaliṃ sthitam |uvāca rājā dharmātmā vaidehīṃ vacanaṃ śubham || 6.122.34 ||
kartavyo na tu vaidehi manyustyāgamimaṃ prati |rāmema tvadviśuddhyarthaṃ kṛtametaddhitaiṣiṇā || 6.122.35 ||
na tvaṃ subhru samādheyā patiśuśrūṣaṇaṃ prati |avaśyaṃ tu mayā vācyameṣa te daivataṃ param || 6.122.36 ||
iti pratisamādiśya putrau sītāṃ tathā snuṣām |indralokaṃ vimānena yayau daśaratho jvalan || 6.122.37 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe dvāviṃśatyuttaraśatatamaḥ sargaḥ || 122 ||
pratiprayāte kākutsthe mahendraḥ pākaśāsanaḥ |abravīt paramaprīto rāghavaṃ prāñjaliṃ sthitam || 6.123.1 ||
amoghaṃ darśanaṃ rāma tavāsmākaṃ parantapa |prītiyuktāḥ sma tena tvaṃ brūhi yanmanasecchasi || 6.123.2 ||
evamuktastu kākutsthaḥ pratyuvāca kṛtāñjaliḥ |lakṣmaṇena saha bhrātrā sītayā saha bhāryayā || 6.123.3 ||
yadi prītiḥ samutpannāmayi sarvasureśvara |vakṣyāmi kuru te satyaṃ vacanaṃ vadatāṃ vara || 6.123.4 ||
mama hetoḥ parākrāntā ye gatā yamasādanam |te sarve jivitaṃ prāpya samuttiṣṭhantu vānarāḥ || 6.123.5 ||
matkṛte viprayuktā ye putrairdāraiśca vānarāḥ |matpriyeṣvabhiyuktāśca na mṛtyuṃ gaṇayanti ca || 6.123.6 ||
tvatprasādāt sameyuste varametadahaṃ vṛṇe || 6.123.7 ||
nīrujo nirvraṇāṃścaiva sampannabalapauruṣān |golāṅgūlāṃstathaivarkṣān draṣṭumicchāmi mānada || 6.123.8 ||
akāle cāpi mukhyāni mūlāni ca phalāni ca |nadyaśca vimalāstatra tiṣṭheyuryatra vānarāḥ || 6.123.9 ||
śrutvā tu vacanaṃ tasya rāghavasya mahātmanaḥ |mahendraḥ pratyuvācedaṃ vacanaṃ prītilakṣaṇam || 6.123.10 ||
mahānayaṃ varastāta tvayokto raghunandana |dvirmayā noktapūrvaṃ hi tasmādetadbhaviṣyati || 6.123.11 ||
samutthāsyanti harayo ye hatā yudhi rākṣasaiḥ |ṛkṣāśca sahagopucchā nikṛttānanabāhavaḥ |nīrujo nirvraṇāścaiva sampannabalapauruṣāḥ || 6.123.12 ||
samutthāsyanti harayaḥ suptā nidrākṣaye yathā |suhṛdbhirbāndhavaiścaiva jñātibhiḥ svajanairapi |sarva eva sameṣyanti saṃyuktāḥ parayā mudā || 6.123.13 ||
akāle puṣpaśabalāḥ phalavantaśca pādapāḥ |bhaviṣyanti maheṣvāsa nadyaśca salilāyutāḥ || 6.123.14 ||
savraṇaiḥ prathamaṃ gātraiḥ saṃvṛttairnirvraṇaiḥ punaḥ || 6.123.15 ||ca salilāyutāḥ || 6.123.14 ||
tataḥ samutthitāḥ sarve suptveva haripuṅgavāḥ |babhūvurvānarāḥ sarve kimetaditi vismitāḥ || 6.123.16 ||
te sarve vānarāstasmai rāghavāyābhyavādayan || 6.123.17 ||
kākutsthaṃ paripūrṇārthaṃ dṛṣṭvā sarve surottamāḥ |ūcuste prathamaṃ stutvā stavārhaṃ sahalakṣmaṇam || 6.123.18 ||
gacchāyodhyāmito vīra visarjaya ca vānarān || 6.123.19 ||
maithilīṃ sāntvayasvaināmanuraktāṃ tapasvinīm |śatrughnaṃ ca mahātmānaṃ māta'ḥ sarvāḥ parantapa || 6.123.20 ||
bhrātaraṃ paśya bharataṃ tvacchokādvratadhāriṇam |abhiṣecaya cātmānaṃ paurān gatvā praharṣaya || 6.123.21 ||
evamuktvā tamāmantrya rāmaṃ saumitriṇā saha |vimānaiḥ sūryasaṅkāśairhṛṣṭā jagmuḥ surā divam || 6.123.22 ||
abhivādya ca kākutsthaḥ sarvāṃstāṃstridaśottamān |lakṣmaṇena saha bhrātrā vāsamājñāpayattadā || 6.123.23 ||
tatastu sā lakṣmaṇarāmapālitā mahācamūrhṛṣṭajanā yaśasvinī |śriyā jvalantī virarāja sarvato niśā praṇīteva hi śītaraśminā || 6.123.24 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe trayoviṃśatyuttaraśatatamaḥ sargaḥ || 123 ||
tāṃ rātrimuṣitaṃ rāmaṃ sukhotthitamarindamam |abravīt prāñjalirvākyaṃ jayaṃ pṛṣṭvā vibhīṣaṇaḥ || 6.124.1 ||
snānāni cāṅgarāgāṇi vastrāṇyābharaṇāni ca |candanāni ca divyāni mālyāni vividhāni ca || 6.124.2 ||
alaṅkāravidaścemā nāryaḥ padmanibhekṣaṇāḥ |upasthitāstvāṃ vidhivat snāpayiṣyanti rāghava |pratigṛhṇīṣva tat sarvaṃ madanugrahakāmyayā || 6.124.3 ||
evamuktastu kākutsthaḥ pratyuvāca vibhīṣamam || 6.124.4 ||āṃ vidhivat snāpayiṣyanti rāghava |harīn sugrīvamukhyāṃstvaṃ snānenābhinimantraya || 6.124.5 ||idhivat snāpayiṣyanti rāghava |sa tu tāmyati dharmātmā mama hetoḥ sukhocitaḥ |sukumāro mahābāhuḥ kumāraḥ satyasaṃśravaḥ || 6.124.6 ||
taṃ vinā kekayīputraṃ bharataṃ dharmacāriṇam |na me snānaṃ bahumataṃ vastrāṇyābharaṇāni ca || 6.124.7 ||
ita eva pathā kṣipraṃ pratigacchāmi tāṃ purīm |ayodhyāmāgato hyeṣa panthāḥ paramadurgamaḥ || 6.124.8 ||
evamuktastu kākutsthaṃ pratyuvāca vibhīṣaṇaḥ || 6.124.9 ||
ahnā tvāṃ prāpayiṣyāmi tāṃ purīṃ pārthivātmaja |puṣpakaṃ nāma bhadraṃ te vimānaṃ sūryasannibham || 6.124.10 ||
mama bhrātuḥ kuberasya rāvaṇenāhṛtaṃ balāt |hṛtaṃ nirjitya saṅgrāme kāmagaṃ divyamuttamam || 6.124.11 ||
tvadarthe pālitaṃ caitattiṣṭhatyatulavikrama |tadidaṃ meghasaṅkāśaṃ vimānamiha tiṣṭhati || 6.124.12 ||
tena yāsyasi yānena tvamayodhyāṃ gatajvaraḥ || 6.124.13 ||
ahaṃ te yadyanugrāhyo yadi smarasi me guṇān || 6.124.14 ||
vasa tāvadiha prājña yadyasti mayi sauhṛdabh |lakṣmaṇena saha bhrātrā vaidehyā cāpi bhāryayā || 6.124.15 ||
arcitaḥ sarvakāmaistvaṃ tato rāma gamiṣyasi |prītiyuktasya me rāma sasainyaḥ sasuhṛdgaṇaḥ || 6.124.16 ||
satkriyāṃ vihitāṃ tāvadgṛhāṇa tvaṃ mayodyatām |praṇayādvahumānācca sauhṛdena ca rāghava |prasādayāmi preṣyo 'haṃ na khalvājñāpayāmi te || 6.124.17 ||
evamuktastato rāmaḥ pratyuvāca vibhiṣaṇam |rakṣasāṃ vānarāṇāṃ ca sarveṣāṃ copaśṛṇvatām || 6.124.18 ||
pūjito 'haṃ tvayā saumya sācivyena parantapa |sarvātmanā ca ceṣṭābhiḥ sauhṛdenottamena ca || 6.124.19 ||
na khalvetanna kuryāṃ te vacanaṃ rākṣaseśvara |taṃ tu me bhrātaraṃ draṣṭuṃ bharataṃ tvarate manaḥ |māṃ nivartayituṃ yo 'sau citrakūṭamupāgataḥ || 6.124.20 ||
śirasā yācato yasya vacanaṃ na kṛtaṃ mayā || 6.124.21 ||tu me bhrātaraṃ draṣṭuṃ bharataṃ tvarate manaḥ |kausalyāṃ ca sumitrāṃ ca kaikeyīṃ ca yaśasvinīm |gurūṃśca suhṛdaścaiva paurāṃśca tanayaiḥ saha || 6.124.22 ||
upasthāpaya me kṣipraṃ vimānaṃ rākṣaseśvara |kṛtakāryasya me vāsaḥ kathaṃ syādiha sammataḥ || 6.124.23 ||
anujānīhi māṃ saumya pūjito 'smi vibhīṣaṇa |manyurna khalu kartavyastvaritaṃ tvā 'numānaye || 6.124.24 ||
rāghavasya vacaḥ śrutvā rākṣasendro vibhīṣaṇaḥ |taṃ vimānaṃ samādāya tūrṇaṃ pratinivartata || 6.124.25 ||
tataḥ kāñcanacitrāṅgaṃ vaiḍūryamayavedikam |kūṭāgāraiḥ parikṣiptaṃ sarvato rajataprabham || 6.124.26 ||
pāṇḍurābhiḥ patākābhirdhvajaiśca samalaṅkṛtam |śobhitaṃ kāñcanairharmyairhemapadmavibhūṣitam || 6.124.27 ||
prakīrṇaṃ kiṅkiṇījālairmuktāmaṇigavākṣitam |ghaṇṭājālaiḥ parikṣiptaṃ sarvato madhurasvanam || 6.124.28 ||
yanmeruśikharākāraṃ nirmitaṃ viśvakarmaṇā |bahubhirbhūṣitaṃ harmyairmuktārajatasannibhaiḥ || 6.124.29 ||
talaiḥ sphāṭikacitrāṅgairvaiḍūryaiśca varāsanaiḥ |mahārhāstaraṇo petairupapannaṃ mahādhanaiḥ || 6.124.30 ||upasthitamanādhṛṣyaṃ tadvimānaṃ manojavam |nivedayitvā rāmāya tasthau tatra vibhīṣaṇaḥ || 6.124.31 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe caturviṃśatyuttaraśatatamaḥ sargaḥ || 124 ||
upasthitaṃ tu taṃ dṛṣṭvā puṣpakaṃ puṣpabhūṣitam |avidūrasthito rāmaṃ pratyuvāca vibhīṣaṇaḥ || 6.125.1 ||
sa tu baddhāñjaliḥ prahvo vinīto rākṣaseśvaraḥ |abravīttvarayopetaḥ kiṃ karomīti rāghavam || 6.125.2 ||
tamabravīnmahātejā lakṣmaṇasyopaśṛṇvataḥ |vimṛśya rāghavo vākyamidaṃ snehapuraskṛtam || 6.125.3 ||
kṛtaprayatnakarmāṇo vibhīṣaṇa vanaukasaḥ |ratnairarthaiśca vividhairbhūṣaṇaiścāpi pūjaya || 6.125.4 ||
sahaibhirajitā laṅkā nirjitā rākṣaseśvara |hṛṣṭaiḥ prāṇabhayaṃ tyaktvā saṅgrāmeṣvanivartibhiḥ || 6.125.5 ||
ta ime kṛtakarmāṇaḥ pūjyantāṃ sarvavānarāḥ || 6.125.6 ||
dhanaratnapradānena karmaiṣāṃ saphalaṃ kuru || 6.125.7 ||
eva sammānitāścaite mānārhā mānada tvayā |bhaviṣyanti kṛtajñena nirvṛtā hariyūthapāḥ || 6.125.8 ||
tyāginaṃ saṅgrahītāraṃ sānukrośaṃ yaśasvinam |sarve tvāmavagacchanti tataḥ sambodhayāmyaham || 6.125.9 ||
hīnaṃ ratiguṇaiḥ sarvairabhihantāramāhave |tyajanti nṛpatiṃ sainyāḥ saṃvignāstaṃ nareśvaram || 6.125.10 ||
evamuktastu rāmeṇa vānarāṃstān vibhīṣaṇaḥ |ratnārthaiḥ saṃvibhāgena sarvānevābhyapūjayat || 6.125.11 ||
tatastān pūjitān dṛṣṭvā ratnairarthaiśca yūthapān |āruroha tato rāmastadvimānamanuttamam || 6.125.12 ||
aṅkenādāya vaidehīṃ lajjamānāṃ yaśasvinīm |lakṣmaṇena saha bhrātrā vikrāntena dhanuṣmatā || 6.125.13 ||
abravīcca vimānasthaḥ pūjayan sarvavānarān |sugrīvaṃ ca mahāvīryaṃ kākutsthaḥ savibhīṣaṇam || 6.125.14 ||
mitrakāryaṃ kṛtamidaṃ bhavadbhirvānarottamāḥ |anujñātā mayā sarve yatheṣṭaṃ pratigacchata || 6.125.15 ||
yattu kāryaṃ vayasyena suhṛdā vā parantapa |kṛtaṃ sugrīva tat sarvaṃ bhavatā 'dharma bhīruṇā || 6.125.16 ||
viṣkindhāṃ pratiyāhyāśu svasainyenābhisaṃvṛtaḥ || 6.125.17 ||
svarājye vasa laṅkāyāṃ mayā datte vibhīṣaṇa |na tvāṃ dharṣayituṃ śaktāḥ sendrā api divaukasaḥ || 6.125.18 ||
ayodhyāṃ pratiyāsyāmi rājadhānīṃ piturmama |abhyanujñātumicchāmi sarvāṃścāmantrayāmi vaḥ || 6.125.19 ||
evamuktāstu rāmeṇa vānarāste mahābalāḥ |ūcuḥ prāñjalayo rāmaṃ rākṣasaśca vibhīṣaṇaḥ || 6.125.20 ||
ayodhyāṃ gantumicchāmaḥ sarvānnayatu no bhavān |udyuktā vicariṣyāmo vanāni nagarāṇi ca || 6.125.21 ||
dṛṣṭvā tvāmabhiṣekārdraṃ kausalyāmabhivādya ca |acireṇāgamiṣyāmaḥ svān gṛhān nṛpateḥ suta || 6.125.22 ||
evamuktastu dharmātmā vānaraiḥ savibhīṣaṇaiḥ |abravīdrāghavaḥ śrīmān sasugrīvavibhīṣaṇān || 6.125.23 ||
priyāt priyataraṃ labdhaṃ yadahaṃ sasuhṛjjanaḥ |sarvairbhavadbhiḥ sahitaḥ prītiṃ lapsye purīṃ gataḥ || 6.125.24 ||
kṣipramāroha sugrīva vimānaṃ vānarai saha |tvamadhyāroha sāmātyo rākṣasendra vibhīṣaṇa || 6.125.25 ||
tatastat puṣpakaṃ divyaṃ sugrīvaḥ saha senayā |adhyārohattvaran śīghraṃ sāmātyaśca vibhīṣaṇaḥ || 6.125.26 ||
teṣvārūḍheṣu sarveṣu kauberaṃ paramāsanam |rāghaveṇābhyanujñātamutpapāta vihāyasam || 6.125.27 ||
yayau tena vimānena haṃsayuktena bhāsvatā |prahṛṣṭaśca pratītaśca babhau rāmaḥ kuberavat || 6.125.28 ||
te sarve vānarā hṛṣṭā rākṣasāśca mahābalāḥ |yathāsukhamasambādhaṃ divye tasminnupāviśan || 6.125.29 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe pañcaviṃśatyuttaraśatatamaḥ sargaḥ || 125 ||
anujñātaṃstu rāmeṇa tadvimānamanuttamam |utpapāta mahāmeghaḥ śvasanenoddhato yathā || 6.126.1 ||
pātayitvā tataścakṣuḥ sarvato raghunandanaḥ |abravīnmaithilīṃ sītāṃ rāmaḥ śaśinibhānanām || 6.126.2 ||
kailāsaśikharākāre trikūṭaśikhare sthitām |laṅkāmīkṣasva vaidehi nirmitāṃ viśvakarmaṇā || 6.126.3 ||
etadāyodhanaṃ paśya māṃsaśoṇitakardamam |harīṇāṃ rākṣasānāṃ ca sīte viśasanaṃ mahat || 6.126.4 ||
atra dattavaraḥ śete pramāthī rākṣaseśvaraḥ |tava hetorviśālākṣi rāvaṇo nihato mayā || 6.126.5 ||kumbhakarṇo 'tra nihataḥ prahastaśca niśācaraḥ |dhūmrākṣaścātra nihato vānareṇa hanūmatā || 6.126.6 ||
vidyunmālī hataścātra suṣeṇena mahātmanā || 6.126.7 ||
lakṣmaṇenendrajiccātra rāvaṇirnihato raṇe |aṅgadenātra nihato vikaṭo nāma rākṣasaḥ || 6.126.8 ||
virūpākṣaśca durdharṣo mahāpārśvamahodarau |akampanaśca nihato balino 'nye ca rākṣasāḥ || 6.126.9 ||
atra maṇḍodarī nāma bhāryā taṃ paryadevayat |sapatnīnāṃ sahasreṇa sāsreṇa parivāritā || 6.126.10 ||
etattu dṛśyate tīrthaṃ samudrasya varānane |yatra sāgaramuttīrya tāṃ rātrimuṣitā vayam || 6.126.11 ||
eṣa seturmayā baddhaḥ sāgare salilārṇave |tava hetorviśālākṣi nalasetuḥ suduṣkaraḥ || 6.126.12 ||
paśya sāgaramakṣobhyaṃ vaidehi varuṇālayam |apāramabhigarjantaṃ śaṅkhaśuktiniṣevitam || 6.126.13 ||
hiraṇyanābhaṃ śailendraṃ kāñcanaṃ paśya maithili |viśramārthaṃ hanumato bhittvā sāgaramutthitam || 6.126.14 ||
etat kukṣau samudrasya skandhāvāraniveśanam || 6.126.15 ||
etattu dṛśyate tīrthaṃ sāgarasya mahātmanaḥ |setubandha iti khyātaṃ trailokyenābhipūjitam |etat pavitraṃ paramaṃ mahāpātakanāśanam || 6.126.16 ||
atra pūrvaṃ mahādevaḥ prasādamakarot prabhuḥ || 6.126.17 ||i khyātaṃ trailokyenābhipūjitam |atra rākṣasarājo 'yamājagāma vibhīṣaṇaḥ || 6.126.18 ||17 ||i khyātaṃ trailokyenābhipūjitam |eṣā sā dṛśyate sīte kiṣkindhā citrakānanā |sugrīvasya purī ramyā yatra vālī mayā hataḥ || 6.126.19 ||
atha dṛṣṭvā purīṃ sītā kiṣkindhāṃ vālipālitām |abravīt praśritaṃ vākyaṃ rāmaṃ praṇayasādhvasā || 6.126.20 ||
sugrīvapriyabhāryābhistārāpramukhato nṛpa |anyeṣāṃ vānarendrāṇāṃ strībhiḥ parivṛtā hyaham |gantumicche sahāyodhyāṃ rājadhānīṃ tvayā 'nagha || 6.126.21 ||
evamukto 'tha vaidehyā rāghavaḥ pratyuvāca tām |evamastviti kiṣkindhāṃ prāpya saṃsthāpya rāghavaḥ |vimānaṃ prekṣya sugrīvaṃ vākyametaduvāca ha || 6.126.22 ||
brūhi vānaraśārdūla sarvān vānarapuṅgavān |svadārasahitāḥ sarve hyayodhyāṃ yāntu sītayā || 6.126.23 ||
tathā tvamapi sarvābhiḥ strībhiḥ saha mahābala |abhitvarasva sugrīva gacchāmaḥ plavageśvara || 6.126.24 ||
evamuktastu sugrīvo rāmeṇāmitatejasā |vānarādhipatiḥ śrīmāṃstaiśca sarvaiḥ samāvṛtaḥ || 6.126.25 ||
praviśyāntaḥpuraṃ śīghraṃ tārāmudvīkṣya bhāṣata || 6.126.26 ||
priye tvaṃ saha nārībhirvānarāṇāṃ mahātmanām |rāghaveṇābhyanujñātā maithilīpriyakāmyayā || 6.126.27 ||
tvara tvamabhigacchāmo gṛhya vānarayoṣitaḥ |ayodhyāṃ darśayiṣyāmaḥ sarvā daśarathastriyaḥ || 6.126.28 ||
sugrīvasya vacaḥ śrutvā tārā sarvāṅgaśobhanā |āhūya cābravīt sarvā vānarāṇāṃ tu yoṣitaḥ || 6.126.29 ||
sugrīveṇābhyanujñātā gantuṃ sarvaiśca vānaraiḥ ||
mama cāpi priyaṃ kāryamayodhyādarśanena ca || 6.126.30 ||
praveśaṃ cāpi rāmasya paurajānapadaiḥ saha |vibhūtiṃ caiva sarvāsāṃ strīṇāṃ daśarathasya ca || 6.126.31 ||
tārayā cābhyanujñātāḥ sarvā vānarayoṣitaḥ |nepathyaṃ vidhipūrveṇa kṛtvā cāpi pradakṣiṇam |adhyārohan vimānaṃ tat sītādarśanakāṅkṣayā || 6.126.32 ||
tābhiḥ sahotthitaṃ śīghraṃ vimānaṃ prekṣya rāghavaḥ |ṛśyamūkasamīpe tu vaidehīṃ punarabravīt || 6.126.33 ||
dṛśyate 'sau mahān sīte savidyudiva toyadaḥ |ṛśyamūko giriśreṣṭhaḥ kāñcanairdhātubhirvṛtaḥ || 6.126.34 ||
atrāhaṃ vānarendreṇa sugrīveṇa samāgataḥ |samayaśca kṛtaḥ sīte vadhārthaṃ vālino mayā || 6.126.35 ||
eṣā sā dṛśyate pampā nalinī citrakānanā |tvayā vihīno yatrāhaṃ vilalāpa suduḥkhitaḥ |asyāstīre mayā dṛṣṭā śabarī dharmacāriṇī || 6.126.36 ||
atra yojanabāhuśca kabandho nihato mayā || 6.126.37 ||vihīno yatrāhaṃ vilalāpa suduḥkhitaḥ |dṛśyate ca janasthāne sīte śrīmān vanaspatiḥ |yatra yuddhaṃ mahadvṛttaṃ tava hetorvilāsini |rāvaṇasya nṛśaṃsasya jaṭāyośca mahātmanaḥ || 6.126.38 ||
kharaśca nihato yatra dūṣaṇaśca nipātitaḥ |triśirāśca mahāvīryo mayā bāṇairajihmagaiḥ |etattadāśramapadamasmākaṃ varavarṇini || 6.126.39 ||
parṇaśālā tathā citrā dṛśyate śubhadarśanā |yatra tvaṃ rākṣasendreṇa rāvaṇena hṛtā balāt || 6.126.40 ||
eṣā godāvarī ramyā prasannasalilā śivā |agastyasyāśramo hyeṣa dṛśyate paśya maithili || 6.126.41 ||
dīptaścaivāśramo hyeṣa sutīkṣṇasya mahātmanaḥ || 6.126.42 ||
vaidehi dṛśyate cātra śarabhaṅgāśramo mahān |upayātaḥ sahasrākṣo yatra śakraḥ purandaraḥ || 6.126.43 ||
asmin deśe mahākāyo virādho nihato mayā || 6.126.44 ||
ete hi tāpasāvāsā dṛśyante tanumadhyame |atriḥ kulapatiryatra sūryavaiśvānaprabhaḥ |atra sīte tvayā dṛṣṭā tāpasī dharmacāriṇī || 6.126.45 ||
asau sutanu śailendraścitrakūṭaḥ prakāśate |yatra māṃ kekayīputraḥ prasādayitumāgataḥ || 6.126.46 ||
eṣā sā yamunā dūrāddṛśyate citrakānanā || 6.126.47 ||
bharadvājāśramo yatra śrīmāneṣa prakāśate || 6.126.48 ||
eṣā tripathagā gaṅgā dṛśyate varavarṇini |nānādvijagaṇākīrṇā samprayuṣpitakānanā || 6.126.49 ||
śṛṅgiverapuraṃ caitad guho yatra samāgataḥ || 6.126.50 ||
eṣā sā dṛśyate sīte sarayūryūpamālinī |nānātaruśatākīrṇā samprapuṣpitakānanā || 6.126.51 ||
eṣā sā dṛśyate 'yodhyā rājadhānī piturmam |ayodhyāṃ kuru vaidehi praṇāmaṃ punarāgatā || 6.126.52 ||
tataste vānarāḥ sarve rākṣasaśca vibhīṣaṇaḥ |utpatyotpatya dadṛśustāṃ purīṃ śubhadarśanām || 6.126.53 ||
tatastu tāṃ pāmḍuraharmyamālinīṃ viśālakakṣyāṃ gajavājisaṅkulām |purīmayodhyāṃ dadṛśuḥ plavaṅgamāḥ purīṃ mahendrasya yathā 'marāvatīm || 6.126.54 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣaḍviṃśatyuttaraśatatamaḥ sargaḥ || 126 ||
pūrṇe caturdaśe varṣe pañcamyāṃ lakṣmaṇāgrajaḥ |bharadvājaśramaṃ prāpya vavande niyato munim || 6.127.1 ||
so 'pṛcchadabhivādyainaṃ bharadvājaṃ tapodhanam |śṛṇoṣi kaccidbhagavan subhikṣānāmayaṃ pure |kaccicca yukto bharato jīvantyapi ca mātaraḥ || 6.127.2 ||
evamuktastu rāmeṇa bharadvājo mahāmuniḥ |pratyuvāca raghuśreṣṭhaṃ smitapūrvaṃ prahṛṣṭavat || 6.127.3 ||
paṅkadigdhastu bharato jaṭilastvāṃ pratīkṣate |pāduke te puraskṛtya sarvaṃ ca kuśalaṃ gṛhe || 6.127.4 ||
tvāṃ purā cīravasanaṃ praviśantaṃ mahāvanam |strītṛtīyaṃ cyutaṃ rājyāddharmakāmaṃ ca kevalam |padātiṃ tyaktasarvasvaṃ piturvacanakāriṇam || 6.127.5 ||
sarvabhogaiḥ parityaktaṃ svargacyutamivāmaram |dṛṣṭvā tu karuṇā pūrvaṃ mamāsīt samitiñjaya || 6.127.6 ||
kaikeyīvacane yuktaṃ vanyamūlaphalāśinam || 6.127.7 ||
sāmprataṃ susamṛddhārthaṃ samitragaṇabāndhavam |samīkṣya vijitāriṃ tvāṃ mama prītiranuttamā || 6.127.8 ||
sarvaṃ ca sukhaduḥkhaṃ te viditaṃ mama rāghava || 6.127.9 ||
yattvayā vipulaṃ prāptaṃ janasthānavadhādikam |brāhmaṇārthe niyuktasya rakṣituḥ sarvatāpasān || 6.127.10 ||
rāvaṇena hṛtā bhāryā babhūveyamaninditā |mārīcadarśanaṃ caiva sītonmathanameva ca || 6.127.11 ||
kabandhadarśanaṃ caiva pampābhigamanaṃ tathā |sugrīveṇa ca te sakhyaṃ yacca vālī hatastvayā || 6.127.12 ||
mārgaṇaṃ caiva vaidehyāḥ karma vātātmajasya ca |viditāyāṃ ca vaidehyāṃ nalaseturyathā kṛtaḥ || 6.127.13 ||
yathā vā dīpitā laṅkā prahṛṣṭairhariyūthapaiḥ |saputrabāndhavāmātyaḥ sabalaḥ sahavāhanaḥ || 6.127.14 ||
yathā vinihataḥ saṅkhye rāvaṇo devakamṭakaḥ |samāgamaśca tridaśairyathā dattaśca te varaḥ |sarvaṃ mamaitadviditaṃ tapasā dharmavatsala || 6.127.15 ||
ahamapyatra te dadmi varaṃ śastrabhṛtāṃ vara |ardhyamadya gṛhāṇedamayodhyāṃ śvo gamiṣyasi || 6.127.16 ||
tasya tacchirasā vākyaṃ pratigṛhya nṛpātmajaḥ |bāḍhamityeva saṃhṛṣṭo dhīmān varamayācata |akāle phalino vṛkṣāḥ sarve cāpi madhusravāḥ || 6.127.17 ||
phalānyamṛtakalpāni bahūni vividhāni ca |bhavantu mārge bhagavannayodhyāṃ prati gacchataḥ || 6.127.18 ||
tatheti ca pratijñāte vacanāt samanantaram |abhavan pādapāstatra svargapādapasannibhāḥ || 6.127.19 ||
niṣphalāḥ phalinaścāsan vipuṣpāḥ puṣpaśālinaḥ |śuṣkāḥ samagrapatrāste nagāścaiva madhusravāḥ || 6.127.20 ||
sarvato yojanāstisro gacchatāmabhavaṃstadā || 6.127.21 ||
tataḥ prahṛṣṭāḥ plavagarṣabhāste bahūni divyāni phalāni caiva |kāmādupāśnanti sahasraśaste mudā 'nvitāḥ svargajito yathaiva || 6.127.22 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe saptaviṃśatyuttaraśatatamaḥ sargaḥ || 127 ||
ayodhyāṃ tu samālokya cintayāmāsa rāghavaḥ |cintayitvā hanūmantamuvāca plavagottamam || 6.128.1 ||
jānīhi kaccit kuśalī jano nṛpatimandire || 6.128.2 ||
śṛṅgiberapuraṃ prāpya guhaṃ gahanagocaram |niṣādādhipatiṃ brūhi kuśalaṃ vacanānmama || 6.128.3 ||
śrutvā tu māṃ kuśalinamarogaṃ vigatajvaram |bhaviṣyati guhaḥ prītaḥ sa mamātmasamaḥ sakhā || 6.128.4 ||
ayodhyāyāśca te mārgaṃ pravṛttiṃ bharatasya ca |nivedayiṣyati prīto niṣādādhipatirguhaḥ || 6.128.5 ||
bharatastu tvayā vācyaḥ kuśalaṃ vacanānmama |siddhārthaṃ śaṃsa māṃ tasmai sabhāryaṃ sahalakṣmaṇam || 6.128.6 ||
haraṇaṃ cāpi vaidehyā rāvaṇena balīyasā || 6.128.7 ||
sugrīveṇa ca saṃsargaṃ vālinaśca vadhaṃ raṇe |maithilyanveṣaṇaṃ caiva yathā cādhigatā tvayā || 6.128.8 ||
laṅghayitvā mahātoyamāpagāpatimavyayam |upayānaṃ samudrasya sāgarasya ca darśanam || 6.128.9 ||
yathā ca kāritaḥ setū rāvaṇaśca yathā hataḥ |varadānaṃ mahendreṇa brahmaṇā varuṇena ca || 6.128.10 ||
mahādevaprasādācca pitrā mama samāgamam |upayātaṃ ca māṃ saumya bharatasya nivedaya || 6.128.11 ||
saha rākṣasarājena harīṇāṃ pravareṇa ca || 6.128.12 ||
etacchutvā yamākāraṃ bhajate bharatastadā |sa ca te veditavyaḥ syāt sarvaṃ yaccāpi māṃ prati || 6.128.13 ||
jitvā śatrugaṇān rāmaḥ prāpya cānuttamaṃ yaśaḥ |upayāti samṛddhārthaḥ saha mitrairmahābalaiḥ || 6.128.14 ||
jñeyāśca sarve vṛttāntā bharatasyeṅgitāni ca |tattvena mukhavarṇena dṛṣṭyā vyābhāṣaṇena ca || 6.128.15 ||
sarvakāmasamṛddhaṃ hi hastyaśvarathasaṅkulam |pitṛpaitāmahaṃ rājyaṃ kasya nāvartayenmanaḥ || 6.128.16 ||
saṅgatyā bharataḥ śrīmān rājyārthī cet svayaṃ bhavet |praśāstu vasudhāṃ kṛtsnāmakhilāṃ raghunandanaḥ || 6.128.17 ||
tasya buddhiṃ ca vijñāya vyavasāyaṃ ca vānara |yāvanna dūraṃ yātāḥ sma kṣipramāgantumarhasi || 6.128.18 ||
iti pratisamādiṣṭo hanumān mārutātmajaḥ |mānuṣaṃ dhārayan rūpamayodhyāṃ tvarito yayau || 6.128.19 ||
athotpapāta vegena hanumān mārutātmajaḥ |garutmāniva vegena jighṛkṣan bhujagottamam || 6.128.20 ||
laṅghayitvā pitṛpathaṃ bhujagendrālayaṃ śubham |gaṅgāyamunayormadhyaṃ sannipātamatītya ca |śṛṅgiberapuraṃ prāpya guhamāsādya vīryavān || 6.128.21 ||
sa vācā śubhayā hṛṣṭo hanumānidamabravīt || 6.128.22 ||unayormadhyaṃ sannipātamatītya ca |sakhā tu tava kākutstho rāmaḥ satyaparākramaḥ |sahasītaḥ sasaumitriḥ sa tvāṃ kuśalamabravīt || 6.128.23 ||
pañcamīmadya rajanīmuṣitvā vacanānmuneḥ |bharadvājābhyanujñātaṃ drakṣyasyadyaiva rāghavam || 6.128.24 ||
evamuktvā mahātejāḥ samprahṛṣṭatanūruhaḥ |utpapāta mahāvego vegavānavicārayan || 6.128.25 ||
so 'paśyadrāmatīrthaṃ ca nadīṃ vālukinīṃ tathā |gomatīṃ tāṃ ca so 'paśyadbhīmaṃ sālavanaṃ tathā |prajāśca bahusāhasrāḥ sphītān janapadānapi || 6.128.26 ||
sa gatvā dūramadhvānaṃ tvaritaḥ kapikuñjaraḥ |āsasāda drumān phullān nandigrāmasamīpagān || 6.128.27 ||
strībhiḥ saputrairvṛddhaiśca ramamāṇairalaṅkṛtān |surādhipasyopavane yathā caitrarathe drumān || 6.128.28 ||
krośamātre tvayodhyāyāścīrakṛṣṇājināmbaram |dadarśa bharataṃ dīnaṃ kṛśamāśramavāsinam || 6.128.29 ||
jaṭilaṃ maladigdhāṅgaṃ bhrātṛvyasanakarśitam |phalamūlāśinaṃ dāntaṃ tāpasaṃ dharmacāriṇam || 6.128.30 ||
samunnatajaṭābhāraṃ valkalājinavāsasam |niyataṃ bhāvitātmānaṃ brahmarṣisamatejasam || 6.128.31 ||
pāduke te puraskṛtya śāsantaṃ vai vasundharām |cāturvarṇyasya lokasya trātāraṃ sarvato bhayāt || 6.128.32 ||
upasthitamamātyaiśca śucibhiśca purohitaiḥ |balamukhyaiśca yuktaiśca kāṣāyāmbaradhāribhiḥ || 6.128.33 ||
na hi te rājaputraṃ taṃ cīrakṛṣṇājināmbaram |paribhoktuṃ vyavasyanti paurā vai dharmavatsalam || 6.128.34 ||
taṃ dharmamiva dharmajñaṃ dehavantamivāparam |uvāca prāñjalirvākyaṃ hanumān marutātmajaḥ || 6.128.35 ||
vasantaṃ daṇḍakāraṇye yaṃ tvaṃ cīrajaṭādharam |anuśocasi kākutsthaṃ sa tvāṃ kuśalamabravīt || 6.128.36 ||
priyamākhyāmi te deva śokaṃ tyaja sudāruṇam |asmin muhūrte bhrātrā tvaṃ rāmeṇa saha saṅgataḥ || 6.128.37 ||
nihatya rāvaṇaṃ rāmaḥ pratilabhya ca maithilīm |upayāti samṛddhārthaḥ saha mitrairmahābalaiḥ || 6.128.38 ||
lakṣmaṇaśca mahātejā vaidehī ca yaśasvinī |sītā samagrā rāmeṇa mahendreṇa yathā śacī || 6.128.39 ||
evamukto hanumatā bharato bhrātṛvatsalaḥ |papāta sahasā hṛṣṭo harṣānmohaṃ jagāma ha || 6.128.40 ||
tato muhūrtādutthāya pratyāśvasya ca rāghavaḥ |hanumantamuvācedaṃ bharataḥ priyavādinam || 6.128.41 ||
aśokajaiḥ prītimayaiḥ kapimāliṅgya sambhramāt |siṣeca bharataḥ śrīmān vipulairastrabindubhiḥ || 6.128.42 ||
devo vā mānuṣo vā tvamanukrośādihāgataḥ |priyākhyānasya te saumya dadāmi bruvataḥ priyam || 6.128.43 ||
gavāṃ śatasahasraṃ ca grāmāṇāṃ ca śataṃ param |sukuṇḍalāḥ śubhācārā bhāryāḥ kanyāśca ṣoḍaśa || 6.128.44 ||
hemavarṇāḥ sunāsorūḥ śaśisaumyānanāḥ striyaḥ |sarvābharaṇasampannāḥ sampannāḥ kulajātibhiḥ || 6.128.45 ||
niśamya rāmāgamanaṃ nṛpātmajaḥ kapipravīrasya tadadbhutopamam |praharṣito rāmadidṛkṣayā 'bhavat punaśca harṣādidamabravīdvacaḥ || 6.128.46 ||
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭāviṃśatyuttaraśatatamaḥ sargaḥ || 128 ||